གངས་དཀར་རྒྱལ་སྲས།

ཨ་རིའི་རྒྱང་བསྲིང་བརྙན་འཕྲིན་གྱིས་བོད་ཕྱི་ནང་ལ་ཕན་མི་ཉུང་བ་ཞིག་ཐོག་གི་ཡོད་མོད། དེ་ལས་ཀྱང་ལྷག་པའི་ཕན་ནུས་ཤིག་གི་བྱེད་ཐབས་ཡོད་པ་འདྲ། བརྙན་འཕྲིན་རྒྱང་བསྲིང་གི་ནང་ནས་ཕལ་ཆེ་བ་བོད་དོན་སྐོར་རྐྱང་རྐྱང་རེད་ལ་དེའང་བོད་ཕྱི་ནང་གི་མིས་མ་གཏོགས་ལོངས་སྤྱོད་ཀྱི་ཡུལ་དུ་འགྱུར་དཀའ། བོད་པ་དེ་ཚོའང་གྲོང་ཁྱེར་དང་རྫོང་ཞང་སོགས་ན་ཡོད་དགོས་ལ་དེ་མིན་དགོན་པ་ན་ཡོད་དགོས་པ་འདྲ།

དེ་ལས་མང་བ་། “བོད་ནང་ལས་རྒྱ་ནང་གལ་ཆེན་ཡིན།” »

ཨ་རིག་དགེ་མཐོང་།

སྤྱིར་བཏང་སྐྱེས་བུ་གང་ཞིག་ལ་གྲོགས་པོ་ཞེས་ཐ་སྙད་ཀྱིས་བསྙད་པའམ་བོས་ཚེ་དེ་ནི་སེམས་ཐག་ཉེ་བའི་གཏམ་དུ་ངེས། དེང་གི་བརྡ་འཕྲིན་དུས་རབས་འདིར་དྲ་གྲོགས་ཞེས་པ་ནི་ཧ་ཅང་རྒྱུགས་ཆེ་བའི་སྐབས་ཤིག་རེད། ཁོ་བོ་ནི་དྲ་བར་ཞུགས་ཏེ་བོད་ཡིག་བེད་སྤྱོད་གཏོང་མཁན་གྱི་ཐོག་མའི་གྲས་སུ་གཏོགས་པ་འདྲ་བོ་ཡིན་པས་ང་ལ་མཚོན་ན་དྲ་གྲོགས་ཞེས་འབོད་མཁན་ཧ་ཅང་མང་། ཕྱི་སྡོད་བོད་རིགས་ཚོའི་ནང་དུ་དྲ་གྲོགས་ཀྱི་གྲངས་ཧ་ཅང་མང་བའི་དབུས་ན་ནང་ བསྟན་གཞུང་ལུགས་དང་། བོད་ཀྱི་སུམ་རྟགས། སྙན་ངག་གཙོས་བརྡ་སྤྲོད་གཞུང་ལུགས་ཀུན་ཐུགས་སུ་ཆུད་པ། དེ་བཞིན་དེང་སང་འཛམ་གླིང་གི་སྤྱི་སྐད་ལྟ་བུའི་ཨིན་ཡིག་མཁྱེན་པའི་དྲ་གྲོགས་སྒོམ་སྡེ་ལྷ་རམས་པ་ལྟ་བུ་རེ་ཟུང་ཡིན།

དེ་ལས་མང་བ་། “སྒོམ་སྡེ་ལྷ་རམས་པ་དང་ལྷན་དུ།” »

