བོད་ཡིག་གི་བདག་པོ་ངོ་མ་དེ་བོད་རིགས་ཚོ་ཡིན་ཟེར་ན་སུས་ཀྱང་དེ་ལ་བདེན་ཁ་སྤྲོད་ངེས་ལ། དོན་ལ་ཡང་དེ་ལྟར་རེད། ཡིན་ན་ཡང་། བསམ་བློ་ཞིབ་མོ་ཞིག་བཏང་ན། བོད་ཡིག་བོད་སྐད་མི་ཤེས་པའི་བོད་རིགས་དེ་ཚོར་”བོད་ཡིག་གི་བདག་པོ་ཡིན་”ཟེར་བའི་སྤོབས་པ་ཡང་ཡོད་རྒྱུ་མ་རེད་ལ། དོན་ལ་ཡང་དེའི་རིགས་ལ་ཁྲིམས་ལུགས་དང་ཀུན་སྤྱོད་གང་ནས་བལྟས་ཀྱང་”བདག་དབང་”གླེང་བའི་ཐོབ་ཐང་ཡོད་མི་སྲིད། སྐད་ཆ་འདིའི་གླེང་སློང་དོན་ནི་་་་་དེང་སྐབས་བོད་སྐད་བོད་ཡིག་མ་སྦྱངས་པར་བོད་སྐད་བོད་ཡིག་ལ་ཞུ་དག་གཏོང་མཁན་མང་པོ་ཞིག་ཡོང་གི་ཡོད་ལ། ལྟོ་གོ་གཏམ་གསུམ་དང་ཕྱོགས་ཞེན་གྱི་དུག་ཆུའི་དབང་དུ་སོང་ནས་དེ་དག་གི་རྗེས་སུ་རྒྱབ་དབུང་དུ་ལངས་མཁན་ཡང་མང་དག་ཅིག་ཡོང་གི་ཡོད་པས་ཡིན།

དེ་ལས་མང་བ་། “བོད་ཡིག་གི་བདག་པོ་ངོ་མ་སུ་ཡིན་ནམ།” »

སེར་ཤུལ་རིན་ཆེན་དོན་གྲུབ།

ཕྱི་ཚུལ་ཙམ་གྱིས་རིན་ཐང་གླེང་བ་ནི་རིན་ཐང་གི་ལྟ་ཚུལ་དང་རིན་ཐང་གླེང་ཚུལ་ཡང་དག་པ་ཞིག་མིན། རིན་ཐང་གླེང་བའི་བརྒྱུད་རིམ་གྱི་ཁྲོད་དུ་ངེས་པར་དུ་ཤེས་དགོས་པ་ཞིག་ནི་གང་ཞིག་གི་རིན་ཐང་དང་དགེ་སྐྱོན་སོ་སོར་ལེགས་འབྱེད་ཐུབ་དགོས་པ་དེ་ཡིན། རིན་ཐང་གི་ལྟ་ཚུལ་ནི་མི་རེ་རེའི་དཔྱོད་ཤེས་ཀྱི་ནུས་ཤུགས་དང་འབྲེལ་བའི་ཐོག་ནས་ཅི་རིགས་ཡོང་སྲིད་ཀྱང་། སྤྱི་ཚོགས་དང་། མི་རིགས་ཀྱི་དགོས་མཁོའི་ཕྱོགས་སུ་བསྙེག་པའི་ལེགས་བྱས་ནི་རིན་ཐང་ལྟ་བུའི་ཁ་ཕྱོགས་ཀྱི་དམིགས་འབེན་ཡང་དག་པ་ཞིག་ཡིན་དགོས།

དེ་ལས་མང་བ་། “བླ་གྲྭ་ཚོའང་མི་ཡིན།” »

