ཨ་རིག་འགྱུར་མེད་།

གཅིག གང་སྒྲ་དྲུག་གི་གསར་འགྱུར་སྙིང་བསྡུས།

ནམ་དུས། ཟླ་འདིའི་ཚེས་ ༡༢ ནས་ ༢༣ བར།

ཡུལ། གངས་སྐྱིད་ལག་རྩེད་སྤོ་ལོ་རྩེད་ཐང་།

བྱ་འགུལ། ལག་རྩེད་སྤོ་ལོའི་རྩེད་འགྲན།

ཅིའི་ཕྱིར། གློ་ནད་མཚམས་ཞོག་ཅེས་པའི་བརྗོད་གཞིའི་འོག་ བྱ་འགུལ་འདི་སྤེལ།

ཇི་ལྟར། ལག་རྩེད་སྤོ་ལོ་རྩེད་འགྲན་བྱས་པ་བརྒྱུད་མང་ཚོགས་ལ་གློ་ནད་མཚམས་འཇོག་གི་ལས་གཞིར་རྟིང་སྐུལ།

མི་སྣ། གོ་སྒྲིག་པ། བོད་གཞུང་འཕྲོད་བསྟེན་ལས་ཁུངས་དང་བོད་གཞུང་བདེ་ལེགས་སྨན་ཁང་། ཨ་སི་པོ་རོགས་ཚོགས་བཅས་ཡིན། རྩེད་འགྲན་པ། བོད་གཞུང་ལྷན་ཁང་ཁག་བདུན་དང་སྐུ་སྒེར་ཡིག་ཚང་། བོད་ཀྱི་དཔེ་མཛོད་ཁང་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ལས་བྱེད་མི་སྣའི་བར་གྱི་ནང་ཁུལ་འགྲན་བསྡུར་ཞིག

དེ་ལས་མང་བ་། “ངའི་བོད་ཡིག་གང་ན་ཡོད།” »

དགེ་བཤེས་དགྲ་འདུལ་རྣམ་རྒྱལ་གྱིས།

༡༽ གོང་གསལ་བྱ་སྤྱོད་སྡེ་ཚན་གཉིས་ལས་གང་ཞིག་རྣམ་དཔྱོད་དང་མཐུན་ལ། གང་ཞིག་མི་མཐུན།
༢༽ ཡང་ན་། ཅི། དྲི་བ་དེའི་ལན་ནི་སྐབས་ཀྱི་འབྲེལ་ལ་བརྟེན་པའི་ག་དུས། ག་བར། སུས། ག་འདྲ་། ག་རེ་ལྟ་བུའི་གནད་ལ་རག་ལས་པ་ཞིག་ཡིན་ནམ།

དེ་ལས་མང་བ་། “བྱ་སྤྱོད་གང་ཞིག་ནི་རྣམ་དཔྱོད་དང་མཐུན་ལ། གང་ཞིག་མི་མཐུན། རྟོག་དཔྱོད་ཀྱི་གཞིར་ཕུལ།” »

འཇམ་དཔལ་ཚུལ་ཁྲིམས།

ཉེ་ཆར་ཕྱི་ཟླ༢ཚེས་༡༣ཉིན། རྒྱ་ནག་དབུས་དམར་ཤོག་སློབ་གྲྭའི་<<སློབ་སྦྱོང་དུས་བབ>>་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་ཀྲུའུ་ཝེ་ཆོན་གྱིས་མི་རིགས་གནད་དོན་སྐོར་གྱི་རྕོམ་ཡིག་དེ་དབུ་མའི་ལམ་པ་ཚོ་ལ་ཅོང་བརྡ་ཞིག་ཏུ་འགྱུར་བའི་རེ་བ་ཡོད། ་འདིར་བོད་མི་དག་གིས་ཉན་མི་འདོད་པ་དང་། ང་ལ་སྡང་ཟུག་སྐྱེ་བའི་གནད་དོན་ཞིག་ཡོད་པ་ནི་རྩོམ་ཡིག་འདི་བརྒྱུད་ནས་ངས་ཀྲུའུ་ཝེ་ཆོན་ལ་གདེངས་འཇོག་ཅིག་སྐྱེས་བྱུང་བ་དེ་རེད། རྒྱུ་མཚན་ནི་རྩོམ་ཡིག་འདི་བརྒྱུད་ནས་ཁོང་གིས་རང་ཉིད་ལ་བབ་པའི་ལས་འགན་དེ་རང་ཉིད་ཀྱི་དབུས་གཞུང་གི་བཀའ་བཞིན་ཇི་ལྟར་ལམ་ལྷོང་ཡོང་བར་བསམ་གཞིགས་བྱེད་ཀྱིན་ཡོད་པ་དེ་མཐོང་ཐུབ་པས་ཡིན། ཁོ་རང་ཉིད་ཀྱི་ལས་འགན་དེ་ལྷག་བསམ་རྣམ་དག་གིས་སྒྲུབ་བཞིན་ཡོད་པའི་ཚོར་སྣང་ཞིག་སྐྱེས་བྱུང་བས་ཡིན།

དེ་ལས་མང་བ་། “ཀྲུའུ་དང་དབུས་ཀྱི་འགལ་བ་ལ་གཞིགས་དང་།” »

