རྩོམ་པ་པོ་དབང་ཆེན་རྡོ་རྗེ། (ཝཱཎ་མཐོ་སློབ།)

དང་པོ། མཐོ་རིམ་སློབ་མའི་གནས་བབ།

སྒང་བ་བོད་པའི་མི་རིགས་ཀྱི་བདག་དབང་ཧྲིལ་བོ་ཤོར་ནས་མི་ལོ་ང་གསུམ་འདས་པའི་ལོ་རྒྱུས་ལ་ཕྱི་མིག་ཅིག་བལྟས་ན། བོད་གཞིས་བྱེས་གཉིས་སུ་གྱེས་ཏེ་སྐྱ་ཆད་སྔོ་སྡུག་གི་ལས་དབང་ཁྲོད་ནས། མི་རིགས་ཀྱི་རིག་གཞུང་དང་སྐད་ཡིག་སོགས་མི་ཉམས་རྒྱུད་འཛིན་དང་གསར་བ་ནང་འདྲེན་གྱི་བྱ་བཞག་སླད་དུ་མཐོ་རིམ་སློབ་གྲྭའི་བསྟི་གནས་མི་ཉུང་བ་ཞིག་གསར་འཛུགས་དང་སྔར་ཡོད་རྨང་གཞིར་སྲ་བརྟན་གྱི་ལས་དོན་བསྐྱངས་དང་སྐྱོང་བཞིན་ཡོད།

དེ་ལས་མང་བ་། “མཐོ་རིམ་སློབ་མའི་གནབ་བབ་དང་བསམ་བློའི་འགན་འཁྲི།་༼གཟའ་ཉི་མའི་གླེང་མོལ་ཆེད་རྩོམ༽” »

རྩོམ་པ་པོ་བཙན་མེ་སྟག (ས་རཱ་མཐོ་སློབ)

གླེང་བརྗོད་ཐུང་ངུ་།

འདས་ཟིན་པའི་ལོ་རྒྱུས་ལ་ཕྱིར་རྟོག་དང་ད་ལྟའི་གནས་བབས་ལ་རྐང་བཙུགས་ནས་སྐད་ཆ་ངོ་མ་ཞིག་བཤད་ན། ང་ཚོའི་བོད་མི་རིགས་འདི་ཤེས་ཡོན་ལ་དགའ་ཞིང་དགའ་ལ། དུང་ཞིང་དུང་བ་ཟབ་པའི་མི་རིགས་ཤིག་གཏན་(ལྟོས་འཇོག་གི་བཤད་ན)ནས་མིན། རང་རློམ་ཅན་ཁ་ཅིག་གིས་མི་རིགས་ལ་བརྩེ་ཞིང་བརྩེ་བའི་དབང་གིས་ར་བཟིའི་འུར་སྒྲ་དང་འགྲོགས་ནས་ང་ལ་ཁྲེལ་དགོད་རྒྱག་སྲིད་མོད། རང་སེམས་ལ་ངལ་བ་བསྟེན་པ་ཙམ་ལས་བསམ་བློ་བ་རྣལ་མ་ཞིག་གི་བྱེད་ལས་མིན།

དེ་ལས་མང་བ་། “མཐོ་རིམ་སློབ་མའི་གནས་བབ་དང་བསམ་བློའི་འགན་འཁྲི། ༼གཟའ་ཉི་མའི་གླེང་མོལ་ཆེད་རྩོམ༽” »

