ཨོ་རྒྱན་ཉི་མ།
ངས་འདི་ནས་སྔོན་ཐོན་དང་། རྗེས་ལུས་ཀྱི་རྣམ་བཤད་བྱེད་འདོད་མེད་མོད། མི་རིགས་གཞན་དང་བསྡུར་ན་བོད་མི་རིགས་འདི་ཆེས་སྒྱིད་ལུག་པའི་མི་རིགས་ཤིག་དང་། རང་གི་བསམ་བློ་གྲུང་པོར་བཟོ་བ་དང་། མིའི་བསམ་བློ་དང་གཤིབ་བསྡུར་བྱ་མི་འདོད་པར་མ་ཟད། ཐ་ན་རང་གི་རིག་གཞུང་ཡང་སྐྱ་ཆད་སྔོ་རྡུག་ཏུ་འགྱུར་བཞིན་པའི་དུས་སུ་ཡང་སེམས་ལ་ཅི་མི་བསྙམ་དུ་འདུག་པའམ། འགའ་ཞིག་གིས་རིག་གཞུང་གི་ཆེད་དུ་ལ་རྒྱ་རྩོད་སྟངས་མ་ཤེས་པར་རང་གཞན་གཉིས་ཀ་མི་བདེ་བ་བྱེད་མཁན་ཡང་མང་པོ་རེད།
ཨ་འདུས་མིག་ཆུ།
རང་རིགས་སྤུན་ཟླ་ཚོ། བོད་རྒྱལ་ཁབ་ལས་གཞན་པའི་རྒྱལ་ཁབ་འདང་ཆེན་ཞིག་འཚོལ་ཅིག་ལབ་མཁན་ཞིག་ཡོང་ན། འུ་ཅག་གི་གནས་ཚང་དུ་གྱུར་བའི་རྒྱ་གར་གཞུང་དང་། དེའི་མི་མང་ནི་ནམ་ཡང་ང་ཚོས་བརྗེད་དུ་མེད་པའི་དྲིན་ལྡན་རྒྱལ་ཁབ་དང་། འདང་ཆེའི་མི་རིགས་ཤིག་ཡིན་པ་ནམ་ཡང་བརྗེད་ག་ལ་རུང་། རྒྱ་གར་གཞུང་མང་གཉིས་ཀྱིས་ནམ་ཡང་ང་ཚོ་བསྐྱབས་ཤིང་། ང་ཚོ་བསྐྱངས་ནས་ཡོད་པ་ག་ལ་བརྗེད་རུང་ཨང་། ཡིན་ནའང་སྤྱི་ཡག་པོ་ཡོད་པ་རྒྱུ་མཚན་དུ་བྱས་ནས་བྱེ་བྲག་དེ་བཞིན་བཟུང་སྟེ། ཡིད་ཆེས་བློ་འགེལ་བྱེད་པ་ནི་རང་ཉིད་ཕོངས་ལ་སྦྱོར་བའི་ལམ་ཁ་གཙོ་བོ་རེད་སྙམ། ལྷག་པར་རྒྱ་གར་ཡུལ་མི་འགའ་ཞིག་གིས་བོད་མི་འགའ་ཞིག་གི་རྒྱས་སྤྲོས་ལ་བརྟེན་ནས་བོད་པ་ཡོད་དོ་ཅོག་ལ་དཔལ་འབྱོར་འབེལ་བོ་ཡོད་པའི་ལྟ་ཚུལ་འཛིན་པ་དང་། ཡང་འགའ་ཞིག་གིས་དེ་ལ་བརྟེན་པའི་ཕྲག་དོག་སོགས་ལ་བརྟེན་ནས། བོད་མིའི་ལག་ནས་དཔལ་འབྱོར་ལོན་ཐབས་ལ་སྒོ་གང་ཐད་ན་འབད་པ་བྱེད་ཁོ་ཐག་རེད་འདུག
ཁྲིམས་ལུགས་སློབ་མ། བློ་བཟང་གྲགས་པ།
