སེར་ཤུལ་རིན་ཆེན་དོན་གྲུབ།

བསམ་བློ་ནི་རྩོམ་རིག་གི་གཞི་རྩ་ཡིན། རྩོམ་རིག་ནི་སྤྱི་ཚོགས་དང་མིའི་འཚོ་གནས་ལ་བདེ་དྲོད་སྦྱིན་པའི་བྱེད་ཐབས་ཤིག་ཡིན་འོས། སྤྱི་ཚོགས་དང་། མིའི་ཚེ་སྲོག་གི་འཚོ་གནས་རིན་ཐང་ལ་བསམ་བློ་གཏོང་མཁན་ཞིག་ཡིན་ན་རང་ཉིད་ལ་རྩོམ་པ་པོའི་མཚན་སྙན་ཐོབ་པ་ལས་རྩོམ་རིག་གིས་མིའི་འཚོ་གནས་རིན་ཐང་ལ་སྟོར་སྐྱོན་མ་ཐེབས་པ་ཞིག་གལ་ཆེ་བ་ཡིན། རྩོམ་པ་པོ་ཡིན་ན་དགག་སྒྲུབ་འབའ་ཞིག་གི་གར་སྟེགས་སུ་ལང་དགོས་པ་དང་། གཞན་གྱི་སྐྱོན་མཚང་འབྲུ་མི་ཐུབ་པའི་རྩོམ་རིག་ཡོད་ཚད་རིན་ཐང་གི་ཚད་གཞི་ཆེས་དམའ་བའི་གད་སྙིགས་སུ་ལུས་པའི་བསམ་བློ་འདི་སུས་འཇིག་རྟེན་དུ་བསྐྲུན་ཅིང་དར་བ་ཡིན་མི་ཤེས་མོད།

དེ་ལས་མང་བ་། “སྐྱོན་བརྗོད། འགན་ཁུར། མཇུག་འབྲས།
” »

མི་ཕམ་ཚངས་ཐིག་གིས་བྲིས།

རྒྱལ་གཅེས་སེམས་དཔའ་༣༢ ཀྱི་གཅེས་སྲོག་དང་ལང་ཚོའི་མཛེས་སྡུག གསུང་དབྱངས་དྲོན་མོ་དང་གསལ་ཞིང་དང་བའི་བློ་རིག་སོགས་ཡལ་བར་དོར་བ་ནི། ང་ཚོ་གངས་ཅན་པའི་བདེ་སྐྱིད་ཁོ་ནའི་ཆེད་དུ་རེད། དེ་དག་ནི་གངས་ཅན་པ་མི་རེ་ངོ་རེ་ལ་བཟོད་ཐབས་བྲལ་བའི་སྙིང་ནང་གི་བྲག་རྡོ་དང་ཚེར་མ་ལྟ་བུ་ཞིག་རེད། དེ་དག་ནི་བློ་ཕམ་ཞིང་སྐྱིན་ཚབ་ཐབས་མེད་པའི་གྱོང་གུད་ཆེན་མོ་ཞིག་ཡིན་ལ། འདིའི་འབྱུང་རྐྱེན་ནི། ཇག་ཁྲམ་པ་རྒྱལ་དམར་གཞུང་། རྒྱུ་འབྲས་དྲང་བདེན་མེད་པའི་གླ་བརྔན་རྒྱབ་རྟེན་གྱི་ཤོམས་ངོམ་པ། ལྐོག་ཟ་རུལ་སུངས་མཁན། མི་བསད་ལག་དམར་པ་ཚོའི་བླུན་རྨོངས་དང་ཀླ་ཀློའི་ནོར་འཁྲུལ་གྱི་སྲིད་ཇུས་ངན་ པའི་འབྲས་བུ་དུག་ཅན་པ་དེ་ལས་བྱུང་བ་རེད།

དེ་ལས་མང་བ་། “རིན་ཐང་མ་ལོན་པའི་རྒྱལ་གཅེས་དཔའ་བོའི་གཅེས་སྲོག” »

ཤར་ཕྱོགས་ཁུག་རྟ།

དཔའ་བོ་འཇམ་དཔལ་ཡེ་ཤེས་ལགས་ཀྱིས་ཕྱི་ཚེས ༢༦ ་ཉིན་རྒྱལ་ས་ལྡི་ལིར་ཞལ་ཆེམས་དོན་ཚན་ལྔ་བཞག་སྟེ་རང་ལུས་མེར་བསྲེགས་བཏང་བ་ཀུན་ལ་མངའ་ཆུབ་བཞིན། ད་ལྟ་ལྡི་ལི་ནས་བཞུགས་སྒར་དུ་སྐུ་ཕུང་གདན་འདྲེན་ཞུ་བཞིན་པ་དང་ཉིན་རྒྱབ་ཆུ་ཚོད ༥ ཙམ་ལ་བཞུགས་སྒར་དུ་སླེབས་ཐུབ་པའི་ཚོད་དཔག་གནང་གི་ཡོད་པ་རེད།