སེང་གེ།
༄༅། །སྙིང་བརྩེ་བའི་སྤུན་ཟླ་རྒྱལ་གཅེས་གངས་ཅན་པ་ཡོངས་ལ་ཆེད་ཞུ།

ཁྱེད་ཅག་གིས་བདག་ངོ་ཡང་ཤེས་རྒྱུ་མ་རེད་ལ། དེ་བཞིན་བདག་ལའང་ཁྱེད་ཅག་རེ་རེ་ནས་ཆ་རྒྱུས་ཆེན་པོ་ག་ལ་ཡོད། འོན་ཀྱང་དེ་དག་གཙོ་བོ་མ་རེད། བཟློག་ཏུ་མེད་པ་ནི། བདག་ཅག་འགྲོ་བ་མི་ཡིན་པ་གཅིག་མཚུངས་དང་། བསྒྱུར་དུ་མི་བཏུབ་པ་ནི། བདག་ཅག་ཤ་ཁྲག་གཅིག་འདྲེས་ཀྱི་སྤུན་ཟླ་མིང་སྲིང་ཟེར་བ་དེ་རེད། དེའི་ཕྱིར་བདག་ཁྱེད་ཅག་ལ་བརྩེ་ཞིང་། ཁྱེད་ཅག་ཀྱང་བདག་ལ་འདང་ཡོད་ངེས། དེ་བས་ཁྱེད་ཅག་ལམ་ལ་མ་ཆས་པའི་སྐད་ཅིག་མ་འདིར་བདག་ལ་ཅུང་ཟད་གསོན་དང་། ངས་བཤད་འདོད་པའི་སྐད་ཆ་འགའ་ཤར་སེ་བཤད་ཆོག

དེ་ལས་མང་བ་། “སེམས་ཀྱི་བཤོལ་འདེབས།” »

(ཉིས་སྟོང་བཅུ་གཉིས་ལོའི་གསུམ་བཅུའི་དུས་དྲན་ཉིན།)
གཡུ་དྲུག་དཀར། རྡ་ས།

ལོ་རྒན་ལྔ་བཅུ་ང་གསུམ་གོང་གི་ཉིན་ཞིག་གི་ཉི་ཤར་གྱི་འགོ་མར། ནོར་བུ་གླིང་ཀའི་སྒོ་ལམ་དང་རྩེ་པོ་ཏ་ལ་ཡི་མདུན་ཐང་ནས་རང་གི་བྲང་ཁོག་གི་ང་རོ་ཕྱི་ལ་འདོན་པའི་ཁུ་ཚུར་དང་། འབོད་སྒྲའི་ལྷན་དུ་ཡར་ལ་ལངས་ཤིང་མེ་སྒྱོགས་ཀྱི་མདའ་ཁ་ནས་མར་ལ་འགྱེལ་བཞིན་ལམ་ལ་ཆས།་དུས་དེ་ནས་བཟུང་སྟེ། གཞིས་ཀྱི་རྒན་གཞོན་བར་གསུམ་རང་གི་ཡན་ལག་ལྔ་བོའི་ཤུགས་ཀྱིས་དམ་དུ་བཅིངས་པའི་ཁུ་ཚུར་དེ་དང་། རང་གི་མགྲིན་ངག་ལས་ཐོན་པའི་འབོད་སྒྲ་དེ་ཡི་ལྷན་དུ། ལྷ་སའི་བར་བསྐོར་གཙོས་པའི་སྲང་ལམ་དང་གཞུང་ལམ་སོགས། ལམ་ཡོད་ཚད་དུ་ཐོན་ཏེ་སྦྱར་ཡིག་སྦྱར་འགྲེམས་དང་སྐད་འབོད་བྱས་པས། གཅར་རྡུང་འཕྲོག་གསུམ་གྱི་ཁྲག་དམར་ཁྲོད་ས་དོང་མུན་དོང་གི་བཙོན་དུ་འཚུད་མོད། ལུས་དང་སྲོག་གིས་འཕྲལ་དང་ཡུན་གྱིས་འཐབ་རྩོད་བྱེད་ལ།

དེ་ལས་མང་བ་། “མེ་དཔུང་ལིང་ལིང་ཁྲོད་ཀྱི་དུས་དྲན་ང་གསུམ་པ།” »

