ཨོ་རྒྱན་ཉི་མ།

ཨོ་རྒྱན་སྨྱོན་པ། སྤྲུལ་ལོག སྤྲུལ་རྫུན། མ་རབ། མི་གླུད། བོད་ཞེན་མེད་མཁན། རྒྱ་ཁྱི། ༼མིང་འདི་དག་ཕུང་གསུམ་པ་དང་། དེ་དག་གི་གསོ་ཕྲུག་ཚོས་ཁོ་བོ་མི་ཉེས་ཅན་ཞིག་བཟོ་བའི་ཆེད་དུ་བཏགས་པ་རེད། ཡིན་ན་ཡང་ང་ཁོ་པ་ཚོར་དུས་ནམ་ཡང་འཇིགས་མི་སྲིད།༽གང་ཡང་མི་ནུས་ན་ཡང་། ཅིར་ཡང་བཤད་ལ་དགའ་བའི་གང་ཟག་དེ་སླར་ཡང་ཁ་བརྡ་ནང་ཐོན་ཡོད། ཡོང་བའི་རྒྱུ་མཚན་ཡང་། ཆོས་དང་དེར་འཛིན་གྱིས་བོད་སྐྱོབ་པའི་ཚུལ། དབུ་མའི་ལམ་དང་། རང་བཙན་གཉིས་ཀྱི་དོན་ལ་དྲི་བ་དྲི་བ་འགའ་འདྲི་བའི་ཆེད་དུ་ཡིན། དབུ་མའི་ལམ་པ་ཚོས་ད་ལྟའི་དུས་ཀྱི་གཉན་འཕྲང་ལ་གཟིགས་ཏེ། རྒྱ་བོད་གཉིས་ཆར་སྨན་པའི་ལམ་ཁ་དེར་ཆས་པ་རེད།

དེ་ལས་མང་བ་། “བོད་ཀྱི་འབྱུང་འགྱུར་ལ་རྒྱང་ལྟ་བཞི་པ།” »

ཡ་མཚན་རེད། ཡ་མཚན་རེད། ཨ་རིའི་ཕྱི་སྲིད་ལྷན་ཚོགས་ལྟ་ཞིབ་དང་ཞིབ་བཤེར་ཚོགས་ཆུང་གི་ཚོགས་གཙོས་བཏང་བའི་ཡི་གེ་དེ་ཉིན་གཉིས་ཀྱི་སྔོན་དུ་ངོ་དེབ་ནང་ད་མཐོང་བྱུང་། གཞུང་འབྲེལ་གྱིས་ཕར་བཏང་ཚུར་བཏང་བྱས་པའི་ཡི་གེ་འདི་ལྟ་བུ་ངོ་དེབ་ནང་གང་འདྲ་བྱས་ནས་ཐོན་ཐུབ་པ་རེད་དམ། མ་ཟད་དེའི་ནང་རྒྱ་རི་བློ་གྲོས་དང་། ཟམ་གདོང་རིན་པོ་ཆེའི་མིང་ཐོན་དགོས་དོན་གང་ཡིན་ནམ། ཁོང་གཉིས་ལ་བཙན་བྱོལ་བོད་མིའི་ལས་གནས་གང་ཡང་མེད་པ་ད་དུང་ཨ་རི་གཞུང་གིས་ཧ་མ་གོ་བ་མི་སྲིད།

དེ་ལས་མང་བ་། “ཨ་རི་གཞུང་དང་། བོད་གཞུང་གི་གཞུང་ཡིག་ལ་དཔྱད་པ།” »