དེ་རིང་ཡང་རྒྱ་གར་རྒྱལ་ཡོངས་ཀྱི་ལས་མཚམས་བཅད་པའི་ངོ་རྒོལ་ལས་འགུལ་ཞིག་གི་དབང་གིས་ང་ཚོར་གོང་སེང་བཏང་སོང་ལ། ང་ལ་མཚོན་ན་དེ་ནི་དོན་བཟང་ཞིག་བྱུང་སོང་སྙམ། གང་ཡིན་ལགས་ན། གོང་སེང་འདི་དང་སྟབས་བསྟུན་གྱིས་ང་ཚོའི་གྲོས་ཚོགས་འཚོགས་འདུ་འདི་ཉིད་དྲ་ཐོག་ཏུ་ཉོན་ཆོག་པ་དང་། དེ་ནས་དགོང་མོར་གློག་བརྙེན་ཞིག་ཀྱང་ལྟ་རུ་འགྲོ་ཆོག། ད་ལྟ་ནི་སྔ་དྲོ་ཆུ་ཚོད་༡༡:༡༦ཡིན་པ་དང་། གྲོས་ཚོགས་འཚོགས་འདུ་དེའང་གསོལ་ཇའི་དབར་སེང་དུ་མཚམས་འཇོག་གནང་སོང་། དབར་སེང་མཚམས་འཇོག་མ་བྱས་སྔོན་དུ། གྲོས་ཚོགས་སུ་བཙན་བྱོལ་བོད་མིའི་བཅའ་ཁྲིམས་ལེའུ་དང་པོ་དོན་ཚན་བརྒྱད་པ་སྟེ་བོད་ཀྱི་ཡུལ་མི་དང་། དེ་དང་འབྲེལ་བའི་བོད་ཀྱི་ཡུལ་མིའི་ཁྲིམས་ཡིག་བཟོ་དགོས་མིན་ཐད་བགྲོ་གླེང་གནང་སོང་།
དེ་ལས་མང་བ་། “བོད་ཀྱི་ཡུལ་མིའི་ཁྲིམས་ལུགས་བཟོ་དགོས་པའི་རྒྱུ་མཚན།” »
ཁྲིམས་ལུགས་སློབ་མ། བློ་བཟང་གྲགས་པ།
དེ་རིང་སློབ་གྲྭ་གུང་སེང་དང་སྟབས་བསྟུན་ཏེ་བཙན་བྱོལ་བོད་མིའི་གྲོས་ཚོགས་ཚོགས་འདུ་ལ་ཉན་རྒྱུ་བྱུང་། བདག་ཅག་གི་བཀུར་འོས་སྤྱི་འཐུས་རྣམ་པ་ཚོས་ཀྱང་བགྲོ་གླེང་དང་བསམ་ཚུལ་མང་པོ་གསུངས་སོང་ལ། གྲོས་ཚོགས་ར་བའི་ཁོར་ཡུག་དེའང་སྔར་དང་མི་འདྲ་བར་ཡར་རྒྱས་ཞེ་དྲག་སོང་འདུག་སྙམ་པའི་ཚོར་བ་བྱུང་། དེ་ལ་ངས་རང་ཉིད་བོད་པ་ཞིག་ཡིན་པའི་ཆ་ནས་བཀུར་འོས་སྤྱི་འཐུས་རྣམ་པར་ཐུགས་རྗེ་ཆེ་ཞུ་འདོད་བྱུང་། མཚམས་འདིར་ངས་བོད་ནས་ཡོང་བའི་སློབ་མ་དང་གྲྭ་བཙུན་ཉུང་དུ་སོང་བའི་རྒྱུ་མཚན་སྐོར་ཞིག་འབྲི་འདོད་བྱུང་སོང་། རྩ་བས་དེའི་སྐོར་དེ་རིང་སྤྱི་འཐུས་མང་པོ་ཞིག་གིས་གསུངས་སོང་མོད། ངས་བསམ་པར་ཁོང་ཚོས་གསུངས་པ་དེ་གཙོ་བོར་༢༠༠༨ནས་རྒྱ་ནག་གི་བོད་ཐོག་འཛིན་བའི་དམ་དྲག་ཆེས་ཆེར་སོང་བའི་རྒྱུ་མཚན་དུ་བཟུང་ནས་གསུངས་པ་ལས་དེ་ལས་བརྒལ་བའི་རྒྱུ་མཚན་བགྲངས་མ་སོང་སྙམ།
