བེ་རི་རིག་པའི་རྡོ་རྗེ།

ཆོས་རྒྱུད་བྱེ་བྲག་པ་ཞིག་དང་། སྐུ་དྲག་ལམ་ལུགས་ཀྱིས་དབང་བསྒྱུར་བའི་སྤྱི་ཚོགས་ཤིག་གི་ནང་དུ། ཡང་དག་པའི་དམངས་གཙོ་ལྟ་ཅི། ཐ་ན་སྤྱིར་བཏང་གི་དམངས་གཙོ་ཙམ་ཡང་ཡོང་ཐབས་མེད། དེར་བརྟེན་རང་རེའི་སྤྱི་ཚོགས་འདི་དུས་རབས་བཅུ་བདུན་པའི་ནང་ནས་བཟུང་ད་བར་ཆོས་རྒྱུད་བྱེ་བྲག་པ་ཞིག་གི་དབང་སྒྱུར་ལ་ཨ་འཐས་གོ་འཐས་སུ་གྱུར་བའི་ཉེན་ལེན་གྱིས།

དེ་ལས་མང་བ་། “དོན་ངོ་མར་སུས་ཁྲིམས་འགལ་བྱས་འདུག” »

ལྡོང་ཆུ་ཤེལ། ༼སྐད་འཕྲིན་ལས་བཤུས་པའོ།། ༽

དོགས་དཔྱོད་དང་པོ།
དེ་ཡང་སྟོན་པའི་གསུང་རབ་དང་དེའི་དགོངས་འགྲེལ་གྱི་བསྟན་བཅོས་མཐའ་དག་ལ་རིགས་ལམ་དྲི་མ་མེད་པས་དཔྱད་ནས་ཡིད་ཆེས་ཀྱི་ངེས་པ་རྙེད་པའི་སྟེང་ནས་འཇུག་དགོས་པ་ནི་དབང་རྣོན་ཆོས་ཀྱི་རྗེས་སུ་འབྲང་བའམ་རིགས་པའི་རྗེས་སུ་འབྲང་བ་དག་གི་ལས་སུ་བྱ་བ་ཡིན་ནོ་ཞེས་ལུང་གི་རྒྱབ་རྟེན་དང་བཅས་ཏེ་མང་པོ་ཞིག་གི་ཁ་ན་རླུང་ལྟར་གྲག་གོ།།
དེས་ན་ཁོ་བོས་འདིར་བརྗོད་འདོད་པ་ནི་བོད་ཀྱི་མཁས་མི་མཁས་ཐམས་ཅད་ཀྱི་ཁ་བྱང་ལག་བྱང་དུ་གྱུར་ཅིང་། སྟོན་པ་སངས་རྒྱས་ཀྱི་བཀའ་ཡིན་ན་བསྲེགས་བཅད་བརྡར་གསུམ་གྱིས་གསེར་ལ་བརྟག་པ་ཇི་བཞིན། ལུང་དོན་ལ་ཚད་མ་གསུམ་གྱིས་ཡང་དང་ཡང་དུ་དཔྱད་ནས་ཁས་ལེན་པ་ལས་རང་གར་ཁས་མི་ལེན་པར་གདམས་པའི་ཚིགས་བཅད་ཅིག་ཡོད་པ་ནི། འདི་ལྟར། “དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །”ཞེས་པ་དང་། མདོ་སྡེ་རྒྱན་ལས་ཀྱང་། “ཆོས་བཟང་རིགས་པས་རྣམ་དཔྱད་བསམ་པ་ཅན། །རྟག་ཏུ་བདུད་ཀྱིས་བར་ཆད་བྱེད་པ་མེད། །”ཅེས་པ་ལ་སོགས་པ་ཡིན་ནོ།།

དེ་ལས་མང་བ་། “མདོ་ལུང་འགའི་དོགས་དཔྱོད།” »

