ཨོ་རྒྱན་ཉི་མ།
བོད་ཀྱི་ནང་པའི་དབུ་ཁྲིད་ཆེ་ཁག་ཀུན་གྱིས་ཐུགས་བསམ་བཞེས་དགོས་ས་དེ་གཙོ་བོ་བསྟན་པ་གནས་པའི་ཐབས། བསླབ་པ་གཙོ་བོར་བྱས་པའི་སློབ་གཉེར་ལ་ཐུགས་འདུན་གཏད་དགོས་པར་སེམས། དགེ་འདུན་སྡེ་གཉིས་གནས་པ་དང་། བསྟན་པ་དྲི་མེད་ཅིག་གནས་དགོས་ན་བསླབ་ཁྲིམས་ལ་བསྟེན་དགོས་པ་ནི་སྨོས་མེད་རེད། ནང་ཆོས་དེ་ཡང་ཡེ་ཤུ་དང་། ཁ་ཆེའི་ཆོས་བརྒྱུད་ནང་བཞིན་ཚེ་འདིས་འཚོ་དང་འབྲེལ་བ་ཞིག་འདོད་ན་ཡང་། ཆོས་ཀྱི་སྒྲིག་ཁྲིམས་ལ་གནས་ལོས་དགོས། སྒྲིག་ཁྲིམས་མེད་བཞིན་ཉིན་རེའི་འཚོ་བའང་སྒྲུབ་མི་ཐུབ་ན་བསྟན་པ་གནས་པའི་ཐབས་ལམ་བསྐྲུན་མི་ཐུབ་པ་ནི་སྨོས་མ་དགོས་པ་ཞིག་རེད།