དེ་ལས་མང་བ་། “སྐུ་གཤེགས་འཇམ་དཔལ་ཡེ་ཤེས་ལགས་ལ་འདས་མཆོད་གཟབ་རྒྱས་ཤིག་ཞུ་དགོས།” »

ནམ་མཁའ། ༢༧/༣/༢༠༡༢ལ་ཡོ་རུབ་ནས་བྲིས།

འཛམ་གླིང་འདིའི་སྒང་ལུས་སེམས་ལྷོད་པའི་སྒོ་ནས་འཚོ་བ་རོལ་ན་མི་འདོད་མཁན་སུ་ཞིག་ཡོད། ཡིན་ཡང་ཁ་སང་དེ་རིང་གངས་ཅན་ལྗོངས་ཡོངས་སུ་ལུས་སེམས་ལྷོད་པའི་ཉིན་མཚན་ཞིག་མེད་ལ།
ཁྲོམ་སྲང་དང་ལམ་ཕྲན་རེ་རེ་མཐོ་འབྲིང་སློབ་གྲྭའི་ཉེ་འགྲམ་སོགས་སུ་ཡང་ལག་ཏུ་མཚོན་ཆ་ཐོག་པའི་དྲག་དམག་གི་ཁེངས་ཡོད།

དེ་ལས་མང་བ་། “དྲག་དམག་གི་འཇིག་རྟེན།” »

ཀླུ་རྒྱལ་དོན་འགྲུབ་ཀྱིས་༢༠༡༢ལོའི་ཟླ༣པའི་ཚེས་༢༢དགོང་མོ་བྲིས།

ཁོང་གི་འདི་ལྟར་མི་རིགས་ཤིག་གི་འཐབ་རྩོད་དངས་དུ་བླངས་ནས་སེམས་ཤུགས་འདི་ལྟ་བུ་ཞིག་ཁུར་ནས་ལམ་དུ་ཆས་སོང་། འགྲོ་སྟངས་འདིས་མི་བུ་གང་ཞིག་ལ་སེམས་འགུལ་ཐེབས་ཁུལ་དུ་བྱས་མོད། ཉི་མ་ཁ་ཤས་འགོར་བ་ན་ཕལ་ཆེར་ཡོད་ཚད་རྫོགས་སོང་བ་ལྟར་རང་རང་གི་སེམས་སུ་སེམས་ཤུགས་འཕར་ཏུ་འཇུག་མཁན་དེའི་བག་ཆགས་ཀྱང་མེད་པར་གྱུར། འདི་ནི་ང་ཚོ་བཙན་བྱོལ་དུ་ཡོད་པའི་གོམས་གཤིས་ཡིན་ནམ་ཡང་ན་འཐབ་རྩོད་བྱེད་པའི་གོ་རིམ་ནང་དུ་ཅི་ཞིག་མཁོ་བའི་ངེས་ཤེས་མ་རྙེད་པ་ཡིན། གང་ལྟར་བཤད་འདོད་པ་ནི་ལས་འགུལ་གང་ཞིག་གི་དུས་སུ་ལས་འགུལ་སྤེལ་མཁན་གངས་ཟགས་དེར་དགའ་མོས་ཡོད་མེད་མིན་པར། ཁོང་གིས་སྤེལ་གྱིན་པའི་ལས་འགུལ་དེ་ཅི་ལྟར་སྲ་བརྟན་དང་ནུས་པ་ཅན་དུ་བསྒྱུར་ཐུབ་མིན་དེ་རེད།

དེ་ལས་མང་བ་། “ཚེ་བརྟན་རྡོ་རྗེ་ཡི་ལས་འགུལ་ལས་འཕྲོས་པའི་ཕྲན་གྱིས་བཤད་འདོད་པའི་སྐད་ཆ་འགའ།” »