ནག་ཐར་སྐྱིད།      

ཐེ་ཚོམ་འདིས་ངའི་སེམས་ཁམས་ལ་བཙན་འཛུལ་ཅི་ལྟར་བྱས་རུང་འདྲི་གཞི་འདི་སྐྱུར་དྲི་ཁ་རེག་བར་དུ་མུད་པ་ནས་ཕྱིར་འདོན་མ་ཐུབ་པའི་དུས་ཡུན་ནང་། ངས་རང་ཉིད་ཀྱི་དྲ་གྲོགས་དང་བློ་ཐག་ཉེ་སའི་གྲོགས་པོ། ཐ་ན་གསར་འགོད་ལས་སྒྲུབ་མཁན་གྱི་མི་སྣ་ཚུད་མང་མང་ཞིག་ལ། ཟམ་གདོང་བླ་མའི་རྣམ་དཔྱོད་དང་མཁྱེན་རྒྱ། བོད་མི་མང་ལ་ཐེབས་པའི་བག་ཆགས་སྟེང་ནས་གླེང་མོལ་གང་ཡང་བྱས་མོད། ཕལ་ཆེ་བས་བཀའ་ཟུར་ཟམ་གདོང་བླ་མའི་མཛད་རྗེས། ནུས་སྟོབས། དེ་བཞིན་རིན་པོ་ཆེ་ཁོང་གི་འདོད་མོས་སོགས་མི་ལོ་བཅུའི་རིང་གི་སྲིད་སྟེགས་ཁོ་ནའི་སྒང་ལ་རིག་པ་སྒྲིམ་ནས་བརྡ་ལན་སྤྲོད་པ་མ་གཏོགས། མི་ལོ་བཅུའི་ཡར་སྔོན་གྱི་ལྟ་གྲུབ་སྨྲ་བ་ཟམ་གདོང་བླ་མའི་ངོས་ཐད་ནས་གླེང་མོལ་བྱེད་མཁན་དེ་ཙམ་བྱུང་མ་སོང་།

དེ་ལས་མང་བ་། “ཟམ་གདོང་བླ་མ་ནི། བདེན་པའི་ཨ་ཚུགས་ལ་བློ་གདེང་འཁེལ་ཐུབ་མཁན་ཞིག་རེད་དམ།” »

བསྟན་འཛིན་སྒྲོལ་མ།

༼རྒྱ་ནག་པེ་ཅིན་སློབ་གྲྭ་ཆེན་མོའི་ཁྲིམས་ལུགས་དགེ་རྒན་ཟུར་བ་ཞིག་གི་བརྗོད་ཚུལ་ལྟར་ན་ཕྱི་ལོ་ ༢༠༡༠ ལོ་མགོར་རྒྱ་ནག་གི་ཆབ་སྲིད་ཀྱི་མགོ་ཁྲིད་མི་སྣ་ཞིག་གིས་”དུས་རབས་ཉེར་གཅིག་གི་འཐབ་འཛིང་གི་གཡུལ་ས་ནི་དྲ་རྒྱ་ཡིན་ལ། གཡུལ་ས་དེ་ནས་རྒྱལ་ཁ་འཐོབ་མིན་ཡང་དྲ་རྒྱ་ཚོད་འཛིན་དང་དབང་སྒྱུར་བྱེད་ཐུབ་མིན་ལ་རག་ལས་ཡོད་པས།  ང་ཚོས་འགྲོ་གྲོན་ག་ཚོད་གཏོང་དགོས་ཀྱང་གཡུལ་ས་དེ་ནས་ངེས་པར་དུ་རྒྱལ་ཐུབ་པ་བྱེད་དགོས” ཅེས་གསུངས་ཡོད་འདུག༽

དེ་ལས་མང་བ་། “ཟུར་སྣོན་ནི་དྲ་ཐོག་གི་ཉེན་ཁའི་འབྱུང་ཁུངས་ཡིན།” »

