ཚེ་རིང་བསམ་གྲུབ།
བཙན་བྱོལ་བོད་མིའི་གསར་འགྱུར་ཆེད་གཉེར་གྱི་དྲྭ་རྒྱ་ཁག་ནི་བོད་ཕྱི་ནང་ཡོངས་ཀྱིས་ཡིད་ཆེས་བྱེད་སའི་གནས་ཚུལ་གྱི་ཡོངས་ཁུངས་ཤིག་རེད། དེ་བཞིན་རྒྱལ་སྤྱིའི་ཐོག་གི་བོད་དོན་ལ་དོ་སྣང་དང་། དཔྱད་ཞིབ། རྒྱབ་སྐྱོར་བྱེད་མཁན་བཅས་ཀྱིས་ཀྱང་དོ་སྣང་བྱ་ཡུལ་ཞིག་ཏུ་འགྱུར་ཡོད། བོད་མི་བཙན་བྱོལ་བའི་དྲྭ་རྒྱའི་གསར་འགྱུར་བརྒྱུད་ལམ་གྲགས་ཆེ་བ་ནི་བོད་ཀྱི་དུས་བབས་དང་། བང་ཆེན། དེ་བཞིན་དབྱིན་སྐད་ཐོག་ཕ་ཡུལ་དྲྭ་རྒྱ་བཅས་ཡིན།
ཨ་དམར་པོ།
ཉམ་ཐག་གི་ལོ་ཟླ་བསྐྱལ་སའི་ལྕགས་ཤོག་སློབ་གྲྭ། གསར་འབྱོར་མི་བུ་ཚོས་ཤུགས་རིང་དང་མིག་ཆུ་འཐོར་སའི་གནས་མལ་སྐྱ་བོ། ངད་སྔོ་འཚོོ་བའི་དཀའ་སྡུག་གི་ཉམས་ལེན་བྱེད་སའི་སྒོམ་ཁང་ཆུང་ཆུང་། ཆ་མེད་རྒྱུས་མེད་ཀྱི་ལྟད་མོ་བ་འགས་མཐོ་ས་ནས་དམའ་སར་བལྟས་ཏེ། ཆེས་དམའ་བའི་རིན་ཐང་སྤྲོད་སའི“གསོག་སྒར་སློབ་གྲྭ”། སེམས་དཔའ་ཚོའི”སྙིང་རྗེ”ཡི་སེམས་ཁམས་སྒུལ་སའི་འཇིག་རྟེན་དང་པོ།། “ཤེས་རབ་དགའ་ཚལ་སློབ་གླིང་”། ནམ་ཡང་བརྗེད་མི་སྲིད་པའི་གསར་འབྱོར་ཚོའི་ཕ་གཞིས་གཉིས་པ།
གཡག་ཕྱུག་ཕུན་ཚོགས་ཆོས་འཕེལ། (ལྡི་ལི་མཐོ་སློབ།)
རྒྱུ་རྐྱེན་དེ་བག་ཆགས་འདི་ཡི་དབང་གིས་ཡིན་ནམ། ཡང་ན་ཨ་མའི་བྱམས་བརྩེ་ཡི་དབང་གིས་ཡིན་ནམ། ད་ལྟ་ཡིག་རྒྱུགས་སླེབས་གྲབས་ཉེ་བའི་མཐོ་སློབ་ཀྱི་སློབ་མ་ཞིག་ལ་ཆ་མཚོན་ན་གོང་གི་དྲི་བ་འདི་གཉིས་ལ་ལ་བསམ་བློ་གཏོང་རྒྱུ་དང་ལན་འདེབས་རྒྱུར་དུས་ཚོད་ཅིག་གང་ན་ཡོད། ཁོའི་མིག་མདུན་དུ་སྔ་ས་ནས་དྲི་བའི་ཕུང་པོ་རེ་རེ་རི་བོའི་གཏོས་དང་མཉམ་པ་སྤུངས་ནས་ཡོད་ན་ཡང་། ཆེས་སྤྱིར་བཏང་མིན་པའི་དྲི་བ་དེ་འཁོར་ཐེངས་རེར་ཁོའི་འདས་སོང་གི་འཚོ་བ་གང་མང་ཞིག་ལ་བསམ་གཞིག་བྱེད་དགོས་བྱུང་སོང་ལ།
