དེ་རིང་ངས་གླེང་སློང་བྱེད་འདོད་པ་ནི། དེང་སྐབས་བཅུ་བདུན་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་ཀྱི་གནས་ཚུལ་སྐོར་ཡིན་པ་དང་། སྤྱིར་བཏང་གི་བཙན་བྱོལ་ནང་གི་ལབ་གླེང་སྐོར་ལ་ང་ལ་གླེང་འདོད་གཏན་ནས་མི་འདུག །འོན་ཀྱང་ད་རེས་ཁྱི་མི་རྨུགས་དཀའ་མེད་རྐུ་མས་སྒོ་རྡུང་། ཝ་མི་རྒྱལ་དཀའ་མེད་ལྷ་འདྲེས་འགྲམ་ལྕག་ཅེས་པའི་དཔེ་ལྟར། ད་རེས་མ་བཤད་ཀ་མེད་དུ་གྱུར་སོང་བའི་རྒྱ་ཆེ་ཀློག་པ་པོ་ཚོའི་བློ་ལ་འཐད་མིན་ཡོང་སྲིད་ན་དགོངས་པ་མ་ཚོགས་རོགས་ཞུ་རྒྱུ་ལས་མ་འདས། ད་རེས་ཚང་མའི་མཁྱེན་གསལ་བཞིན་ང་ཚོའི་གྲོས་ཚོགས་ཚོགས་ག་དུས་དབུ་འཛུགས་གནང་བ་ཡིན་ན་དང་ཐོག་བོད་ནང་ཛ་དྲག་གི་གནས་སྟངས་སྐོར་ལ་གལ་ཆེའི་དོན་ཆེ་ཞིག་ཏུ་འཛིན་ནས་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་བསྣམས་ཕེབས་ཀྱི་ཡོད་པ་དང་། དེར་བཀུར་འོས་སྤྱི་འཐུས་རྣམ་པས་བོད་ནང་གི་ཛ་དྲག་གི་གནས་སྟངས་སྐོར་ལ་དགོངས་ཚུལ་གསུང་སའི་གལ་ཆེའི་སྡིངས་ཆ་ཞིག་ཡིན་པས་བཀུར་འོས་རྣམ་པས་བགྲོ་གླེང་གི་ཆ་ཤས་བཞེས་གནང་གི་ཡོད། ད་རེས་བོད་ནང་གི་གཞིས་ལུས་མི་དམངས་ལ་གདུང་སེམས་མཉམ་སྐྱེད་བྱ་རྒྱུ་ལས་ལྡོག་སྟེ་ནང་ཁུལ་ལབ་གླེང་བྱུང་ནས་གྲོས་ཚོགས་ཚོགས་མ་ཐུབ་པ་དེ་རེད། ས་གནས་ཁག་ནས་གཞུང་མགྲོན་ཕོན་ཆེན་བཏང་ནས་གནས་འདིར་ཕེབས་ཚར་དུས་གྲོས་ཚོགས་ཚོགས་མ་ཐུབ་པ་ནི་ཧ་ཅང་བློ་ཕམ་གྱི་རང་བཞིན་གནས་ཚུལ་ཞིག་ལ་ངོས་འཛིན་མི་ཞུ་ཀ་མེད་རེད་སྙམ། གཞིས་ལུས་བོད་མི་རྣམས་ཁྲག་དང་མིག་ཆུ་འོག་ཏུ་འཚོ་བ་རོལ་དགོས་ཐུག་གི་ཡོད། ཉིན་འཁྱོལ་རུང་མཚན་མི་འཁྱོལ་བའི་དཀའ་སྡུག་འོག་ཏུ་གནས་དགོས་ཐུག་གི་ཡོད། དེའདྲའི་དཀའ་སྡུག་འོག་ཏུ་ཡོད་རུང་བློ་བརྟན་འགྱུར་མེད་ཀྱིས་ཚེ་སྲོག་ཉེན་ཁ་ཡོད་རུང་རང་གཞུང་ལ་ཡིད་ཆེས་བློ་གཏད་ཀྱི་རེ་བ་བཟུང་ནས་ལས་དོན་གནང་བཞིན་ཡོད། དེ་འདྲའི་རེ་བ་དང་། ཡིད་ཆེས་ཐོག་ནས་ད་བར་གཅེས་པའི་ལུས་སྲོག་དམར་པོ་མཆོད་མེར་སྒྲོན་ཡོད།…
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པ་དེ་འདི་ཚེས་བཅུ་དགུ་ཉིན་དབུ་འཛུགས་གནང་ནས་ཚོགས་དུས་འདིར་འཛིན་སྐྱོང་གིས་ལས་བསྡོམས་ཐོག་བགྲོ་གླེང་གནང་རྒྱུ་དང་གཞན་ཡང་ལས་རིམ་ཁག་བཅས་ཉིན་དང་པོར་གདུང་སེམས་མཉམ་སྐྱེད་ཐོག་བགྲོ་གླེང་འགྲོ་བའི་སྐབས་སྤྱི་འཐུས་གཅིག་ནས་གྲོས་ཚོགས་ཀྱིས་ལས་རིམ་དང་འབྲེལ་བ་མེད་པའི་སྐྱབས་རྗེ་ཟམ་གདོང་རིན་པོ་ཆེ་ལ་གཞི་མེད་སྐྱོན་འཛུགས་གཏམ་བཤད་སྤེལ་སྐབས་ཚོགས་གཙོའི་བཏང་འཛིན་མ་གནང་བ་ནས་སྤྱི་འཐུས་གཞན་ཞིག་ནས་ལས་རིམ་རྣམ་བཞག་ལ་འགན་འཁུར་ནས་སྤྱི་འཐུས་དེ་ལ་རྒྱ་མིའི་སོ་པ་འཁྲིད་ནས་ཀ་རྡོར་གང་གསུམ་ལ་འགྲོ་མཁན་དེ་ཁྱོད་མིན་ན་སུ་རེད་ཟེར་བ་ནས་སྤྱི་འཐུས་གཉིས་བར་གཅིག་གི་གཅིག་ལ་ཚིིག་ངན་བེད་སྤྱོད་འོག་ནས་གྲོས་ཚོགས་ལས་རིམ་དེ་སྤྱི་འཐུས་སྒེར་གྱི་ཆབ་སྲིད་འཐབ་རྩོད་ལ་ཁ་ཕྱོགས་ནས་སྤྱི་འཐུས་ནང་ཁུལ་ཕྱོགས་གཏོགས་ལ་འགན་འཁུར་ནས་བདེ་སྲུང་ལས་ཁུང་མར་དྲུད་ནས་འདི་ཚེས་༢༣ ནས་གྲོས་ཚོགས་ཚོགས་མ་ཐུབ་པ་ནི་འདས་པའི་མི་ལོ་དྲུག་བཅུ་ལྷག་ཙམ་རིང་བཙན་བྱོལ་བོད་མིའི་གྲོས་ཚོགས་ཀྱི་ལོ་རྒྱུས་ནང་ཐེངས་དང་པོ་ཡིན་པ་མ་ཟད་མཐའ་མ་གྲོས་ཚོགས་འཇུག་བསྡུ་མ་ཐུབ་ནས་ཚོགས་དྲུང་ཡིག་ཚང་ནས་བཅའ་ཁྲིམས་དོན་ཚན་བཞི་དགུ་པའི་ནང་གསེས་གཉིས་པའི་འོག་ཉུང་མཐའི་གྲངས་ཚད་མ་ལོངས་པར་ངོས་འཛིན་གནང་ནས་དུས་ཚོད་ངེས་མེད་བར་གྲོས་ཚོགས་གྲོལ་བརྡ་བཏང་འདུག་པ་དེ་ཡང་ཁྲིམས་མཐུན་ཡིན་དང་ཁྲིམས་འགལ་ཡིན་ཐེ་ཚོམས་ནང་ལྷག་པ་ནི་གྲོས་ཚོགས་ཚོགས་བཞིན་པའི་སྐབས་ཆོས་ལུགས་དང་མདོ་སྟོད་སྤྱི་འཐུས་བཅས་གྲོས་ཚོགས་ལས་རིམ་ལ་མཉམ་ཞུགས་མ་གནང་བ་ནས་གྲོས་ཚོགས་ཀྱི་ལས་རིམ་མུ་མཐུད་ནས་འགྲོ་མ་ཐུབ་པ་ནི་གཉེན་བྱམས་པས་མཐོང་ན་ངུ་བྲོ། དྭངས་དགྲ་བོའི་གོ་ན་ཡིད་འཚིམ་ཟེར་བ་ལྟར་མ་རེད་དམ། བཅའ་ཁྲིམས་དོན་ཚན་བཞི་དགུ་པའི་ནང་གསེས་གཉིས་པ་ནང་གསལ་བའི་ཉུང་མཐའི་གྲངས་ཚད་མ་ལོངས་པར་ངོས་འཛིན་ག་འདྲ་བྱས་ནས་གནང་བ་རེད་དེ་ཡང་བཅའ་ཁྲིམས་དང་མཐུན་པ་ཞིག་ལ་ནམ་ཡང་ངོས་འཛིན་ཞུ་ཐུབ་མ་སོང་། གང་ལགས་ཞུས་ན་གྲོས་ཚོགས་ལས་རིམ་འགྲོ་བཞིན་པའི་སྐབས་འཐུས་མི་ཉི་ཤུ་ལྷག་ཙམ་ནས་གྲོས་ཚོགས་ལས་རིམ་ལ་མཉམ་ཞུགས་མ་གནང་བ་དེ་བཅའ་སྒྲིག་གཉིས་དང་འབྲེལ་མེད་གནད་དོན་ཞིག་གྲོས་ཚོགས་ལས་རིམ་ནང་བློ་བུར་དུ་སླེབས་པ་ནས་བཅའ་ཁྲིམས་དོན་ཚན་བཞི་དགུའི་ནང་གསེས་གཉིས་པ་དང་རྩ་བ་ནས་འབྲེལ་བ་མེད་པ་ནས་ཐབས་ལམ་གཞན་པ་བརྒྱུད་ནས་གྲོས་ཚོགས་འཇུག་བསྡུ་དགོས་པའི་ཐབས་ལམ་མ་རྩལ་ནས་བཅའ་ཁྲིམས་དོན་ཚན་བཞི་དགུའི་ནང་གསེས་གཉིས་པ་ལ་འགན་བཀུར་ནས་གྲོས་ཚོགས་འཇུག་བསྡུ་རྒྱུ་དེ་ཁྲིམས་མཐུན་ལ་ནམ་ཡང་ངོས་འཛིན་ཞུ་ཐུབ་མ་སོང་། ཚོགས་གཙོ་གཉིས་ནས་གྲོས་ཚོགས་མུ་མཐུད་ནས་ཚོགས་ཐབས་དང་མི་མང་གི་ཞུ་འབོད་ལས་འགུལ་བསྐོར་སོགས་གོ་བསྡུར་ཆེད་ཞུགས་མོལ་ཚོགས་འདུ་བསྐོང་ཀྱང་དབུས་གཙང་དང་མདོ་སྨད་ཡུ་རོབ་སྤྱི་འཐུས་སོགས་མཉམ་ཞུགས་མ་གནང་བ་ནས་ཞུགས་མོལ་ཚོགས་འདུ་ཡང་ཚོགས་མ་ཐུབ་པའི་གནས་སྟངས་ལ་བལྟ་སྐབས་ད་ལྟའི་སྤྱི་འཐུས་སྐབས་བཅུ་བདུན་པ་འདི་ཕྱོགས་གཏོགས་ལ་འགན་འཁུར་ནས་ནང་འཁྲུགས་ལ་དུས་ཚོད་བཏང་ནས་ཤོག་ཁག་ཅིག་ཡོང་ན་ཤོག་ཁག་གཞན་མ་ཡོང་བའི་བྱེད་བབས་འདིའི་འོས་འཕེན་རྒྱ་ཆེ་མི་མང་གི་མངོན་འདོད་ནམ་ཡང་འགྲུབ་མི་ཐུབ་པ་གསལ་པོ་ཆགས་པ་ནས་སྐབས་བཅུ་བདུན་གྱི་སྤྱི་འཐུས་བཞི་བཅུ་ཞེ་ལྔ་ཆ་ཚང་བཟང་སྤྱོད་ལ་འགན་འཁུར་ནས་རྩ་དགོང་ཞུ་དགོས་པ་ནི་ཁྱེད་རྣམ་པས་གྲོས་ཚོགས་ཀྱི་ལས་རིམ་ནང་མཉམ་ལས་དང་མཐུན་འབྲེལ་ནམ་ཡང་གནང་མི་ཐུབ་པ་ལོང་བས་བལྟས་ཀྱང་ཁམས་གསུམ་གྱི་དཔེ་ལྟར་ལས་མ་འདས་ན་དགྲ་དགའ་གཉེན་སྡུག་ལ་འགན་འཁུར་མཁན་གྱི་མི་མང་གི་སྐུ་ཚབ་སྤྱི་འཐུས་དུས་ནམ་ཡང་བཙན་བྱོལ་བོད་མིའི་གྲོས་ཚོགས་འཐུས་མིའི་ནང་དགོས་གལ་མ་མཐོང་ངོ་། གཞུང་པས། ༢༠༢༣/༠༩/༣༠
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་དྲུག་གི་ཁྲིམས་འགལ་དང་སྒྲིག་འགལ་འོག་བཞག་པའི་གྲོས་ཆོད་ཡིག་ཆ་ཨང་ ༣༩ ཟེར་བ་དེའི་འཇུག་འབྲས་བཙན་བྱོལ་བོད་མིའི་མང་གཙོའི་ཀ་བ་གསུམ་གྱི་ཡ་རྒྱལ་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཅིག་བཅས་བསྐོ་མ་ཐུབ་པ་ནས་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་ནས་མང་གཙོའི་ཀ་བ་གསུམ་གྱིས་འགན་འཁུར་ལས་དོན་གནང་རྒྱུར་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་ཆ་ཚང་མེད་པ་ནས་བཙན་བྱོལ་སྤྱི་ཚོགས་ནང་ལས་དོན་མང་པོ་ཞིག་ལ་དོ་ཕོག་དང་མཐུད་ཤོར་འགྲོ་བཞིན་པ་ནས་འདིའི་འགན་ཆ་ཚང་སྤྱི་འཐུས་གྲོས་ཚོགས་ལ་ཡོད་པ་བཅའ་ཁྲིམས་དོན་ཚན་སོ་དྲུག་ནས་ངོ་སྤྲད་པ་འདི་ལྟར། ༼ བཅའ་ཁྲིམས་དོན་ཚན་སོ་དྲུག་པ། ཁྲིམས་བཟོའི་དབང་ཆ། ཁྲིམས་ལུགས་བཟོ་འགོད་དང་། གཏན་འབེབས་བྱ་རྒྱུའི་དབང་ཆ་ཡོངས་རྫོགས་བོད་མི་མང་སྤྱི་འཐུས་ལྷན་ཚོགས་ལ་ཡོད་པ་དང་། ཁྲིམས་ལུགས་དེ་དག་ཁྲིམས་སུ་བཅའ་བ་ལ་སྲིད་སྐྱོང་གིས་ཆོག་མཆན་མིང་རྟགས་འགོད་དགོས། ༽ ཅེས་གསལ་བ་ནས་མཁྱེན་ཐུབ་པ་དང་། གཞི་རིམ་མི་མང་གི་ཞུ་འབོད་ལས་འགུལ་གྱི་དགོས་འདུན་ཆེས་མཐོའི་ཁྲིམས་ཞིམ་ཁང་སླར་གསོ་གནང་རོགས་ཞུ་གི་འདུག་ན་སྤྱི་འཐུས་ཀྱི་ཚོགས་གཙོ་ཚོགས་གཞོན་སར་འཐུས་མི་བཅར་སྐབས་གཡས་ཟུར་གཡོན་ཟུར་བྱས་ནས་ཐུག་རྒྱུའི་གོ་སྐབས་མ་གནང་བ་དེ་ནི་དམངས་གཙོ་གཅིག་བསྡུད་ཀྱི་ལམ་ལུགས་ཙམ་ལས་མི་མང་མང་གཙོའི་ལམ་ལུགས་ཀྱི་རྣམ་འགྱུར་ཞིག་ག་ནས་ཡིན། མི་མང་ནས་སོ་སོའི་འཐུས་མི་ལ་བདེ་སྡུག་ཞུ་བར་ས་ཐག་འགྱངས་པོ་ནས་ཡོང་བ་ལ་ཁ་ལན་ངོས་ལེན་ཕར་བཞག་ཐུག་རྒྱུའི་གོ་སྐབས་མ་གནང་ནི་མི་མང་གིས་འཐུས་མིའི་ལྟ་སྤྱོད་ཀྱི་སྤུས་ཚད་ག་འདྲ་ཡོད་དེ་ནས་གསལ་པོ་བསྟན་པ་དང་། སྤྱི་འཐུས་ཁག་ཅིག་མི་མང་གི་ཞུ་འབོད་ལས་འགུལ་བ་ཚོ་ཐུག་ཏུ་ཕེབས་པ་ནི་མི་མང་གི་འཐུས་མིའི་མི་མང་ཚོར་གདུང་སེམས་མཉམ་སྐྱེད་ཀྱི་རྣམ་འགྱུར་བསྟན་པ་ཙམ་གྱི་མི་མང་གི་འཐུས་མིའི་བཟང་སྤྱོད་ལ་འགན་འཁུར་བར་ངོས་འཛིན་ཞུ་གི་ཡོད།…