རྩོམ་པ་པོ་བོན་རྒྱ་བསྟན་འཛིན་རབ་རྒྱས།

༡༽ བཤད་རྒྱུ་ནི་མཐོ་རིམ་སློབ་མའི་རྩ་བའི་འགན་འཁྲི་ཞིག་རེད།

མཐོ་རིམ་སློབ་མས་ངེས་པར་བཤད་དགོས་པ་རེད། རང་གི་མི་རིགས་བཤད་དགོས་པ་རེད། རང་གི་རིག་གནས་བཤད་དགོས་པ་རེད། ཆོས་དང་ཆབ་སྲིད་བཤད་དགོས་པ་རེད། བཤད་ཚར་བ་དག་བསྐྱར་དུ་བཤད་དགོས་པ་རེད། བཤད་མེད་པ་དག་གསར་དུ་བཤད་དགོས་པ་རེད། བཤད་མི་རུང་བ་དག་བཙན་གྱིས་བཤད་དགོས་པ་རེད། བཤད་མི་ཆོག་པ་དག་སྤོབས་པས་བཤད་དགོས་པ་རེད། བཤད་བཤད་ན་ནམ་ཞིག་ཅིག་གིས་བྱེད་ནི་རེད། བཤད་མཁན་ནི་བྱེད་མཁན་གྱི་ལྷན་ཅིག་བྱེད་རྐྱེན་ཉེ་བར་བ་དེ་རེད། ཡིན་ནའང་། ང་ཚོའི་སྤྱི་ཚོགས་ནང་”ང་ཚོས་ད་ལྟའི་བར་དུ་བཤད་པ་རེད།

དེ་ལས་མང་བ་། “བོད་ཀྱི་མཐོ་རིམ་སློབ་མའི་བསམ་བློའི་འགན་འཁྲི། ༼གཟའ་ཉི་མའི་གླེང་མོལ་ཆེད་རྩོམ༽” »

རྩོམ་པ་པོ་འཇིགས་མེད་དགེ་འདུན།

གཅིག ཁ་བྱང་གི་གོ་དོན་ལ་འཇུག་པ།

དང་པོ་ཁ་བྱང་འདི་གླེང་དགོས། མཐོ་རིམ་སློབ་མ་ཞེས་པ་འདིར་གོ་དོན་གཉིས་ཡོད། དེ་ནི་མཐོ་རིམ་གྱི་རིག་གནས་ལ་སློབ་གཉེར་བྱེད་མཁན་དང་། རིག་གནས་ཀྱི་རྨང་གཞི་གང་ཞིག་དམའ་རིམ་གྱི་སློབ་གཉེར་བ་ལས་ཤེས་ཚད་གང་འཚམ་ཁྱད་འཕགས་ལྡན་མཁན་གྱི་སློབ་གཉེར་བ་ཞེས་པའི་གོ་བ་འདི་གཉིས་རེད། གནས་བབ་ཅེས་པ་ནི། སྤྱིར་བཏང་གི་གོ་བ་ལེན་ཕྱོགས་བྱས་པ་ཡིན་ན། ཡང་ན། བརྗོད་གཞི་འདི་འབྲེལ་གྱི་སྐབས་ཐོབ་གོ་བ་ལེན་སྟངས་བྱས་ན། ཤེས་ཡོན་གྱི་གནས་ཚད་དང་། སྤྱོད་ལམ་གྱི་གནས་སྟངས་ལ་ཐུན་མོང་བའི་ར་བ་ལས་བརྒལ་བའི་ཁྱད་ཆོས་ཅི་ཞིག་ཡོད་པ་དང་། ཅི་ཞིག་ལྡན་དགོས་པ། ཅི་ཞིག་ཡོད་ངེས་ཅན་དུ་བྱེད་པ་བཅས་ཀྱི་ངོས་ལ་བལྟ་རྒྱུ་དེ་རེད།

དེ་ལས་མང་བ་། “མཐོ་རིམ་སློབ་མའི་གནས་བབ་དང་བསམ་བློའི་འགན་འཁྲི། ༼གཟའ་ཉི་མའི་གླེང་མོལ་ཆེད་རྩོམ༽” »

