ནམ་མཁའ།
འདིར་ཕྲན་གྱིས་པད་མ་ཚེ་བརྟན་ལགས་ངོ་ཤེས་ཅི་ལྟར་བྱུང་མིན་གྱི་བརྒྱུད་རིམ་ཐུང་ངུ་ཞིག་གིས་རྗེས་དྲན་ཞུ་རྒྱུ་ཡིན། ངེད་གཉིས་ཀྱིས་ཕན་ཚུན་ངོ་ཤེས་ནས་དུས་ཡུན་ཅུང་འགོར་ཡོད་ན་ཡང་། འགྲོགས་ཡུན་ཧ་ཅང་ཐུང་ངུ་ཞིག་ལས་མེད། དེས་རྐྱེན་ཆ་རྒྱུས་ཆེན་པོ་ཞིག་མེད་ལབ་ན་མི་འགྲིག་པ་མེད་སྙམ།
རས་པ།
ཁྱོད་ཀྱི་མིག་ཟུང་གིས་སྡུག་བསྔལ་གྱི་ངོ་གདོང་གཅིག་པུར་གཟིགས།
སྐྱོ་སྡུག་གི་འཚོ་བས་འཁོན་པའི་བོད་ཡུལ་ལ།
ཁྱོད་ཀྱི་དངན་པ་རིང་མོས་གཡས་སྐོར་གཡོན་སྐོར་བྱས།
ཏི་སི་གངས་འདབས་ནས་ཆད་ཟིན་པའི་རྨུ་ཐག་མཐུད་པར་བརྩོན།
རྩྭ་ཐང་གི་རླུང་འཚུབ་ཀྱིས་དཔར་བའི།
ཁྱོད་ཀྱི་མིག་ཁའི་གཉེར་མ་གློག་བརྙན་གྱི་བསམ་གཞིག་ལ་འཕོས་ཤིང་།
སྙིང་རྗེ་མེད་པའི་གངས་རི་དཀར་པོའང་།
ལོ་ཤས་སྔོན་ནས་ཁྱོད་ཀྱི་མགོ་ལ་སྤོས།
ཁྱོད་ཀྱིས་དངན་པ་འཐེན་ཞོར་མུ་མཐུད་དུ་འཁུར།
ཏན་ཏན་ཁྱོད་རང་ཐང་ཆད་ཡོད་ངེས།
ཁྲོ་གཏུམ།
— སྒྱུ་རྩལ་གྱིས་རྩ་ལམ་དྲོས་པའི་པདྨ་ཚེ་བརྟན་ལགས།
རྣ་བར་ཐོས་དུས་སེམས་པས་དང་ལེན་བྱེད་མ་ཐུབ
སེམས་པས་མི་འདོད་པར་དང་ལེན་བྱས་ཚར་དུས
སེམས་པར་ཁ་བ་བུ་ཡུག་འཚུབ
ཟུངས་ཁྲག་གིས་མ་ལྡེང་བ་ལྟ་བུའི་འདར་ཡོམ་རེས
ཁྱོད་རང་ལ་ལག་གཡུག་ག་ཚོད་བྱས་པའི་རི་མོ
གནམ་མཐའི་མཚམས་སུ་བྱེ་རླུང་གིས་གསུབ
དོན་འགྲུབ་བཀྲ་ཤིས། འཚོ་བྱེད་བུས་འོས་སྦྱོར་བྱས།
ཁ་སང་ཉིན་གུང་ལས་བྲེལ་གྱི་བར་གསེང་ཞིག་ལ་ངའི་ཁ་པར་ནང་པདྨ་ཚེ་བརྟན་ལགས་ཀྱི་པར་དང་ཡི་གེ་འགའ་འབྱོར་སོང་། ཡང་ཁོང་ལ་གཟེངས་རྟགས་ཤིག་རག་པའམ། ཡང་ན་གློག་བརྙན་གསར་པ་ཞིག་འཁྲབ་པ་ཡིན་རྒྱུ་རེད་སྙམ་སྟེ་དོ་སྣང་བྱེད་ལོངས་མ་བྱུང་། ཕྱི་དྲོ་ནང་ལ་ཡོང་ནས་ངོ་དེབ་ཁ་ཕྱེ་དུས་པདྨ་ཚེ་བརྟན་གྱི་པར་རྐྱང་རྐྱང་གིས་ཁེངས་འདུག