ཨོ་རྒྱན་ཉི་མ།

ངས་སྐད་ཆ་གང་བཤད་ལ་ཡིད་རྟོན་བྱེད་མཁན་མི་འདུག་མོད། ང་རང་གི་ཤེས་ཚོད་ཙམ་ཞིག་བཤད་འདོད་བྱུང་། བོད་པ་ཚོས་ཁོ་བོར་རྒྱ་ཁྱི་དང་། རྒྱུགས་ཁྱི། འཕོངས་འབྱར། རྒྱ་མའི་ཕོགས་ཟན་འདྲ་མིན་བཤད་ཀྱིན་འདུག་མོད། ངས་རྒྱ་ཕོགས་ཟ་རྒྱུ་མ་བྱུང་ལ། རྒྱའི་རྗེས་སུ་རྒྱུགས་ཏེ་བོད་རླ་བཙོང་དགོས་དོན་དེ་བས་མེད། ཡིན་ན་ཡང་རྒྱ་བོད་གཉིས་སོ་སོར་ཞེན་པའི་འདུ་ཤེས་དང་། བཟང་ངན་དུ་ལྟ་བའི་བསམ་བློ་ཞིག་ངའི་བློ་ངོར་འཆར་ཐུབ་ཀྱི་མི་འདུག

དེ་ལས་མང་བ་། “བོད་ཀྱི་འབྱུང་འགྱུར་ལ་རྒྱང་ལྟ་གསུམ་པ།” »

རྟེན་འབྱུང་ནས།

འཛམ་གླིང་ཟླུམ་པོ་འདིའི་སྟེང་གི་སྐྱེ་བོ་ཚང་མས་རང་དབང་ལ་མཐོང་ཆེན་དང་གཙིགས་ཆེར་འཛིན་པའི་དུས་སྐབས་འདིར་བོད་ཕྱི་ནང་གི་བརྩེ་བའི་སྤུན་ཟླ་ཕོ་མོ་མང་པོ་ཞིག་གིས་རང་ལུས་མེར་བསྲེགས་བཏང་དང་གཏོང་བཞིན་པ་ནི་ཆབ་སྲིད་ཀྱི་གནད་དོན་ཞིག་ཡིན་པར་བརྟེན་ཆབ་སྲིད་ཀྱི་གནས་བབ་ཞིག་གི་སྒང་ནས་སྐད་ཆ་བཤད་ན་ལས་སེམས་བཟང་ཙམ་དང་ཕྱོགས་ལྷུང་གིས་འགྲིག་མི་འགྲིག་སོགས་ཀྱི་བསམ་ཚུལ་བཤད་བསྡད་པ་ནི་དོན་དངོས་སུ་འགྱེལ་བའི་སྒང་ལ་རྡོག་བརྫིས་དང་།

དེ་ལས་མང་བ་། “བོད་མིས་རང་ལུས་མེར་བསྲེགས་བྱེད་པ་ནི་ཆབ་སྲིད་ཀྱི་གནད་དོན་ཞིག་ཡིན།” »

སྤྲུལ་སྐུ་ཨོ་རྒྱན་ཉི་མ།

མཁྱེན་ལྡན་རྣམ་པས་གསོན་དང་། ངས་འདི་ནས་རང་བཙན་དང་། རང་དབང་གི་སྐད་ཆ་བཤད་ཀྱིན་མེད་ལ། ཀྲུང་གོའི་རྒྱལ་ཁུངས་ལས་བོད་ཕྱི་རོལ་གདོན་དགོས་པའི་བསམ་འཆར་ནི་དེ་བས་ཀྱང་ མིན། གང་ཡིན་ཞེ་ན་ང་རང་ཉིད་ཆོས་ལ་དགའ་བའི་གང་ཟག་ཅིག་དང་། རིས་མེད་ལ་དགའ་བའི་བྱིས་པ་ཞིག་ཡིན་པའི་ཆ་ནས་ཚང་མ་བདེ་པོ་ཞིག་ཡོང་ན་བསམ་པའི་རེ་བ་ཉག་གཅིག་ཡོད་པས་ཡིན། སྤྱིའི་ཆ་ནས་བསམ་བློ་བཏང་ན་འཇིག་རྟེན་འདིར་རང་བཙན་དང་། རང་དབང་ཆ་ཚང་ཡོད་མཁན་ཞིག་གཏན་ནས་མ་མཐོང་ན། བོད་ལ་རང་དབང་ཞིག་སུས་ཀྱང་སྤྲོད་ནུས་རྒྱུ་མ་རེད་ལ། རང་དབང་འཐོབ་པ་ཁག་པོ་རེད།