དམ་ཆོས་བསམ་འཕེལ་གྱིས།

རང་བཙན་རྩོད་ལེན་དང་རང་སྐྱོང་རྩོད་ལེན་གང་ཡིན་ཡང་རྩ་བའི་འབབ་ས་ནི་བོད་མི་རིགས་ཀྱི་ཐུན་མོང་མ་ཡིན་པའི་སྐད་ཡིག་དང་བསམ་བློའི་འདུ་ཤེས། ཆོས་དང་རིག་གཞུང། ཡུལ་སྲོལ་དང་གོམས་གཤིས། མི་རིགས་དང་བཅས་པ་རྩ་བརླག་ཏུ་འགྲོ་བཞིན་པར་སྐྱོབ་ཐབས་ཁོ་ནར་དམིགས་པའི་ཆབ་སྲིད་ཀྱི་ལང་ཕྱོགས་ཤིག་ཡིན་པ་ནི་ངས་འདིར་སྨྲར་ཇི་དགོས། དེའི་ཕྱིར། མི་སྒེར་དང་ཚོགས་པ། གཞུང་དང་མི་མང་གང་ཡིན་ཡང་ཆོས་དང་རིག་གཞུང། རྒྱལ་རབས་དང་ལོ་རྒྱུས། ཆབ་སྲིད་དང་བསམ་བློའི་འདུ་ཤེས་དེ་སྤྱི་ཚོགས་ཧྲིལ་བོར་བརྡ་སྤྲོད་ཀྱི་རྩ་བའི་ལག་ཆ་དེ་མི་རིགས་དེའི་རང་གི་ཐུན་མོང་མ་ཡིན་པའི་སྐད་ཡིག་ཡིན། དེའི་རྒྱུ་མཚན་ནི།

དེ་ལས་མང་བ་། “བོད་རང་བཙན་དང་བོད་ཀྱི་སྐད་ཡིག” »

ནམ་མཁའ།༢༣/༣/༢༠༡༢ལ་ཡོ་རུབ་ནས་བྲིས།

སྤྱིར་འཛམ་གླིང་འདིའི་སྒང་མི་རིགས་ཀྱི་དབྱེ་འབྱེད་ནི་སྐད་དང་ཡི་གེ་རིགས་གཞུང་ལ་རྟེན་ནས་འབྱེད་དགོས་བ་དང་།མི་རིགས་ཞིག་འཛམ་གླིང་སྟེང་གསོན་པོར་འཚོ་ཡོད་མེད་ཀྱང་མི་རིགས་དེའི་སྐད་དང་རིགས་གཞུང་གནས་ཡོད་མེད་བལྟ་དགོས་སྙམ། མི་རིགས་ཞིག་འཆི་བ་ཡང་དེའི་སྐད་རིགས་སོགས་གསོན་པོར་གནས་མ་ཐུབ་ཚེ་འཆི་བ་ཞིག་ལ་ངོས་འཛིན་བྱེད་ཀྱི་ཡོད་པ་རེད་བསམ།

དེ་ལས་མང་བ་། “སྐད་ཡིག་རང་དབང་གི་ངོ་རྒོལ་དང་རྒྱ་ནག་གི་ཁྲིམས།” »

ངས་པོ་རྒྱལ་མཚན།

རྒྱ་དམར་ཇག་ཚོགས་ཀྱིས་༸གོང་ས་སྐྱབས་མགོན་ཆེན་པོའི་གཡོ་མེད་ཀུན་ཁྱབ་སེམས་འཁུར་གྱི་མཛད་སྤྱོད་ཕུལ་བྱུང་ཉི་མ་ཤར་འདྲ་བ་དེ་གཡོ་སྒྱུའི་ཧམ་སེམས་དང་།ཕྲག་དོག་སྦར་མོས་འགེབས་མི་ཐུབ་ཀྱང་ལོག་བཤད་དེ་དག་གི་མི་དམངས་དཀྱུས་མ་འགའ་ཞིག་དབུ་སྐོར་བྱུང་བ་ཆོས་ཉིད་དུ་སོང་། གཏམ་ལ་གཏམ་ལན་མེད་ན་ ལྐུགས་པ་དང་ཟས་ལ་ཟས་ལན་མེད་ན་སྤྲང་པོ་ཡིན་ཞེས་པ་ལྟར་གནས་ལུགས་རྒྱུ་མཚན་དང། དྲང་གཏམ་རྟ་རྔ་ཙམ་ཡང་མེད་པའི་མི་བདེན་རྫུན་སྒྲིག་རི་རྒྱལ་ ལྷུན་པོ་ལྟ་བུའི་འཆལ་རྩོམ་དེ་ལ་དྲང་བདེན་ལ་རྒྱབ་རྟེན་དང་། དངོས་ཐོག་བདེན་ཐོག་གཞི་རྩར་བཞག་ནས་ལན་འདེབས་ཐུང་ངུ་ཞིག་བྱ་འདོད་བྱུང།

དེ་ལས་མང་བ་། “མགོ་རུལ་བ་སྣ་བས་མི་ཚོར།” »