དེ་རིང་འདིར་ཕྱི་ལོ་ ༡༩༥༩ ལོར་བོད་ཀྱི་རྒྱལ་ས་ལྷ་སར་བོད་མིའི་རང་དབང་སྒེར་ལངས་ཀྱི་དུས་དྲན་ཐེངས་ ༥༣ པ་འདི་སྨག་རུམ་མཐུག་པོ་ཞིག་གི་འོག་ཏུ་ང་ཚོས་སྲུང་བརྩི་བྱེད་བཞིན་པ་སྟེ། བོད་དུ་འདས་མ་ཐག་པའི་ལོ་གཅིག་ནང་བོད་མི་ ༢༥ ཡིས་རང་ལུས་མེར་བསྲེགས་བཏང་སྟེ། བོད་མི་ ༡༩ འདས་གྲོངས་སུ་གྱུར་ཡོད་པ་དང་། བོད་མི་ ༨ རྒྱ་ནག་ཉེན་རྟོག་པས་གང་བྱུང་དུ་མེ་མདའ་བརྒྱབ་སྟེ་དམར་གསོད་བཏང་ཡོད།
འཚིགས་བསྲེགས་ཐེབས་མཁན་གཞན་ཚོའི་གནས་སྟངས་ཇི་ཆགས་གོ་མེད་ཚོར་མེད་ཆགས་པ་དང་། བོད་མི་མང་དག་ཅིག་བཙོན་དུ་བཅུག་པ། མང་དག་ཅིག་གར་སོང་ཆ་མེད་དུ་གྱུར་པའི་གནས་ཚུལ་རྒྱུན་མར་ཐོན་ཡོད། ད་ལྟ་ང་ཚོ་འདི་གར་འདུ་འཛོམས་བྱེད་བཞིན་པའི་སྐབས་སུའང་བོད་ནང་གི་ཉག་ཕྲ་བའི་གནས་སྟངས་གང་འདྲ་ཡོད་མེད་ཚོད་དཔག་བྱེད་ཐུབ།

དེ་ལས་མང་བ་། “གསུམ་བཅུའི་དུས་དྲན་ཐེངས་ ༥༣ པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།” »

༄༅། །དེ་རིང་ཕྱི་ལོ་ ༡༩༥༩ ཟླ་ ༣ ཚེས་ ༡༠ ཉིན་བོད་མི་ཚོས་བོད་ཀྱི་རྒྱལ་ས་ལྷ་སར་ཞི་བའི་གྱེན་ལངས་བྱས་ཏེ་ལོ་ ༥༣ དང་། ཕྱི་ལོ་ ༢༠༠༨ ལོར་བོད་ཆོལ་ཁ་གསུམ་ཁྱོན་ཡོངས་ལ་ཞི་རྒོལ་བྱས་ཏེ་ལོ་བཞི་འཁོར་བའི་དུས་ཚིགས་ཀྱི་ཉིན་མོ་འདིར། བསྟན་སྲིད་མི་རིགས་ཀྱི་དོན་དུ་ལུས་སྲོག་བློས་བཏང་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཡོངས་ལ་རྗེས་དྲན་གུས་བཏུད་ཞུ་རྒྱུ་ཡིན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་བཙན་བཟུང་བྱས་ཏེ་ལོ་ ༥༣ འདས་ཟིན་ཀྱང་། བོད་ནང་གི་བོད་མིའི་སྙིང་སྟོབས་ལ་འགྱུར་བ་མེད་པར་གནས་ཡོད།
དུས་སྐབས་འདིའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོའི་དགོངས་ཡངས་དཀྱེལ་ཆེའི་དབུ་འཁྲིད་ལམ་སྟོན་ལ་གུས་བཏུད་དང་བཀའ་དྲིན་རྗེས་དྲན་ཞུ་རྒྱུ་ཡིན། དེ་བཞིན་འདས་པའི་མི་ལོ་ལྔ་བཅུ་ལྷག་རིང་ང་ཚོའི་འཐབ་རྩོད་ཀྱི་ལས་འགུལ་ཐོག་སྐུ་ངལ་ཁྱད་བསད་དང་འབད་རྩོལ་ལྷོད་མེད་ཀྱིས་ཕྱག་ལས་གནང་མཁན་མི་ཐོག་རྒན་པ་རྣམས་ལའང་གུས་བཏུད་དང་བཀའ་དྲིན་རྗེས་དྲན་ཞུ་རྒྱུ་ཡིན།

དེ་ལས་མང་བ་། “གསུམ་བཅུའི་དུས་དྲན་ཐེངས་ ༥༣ པའི་ཐོག་སྤེལ་བའི་བཀའ་བློན་ཁྲི་པའི་ཡོངས་ཁྱབ་གཏམ་བཤད།” »

“དེ་རིང་འདིར་བོད་ཀྱི་ལོ་རྒྱུས་ནང་སྡུག་བསྔལ་བྱུང་བའི་གནས་ཚུལ་ལ་དྲན་གསོ་བྱེད་ཀྱི་ཡོད།” འདི་ནི། སྔ་ལོའི་གསུམ་བཅུའི་དུས་དྲན་སྐབས། ༸གོང་ས་སྐྱབས་མགོན་ཆེན་མཆོག་གིས་ཡོངས་ཁྱབ་གསུང་འཕྲིན་སྒྲོག་སྦྱང་མ་གནང་གོང་གནང་བའི་བཀའ་སློབ་གསུང་ཚིག་ཐོག་མ་དེ་རེད། གསུམ་བཅུའི་དུས་དྲན་ནི་སེམས་ཚོར་འདིའི་སྟེང་ནས་དྲན་གསོ་ཞུ་དགོས་པ་ཞིག་ཆགས་ཡོད།
ཕྱི་ལོ་ ༡༩༥༩ ཟླ་ ༣ ་ཚེས་ ༡༠ ཉིན་ནི་བོད་ཀྱི་འཆི་གསོན་དབྱེ་ཐག་བཅད་པའི་ཉིན་མོ་ཞིག་ཆགས་ཡོད། བོད་འདི། ད་ལྟ་གསོན་བཞིན་པའི་གནས་སྟངས་འདི་ཡར་དེད་ན། ཕྱི་ལོ་ ༡༩༥༩ ལོར་ཐུག་འགྲོ ཟླ་བ་དེ་དང་ཚེས་པ་དེར་མ་བགྲོས་བསམ་པ་གཅིག་ཏུ་མཐུན་པའི་སྟོབས་ཤུགས་ཤིག་གིས། རྒྱལ་ས་ལྷ་ས་ཡོངས་སུ་བཏུམས་པ་རེད། སྟོབས་ཤུགས་འདི་རྨང་ནས་སྒུལ་མཁན་ནི་རྒྱ་ནག་གུང་ཁྲན་གཞུང་གི་གཉའ་གནོན་དྲག་ཤུགས་དེ་ཡིན།