དུར་བྱང་།
 
གསང་ཉུལ་བ་ཞིག་གིས་གསང་པའི་ལས་ཁུངས་ལ་ཡིད་ཆེས་དྲག་པོའི་ངང་འབྲེལ་བ་བྱས་འདུག ན་ཟུག་གིས་རི་བོ་བརྩེགས་ཏེ་ན་ཟུག་གི་གཡང་དུ་ལྷུང་འདུག  ཁུ་སིམ་མེར་བཞག་པའི་གནད་དོན་ཞིག་ད་ལྟ་བཤད་པའི་དུས་སུ་སྨིན་འདུག་ཟེར།

མཐའ་མའི་ལེའུ་སྟེ་ «བཀའ་བློན་པོང་ནས་འཇིག་རྟེན་ལ་ལྟ་བ» ཞེས་པར་གཟིགས་དང་། སྐུ་ཚེའི་ལོ་རྒྱུས་མཇུག་རྫོགས་ལ་ཉེ་བའི་སྐབས་འདིར། ད་ནི་ཁོང་གིས་སྡོམ་ཚིག་འགོད་པའི་དུས་ལ་བསླེབས་འདུག 

དེ་ལས་མང་བ་། “«ཀ་ལིམ་པོང་གི་ཐུག་པ་ལས་བཟོ་བ» བཀླགས་པའི་ཚོར་སྣང་།” »

འབྲིང་བ་འཇིགས་མེད་ཀྱིས།
 
༄༅།། རང་རེ་བོད་གངས་ཅན་ལྗོངས་ཀྱི་ས་ཁུལ་དབྱེ་སྟངས་ལ་ས་ཁམས་རང་གི་ཆགས་ཚུལ་གྱི་ཐོག་ནས་དང་། ལྷག་པར་དུས་སྐབས་སོ་སོའི་ཆབ་སྲིད་འཛིན་སྐྱོང་དང་འབྲེལ་བའི་གནས་ཚུལ་མི་འདྲ་བའི་འོག་ནས་ས་ཁུལ་དབྱེ་བགོས་བྱེད་སྟངས་མི་འདྲ་བ་སྣ་ཚོགས་ཤིག་བྱུང་ཡོད། འདིར་དེའི་སྐོར་རགས་ཙམ་གླེང་བ་ལ།

དང་པོ།

བོད་རྗེ་ཐོག་མ་གཉའ་ཁྲི་བཙན་པོ་མ་བྱོན་གོང་བོད་དུ་དབང་མཛད་བཅུ་གཉིས་རིམ་པར་བྱུང་བ་སོ་སོའི་སྐབས་ཀྱི་དབང་རིས་ཀྱི་ས་ཁྱོན་ལ་རྒྱ་ཆེ་ཆུང་ཡོད་ངེས་མ་ཟད།

དེ་ལས་མང་བ་། “བོད་ཀྱི་ས་ཁུལ་དབྱེ་བགོས་ཀྱི་བྱུང་རིམ།” »

འབྲོག་སངས། (སྟོད་ཆ)

རྒྱལ་པོ་ཁྲི་སྲོང་ལྡེ་བཙན་གྱི་སྐབས་སམ་དུས་རབས་བརྒྱད་པ་ཡས་མས་ནས་ཉི་ཧོང་དང་བོད་གཉིས་ཀྱིས་ཕན་ཚུན་ཤེས་པའི་མགོ་བརྩམས་ཡོད། དཔེར་ན། ཐང་རྒྱལ་རབས་ཐིན་པཱོ་ཁྲི་ལོ་བཅུ་གཉིས་པའི་གནམ་ལོ་གསར་ཚེ་(753)ལ་རྒྱལ་ཁབ་སོ་སོའི་ཕོ་ཉ་ཐང་གོང་མར་འཚམ་སྐྱེས་འབུལ་བར་ཡོང་སྐབས། ནུབ་ཕྱོགས་ཀྱི་གྲལ་མགོར་བོད་ཀྱི་ཕོ་ཉ་དང་། དེའི་འོག་ཏུ་ཉི་ཧོང་གི་ཕོ་ཉར་བཞུགས་གདན་བསྒྲིགས་ཡོད་ཅིང་། ཤར་ཕྱོགས་ཀྱི་གྲལ་མགོར་བྱང་ཁོ་རེ་ཡའི་ཕོར་བཞུགས་གདན་བསྒྲིགས་ཡོད། སྐབས་དེར་ཉི་ཧོང་གི་ཕོ་ཉ་གཞོན་པ་ཀོ་མཱ་ལི་བྱང་ཁོ་རེ་ཡའི་བཞུགས་གདན་རང་གི་མཐོ་ཡིན་པར་ཧ་ཅང་ཡིད་མ་དགའ་བར། གནའ་ནས་ད་བར་ཉི་ཧོང་ནི་བྱང་ཁོ་

