བསོད་ནམས་ཟླ་བ།
རྒྱ་གར་ས་གནས་པུ་ཎེའི་(Pune)འཛིན་རིམ་བཅུ་པའི་སློབ་ཕྲུག་ཅིག་གིས་འདི་ལོའི་ Google Doodle གྱི་རི་མོའི་འགྲན་བསྡུར་ནང་ཨང་དང་པོ་ཐོབ་སྟེ་ཁོང་གིས་བྲིས་པའི་རི་མོ་དེ་དེ་རིང་རེ་་གཟའ་ཕུར་བུ་བྱིས་པའི་ཉིན་མོ་དང་བསྟུན་ཏེ་གུ་གུལ་དྲ་ངོས་སུ་བཤམས་ཡོད་འདུག Doodle ནི་གུ་གུལ་གྱི་ལས་རྟགས་དེ་པར་རིས་ཀྱི་རིག་རྩལ་ལས་གལ་ཆེའི་དུས་ཚིགས་དང་སྙན་གྲགས་ཅན་གྱི་མི་སྣ་རྣམས་མཚོན་ཐབས་དང་སྲུང་བརྩི་བྱེད་ཐབས་ཞིག་ཡིན།
“Sky’s the limit for Indian women” ཅེས་པའི་བརྗོད་བྱའི་འོག་ Doogle གྱི་བྱ་དགའ་ཐོབ་མཁན་སློབ་ཕྲུག་ གྱ་ཡ་ཊྲི་ ཀེ་ཐ་ར་མན(Gayatri Ketharaman) གྱིས་བྲིས་གནང་བའི་རི་མོའི་སྐོར་སྐད་ཆ་དྲིས་སྐབས། ཁོང་མོས་གསུངས་དོན། “གུ་གུལ་གྱི་ཡི་གེ་རེ་རེས་རྒྱ་གར་གྱི་བུད་མེད་དང་འབྲེལ་ཡོད། ངས་བུད་མེད་རྣམས་ཉམས་འགྱུར་དང་ཡིད་དུ་འོང་བ་ཞིག་ཡིན་པ་མ་ཟད། ཕྱི་ནང་གི་ལས་ཀ་གཉིས་ཀར་ལྕོགས་ཐུབ་མཁན། དེ་བཞིན་འཇིགས་ཞུམ་མེད་པའི་ཨ་མ་བཟང་པོ་ཞིག་ཀྱང་མཚོན་ཐབས་བྱས་ཡིན།”ཟེར།
གཞན་ཡང་ད་ལོའི་རྒྱ་གར་གྱི་ Doodle 4 Google གྱི་རི་མོའི་འགྲན་བསྡུར་དེར་སྡེ་ཚན་གསུམ་དུ་དབྱེ་བའི་ནང་། འཛིན་རིམ་དང་པོ་ནས་གསུམ་པའི་ཁུངས་སུ་ Lucknow ས་གནས་ནས་ཡིན་པའི་སློབ་ཕྲུག་ མ་དྷུ་རམ་ ཝཱཏ་སལ་(Madhuram Vatsal)དང། འཛིན་རིམ་བཞི་པ་ནས་དྲུག་པའི་ཁུངས་ནས་ Bangalore ས་གནས་ནས་ཡིན་པ་སློབ་ཕྲུག་ ཨ་ཀྴ་ ཤཻ་ཊི་ (Akash Shetty)ལ་ཡང་བྱ་དགའ་ཐོབ་འདུག
འགྲན་བསྡུར་འདི་ནི་རྒྱ་གར་རྒྱལ་ཡོངས་སུ་གྲོང་ཁྱེར་ ༡༠༠ ལྷག་དང་། སློབ་གྲྭ་ ༡༥༠༠ ནང་ཁུལ་དུ་འགྲན་བསྡུར་བྱས་པ་ཞིག་ཡིན། བྱ་དགའ་ཐོབ་མཁན་ལ་དངུལ་སྒོར་འབུམ་ ༡.༥ ཡིན་འདུག
རྒྱ་གར་ཁུལ་གྱི་ Google Doodle ལ་གཟིགས་ན། དྲ་ཚིགས་ཁ་བྱང་ནི། http://www.google.co.in/doodle4google/
ཨ་རིའི་ཁུལ་གྱི་ Google Doodle ལ་གཟིགས་ན། དྲ་ཚིགས་ཁ་བྱང་ནི། http://www.google.com/doodle4google/
གློག་ཀླད་སྐོར་གྱི་ཤེས་བྱ་གཞན་གཟིགས་འདོད་ན་དྲ་ཚིགས་ཁ་བྱང་། http://sonamdawa.blogspot.com ལ་གཟིགས་པར་ཞུ།
བཀྲ་ཤིས་བདེ་ལེགས་ཡོད། རྗེས་མ་བོད་བརྗོད་གཞིར་བཟུང་བའི་རི་མོ་གང་མང་འབྲི་རོགས།