དེ་ལས་མང་བ་། “རང་དབང་སྒེར་ལངས། ལོ་ངོ་ ༥༣ འཁོར་བའི་དེ་རིང་།” »

ཐེ་བོ་ཤེས་རབ་རྒྱ་མཚོ།

ཁ་རྩང་ཡེ་རྡོར་གྱིས་ཀྲུང་གོའི་བོད་ལྗོངས་དྲ་བ་ཟེར་བའི་སྟེང་སྤེལ་བའི་རྩོམ་ཡིག་<<དྲག་ཤུགས་ལ་སྐུལ་བ་ནི་ཏཱ་ལའི་ཚོགས་ཁག་འཕྲལ་མར་རྩ་མེད་དུ་འགྲོ་བའི་རྒྱུ་ཁོ་ན་ཡིན>>་ཞེས་པ་དེའི་ནང་དུ་འཁྱོག་བཤད་རབས་དང་རིམ་པ་བྱས་ཡོད་ནའང་། རྒྱལ་སྤྱིའི་ཐོག་གི་མི་རྣམས་ནི་གུང་ཁྲན་ཏང་གི་གནམ་འོག་ནས་འཚར་ལོང་བྱུང་བའི་སྐམ་ས་ཆེན་པོའི་མི་རྣམས་དང་རྩ་བ་ནས་མི་འདྲ་བས་དེ་ལ་དོ་སྣང་བྱེད་མི་སྲིད་པ་དང་། དེ་བས་ཀྱང་དེའི་གཡོ་འོག་ཏུ་ཚུད་མི་སྲིད་པ་ཡིན་སྟབས། དང་ཐོག་དེར་དོ་སྣང་མ་བྱས་མོད། འོན་ཀྱང་ཞིབ་ཏུ་བསམ་ན་རྩོམ་ཡིག་དེ་ནི་དམིགས་ཡུལ་དང་འཆར་གཞི་ཡོད་པའི་ཐོག་ནས་སྤེལ་བ་ཞིག་ཡིན་པས། ཁ་ཐུག་རྫུན་ཕུག་མ་བརྟོལ་ཚེ་ལོ་འབྱུང་འགྱུར་རྒྱུས་ཐོག་གསེད་བཀྲོལ་བྱ་དཀའ་བའི་གནད་དོན་ཞིག་ཆགས་མི་སྲིད་པ་མ་ཡིན་པར་བརྟེན་འདིར་བདེན་པ་གཞིར་བཞག་གིས། ཡེ་རྡོར་གྱི་རྫུན་ཚིག་རྣམས་ཚིག་གིས་དེད་ནས་སྐད་ཆ་འགའ་བཤད་རྒྱུར་དང་ལེན་བྱ་རྒྱུ་ཡིན།

དེ་ལས་མང་བ་། “ཡེ་རྡོར་གསེད་བཀྲོལ།” »

ནམ་མཁའ།༧/༣/༢༠༡༢ལ་ཡོ་རུབ་ནས་བྲིས།

ངའི་སྙིང་གི་གཅེས་ཕྲུག་ཚོ།
དེ་རིང་ནས་བཟུང་ངའི་ཁྱེད་དྭ་ཕྲུག་བཞི་བོ་བཞག་ནས་ས་ཐག་ཧ་ཅང་རིང་པོ་ཞིག་ལ་འགྲོ་དགོས་བྱུང་། འདི་ནི་ཁྱེད་ཚོར་ང་སྙིང་རྗེ་མེད་པར་བཞག་ནས་སོང་བ་ཞིག་གཏན་ནས་མིན། ངས་བོད་མི་ཡོངས་ཀྱི་སྐྱིད་སྡུག་གི་ཆེད་འཛམ་གླིང་འདི་གཉིད་སད་པའི་ཅོང་བརྡ་ཞིག་དཀྲོགས་འདོད་པ་ཡིན། ང་མེད་པའི་ཉིན་མོ་ནས་བཟུང་འཇིག་རྟེན་འདི་ན་ཁྱེད་ཅག་ལ་ཕ་མ་གཅིག་ཀྱང་མེད་པ་ཡང་ཤེས་ཡོད་ལ། དེའི་ཉིན་མོ་ནས་ཁྱེད་ཚོར་ཚ་གྲང་དང་བཀྲེས་ལྟོགས་ཀྱི་སྡུག་བསྔལ་སེལ་མཁན་ཕ་མ་ངེད་གཉིས་བཞིན་དཀའ་ཚོད་ཡིན་མོད། འོན་ཀྱང་ཁྱེད་ཅག་ནར་སོན་པའི་ཉིན་མོ་ཨ་མའི་སེམས་ཁམས་ཆ་ཚང་ཤེས་སྲིད་ལ།དེའི་ཉིན་མོ་ཨ་མའི་སྙིང་སྟོབས་ཀྱང་རྟོགས་ཐུབ། ངའི་གཅེས་ཕྲུག་ཚོ། ད་ནས་བཟུང་ཞོགས་པ་རི་རྩེ་ནས་ཉི་མ་ཤར་དུས་།ཁྱེད་ཅག་ལ་འོ་ཇ་ཚ་བོ་དང་བག་ལེབ་ཚ་བོ་ལག་ཏུ་འཇོག་མཁན་ཞིག་ཨ་མ་བཞིན་མེད་དུས།ཁྱེད་ཚོའི་མིག་མཐའ་ནས་མཆི་མ་ལྷུང་ཞོར་ཕ་མ་གཉིས་འབོད་ངེས་ཡིན།