དེ་ལས་མང་བ་། “ ཉི་ཧོང་དང་བོད་ལ་འབྲེལ་བ་བྱུང་ཚུལ། ” »

ཨ་འདུས་སྐལ་བཟང་རྒྱ་མཚོས།
 
—སྒོ་ཤེར་གྱི་བརྩམས་ཆོས་ཐོག་མ་ << ང་ཚོ་སད་རན >> མཇལ་བའི་སྔ་རྗེས་ཀྱི་འཆར་ཡན།

རྒྱ་གར་གྱི་ཡུལ་དབུས་དག་ན། ཚ་དྲོད་ཀྱིས་མི་ཚོགས་བསྣད་ཀྱིན་པའི་དུས་དེར་ཡང་། བསིལ་འཇམ་གྱི་རླུང་བུ་ངང་གིས་རྒྱུ་ཞིང་། ལྷིང་ལྷིང་དུ་གྱེར་བཞིན་པའི་གཙང་པོའི་གླུ་སྐད་ཉིན་མཚན་གཉིས་ཀར་ཉན་ཐུབ་པའི་དུས་དེར། ང་རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་ཀུ་ལི་མཱ་ན་ལིར་ཡོད། ཉིན་དེར་སཱ་ར་མཐོ་སློབ་ཏུ་སློབ་གཉེར་བྱེད་བཞིན་པའི་ངའི་ཆུང་གྲོགས་ཨ་འདུས་མིག་ཆུས་ཁ་པར་སླེབས་བྱུང་། ཁོང་གིས་དེ་རིང་ཁོ་བོར་དེབ་གསར་པ་ཞིག་ཀློག་རྒྱུ་ཡོད་པས། ཁ་ཁུ་སིམ་པའི་རྡ་སའི་རི་སྒང་ཞིག་ཏུ་གཅིག་པུར་དཔེ་ཀློག་བྱས་ཏེ་བསྡད་ཡོད་ཟེར། འོན་ཀྱང་སཱ་ར་

དེ་ལས་མང་བ་། “ཨ་ཁུ་སྒོ་ཤེར་དང་། ཁོང་གི་བློ་གྲོས་ཀྱི་གྲིབ་གཟུགས།   ་” »

ཆབ་ཚང་འཇམ་དཔལ།
 

ལེ་ཚན་དང་པོ།

དང་པོ། བོད་བརྒྱུད་ནང་བསྟན་གྱི་བསླབ་གཞི་སྤྱི་བཤད།

༄༅།། ཐོག་མར་བོད་བརྒྱུད་ནང་བསྟན་གྱི་བསླབ་གཞི་དང་ཐད་འབྲེལ་གྱི་བོད་བརྒྱུད་ནང་བསྟན་ནང་བཞུགས་པའི་རྒྱ་བོད་མཁས་པའི་གསུང་འབུམ་སྐོར་རགས་བསྡུས་ཤིག་ངོ་སྤྲོད་བྱས་ན། རྣམ་འདྲེན་བཞི་པའི་བཀའ་སྡེ་སྣོད་གསུམ་དང་རྒྱུད་སྡེ་བཞིའི་ནང་ཚན་ནས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་བརྒྱ་དང་གསུམ་ལྷག་ཡོད།) བཀའ་འགྱུར་དང༌། དེ་དག་གི་དགོངས་པ་འགྲེལ་པའི་བསྟན་བཅོས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་ཉིས་བརྒྱ་བཅུ་གསུམ་ཡོད།) བསྟན་འགྱུར་དུ་གྲགས། དེ་དག་ལས་སྐྱེས་རབས་དང༌། སྦྲངས་ཡིག སྒྲ་མདོ།