རིག་འབྱུང་དོན་གྲུབ་བཀྲ་ཤིས་ཀྱིས་བརྩམས། གཡག་ཕྱུག་ཕུན་ཚོགས་ཆོས་འཕེལ་གྱིས་བསྒྱུར། པད་མ་ཚེ་བརྟན་ལགས་ནི། སྤྱི་ལོ་ ༡༩༦༩ ལོའི་ཟླ་བཅུ་གཉིས་པར་མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་གྱི་ཁྲི་ཀ་ལྷ་ཁང་ཐང་ཞེས་པའི་གྲོང་གསེབ་ཅིག་ཏུ་སྐུ་འཁྲུངས། ཆུང་ངུའི་དུས་ནས་(རང་ལོ་དགུའི་སྐབས་ལ།) ཕ་མ་གཉིས་ཁ་གྱེས་ཤིང་། ཨ་མས་ཡང་བསྐྱར་གཉེན་སྒྲིག་བྱས་པའི་རྒྱུ་རྐྱེན་ལ་བརྟེན་ནས། ཁོང་དང་སྤུན་ཉེ་རྣམས་ཀྱི་འཚར་ལོངས་ཀྱི་འགན་ཁུར་ཡོངས་རྗོགས་ཨ་མྱེས་དམ་པས་འཁྱེར་དགོས་བྱུང་། ཁོང་གིས་ཕ་ཡུལ་རང་ལ་གཞི་རིམ་དང་འབྲིང་རིམ་གྱི་སློབ་གྲྭ་འགྲིམས་ཚར་རྗེས། མདོ་སྨད་ཆབ་ཆར་ཡོད་པའི་མི་རིགས་དགེ་ཐོན་སློབ་གྲྭར་དགེ་རྒན་འོས་སྦྱོང་གི་སློབ་གཉེར་གནང་། དགེ་རྒན་འོས་སྦྱོང་གི་མཐོ་སློབ་དེ་ནི་མཁས་དབང་གསུང་རབ་རྒྱ་མཚོ་ལགས་ཀྱི་སློབ་སྟོན་འོག་བཙུགས་པའི་མཐོ་སློབ་མང་པོའི་གྲས་ཀྱི་གཅིག་ཡིན་པ་དང་། པད་མ་ཚེ་བརྟན་མཐོ་སློབ་དེ་ནས་དགེ་རྒན་འོས་སྦྱོང་གི་སློབ་གཉེར་མཇུག་སྒྲིལ་མ་ཐག་རང་གི་ཕ་ཡུལ་དུ་ལོག་སྟེ་ཁྱོན་བསྡོམས་ལོ་ངོ་བཞི་ཡི་རིང་གཞི་རིམ་སློབ་གྲྭའི་བོད་ཡིག་དགེ་རྒན་གྱི་ཕྱག་ལས་གནང་། ཕ་ཡུལ་དུ་བོད་ཡིག་དགེ་རྒན་བྱས་པའི་ལོ་ངོ་དེ་དག་གི་རིང་།…
དེ་ལས་མང་བ་། “བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པད་མ་ཚེ་བརྟན་གྱི་མི་ཚེའི་ལོ་རྒྱུས།” »
______གཅན་མེ་སྟག་ལ་ལོ་མཆོད་ཀྱི་ཚབ་ཏུ། ___གཟི་མིག ངས་གཅན་མེ་སྟག་གི་རྣམ་ཤེས་དང་འགྲོགས་ནས ཉི་ཟླ་རི་བོའི་སྙན་ཚིག་ཅིག་བཀླགས ཁོང་ལ་ཁེར་རྐྱང་གི་སྙན་ངག་རེ་འབྲི་དུས ཁོ་རང་སྐྱོ་སྣང་གིས་བཟི་ནས་ཡུན་རིང་ལྷག ངས་ཁོང་གིས་ཡུན་རིང་ཉར་བའི་ཁེར་རྐྱང་གི་སྣང་བ་ཞིག་རྙེད དོ་ནུབ་ངས་རྒྱང་རིང་གི་ཁྱེད་རང་ཡིད་ལ་བླངས་ནས ལས་དབང་གི་ངུ་སྐད་འཆར་ཡན་གྱི་ཐ་སྙད་དུ་སྦེད་དུས གཅན་མེ་སྟག་ཁོ་ན ང་ཡི་སྡོང་གྲོགས་སུ་གྱུར་འདུག་ལ ཁོང་གིས་བསྣམས་པའི་ཁེར་རྐྱང་གི་སེམས་ངལ་མང་པོ ང་ཡི་ཞེ་ལ་ག་ལེར་སིམ …
གཞུང་པ་ཚེ་དབང་བསོད་ནམས། བོད་མིའི་བླ་ན་མེད་པའི་དབུ་ཁྲིད་༧ སྤྱི་ནོར་༧གོང་ས་༧སྐྱབས་མགོན་ཡིད་བཞིན་ནོར་བུ་མཆོག་གི་སྐུའི་བླ་གཟའ་ལ་བོད་ནང་ཡོད་པའི་རྒྱལ་གཅེས་ལྷག་བསམ་ཅན་གྱི་བོད་མི་ཚོའི་ལྷག་དཀར་ཞེས་མིང་བཏགས་ནས་རེས་གཟའ་ལྷག་པ་ནམ་ཡིན་ལ་རི་རླུང་དར་འཛུགས་དང་། རླུང་རྟ་ཡར་བསྐྱེད། ལྷ་བསངས་དགུང་ལ་གཏོང་བ། རྒྱལ་བའི་ཞབས་རྟེན་འུར་འདོན་སོགས་ཆོས་ཕྱོགས་དང་འབྲེལ་བའི་དཀར་པོ་དགེ་བའི་ལས་ལ་བརྩོན་བཞིན་པ་ནི་མི་སྨོན་རང་སྐྱིད་ཀྱི་དགེ་ཚོགས་རླབས་པོ་ཆེ་བསོགས་བཞིན་པ་ལ་རྗེས་སུ་ཡིད་སྨོན་དང་བསྔགས་བརྗོད་ཡོད། བར་ལམ་ཞིག་ནས་རང་རེ་བཙན་བྱོལ་སྤྱི་ཚོགས་ནང་ལྷག་དཀར་ལ་རྫོགས་རྒྱུ་མེད་པའི་སྒོར་གཞས་ལ་མགོ་འཁོར་ནས་ཆོས་ཕྱོགས་ཀྱི་བྱ་བ་མཇལ་རྒྱུ་མེད་པའི་ལམ་ལུགས་འདིའི་མ་འོངས་བོད་ཀྱི་རིག་གཞུང་གི་ཁ་ཕྱོགས་དེ་ག་པར་འཁྲིད་ཀྱི་ཡོད་དེ་ཡང་ཐེ་ཚོམ་ཆེན་པོའི་ནང་ལྷག་པ་དང་། ༧གོང་ས་མཆོག་གི་སྐུའི་བླ་གཟའ་ནམ་ཡིན་ལ་བོད་མི་ཚོས་༧གོང་ས་མཆོག་སྐུ་ཚེ་ཡུན་རིང་བརྟན་པ་དང་མཛད་པ་འཕྲིན་ལས་རྒྱས་པའི་ཆེད་ཆོས་ཕྱོགས་ཀྱི་བྱ་བ་རི་རླུང་དར་འཛུགས་དང་། དཀར་ཕྱོགས་སྐྱོང་བའི་ལྷ་སྲུང་རྣམས་ལ་ཕྲིན་ལས་བཅོལ་རྒྱུ་དང་། བསངས་དང་གསོ་ཁ། ཚེ་མཐར་གཏོང་བ། ཚེ་སྒྲུབ་དང་ཚེ་ཆོག་ཚེ་གཟུངས་གྲངས་བསོགས། རྒྱལ་བའི་ཞབས་རྟེན་འུར་འདོན་སོགས་དཀར་པོའི་དགེ་ལས་ཁག་བསྒྲུབ་རྒྱུ་ནི་སྒོར་གཞས་སྟོང་ཚོ་མང་པོ་ཁྲབ་པ་ལས་ཀྱང་དེ་ཕན་རླབས་དང་ནུས་པ་ཆེ་བ་ཡོད་པའི་ངོས་འཛིན་དང་བཅས་བོད་མི་ཚང་མས་དེ་ལྟར་ཐུགས་སུ་འཇོག་གནང་ཡོང་བའི་འབོད་བསྐུལ་ཞུ་འདོད་བྱུང་། སྔ་མོ་བོད་ལ་གླུ་སྒར་གྱི་མཆོད་པ་དབུལ་རྒྱུའི་ལམ་ལུགས་ཡོད་པ་དེ་ག་དུས་ཕུལ་གྱི་རེད་ཟེར་ན་བླ་ཆེན་དང་མི་ཆེན་ཁྲི་འདོན་སྐབས་དང་། བོད་མི་རིགས་ཀྱི་མཐུན་མོང་མ་ཡིན་པའི་ཆོས་ཕྱོགས་ཀྱི་གལ་ཆེའི་མཛད་སྒོ་ཁག་དང་།…
ཡེ་ཤེས།
ཨ་རིའི་རྩོམ་པ་པོ་སཱོ་ལོ་ལགས་ཀྱི་བརྩམས་ཆོས་མཚེའུ་ཝར་ཏིན་ཞེས་པ་རུ། ཐོ་རངས་སྐབས་ནི་ཇི་འདྲའི་དུས་སྐབས་ཁྱད་པར་བ་ཞིག་ཡིན་པ་བརྗོད་ཡོད་དེ། ཁོང་གིས་སྟོན་པ་ཤཱཀྱ་ཐུབ་པ་ཐོ་རངས་སྐབས་སུ་སངས་རྒྱས་པ་རེད་ལ། རང་ཉིད་ཀྱང་ཐོ་རངས་སུ་མཚེའུ་ཝར་ཏིན་འགྲམ་དུ་གཅིག་པུར་བསྡད་དེ། ལྷིང་འཇགས་ཀྱི་ངང་ནས་མཚེའུ་དང་རྒྱང་རིང་གི་མཚམས་སྤྲིན་ལ་མྱོང་སྐབས། འཇིག་རྟེན་དང་མི་ཚེ་ཡི་ཆོས་ཉིད་མང་པོ་གསལ་ལེར་སེམས་སུ་ཤར་ཐུབ་པའི་ཚོར་སྣང་ཞིག་འདུག་ཅེས་གསུངས་འདུག
࿑ བཙན་བྱོལ་བོད་མིའི་གཞིས་ཆགས་ཁག་སྲ་བརྟན་དང་། རྒྱུན་གནས་། རང་ཁ་རང་གསོ་ཐུབ་པའི་འགན་དེ་གཞིས་ཆགས་སོ་སོའི་ས་གནས་མཉམ་འབྲེལ་ནས་བཞེས་དགོས་པའི་དུས་ལ་བབས་མི་འདུག་གམ།
གཞུང་པ་ཚེ་དབང་བསོད་ནམས།
བོད་མིའི་བླ་ན་མེད་པའི་དབུ་ཁྲིད་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་གི་རླབས་ཆེན་མཛད་འཕྲིན་འོག་བོད་མི་བཙན་བྱོལ་བ་རྣམས་རང་ཡུལ་དུ་ཕྱིར་ལོག་མ་ཐུབ་བར་འཚོ་བའི་མདུན་ལམ་ཆེད་གནས་ཡུལ་རྒྱ་གར་གཞུང་ནས་གཞིས་ཆགས་ཀྱི་ས་ཁང་དང་མི་མང་གི་འཚོ་བར་འགན་འཁུར་ལེན་མཁན་གནས་ཡུལ་ལུང་པའི་ཁྲིམས་སྒྲིག་འོག་ས་གནས་མཉམ་འབྲེལ་ཁག་ཆེད་དུ་བཙུགས་ནས་རང་ཁ་རང་གསོ་དང་། རང་མི་རང་ལས་བྱས་ནས་གཞན་ལ་བརྟེན་མི་དགོས་པར་མཉམ་འབྲེལ་གྱི་ཡོང་འབབས་ཐོག་ནས་ས་གནས་ཀྱི་སློབ་གྲ་དང་།