རས་པ།
—“རྩོམ་རིག་གི་རྐང་རྗེས་ལ་ཕྱིར་མིག་བལྟ་བའི་”འདུ་འཛོམས་སྟེང་གི་མཐོང་ཐོས།

ཕྱི་ལོ་༢༠༡༢ ཟླ་ ༡༡ ཚེས་ ༢༡ དགོང་མོ་ཆུ་ཚོད་ ༦ ཕྱེད་ཀ།
ཞོགས་པར་གུས་པོ་ལས་ཁུངས་སུ་མ་སོང་བའི་སྔོན་ཏག་ཏག་ཏུ་གྲོགས་པོ་བོན་རྒྱ་བསྟན་རབ་པས་ཁ་པར་ཞིག་སླེབས་སོང་།“དེ་དགོང་ཁྱོད་ལ་ཁོམ་པ་ཡོད་དམ། སྐུ་ཞབས་ཀླུ་སྨྱོན་ལགས་འདིར་ཕེབས་འདུག་པས་མཉམ་འཛོམས་ཤིག་བྱེད་འཆར་ཡོད་”ཟེར། མཉམ་འཛོམས་ནི་“རྩོམ་རིག་གི་རྐང་རྗེས་ལ་ཕྱིར་མིག་བལྟ་བ་”ཟེར་བའི་བརྗོད་གཞིའི་སྟེང་དུ་རེད་འདུག སྟོན་མཇུག་གི་གནས་ངོ་འདི་ནི་སྐྱ་ཐང་ཐིང་གི་སེམས་གཤིས་རི་མོར་བྲིས་པ་དང་འདྲ་ཞིང་། སུན་སྣང་ཞིག་གིས་ཐང་སྟོང་འཇག་སྐྱ་རླུང་གིས་དཀྲོལ་བའི་ཤུགས་གླུ་རིང་མོ་སེམས་ཁོངས་སུ་རྒྱུན་པར་གྲགས་ཀྱི་འདུག

དེ་ལས་མང་བ་། “རྩོམ་པ་པོ་ཀླུ་སྨྱོན་དང་ཉེ་བར་བཅར་ཐེངས་ཤིག” »

ལྷ་རྩེའི་ཁུ་བྱུག (བོད་འབྱོར།)

མཁན་པོ་དཔའ་བརྟན་ཁ་རྩང་སྤྱི་ལོ་༢༠༡༢-༡༡-༢༡ཉིན་གྲོགས་ཨོ་རྒྱན་ཉི་མ་དང་བསྡེབས་ཏེ་ངེད་ཀྱི་ཐུན་ཁང་སྐྱིད་ཕུག་ཉི་མ་གླིང་ལ་ཞབས་རྐྱང་ཕེབས་འདུག ཀུན་པོས་མི་ཆེན་སྒོ་ལ་འབྱོན་ཉིན་ཚུགས་ཀ་གཏོད་དགོས་ཀྱང་རྫ་རི་སྐེད་པར་སོང་བས་མཐུན་རྐྱེན་ཚོད་ལས་མི་འབེལ་ཞིང་། མི་ཚེའི་མཆེད་གྲོགས་ནང་ཚགས་ཡིན་པ་བཅས་ཀྱིས་སྟབས་བདེའི་མགྲོན་བསུ་ཞུས་ཏེ། ཕྱོགས་ཡར་མར་གླེང་བ་ཡིན། རེ་ཞིག་ནས་གླེང་མོལ་རྒས་གསོ་ཚང་ལ་ཤོར་བྱུང་། དེ་དུས་ཁོང་གི་ཞལ་ངོ་རྦད་དེ་འགྱུར་ཞིང་། ཐུགས་སྐྱོ་བའི་རྣམ་པས་རྒས་གསོ་ཚང་གི་རྒན་མོ་བསོད་སྐྱིད་སྐོར་གསུངས་སོང་། བསོད་སྐྱིད་ནི་རྒྱབ་ཀྱི་དགའ་ཉེ་དང་། སྔོན་གྱི་བུ་ཕྲུག་མེད་པའི་དབུལ་མོ་ནང་གི་ཡང་སྤྲང་ཞིག་རེད།

དེ་ལས་མང་བ་། “མཁན་པོ་དཔའ་བརྟན།” »