དེ་ལས་མང་བ་། “ཨ་མ་རིན་ཆེན་གྱི་ཞལ་ཆེམས།” »

ཡི་གེར་ཕབ་མཁན་བློ་བཟང་བསྟན་འཛིན།་

མདོ་སྔགས་གི་དྲི་བ་དང་། བཀའ་ཁྲིའི་ལྗགས་ལན།
ཁ་སྔོན་ཉེའུ་ཡོག་ཏུ་༧དཔལ་ལྡན་བཀའ་བློན་ཁྲི་པ་མཆོག་ལ་དྲི་བ་ཁ་ཤས་ཕུལ་མཁན་བྱུང་ཡོད་པ་དང་།་དེའི་ཁྲོད་ལས་སྐུ་ཞབས་མདོ་སྔགས་ལ་ལྗགས་ལན་རིང་པོ་གཅིག་གནང་སོང་། ལྗགས་ལན་དེའི་ཞོར་དུ་གནས་ཚུལ་ཁ་ཤས་བྱ་རྡོ་ལམ་འཕྲད་ཇི་བཞིན་རྟོགས་བྱུང་བ་ཁག་ནི་འདི་ལྟར།
སྐུ་ཞབས་མདོ་སྔགས་ཀྱི་འདྲི་བ་དེ་བོད་ནང་གི་འདྲི་བ་ཡིན་ཞེས་དྲིས་སོང་།

བརྙན་ཕབ་ཀྱི་དུམ་མཚམས་སྐར་མ
41:27 མདོ་སྔགས་ཀྱི་སྐད་ཆ། ༼ངའི་འདྲི་བ་འདི་བོད་ནང་གི་འདྲི་བ་གཅིག་ཡིན། བོད་ནང་གི་རང་ལུས་མེར་བསྲིགས་བཏང་མཁན་བོད་ཀྱི་རྒྱ་ཆེའི་མི་དམངས་ཀྱི་དོན་དུ་བོད་ཀྱི་བདེན་དོན་གྱི་ཆེད་དུ་རང་སྲོག་མེ་ལ་བཏང་མཁན་གི་གྲངས་འབོར་གྱི་ཆ་ནས་ཡིན། མིའི་ངོ་བོའི་ཆ་ནས་ཡིན། ཁ་སང་རྡོ་རྗེ་གདན་ལ་༧སྐྱབས་མགོན་རིན་པོ་ཆེ་དབུ་བཞུགས་ཐོག་བོད་ཀྱི་བླ་ཆེན་དགེ་འདུན་མང་པོ་ཞིག་གི་མདུན་དུ་མིང་སྒྲོག་སྦྱངས་གནང་དུས་དང་པོ་དེ་རང་ལུས་མེར་བསྲིགས་བཏོང་མཁན་དང་པོ་བཀྲ་ བྷེའི ་ལགས་ཀྱི་མཚན་བཏོན་མ་སོང་། དེའི་སྐོར་གྱི་བསམ་ཚུལ་དེ་བོད་ནང་དུ་ཤུགས་ཆེན་པོ་ཞེ་པོ་ཞིག་ཡོང་འདས་ཀྱི་འདུག་་་་་་་དེའི་རྗེས་ལ་པེ་ཅེན་ནས་ཡང་སྐུ་ངོ་མཆོག་ལ་ལན་དེ་འདྲ་འབྱོར་འདས་ཡོད་རེད། དེ་རིང་ཡང་བཀྲ་ བྷེའི མཚན་གསུང་མ་སོང་་་་་་་ཆེད་དུ་མངགས་ནས་གསུང་མ་བདེ་བ་ཡོད་རས་ཡང་ན་རྒྱུ་མཚན་གཞན་ཡོད་རས།་་་་་༽
༧ དཔའ་ལྡན་བཀའ་བློན་ཁྲི་པོའི་ལྗགས་ལན།

དེ་ལས་མང་བ་། “འབོད་སྒྲ་གཉིས་དེ་ངས་བཤད་པ་ཡིན“འོས་བསྡུ་ལངས་པའི་སྐབས་ལ་འོས་མི་ང་ཡིན། ངས་བཤད་པ་ཡིན།” »