ཙ་ཡུས་ཕུན་ཚོགས།

རྒྱ་གཞུང་གིས་རྒྱལ་སྤྱིའི་གསར་འགོད་པར་རང་དབང་སྤྲད་མིན་ལ་མ་ལྟོས་པར་བོད་ཀྱི་མེར་བསྲེག་ལས་འགུལ་གྱི་མེ་ལྕེ་འདི་ཉིད་རྒྱལ་སྤྱིའི་བོད་དོན་རྒྱབ་སྐྱོར་བ་ཡོངས་དང་། སྒོས་སུ་ཆབ་སྲིད་ཆེད་མཁས་པ་རྣམས་ཀྱི་མིག་ལམ་ནས་དྲག་ཏུ་འབར་ཤིང་ཤུགས་ཀྱིས་མཆེད་ཀྱིན་པའི་མེ་ལྕེ་ཚ་བོ་ཞིག་ཏུ་གྱུར་བས། ཆབ་སྲིད་ཆེད་མཁས་པ་མང་པོ་ཞིག་གིས་རང་དབང་མེད་པར་བོད་ཀྱི་རང་ལུས་མེར་བསྲེག་ལས་འགུལ་གྱི་རྒྱབ་ལྗོངས་དང་གྲུབ་འབྲས་བཅས་ཀྱི་སྐོར་ལ་སྐད་ཆ་འདྲ་མིན་བརྗོད་དགོས་ཐུག་ཡོད།

དེ་ལས་མང་བ་། “རྒྱ་རིགས་ཤེས་ཡོན་པས་མེ་རྒོལ་གྱི་གྲུབ་འབྲས་ལ་ལྟ་སྟངས།” »

རླབས།

དཔེ་ཆ་ཀློག་པར་མི་སྤྲོ་བའི་དྲ་ཐོག་གི་མཆན་བུ་བ་དག་གི་ཆེད་དུ་ཡིག་ཆུང་འདི་འབྲི་དགོས་བྱུང་། རྗེས་ཕྱོགས་ང་ཚོས་བོད་ཡིག་ཐོག་ཏུ་དཔྱད་རྩོམ་འབྲི་ཕྱོགས་ཀྱི་ལམས་ལུགས་དེར་འགྱུར་བ་ཞིག་གཏོང་དགོས་ཀྱིན་འདུག ཞིབ་འཇུག་གི་རྒྱུ་ཆ་དང་དཔེ་ཆའི་ལུང་ཁུངས་སོགས་གསལ་བོར་འགོད་དགོས་ཀྱིན་འདུག དེས་ན་ད་གཟོད་དཔྱད་རྩོམ་གྱི་རྣམ་པ་ངོ་མ་དེ་ཐོན་ཐུབ་པར་སེམས། འོན་ཀྱང་། གཤམ་དུ་བྲིས་པ་དེ་དཔྱད་རྩོམ་མིན། དགོས་མཁོའི་ཤེས་བྱ་བརྗེ་རེས་ཙམ་ཡིན་ནོ།།

དེ་ལས་མང་བ་། “དབུ་མའི་ལམ་གྱི་སྐྱེས་སྐར་གླེང་བ།” »

ངོ་དེབ་སྟེང་ཀུན་གྱིས་དགའ་མོས་བྱེད་བཞིན་པའི་རྟ་མགྲིན་རི་མོའི་སྒྱུ་རྩལ།

དེ་ལས་མང་བ་། “བཙན་བྱོལ་བོད་མིའི་རྟ་མགྲིན་སྒྱུ་རྩལ་གྱི་རི་མོ་བདམས་བཀོད།” »

རང་ཚུགས་ཅན།

རྒྱལ་དར་མཉམ་འཕྱར་ལ་བརྟེན་ནས་བཀའ་སྤྱི་གཉིས་ཀས་ཀྱང་རུབ་རུབ་འགའ་གནང་འདུག་ཟེར། རྣམ་དཔྱོད་ལྡན་པའི་མཁས་དབང་ཟམ་གདོང་རིན་པོ་ཆེ་འདྲ་བ་ཞིག་ཡོད་ན། ཚོགས་གཙོ་མཆོག་ལའང་དེ་རིང་གི་གསུང་བཤད་འདི་ལས་ཅུང་སྣུམ་ཤིག་ཤིག་ཅིག་གསུང་རྒྱུ་ལོས་ཡོད་ཀྱང། ད་ནི་ཚོགས་གཙོའི་གསུང་བཤད་དེའང་སྨྱུག་ཁ་བདག་མེད་ཚོའི་གྲལ་དུ་ཟགས་འདུག་ལ། ཆབ་སྲིད་པ་འགན་མེད་ཚོའི་གཏམ་བཤད་ཀྱི་གྲས་སུའང་ལྷུངས་འདུག

