ཟུང་དྲུང་ཤར་ཙོང་བསྟན་འཛིན་བདེ་ལྡན།
དེ་རིང་ང་ཚོས་སེམས་སྐྱོ་ཞིང་ཡི་མུག་པའི་ངང་ཞིང་གཤེགས་དམ་པ་སྐུ་ངོ་བསམ་འཕེལ་མཆོག་དགོང་ཞག་བཞི་བཅུ་ཞེ་དགུ་འཁོར་བའི་མཆོད་འབུལ་སྨོན་ལམ་དང་རྗེས་དྲན་ཚོགས་འདུ་ཚོགས་ཀྱི་ཡོད། དམ་པ་ཁོང་འདི་ལྟར་གློ་བུར་དུ་འཇིག་རྟེན་འདི་དང་ཞལ་གྱེས་པ་ནི་ང་ཚོ་བཙན་བྱོལ་བོད་མི་ཙམ་མ་ཟད། གངས་ཅན་ལྗོངས་ཡོངས་ཀྱི་གྱོང་གུན་ཚབས་ཆེན་ཞིག་ཡིན། འདིར་ང་ཚོ་ཡིད་སྐྱོ་ཞིང་སེམས་ཕངས།

དེ་ལས་མང་བ་། “ཞིང་གཤེགས་དམ་པ་སྐུ་ངོ་བསམ་འཕེལ་མཆོག་དགོང་ཞག་ཞེ་དགུ་འཁོར་བའི་མཆོད་འབུལ་སྨོན་ལམ་དང་བཀའ་དྲིན་རྗེས་དྲན་ཞུ་བ།” »

སྒང་པ་དགེ་ལེགས། 

མི་རིགས་ཤིག་གི་སྲོག་དབུགས་མཐུད་ཐུབ་པའི་སྟོབས་ཤུགས་ཆེ་ཤོས་སྐད་ཡིག་ཡིན་པ་ནི་མིའི་རིགས་ཀྱི་ལོ་རྒྱུས་ཀྱིས་བདེན་དཔང་བྱས་ཡོད། རེད་དེ་འཆི་གསོན་གྱི་བར་ནས་དབུགས་ཆད་མ་མཐུད་ཅིག་ལེན་བཞིན་པའི་མི་ཚོགས་འགའ་རེས་གནས་ལུགས་དེ་རྟོགས་མེད་པར་མ་ཟད་རང་གི་དབུགས་ཀྱི་རྒྱུ་བ་ཇེ་ཐུང་དུ་འགྲོ་བཞིན་པའང་ཚོར་གྱིན་མེེད། དེའི་དབང་གིས་རྩ་ཆེའི་སྐད་ཡིག་ལ་དེ་ཙམ་གྱི་རིན་ཐང་ཡང་འཇོག་གི་མེད། རང་རེའི་ཕྱི་སྡོད་བོད་མིའི་སྤྱི་ཚོགས་འགའ་ཞིག་ཀྱང་དེ་འདྲ་ཡིན་ཏེ། ཚོགས་པའི་བརྡ་ཁྱབ་དང་གསལ་བསྒྲག་སོགས་ལ་བོད་ཡིག་ཅིག་བཙལ་རྒྱུའི་དབང་དུ་བཏང་ན་ལས་ཤོག་གི་ཁ་བྱང་དང་ཡང་ན་ཚོགས་པའི་མིང་ཙམ་ལས་གཞན་མེད། ཐ་ན་བོད་པ་ཡིན་པའི་འབྲེལ་ཡོད་མི་སྣའི་མིང་དེ་དག་ཀྱང་དབྱིན་ཡིག་མ་གཏོགས་བོད་ཡིག་གིས་བྲིས་མེད། འོན་ཀྱང་ཚོགས་པ་དེ་དག་བོད་ཀྱི་བདེན་དོན་རྩོད་མཁན་གྱི་གྲལ་མགོར་བསྡད་ཡོད། བོད་ཀྱི་སྤྱི་ཚོགས་ཆུང་ངུ་འདིའི་ཁྲོད་དུ་ཁོང་ཚོས་གོ་གནས་ཀྱང་གལ་ཆེན་བཟུང་ཡོད། དོན་གྱི་ཆ་ནས་ཁོ་ཚོའི་མི་རིགས་འདིའི་བདེན་དོན་རྩོད་པའི་ཐབས་ལམ་ནི་རྒྱ་ནག་གཞུང་ལ་ངོ་རྒོལ་སྐད་འབོད་བྱེད་རྒྱུ་ཙམ་ལས་གཞན་གང་ཡང་མེད། 