འཐབ་ཕྱོགས་གཅིག་གྱུར་པུའུ་ཡི་སྐུ་ཞབས་ཀྲུའུ་ལགས།

ནམ་མཁའ་ནས་བྲིས།་

ཁྱེད་ཀྱིས་དེང་སང་གྲངས་ཉུང་མི་རིགས་ཀྱི་ལག་རྩ་མྱངས་སྟེ་དུག་སྨན་སྤྲད་ནས་གྲངས་ཉུང་མི་རིགས་རྨ་མེད་ཀྱིས་གསོད་འདོད་སྐྱེས་འདུག  ཁྱེད་ཀྱི་བསམ་ཚུལ་འདིའི་རྒྱབ་ལྗོངས་ན་དབུས་དམར་ཕྱོགས་ཚོགས་པ་ཡོད་པ་གསལ་བོ་རེད།་དེ་རིང་ཁྱེད་ཚོས་༽སི་ཏ་ལེན་གྱིས་བཤད་པའི་མི་རིགས་ཞིག་རྩ་མེད་དུ་གཏོང་དགོས་ན་དེའི་སྐད་དང་ཡི་གེ་རིག་གཞུང་མེད་པར་བཟོ་དགོས༽།དེ་མིན་ཆ་ཚང་དམར་གསོད་བྱེད་པ་ནི་ཐབས་བྱུས་ཞིག་མིན།་ཅེས་བ་འདི་དེ་རིང་ལག་བསྟར་བྱེད་འདོད་ཡོད་པ་རེད།  ཁྱེད་དང་ཁྱེད་ཀྱི་སྲིད་གཞུང་གིས་འདོད་ཐོག་འགྲོ་མིན་བཤད་དཀའ་ཡང་།གང་ལྟར་སེམས་གཏིང་ནག་པོ་ཡོད་པའི་འབྲས་བུ་ཕྱིར་ཐོན་པ་རེད།  ཁྱེད་ཀྱིས་གྲངས་ཉུང་མི་རིགས་ཀྱི་སློབ་མ་ཚོ་རྒྱ་མི་རིགས་དང་མཉམ་བསྲེས་དང་འཚོ་སྡོད་མཉམ་རོལ་བྱེད་དགོས་བའི་འབོད་སྐུལ་དང་།དེ་མིན་ད་རུང་གནས་སྤོར་བྱེད་དགོས་བའི་བསམ་ཚུལ་འདུག 

དེ་ལས་མང་བ་། “ཀྲུའུ་ཝུན་ཆོན་གྱིས་གྲངས་ཉུང་མི་རིགས་ཀྱི་ལག་རྩ་མྱང་བ།” »

གཅན་བཟོད་རྒྱམ།

ངོ་དེབ་ནང་གི་བོད་དོན་གླེང་མོལ། ཁ་སང་དེ་རིང་བོད་ནང་གི་རང་སྲོག་བློས་བཏང་གིས་རང་ལུས་མེར་བསྲེགས་ཀྱི་ཌྷས་འགུལ་དང་འབྲེལ་ནས་བོད་ཕྱི་ནས་ཀྱང་ཆེ་ཆུང་ལ་མ་བལྟས་པར་གང་ཐུབ་ཅི་ནུས་ཀྱིས་ལས་འགུལ་འདྲ་མིན་སྤེལ་དང་སྤེལ་བཞིན་འདུག་མོད། དཔྱད་བརྗོད་པ་ཡིན་པར་རློམ་མཁན་གང་མང་ཞིག་གིས་དྲ་ཐོག་དང་གསར་ལམ་འདྲ་མིན་ལས་བོད་ནང་གི་ལས་འགུལ་གྱི་ཁ་ཕྱོགས་དང་དགོས་འདུན། ཁེ་ཕན་དང་མཇུག་འབྲས་སོགས་ལ་དཔྱད་གཏམ་སྤེལ་བཞིན་པར་མ་ཟད། བོད་ཕྱི་ནས་བོད་ཀྱི་གཞོན་ནུ་ལྷན་ཚོགས་ཀྱིས་གཙོས་བོད་གཞུང་དམངས་གང་ཐད་ནས་ལས་འགུལ་སྤེལ་བ་དང་རྒྱལ་ཚོགས་སོགས་ཕྱི་རྒྱལ་ཚོགས་སྡེ་ཀག་ལ་སྙན་ཞུ་རབས་རིམ་འབུལ་བ་སོགས་ཀྱི་སྐོར་དགོས་དམིགས་དང་ཕན་འབྲས་གང་ཅི་ཡོད་སོགས་ལ་རང་རང་གི་བསམ་ཚུལ་མང་དུ་གསུངས་དང་གསུང་བཞིན་འདུག སྐབས་འདི་འདྲ་ཞིག་དྲ་ཐོག་གང་ས་ནས་མི་ཆེ་ཆུང་དང་མཐོ་དམའ་སུ་ཞིག་གིས་སྐད་ཆ་བསད་ཀྱང་ཡན་པོར་མི་གཏོང་བའི་ཁར། མཐོ་ལ་དམའ་འབེབས་དང་དམའ་ལ་ཁྱད་གསོད་བྱེད་ཅིང་། དཔྱད་གཏམ་ལ་དཔྱད་གཏམ་སྤེལ་མཁན་ཇེ་མང་ནས་ཇེ་མང་དུ་འགྲོ་བཞིན་འདུག་ལ། དྲ་ཐོག་གང་ས་ནས་སྐད་ཆ་དང་ཡི་གེ་གང་དང་ཅི་བྲིས་པ་དགག་རྒྱག་ཚ་ཐག་ཆོད་རེ་དང་ཚིག་ངན་གཉིད་མི་ཡོང་བ་རེ་བཤད་གང་ཐུབ་ཅི་ཐུབ་བྱེད་བཞིན་འདུག