རྒྱལ་དར་མཉམ་འཕྱར་བྱས་པའི་ཐད། དར་དམར་མུ་མཐུད་ནས་སྲེག་གི་ཡིན་པའི་འཇིགས་སྐུལ་དྲག་སྤྱོད་པའི་སྐད་ཆ་འཛམ་གླིང་ཁྱོན་དུ་བསྒྲགས། ས་གཞི་ཡོམས་འདར་ཤོར། རྒྱལ་དར་མཉམ་དུ་འཕྱར་མིན་གང་ལྟར་ཡང། དེ་འཕྱར་མཁན་ལ་དགག་བྱ་མེད་ལ་འཕྱར་མཁན་མང་པོ་ཐོན་པར་ཤོག་ཅེས་ཀྱང་ས་གཞི་དམག་གིས་ཁེངས་པ་ལྟར་ཕྱོགས་གཉིས་ནས་གླེང་འགོ་ཚུགས།

བར་དེར་གངས་ཅན་སྐྱིད་གཤོངས་ནས་སྐད་ཆ་ཞིག་འཁྱོག་ལམ་བརྒྱུད་ནས་སྤྱི་ཚོགས་སྟེང་སླེབས། གངས་སྐྱིད་ཀྱི་དར་ཆའི་ཐད་ཀྱི་ལངས་ཕྱོགས་གསལ་དུ་ཕྱིན།

དེ་ལས་མང་བ་། “སྙིང་གི་ཚོགས་གཙོར་ཕུལ་བའི་སྐད་ཆའི་དབུ།” »

སྡེ་དགེའི་ཞི་མོ།

(དེ་རིང་ནི། ཨ་མའི་དུས་ཆེན་ཡིན་དུས། བྱམས་བརྩེ་ཟབ་པའི་དྲིན་ཅན་ཨ་མ་ལགས་ཀྱི་བཀའ་དྲིན་ལ་རྗེས་དྲན་གྲངས་མེད་ཞུ།)

བཀའ་དྲིན་ཆེ། བྱམས་ལྡན་ཨ་མ་ལགས།
ཁྱེད་ཀྱིས། བུ་མོ་ངའི་འཚར་ལོངས་ཀྱི་ཆེད་དུ།
ཁྱེད་ཀྱིས། བུ་མོ་ངའི་མདུན་ལམ་གྱི་ཆེད་དུ།
ཁྱེད་ཀྱིས། བུ་མོ་ངའི་ཤེས་ཡོན་གྱི་ཆེད་དུ།
ཁྱེད་ཀྱིས། བུ་མོ་ངའི་གྲུབ་འབྲས་ཀྱི་ཆེད་དུ།
ཁྱེད་ཀྱིས། བུ་མོ་ངའི་རེ་འདུན་གྱི་ཆེད་དུ།

དེ་ལས་མང་བ་། “བཀའ་དྲིན་ཆེ། བརྩེ་བའི་ཨ་མ་ལགས།” »

ནམ་མཁའ།

ཁ་སང་དེ་རིང་གླིང་ཚ་མ་བུ་གསུམ་གྱིས་སྐར་ལྔའི་དར་དམར་འཕྱར་བ་ལ་གླེང་སློང་འདྲ་མིན་བྱེད་ཀྱི་འདུག་པས་འདིའི་སྐོར་ལ་རང་ཉིད་ཀྱི་བསམ་ཚུལ་ཕྲན་བུ་ཞིག་བཤད་འདོད་བྱུང་།