དེ་ལས་མང་བ་། “འགན་དེ་གཞིས་ཆགས་སོ་སོའི་ས་གནས་མཉམ་འབྲེལ་ནས་བཞེས་དགོས།” »
ཡེ་ཤེས།
ཉིན་དང་པོ། ཉི་མ་ལྷ་སར་མ་སོང་བར་ལོ་ངོ་གཉིས་ལྷག་ཙམ་འགོར་སོང་། ལོ་ངོ་གཉིས་པོ་འདིའི་རིང་། ངས་ལྷ་ས་མ་ཡིན་པའི་ཡུལ་གྲུ་གཞན་ནས་རང་གི་ལས་དབང་གི་འགྱུར་བ་མང་པོ་མྱངས་ཤིང་། ལྷ་ས་ན་སྡོད་པའི་རང་ཉིད་ཁོ་ན་ལས་བརྒལ་ཏེ་རང་ཉིད་གཞན་པ་མང་པོ་ཞིག་ཀྱང་མཐོང་། འཚོ་བ་དང་རང་སྟེང་གི་འགྱུར་བ་དེ་དག་ཡོད་ཚད་ནི་ཇི་འདྲའི་ངོ་མཚར་ཆེ་ཞིང་བསམ་ལས་འདས་པ་ཞིག་རེད་ཨང་།
ང་ །
བྱ་རྒོད་ཀྱི་མིག་མདའ་འཕེན་དུས
དངོས་གནས་མགོ་བོ་འཐོམས་སོང་
ཆང་རག་དང་ཐ་མག་ཡང་ང་ལ་མི་དགའ
ངོ་གདོང་ལ་དྲོད་འཇམ་མེད་པའི་ང་
དེ་ལས་མང་བ་། “རྔ་བ་ཀུན་བཟང་གི་རང་མོས་སྙན་ངག་གསར་བ་ཁག་གཉིས།” »
གཞུང་པ་ཚེ་དབང་བསོད་ནམས།
࿑ ཀ་ཡེ་སྙིང་སྟོབས་ཅན་གྱི་གཞིས་བྱེས་བོད་རིགས་སྤུན་ཟླ།
ཁ་ཕྱོགས་ལངས་ཕྱོགས་མ་ནོར་༧རྒྱལ་བའི་བཀའ་དགོངས་སྒྲུབ་དང་།
ག་ལེ་ག་ལེའི་ངང་ནས་གཞིས་བྱེས་མཉམ་དུ་འཛོམས་དུས།
ང་བདེན་ཁོ་རྫུན་མིན་པའི་ཀུན་སྙོམས་སྲིད་གཞུང་བཙུགས་དང་།
དེ་ལས་མང་བ་། “࿑ གཞིས་བྱེས་བོད་མི་ཡོངས་ལ་ཕུལ་བའི་ཀ་བཤད་སེམས་ཀྱི་ཚོར་བ།” »
ཁྲོ་གཏུམ།
འདས་པའི་གཏམ
ལས་དབང་གི་གོམ་ཞེང་ལ་འཇལ་བ
གཏམ་གྱིས་བསླུས་པའི་ཁོར་ཡུག་གི་འདུ་འཛི
འགྲེལ་བཤད་ཀྱི་རྒྱ་རྡོ་གཅོག
དྲང་བདེན་གྱི་རྒྱ་ཤིང་ཀུག་པ
ཁྱོད་གང་ན་གནས་པའི་མི་དེའམ
གང་ཞིག་འཚོལ་བའི་འཚོ་བ་དེར་འཐམས་འདུག
~ རྒྱ་སྟོན་བུ་དར།
ཀ་ལི་དྲོན་མོའི་ཁོག་ཏུ་ཀླད་པ་རུལ་ན། །
ཀ་ཁའི་ལས་དབང་སྐྱ་མོ་ཡིད་ལ་མི་འཁོར། །
ཀ་མེད་སུམ་བཅུའི་ཡིག་འབྲུ་རྡོག་གཅིག་མི་འབྲི། །
ཀ་ཡེ་བོད་ལུས་སླངས་པའི་དོན་གོ་མི་ཆོད། །
ཁ་བ་རི་བའི་རང་ཁྱིམ་རྒྱབ་ཏུ་བསྐྱུར་ཏེ། །
འཇིགས་མེད་རྡོ་རྗེ།
འཛིན་གྲྭ་དང་པོའི་ཀློག་སྒྲུང་། སློབ་ཚན་བརྒྱད་པ།
ན་ནིང་ཕྱི་ཟླ་བདུན་པའི་ནང་ང་དང་ཨ་མ་གཉིས་གུང་གསེང་ལ་ཕྱིན་པ་ཡིན། བདུན་ཕྲག་གཉིས་ཀྱི་སྔོན་ནས་གྲ་སྒྲིག་བྱས། ཚོང་ཁང་ཆེན་པོ་ཞིག་ནས་ངེད་གཉིས་ལ་མཁོ་བའི་ཅ་ལག་ཚང་མ་ཉོས།ངས་ཨ་མ་ལགས་ལ། ངེད་གཉིས་གནམ་གྲུར་བསྡད་དེ་འགྲོ་ཨ་ལབ་པར། ཨ་མ་ལགས་ཀྱིས།གཅེས་ཕྲུག