ནམ་མཁའ།༡༩/༣/༢༠༡༢ལ་ཡོ་རུབ་ནས་བྲིས།

ད་ལྟའི་དུས་འདིར་དཔྱིད་འགོ་ཚུགས་སྟེ་ལྗོན་ཤིང་དག་གི་ཡལ་གའི་རྩེ་མོ་རུ་འདབ་མའི་ཆུན་པོ་ཆག་པ་མ་ཟད།ཁ་ཤས་ཞིག་གི་འདབ་མ་ཅུང་ཟད་ཁ་ཕྱེ་འདུག་པ་འདིས།མི་ཐམས་ཅད་ཀྱི་སེམས་སུ་རང་བཞིན་གྱིས་སྤྲོ་སྣང་ཞིག་སྦྱིན་ཐུབ། འཁོར་ཡུག་འདིས་དབང་གིས་མིའི་ཐམས་ཅད་ཀྱི་སེམས་སུ་བདེ་སྐྱིད་གསར་བ་རེ་འབྱུང་གི་ཡོད། སྤྱིར་ང་རང་ཡང་འདིའི་གྲལ་གྱི་དཔྱིད་ཀའི་འཁོར་ཡུག་གི་སྤྲོ་སྣང་མྱོང་མཁན་གྱི་མི་ཞིག་ཡིན། ཡིན་ཡང་རང་ཡུལ་བྲལ་བའི་མི་ང་རང་ལྟ་བུའི་བོད་མི་དང་ཕ་ཡུལ་ན་ཡོད་པའི་ཤ་ཁྲག་གཅིག་པ་ཚོ། ཁ་སང་དེ་རིང་འདིའི་སྤྲོ་སྣང་འདི་མྱོང་ཐུབ་ཀྱི་མེད་པ་མ་ཟད། སང་ཉིན་ང་རང་འཛིན་བཟུང་དང་ཡང་ན་ང་ཚོའི་ཐོག་ལ་མེ་མདའ་རྒྱབ་ཡོང་སྙམ་པའི་འཇིགས་སྣང་ཞིག་གིས་ངང་བསྐྱལ་བཞིན་ཡོད། ཕྱི་ལོགས་སུ་བོད་མི་ཚོས་ཀྱང་སང་ཉིན་ཕ་ཡུལ་དུ་གནས་ཚུལ་ག་འདྲ་ཞིག་འབྱུང་ངེས་ཡིན་ནམ་སྙམ་པའི་སེམས་ཁུར་ཞིག་གིས་བསྡད་ཡོད།

དེ་ལས་མང་བ་། “བྱིས་པ་ལོ་བདུན་བརྒྱད་ཅན་ཚོས་མཛུབ་མོ་ལྔ་བཅིངས་ཀྱི་ཁུ་ཚུར།” »

(བཀྲེས་ལྟོགས་ཉིན་ཉེར་བདུན་པའི་དབུགས་རྒྱུན་མཐའ་མའི་མགྲིན་ཚབ་ཏུ།)

ཨ་འཇམ།

ད་ལྟ་འཛམ་གླིང་མི་དམངས་ཀྱིས་གོ་མཚོན་ཐང་དུ་བཞག་ནས་རྒྱལ་ཁབ་བར་གྱི་རྩོད་གཞི་དག་ཀྱང་ཅོག་ཙེའི་སྟེང་ནས་ཐག་གཅོད་བྱེད་བཞིན་པའི་སྐབས་སུ་མཆིས། ངེད་ཚང་སྟེ་གངས་རིའི་རི་ཁྲོད་དུ་འཚོ་བའི་ངའི་སྤུན་ཟླ་རྣམས་ཉིན་རེ་ནས་ཉིན་རེར་དམར་གསོད་བྱས་པའི་གྲངས་ཚད་འཕར་བཞིན་ཡོད་ལ། དེ་བཞིན་དུ་ངའི་སྤུན་ཟླ་ཚོ་ཡང་གུ་དོག་པའི་འཚོ་གནས་ནས་འུ་ཐུག་པའི་སྣང་ཚུལ་ཛ་དྲག་གི་ངོ་བོར་འཕེལ་བཞིན་མཆིས་པས། རང་ཉིད་མེར་སྒྲོན་བཞིན་པའི་སྣང་ཚུལ་ནི་ད་སྔ་འཛམ་གླིང་གི་ལོ་རྒྱུས་སུ་བྱུང་མ་མྱོང་བའི་གྲངས་ཚད་ཅིག་ཏུ་འཕེལ་བཞིན་པའི་སྐབས་རེད། ད་ལྟའི་གནས་བབ་འདི་ཉིད་མུ་མཐུད་དུ་བཞག་ཚེ་ཡ་ང་བའི་གདུག་རྩུབ་དང་འུ་ཐུག་པའི་སྣང་ཚུལ་འདི་ལས་ངའི་མི་རིགས་འདི་ཉིད་འཛམ་གླིང་གི་ཉམས་རྒུད་ཀྱི་འགྲོས་ཚད་ཆེས་མགྱོགས་ཤོས་ཀྱི་སྟེང་ན་གནས་ཡོད། འདི་ནི་མཉམ་འབྲེལ་རྒྱལ་ཚོགས་ཀྱིས་སྤྱན་ཟུང་གིས་གཡོ་ཙམ་ཡང་མ་གནངས་པའི་གོ་ལ་འདིའི་གྲུ་ཟུར་གྱི་མུན་ནག་གི་ཆ་ཤས་ཤིག་རེད།

དེ་ལས་མང་བ་། “མཉམ་འབྲེལ་རྒྱལ་ཚོགས་སྒོ་དྲུང་གི་མཐའ་མའི་མཆིད།” »

སྲས་མོ།

གསུམ་བཅུ་དུས་དྲན་ཐེངས་ ༥༣ པའི་ཉིན། ཕྱི་ལོ་ ༢༠༡༡ ལོར་རྡི་ལི་ནས་རང་ལུས་མེར་བསྲེགས་ཀྱིས་ལས་འགུལ་སྤེལ་མཁན་རྒྱལ་གཅེས་དཔའ་བོ་ཞིག་མིག་ཟུང་རས་ནག་པོ་ཞིག་གིས་སྒྲིབ་ནས་ལམ་དུ་ཆས་ཡོད། གོམ་བགྲོད་པ་འདིས་ ” རྒྱ་གཞུང་གི་དམར་གསོད་དྲག་གནོན་གྱི་སྲིད་ཇུས་འོག ད་ལྟ་བོད་ནང་གནས་སྟངས་ཧ་ཅང་ཛ་དྲག་ཏུ་ཕྱིན་ཡོད་པའི་སྐབས་འདིར། མཉམ་འབྲེལ་རྒྱལ་ཚོགས་དང་འཛམ་གླིང་རྒྱལ་ཁབ་མང་པོ་ཞིག་གི་གཞུང་གིས། བོད་མིའི་རྩ་དོན་དང་འགྲོ་བ་མིའི་ཐོབ་ཐང་། ཆོས་དད་རང་དབང་བཅས་ཀྱི་གནས་སྟངས་ཐད་གོ་མེད་ཚོར་མེད་ཀྱི་རྣམ་འགྱུར་བཟུང་སྟེ་ཁུ་སིམ་མེར་སྡོད་པ་དེ་ནི་ཧ་ཅང་བློ་ཕམ་གྱི་གནས་ཤིག་ཡིན་ལ། རྒྱལ་ཁབ་དང་སྒྲིག་འཛུགས་དེ་དག་གིས་མིག་གཉིས་ཕྱེ་དེ་ང་ཚོར་རྒྱབ་སྐྱོར་གནང་རོགས།”ཞེས་པའི་རེ་འདུན་ཞིག་དང་བཅས་ཏེ་ལམ་དུ་ཆས་ཡོད།

དེ་ལས་མང་བ་། “གོམ་བགྲོད་པ་ཞིག་བརླག་ནས་ཉིན་བཅུ་ཕྱིན་སོང་།” »

བྱང་ཆུབ།

ད་ལོར་རྡོར་གདན་ནས་དུས་དབང་ཞུས་རྗེས་མུ་མཐུད་བཀའ་མའི་ལུང་ཉན་བཞིན་ཡུན་རིང་བསྡད། ལུང་འགོ་བཙུགས་ཏེ་ཉིན་ཤས་སོང་བའི་ཉིན་གཅིག ཕྲན་གྱི་གཡོན་ཟུར་ལ་རྒྱའི་བཙུན་མ་དགུང་ལོ་བགྲེས་ཙམ་ཞིག་སླེབས་ཤིང་། རྒྱ་ཡིག་གི་དེབ་ཅིག་ཀློག་བཞིན་བསྡད་སོང་། ཕྲན་གྱིས་མང་འགྱེད་དུ་ཐོབ་པའི་རྙིང་མའི་སྨོན་ལམ་དུས་དེབ་སྟེང་ཨ་ཁྱུག་རིན་པོ་ཆེ་དགོངས་པ་ཆོས་དབྱིངས་སུ་ཐིམ་ཚུལ་དང་ཁོང་གི་རྣམ་ཐར་ཐུང་ངུའི་ལེ་ཚན་ཞིག་ཡོད་པ་ཀློག་བཞིན་པའི་སྐབས་ཡིན། ཨ་ནེ་དེས་ཨ་ཁྱུག་རིན་པོ་ཆེ་དང་ཁོང་ག ི་དགོན་པའི་འདྲ་པར་མཐོང་སྟེ། ངས་རྒྱ་སྐད་གོ་གི་མ་རེད་སྙམ་པའི་ངང་།

དེ་ལས་མང་བ་། “རྒྱ་མིའི་གསང་ཉུལ་བའི་གྱ་གྱུ།” »