དེ་ལས་མང་བ་། “བོད་ནས་ཡོང་བའི་སློབ་མ་དང་གྲྭ་བཙུན་ཉུང་དུ་སོང་བའི་རྒྱུ་མཚན།” »
ཁྲིམས་ལུགས་སློབ་མ། བློ་བཟང་གྲགས་པ།
ང་ཚོས་ཚང་མས་མཁྱེན་གསལ་རེད། ཉེ་བའི་ཆར་ཨེ་ཤི་ཡའི་སྟོབས་ཆེན་རྒྱལ་ཁབ་རྒྱ་ནག་དང་ཉི་ཧོང་གཉིས་ཀྱི་མཚོ་ས་རྩོད་གླེང་བྱེད་པ་ནི་ཛ་དྲག་ཆེས་ཆེར་འགྲོ་བཞིན་ཡོད་པ་དང་། རྒྱ་ནག་གིས་ཏའོ་ཡུལ་གླིང་ཕྲན་རི་ཚོགས་ནི་ཕ་རབས་མི་རྒྱུད་ནས་རྒྱ་ནག་གི་བདག་དབང་འོག་ཡོད་ཚུལ་བཤད་པ་དང་། ཉི་ཧོང་གིས་དེ་ནི་ཉི་ཧོང་གི་ཁྲིམས་མཐུན་བདག་དབང་འོག་ཡོད་ལུགས་སོགས་བཤད་དེ་གང་ལྟར་ཀྱང་རྒྱལ་ཁབ་གཉིས་ཀྱི་མཚོ་ས་བདག་དབང་འདིའི་ཐད་སུས་ཀྱང་གུ་ཡངས་མི་གཏོང་པར་ཆབ་སྲིད་ཀྱི་གནད་དོན་ཞིག་ཏུ་ལྷུང་ཡོད་པ་རེད།
ཨོ་རྒྱན་ཉི་མ།
སྲོལ་རྒྱུན་གྱི་རིག་གཞུང་ཉམ་རྒུད་དུ་འགྲོ་བའི་རྒྱུ་རྐྱེན་གཙོ་བོ་དེ་འགྲོ་བ་མིའི་རིགས་ཀྱི་འཚོ་བའི་སློབ་གསོ་དང་། མི་ཚེའི་འཚོ་བའི་ཡོ་བྱད་དང་ཆེར་མ་འབྲེལ་བས་ཡིན་ན་བསམ། དེ་ཕྱིར་ནང་པའི་ཆོས་ཀྱང་ཚེ་འདི་བློས་བཏང་གི་ངེས་འབྱུང་བློ་ཅན་གཅིག་པུ་ངོར་མ་ཡིན་པར། འཚོ་བའི་ཁ་ཕྱོགས་དང་མཐུན་པའི་འཚོ་བའི་ཁ་ཕྱོགས་ལ་སྨན་པའི་སློབ་གསོ་ཞིག་ཏུ་བསྒྱུར་ན་ཕྱོགས་གཅིག་ནས་ལེགས་ཆ་ཞིག་ཀྱང་ཡོད་པར་འདོད།
དེ་ལས་མང་བ་། “འཇིག་རྟེན་ཉེར་སྤྱོད་དང་མཐུན་པའི་ཆོས་ཤིག་སྒྲུབ་ན་གང་འདྲ་འདུག” »
ཨོ་རྒྱན་ཉི་མ།