གཞི་ནས་ཁོང་སྐུ་གཤེགས་པའི་ཡིད་སྐྱོའི་གནས་ཚུལ་ཧ་གོ་སྟེ། ཡིད་མ་ཆེས་པ་ཞིག་དང་ཕངས་སེམས་བཟོད་མེད་ཅིག་སྐྱེས་སོང་། ཁ་སང་ནས་དེ་རིང་བར་དྲ་ཐོག་ནས་ཁོང་གི་སྐོར་ལ་བལྟས་ཏེ་ཁོང་གི་སྐོར་བཀླགས་པ་ཡིན། ད་ནི་ངས་ཀྱང་ཁོང་དང་འབྲེལ་བའི་དྲན་ཐོ་ཞིག་འབྲི་འདོད་བྱུང་སོང་།
ཅོ་ནེ་ཡུམ་ཚེ་རིང་། འཚོ་བྱེད་བུས་འོས་སྦྱོར་བྱས།
གྲོགས་པད་མ་ཚེ་བརྟན་ཁོང་གློ་བུར་སྐུ་གཤེགས་པའི་གཏམ་ངན་ཐོས་མ་ཐག་ང་ཉིན་ཧྲིལ་བོར་སེམས་སྡུག་ནས་ཅི་བྱ་གཏོལ་མེད་དུ་གྱུར། ཐ་ན་མིག་ཆུ་ཡང་རང་དབང་མེད་པར་བཞུར་བྱུང་། ང་རང་རྩོམ་རིག་གསར་རྩོམ་གྱི་ལམ་དུ་ཞུགས་པ་ནི་ཁོང་གི་ཤན་ཞུགས་པ་རེད་ཅེས་བཤད་མི་ཕོད་ཀྱང་། ངེད་གཉིས་ནི་རྒྱ་བོད་སྐད་གཉིས་ཀྱི་གསར་རྩོམ་པ་ཞིག་ཡིན་པའི་ཆ་ནས་ཕན་ཚུན་ཁ་བརྡ་མང་པོ་ཡོད་པས་ཉིས་སྟོང་མས་ཡས་ནས་རང་བཞིན་གྱིས་གྲོགས་པོར་ཆགས་ཟིན། དེ་
ཡོང་ཁུངས། མི་རྒོད་རྩོམ་རིག
འཁྲབ་ཁྲིད་པ་གྲགས་ཅན། བོད་ཀྱི་རྩོམ་པ་པོ་གྲགས་ཅན་པདྨ་ཚེ་བརྟན་ལགས་། ཕྱི་ལོ་ ༢༠༢༣ ཟླ ༥ ཚེས་ ༨ ཉིན་སྙུན་གཞིའི་རྐྱེན་པས་དགུང་གྲངས་༥༤སྟེང་དབུས་ལྷ་ལྡན་དུ་སྐུ་གཤེགས།
པདྨ་ཚེ་བརྟན་ལགས་ནི་སྤྱི་ལོ1969ལོའི་ཟླ12པར་མདོ་སྨད་ཁྲི་ཀ་ས་ཁུལ་དུ་སྐྱེས་ཤིང་། རྩོམ་རིག་རབ་འབྱམས་པའི་བསླབ་གནས་ཐོབ་པའི་དེང་རབས་བོད་ཀྱི་གཞོན་སྐྱེས་ཤེས་ལྡན་པ་ཞིག་ཡིན། སྤྱི་ལོ1991ལོ་ནས་སྤྱི་ལོ1995ལོའི་བར་དུ་ནུབ་བྱང་མི་རིགས་སློབ་ཆེན་དུ་བསླབ་གཞི་མཐའ་དག་ལ་སྦྱང་བ་དཔྱིས་ཕྱིན་པ་བྱས་ཤིང་། སྤྱི་ལོ1995ལོ་ནས་སྤྱི་ལོ2000ལོའི་བར་དུ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་སྲིད་གཞུང་དུ་ཕྱག་ལས་གནང་མྱོང་། སྤྱི་ལོ2000ལོ་ནས་སྤྱི་ལོ2002ལོའི་བར་དུ་ཡང་བསྐྱར་ནུབ་བྱང་མི་རིགས་སློབ་ཆེན་དུ་ཕྱིན་ནས་རབ་འབྱམས་པའི་དམ་བཅའ་ལ་འབད།