རྟ་བདུན་དབང་བོ།

བོད་མི་ཡོད་དོ་ཅོག་རྡོག་རྩ་གཅིག་སྒྲིལ་བྱེད་རྒྱུ་དང་གཅིག། སྒྲིག་འཛུགས་སྲ་ཞིང་བརྟན་པ་ཞིག་ཡོད་རྒྱུ་དང་གཉིས། དཔལ་འབྱོར་འཛད་པ་མེད་པ་ཞིག་ཡོད་རྒྱུ་གསུམ་ནི་ཧ་ཅང་གི་གལ་ཆེན་གསུམ་ཡིན། ཆོས་ལུགས་དང་ཆོལ་ཁ་གང་གིས་རིས་སུ་མ་སླད་པར་བོད་མི་ཡོངས་སུ་རྫོགས་པའི་མ་བགྲོས་བསམ་པ་གཅིག་མཐུན་གྱི་སྒོ་ནས་ཕྱོགས་བསྐྱོད་བྱ་རྒྱུ་དང། དེ་ནས་རང་བཙན་ནམ་རང་དབང་རྩོད་པའི་ཆེད་དུ་སྒྲིག་འཛུགས་སྲ་ཞིང་བརྟན་པ་ཞིག་མེད་དུ་མི་རུང་བ་ཡིན་ལ། དེ་མུ་མཐུད་ནས་གནས་པའི་ཆེད་དུ་དཔལ་འབྱོར་འཛད་པ་མེད་པ་ཞིག་ངེས་པར་དུ་དགོས།

དེ་ལས་མང་བ་། “རང་བཙན་རྩོད་པ་ལ་མེད་ཐབས་མེད་པ་གསུམ།” »

སྐྱོ་བྲག་དགའ་དབང་།

སྔོན་ལས་བཟང་པོས་མི་ཡི་ལུས་ཐོབ་ཅིང་། །རྣམ་མང་ཡུལ་ལ་ཅི་དགར་སྤྱོད་པ་ན། །ཆུ་བུར་མིག་ལ་བྱུང་བའི་ནད་དང་བཅོས། །གསལ་བོར་བཀོད་པའི་གནས་ཚུལ་འདི་ན་ཡོད། །
སྒྱུ་ལུས་ཤ་ཁྲག་གི་ཕུང་པོ་འདི་ཉིད་སྐྱེ་བ་གོང་མའི་དབང་པོའི་རྒྱུན་བར་དོའི་རྣམ་ཤེས་ཀྱི་ལྷན་དུ་ཡོང་བ་ཕ་མའི་ཁུ་ཁྲག་དང་འདྲེས་ནས་གྲུབ་པ་བཞིན་ཆུ་བུར་མིག་ཀྱང་ཡིན་ཅིང་། སྐྱེ་དངོས་སྤྱི་མཚུངས་བཞིན་སྐྱེ་རྡུལ་མཉམ་དུ་འདུས་པ་དག་རིམ་པས་འཚར་ལོང་བྱུང་བ་མཐར་གྱིས་རྒས་ཤིང་འཁོགས་ནས་འཐོར་འགྲོ་བ་ལ་སྐྱེ་ཤིའི་ཐ་སྙད་བཏགས་པ་ཡིན།

དེ་ལས་མང་བ་། “ང་ཡི་མིག །” »

མཁོ་འདོན་པཿ ཐོད་གོད་པ་སྤྱན་ཆབ།

སིད་སུར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་ཆེན་ཐེངས་ཉི་ཤུ་པའི་ཐོག་ཕུལ་བའི་སྙན་ཐོ།

‘བོད་ཀྱི་རིག་གཞུང་གི་ཚེ་སྲོག་ཆད་ལ་ཉེ་བའི་གཏུག་བཤེར།’