དེ་ལས་མང་བ་། “བོད་པ་ནང་རུལ་བ།” »

 རྫ་ཚེ་རིང་བཀྲ་ཤིས།

(ཞུས་དག་ཅི་བཞིན་མ་གྲུབ་པས་ཡིག་ནོར་ཡོད་ངེས)

༡  གཡག་ཡ་སོ་ཅན།

ཧོབ་སྟེ་བལྟས་ན། སྤྱིར་བཏང་འབྲི་ལ་གཡག་ལབ་པ་དེ་ངན་པ་རྫབ་ཆེན་རེད། ང་ཚོ་གསར་འབྱོར་རྣམས་དང་པོ་རྒྱ་གར་ལ་བསླེབས་སྐབས། ཕྱི་རྒྱལ་ནས་འཚར་ལོང་བྱུང་བའི་བོད་པ་གཞོན་སྐྱེས་འགས་གཡག་གི་འོ་མ་ལབ་སྐབས་ཧ་ཅང་ཚབས་ཆེ་བའི་ནོར་འཁྲུལ་ཞིག་ལྟར་བལྟས་ནས་འཕྱ་ལད་བརྒྱབ་ཡོད། དེ་བཞིན། རྒྱལ་སྤྱིའི་བོད་རིག་པའི་ཚོགས་ཆེན་སྐབས་བཅུ་བཞི་པའི་ལས་རྟགས་སུ་གཡག་ཡ་སོ་ཅན་ཞིག་བྲིས་པ་རེད། དེར་ཡང་ང་ཚོས་སྐྱོན་བརྗོད་བྱས་པ་ཡིན། འདི་ལོ་ཁོང་ཚོས་དེར་འགྱུར་བ་བཏང་ནས་ཡ་སོ་མེད་པ་ཞིག་བྲིས་འདུག་པར་ངས་ཀྱང་དོ་སྣང་བྱས་པར་མ་ཟད། ངོ་དེབ་ཐོག་ཀུ་རེ་དང་སྦྲགས་ནས། “ལོ་ངོ་གཉིས་གསུམ་(2019-2022)རིང་ལ་བོད་རིག་པའི་གཡག་རྒན་གྱི་ཡ་སོ་གཅིག་ཀྱང་མེད་པར་གྱུར་པ་ནི་གཡག་རྒན་ལོ་ལོན་པའི་མཚོན་རྟགས་ཤིག་རེད་ལ། ལོ་གཉིས་ཀྱི་ནང་དུ་གཡག་ལ་ཡ་སོ་མེད་པར་ངོས་ལེན་གནང་བ་ནི་བོད་རིག་པའི་ཞིབ་འཇུག་གི་གོམ་སྟབས་གསར་པ་ཞིག་རེད།” ཅེས་བྲིས་པ་ཡིན། དེ་ཡང་ཁོང་ཚོས་གཡག་གི་རི་མོ་ནོར་འཁྲུལ་ཅན་དེ་འགྱུར་བ་བཏང་བ་ནི་དོན་དངོས་དང་མཐུན།

དེ་ལས་མང་བ་། “གཡག་ལ་འོ་མ་ཡོད་མེད་བཤད་པ།” »