གནམ་གྲུར་སྡོད་དགོས་མ་རེད། ཐག་ཉེ་བོ་ཡིན་སྟབས། གནམ་གྲུར་སྡོད་པ་ལས་མེ་འཁོར་ལ་བསྡད་ན་སྟབས་བདེ་བོ་ཡོད། གནམ་ཐང་གི་འགོག་སྒོ་ནས་ཞིབ་བཤེར་བྱ་དགོས་པ་དང་། ཆུ་ཚོད་གཉིས་ཙམ་སྔོན་ནས་བང་སྒྲིག་དགོས་སྟབས། དེ་ལས་མེ་འཁོར་ལ་བསྡད་ན་ལེགས། ཞེས་ཟེར། ངས་ཀྱང་ཨ་མས་བཤད་པར་མོས་མཐུན་བྱས་པ་ཡིན། བདུན་པའི་ཚེས་གཅིག་གི་ཞོགས་པ་སྔ་བོ་ལངས་ནས་སོ་དང་གདོང་པ་གཙང་མར་བཀྲུས་རྗེས། ང་ཚོའི་ནང་མི་མཉམ་འཛོམས་ཀྱིས་ཞོགས་ཟལ་ལ་རོལ། པ་ལགས་ཀྱིས་ང་ལ། ལམ་ཁ་ནས་གཟབ་གཟབ་བྱོས། ཨ་མ་ལགས་ཀྱི་ཁ་ལ་ཉོན་ཨ་ཟེར་བས། ངས་ལགས་སོ་ཞུས་པ་ཡིན།
དེ་ལས་མང་བ་། “འཛིན་གྲྭ་དང་པོའི་ཀློག་སྒྲུང་། སློབ་ཚན་བརྒྱད་པ།” »
དེ་ལས་མང་བ་། “བཀའ་སྤྱི་གཉིས་ནས་དམིགས་བསལ་ཚོགས་ཆེན་བསྐོང་དགོས་པ” »
ཡེ་ཤེས།
དང་པོ། ཞུན་ཡང་།
ཁས་ཉིན་ཞུན་ཡང་ལ་ཐོན་པ་དང་། དེ་རུ་ཞག་མ་གཅིག་དང་ཉིན་ཕྱེད་ཅིག་ལ་བསྡད། གནས་དེའི་གནམ་གཤིས་རློན་ཆེ་ཞིང་ཚ་བ་དྲག་པོ་ཡོད་པ་དང་། སའི་མཐོ་ཚད་ལ་མཚོ་ངོས་ལས་སྨི་ལྔ་བརྒྱ་ཙམ་ལས་མེད། ང་ནི་མཚོ་ངོས་ལས་སྨི་བཞི་སྟོང་ཙམ་ཡོད་པའི་མཐོ་སྒང་ནས་སླེབས་པ་ཡིན་ཡང་། གནས་འདིའི་མཐོ་ཚད་དང་གནམ་ཟླ་ཤིན་ཏུ་ལུས་སེམས་གཉིས་ལ་འཕྲོད་པ་ཞིག་བྱུང་། ག་ས་གང་དུ་སྡོང་བོ་དང་མེ་ཏོག་སོགས་སྔོ་ལྗང་ལྗང་གི་སྐྱེ་དངོས་ཀྱིས་ཁེངས་ནས་ཡོད་པའི་ཁར། རླུང་བུ་ཡང་ཁ་རླངས་ལྟ་བུ་ཡིན་པའི་གནམ་གཤིས་འཇམ་པོ་དེས་མི་ལ་བག་ཕེབས་དང་ཁམས་དྭངས་པའི་སྣང་བ་སྟེར་བས། རྗེས་མར་གནས་འདི་ནས་འདུག་རྒྱུ་བྱུང་ན་སྙམ་པའི་བསམ་པ་ཡང་སྐྱེས།
ཆབ་མདོ་ངག་ཕུན།
དེ་རིང་ངས་དྲིན་ཅན་གྱི་ཨ་མ་དང་འབྲེལ་བའི་སྐོར་ལ་གླེང་བར་འདོད་ཅིང་། དེ་ཡང་ང་སྡོད་སའི་གནས་ནི་མདོ་སྟོད་ས་ཡི་ཐིག་ལེ་ཆབ་མདོ་དགེ་ལྡན་བྱམས་པ་གླིང་ཞེས་གྲགས་པའི་ས་ནས་མི་ལི་ ༤༠ ཡོད་པའི་ངོམས་རྒྱུད་ལ་ཡིན་པ་དང་། ངོམས་ཆུ་ནི་ཧོར་ཚོའི་ཁོངས་སྒང་རུ་བྱང་མཐའི་ས་གསང་ཆུ་གཞུང་དང་། གསེར་ཚ་བྱ་ཟེའི་ཁོངས་དམུ་ཐའི་ས་དམུ་གཞུང་གཉིས་ཀྱི་ཆུ་གསང་ཆུ་དང་། དམུ་ཆུ་གཉིས་འདྲེས་ནས་འབབ་པའི་སྐྱི་ལྕགས་ཟམ་བརྒྱུད་འོང་པར་ངོམས་ཆུ་ཞེས་གྲགས་པའི་ཆུ་བོ་ཆེན་པོ་དེ་འདིའི་འབབ་རྒྱུན་ལ་ཆགས་ཡོད་ཅིང་། ཆུ་བོ་དེ་ནི་དུས་ཚོད་ལ་འཕོ་འགྱུར་ཇི་ལྟར་ཕྱིན་རུང་ངལ་མེད་དལ་གྱིས་འབབ་བཞིན་ཡོད། ཆུ་བོ་དེ་ཉིད་རྒྱུགས་ཡུལ་གྱི་སྐྱེ་འགྲོ་དུ་མའི་སྐོམ་པ་སེལ་བའི་ཕན་ཐོགས་རླབས་ཆེན་ཡོང་གི་ཡོད་པ་ནི་བརྗོད་ག་ལ་དགོས། ཆུ་བོ་དེ་ཉིད་ལ་ང་སྙིང་ནས་དགའ་སྣང་ཆེན་པོ་ཡོད།
– རྔ་བ་ཀུན་བཟང་།
དང་པོ། ༼ དེབ་དང་འཕྲད་ཚུལ།༽