མགོ་ལོག་རིན་ཆེན་བཟང་བོ།

བོད་ཀྱི་རིག་གཞུང་ལ་མཚོན་ན། ཆོས་ལུགས་རིག་གནས་དང་། སྤྱི་ཚོགས་རིག་གནས་གཉིས་ཡོད། ཆོས་ལུགས་རིག་གནས་ལ་མཚོན་ན། ཐུན་མོང་དང་ཐུན་མོང་མ་ཡིན་པའི་རིག་གཞུང་གཉིས་ཡོད། དང་པོ་ཐུན་མོང་མ་ཡིན་པ་ཆོས་ཀྱི་རིག་གཞུང་གི་ཁྱད་ཆོས་ནི། ལྷ་སྔགས་ཏིང་འཛིན་གྱི་སྒོ་ནས་མཐོང་ལམ་གྱི་བདེན་པ་ཐོབ་ན་གཞན་རྒྱུད་ཤེས་པའི་ནུས་པ་དང་རང་གི་སྐྱེ་རྒྱུད་ཤེས་པ་ནམ་མཁར་བྱ་ལྟར་འཕུར་བ། ཆུ་ལ་ཉ་ལྟར་འཛུལ་བ་སོགས་ཡོན་ཏན་དཔག་ཏུ་མེད་པ་ཡོད།

དེ་ལས་མང་བ་། “བོད་ཀྱི་རིག་གཞུང་གི་ཚེ་སྲོག་ཆད་ལ་ཉེ་བའི་གཏུག་བཤེར།” »

འབྲོང་ངུར་བསྟན་འཛིན་ལམ་བཟང་།

འདི་ནི་སྐུ་ཞབས་ཞོགས་དུང་གི་དེབ་འབྲིང་བཞི་ཡི་དགོས་དམིགས་ངོ་མ་དེ་རེད་འདོད།

དང་པོ་ཁ་བྱང་གི་རྒྱབ་ལྗོངས་ནི། འཚོ་གནས་ཀྱི་བདག་ཅེས་པ་ནི་ཕྱི་རོལ་པས་འདོད་པའི་བདག་ལྟ་བུ་མ་ཡིན་ལ་ནང་སྡེས་བཏགས་ཙམ་གྱི་བདག་ཟེར་བ་དང་འབྲེལ་བ་མེད། སྐབས་འདིའི་བདག་ནི་མི་ཞིག་ཡིན་ནས་བཟུང་བདེ་བ་འདོད་ལ་དེ་ནི་འཚོ་གནས་ཀྱི་ཆེད་དུ་ཡིན་དགོས།

དེ་ལས་མང་བ་། “འཚོ་གནས་ཀྱི་བདག་འཚོལ་བ།” »

ལུང་རྟོགས་རྒྱལ་མཚན།

མི་རིགས་ཞེས་པ་དེ་ནི་ཕྱི་ལུས་ཀྱི་ཤ་མདོག་དང་གདོང་དབྱིབས་སྐྲ་ཡི་ཚོན་མདོག་སོགས་ཀྱི་སྟེང་ནས་མཚོན་མི་ནུས་པར། མི་རིགས་གང་དེའི་ཐུན་མིན་རིག་གཞུང་དང་སྐད་ཡིག་སོགས་ཀྱིས་མཚོན་དགོས། དེ་ལས་ཀྱང་གཙོ་བོ་སྐད་ཡིག་ཡིན་ཏེ་སྐད་ཡིག་ནི་རིག་གཞུང་གི་རྩ་བ་ཡིན་ཞིང་རིག་གཞུང་ནི་སྐད་ཡིག་ལ་བརྟེན་ནས་བྱུང་བས་སོ།

དེ་ལས་མང་བ་། “མི་རིགས་ཀྱི་བླ་སྲོག་སྐད་ཡིག་ཡིན།” »