གཞུང་པ་ཚེ་དབང་བསོད་ནམས།

སའི་གོ་ལ་འདིའི་སྒང་དུ་འཚོ་བའི་མི་གི་སྤྱི་ཚོགས་ག་འདྲ་ཞིག་ཡིན་ཀྱང་སྤྱི་ཚོགས་དེ་འཚོོ་གནས་ཐུབ་པ་ལ་སྐད་དང་ཡིག་གེ།   ཆོས་དང་རིག་གཞུང་བརྒྱུད་ནས་སྤྱི་ཚོགས་འཚོ་དགོས་པ་ལས་སྐད་ཡིག་དང་རིག་གཞུང་ལ་མ་བསྟེན་ནས་སྤྱི་ཚོགས་ཞིག་ཟུར་དུ་ནམ་ཡང་འཚོ་མི་ཐུབ་པ་དང་།   དེང་སྐབས་ནུབ་ཕྱོགས་ལུང་པ་མང་པོའི་ནང་མི་རིགས་འདྲེས་ནས་དེ་སྔའི་སོ་སོའི་ཕ་མེས་ནས་བརྒྱུད་པའི་སྐད་དང་ཡིག་གེ་རིག་གཞུང་སོགས་བཀོལ་སྤྱོད་བྱེད་སའི་འཁོར་ཡུག་མེད་པ་ནས་མངོན་གསལ་དོད་པོའི་ངང་ནས་ཡལ་འགྲོ་པ་མ་ཟད་ནམ་ཞིག་མི་རིགས་ཀྱི་ངོ་བོ་ཡང་ཡལ་རྒྱུ་ཡིན་པ་ནི་ད་ལྟའི་མི་རིགས་མཉམ་འདྲེས་ཀྱི་གནས་བབས་ནས་ང་ཚོའི་མཐོང་ཐུབ་པ་དང་ཤེས་ཐུབ་པ་ཞིག་མ་རེད་དམ།    མི་རིགས་ཞིག་ཟུར་དུ་འཚོ་དགོས་ན་དང་པོ་མི་རིགས་སྲུང་སྐྱོབས་ཀྱི་ལས་འགུལ་དེ་སྐད་ཡིག་དང་རིག་གཞུང་སྲུང་སྐྱོབས་ཀྱི་ལས་འགུལ་ལས་བརྒྱ་འགྱུར་སྟོང་འགྱུར་གྱི་གལ་ཆེར་རྩིས་ནས་སྔོན་ཐོན་བྱ་དགོས་པ་ནི་གལ་ཆེའི་ནང་གི་གལ་ཆེན་ཞིག་ཡིན་པ་དང་།   མི་རིགས་སྲུང་སྐྱོབས་ཀྱི་ལས་འགུལ་དེ་སྔོན་དུ་ཕྱིན་ནས་

དེ་ལས་མང་བ་། “མི་རིགས་ཞིག་ཟུར་དུ་འཚོ་དགོས་ན་མི་རིགས་དེའི་ཕ་མེས་ནས་བརྒྱུད་པའི་ཆོས་དང་རིག་གཞུང་སྐད་ཡིག་སོགས་མ་ཉམས་རྒྱུན་འཛིན་དགོས་པ་དེ་གལ་ཆེའི་ནང་གི་གལ་ཆེན་ངོ་མ་དེ་ཡིན་པའི་ངོས་འའཛིན་ཞུ་གི་ཡོད།” »

འོས་སྦྱོར་བ། རེ་མདོ་སེངྒེ།

ཕྱི་ལོ་ ༢༠༢༢ ལོའི་ཟླ་ ༦ ཚེས་ ༣༠ ཉིན།
༄༅།། ང་ཚོ་ཕ་ཡུལ་གཅིག་པ་རྔ་པ་མི་མང་དང་དེ་རིང་ཡང་བསྐྱར་འཛོམས་རྒྱུ་བྱུང་བར་ཤིན་ཏུ་དགའ་པོ་བྱུང་བས་རྣམ་པ་ཚོ་ལ་ཐུགས་རྗེ་ཆེ་ཞུ་རྒྱུ་ཡིན། ད་ཐེངས་ང་ཨ་རི་ལ་ཡོང་བ་ཐེངས་གསུམ་པ་དེ་ཡིན། སྔ་ཕྱི་བྱས་ནས་ང་ཚོ་ཡོངས་རྫོགས་ཐུག་རྒྱུའི་གོ་སྐབས་བྱུང་ཡོད། དེ་རིང་ཡང་བསྐྱར་ང་ཚོ་ཡོངས་རྫོགས་མཉམ་འཛོམས་ཐུབ་པར་དགའ་པོ་བྱུང།