འཇིགས་མེད་བློ་གྲོས།
བར་སྐབས་ཐར་པ་བྱང་ཆུབ་ཀྱི་ལམ་ལ་བགྲོད་པའི་འདུན་པས་མིན་པར་རེ་ཞིག་སེམས་ངལ་གསོ་བའི་དོན་དུ་ལྷོ་ཕྱོགས་བེ་ཏའི་ཡུལ་ན་ཁག་བསྙེན་མཚམས་ལ་དཀྲིས་ཤིང་། དོན་འཕྱི་བ་དགུན་ཉལ་གྱི་བརྟུལ་ཞུགས་ལ་གནས་བཞིན་པའི་སྐབས་ཤིག་རྐྱེན་གློ་བུར་བ་ཞིག་གིས་དགུན་ཉལ་གཉིད་མཐུག་གི་མལ་ལས་ཧར་འདོན་བྱེད་དགོས་པ་བྱུང་སྟེ། ཉིན་མཚན་ཤད་རྩོལ་གྱིས་བཞུགས་སྒར་ཆོས་ཀྱི་མགྲོན་སར་བཅར། སྐྱབས་ཀུན་ངོ་བོ་དྲིན་ཅན་བླ་མའི་བཞིན་རས་མཇལ། གསང་སྔགས་གསར་རྙིང་གི་རྒྱུད་སྡེ་རྒྱ་མཚོ་རྣམ་དཔྱོད་གྲུ་ཆེན་གྱིས་བརྒལ་བ་ལ་གངས་ལྗོངས་ཀྱི་སྔགས་འཆང་རལ་པའི་ཁུར་འཛིན་སུས་ཀྱང་འགྲན་པར་མི་ནུས་པ་ཟ་ཧོར་གྱི་རྒྱུད་ལས་ཕེབས་པའི་རིག་པ་འཛིན་པའི་སྔགས་པ་རྒན་པོ་ཟིལ་གནོན་བཞད་པ་རྩལ་ལམ་གང་ཤར་རང་གྲོལ་གྱི་གསུང་གི་བཅུད་ཐིག་མྱོང་བའི་སྐལ་བ་སྦོམ་པོའང་ཐོབ།
དེ་ལས་མང་བ་། “གར་ཞ་མཁའ་འགྲོའི་གླིང་དུ་སྤྲང་འཁྱམ་ལ་ཕྱིན་པའི་སྐོར།” »
རྩོམ་པ་པོ། གཡང་མོ་མཚོས་བསྒྱུར།
སྤྱིར་བུ་རམ་ཤིང་པའི་བསྟན་པ་སྟེ་སངས་རྒྱས་ཆོས་ལུགས་ལ་བསྙེན་བཀུར་ཕུན་སུམ་ཚོགས་པ་བསྒྲུབ་རྒྱུ་དེ་སོག་པོའི་རྩ་ཁྲིམས་ཀྱིས་བཀས་བཅད་མཛད་ཡོད་ཅིང་། ང་རང་ངོས་ནས་ཀྱང་རྩ་ཁྲིམས་ཀྱི་དགོངས་དོན་འདི་ལ་ཤིན་ཏུ་འཐད། སྤྱིར་སོག་པོའི་ཡུལ་འདིར་སངས་རྒྱས་ཆོས་ལུགས་དར་སྔ་ཞིང་། ཁྱད་པར་དུ་དུས་རབས་བཅུ་དྲུག་པ་ནས་བཟུང་རི་བོ་དགེ་ལྡན་པའི་གྲུབ་མཐའ་སོག་པོའི་ཡུལ་གྲུ་སོ་སོར་དར་ཁྱབ་ཆེན་པོ་བྱུང་ཡོད། དུས་རབས་ཉེར་གཅིག་པ་ལ་ཐུག་པའི་དེང་གི་དུས་འདིར། སངས་རྒྱས་ཆོས་ལུགས་ལ་དད་མོས་དང་མཆོད་བཀུར་བྱེད་པའི་སོག་པོ་སྔ་རབས་པའི་སྲོལ་རྙིང་འདི་ལ་ཉམས་པ་དང་རྒུད་པ་ཅི་ཡང་མ་མཐོང་སྟེ། ད་ལྟ་རྒྱལ་ཁབ་གསུམ་དུ་གནས་པའི་སོག་པོ་མི་རིགས་ཀྱིས་སྔར་བཞིན་སངས་རྒྱས་ཆོས་ལུགས་ཀྱི་རིག་གནས་དང་སྲོལ་རྒྱུན་རྣམས་ལ་རྩིས་མཐོང་ཆེན་པོ་བྱེད་བཞིན་ཡོད་ལ། སངས་རྒྱས་ཆོས་ལུགས་ཀྱི་རིན་ཐང་ཡང་བླ་ལྷག་གིས་མངོན་སུམ་དུ་གྱུར་ཞིང་མི་རེ་རེ་ནས་དངོས་སྟོབས་ཀྱིས་མྱོང་ཐུབ་པ་ཞིག་རེད། རྒྱུ་མཚན་དེའི་ཕྱིར། རྒྱལ་སྤྱིའི་བོད་རིག་པའི་ཚོགས་འདུ་འདི་སོག་པོ་ནས་བསྡུ་ཐུབ་རྒྱུ་བྱུང་བའང་དགའ་འོས་པ་དང་བཀྲ་ཤིས་པའི་དོན་ཞིག་རེད།
དེ་ལས་མང་བ་། “སངས་རྒྱས་ཆོས་ལུགས་སོག་པོའི་ཡུལ་དུ་དར་པའི་ལོ་རྒྱུས་མདོར་བསྡུས།” »
གཞུང་པ་ཚེ་དབང་བསོད་ནམས།
འཇིག་རྟེན་གྱི་ས་གཞི་འདི་ཆགས་པ་ནས་འགྲོ་བ་རིགས་དྲུག་འཕེལ་ནས་ང་ཚོ་མི་ཡི་འགྲོ་བ་ནི་ཁ་ནས་སྐད་ཆ་བཤད་ཤེས་པ་དང་། ལག་པས་ཡི་གེ་འབྲི་ཤེས་པ་དང་། སེམས་ཀྱི་བསམ་བློ་གཏོང་ཤེས་པ་དང་། ཀླད་པས་འགུལ་སྐྱོད་རྒྱབ་ཐུབ་པ་ནས་གདོད་མའི་སྤྱི་ཚོགས་ནས་སྔོན་འཐོན་ལ་ཁ་ཕྱོགས་པ་དང་། བཟའ་ཚང་མཉམ་དུ་འདུས་ནས་ཁྱིམ་འཚོ་ཟིན་ཏེ་བུ་ཕྲུག་གསོ་སྐྱོང་བྱ་རྒྱུ་སོགས་མི་མང་པོ་མཉམ་དུ་འཛོམས་ཤིང་། ས་ཆ་གཅིག་ཏུ་གནས་སྡོད་བྱས། ཁང་པ་རྒྱག་རྒྱུ་དང་འཚོ་བ་སྐྱེལ་རྒྱུའི་ས་ཞིང་འདེབས་ལས་བྱ་རྒྱུ་དང་ཚོང་ལས་གཉེར་རྒྱུ། དུད་འགྲོ་གསོ་སྐྱོང་བྱ་རྒྱུ་སོགས་རིམ་པས་ཡར་རྒྱས་ལ་ཁ་ཕྱོགས། གདོད་མའི་སྤྱི་ཚོགས་ནས་དུས་རབས་དང་མཐུན་པའི་གསར་བརྗེའི་ལམ་ལ་ཁ་ཕྱོགས་ཤིང་། རིམ་པས་ཆབ་སྲིད་དང་དཔལ་འབྱོར་གྱི་རྒྱབ་བརྟེན་འོག་མི་རིགས་སོ་སོའི་སྐད་ཡིག་དང་རིག་གཞུང་། གོམ་གཤིས་སོགས་རྩ་ཆེར་བཟུང་།