ཐོར་རྒོད་པ་སྤྱན་ཆབ།

ངའི་ཕ་ཡུལ་ནི་གྲོང་ཚོ་ཆུང་ཆུང་ཞིག་ཡིན། ངའི་ཕ་ཡུལ་ནི་གླུ་སྐད་གཉོམ་པོ་ཞིག་ཡིན། མ་ཟད་ངའི་ཕ་ཡུལ་ལ་རྒྱ་ནག་གི་གཡོ་འཕྲུལ་དང་ལྗན་ལྗིན་གྱིས་ཁ་སྨེ་དང་བསླུ་བྲིད་མང་དུ་བྱས་ཡོད། དེ་ནི་དང་པོར་བོད་ནས་སྐྱེས་ཀྱང་ཁྱོད་རང་བོད་མི་མིན་རེད་ཟེར་བ་ལྟ་བུ་དང་། གཉིས་པ་ཀ་ཁ་བསླབས་ཀྱང་ཀྱང་ཁྱོད་ཀྱི་རང་སྐད་མ་རེད་ཟེར་བ་ལྟ་བུ་སོགས་ཀྱིས་དྲང་པོ་འཁྱོགས་བརྗོད་དང་དངོས་མ་རྫུན་ཚིག་ཏུ་གྲུབ་པའི་དབང་དང་བཀའ་ཆོས་མང་ནས་མང་དུ་བསྩལ་མོད་ཀྱང་།

དེ་ལས་མང་བ་། “ངའི་ཕ་ཡུལ་གྱི་རང་སྲུང་།” »

ནམ་མཁའ།༡༨/༣/༢༠༡༢ལ་ཡོ་རུབ་ནས

དུས་ཡུན་ཐུང་ངུ་ཞིག་གི་རིང་མདོ་སྨད་རྔ་བའི་དཔའ་བོ་བཀྲ་བྷེ་ནས་འགོ་བཙུགས་སྟེ།དེ་རིང་བར་དུ་བོད་མི་སུམ་བཅུའི་རང་སྲོག་འབེན་དུ་བཞག་ནས་མེ་བསྲེགས་བཏང་མོད། འོན་ཀྱང་ད་རུང་ཡང་རྒྱལ་སྤྱིའི་གསར་ལམ་ཁག་ཏུ་གནས་ཚུལ་བརྗོད་པ་ཉུང་ལ། རྒྱལ་སྤྱིའི་སྟེང་འགྲོ་བ་མིའི་ཐོབ་ཐང་གླེང་མཁན་གྱི་སྲིད་དོན་པ་ཚོས་ཀྱང་གཞུང་འབྲེལ་ཐོག་བོད་མི་རིགས་ཀྱི་བདེ་སྡུག་གླེང་མཁན་དཀའ་ཚོད་རེད། གལ་སྲིད་འགྲོ་བ་མིའི་ཐོབ་ཐང་ཟེར་བའི་ཚིག་འདིའི་ཁོངས་སུ་བོད་མི་རིགས་ཚུད་ཀྱི་ཡོད་ཚེ།འདིའི་བདེ་སྡུག་ཞིག་ཁ་ཞེ་གཉིས་མེད་ཀྱིས་གླེང་དགོས་བའི་དུས་ལ་སླེབས་པ་མ་ཟད་ཕྱིས་དྲག་པའི་སྐྱོན་རེད།

དེ་ལས་མང་བ་། “རྒྱལ་སྤྱིའི་གསར་ལམ་ཁག་རྒྱ་གཞུང་གིས་ཉོས་ཚར་བ་ཨེ་རེད།” »

་རང་རྟོན་གྱིས་བྲིས།

ཁ་མི་གྲགས་པའི་འདས་སོང་གི་ལོ་རྒྱུས་ཀྱི་ཉམས་རྒུད་རེ་རེས་བོད་མི་རིགས་ཀྱི་ཡོད་ཚད་འུ་ཐུག་ཐབས་ཟད་ཀྱི་གནས་བབ་དང་འཇིགས་ཡེར་བའི་འཇིག་རྟེན་འདི་ལ་གཏུགས་པས་ཁ་སང་དེ་རིང་ནི་ས་ཆེན་གོ་ལའི་སྒལ་གཞུང་འདི་ན་འགྲོ་བ་མིའི་ཡོངས་ཁྱབ་ཀྱི་རིན་ཐང་དང་ཐོབ་ཐང་།རང་དབང་མེད་པའི་གནས་ཚུལ་དག་མངོན་འགྱུར་བྱེད་སླད་རང་ཉིད་ཀྱིས་རང་ཉིད་ཀྱི་ཚེ་སྲོག་བཅད་ནས་གསལ་འདོན་བྱེད་པའི་ཧ་ཅང་ཐབས་སྡུག་གི་ལམ་ཁ་འདི་དང་གནས་བབ་འདི་ལ་ལྷུང་ཡོད་པས་མྱ་ངན་དགུ་བརྩེགས་དང་མཆུ་མ་དགུ་བཞུར་བྱེད་པའི་ཡ་ང་བའི་སྐྱོ་གར་གྱི་ཡུལ་ལས་མ་འདས།བདུན་ཕྲག་གཅིག་ལ་མི་བཞི་ཡས་མས་ཤིག་གིས་མེ་བསྲེགས་བཏང་ཟིན་པའི་གནས་བབ་འདི་ལ་བསམ་ན་འུ་ཚོ་བྱེས་འབྱོར་བ་ཚོ་གྲག་འགུལ་ཅི་ཡང་མེད་པར་ཁ་ཁུ་སིམ་མེར་འདུག་པ་དང་འདུག་ཐུབ་པའི་དུས་ཚོད་ཞིག་མ་ཡིན་པ་མངོན་གསལ་དོད་པོ་རེད།