དེ་ལས་མང་བ་། “དྲན་སྣང་ཐོར་བུའི་ཁྲོད་ཀྱི་བྱིས་དུས་ཀྱི་འཚོ་བ།” »
ཐེ་བོ་ཤེས་རབ་རྒྱ་མཚོ།
(ཨ་རིའི་ནེའུ་ཡོར་ཀི་གྲོང་ཁྱེར་སྤྱི་ཁྱབ་པ་འདྲེ་འབོད་རྐང་གླིང་གི་༧གོང་ས་མཆོག་ལ་ཕེབས་སྒུག་གི་གཏམ་བཤད།)
ང་ཚོ་ཨ་རི་བ་ཡིན། འདས་སོང་གི་ལོ་རྒྱུས་ནང་ང་ཚོ་ནི་འཛམ་གླིང་སྟེང་སྟོབས་འབྱོར་དང་མངའ་ཐང་ཆེས་ཕུལ་དུ་བྱུང་བའི་རྒྱལ་ཁབ་གཅིག་པོ་དེ་ཡིན་ལ། མ་འོངས་པ་ན་ཡང་སྔར་བཞིན་ང་ཚོ་ཆེས་ཕུལ་དུ་བྱུང་བའི་སྟོབས་འབྱོར་དང་མངའ་ཐང་ལྡན་པའི་རྒྱལ་ཁབ་གཅིག་པོ་དེ་ཡིན་དགོས། ང་ཚོས་རང་ཉིད་ཀྱི་ནུས་སྟོབས་ལ་བརྟེན་ནས་འཛམ་གླིང་ལ་སྣེ་ཁྲིད་བྱས་པ་ཡིན་ལ།
ན་མོ་གུ་རུ་མ་ཏི་ཤྲྰི་ཡེ། །ཀླུ་སྨྱོན། ཁྱོད་ཚོར་དཀོར་ཤིག་ཟེར་བ་དེ་འདེབས་མྱོང་ངམ། ང་ཆུང་དུས་ཆོས་མ་བཏོན་པར་དཀོར་ཐེངས་མང་ཟོས་པས། ལན་གཅིག་དཀོར་ཤིག་ཟེར་བའི་འཇིགས་སུ་རུང་བ་དེ་བཏབ་སོང་། དཀོར་ཤིག་ནི་ནམ་རྒྱུན་གྱི་ཤིག་ལས་ཏོག་ཙམ་ཆེ་ཞིང་ཟ་ཤེད་ཆེ་བ། དེ་རིང་ཚང་མ་དོར་ཚར་ཡང་སང་ཞོགས་དེ་ལས་མང་བ་ཞིག་རང་གྲུབ་ཏུ་འབྱུང་བ་ཞིག་འདུག དེ་ནི་ངོ་མ་ཞེད་སྣང་སྐྱེ་དགོས་པ་ཞིག་ཡིན།
འཇིགས་བྲལ་བསྟན་འཛིན།
1). དེང་སང་དགའ་ལྡན་ཕོ་བྲང་བླ་བྲང་ནས་བཟུང་བཀའ་ཤག་དང་། སྤྱི་འཐུས་གྲོས་ཚོགས་བཅས་ཀྱིས་གླེང་ཕྱོགས་དང་གནང་ཕྱོགས་དེ་ཚོ་མང་ཚོགས་ནང་སླེབས་ཡོང་དུས་བསམ་ཚུལ་འདྲ་མིན་འབྱུང་བཞིན་པ་དེར་གནད་འགག་མང་པོ་ཞིག་ཡོད་པ་ཚོར་ནས། དེ་ལ་བསམ་བློ་ག་ཚོད་བཏང་ན་དེའི་ཚོད་ཀྱིས་བློ་འཚབ་ཅིག་ཀྱང་སླེབས་ཡོང་གི་འདུག བློ་འཚབ་འདི་དང་མཉམ་དུ་སྐྱོ་སྣང་ཞིག་གིས་ཤུགས་རིང་རེ་དབང་མེད་དུ་ཤོར་གྱི་འདུག མ་ཟད་གནས་ཚུལ་ཟང་ཟིང་འདི་དག་གི་མཐའ་མཇུག་ཏུ་འཁྲབ་སྟོན་པ་རེ་ཟུང་ལ་ཁེ་ཕན་རེ་རག་གི་ཡོད་ན་མ་གཏོགས།