དེང་སང་བོད་ཀྱི་གཞོན་ སྐྱེས་ཚོའི་ངག་དང་། ཞེ་ན་མཛའ་བ་ནི་ནུབ་ཕྱོགས་པའི་མཚན་ཉིད་སྨྲ་བ་དང་། སྐྱེ་དངོས་སྨྲ་བ། དངོས་གཙོ་སྨྲ་བ། སེམས་ཁམས་སྨྲ་བ་ཚོ་རེད། དེ་དག་གིས་བཤད་པ་དང་། སྒྲུབ་པ། བསམ་པ་ཡོད་ཚད་ཡང་དག་ཅིག་དང་། དོན་མཐུན་ཞིག ད་དུང་ཚད་མ་ཞིག་ཏུ་འཛིན་བཞིན་པར་མ་ཟད། དེ་དག་གི་གཏམ་དང་། རྣམ་འགྱུར་ཡོད་ཚད་དཀོན་མཆོག་ཏུ་འཛིན་ཅིང་།
ཆབ་མདོ་ངག་དབང་ཕུན་ཚོགས།
ཚང་མའི་དགོངས་པ་མངའ་གསལ་ལྟར་བོད་ནང་ཉིན་རེ་བཞིན་དུ་གནས་ཚུལ་ཛ་དྲག་ཏུ་འགྱུར་བཞིན་པ་དེ་དག་སེལ་ཐབས་ཆེད་དུ་བཙན་བྱོལ་བོད་མིའི་སྒྲིག་འཛུགས་ཀྱི་བཅའ་ཁྲིམས་དོན་ཚན་ང་དགུ་པའི་ནང་གསེས་ཀྱི་འོག་ནས་བཀའ་སྤྱི་གཉིས་ཀྱི་བོད་རྒྱལ་ཡོངས་དམིགས་བསལ་ཚོགས་ཆེན་གཉིས་པ་འཚོགས་ཉེ་དུས་འདིར་འབྲེལ་ཡོད་རྣམ་པའི་བསམ་ཚུལ་བཏོན་ཤོག་གསུང་དོན་ལྟར་དུས་རྒྱུན་ནས་སོ་སོའི་སེམས་ནང་དུ་བསམ་ཚུལ་གང་ཡོད་པ་དེ་བཤད་རྒྱུ་གལ་ཆེའི་གནས་ཚུལ་ཞིག་ཏུ་མཐོང་ནས་འཆར་སྣང་ཐུང་ངུ་ཞིག་ཞུ་རྒྱུ་ཡིན།
དེ་ལས་མང་བ་། “དམིགས་བསམ་ཚོགས་ཆེན་ལ་བསམ་ཚུལ་སྙན་ཞུ་རགས་ཙམ་ཞིག་གླེང་བ།” »
རྩོམ་པ་པོཿ ལྷ་རྩེའི་ཁུ་བྱུག མཁོ་འདོན་པཿ སྐྱོ་བྲག་དགའ་དབང་།
བསྐལ་བཟང་མེ་ཏོག་ལ་ཕུལ།
དུས་ཚོད་ཀྱི་འགྱུར་བ་དང་བསྟུན་ནས་ང་ཚོའི་མི་རྣམས་ཀྱང་དེ་སྔོན་དང་ཁྱོན་ནས་མི་འདྲ་བར་ལུས་སེམས་གང་ལའང་འགྱུར་བ་ཕོན་ཆེན་ཐེབས་ཡོད་པ་སྟེ། མི་རྣམས་བློ་མིག་དྲུང་མདོག་ཆེ་ཙམ་སོང་ཡོད་ཙང་སྔར་གྱི་དད་སེམས་དང་ཡིད་ཆེས་མར་མར་འགྲིབ་ཀྱིན་འདུག །དཔལ་འབྱོར་ནི་ཡར་རྒྱས་ཞེ་དྲག་སོང་ཡོད་ཀྱང་དཔལ་འབྱོར་སྤྱོད་སྒོ་ལ་ཆེས་རྨོངས་པ་སྟེ།
ངས་པོ་རྒྱལ་མཚན།