དེ་ལས་མང་བ་། “ངོ་དེབ་ནང་གི་བོད་དོན་གླེང་མོལ།” »

སང་སང་འོད་ཟེར།
བཙན་བྱོལ་སྤྱི་ཚོགས་ནང་ཀུན་ལ་ཕན་པའི་སྐད་གྲགས་འཇོག་མ་ཐུབ་པར། སོ་སོ་སྐད་གྲགས་ཅན་ཆགས་པར་འདོད་ན། ༧གོང་ས་མཆོག་དང་དབུ་མའི་ལམ་ལ་ཁ་རྡུང་ཤུགས་ཆེན་གཏོང་ཁུལ་བྱས་ན། མི་དེར་དེང་དུས་ཀྱི་མང་གཙོའི་ལྟ་གྲུབ་དང་མཐུན་པའི་བསམ་བློ་འདུག་ཅེས་བོད་མི་ཁག་ཅིག་གིས་ཁོང་ལ་བསྟོད་པ་བྱེད་ཀྱི་རེད། ཁག་ཅིག་གིས་རྒྱ་ནག་གི་ཉུལ་མ་རེད། ལྟ་ལོག་རེད་ཟེར་ནས་ཁོང་ལ་ཁ་རྡུང་གཏོང་གི་རེད། དེའི་བར་ནས་ཁོང་སྐད་གྲགས་ཅན་ཆགས་ཀྱི་རེད།

དེ་ལས་མང་བ་། “བོད་མི་སྐད་གྲགས་ཅན་ཆགས་སྟངས།” »

སེར་ཤུལ་རིན་ཆེན་དོན་གྲུབ།
ང་ནི་འགན་འཁྲི་གླེང་རྒྱུར་དགའ། ཡིན་ཡང་རང་ཉིད་ཀྱིས་འགན་འཁྲི་ཁུར་ཐུབ་ཀྱི་མེད། ང་ནི་ཞིབ་འཇུག་བྱ་རྒྱུར་དགའ། རེད་དེ་རང་ཉིད་ལ་ཞིབ་འཇུག་བྱེད་ཐུབ་ཀྱི་མེད། འགལ་ཟླ་འདིས་རང་ཉིད་སྤྱི་ཚོགས་ཀྱི་ཞབས་ཞུ་པ་ལས་སྤྱི་ཚོགས་ཀྱི་ཟ་འདྲེར་འགྱུར་བཞིན་ཡོད། ང་ལ་ཡོད་པ་ནི་བྱེད་སྟངས་འདིར་ནོངས་འགྱོད་དང་རྗེས་སུ་རིག་པ་བསྒྲིམ་རྒྱུའི་དམ་བཅའ་འཇོག་རྒྱུ་ཙམ་ཡིན། དེ་རིང་ཡང་ངས་རང་ཉིད་ཀྱི་དགའ་ཕྱོགས་ལྟར་ཞིབ་འཇུག་ལ་གཞོལ། དེ་རིང་ངའི་གོམ་སྟབས་གྲང་འཁྱག་གིས་བསྡམས་པའི་(རྡོ་རྗེ་གླིང་)དར་རྒྱས་གླིང་གི་ཁྲོམ་གཞུང་དུ་སྤོ་བཞིན་ཡོད། འདི་ཕྱོགས་སུ་ཡོད་པའི་བོད་པའི་གདོང་དབྱིབས་དང་གཟུགས་རིས་འདྲ་བའི་མི་ཚོགས་དག་མཐོང་ཐེངས་རེེར་ངས་ཁོང་ཚོ་ལ་ཅི་ཞིག་བཤད་འདོད་སྐྱེས།

དེ་ལས་མང་བ་། “འགྲུལ་བཞུད་དང་སེམས་ཁྲེལ།” »