<<སེམས་ཁྲལ་མ་བྱེད་སྤྲོ་ཐུང་བྱོས>> ཞེས་པའི་དེབ་འདི་ཟླ་གཅིག་གོང་ལ་བདག་གིས་ << འཇའ་ལམ་ཁྲ་མོ>> བཀླགས་པའི་མྱོང་བ་ཐུང་ཐུང་ཞིག་བྲིས་པའི་ལེགས་སྐྱེས་སུ་ང་ལ་གནང་བྱུང་། སྐབས་དེ་དུས་ང་ཞི་བདེའི་གྲོང་ལ་ཡོད། གཡས་གཡོན་ན་དྲྭ་མི་བཟང་བས། ཞོགས་པ་སྔ་མོ་ཞིག་ལ་འཚིག་ཇ་ཁང་ཞིག་ཏུ་སོང་ནས་ངས་གློག་འཕྲིན་ནས་ཕབ་ལེན་བྱས། དགོངས་མོ་ནང་ལ་ཡོང་ནས་དེབ་གྱི་སྔོན་གླེང་ནས་ཀློག་འགོ་བཙུགས། ད་གཟོད་རྩོམ་པ་པོ་ཨ་ཇན་བྷི་རམ་ལགས་དང་རྒན་པད་མ་ཚེ་དབང་གཉིས་ཀ་ངོ་ཤེས། རྩོམ་པ་པོ་དང་སྒྱུར་པ་པོ་གཉིས་ལ་མཚོན་ན། ཨ་ཇན་ནི་ཉམས་ལེན་པ་དང་། བསམ་བློ་བ། རྩོམ་པ་པོ་ཞིག་རེད་ལ། རྒན་ཚེ་དབང་ནི་བརྩམས་སྒྲུང་བ་དང་། ལོ་རྒྱུས་མཁན། སྐད་ཡིག་མང་པོ་ལ་མཁས་པའི་མི་ཞིག་ཡིན་དུས། ཁ་དཔེ་ལ། “དེབ་རེ་ཀློག་ན་མི་ཆེན་རེ་འཕྲད་”ཞེས་པ་ལྟར་དེ་རིང་ཡང་ལས་སྐལ་བཟང་བས་རྒན་རབས་པ་གཉིས་ངོ་ཤེས།།
______ཁྱིམ་ཚང་སྐྱོང་བ་ནི་སྒྱུ་རྩལ་ཞིག་ཡིན།
རྫ་ཚེ་རིང་བཀྲ་ཤིས།
མ་ཧཱ་གུ་རུ་བློ་ལྡན་མཆོག་སྲེད་ལ་ཕྱག་འཚལ་ལོ། །
ངའི་བརྩེ་བའི་ཚ་མོ་འབྲུག་བཟའ་ལགས།
ཁྱོད་རང་ངའི་ཚ་མོ་ཡིན་པར་མ་ཟད། སྦྲ་ཞབས་གཅིག་གིས་ཆད་པའི་ཆེས་ཉེ་བའི་ཕུ་ནུ་མིང་སྲིང་རེད། ཡིན་ན་ཡང་། ཁྱོད་རང་འཚར་ལོངས་བྱུང་བའི་དུས་ཚོད་དང་། ང་ཚོའི་སྐབས་དེའི་གནས་སྟངས་གཉིས་ཧ་ཅང་མི་འདྲ། མ་ཟད་ཁྱོད་ལ་མཚོན་ན་ལས་དང་བསོད་ནམས་ཀྱི་དབང་གིས་གཟུགས་དང་ལང་ཚོ་ཁྱིམ་དང་འབྱོར་བ་སོགས་མིས་སྨོན་རང་སྐྱིད་དུ་ཡོད་པ་རེད་ཅེས་བཤད་ནའང་མ་ཆོག་པ་མེད། དེ་ཚང་མ་སྔོན་བསགས་ཀྱི་བསོད་ནམས་རེད།
དེ་ལས་མང་བ་། “ཚ་མོར་སྤྲིངས་པའི་འཕྲིན《ཁྱིམ་སྐྱོང་གི་སྒྱུ་རྩལ་》 ། རྫ་ཚེ་རིང་བཀྲིས།” »
ནམ་མཁའ།
སྐུ་ངོ་ཀུན་དགའ་བཀྲ་ཤིས་ལགས་ཀྱིས་འདེབས་འཛུགས་བྱས་བའི་ཆབ་སྲིད་གླེང་མོལ་གྱི་ཤེས་བྱའི་ལྡུམ་ར་ཞིག་ཡོད། ཕྲན་ཀྱང་ཤེས་བྱའི་ལྡུམ་ར་དེའི་ནང་གི་ཡིད་དབང་འཕྲོག་པའི་མེ་ཏོག་སྣ་བརྒྱ་བཞད་པ་ལ་ལོངས་སུ་སྤྱོད་མཁན་གྱི་སྦྲང་མ་ཆུང་ཆུང་ཞིག་ཡིན། སྐུ་ངོ་ལགས་ཀྱིས་ཤེས་བྱའི་ལྡུམ་ར་དེའི་ནང་དུ། གསར་དུ་བཞད་པའི་འདབ་མ་སྟོང་ལྡན་གྱི་མེ་ཏོག་པད་མ་དཀར་པོ་ཞིག་སྟེ། ཡིད་སེམས་འགུལ་བའི་འཕྲུལ་དེབ་གངས་ཅན་ལྗོངས་སུ་སངས་རྒྱས་བྱོན་པ་ཟེར་བ་དེ་གདན་འདྲེན་ཞུས་སོང་། གཤོག་རྩལ་གཉོམ་ཡང་མེ་ཏོག་སྣ་བརྒྱ་ལོངས་སུ་སྤྱོད་མཁན་གྱི་སྦྲང་མ་ཞིག་ལ་མཚོན་ནས་བཤད་ན། གནམ་འཕངས་གཅོད་པའི་གཤོག་རྩལ་མེད་ན་ཡང་། མཐའ་སྐོར་གྱི་མེ་ཏོག་གི་སྦྲང་རྩི་ལ་རོལ་འདོད་པ་ནི་ཆོས་ཉིད་ལྟ་བུ་ཞིག་ཡིན་པས། གསར་དུ་བཞད་མ་ཐག་པའི་མེ་ཏོག་པད་མ་ལྟ་བུའི་དེབ་དེ་རེག་ཨེ་ཐུབ་ལ་འབད་བརྩོན་བྱས་ཀྱང་། དེ་རིང་བར་དུ་རེག་མ་སོང་པས་ཕྲན་གྱིས་འདིར་སྐུ་ངོ་མཆོག་ལ་བཀའ་དྲིན་ཆེ་ཞུ་རྒྱུ་ཡིན།
དེ་ལས་མང་བ་། “རྗེ་ཙོང་ཁ་པ་ཆེན་པོའི་རྣམ་ཐར་གསར་བསྒྲིགས་བཀླགས་པའི་འཆར་སྣང་།” »