༼བློ་བཟང་བསྟན་འཛིན་ལགས་ཀྱིས་ཕྱག་ལས་གང་གནང་ཡང་ཕུགས་བསམ་དང་དམིགས་ཡུལ་ཡོད་པ་རང་གི་སྔར་གྱི་དམ་བཅའ་རི་དབང་ལྟ་བུ་དེ་ལས་ནམ་ཡང་འགྱུར་བ་མེད་པར་བབ་བརླིང་བརྟན་གསུམ་གྱི་སྒོ་ནས་དུས་ཚོད་ནམ་བྱུང་ལ་སློབ་སྦྱོང་དོན་གཉེར་ལྷོད་མེད་མཛད་པ། ཆབ་སྲིད་ལྟ་བ་ཟབ་ཅིང་བོད་རྒྱལ་ཁབ་ཆེན་པོ་དང་མི་རིགས་ཀྱི་ཆེད་རང་སྲོག་བློས་གཏོང་བྱ་བར་ཐེ་ཚོམ་སྤུ་ཙམ་ཡང་མི་མཛད་པའི་ཕུལ་བྱུང་གི་ན་གཞོན་དཔའ་བོ་ང་ཚོ་རྒན་རབས་རྣམས་ཀྱང་མི་རབས་གསར་པའི་སྣེ་འདྲེན་འདི་ལྟ་བུའོ་སྙམ་སྟེ་བསྟོད་པའི་མེ་ཏོག་དབང་དུ་འཐོར་དགོས་པ་ཞིག་ཡོད་དོ།༽
དེ་ལས་མང་བ་། “ཞུམ་མེད་དཔའ་བོ་མཆོག་ལ་ཆབ་བཙོན་རྒན་རབས་པ་ཚོས་གཟིགས་སྟངས།” »
ཁྲིམས་ལུགས་སློབ་མ། བློ་བཟང་གྲགས་པ།
སང་ངས་སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་བ་དེ་ལ་ཉན་རྒྱུ་བྱུང་པ་དང་། ཚོགས་འདུ་དེའི་སྒང་བདག་ཅག་བཀུར་འོས་སྤྱི་འཐུས་མང་པོས་ཉེ་བའི་ཆར་གསར་གྱུར་རྒྱུད་ལམ་ཁག་དང། དྲ་རྒྱ་སོགས་སུ་༧གོང་ས་མཆོག་ལ་མཚན་དམོད་བྱས་ཡོད་པའི་གནས་དོན་ཐོག་བསམ་འཆར་འདྲ་མིན་གཏོན་སོང་ལ།
དེ་ལས་མང་བ་། “སྨྲ་བརྗོད་དང་གསར་འགོད་རང་དབང་ལ་ཚད་བཀག་མེད་པ་མིན།” »
ནམ་མཁའ།
རྒྱ་ནག་གཞུང་གིས་བཙན་བྱོལ་བོད་མི་ཚོ་བསླུ་བྲིད་ཐེངས་གཉིས་པ་དེ་བྱེད་འདོད་བྱུང་ཡོད། དུས་རབས་ཉི་ཤུའི་ལོ་རབས་བརྒྱད་བཅུའི་ནང་དུ་རྒྱ་གཞུང་གིས་བསླུ་བྲིད་དང་པོ་བྱས། དེ་ཡང་༥༩ལོར་བཙན་བྱོལ་དུ་ཡོང་བའི་བོད་མི་རྣམས་ཕྱིར་ཕ་ཡུལ་དུ་གཏན་འཇགས་ཀྱིས་ཡོང་ཚེ། ཁོང་ཚོར་ཁང་པ་རེ་གསར་རྒྱགས་བྱས་པ་དང་།ཁོང་ཚོའི་བུ་ཕྲུག་དབྱིན་ཡིག་ཅུང་ཟད་ཤེས་མཁན་ཚོར་སློབ་དགེ་དང་གཞུང་གི་ལས་བྱེད་ཀྱི་བཀོད་སྒྲིགས་སོགས་བྱས་ཡོད།
སྐྱོ་བྲག་དགའ་དབང་།