ཨ་རིག་དགེ་མཐོང་།

ཁ་སང་དེ་རིང་ཁོ་བོ་ས་གནས་གཞན་དུ་སོང་བའི་རྐྱེན་གྱིས་དྲ་ལམ་དུ་ཞུགས་པར་མཐུན་རྐྱེན་མི་འཛོམས་ལ། ལྷག་པར་ལས་དོན་ཁག་ཅིག་གི་དབང་གིས་ཁོམ་ལོང་ཡང་མེད། ལྡི་ལི་ནས་ཉིན་འགའ་ལ་བསྡད་པའི་རིང་འདིར་དྲ་ལམ་དུ་ཐེངས་ཤིག་ཞུགས་པ་ཡིན། དྲ་ལམ་དུ་གནས་ཚུལ་གང་འཚམས་ཤིག་ཡོད་ཀྱང་གཙོ་བོ་བོད་ནང་གི་མེ་བསྲེགས་སོགས་ཀྱི་སྐོར་དང་བཙན་བྱོལ་ནས་ལས་འགུལ་ཅི་སྤེལ་གྱི་སྐོར་ལ་བལྟས་པ་ཡིན། བོད་ནང་ནས་འགད་རྫས་གཡུགས་གཏོར་གྱིས་ལས་ཁུངས་ཤིག་ལ་གནོད་འཚེ་དང་སྤུན་ཟླ་ཞིག་གི་ཚེ་སྲོག་ཤོར་བ་མཐོང་། ཁ་བརྡ་དྲ་བའི་ནང་དུ་སྲོང་བཙན་སྒམ་པོ་ཟེར་བ་ཞིག་གི་མིང་ཐོག་ནས་གཞོན་ལྷན་ལ་ཕུལ་བའི་དྲི་བ་བཅུ་ཞེས་པ་ཞིག་དང་། རྡོ་རྗེ་ཚེ་རིང་གིས་མེ་བསྲེགས་བཏང་ནས་ཤ་འཁོན་མ་སློངས་ཟེར་བ་ཞིག དེ་མིན་བོད་མི་གསུམ་ཨ་རི་ནས་ཟས་བཅད་ལ་བཞུགས་པའི་གནས་སྟངས་སོགས་མང་ཡང་། གཙོ་བོ་གཞོན་ལྷན་ལ་ཕུལ་བའི་དྲི་བ་བཅུ་ཞེས་པའི་ནང་དུ་དྲ་འབུ་ཁག་ཅིག་གིས་ཁོག་ལ་ཅི་ཤར་ཁ་ནས་རང་དབང་མེད་པར་བསྐྱུགས་འདུག་པས་དེས་སྤྱི་ཚོགས་ཟང་ཟིང་བཟོས། དེ་དག་ནི་དྲ་འབུ་ཁག་ཅིག་དང་ཆབ་སྲིད་པར་རློམ་པའི་གླེན་པ་འགའ་རེའི་བསམ་འཆར་ཙམ་ལ་ངོས་འཛིན་བྱས་ན་འགྲིག་མོད།

དེ་ལས་མང་བ་། “གཞོན་ནུ་དང་འཚེ་བའི་ལས་འགུལ།” »

སེར་ཤུལ་རིན་ཆེན་དོན་གྲུབ།
སྤྱི་ལོ་༢༠༡༡ དང་ ༢༠༡༢། ལོ་གསར་བ་དང་ལོ་རྙིང་བ། ལོ་འདི་གཉིས་ཀྱི་ནང་དུ་ཚེ་སྲོག་གི་སྡོང་པོ་ཉི་ཤུ་ལྷག་ང་ཚོས་རིག་ས་མཐོང་ས་ནས་མེ་ལྕེའི་འོད་ངོགས་སུ་ཞུ་ཞིང་། མེ་ལྕེའི་འོད་རླབས་སུ་འབར། དཔའ་བོ། སྐྱེས་བུ་དམ་པ། མི་རིགས་ཀྱི་རླབས་ཆེན་དབུ་འཁྲིད། བོད་མི་རིགས་ཀྱི་སྣེ་འདྲེན་དཔའ་རྟུལ། ཁྱེད་རྣམ་པ་འདི་ལྟར་ཤ་རུས་དང་། ལྷུ་ཚིགས་རེ་རེ་གཅིག་རེ་གཅིག་རེ་བྱས་ནས་མེ་ལྕེའི་འོད་དུ་བཞུར་དུས་ཡང་སྙིང་ཁོང་དང་ཁོང་ཚོར་ཁྲག་རྒྱུན་གཅིག་པའི་ང་ཚོར་ཅི་ཞིག་གི་འབོད་ཟླ་གཏོང་གི་ཡོད། ཅི་ཞིག་གི་དྲན་གསོ་གཏོང་གི་ཡོད། རང་དབང་གི་ཡུལ་གྲུར་འཚོ་བའི་ང་དང་ཁྱེད་ཚོར་ཅི་ཞིག་གི་རེ་སྨོན་ཟློ་བཞིན་ཡོད། ཙིར་ཙིར་གྱི་མེ་ལྕེའི་སྒྲ་སྐད་དེ་ཁྱེད་ཅག་གིས་བཟོད་པར་ནུས་སམ། ལྷང་ལྷང་གི་རེ་བའི་གདུང་འབོད་དེ་མེ་རླབས་དང་མཉམ་དུ་འཇོག་པར་ནུས་སམ། ཤ་དང་། ཁྲག ད་དུང་རུས་རྒྱུད་དང་གདུང་རྒྱུད་གཅིག་པའི་བོད་པ་ཚོ། མེ་ལྕེའི་འོད་ངོགས་སུ་གཤེགས་པའི་ཁོང་ཚོའི་རོ་བདག་དེ་ཅིས་ཀྱང་ང་ཚོ་ཡིན་འོས།

དེ་ལས་མང་བ་། “མེ་ལྕེའི་འོད་ངོགས་གི་ཚེ་སྲོག་དག་གིས་ང་ཚོར་ཅི་ཞིག་བརྗོད་ཀྱི་འདུག གསན་རོགས།” »