དེ་ལས་མང་བ་། “བྱེས་འཁོད་འབྲས་བློ་གླིང་གྲྭ་ཚང་གི་བོད་བརྒྱུད་ནང་བསྟན་གྱི་སྲོལ་རྒྱུན་བསླབ་གཞི་སྒྲིག་སྟངས་སྐོར་མཐོང་ཐོས་རགས་ཟིན།” »

སྙན་བཟང་གཡུང་དྲུང་ཚེ་རིང་།

ད་ནངས་བདག་གིས་ཞོགས་ཇ་འཐུང་བཞིན་ངོ་དེབ་དང་སྐད་འཕྲིན་གྱི་བར་སྟོང་ལ་མིག་བཤེར་བྱེད་སྐབས། ངོ་ཤེས་མཁན་དང་མི་ཤེས་མཁན་སྐོར་ཞིག་གིས«ཀ་ལིམ་པོང་གི་ཐུག་པ་ལས་བཟོ་བ»ཞེས་པའི་དེབ་དེའི་མདུན་ཤོག་དང་ཤོག་ངོས་རེ་ཟུང་པར་བླངས་ཏེ་བརྒྱུད་སྤེལ་བྱས་དང་བྱེད་བཞིན་པ་མཐོང་། ད་དུང་ང་ལ་དེབ་འདི་ཐོབ་མེད་མོད། ཉིན་ཤས་ཀྱི་སྔོན་ལ་པེ་རེ་སིར་གནས་སྡོད་ཨ་མདོ་བ་ཞིག་གིས་དེབ་འདི་བསྐུར་ཆོག་སྐོར་བཤད་ནའང་། ཁ་སང་དེ་རིང་གུང་གསེང་ཡིན་པས་བདག་ནི་ཡུལ་གཞན་ཞིག་ཏུ་ཡོད་ཚུལ་ཞུས། གང་ལྟར། དེབ་འདི་ནི་༧སྐུའི་གཅེན་པོ་རྒྱལ་ལོ་དོན་གྲུབ་མཆོག་གི་རང་རྣམ་ཡིན་ཅིང་། ཁོང་དང་རྒྱལ་ཁོངས་ཨ་རི་ནས་ཡིན་པའི་ལྕམ་སྐུ་ཨཱན་ཋར སི་ཊོན་གཉིས་ཀྱིས་བརྩམས་པ་ཞིག་ཡིན་པ་རེད།

དེ་ལས་མང་བ་། ““ཀེ་ལེ་བྷན”མ་རེད་དམ།” »

ནམ་མཁའ།
 
གོང་གི་རྩོམ་བྱང་འདི་༡༩༨༧ལོ་མཇུག་ཏུ་རྒྱ་ནག་གི་རྒྱལ་ས་པེ་ཅིན་གཞུང་གི་སྐད་ཆ་ཞིག་རེད། པེ་ཅིན་གཞུང་གི་སྐད་ཆ་འདི་ཅི་ལྟར་བྱུང་མིན་ནི་ལོ་རྒྱུས་ཅུང་ཟད་རིང་མོ་ཞིག་ཡོད་མོད།འོན་ཀྱང་དེ་རིང་འདིར་སྐབས་དེའི་ངའི་གྲོགས་པོ་དཔའ་ངར་ལྡན་པ་ཞིག་གི་མི་ཚེ་དང་འབྲེལ། དྲན་ཐོ་ཐུང་ངུ་འདིའི་ནང་དུ་མདོར་བསྡུས་ཞིག་འབྲི་རྒྱུ་ཡིན། ཉིན་ཤས་སྔོན་བོད་ནང་གི་གྲོགས་པོ་ཞིག་གིས་ཕྲན་དང་མཉམ་དུ་ཡོད་པའི་འདྲ་པར་རྙིང་པ་ཞིག་སྐུར་སོང་།

དེ་ལས་མང་བ་། “ལྷ་ས་ནས་འབྲུག་གྲགས་ན་རེབ་གོང་ནས་ཆར་བ་གཏོང་།” »