རྫ་ཚེ་རིང་བཀྲ་ཤིས།
(གསལ་བཤད། རྩོམ་ཡིག་འདི་རིང་དྲགས་པ་ཤེས་ཀྱི་ཡོད། མ་ཟད་དད་གུས་རྩེ་གཅིག་ཏུ་ཡོད་པ་ཚོར་གསལ་བཤད་འདི་མི་དགོས་ཤིང་། ལོག་འགྲེལ་བྱེད་མཁན་ཚོར་གསལ་བཤད་འདི་མི་འགྲོ་བས རྩོམ་ཡིག་འདིར་དགོས་མེད་ལྟ་བུར་སྣང་ན་ཡང་། གང་ལྟར་ང་ལ་འདི་ལས་ལྷག་པའི་རང་གི་བསམ་ཚུལ་གསལ་སྟོན་བྱེད་པའི་ཐབས་ལམ་ཞིག་མེད་པ་ལྟར་སྣང་། མ་ཟད་དང་ཡི་གེ་འདི་འདྲ་ཞིག་བྲིས་པའང་རང་ངོས་ནས་དགོས་ངེས་ཤིག་ཏུ་ངོས་འཛིན་ཞུ་བཞིན་ཡོད། འདི་ནི་ངས་གང་བཤད་འདོད་པ་དེ་བཤད་པ་ཙམ་ཞིག་ཏུ་བརྩི་རོགས། ཡི་གེ་འདི་རྒྱ་ཡིག་ཏུ་བསྒྱུར་བཞིན་ཡོད་ལ། དབྱིན་ཡིག་ཏུ་བསྒྱུར་རྒྱུའི་རིན་ཐང་ཡོད་མེད་དྲ་གྲོགས་ཚོས་ཀྱང་དགོངས་ཚུལ་རེ་གསུངས་ནའང་ཆོག་གོ ། རྫ་ཚེ་རིང་བཀྲ་ཤིས། )
དེ་ལས་མང་བ་། “ང་ལ་སྐད་ཆ་ཞིག་ཡོད། (ཉེ་དུས་ཀྱི་གསར་འགྱུར་དང་འབྲེལ་བ)” »
བསེ་རུ། (ཨོ་གླིང་།)
༧ གོང་ས་མཆོག་ལ་དད་དམ་གཡོ་མེད་ཀྱི་སྤྱི་སྒེར་ཚང་མས་༧གོང་ས་མཆོག་ལ་གསར་འགྱུར་བརྒྱུད་ལམ་ཁག་ཅིག་ནས་བརྟག་དཔྱད་ཞིབ་འཇུག་གང་ཡང་མེད་པར་ཧོལ་རྒྱུགས་དང་། ཡང་ན་རང་གི་གྲགས་པ་རྒྱས་ཐབས་སོགས་དགོས་དམིགས་གང་ལ་དམིགས་མིན་ཆ་མཆིས་ཀྱང་ཁོང་གི་ཐབས་མཁས་ཐུགས་རྗེའི་མཛད་པར་ཉེས་མེད་ཉེས་འདོགས་བྱས་པར་དག་སེལ་ཆེད་འཛམ་གླིང་ས་ཕྱོགས་གང་སར་ལས་འགུལ་སྤེལ་བཞིན་པ་དང་། དྲ་ཐོག་ནས་ངོ་དེབ་དང་བརྙན་ཕབ་སོགས་མིག་གིས་ལྟ་ས་དང་རྣ་བས་ཉན་ས་ཡོད་ཚད་ལ་རང་ནུས་ཅི་ཡོད་ཀྱིས་ལས་འགུལ་འདི་ལྟ་བུ་སྤེལ་བ་ནི་རང་གཞན་ཚང་མས་མཐོང་བ་དང་པོ་ཡིན་ངེས།