བསམ་གླིང་ཚེ་རིང་ལྷ་མོ།
མཛེས་སྡུག་ལྡན་པའི་སྨུག་སྤྲིན་གྱིས་ལྷུན་སྟུག་རི་བོའི་སྤོ་ལ་འཁྱུད་པའི་མཛེས་ཞལ། ཤང་ཤང་གི་སྒྲ་དབྱངས་བར་མེད་སྒྲོག་པའི་ཆུ་ཕྲན་གྱི་རོལ་མོ། སྣུམ་འོད་ལྡན་པའི་མེ་ཏོག་ཕྲ་ཚོམ་གྱིས་རྒྱན་པའི་ནེའུ་གསེང་། གཡུ་ཡི་རལ་པ་སིག་པ་ལྟ་བུའི་ལྗོན་པའི་ལང་ཚོ། རེད་ཨང་། མཛེས་སྡུག་ལྡན་པའི་དབྱར་གྱི་དཔལ་མོ་དག་ངའི་མིག་གི་མདུན་ནས་ཕར་ཕར་བཞུད་སོང་ལ་ནི། ངས་ཁོང་ཚོའི་ལེགས་སྐྱེས་ལ་ཡིད་ཚིམ་པའི་ལོངས་སྤྱོད་བྱས་ཡོད་ཀྱང་། སེམས་བསམ་པའི་ནང་གི་སྙན་དངགས་ཀྱི་སྐྱེལ་མ་ཞིག་ཀྱང་བྱས་མེད།
ཨ་དམར་པོ།
སང་ཉིན་དང་གནངས་ཉིན་གྱི་ལམ་ཀར་སྤང་བླང་གི་བྱ་ར་བྱེད་དགོས་པ་བདེན། ཁ་རྩང་དང་ཁ་ཉིན་གྱི་ཤུལ་ལམ་ལ་དཔྱོད་ཤེས་གྱིས་བླང་དོར་བྱེད་དགོས་པའང་ལོ་རྒྱུས་ཀྱི་ཕྱིར་རྟོགས་ཡིན། ང་ལ་ཞོགས་ཟས་ཟ་བའི་གོམས་སྲོལ་མེད། མཚན་མོ་མི་སེམས་བག་ལྷོད་ལྷོད་དང་། ཁོར་ཡུག་ཁུ་སིམ་སིམ་ཡིན་པས་དཔེ་ཆ་རེར་བལྟས་ན་ཡག་པོ་ལྟ་ཐུབ་ཀྱིན་ཡོད། གློག་བརྙན་དང་ཁ་བརྡ། དྲ་རྒྱར་གཡེང་བའང་ངའི་མི་ཚེ་ཆ་ཤས་ཤིག་ཅི་ལ་མིན། དེར་བརྟེན་ཅི་བཤད་འདི་བཤད་དང་། ཅི་ལས་འདི་ལས་མེད་པར་གློག་སྒྲོན་ལ་སྐྱོན་མ་ཤོར་ན་རྣམ་རྒྱུན་མཚན་མོའི་དུས་ཚོད་དང་པོ་བར་ལུས་འགྲོ།
མཚམས་སྦྱོར་བ། བསྟན་འཛིན་ཤེས་རབ།
(ཡོང་ཁུངས། བོད་ནང་གི་སྐད་འཕྲིན་ཞིག་སྟེ་wechat༼བོད་ན་ཆུང་ཚོགས་པ༽ཞེས་པའི་གླེང་མོལ་ཚོགས་པ།)
བོད་ཕྱི་ནང་གི་མི་སྣ་རྩོད་ཉོག་ཅན་ཁག་ཅིག་གི་ལེགས་ཉེས་དང་ཕྱོགས་བསྡུས་ཆུ་ཚད།
འཇམ་དབྱངས་ནོར་བུ།
ལྟ་བ། ༼མི་རིགས་རང་ལུགས་པ༽
བོད་ཀྱི་རིག་གནས་ཆུ་ཚད།60 %
ཕྱིའི་རིག་གནས་ཆུ་ཚད།50%
རིགས་ཞེན། 100%