དེ་ལས་མང་བ་། “ཨ་རིའི་ནང་ནེའུ་ཡོག་དང་ནེའུ་རྗེར་སུ། ཁ་ན་ཊེ་ཀེ་ཊི་བཅས་སུ་གནས་སྡོད་ཨ་མདོ་རྔ་པ་མི་མང་གིས་༸སྐྱབས་མགོན་ཀིརྟི་རིན་པོ་ཆེ་མཆོག་ལ་ཕེབས་བསུའི་གསོལ་སྟོན་འབུལ་སྐབས་གནང་བའི་གསུང་བཤད།” »

འོས་སྦྱོར་བ། རེ་མདོ་སེངྒེ།

ཕྱི་ལོ་ ༢༠༢༢ ལོའི་ཟླ་ ༦ ཚེས་ ༢༩ ཉིན།

༄༅།། ༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་དམིགས་བསལ་ཅན་གྱི་མཛད་སྒོའི་ཐོག་ཆིབས་བསྒྱུར་བསྐྱངས་པའི་དཔལ་ལྡན་བོད་མི་མང་སྤྱི་འཐུས་ཚོགས་གཙོ་དང་ཚོགས་གཞོན་རྣམ་པ་གཉིས་དང། ཚོགས་པ་ཁག་གི་སྐུ་ཚབ་རྣམ་པས་གཙོས་སྐུ་མགྲོན་རྣམ་པ། བྱང་ཨ་རིའི་མདོ་སྨད་ས་གནས་རྒྱུན་ལས་ཀྱི་ཚོགས་གཙོ་དང་ལས་བྱེད་པ་རྣམ་པས་གཙོས་པའི་མདོ་སྨད་མི་མང་ཡོངས་རྫོགས་ལ། ངས་ཐོག་དང་པོ་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ་རྒྱུ་ཡིན།

དེ་ལས་མང་བ་། “བྱང་ཨ་རིའི་མདོ་སྨད་ས་གནས་རྒྱུན་ལས་ཀྱིས་དམིགས་བསལ་འཁྲུངས་སྐར་རྒྱས་པ་གོ་སྒྲིག་གནང་བའི་མཛད་སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་གིས་གནང་བའི་གསུང་བཤད།” »

འོས་སྦྱོར་བ། རེ་མདོ་སེངྒེ།

ཕྱི་ལོ་ ༢༠༢༢ ལོའི་ཟླ་ ༦ ཚེས་ ༡༤ ཉིན།

༄༅།། བརྟན་བཞུགས་དབུ་འཛུགས་མ་གནང་བའི་གོང་དུ་སྐད་ཆ་ཐུང་ཐུང་ཞིག་ཞུ་འདོད་བྱུང། དེ་རིང་ས་ག་ཟླ་བའི་ཚེས་བཅོ་ལྔ་སྟེ། སངས་རྒྱས་བཅོམ་ལྡན་འདས་སྐུ་འཁྲུངས་པ་དང། སངས་རྒྱས་པ། མྱ་ངན་ལས་འདས་པ་བཅས་ཀྱི་དུས་ཆེན་གསུམ་འཛོམས་དང། ལྷག་པར་དུ་དེ་རིང་༸གོང་ས་༸སྐྱབས་མགོན་༸རྒྱལ་བ་རིན་པོ་ཆེས་སྤྱན་རས་གཟིགས་རྒྱལ་བ་རྒྱ་མཚོའི་བཀའ་དབང་གནང་མ་ཐག་པ་དང། རྣམ་པ་ཚོ་མང་ཆེ་བས་བྱང་ཆུབ་སེམས་དཔའི་སྡོམ་པ་དང་སྔགས་ཀྱི་སྡོམ་པ་བཞེས་མ་ཐག་པའི་གནས་སྟངས་དམིགས་བསལ་བ་དང་ཁྱད་དུ་འཕགས་པ་ཞིག་ཡིན་དུས། རྣམ་པ་ཚོས་ཐུགས་སྨོན་ཡག་པོ་ཞིག་གནང་བ་ཡིན་ན་གང་ཅིའི་ཆ་ནས་ཕན་ཐོགས་ཡག་པོ་ཡོད་པ་རེད་བསམ་གྱི་འདུག