གློག་ཀླད་དགྲར་འཛིན་གྱི་སྲིད་གཞུང་དང་ཆོས་སྡེ་དག་ལ་ཆེད་དུ་བསྟབས་པ།

བོན་རྒྱ་བསྟན་འཛིན་རབ་རྒྱས།

ཆོས་ལུགས་ཐེབས་ཆག་ཅིག་གསར་གཏོད་བྱེད་པ་ནི། སྙན་ངག་ཅིག་འབྲི་བ་ལས་ཀྱང་སླ་ཙམ་དུ་ཡོད་དེ། ཤིང་སྡོང་རེར་ཁ་གཏད་ནས་ཁ་ནང་ལ་ཡོང་ཚད་རེ་བཤད་ནའང་ཆོས་ལུགས་སུ་འགྱུར་བ་མ་ཟད། དམར་པོ་མེ་ལ་བསྲེགས་པ་དང་མཐོན་པོ་བྲག་ལ་མཆོང་བ་ཚུན་ཆད་ཐར་ལམ་དུ་སྨྲ་མྱོང་ཞིང་འདོད་ཀྱང་མྱོང་བའི་ཆོས་ལུགས་པའང་གྲངས་ལས་བརྒལ་བས་སོ། །དེའི་ཕྱིར། ཆོས་ལུགས་ཤིག་འཇིག་པ་དང་གནས་བ་ལ་ཧང་སངས་དགོས་པ་དང་ཧོན་འཐོར་དགོས་པའི་རྒྱུ་མཚན་ཅི་ཡང་མེད་ལ། དེའི་སྒོར་ཞུགས་པ་ཙམ་གྱིས་ཀྱང་སྐལ་བ་ཅན་དུ་སྨྲ་མི་རིགས་པ་མ་ཟད།

དེ་ལས་མང་བ་། “ཨཱ། གནས་ལུགས་ཀྱི་ལྷ་མོ་ལགས།” »

ཐོར་རྒོད་པ་སྤྱན་ཆབ།

སེམས་གཅོང་དང་སེམས་ཁྲལ་གྱིས་སེམས་པ་ཟ་གྲབས་ལྡག་གྲབས་བྱེད་བཞིན་འདུག དེ་ཡང་། འདི་ག་རུ་རྒྱུ་འབྱོར་གྱི་འབོལ་གདན་བཏིངས་མེད་ན། འདི་ག་རུ་ངོ་སོ་ཡི་སྤྱན་ཤེལ་མནབས་མེད་ན་མིག་གིས་མཐོང་མཐོང་ལ་རང་ཉིད་ཀྱི་ཕ་མ་ཡིན་ཡང་གཡུགས་ནས་བུད་འགྲོ། རང་ཉིད་ཀྱི་ཉེ་དུ་ཡིན་ཡང་དོར་ནས་བུད་འགྲོ། དེ་བས་ན། ང་། སྤྱི་ཚོགས་འདིར་ཁྱོན་ནས་མི་དགའ། མདོར་བསྡུས་ན། ང་། རྡ་སའི་བོད་ལ་ཁྱོན་ནས་མི་དགའ་འོ།།

དེ་ལས་མང་བ་། “ཁྱོན་ནས་མི་དགའ།” »

རྟ་བདུན་དབང་པོ།

སྤྱིར་གོ་ལ་འདིའི་སྟེང་དུ་ཉིན་རེར་ཡང་རང་སྲོག་འདོར་མཁན་དུ་མ་ཞིག་མཆིས། ཕལ་མོ་ཆེ་དཔལ་འབྱོར་གྱི་དཀའ་ངལ་དང་ཕོ་མོའི་བརྩེ་གདུང་། གཉེན་སྒྲིག་དབང་མེད་དུ་བྱེད་དུ་བཅུག་པ་སོགས་ལ་བརྟེན་ནས་བྱུང་བ་རེད་སྙམ། ཡིན་ནའང་ཁོང་ཚོའི་རང་གི་སྡུག་བསྔལ་སེལ་བྱེད་ཀྱི་ཐབས་ལ་སྨོངས་ཏེ་ལམ་ཁ་དེ་བདམས་པ་རེད་མ་གཏོགས་ཐབས་ལམ་གཞན་མེད་པ་ག་ལ་ཡིན། དཔེར་ན་ཕ་མས་རང་གི་བུ་མོས་མི་འདོད་བཞིན་དུ་གཉེན་སྒྲིག་བཙན་གྱིས་བྱེད་དུ་བཅུག་པས་བུ་མོའི་རྣམ་དཔྱོད་ཀྱི་དབུ་རྨོངས་ཏེ་ཐབས་གཞན་འཚོལ་བ་ལས་རང་སྲོག་བཅད་པ་ཡིན་ན།