ངས་འདི་གར་ཐོག་མར་བརྗོད་འདོད་པ་ཞིག་ནི།གླིང་ཚ་མ་བུ་གསུམ་གྱི་སྙིང་སྟོབས་དང་དེ་རིང་གི་དཀའ་ངལ་ཡིན། གླིང་ཚ་ཁོས་ཨེ་རྫེ་རལ་ནས་རང་གི་བུ་ཕྲུག་དང་བཟའ་ཟླ་སོགས་བཞག་སྟེ། མི་གཅིག་གི་ནུས་པ་ཐོན་མིན་ལ་མ་བལྟས་བར་བོད་མི་རིགས་ཀྱི་བདེ་སྡུག་ཆེད་ཞི་བའི་གོམས་བགྲོད་ཞུགས་པ་འདི་ནི་ཆེས་ཤིན་ཏུ་སྙིང་སྟོབས་སྐྱེས་བ་ཞིག་རེད།

དེ་ལས་མང་བ་། “སྐར་ལྔའི་དར་དམར་དང་གླིང་ཚ་མ་བུ་གསུམ།” »

སྐྱོ་བྲག་དགའ་དབང་།

ཁ་བརྡའི་ཞབས་མཆན་ཞིག་ཏུ་ཀླུ་སྨྱོན་གྱིས། བདག་ཀྱང་གློ་བ་རབ་ཏུ་དགའ་འོ། །ཞེས་བྲིས་པར། ལ་དྭགས་བློ་བཟང་འཇམ་དཔལ་གྱིས། བླ་མ་ཀླུ་སྨྱོན་པས་གཞུང་མང་དུ་བཀླགས་མྱོང་ཡང་། རྣམ་དཔྱོད་བཀོལ་བ་མེད་སྙམ་པ་ཞིག་བློ་ལ་ཤར། བདག་གི་བསམ་པར་གློ་བ་ནི་བེམ་པོ་རྡུལ་དུ་གྲུབ་པ་ཞིག་ལ་དགའ་བ་ག་ལ་འོང་། བློ་དགའ་ཞེས་པ་ནི་རྨ་མེད་པ་ཞིག་ལགས། ལན་ལ་སྒུག་གོ །ཞེས་བྲིས་པ་ལས།

དེ་ལས་མང་བ་། “བློ་དང་གློ་བ།” »

འབྲུག་ཐར་བྱམས་པས།
སྤྱི་ལོ་ཉིས་སྟོང༡༢ལོའི་ཟླ༥ཚེས ༦ དང་། བོད་ཟླ་དྲུག་པའི་ཚེས་བཅོ་ལྔའི་ཉིན། བོད་ཤར་ཕྱོགས་མདོ་ཁམས་ཏྲེ་ཧོར་དར་རྒྱས་དགོན་པའི་ཆོས་རྭའི་ནང་དུ་མེ་ཏོག་ངོ་མཚར་ཅན་ཞིག་སྐྱེས་ཡོད་འདུག

དེ་ལས་མང་བ་། “མེ་ཏོག་འདབ་མ་དང་སྐུ་པར་རང་བྱོན།” »

གལ་སྲིད་ཁྱེད་ཚོས་མུ་མཐུད་དུ་རྒྱ་ནག་དམར་ཤོག་གིས་དབང་འཛིན་རྒྱུར་རྒྱབ་སྐྱོར་ཡོད་པ་ཡིན་ན་རྒྱ་གཞུང་གི་དར་ཆ་མེར་བསྲེག་གཏོང་བར་ངོ་རྒོལ་དང་དེ་ཡར་སྒྲེངས་པར་རྒྱབ་སྐྱོར་བྱེད་པར་རྒྱུ་མཚན་འདུག་ལ་ངས་དེར་བསམ་ཤེས་བྱེད་ཐུབ་ཀྱི་འདུག གལ་སྲིད་ཁྱེད་ཚོས་རྒྱ་གཞུང་གསར་པ་ཞིག་དང་དམངས་གཙོའི་གཞུང་ཞིག་ལ་རེ་བ་རྒྱག་གི་ཡོད་པ་ཡིན་ན། ད་རུང་ཨུ་ཚུགས་ཀྱིས་གཙོ་བོ་ཏང་གི་མགོ་ཁྲིད་འགྱུར་མེད་མཚོན་པའི་ཁྲག་དར་དེར་རྒྱབ་སྐྱོར་བྱས་པ་ཡིན་ན་ངའི་མགོ་བོ་མགལ་མེ་བཞིན་འཁོར་གྱི་འདུག