དེ་ལས་མང་བ་། “བོད་ཕྱི་ནང་གི་མི་སྣ་རྩོད་ཉོག་ཅན་ཁག་ཅིག་གི་ལེགས་ཉེས་དང་ཕྱོགས་བསྡུས་ཆུ་ཚད།” »
དེ་ལས་མང་བ་། “པཎ་ཆེན་རིན་པོ་ཆེ་དང་ཞིས་ཅིན་ཕིན་གྱི་ཕ་མ། པར།” »
སྤྲུལ་སྐུ་ཡེ་ཤེས་རྒྱ་མཚོ།
ནང་པ་སངས་རྒྱས་པའི་ལུགས་སྲོལ་ལ་བླ་མ་དེ་ཧ་ཅང་གལ་ཆེན་པོ་ཞིག་རེད། རྒྱུ་མཚན་ནི་སངས་རྒྱས་ཤྰཀྱ་ཐུབ་པ་དང་རྒྱ་གར་གྲུབ་ཆེན་བརྒྱད་ཅུ། བོད་ཀྱི་ས་སྐྱ་གོང་མ་རྣམ་ལྔ་དང་མར་མི་དྭགས་གསུམ་ལྟ་བུའི་སངས་རྒྱས་བྱང་སེམས་སུ་ཞིག་ཡིན་ཡང་དང་པོར་བླ་མའི་མདུན་ནས་ཆོས་མཉན་ཏེ་རྟོགས་པ་མཐོན་པོར་ཕེབས་པ་ཤ་སྟག་རེད། རང་ཉིད་མི་རིགས་པ་ཡག་པོ་ག་འདྲ་ཞིག་ཡིན་ན་ཡང་སྟོན་པ་སངས་རྒྱས་དང་རང་གི་བླ་མའི་བར་དུ་བརྒྱུད་པའི་ཆོས་ཤིག་ཉམས་སུ་བླངས་ན་མ་གཏོགས་རྒྱུད་ལ་རྟོགས་པ་ཁྱད་པར་ཅན་སྐྱེ་མི་ཐུབ།
ཀླུ་སྨྱོན།
ཚང་མས་མཁྱེན་གསལ་ལྟར་མཁས་དབང་དགེ་འདུན་ཆོས་འཕེལ་ནི་མི་ཚེ་གང་བོར་རྒྱལ་ཁམས་པ་སྤྲང་པོ་ཞིག་ཏུ་བཞུགས་པ་རེད། དེ་ནི་ཁོང་དཔལ་འབྱོར་འཚོལ་སྒྲུབ་ལ་མགོ་རྨོངས་ནས་སྤྲང་པོར་ལུས་པ་ཞིག་ཕལ་ཆེར་རེད་མི་འདུག ཁོང་དང་ཁོང་གི་རིགས་སུ་གཏོགས་པའི་བོད་ཀྱི་མཁས་པ་མང་ཆེ་བའི་སྐུ་ཚེའི་ལོ་རྒྱུས་བསྔོགས་ན་སྤྲང་པོའི་རྐང་ལམ་ཕྲ་མོ་རེ་རེ་རྙེད་ཡོང་། འོན་ཀྱང་། དགེ་འདུན་ཆོས་འཕེལ་གྱིས་ཁོང་གི་གྲོགས་པོ་ཨ་མདོ་སྣང་ར་དགེ་འདུན་བཟོད་པར་ཕྱུག་འགྱུར་གྱི་མན་ངག་ཅིག་གསུངས་འདུག་ཅིང་།
གཅོད་པ་སྐྱབས།
དུས་ཚོད་ནི་རིག་གནས་གསར་བརྗེའི་སྐབས་རེད། དགེ་བཤེས་ལགས་དགོན་པ་ནས་སྡོད་མ་བཅུག་པར་ཁྱིམ་དུ་ལོག་ཡོད། ཁྱིམ་དུ་དགེ་བཤེས་ལགས་ཀྱི་ཇོ་ཇོ་དང་། ཇོ་ཇོའི་ཆུང་མ། ཇོ་ཇོའི་བུ་དང་བུའི་མནའ་མ་བཅས་ཡོད་ཟེར། ཇོ་ཇོ་བཟའ་མི་གཉིས་ཡུལ་གཞན་ཞིག་ཏུ་གཉེན་ཉེར་ཐུག་འཕྲད་བྱེད་དུ་ཕྱིན། ཇོ་ཇོའི་བུ་ཡང་ཡུལ་གཞན་ཞིག་ཏུ་ཁྱིམ་ལས་བྱེད་དུ་ཕྱིན། ཤུལ་དུ་ལྷག་པ་ནི་དགེ་བཤེས་ལགས་དང་མནའ་མ་གཉིས་རེད།