དེ་ལས་མང་བ་། “རང་སྲེག་གཏོང་བ་ལས་ཟས་བཅད་ངོ་རྒོལ་ལ་ནུས་པ་ཆེ་བ་རེད།” »

མཁོ་འདོན་གནང་མཁནཿ ནང་ཆེན་བཀྲ་ཤིས།

ཡིག་གཟུགས་ཀྱི་འཕེལ་རིམ།

༄༅། གངས་ལྗོངས་ཡི་གེའི་སྣང་བྱེད་ཐོན་མི་སམ་བྷོ་ཊ་མཆོག་གིས་རྒྱལ་པོའི་བཀའ་བཞིན་ཐུགས་བསྐྱེད་ཀྱི་གོ་ཆ་གྱོན། སྙིང་སྟོབས་ཀྱིས་རི་བོ་ཕྲག་ཏུ་བླང་། དཀའ་ཀྱོག་གི་འཕྲང་ཆེན་དུ་མ་བརྒལ་ཏེ། དུས་རབས་བདུན་པ་ཕྱི་ལོ། ༦༣༣ ལོར་རྒྱ་གར་ལ་བཞུད་ཏེ། འཕགས་ཡུལ་གྱི་མཁས་པ་བྲམ་ཟེ་ལི་བྱིན་སོགས་ཀྱི་མདུན་ཡིག་རིགས་དུ་མར་སྦྱང་བརྩོན་གནང་བ་མ་ཟད། མཐར་བོད་རང་གི་སྐད་གཤིས་དང་མཐུན་པའི་ཡི་གེ་འཐུས་སྒོ་ཇེ་ཚང་དུ་བཏང་བའི་མ་ཕྱི་ནི། ཞང་ཞུང་སྨར་ཡིག་དང་། འཕགས་ཡུལ་གྱི་གུཔཏ། ལཉཇ༹། ཝརྟུ་སོགས་བཤད་སྲོལ་མང་དག་ཡོད་ཀྱང་། ཕྱོགས་ཡོངས་ནས་ལེགས་བསྡུས་གནང་ཡོད་པ་སྨོས་མེད་སྙམ་མོ༎

དེ་ལས་མང་བ་། “ཡིག་གཟུགས་འཕེལ་རིམ་དང་ཉེར་མཁོའི་ཤེས་བྱ།” »

རྔ་བ་མཁས་གྲུབ།

མ་ཏུན་ལོས་ཐུར་ཁེན་གྱིས། རང་གིས་མགོ་མ་བསྒུར་ན། གཞན་གྱིས་རང་གི་གཉའ་ནས་ཞོན་མི་ཐུབ། ཅེས་གསུང་པ་ལྟར། ལོ་ངོ་ལྔ་བཅུ་ལྷག་གི་རིང་ལ་བཙན་རྒྱལ་རིང་ལུགས་པས་ཐབས་ཤེས་ཡོད་རྒུ་རྩལ་སྤྲུགས་ཀྱིས་ང་ཚོ་འཆི་ལམ་དུ་དེད་ཅིང་། ད་ལྟའང་ཤུགས་ཆེ་རུ་བཏང་དང་གཏོང་བཞིན་པ་སྟེ། རྩ་འཛུགས་ཡོད་པ་དང་འཆར་གཞི་ཡོད་པའི་སྒོ་ནས། སྣོད་བཅུད་གཉིས་ལ་གཏོར་སྐྱོན་ཚབ་ཆེན་བཟོ་བཞིན་པ་མ་ཟད། མི་རིགས་ཀྱི་རིག་གཞུང་དང་བཅས་པ་རྩ་མེད་གཏོང་བའི་ཆབ་སྲིད་ཀྱི་སྒྲོམ་གཞི་སྣ་ཚོགས་ལག་ལེན་ཏུ་བསྟར་བཞིན་པའི་ཛ་དྲག་གི་དུས་སྐབས་ལ་བསླེབས་ཡོད་པའི་གནས་ཚུལ་འདི་ནི། ང་ཚོ་ཙམ་མ་ཟད་དྲང་བདེན་སྐྱོང་བའི་མི་རྣམས་ཀྱིས་ཀྱང་ཐུགས་སྣང་གནང་བཞིན་པའི་གནད་དོན་ཚབ་ཆེན་ཞིག་ཏུ་གྱུར་ཡོད།