བཙན་མེ་སྟག

ཀ༽
སྐད་ཆ་དྲང་མོ་བཤད་དགོས་པ་ནི་རྩོམ་པ་པོའི་དཔུང་ཁག་གི་གྲལ་མཐར་ལྷུང་བའི་མི་བུ་ཞིག་གི་མ་མཐའི་སྐྱ་ཐིག་ཞིག་ཏུ་འཁུམས། མི་དང་སྤྱི་ཚོགས། མི་དང་རང་བྱུང་ཁམས། མི་དང་མིའི་བར་གྱི་འབྲེལ་བ་ལ་དངོས་ཡོད་ཀྱི་དཔྱད་བསྡུར་བྱ་དགོས་པ་ལས་གཏན་ནས་རྫུན་བཤད་མི་ཉན། རྩོམ་པ་པོས་མི་བུ་མཚན་ཉིད་པ་ཚུར་སྣང་བྱ་དགོས་པ་ལས། དབང་སྡུད་ཀྱི་རྐུབ་སྟེགས་ཤིག་ལ་བློས་བསླངས་བྱས་པ་ནི་འཐད་པར་མ་སྣང་། རྩོམ་པ་པོ་ནི་སྒྱུ་རྩལ་གྱི་བདག་པོ་ཡིན་པ་ལས་ཆབ་སྲིད་པའི་ལག་ཆ་མིན། ཆབ་སྲིད་པས་རྫུན་ཁོ་ན་ལས་སྐད་ཆ་དྲང་མོ་བཤད་པའི་གོ་སྐབས་གཞར་ཡང་མེད་སྙམ། རྒྱུ་མཚན་ཆབ་སྲིད་པ་ཡིན་པས་རེད།

དེ་ལས་མང་བ་། “རྩོམ་པ་པོ་ཞིག་གི་བསམ་གཞིགས།” »

གངས་དཀར་རྒྱལ་སྲས།
འཇིག་རྟེན་གྱི་ཁམས་འདིར་མི་སུ་ཞིག་ཡིན་ཡང། འདི་ནི་མངོན་སུམ་དང་འདི་ནི་འཁྲུལ་མེད་ཡིན་སྙམ་པའི་དོན་དག་ཧ་ཅང་མང་ནའང་དོན་དག་ཕལ་ཆེ་བ་ལ་མཐའ་གཅིག་ཏུ་ཐག་གཅོད་དཀའ་ལ་གལ་ཏེ་ཐག་བཅད་པའི་དབང་དུ་བཏང་ནའང་ད་དུང་མཉམ་འཇོག་དང་བརྟག་དཔྱད་བྱས་ན་བཟང་ལས་ངན་ཞིག་ནམ་ཡང་མེད། མི་སུ་ཞིག་ཡིན་ཡང་དོན་དག་ཆེ་མ་ཆུང་གསུམ་སོགས་ནོར་མ་མྱོང་མཁན་ཞིག་ཕལ་ཆེར་ཡོད་རྒྱུ་མ་རེད་བསམ་གི། རྒྱུ་མཚན་ནི།

དེ་ལས་མང་བ་། “མི་བཟང་ཡང་འཁྲུལ་ཤེས་ཀྱིས་མི་སླུ་བའི་ངེས་པ་མེད།” »

ཁྲི་རལ་པ།

ད་ཆ་བོད་ནང་བོད་མི་རྒན་གཞོན་དང་ཕོ་མོ་སེར་སྐྱ་དབྱེ་བ་མེད་པར་མི་༨༡གིས་གཙོ་བོ་༧གོང་ས་སྐྱབས་མགོན་ཆེན་པོ་ཕྱིར་ཕེབས་དང་། བོད་ནང་རང་དབང་གཙང་མ་ཅིག་ཡོང་ཆེད་དུ་རང་ལུས་མེར་བསྲེགས་གནང་ཟིན་ཡོད། བོད་མི་དེ་ཚོ་ཀུན་གྱིས་ང་ཚོ་བོད་མི་རེ་རེའི་རང་དབང་དང་བདེ་སྐྱིད། འཚོ་གནས་དང་རིག་གཞུང་གི་ཆེད་སྲོག་བཏང་བ་ཡིན་དུས། མིའི་གཤིས་ཀ་དང་བསམ་བློ་ཡོད་པའི་བོད་མི་ཅིག་ཡིན་ན་མར་མེ་ཁྲོམ་བསྐོར་དང་མཆོད་འབུལ་བསྔོ་སྨོན་གྱི་ཆོ་ག་ཕྱག་ལེན་ཙམ་བྱས་ཏེ་འཇམ་ཐིང་ཐིང་ངང་སྡོད་ཚོད་མ་རེད།