དེ་ལས་མང་བ་། “གྲངས་ཀར་འགྱུར་བཞིན་པའི་མེ་ལྕེ།” »

ནམ་མཁས་༡༥/༣/༢༠༡༢ལ་བྲིས། 

རེབ་གོང་རྒྱལ་བོ་ལྡོང་ངེ་རུ་༼ཚེ་འདས༽ཕ་དཀོན་མཆོག་སྐྱབས་དང་མ་ལྕགས་མོ་གཉིས་ཀྱི་ཁྱིམ་དུ་སྐྱེས་བའི་འཇམ་དབྱངས་དཔལ་ལྡན་དང་ཁོང་གི་སྙིང་སྟོབས་ཀྱི་མཛད་རྗེས། སློབ་གྲྭའི་སློབ་མ་ཚོས་སྐད་འབོད་བྱས་བ་སོགས་དྲ་ཐོག་ཏུ་བཀོད་འདུག་པས་བསྐྱར་འབྲི་མི་བྱེད། ཡིན་ཡང་ཁ་སང་དེ་རིང་འཇམ་དབྱངས་དཔལ་ལྡན་དང་ཁོང་གི་གཅེན་པོ་གཉིས་ཀྱི་གྲྭ་ཤག་ཏུ་རེབ་གོང་རོང་འབྲོག་ཡོངས་ཀྱི་གྲོང་སྡེ་མི་སྣ་མང་པོ་གདུང་སེམས་མཉམ་བསྐྱེད་ཀྱི་འཚམས་འདྲི་ཕེབས་བཞིན་པའི་སྒང་རེད་ཟེར། ངས་དེ་རིང་འདིར་ཁོང་གི་གཅེན་པོའི་སྐོར་ཅུང་ཟད་ངོ་སྤྲོད་བྱེད་འདོད་བྱུང་།

དེ་ལས་མང་བ་། “དྲག་དམག་ཁྲོད་ཀྱི་རེབ་གོང་ཤར་སྤྲུལ་གྱིས་གསུང་བཤད་དང་འཇམ་དབྱངས་དཔལ་ལྡན་གྱི་གཅེན་པོ།” »

ཚེ་བརྟན་རྡོ་རྗེ་མ་བུ་གསུམ་ལ་ཕུལ།

ཀླུ་ཚང་གུ་རྒྱལ་གྱིས་།

  བོད་ཁ་བ་ཅན་གྱི་མེ་ཡི་གཤོག་པ་བརྐྱངས་ཏེ་གཤོག་ལྕག་གིས་མཚོ་དང་མཚོ་མོ་རྒུལ་དུས་།   རྡ་སའི་རི་ངོགས་ཀྱི་འདས་ཟིན་པ་ཐམས་ཅད་སླར་ཡང་སད། མ་བུ་གསུམ་གྱི་རྨི་ལམ་ནང་གི་ཉི་རྩེ་དེས། བར་སྣང་སྟོང་བ་ནས་འོད་ཀྱི་གཟེགས་མ་ལན་འགར་གཙུབས་ཏེ།  འཚོ་བ་བློས་གཏོང་དང་བརྩེ་དུང་བློས་གཏོང། བཟའ་ཚང་བློས་གཏོང་དང་བུས་ཕྲུག་བློས་གཏོང་། ཕྱི་རྒྱལ་བློས་གཏོང་སོགས་ཀྱིས་རླབས་ཆེ་བའི་ཨ་མའི་སེམས་ཀྱི་རི་རབ་སྐྱོར་ནས་སྲུང་ཆུང་མའི་རྐང་བའི་ན་ཟུག་གི་རྨ་ཁ་བསྡམ་། རང་གི་སྐྲ་ལོ་ལས་གཅེས་པའི་གོམ་པ་རེ་རེ་། ཉི་མ་ལྷ་ས་དང་ལྷ་སའི་མི་དམངས་ཚོའི་མདུན་དུ་ནུར། ཕྱིར་མིག་ཁྲོད་ཀྱི་ཕྱི་སྡོད་བོད་མི་ཚོའི་འོས་འགན་གྱི་ལམ་སྣེ་ལྕིད་པོ་ཞིག་དྲུད་དེ་ཤོར་།

དེ་ལས་མང་བ་། “མེ་ཡི་གཤོག་པ་དང་གནམ་གྱི་མིག་ཆུ།­­” »