དེ་ལས་མང་བ་། “རང་སྲུང་གི་སེམས་ཤུགས་དང་རང་རྒྱལ་གྱི་སྙིང་སྟོབས།” »

རྟ་བདུན་དབང་པོ།

ཉེ་བའི་ཆར་ཁ་ཆེའི་ལུང་བ་ཁ་ཤས་ཤིག་ལ་དམངས་གཙོ་རྒྱལ་ཁ་ཐོབ་པ་རེད་། ཡིན་ནའང་མི་དམངས་བརྒྱ་ཆ་བརྒྱད་བཅུ་ནས་དགུ་བཅུས་འཐབ་རྩོད་བྱས་པའི་སྟོབས་ཀྱིས་རེད་། ད་ལྟའི་ཆར་རྒྱ་ནག་མི་དམངས་ཕལ་མོ་ཆེའི་ཤེས་ཡོན་ཞན་པས་རྐྱེན་ཀྱིས་གུང་ཕྲན་ཏང་གི་ལྟ་ངན་མཁྲེགས་འཛིན་གི་ལམ་ལུགས་འདིར་མཐའ་གཅིག་ཏུ་སྡུག་པོ་ཡིན་པ་མཐོང་ཐུབ་ཀྱིས་མེད་། དེས་ན་རྒྱ་རིགས་ཁ་ཤས་ཤིག་དང་གྲངས་ཉུང་མི་རིགས་ཁ་ཤས་ཤིག་གིས་ཇི་ལྟར་འཐབ་རྩོད་བྱས་ཀྱང་རེ་ཞིག་གྲུབ་འབྲས་འབྱུང་རྒྱུ་དཀའ་བར་གནང་། དེའི་ཕྱིར་ང་ཚོས་གནས་སྐབས་རིང་ཤེས་ཡོན་ཡར་རྒྱས་དང་རྡོག་རྩ་གཅིག་སྒྲིལ། ཆོས་ལུགས་ཕན་ཚུན་གྱི་མཐུན་སྒྲིལ་སོགས་ལ་འབད་བརྩོན་བྱེད་དེ་རེ་ཞིག་ངང་སྒུག་བྱ་རྒྱུ་གལ་ཆེ་བར་སྙམ།

དེ་ལས་མང་བ་། “སྤུན་ཟླ་རྣམས་ལ་སྙིང་ཐག་པ་ནས་ཞུ་རྒྱུ།” »

༄། འདབ་མ་བཞི། ཆོས། ནོར། འདོད། ཐར་ཏེ་ཕུན་ཚོགས་སྡེ་བཞི་མཚོན་པ་དང་། དབུས་སུ་ནོར་བུ་གསུམ། བོད་མི་རིགས་ཀྱིས་རྣམ་ཀུན་གཙུག་ཏུ་བཀུར་བའི་མཆོག་གསུམ་མཚོན། ནོར་བུ་དགའ་འཁྱིལ་གྱི་ཚུལ་དུ་བཀོད་པ་ནི། རང་ཉིད་མཆོག་གསུམ་དང་ལས་འབྲས་ལས་ཡ་མ་བྲལ་ན་འཕྲལ་ཡུན་གཏན་གྱི་བདེ་བ་འཐོབ་པར་མཚོན།
༄། ལོ་རྒྱུས་ལྡན་པའི་མི་རིགས་ལ། །ཁྱད་ཆོས་ལྡན་པའི་རྒྱུ་རྩལ་དགོས། སྤྱིར་བོད་ལྟ་བུར་མཚོན་ན། སྐད་དང་། ཡི་གེ སྒྱུ་རྩལ་སོགས་རིག་གཞུང་ཕུན་སུམ་ཚོགས་པའི་མི་རིགས་ཞིག་ལ་སྤོབས་པ་བྱེད་ཆོག འོན་ཀྱང་ད་དུང་གོང་འཕེལ་གཏོང་མི་དགོས་སྙམས་པའི་ང་རྒྱལ་དོར་དགོས།
དེར་བརྟེན་བོད་རང་གི་གཉེན་སྟོན་མཚོན་རྟགས་ཞིག་དགོས་ངེས་ལ་བརྟེན། འདི་ལྟར་གསར་གཏོད་བགྱིས་པར་དགེ་མཚན་མཐོང་ན་ལོངས་སུ་སྤྱོད་ཅིག །། མི་རྣམ་སྤྲུལ་མིང་པས།།