སེར་ཤུལ་རིན་ཆེན་དོན་གྲུབ།
དུས་རབས་འདི་ནི་ཆ་འཕྲིན་དང་འཕྲུལ་ལས་ཀྱི་དུས་རབས་ཤིག་ཏུ་འགྱུར་བཞིན་ཡོད། ཉིན་རེ་ནས་ཉིན་རེར་འགྱུར་བཞིན་ཡོད། དེ་ནི་དུས་རབས་ཀྱི་འགྱུར་བ་ཞིག་དང་། འགོག་མེད་ཀྱི་བསམ་བློའི་འགྱུར་བ་ཞིག་ཀྱང་རེད། སྐྱེ་བོ་སྒེར་གྱི་འདོད་མོས་ཡོད་མེད་ལ་མ་བལྟོས་པར་དུས་རབས་རང་བཞིན་གྱི་འགྱུར་བ་འདི་ནི་མུ་ནས་མུ་མཐུད་འགྱུར་ངེས་ཡིན་ལ། ང་ཚོ་ཀྱང་འགྱུར་བ་འདི་དག་དང་བསྟུན་ནས་འགྲོ་དགོས་པ་ལས་གནའ་བོའི་དུས་རབས་ལ་ཕྱིར་བཀྱེད་བྱེད་ས་གཏན་ནས་མེད། གལ་སྲིད་ཡོད་པའི་དབང་དུ་བཏང་ཡང་དེ་ནི་རང་ཉིད་ཀྱིས་རང་ཉིད་ལ་སྒོ་ལྕགས་བརྒྱབས་པ་དང་གཅིག་མཚུངས་རེད།
དེ་ལས་མང་བ་། “ཨ་རིའི་བོད་སྐད་རླུང་འཕྲིན་ཁང་གི་དྲ་བརྙན་གླེང་མོལ་འཚོ་བའི་ཉེ་འཁྲིས་སུ་བབ་པ།” »
འོས་སྦྱོར་བ། རྒྱང་མིག གཞན་རྣམས་འདི་ནས་གཟིགས།http://blog.amdotibet.cn/rexi/archives/96801.aspx
བཀྲ་ཤིས་དོན་འགྲུབ།
(ལས་ལ་བསྐོས་པ།)
གཡུ་འབྲུག་ཚན་སྡེབ།
གཟུགས་ལ་འཛིན་རྒྱུ་མེད་པ།།
ཨ་སྔོན་དབྱིངས་ཀྱི་འཇའ་ཚོན།།
སྡུག་ལ་དྭངས་རྒྱུ་མེད་པ།།
ཕ་ཡུལ་དྲན་པའི་གདུང་བ།།
དེ་ལས་མང་བ་། “༼ལས་ལ་བསྐོས་པ།༽ཞེས་པའི་གཞས་ཚིག་འོས་སྦྱོར་དང་འབྲེལ་ནས་དབང་མེད་དུ་ཤོར་བའི་སྐད་ཆ་འགའ།” »
རིག་འཛིན་ལྷུན་གྲུབ།
ང་ཚོ་ནི་བསླབ་བྱའི་ཕྱུག་ཅིང། སློབ་གསོའི་དབུལ་བའི་མི་རིགས་ཤིག་རེད། ང་ཚོས་བསམ་མི་ཕོད་པ་དང་། བཤད་མི་ཕོད་པ་དང་། སྒྲུབ་མི་ཕོད་པ་ནི་བསླབ་བྱའི་འཇུག་འབྲས་དང། གཞན་བརྟེན་གཤིས་ངན་དང་། རང་ཚུགས་མི་ཐུབ་པ་དང་། བསྟུན་གང་མཁས་བྱེད་པ་ནི་