དེ་ལས་མང་བ་། “རང་ལུས་མེར་སྲེག་མཚམས་འཇོག་དགོས་སམ་མི་དགོས།” »

སྤྲུལ་སྐུ་དབང་ཆེན།

ཨེ་རླུང་དང་འབྲེལ་བའི་ཨ་རིའི་ཕྱི་སྲིད་ལྷན་ཚོགས་ལྟ་ཞིབ་དང་ཞིབ་བཤེར་ཚོགས་པའི་ཚོགས་གཙོའི་བསྒྲགས་གཏམ་འདིས་གལ་ཆེ་བའི་གསལ་བཤད་ཅིག་བྱས་ཡོད་པ་དེ་ནི། བོད་ནང་གི་བོད་མི་ཚོས་རང་ལུས་མེར་བསྲེགས་བཏང་བ་དེ་ནི་རྒྱ་ནག་དམར་པོའི་སྲིད་གཞུང་གི་འོག་ནས་རང་སྐྱོང་ཞིག་རྩོད་ཀྱི་མེད་པར་དེ་ལས་ལྡོག་སྟེ་བོད་རང་དབང་རང་བཙན་དང་། རྒྱ་ནག་དམར་པོའི་ཁྲིམས་འགལ་གྱི་བཙན་འཛུལ་བོད་ནས་མཇུག་སྒྲིལ་དགོས་པའི་འབོད་སྐུལ་དེ་ཡིན་པར་ར་སྤྲོད་གསལ་བོར་བྱས་འདུག དེ་བཞིན་ཨ་རིའི་གྲོས་ཚོགས་ཀྱི་གྲོགས་པོ་ཚོས་ཀྱང་བོད་རང་དབང་རང་བཙན་གྱི་ལམ་ཁ་བོད་ནང་གི་བོད་མིས་འཐབ་རྩོད་ལ་རྒྱབ་སྐྱོར་བྱེད་ཀྱི་ཡོད་ཅེས་གསལ་གསལ་ཐང་ཐང་ལ་ལབ་འདུག

དེ་ལས་མང་བ་། “ཨེ་རླུང་གིས་སྣ་འདྲེན་བྱས་པའི་རྡ་སའི་སྐྱོན་མཚང་ཕྱིར་མངོན།” »

གངས་དཀར་རྒྱལ་སྲས།

སྐྱེ་བ་ལ་ཐོག་མ་ཡོད་མེད་དེ་རྩོད་གཞི་ཆེ་ཞིག་མིན་པ་འདྲ། ནང་ཆོས་ལས། ཐོག་མ་མེད་ནས་ད་ལྟའི་བར། དང་ཐོག་མེད་དུས་ནས་བསགས་པའི་སྡིག་པའི་ལས་སོགས་མང་བོ་གསུང་ཡོད་པ་རེད། ལ་ལ་ཞིག་གིས་དེ་ནི་སྐྱེ་བ་ལ་ཐོག་མེད་པར་འདོད་བྱེད་ཀྱི་ཁུངས་ཡང་དག་ཏུ་ལྟ་མཁན་ཡོད་མོད། དེ་ནི་དེ་ཙམ་དོན་མཐུན་དང་འགྲིག་ཐག་ཆོད་ཅིག་མིན་པ་འདྲ། རྒྱུ་མཚན་ནི།

དེ་ལས་མང་བ་། “འདུས་བྱས་ཤིག་ཡིན་ན་ཐོག་མ་ཡོད་པའི་ཁྱབ།” »