ཕྱི་ལོ་ ༢༠༢༣ ཟླ་ ༤ ཚེས་ ༡༣ ཉིན། ལྡི་ལིར་རྟེན་གཞི་བྱས་པའི་ལྷོ་ཨེ་ཤ་ཡའི་གསར་འགོད་མཐུན་ཚོགས་(FCC)ཀྱི་གོ་སྒྲིག་འོག །སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་དང་རྒྱ་ནག །བོད་ཅེས་པའི་བརྗོད་གཞིའི་ཐོག་གསུང་བཤད་དང་། དྲི་བར་དྲིས་ལན་གནང་སྐབས། ཕྱི་ཟླ་ ༢ ཚེས་ ༢༨ ཉིན་སློབ་ཕྲུག་ཁག་ཅིག་ལ་མཇལ་ཁ་སྩལ་སྐབས་ཀྱི་གནས་ཚུལ་ཞིག་ཉེ་ལམ་གསར་འགྱུར་བརྒྱུད་ལམ་དང་། སྤྱི་ཚོགས་དྲ་ལམ་ཁག་ཏུ་གྱར་འགྲེམས་ཕྱིན་པའི་སྐོར་ལ་གསར་འགོད་པ་ཞིག་གིས་དྲི་བར་ལན་འདེབས་གནང་བ་དབྱིན་སྐད་ནས་བོད་བསྒྱུར་ཞུས་པ་གཤམ་གསལ།
ནམ་མཁའ།
ང་རང་གིས་ལས་བྲེལ་གྱི་བར་གསེང་ཞིག་ནས་ངོ་དེབ་ཁ་ཕྱེ་དུས། ངོ་དེབ་ནང་དུ་བོད་ཀྱི་བུ་མོ་འགའི་མིག་ཆུ་བཞུར་ཞོར་ཚོར་ཤུགས་ཆེན་པོས། རྒྱ་གར་སྐད་དང་བོད་སྐད་འདྲེས་མས་གསལ་བཤད་དང་འབྲེལ་གསར་ཁང་ཞིག་ལ་སྐྱོན་བརྗོད་བྱེད་བཞིན་པ་མཐོང་། རྗེས་ནས་རྒྱུ་མཚན་ཅི་ཡིན་བརྩད་དཔྱད་བྱས་པ་ཡིན། དེ་ནི་རྒྱ་གར་གྱི་གསར་ཁང་ཞིག་གིས་༧གོང་ས་མཆོག་ལ་གཞི་མེད་ཀྱི་སྐྱོན་འཛུགས་བྱས་པ་ཞིག་སྟེ། རྒྱ་གར་གྱི་སློབ་ཕྲུག་འགའ་༧གོང་ས་མཆོག་ལ་མཇལ་ཁ་ཞུ་སྐབས། རྒྱ་གར་གྱི་བུ་ཕྲུག་སྟོད་གོས་སེར་བོ་གྱོན་མཁན་ཞིག་ཀྱང་། ཕ་མ་གཉིས་དང་མཉམ་དུ་༧གོང་ས་མཆོག་ལ་མཇལ་ཁ་ཞུ་རུ་ཡོང་འདུག
དེ་ལས་མང་བ་། “རྒྱ་ནག་གི་བསླུ་བྲིད་འོག་གི་རྒྱ་གར་གྱི་གསར་ཁང་།” »
གཞུང་པ་ཚེ་དབང་བསོད་ནམས།