དེ་ལས་མང་བ་། “སྐར་ལྔའི་དར་དམར་གྱི་འགྲེལ་བཤད་འདིར་ཡང་སྤྱན་རས་འཁྱུག་ཙམ་གཡོ་བར་བྱ” »

འབའ་སྲས།

སྤྱིར་སྙན་ངག་ནི་སྙན་ངག་པ་སུ་ཞིག་གིས་རང་ཉིད་གནས་སའི་ཁོར་ཡུག་གི་འཚོ་བ་དངོས་ཀྱི་སྣང་བརྙན་དེ་ཉིད་བརྗོད་བདེ་ལེགས་པའི་རིག་རྩལ་ཞིག་ལ་བསྟེན་ནས་སྤྱི་ཚོགས་ལ་སེམས་གཏམ་ཤོད་རྒྱུ་དེ་ཡིན།

དེའི་རྒྱུ་མཚན་གྱིས་རྗེ་ཙོང་ཁ་བས། ས་སྟེང་འདི་ན་རིན་ཆེན་རྣམ་གསུམ་སྣང་ཞེས་སྙན་ངག་ནི་རིག་གནས་ཡོད་དོ་ཅོག་ལས་འཐོབ་དཀའ་བའི་རིན་པོ་ཆེ་རྣམ་གསུམ་གྱི་གྲས་སུ་གསུངས་པའི་ཉིང་དགོས་འདི་ལས་གཞན་མ་མཆིས།

དེ་ལས་མང་བ་། “སྙན་ངག་ཉིན་ཐོ་དང་གསར་འགྱུར་ཡིན་དགོས།” »

བར་སྐབས་ཤིག་ནས་རང་རེའི་བཙན་བྱོལ་སྤྱི་ཚོགས་ཀྱི་གྲུ་ཟུར་འགའ་རེར་སྐར་ལྔའི་དར་དམར་མེ་བསྲེག་གཏོང་བ་དང་ལས་འགུལ་སྤེལ་སྐབས་སྐར་ལྔའི་དར་དམར་མཉམ་འཁྱེར་བྱས་པ་ལས་འཕྲོས་ཏེ་བགྲོ་གླེང་རྣོ་ངར་ཅན་ཞིག་གནང་སོང་། དེའི་སྐོར་ལ་ང་ལའང་དྲི་བ་འགའ་ཤས་སེམས་ནང་འཁོར་ཡོང་གི་འདུག་པས་དྲི་བ་འདི་དག་སྤྱི་ཡོངས་སུ་འདྲི་འདོད་བྱུང་།

དེ་ལས་མང་བ་། “སྐར་ལྔའི་དར་དམར་ལས་འཕྲོས་པའི་དྲི་བ་འགའ།” »

“མི་རིགས་ཀྱི་བསྟན་དོན་སླད་དུ་སྐུ་ལུས་མཆོད་མེ་ཕུལ་བ་རྣམས་ལ་རྗེས་དྲན་གྱི་མྱ་ངན་གུས་བཏུད་ཞུ།“

ཆབ་མདོ་ངག་དབང་ཕུན་ཚོགས།

དེ་རིང་གླེང་བར་འདོད་པ་ནི་བོད་ཆོས་ལྡན་གྱི་ཞིང་ཁམས་ལ་ཁྱིམ་མཚེས་རྒྱལ་ཁབ་རྒྱ་མི་དམར་པོའི་རིང་ལུགས་ཀྱིས་དྲག་པོའི་བོད་ཁམས་ཡོངས་རྫོགས་བཙན་བཟུང་བྱས་ཤིིང་། ཞི་བདེར་དགའ་བའི་གངས་ལྗོངས་མི་དམངས་རྣམས་ལ་དེ་སྔོན་བོད་ཀྱི་ལོ་རྒྱུས་ནང་བྱུང་མྱོང་མེད་པའི་དཀའ་སྡུག་བསམ་ཡུལ་ལས་འདས་པ་མྱོང་དགོས་བྱུང་ཡོད། ལྷག་པར་རྒྱ་ནག་དམར་པོ་རིང་ལུགས་ཀྱིས་རྒྱལ་ཁབ་དང་མི་རིགས་གཅིག་མེད་པ་བཟོ་དགོས་ན་དང་ཐོག་རྒྱལ་ཁབ་དེའི་ཐུན་མོང་གི་སྐད་ཡིག་མེད་པ་བཟོ་དགོས་ཞེས་པའི་རྩ་དོན་དེར་དམར་པོའི་རིང་ལུགས་ཕྱི་ལོ་ ༡༩༦༦ ནས་ ༡༩༧༦ རིང་“རིག་གནས་གསར་བརྗེའི་“ཞེས་