ལོ་མང་དཔེ་ཆ་མཉམ་བལྟ་བྱས་པའི་ཆོས་མཆེད་ད་ལྟ་བོད་ན་བཞུགས་པའི་ལྷན་གླེང་མོལ་ཁང་བརྒྱུད་ནས་སྐད་ཆ་བྱུང་བ་ན། ཁོང་གིས། བོད་ལ་དགེ་བའི་བཤེས་གཉེན་རེ་ཟུང་ཡོད་པ་ཞི་དབྱིངས་སུ་གཟིམས་རྗེས་མི་ངན་ཁྲམ་པ་དག་བསྟན་པའི་གོ་ས་སྒོར་གྱིས་ཉོ་བའི་དུས་ངན་སྙིགས་མར་སྐྱོ་སོང་། ངས། སྤྱིར་བསྟན་པ་མར་འགྲིབ་ལ་ཐུག་པས། དགེ་བའི་བཤེས་གཉེན་མཚན་ཉིད་པ་ཞིག་འབྱོན་དཀའ་བ་ལས། མི་ངན་ཁྲམ་པ་དག་བསྟན་པའི་གོ་ས་སྒོར་གྱིས་ཉོ་བའི་དུས་ངན་ཕལ་ཆེར་རྫོགས་རན་པ་སྟེ།
གངས་དཀར་རྒྱལ་སྲས།
བརྩེ་དུང་ནི་རླབས་ཆེན་ཞིག་ཡིན་ཡང་ཨུ་ཚུགས་རྒྱག་ས་ཞིག་གཏན་ནས་མིན། ཡིན་ནའང་ཨུ་ཚུགས་བརྒྱབ་ནས་བརྩེ་དུང་མངོན་གྱུར་བྱུང་བའང་གང་མང་ཡོད་པས་བརྩེ་དུང་ནི་བློས་གཏོང་རྒྱུ་ཞིག་ཀྱང་མིན་པ་འདྲ།
༼ ཨི། ༽
ད་ཁྱོད་ཀྱིས་འདང་ཅི་ཞིག་རྒྱག་རྒྱུ། དོན་ངོ་མ་བཤད་ན་ཁྱོད་ཕམ་སོང་ནི་རེད། ཁྱོད་མ་བསམ་ས་ཞིག་ནས་ཕམ་སོང་ནི་རེད། ཁྱོད་རང་ཉིད་ཀྱི་གྲོགས་པོའི་ལག་ནས་ཕམ་སོང་ནི་རེད། དུས་དེ་ནས་བཟུང། ཁྱོད་ཀྱི་མིག་ལམ་དུ་ཁོམོས་ཁྱོད་ཀྱི་བརྩེ་དུང་ལ་ཁྱད་གསོད་དང་མཐོང་ཆུང་བྱེད་པར་མཐོང་བ་ནི་ཕྲག་དོག་གིས་བསྐྱེད་པའི་འཁྲུལ་ཤེས་ཤིག་ཀྱང་ཡིན་སྲིད་མོད། ཁྱོད་ཀྱིས་ནམ་ཡང་དེ་ལྟར་འདོད་མ་མྱོང། ཁ་བགད་རུང་ཁོག་ན་སྡུག་དང། མིག་ཁྲ་ཆུང་མཐའ་ན་ཆུ་ཡི་དཔེ་ལྟར། ཁྱོད་ཀྱིས་ད་དུང་བསྟུན་ཤེས་དང་བཟོད་སྒོམ་གྱི་སླུ་བྲིད་འོག་ཏུ་ཕྱི་ཚུལ་བཅོས་མ་ཞིག་གིས་རང་མགོ་རང་གིས་གཡོགས་ནས་བསྟུན་ཐབས་ལ་འབད།
མྱི་ལྟིག