ཉེ་ལམ་གསར་འགྱུར་བརྒྱུད་ལམ་ཁག་ཏུ་༧གོང་ས་མཆོག་ལ་གཞི་མེད་མཚན་ཤས་བཟོས་པའི་གནས་ཚུལ་འཐོན་པ་ནི་བོད་མི་རིགས་ལ་བསམ་ན། བློ་ཕམ་དང་ཁོང་ཁྲོ་བཟོད་སྲན་མི་ཐུབ་པའི་བྱ་སྤྱོད་ཐ་ཤལ་ཞིག་ཡིན་པ་ནས་བོད་མི་དང་བོད་དོན་ལ་སེམས་འཁུར་ཡོད་མཁན་དང་༧གོང་ས་མཆོག་ལ་དད་གུས་ཡོད་མཁན་ཕྱི་ནང་གི་མི་རིགས་མང་པོས་བཟང་སྤྱོད་དང་ཁ་མ་བྲལ་བའི་ཐོག་ནས་༧གོང་ས་མཆོག་ལ་གཞི་མེད་མཚན་སྨད་ཞུ་མཁན་ཚོར་རྒྱུ་ཚན་ལྡན་པའི་ཐོག་ནས་འབྲེལ་བཤད་དང་ངོ་སྤྲོད་གནང་མཁན་དང་ཞི་བའི་ངོ་རྒོལ་ལས་འགུལ་སྤེལ་མཁན་དང་ལན་འདེབས་གནང་མཁན་སོགས་ལས་འགུལ་འདྲ་མིན་གཅིག་རྗེས་གཉིས་མཐུད་བྱས་ནས་ཡོང་བཞིན་པ་ལ་རྗེས་སུ་ཡིད་རངས་ཞུ་གི་ཡོད།
ཤར་མཁན་སྤྲུལ་འཇམ་དཔལ་བློ་གྲོས་ཀྱིས།
༧གོང་ས་མཆོག་གི་གསེར་གྱི་ཐུ་འོག་ན། །
གོ་ཐོབ་ཁྲི་འཕང་མཐོ་བའི་སྐུ་ངོ་ཚོ། །
ཇོ་བཟང་ཞུམ་ཞུམ་འགྲོ་བའི་ངང་བཟང་ཚོས། །
རང་འགན་ཅུང་ཙམ་བཟང་ཞིག་མི་ལེན་ནམ། །
•ཐེ་བོ་སངས་རྒྱས།
གསར་འགྱུར་གྱི་རིན་ཐང་བཞག་སྟངས་ཅིག་ལ་”ཁྱི་ཞིག་གིས་མི་ག་གེ་མོར་སོ་བརྒྱབ་འདུག་ཅེ་ན་གསར་འགྱུར་དུ་མི་བརྩི་ཞིང་། མི་ག་གེ་མོས་ཁྱི་ཞིག་ལ་སོ་བརྒྱབ་འདུག་” ཅེ་ན་གཞི་ནས་གསར་འགྱུར་བརྒྱུད་ལམ་ཁག་ཏུ་སྒྲོགས་པར་བྱེད། ཕྱོགས་གཅིག་ནས་གསར་འགོད་པ་ཚོ་ལ་ཡང་ཐུགས་ཁག་མེད་རེད། ཁོང་ཚོས་Audience ལྟ་ཀློག་མཁན་ལ་བརྟེན་ནས་ལྟོ་གོས་འཚོལ་དགོས་པའི་ཕྱིར།
གཞུང་པ་ཚེ་དབང་བསོད་ནམས།
སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ཐོག་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་པ་དེའི་མཇུག་འབྲས་ད་དུང་གྲོས་ཚོགས་ཀྱི་ལས་རིམ་ལ་བར་ཆད་མུ་མཐུད་ནས་ཡོང་བཞིན་པ་ནི་བོད་མི་མང་ལ་བསམ་ན་བློ་ཕམ་དགོས་པའི་རང་བཞིན་ལ་སོང་ཁྲིམས་བཟོ་སྤྱི་འཐུས་གྲོས་ཚོགས་སྐབས་བཅུ་དྲུག་པའི་ཚོགས་དུས་དྲུག་པའི་ཐོག་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་གྲོས་ཆོད་ཡིག་ཆ་ཨང་ ༣༩ པ་དེ་ཁྲིམས་མཐུན་མིན་པ་ཁྲིམས་འགལ་རང་ལ་ངོས་འཛིན་ཞུ་གི་ཡོད།