དེ་ལས་མང་བ་། “༸སྐྱབས་མགོན་ཀིརྟི་རིན་པོ་ཆེ་མཆོག་ལ་བོད་ལྗོངས་མདོ་སྨད་མི་མང་གིས་སྐུའི་གྱ་སྟོན་བརྟན་བཞུགས་དང་འབྲེལ་བའི་བཀའ་དྲིན་རྗེས་དྲན་གསེར་གྱི་གཟེངས་རྟགས་འབུལ་བཞེས་ཀྱི་མཛད་སྒོའི་ཐོག་བསྩལ་པའི་གསུང་བཤད།” »

འོས་སྦྱོར་བ། རེ་མདོ་སེངྒེ།

ཕྱི་ལོ་ ༢༠༢༢ ལོའི་ཟླ་ ༦ ཚེས་ ༡༥ ཉིན།
༄༅།། ཀུན་མཁྱེན་དོལ་པོ་པ་ཤེས་རབ་རྒྱལ་མཚན་སྐུ་ཞི་བར་གཤེགས་ནས་ལོ་ངོ་ ༦༦༠ འཁོར་བའི་རྗེས་དྲན་མཛད་སྒོ་དང། རིས་མེད་དུས་འཁོར་བགྲོ་གླེང་ཆེན་མོ་ལ་ཕེབས་པའི་མཁས་པ་རྣམ་པ་ལྷན་རྒྱས་ལ་ཐོག་དང་པོ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།
འདི་གའི་བགྲོ་གླེང་ཆེན་མོའི་ཉིན་གཉིས་པའི་བགྲོ་གླེང་ཚོགས་འདུའི་སྐུ་མགྲོན་ལ་ཡོང་རོགས་ཞེས་མགྲོན་ཤོག་འབྱོར་བྱུང། མགྲོན་འབོད་ཀྱི་ཡི་གེ་འབྱོར་བའི་སྐབས་བགྲོ་གླེང་དང་འབྲེལ་བའི་གནད་དོན་ཐོག་ང་ལ་དམིགས་བསལ་ཕན་ཐོགས་ཡོད་པ་ཞུ་རྒྱུ་གང་ཡང་མེད། ཡིན་ནའང་རྣམ་པ་ཚོའི་བགྲོ་གླེང་ཡག་པོ་ཡོང་བ་དང། དེང་སང་ཇོ་ནང་བའི་བསྟན་པ་ཉམས་དམའ་བོ་ཡོད་པའི་སྐབས་ལ་རྒྱབ་སྐྱོར་གྱི་ཚུལ་དུ་ང་ཡོང་གི་ཡིན་ཅེས་ཞུས་པ་ཡིན། རྣམ་པ་ཚོར་མཐུན་རྐྱེན་མང་པོ་ཞིག་འཛོམས་ཐུབ་ཀྱི་ཡོད་མེད་ཀྱི་སྐུ་ངལ་ལ་མ་ལྟོས་པར་བགྲོ་གླེང་ཆེན་མོ་འདི་འདྲ་ཞིག་གོ་སྒྲིག་གནང་ཐུབ་པ་དེ་ཤིན་ཏུ་ཡག་པོ་རེད། མ་འོངས་པར་ཡང་འདི་ལས་ལྷག་པའི་བགྲོ་གླེང་ཡག་པོ་དེ་འདྲ་གོ་སྒྲིག་གནང་ཐུབ་པའི་རེ་བ་ཞུ་ཡི་ཡོད།

དེ་ལས་མང་བ་། “༸སྐྱབས་རྗེ་ཀིརྟི་རིན་པོ་ཆེ་མཆོག་གིས་ཇོ་ནང་རིས་མེད་དུས་འཁོར་བགྲོ་གླེང་ཆེན་མོའི་ཐོག་གནང་བའི་གསུང་བཤད།” »