གངས་དཀར་རྒྱལ་སྲས།

ལོ་བཅུ་གྲངས་སྔོན་ནས་འབར་མྱོང་བའི་རང་ལུས་མེར་སྲེག་གི་ཚ་རླབས་འདི། དེང་སྐབས་གློ་བུར་ཏུ་ཕྱོགས་ནས་ཕྱོགས་སུ་མཆེད་དེ་བོད་ཁམས་གང་སར་ཁྱབ། དྲང་ལྡོག་གཉིས་ཀ་ནས་འགྲེལ་བཤད་སྣ་ཚོགས་རྒྱག་གིན་ཡོད་པ་བཞིན་ངོས་འཛིན་བྱེད་སྟངས་ཀྱང་ཁ་ཁ་སོ་སོ་རེད། མེར་སྲེག་གི་བྱ་འགུལ་འདི་དུས་ཚོད་ངེས་ཅན་ཞིག་འགོར་ན་འདིའི་ངོ་བོ་འགྱུར་ནས་དྲག་སྤྱོད་ཅན་དུ་འགྱུར་རྒུའི་ཉེན་ཁ་ཡོད་པ་ནི་ཆོས་ཉིད་འགྱུར་མེད་ཅིག་གི་གཏན་ཚིགས་རེད། རྒྱུ་མཚན་ནི་མི་ནི་ཉོན་མོངས་གིས་ཀུན་ནས་བཅངས་པའི་སྲོག་ལྡན་རིགས་ཤིག་ཡིན་པས། ཉོན་མོངས་གི་རིགས་དེ་ལ་ཅི་ཙམ་བསྟུན་ཤེས་བྱས་ན་དེ་ཙམ་འཕེལ་ནས་ནམ་ཞིག་ཚོད་འཛིན་དཀའ་བའི་ཚད་དུ་སླེབས་ངེས་པ་ཞེ་སྡང་དང་གཏི་མུག་སོགས་ལས་གསལ་བོར་ཤེས་པ་དེ་རེད།

དེ་ལས་མང་བ་། “མེ་འབར་ནས་འཁྲིས་ལ་སླེབས་སོང་བ་འདྲ།” »

གངས་དཀར་རྒྱལ་སྲས།
སེམས་སོང་ལགས། ཀེ་ལ་ཤའི་ཟ་ཁང་གི་ཡང་ཐོག་ནས་ཐེངས་དང་པོ་ངོ་ཤེས་པ་ནས་ངས་ཀེ་ལ་ཤ་ཟ་ཁང་མཐོང་ཐེངས་རེར་ཁྱེད་རང་ཡིད་ལ་འཆར་ཞིང་། ཡིད་ལ་ཤར་ཐེངས་རེར་ང་ཀེ་ལ་ཤ་ཟ་ཁང་དུ་སོང་ནས། ཉིན་དེར་ཁྱོད་ཀྱིས་ང་ལ་སྤྲད་པའི་ཟ་མ་དག་ཡང་བསྐྱར་ཟ་མྱོང་བ་ནི་ཐེངས་ག་ཚོད་ཅིག་ཡིན་མིན་ངས་ཀྱང་མི་ཤེས། སྤྱིར་བཏང་ཟ་མ་དེ་དག་ཁྱོད་ཀྱིས་འདོད་པ་ལྟར་མངགས་པ་ཡིན་པས་ང་དེ་དག་ལ་དེ་ཙམ་དགའ་བོ་མེད་མོད། ད་ལྟ་དེ་དག་ནི་ང་ཆེས་དགའ་བའི་ཟ་མ་དག་ཏུ་གྱུར་འདུག་པས་ཡང་བསྐྱར་འུ་གཉིས་ཀ་འདི་ནས་འཛོམས་ན་ངས་ཟ་མ་དེ་དག་ནི་འཇིག་རྟེན་ནས་ཆེས་རིན་ཐང་ལྡན་པའི་ཟ་མ་ཞིག་ཏུ་མཐོང་ནས་ཁྱེད་ལ་མངགས་ངེས་ཡིན

དེ་ལས་མང་བ་། “སྙིང་གི་ཚིལ་ལུ།” »