དེ་ལས་མང་བ་། “མཆོད་མེ་འབུལ་མཁན་རྣམས་ལ་རྗེས་དྲན་དང་འབྲེལ་བའི་རགས་ཙམ་གླེང་བ།” »

འཇམ་མགོན།

དོན་དངོས་དང་ལག་ལེན་འཁྱོལ་པར་མཛོད། དེ་མིན་གཞན་གྱིས་ཟེར་རྗེས་དང་རང་གི་འདོད་ཚུལ་ཁོ་ན་གླེང་ནས་ཕན་ཐོགས་མེད།

གཞོན་ལྷན་གྱིས་མི་སྒེར་བའི་བསམ་ཚུལ་ལ་བསམ་ཤེས་དང་ཐོངས་མི་སྤྲོད་པར། ཁ་རྡུང་གསལ་བསྒྲགས་སྤེལ་ཁུལ་བྱེད་པ་དེ་ཡང་ཁྱི་ཁ་བཙུམ།

དབུ་མའི་ལམ་ལས་འགུལ་ཁང་ནས་རྒྱབ་བརྟེན་གྱིས་ཚུལ་ཏུ་གསལ་བསྒྲགས་ཤིག་སྤེལ་པ་དེ་ཡང་ཁྱི་ཁ་བཙུམ།

དེ་ལས་མང་བ་། “ཁྱི་ཁ་བཙུམ།” »

༼སྔ་འགྱུར་རྙིང་མའི་བཤད་གྲྭ་ཁག་གི་བསླབས་གནས་ལམ་ལུགས་ལེགས་བཅོས་དང་འབྲེལ་བའི་བསམ་ཚུལ༽

རྫ་ཚེ་རིང་བཀྲ་ཤིས།

སངས་རྒྱས་ལ་ཕྱག་འཚལ་ལོ། །
ས་གཞི་འདི་དང་སྤྱི་ཚོགས་ཧྲིལ་པོ་འདི་ཧ་ཅང་མྱུར་བའི་སྒུལ་ཤུགས་ཀྱི་འཕོ་བསྐྱོད་དང་བསྡོངས་ནས་འགྱུར་གྱིན་ཡོད་པའི་དུས་ཚོད་འདིར་སུ་ཡང་དེའི་ཤུགས་རྐྱེན་ལས་གཡོལ་མི་ཐུབ་པ་ཡིན། འགྱུར་བ་འདི་དག་གིས་ང་ཚོ་ལ་དཀའ་ངལ་འཕར་མ་ཧ་ཅང་མང་པོ་ཞིག་སྤྲོད་རྒྱུ་གཏན་ཁེལ་ན་ཡང་། ཕྱོགས་གཞན་ཞིག་ནས་གོ་སྐབས་ཀྱང་མང་པོ་ཞིག་སྤྲོད་ཀྱིན་ཡོད། དེ་ནི་དཔེར་ན། བརྡ་འཕྲིན་བསྡུ་ལེན་དང་འགྲུམ་འགྲུལ་འགྲོ་འོང་། རིག་གནས་དང་བསམ་བློ་ནང་འདྲེན་གྱི་མཐུན་སྦྱོར་ལྟ་བུ་ཡིན།

དེ་ལས་མང་བ་། “མཁན་པོ་ནི་འབུམ་རམས་པའི་བསླབས་གནས་ཀྱི་མིང་ཡིན་ནམ།” »