མི་རིགས་ཤིག་གམ་རྒྱལ་ཁབ་ཅིག་གི་རྒྱལ་གཅེས་པ་ག་གེ་མོ་སུ་ཡིན་རུང་ཚེ་སྲོག་རང་གི་མི་རིགས་དེའམ་རྒྱལ་ཁབ་དེའི་བདེ་སྡུག་གི་ཆེད་དུ་བློས་བཏང་བྱས་ཚེ་ཁྱོད་ལའང་དེ་ལྟར་རླབས་ཆེན་གྱི་བྱ་གཞག་ཅིག་ལ་ལག་པ་འཆང་བའི་བློ་སྤོབས་དང་སྙིང་རུས་བ་སྤུ་ཙམ་ཡང་ཁ་སེམས་གཉིས་ཀྱི་གང་ནའང་མེད་པ་དེ་ཙམ་མི་སྐྱོན་མོད། ཉེ་ལམ་༧གོང་ས་རིན་པོ་ཆེ་མཆོག་གི་སྐུའི་འཁྲུངས་བརྩི་སྲུང་གི་ཆེད་དུ་གླུ་གཞས་འདུ་ཚོགས་ཤིག་ཚོགས་པ་ག་གེ་མོ་ཞིག་གིས་གྲ་སྒྲིག་བྱས་ཏེ་འཛིན་བྱང་གི་རིན་དོད་དུ་ཧིན་སྒོར་བདུན་དང་ཟུར་དུ་ཞལ་འདེབས་ཕུལ་མཁན་ཡོད་ཚེ་དེ་ལུགས་གྲ་སྒྲིག་སྟབས་བདེ་ཞིག་བྱས་འདུག དེ་དང་འགྲོགས་ཏེ་ཚོགས་པ་དང་མི་སྒེར་མགོ་བདེ་སྐོར་ཞིག་གིས་ཀྱང་ཁ་རུ་རྒྱལ་གཅེས་པ་དག་ཁྱེར་ཏེ་གླུ་ལེན་གར་འཁྲབ་དང་སྤོ་ལོའི་འགྲན་བསྡུར་སོགས་བསྡུ་བ་ནི་ཁ་ཡག་ལ་བསྐོར་ཏེ་མགོ་ཡོག་ཏུ་བཅུག་པ་རང་རེད།
ཨ་ནུ་ཐང་བསོད་ནམས།
ཧོང་ཀོང་མི་མང་གིས་རྒྱ་གཞུང་གིས་འདེམས་པའི་སློབ་ཚན་ནི་སློབ་ཕྲུག་ཚོའི་ཀླད་པ་བཅོས་སྒྱུར་བཏང་བྱེད་ཅིག་ཡིན་ཞིང་དེས་བྱིས་པ་ཚོའི་རྣམ་དཔྱོད་འཕེལ་རྒྱས་འགྲོ་བ་འགོག་རྐྱེན་བྱེད་པས་ངོ་རྒོལ་བྱེད་ཀྱིན་འདུག དེ་དང་མཚུངས་བ་བོད་ཀྱི་བྱིས་པ་རྣམས་ལ་རྒྱ་གཞུང་དང་བཙན་བྱོལ་གཞུང་གཉིས་ཀས་རང་གི་ཞེན་འདོད་ལྟར་ཀླད་པ་བཅོས་སྒྱུར་བཏང་བཞིན་ཡོད་ཅིང་། དེས་བྱིས་པ་རྣམས་ཀྱིས་འཇིག་རྟེན་གྱི་ཕྱོགས་གཅིག་ལས་ཡོད་ཚད་མཐོང་པར་འགོག་རྐྱེན་བཟོས་ཏེ་མང་པོ་ཞིག་བར་དུ་འཐོམ་ནས་ལྷག་ཡོད། བོད་དུ་རྒྱ་ནག་གིས་མེས་རྒྱལ་དང་ཏང་ལ་དགའ་ཞེན་གྱི་སློབ་ཚན་སྣ་ཚོགས་ཁྲིད་བཞིན་ཡོད་པ་ལྟར་རྒྱ་གར་བཙན་བྱོལ་བོད་ཀྱི་སྒྲིག་འཛུགས་ཀྱིས་ཀྱང་རང་གི་མངོན་འདོད་ལྟར་ནང་ཆོས་སློབ་ཚན་ཁག་ཏུ་ཅི་འདོད་དུ་ཁྲིད་བཞིན་ཡོད།