རྫ་ཚེ་རིང་བཀྲ་ཤིས།
༡༽
སྐྱེ་བ་འདི་ལ་དམ་པའི་ཆོས་དང་འཕྲད། །
བཤེས་གཉེན་བཟང་པོ་དུ་མས་རྗེས་སུ་བཟུང་། །
ཐོས་བསམ་སྒོམ་པའི་གནས་ལ་དགའ་བ་སྐྱེས། །
ཚུལ་འདི་བསམ་བཞིན་བླ་མའི་བཀའ་དྲིན་དྲན། །
༢༽
མི་ཚེའི་ལམ་བུ་དལ་ཁོད་སྙོམས་དཀའ་ཡང་། །
དགེ་བའི་བློ་གྲོས་བཟང་པོ་སྔར་བཞིན་བརྟན། །
འདུན་མ་ཅུང་ཟད་འགྲུབ་པའི་རྒྱ་བླ་ངས། །
འཕྲལ་སྣང་ཞེ་བློ་བདེ་བའི་གླུ་ཞིག་ལེན། །
བསེ་རུ། ཨོ་གླིང་།
སྐད་ཡིག་ནི་སྤྱི་པའི་རྒྱུ་ནོར་རེད།
སུ་ལ་དགོས་ནའང་བེད་སྤྱོད་བཏང་ན་འགྲིགས་ཀྱི་རེད། རྒྱུ་ནོར་ལ་བདག་པོ་ཇི་ཛམ་མང་བ་དེ་ཙམ་གྱིས་རྒྱུ་ནོར་གྱི་རིན་ཐང་ཆེ་རུ་འགྲོ་ལ་ཕན་རླབས་ཀྱང་ཇེ་ཆེར་འགྲོ།
སྐད་ཡིག་ནི་སྤྱི་པའི་རྒྱུ་ནོར་རེད། སྒེར་བདག་བྱེད་འདོད་པ་ནི་སྐད་ཡིག་གི་འགྲོ་འདུག་སྤྱོད་གསུམ་ལ་བཀག་རྒྱ་བཟོས་པ་ཙམ་རེད། སྐད་ཡིག་ལ་གཅེས་པ་ནི་ཀུན་གྱིས་འོས་འགན་རེད། འོན་ཀྱང་གཅེས་སྟངས་གཅེས་ལུགས་མ་ཤེས་ན་སྐད་ཡིག་གི་གཤེད་མ་ཆགས་ཉེན་ཡོད།
ཆབ་མདོ་ངག་ཕུན།
རི་གྲོང་ལྗོན་ཤིང་སྣ་ཚོགས།། རླུང་བུས་ལྷབ་ལྷུབ་གཡོ་བ།།
ང་ཡི་ཕ་སའི་རི་གྲོང་།། ཡིད་ལ་ཡང་ཡང་འཁོར་བྱུང་།།
ལྗོན་པའི་ལོ་འདབ་རྒྱས་སོང་།། སེམས་ནང་དགའ་སྣང་སྐྱེས་བྱུང་།།
མི་ཡུལ་ས་མཐའ་འདི་ནས།། གདུང་བའི་གླུ་ཞིག་ལེན་ནོ།།
བདག་གི་སེམས་ཀྱི་ངོས་སུ།། རེ་བ་མཐོན་པོ་འཛིན་ནས།།
རི་ལུང་མང་པོ་བརྒལ་ཏེ།། མི་ཡུལ་འདི་རུ་ཡོང་ཡིན།།