དེ་ལས་མང་བ་། “༄། བོད་ཀྱི་གཉེན་སྟོན་མཚོན་རྟགས།” »

ངས་པོ་རྒྱལ་མཚན།

བོད་མིའི་ངེས་དོན་གྱི་སྐྱབས་མགོན། མུ་གེ་དང་གོད་ཆག་ཆེན་པོའི་དུས་ཀྱི་དཀྱོག་མཚམས་ཆེན་པོ་ཞིག་ཏུ། བོད་མི་རིགས་ཀྱི་དོན་དུ་ཞུམ་པ་མེད་པར་རང་གི་ས་གནས་ས་ཐོག་ཏུ་ཁ་ཡོད་ལག་ཡོད་ཀྱིས་མི་དམངས་དང་སྐྱིད་སྡུག་མཉམ་མྱོང་གིས་ཕྱག་ལས་གནང་མཁན་ཀུན་གཟིགས་༸པཎ་ཆེན་ཐམས་ཅད་མཁྱེན་པ་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱིི་རྒྱལ་མཚན་དཔལ་བཟང་པོ་མཆོག བོད་མི་རིགས་ཀྱི་བདེ་སྡུག་དང་སྔོན་བྱོན་མཁས་དབང་རྣམས་ཀྱིས་དཀའ་བ་བརྒྱ་ཕྲག་གིས་བསྒྲུབས་པའི་ཤུལ་བཞག་རིན་ཆེན་ནོར་བུ། ལོ་ངོ་སྟོང་ཕྲག་གི་ལོ་རྒྱུས་ལྡན་པའི་མེས་པོའི་རིག་གཞུང་ཕུན་སུམ་ཚོགས་པོ།

དེ་ལས་མང་བ་། “བྱས་ཞེན་ཟད་པའི་མི་རིགས།” »

བོན་རྒྱ་བསྟན་འཛིན་རབ་རྒྱས།
དེ་རིང་གི་ཤུགས་རིང་ནར་མོ་འདིས་ངའི་གློ་སྙིང་བྲང་གསུམ་ཡུད་ཙམ་ལ་གྲང་འདར་རྒྱག་བཅུག་སོང་།དེ་ནི་གཞན་ཅི་ཡང་མིན་པར།བཙན་བྱོལ་ནང་གི་ལོ་རྒྱུས་རང་བཞིན་གྱི་ཤེས་རིག་གི་ཕ་ས། རྩོམ་རིག་གི་གཤིན་ས།གསར་འགྱུར་གྱི་ལྟེ་བ་བོད་ཀྱི་དུས་བབ་དྲ་བའི་དྲ་གྲོགས་ཚོ་ཁ་འཐོར་དགུ་འཐོར་ལ་གྱུར་སོང་བས་ཡིན།ངས་སྔོན་ཆད་བཙན་བྱོལ་ནང་གི་མཐོ་སློབ་ཁག་ལས་བོད་ཀྱི་དུས་བབ་ཀྱིས་བཙན་བྱོལ་ཤེས་རིག་ལ་བྱས་རྗེས་བཞག་ཡོད་ཅིང་།

དེ་ལས་མང་བ་། “བོད་ཀྱི་དུས་བབ་ཚང་ཁ་འཐོར་ལ་གྱུར་རྗེས་ཀྱི་དངན་པ་རིང་མོ།” »