བསེ་རུ། ས་རཱ་མཐོ་སློབ།
སྤྱི་ལོ་ 2012/9/11 ཉིན་ཏེ། དེ་རིང་ངས་རྒྱ་གར་བྱང་ཕྱོགས་དྷ་རམ་ས་ལའི་ཉེ་འདབས་ཀ་ཅ་རི་ཞེས་པའི་ཉེན་རྟོག་ལས་ཁུངས་སུ་སྐྱབས་བཅོལ་ལག་དེབ་དུས་འགྱངས་ཞུ་བར་བཅར། ང་རང་མགོ་བོ་འཐོམས་དྲགས་པའི་དབང་གིས། ལག་དེབ་དུས་འགྱངས་ལོ་ལྔ་ཞུ་རྒྱུའི་གོ་སྐབས་དེ་ཆུད་ཟོས་སུ་ཕྱིན་ཏེ། ལོ་ངོ་གཅིག་གི་དུས་འགྱངས་མ་གཏོགས་ཞུ་ཐུབ་མ་སོང་། དེ་ནི་སུའི་ནོར་འཁྲུལ་ཡིན་ནམ། ང་རང་འཐོམས་ཞྭ་གྱོན་པའི་བྱས་འབྲས་རེད།
བསེ་རུ། ས་རཱ་མཐོ་སློབ།
སྤྱི་ལོ་ 2012/9/11 ཉིན་ཏེ། དེ་རིང་ངས་རྒྱ་གར་བྱང་ཕྱོགས་དྷ་རམ་ས་ལའི་ཉེ་འདབས་ཀ་ཅ་རི་ཞེས་པའི་ཉེན་རྟོག་ལས་ཁུངས་སུ་སྐྱབས་བཅོལ་ལག་དེབ་དུས་འགྱངས་ཞུ་བར་བཅར། ང་རང་མགོ་བོ་འཐོམས་དྲགས་པའི་དབང་གིས། ལག་དེབ་དུས་འགྱངས་ལོ་ལྔ་ཞུ་རྒྱུའི་གོ་སྐབས་དེ་ཆུད་ཟོས་སུ་ཕྱིན་ཏེ། ལོ་ངོ་གཅིག་གི་དུས་འགྱངས་མ་གཏོགས་ཞུ་ཐུབ་མ་སོང་། དེ་ནི་སུའི་ནོར་འཁྲུལ་ཡིན་ནམ། ང་རང་འཐོམས་ཞྭ་གྱོན་པའི་བྱས་འབྲས་རེད།
བུ་མོ་ཆུང་ཆུང་ལས་དབང་ལྷ་མོས་བླངས་པའི་གླུ་གཞས་༼ཁ་སང་གི་གཏམ་རྒྱུད༽ལ་གཟིགས།
གཡག་ཕྱུག་ཕུན་ཚོགས་ཆོས་འཕེལ།(ལྡི་ལི་མཐོ་སློབ།)
དེ་རིང་ངས་འདས་ཟིན་པའི་གནས་ཚུལ་མང་པོ་ཞིག་ལ་ཕྱིར་དྲན་རེ་བྱེད་དུས་ཁ་སྔོན་སྤྱི་ཟླ་༨་པའི་ཚེས་༥ཉིན་ཆར་ཞོད་ཆེ་བའི་ཞོགས་པ་ཞིག་ལ་ཕྲད་པའི་གནས་ཚུལ་འདི་ངས་ད་ལྟ་ཡང་མ་བརྗེད་པར་དྲན་པའི་གསང་མཛོད་ནང་ཉར་བ་ཡིན། དེ་ནི་ང་དང་གྲོགས་པོ་སྐོར་ཞིག་མཐོ་སློབ་ཀྱི་ཉིན་གཉིས་ཀྱི་གུང་གསེང་དང་སྟབས་བསྟུན་ནས་ལྡི་ལི་བསམ་ཡས་གླིང་གཞིས་སྒར་(mt)གྱི་ཟ་ཁང་དྲག་གྲས་ཤིག་གི་ནང་ཁ་ལག་ཟ་བར་ཕྱིན་པ་ཡིན།