ཙ་ཡུས་ཕུན་ཚོགས།

འདས་པའི་ལོ་ངོ་སྟོང་ཕྲག་མང་པོའི་ལོ་རྒྱུས་ལས་མཐོང་གསལ་ལྟར། བོད་མི་རིགས་ནི་རང་དབང་དང་ཞི་བདེ་ལ་དགའ་བའི་མི་རིགས་ཤིག་ཡིན་ལ། ཤེས་རབ་དང་རིག་གཞུང་ལ་དད་འདུན་བྱེད་པའི་མི་རིགས་ཤིག་ཀྱང་ཡིན་པ་མ་ཟད། རང་བྱུང་ཁམས་ཀྱི་སྐྱེས་དངོས་སྲོག་ཆོག་གང་ལའང་བདག་གཅེས་ཤ་ཚ་བྱེད་པའི་མི་རིགས་ཤིག་ཡིན།

བོད་ཀྱི་མེར་བསྲེགས་ངོ་རྒོལ་གྱི་འབྱུང་རྐྱེན་གསུམ།
དང་པོ། སྤྱི་ལོ༡༩༤༩ལོ་ནས་རྒྱ་དམག་བོད་ལ་བཙན་འཛུལ་བྱས་པ་ནས་བོད་མི་ཁྲི་ཕྲག་མང་པོ་དམར་གསོད་དང་། བོད་ཀྱི་རང་བྱུང་སྐྱེས་དངོས་སྲོག་ཆགས་མང་པོ་རྩ་མེད། མཐོ་སྒང་གི་ཞི་བདེ་ལྷིང་འཇགས་ཀྱི་འཚོ་བར་གཏོར་བཤིག་ཚད་མེད་བཟོས་པ། ནང་སྒོས་རིག་གནས་གསར་བརྗེ་ཞེས་པའི་རླུང་འཚུབ་འོག་བོད་ཀྱི་དགོན་སྡེ་ཁག་གཏོར་བཤིག་དང་རིག་གཞུང་རྩ་མེད། ཆོས་ལུགས་དད་མོས་བཅས་ལ་དོ་ཕོག་འདྲ་མིན་བཏང་བ་སོགས་ཀྱིས། བོད་མི་རིགས་དང་རྒྱ་ནག་དམར་གཞུང་གཉིས་བར་སེལ་ཐབས་མེད་པའི་ཞེ་འཁོན་གྱི་རྨ་ཁ་ཟབ་མོ་བཞག་ཡོད།

དེ་ལས་མང་བ་། “མེ་རྒོལ་གྱི་འབྱུང་རྐྱེན་གསུམ་འདི་ལྟར་ཤོད།” »

ཙ་ཡུས་ཕུན་ཚོགས།

དེང་གི་བོད་ཀྱི་ཛ་དྲག་གི་གནས་སྟངས་ཇེ་སྡུག་ཏུ་འགྲོ་བཞིན་པའི་སྐབས་འདིར། བོད་རིགས་འདུས་སྡོད་བྱེད་སའི་རྒྱལ་སྤྱིའི་ས་ཁུལ་མང་བོར་བོད་ནང་གི་ཛ་དྲག་གནས་བབ་ལ་གདུང་སེམས་མཉམ་བསྐྱེད་ཀྱི་ལས་འགུལ་མུ་མཐུད་སྤེལ་བཞིན་ཡོད་མོད། ལས་འགུལ་ལ་མཉམ་ཞུགས་བྱེད་མཁན་གྱི་མི་གྲངས་ནི་ཧ་ཅང་ཉུང་ཞིང་ཤིན་ཏུ་ཉུང་སྟབས། འདི་ནི་ཁོ་བོར་མཚོན་ན་ཅུང་བློ་ཡུལ་ལ་མི་འཚམས་པའི་དྲི་བ་ཞིག་ཏུ་གྱུར། དེ་བས་ཉིན་ཤས་གོང་ཁོ་བོས་གནས་སྟངས་འདིར་རྒྱུས་ལོན་བྱ་ཆེད་ཡུལ་འདིར་སྡོད་པའི་བོད་མི་ཁ་ཤས་ཤིག་གི་བསམ་ཚུལ་བླངས་པ་ཡིན། གཤམ་ནས་བོད་མི་ཁ་ཤས་ཀྱི་བསམ་ཚུལ་མུ་མཐུད་འགོད་རྒྱུ་ཡིན་ལ། དོ་བདག་གི་རེ་སྐུལ་ལྟར་ས་གནས་ཙམ་ལས་མིང་སོགས་གསལ་བོ་འགོད་རྒྱུ་མིན།

དེ་ལས་མང་བ་། “ལས་འགུལ་ལ་མ་ཞུགས། ཕ་ཡུལ་དུ་འགྲོ་མི་ཐུབ།” »