དེ་ལས་མང་བ་། “ཀྲུང་གོ་རྒྱལ་ཁབ་ཀྱི་འགོ་གཙོ་རྣམས་ལ་ཕུལ་བ། ༼ རྩོམ་ཡིག་ཁག་གཉིས།༽” »

ནམ་མཁའ།

ལོ་འདི་གའི་རིང་ལ་གཞིས་ལུས་སྤུན་ཟླ་ཚོས་ཡོད་ཚད་བློས་བཏང་གིས་འཐབ་རྩོད་བྱས་མོད། འོན་ཀྱང་ཡུལ་གྱར་བོད་མིའི་སྒྲིག་འཛུགས་ཀྱི་མགོ་ཁྲིད་ཚོས་ཚིག་གཅིག་བསྐྱར་ཟློས་སྟོང་ཕྲག་བྱེད་པ་ལས། ནུས་པ་ཞིག་ཐོན་པའི་བསམ་བློ་གསར་བ་ཞིག་གཏོང་ཐུབ་མ་སོང་། འདི་ནི་རང་དབང་ལུང་པ་ནས་གཞན་གྱི་སྒྲིག་འཛུགས་ཞིག་ལ་བསྟུན་དགོས་པའི་རྐྱེན་ཡིན་ནམ། ཡང་ན་ལམ་ཁ་གཅིག་ལ་བསམ་བློ་ཡང་གཅིག་ཁོ་ན་གཏོང་དགོས་པའི་རྐྱེན་རེད། ང་རང་གིས་བསམ་ཚུལ་ལ་བསམ་བློའི་ནུས་ཤུགས་ཀྱིས་མ་འདང་བའི་སྐྱོན་ཆ་རེད་སྙམ། དཔེར་བཞག་ན་གདན་ས་ཁག་གི་ཆོས་གྲྭའི་ལྡིང་ཁང་ནས་རིག་པ་སྨྲ་བ་ཚོས་བརྗོད་གཞི་ཞིག་ལ་ཆོས་གྲོགས་ཚོས་རིག་པ་སྣ་བརྒྱས་རྩོད་པའི་ལམ་ནས་དྲི་བ་དང་དྲིས་ལན་མང་པོ་བྱས་མཐར་བརྗོད་བྱའམ་རྩོད་གཞི་དེའི་དོགས་པ་གསལ་དུ་འགྲོ་གི་ཡོད།

དེ་ལས་མང་བ་། “སྲིད་སྐྱོང་མཆོག་ལ་བཅར་འདྲི་བྱོས།” »

དབྱངས་ཅན་འབངས།

བོད་ནང་བོད་མི་རྣམས་རྒྱ་ནག་གི་གདུག་རྩུབ་སྲིད་ཇུས་ལ་སྡུག་བསྲན་ཐུབ་ཐབས་བྲལ་བའི་གནས་ཚུལ་དངོས་ཡོད་དྲང་བདེན་ལ་དགའ་བའི་འཛམ་གླིང་མི་མང་གི་ཤེས་རྟོགས་ཐུབ་སླད་དང་བོད་ས་ཁྱོན་ཡོངས་ལ་ཆོས་སྲིད་རང་དབང་གི་ཉི་མ་མྱུར་དུ་འཆར་སླད། ད་བར་དཔའ་འཛངས་རྟུལ་ཕོད་ཅན་གྱི་སྐྱེས་བུ་དམ་པ་བདུན་ཅུ་བརྒལ་བས་རང་གི་བདེ་སྐྱིད་ཡོངས་སུ་དོར་ནས་གཅིག་ཏུ་གཞན་ཕན་འབའ་ཞིག་གི་བསམ་པས་སྤོས་མེ་ཙམ་ཡང་མི་བཟོད་པའི་ལུས་པོ་འདི་མེ་དཔུང་གི་ཚག་སྒྲ་དང་ཚིག་སྒྲས་གཏུམ་ཟིན་ཀྱང་།

དེ་ལས་མང་བ་། “མེ་ཞི་རྒོལ་ཆེན་མོ་ལས་འཕྲོས་པའི་འཆར་ཡན་ཐུང་ངུ་།” »

གྲིབ་གཟུགས།

མུན་པ་ཟབ་པའི་འཇིག་རྟེན་ནས།།
ཟླ་བའི་འོད་སྣང་རྒྱང་ལ་བྱེར།།
ཚོར་བ་རྣོ་བའི་སེམས་པ་ཡིས།།
ན་ཟུག་མོད་པོ་རིན་གྱིས་ཉོས།།

དེ་ལས་མང་བ་། “རིན་གྱིས་མྱོས་པའི་ན་ཟུག” »

སྲོང་བཙན་བུ།

གཅིག ཕངས་མེད་དུ་འབར་སྟངས།

བྱིས་པ་བསམ་མེད་ཅིག་གི་ཁ་ནང་ནས་ཨ་མའི་ནུ་མ་འབར་སོང་། ཕོ་སྐྱེས་དར་མ་ཞིག་གི་མིག་ལམ་ནས་གཏན་གྲོགས་མའི་ལང་ཚོ་འབར་སོང་། ཨ་མྱེས་རྒས་འཁོགས་དེའི་ལག་པས་འཁེན་ས་འབར་སོང་། གསེར་ཁྲིའི་སྟེང་གི་བླ་མ་གསེར་ཞྭ་ཅན་དེ་གསུང་ཆོས་འཕྲོ་ཅན་དུ་བཞག་ནས་འབར་སོང་། གསེར་ཏོག་འོད་སྣང་འཁྱིལ་བའི་དགོན་འདབས་དེ་ནས་གྲྭ་གཞོན་ལོ་ཆུང་དེ་འབར་སོང་། དམར་པོའི་དར་དམར་གཡོ་བའི་སློབ་རའི་སློབ་མ་དེ་འབར་སོང་། སྨྱུག་ཐོགས་ཡི་གེ་བ་དེ་རྩོམ་པ་འཕྲོ་ཅན་དུ་བཞག་ནས་འབར་སོང་། སྒྲ་སྙན་འཁུར་བའི་གཞས་པ་དེ་སྙན་གཞས་འཕྲོ་ཅན་དུ་བཞག་ནས་འབར་སོང་། ཕ་མ་ཞིག་གི་སེམས་ཀྱི་ཕྱེད་ཀ་དེ་འབར་སོང་། མ་འབྱར་བྱིས་པ་ཞིག་གི་ཕ་མ་འབར་སོང་།

དེ་ལས་མང་བ་། “ཚེ་སྲོག་འབར་སྟངས་ཀྱི་མཐའ་སྣེ་འཚོལ་བ།” »

ཨོ་རྒྱན་ཉི་མ།

དང་པོ་བོད་བརྒྱུད་ནང་བསྟན་རྒྱ་ནག་དང་། ཐེ་ཝན། སིང་གཱ་པུར། རྒྱ་གར་སོགས་བརྒྱུད་དེ་ནུབ་ཕྱོགས་སུ་དར་དུས་ཚང་མ་ཡིད་སྨོན་ཤོར་ཡུལ་དུ་དུ་གྱུར་བ་རེད། དེ་ནི་སྐབས་དེ་དུས་བོད་པ་ཚོར་ལྷད་མེད་ཀྱི་དྲང་བདེན་དང་། བཅོས་ཀྱི་བརྩེ་བ། ལྷག་བསམ་རྣམ་དག་ཡོད་མཁན་ལས། དེང་སང་ནང་བཞིན་མགོ་བདེ་དྲན་འཕྲུལ་ཅན་དེ་ཚོ་མེད་པས་རེད།ཆོས་ཞེས་པ་དེ་དང་པོ་རང་རྒྱུད་འདུལ། དེ་ནས་གཞན་རྒྱུད་གྲོལ་བར་བྱ་བའི་གདམ་པ་གཏད་དེ་སྐྱེ་འགྲོའི་ཕན་བདེ་སྒྲུབ་བྱེད་ཅིག་ཡིན་ཡང་། དེང་སང་ནི་སྐྱ་སེར་རྒན་གཞོན་མེད་པར་རང་མ་གྲོལ་སྔོན་ནས་གཞན་བསྒྲལ་འདོད་ཀྱིས་བྲེལ་ཞིང་། ལམ་འགྲོ་མ་རྒྱུགས་དུས་ལོག་གཡེམ་བྱས། རྐུ་རྒྱབ་པ་སྟེ། མདོར་ན་ཆབ་སྲིད་པ་དང་། ཚོང་པ་ཚོས་གང་བྱས་མཐའ་དག་དེང་སང་གི་གྲྭ་བླ་སྤྲུལ་གསུམ་དང་

དེ་ལས་མང་བ་། “ངེས་པར་དུ་སེམས་དགོས་པའི་གནད་འགག་འགའ།” »

ནམ་མཁའ།

གངས་ལྗོངས་རྫ་ཆུ་བསིལ་མ།།
རྫས་སྦྱོར་དུག་ཆུས་སྒྱུར་སོང་།།
ཉམ་ཆུང་ཉ་མོ་སྐྱོ་ཡང་།།
སྐྱོབ་མཁན་གཅིག་ཀྱང་མི་འདུག །

དེ་ལས་མང་བ་། “ཉ་ལུག་མི་གསུམ་གྱི་སྐྱོ་གླུ” »

ཤར་ཕྱོགས་ཁུག་རྟ།

རྒྱ་ནག་གི་རྩ་ཁྲིམས་ལག་ཏུ་བཟུང་ནས་སྲིད་སྐྱོང་མཆོག་གིས་འབོད་སྐུལ་བྱ་རོགས།

༄༅།། བོད་ནང་གི་གནས་སྟངས་ཛ་དྲག་ཏུ་འགྲོ་སྐབས་བཙན་བྱོལ་བོད་མི་མི་ཉུང་བ་ཞིག་གིས་བོད་ནང་གི་བོད་མི་ཚོ་རྒྱལ་ཁབ་ཀྱི་དབུ་ཁྲིད་དང། བོད་མིའི་འཐབ་རྩོད་ཀྱི་སྣེ་ཁྲིད་པ་ལྟ་བུར་བསྒྲགས་ཏེ། ཁོང་ཚོས་ལས་འགུལ་སྤེལ་ཕྱོགས་ལ་བལྟས་ནས་མ་གཏོགས་བཙན་བྱོལ་ནང་འཆར་གཞི་གང་ཡང་མེད་ཚུལ་ཆེན་པོ་རྫིག་པོ་དག་གིས་ཀྱང་གསུངས་ཚར་བ་རེད། དེ་དང་མཉམ་དུ་བོད་ནང་གི་རང་སྲེག་ལ་ཅི་གང་ལབ་རྒྱུའི་ཐོབ་ཐང་མེད་ཅེས་བཤད་མགོ་བཙུགས་པ་དང་མཉམ་ཅལ་འདྲོགས་པ་ཁ་ཤས་འུར་ལ་རྒྱུགས་ཏེ་དེ་དེ་བཞིན་ནོ་ཞེས་ཁ་གཡུག་ཚད་ལ་བཤད་ནའང། ངས་ནི། སྐད་ཆ་འདི་རྣམས། བཀའ་གསུང་འདི་རྣམས་རྟོགས་པའི་རྣམ་དཔྱོད་མ་རྙེད་དོ། ངོས་ལེན་བྱེད་པའི་སྙིང་སྟོབས་མ་རྙེད་དོ།

དེ་ལས་མང་བ་། “རང་སྲེག་མ་གཏོང་། ཞི་རྒོལ་སྡེབས་ཀྱིས་ལོངས་ཤོག” »