སློབ་གསོའི་ལན་པ་རེད། བསླབ་བྱ་རྒྱག་དགོས། བསླབ་བྱ་བྱོས། བསླབ་བྱ་ཉན་དགོས་ཞེས་ཀུན་གྱི་ངག་ལ་འཇགས་ཤིང། ཞེ་བསམ་པའི་གཏིང་ནས་ཀྱང་མི་ཚེའི་འགྲོ་ལུགས་སྐྱོང་སྐབས། བསླབ་བྱ་ནི་མེད་ཐབས་མེད་པ་ཞིག་ཏུ་འདོད། ང་ཚོ་ནི་བསླབ་བྱ་བརྒྱབ་རྒྱུར་དགའ་ཞིང་བསླབ་བྱ་ཉན་རྒྱུར་དེ་བས་མོས།
བོད་འབྱོར། རོང་བོ་དགེ་འདུན་ལྷུན་གྲུབ།
༼གཏམ་བཤད་རྩོམ་ཡིག་འདི་ནི་ཁུངས་ཀྲུང་གོའི་རྩོམ་པ་པོའི་མཐུན་ཚོགས་ཀྱིས་གོ་སྒྲིག་འོག་ཀན་ལྷོ་གཙོས་ནས་མི་རིགས་རྩོམ་རིག་དང་འབྲེལ་བའི་ཚོགས་འདུའི་ཐོག་རྩོམ་པ་པོ་རོང་བོ་དགེ་འདུན་ལྷུན་གྲུབ་བམ་ལྷམ་ཀོག་ལགས་ཀྱིས་གཏམ་བཤད་གནང་བ་ཞིག་རེད།༽
འདིར་མཁས་པ་དང་ལོ་ཙཱ་བ་རྩོམ་པ་པོ་དག་དབུས་པའི་ཆེད་ལས་ཀྱི་མི་སྣ་དག་དང་ལྷན་ཅིག་ཏུ་འདུ་འཛོམས་བྱུང་བས་དགའ། སྐབས་ཀྱི་གླེང་བྱ་ནི་མི་རིགས་ཀྱི་རྩོམ་རིག་དང་འབྲེལ་ནས་ལོ་ཙཱའི་སྐོར་ཡིན་ཙང་། ཕྲན་ནི་སྐད་གཉིས་སྨྲ་བའི་གྲས་ལ་མི་དབང་ཡང་།
དེ་ལས་མང་བ་། “རྩོམ་པ་པོ་རོང་བོ་དགེ་འདུན་ལྷུན་གྲུབ་ལགས་ཀྱི་གཏམ་བཤད།” »
རྨུ༜བློ་བཟང་།
དྲྭ་གྲོགས་ལྷན་རྒྱས་ལ་འཚམ་འདྲི་ཞུ། ཉེ་སྔོན་བསམ་བློ་གོ་རྟོགས་དམན་ཡང་ཞན་ས་ནས་སྡོད་མ་བཟོད་པར་འཆི་ལམ་དུ་མི་འདེད་པའི་ཞུ་ཚིག་འགོ་འཇུག་མི་མཚུངས་པ་བྲིས་ཡིན། དེང་ཡང་མཁྱེན་དཔྱོད་ཡངས་པའི་རྒྱ་ཆེ་ཀློག་པ་པོ་རྣམས་དང་ཁྱད་པར་བསམ་ཚུལ་འདོན་པ་པོ་དག་ལ་སྙིང་ནས་དགའ་བསུ་ཡོད་ཅིང་ཚང་མ་ལ་བཀྲ་ཤིས་བདེ་ལེགས་ཀྱི་ཕྱྭ་གཡང་འབོད་ཅིང་ཐུགས་རྗེས་ལེགས་འབུལ་ཡོད།
འདི་ལྟར་གཏམ་དཔེ་ལ་བྲེ་སེར་འབྲོང་གི་རྭ་བར་དང་། དམར་ཡག་སྟག་གི་མཆེ་བར་ཞེས་པ་བཞིན།
དེ་ལས་མང་བ་། “ཐ་ན་སྨན་ཁང་ཆུང་ངུ་ཚུན་ཆད་ཀྱི་ཟིན་ཐོ་དབྱིན་ཡིག་བེད་སྤྱོད་བཏང་འདུག” »