རིགས་སློབ་བློ་སྦྱིན།

མི་རིགས་ཤིག་གི་རང་དབང་འཐབ་རྩོད་ལ་གྲུབ་འབྲས་ཤིག་ཐོན་དགོས་ན་དེ་ནི་ཞུགས་མ་ཐག་ནས་མི་རིགས་དེའི་ཁྱོན་ཡོངས་ཀྱི་སློབ་སྦྱོང་གི་ཆུ་ཚད་དང་ཆིག་སྒྲིལ་གྱི་སྟོབས་ཤུགས་འཐབ་རྩོད་ཀྱི་ཁ་ཕྱོགས་གནད་དུ་འཁེལ་མིན་དང་དུས་དང་འཚམས་མིན་བཅས་ལ་རག་ལས་པ་ཞིག་རེད།
དེ་ལ་སྔར་ཡིན་ན་རང་ཉིད་ཀྱི་མིང་ཡིག་ཐོག་ཏུ་འབྲི་མི་ཤེས་ཀྱང་ལོ་མང་རིང་ལྷག་བསམ་དང་བྱ་བའི་ཉམས་མྱོང་གིས་ཕྱུག་པའི་སྤྱི་འཐུས་གང་ཅིའི་ཐད་འགན་ཁུར་ཅན་མང་དག་ཅིག་ཡོད་པ་མིག་མཐོང་ལག་ཟིན་ཞིག་རང་རེའི་སྤྱི་ཚོགས་ནང་བྱུང་མྱོང་ཞིང་།

དེ་ལས་མང་བ་། “མདོ་སྨད་སྤྱི་འཐུས་འོས་མི། སྤྲོ་ཚིགས་ཆོས་གྲགས་ལགས།” »

ཐེ་བོ་ཤེས་རབ་རྒྱ་མཚོ།

ཕྲན་ནི་སྤྲོ་ཚིགས་ཆོས་གྲགས་ལགས་མདོ་སྨད་སྤྱི་འཐུས་སུ་འོས་སྦྱོར་དང་རྒྱབ་སྐྱོར་བྱེད་མཁན་གྲས་ཤིག་ཡིན། འོན་ཀྱང་ང་ཁོང་གི་ཕ་ཡུལ་གཅིག་པ་དེ་འདྲ་མིན་ལ། ང་ཚོ་འོས་སྦྱོར་བྱེད་མཁན་གྲས་སུ་ཁོང་གི་ཕ་ཡུལ་གཅིག་པ་རེ་གཉིས་ལས་མེད། ངས་ཁོང་ལ་རྒྱབ་སྐྱོར་བྱེད་དོན་ནི་ཤེས་འཇོན་ལྷག་བསམ་གང་ཅིའི་ཆ་ནས་ཁོང་ལྟ་བུ་མདོ་སྨད་སྤྱི་འཐུས་སུ་སླེབས་ན་བོད་མི་རིགས་དང་མདོ་སྨད་མི་དམངས་ལ་ཁ་ཡོད་ལག་ཡོད་ཀྱིས་ཕན་ཐོགས་ས་རེེད་བསམ་པ་ཡིན། གཤམ་དུ་ངས་ཁོང་ལ་རྒྱབ་སྐྱོར་བྱེད་དགོས་པའི་རྒྱུ་མཚན་གཙོ་བོ་ཁག་འགའ་གླེང་རྒྱུ་ཡིན།

དེ་ལས་མང་བ་། “སྤྲོ་ཚིགས་ཆོས་གྲགས་ལགས་ཀྱི་ཁྱད་ཆོས་གཙོ་བོ་ཁག་དགུ།” »

ཚེ་རིང་ལོ་བརྒྱ།

ང་ཤར་ཕྱོགས་ཁུག་རྟར་རྒྱབ་སྐྱོར་བྱེད་མཁན་ཞིག་ཡིན། དེ་རིང་སྤྲོ་ཚིགས་ཆོས་གྲགས་ལགས་ལའང་རྒྱབ་སྐྱོར་པ་མི་དྲུག་གིས་ངོ་སྤྲོད་བྱས་འདུག་པ་བཞིན། ངས་དེར་ཆ་འཇོག་གིས་ཤར་ཕྱོགས་ཁུག་རྟ་དང་བཤིབ་བསྡུར་བྱེད་འདོད་བྱུང། དེ་ནི་ངས་ཅི་ཙམ་དོ་ནན་ཞིབ་ཚགས་ཀྱིས་སྤྱི་འཐུས་ཀྱི་གལ་ཆེའི་རང་བཞིན་ལ་བསམ་བློ་བཏང་བ་མཚོན་ཞིང། ལྷག་པར་ད་ལྟའི་ཛ་དྲག་གི་གནས་བབ་དང་མཐུན་པར་ཤུགས་བསྐྱོན་ཐུབ་མཁན་ཞིག་དང། ཤུགས་བསྐྱོན་ཤེས་མཁན་ཞིག དེ་བཞིན་ཤུགས་བསྐྱོན་རྒྱུར་བློ་ཁོག་ཡོད་པ་ཞིག་བཅས་ཡོང་ཆེད་འགན་ཁུར་བླངས་པ་རྒྱ་ཆེའི་མདོ་སྨད་མི་མང་ལ་གསལ་པོར་བསྟན་ཐུབ་པ་བྱ་རྒྱུ་དེ་ཡིན།

དེ་ལས་མང་བ་། “ཤར་ཕྱོགས་ཁུག་རྟ་དང་སྤྲོ་ཚིགས་ཆོས་གྲགས་བཤིབ་བསྡུར།” »

འོས་སྦྱོར་བ། ཕུན་ཚོགས་དངོས་གྲུབ།

དེ་ཡང་བསྟན་པ་འདི་ལ་སྟོན་པ་གཉིས་པའི་མཛད་པ་བདག་གིར་བཞེས་པ། མང་བཀུར་གྱི་སློབ་དཔོན་ཆེན་པོ། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་བྱང་ཆུབ་ལམ་གྱི་རིམ་པ་འཁྲིད་ཆེན་བཅོ་བརྒྱད་ལས་ལམ་རིམ་ཆེ་འབྲིང་ཆུང་གསུམ་སོགས་ན་ནིང་བཀའ་ཁྲིད་སྩལ་གྲུབ་པ་རྣམས་ཕུད་ལྷག་འཕྲོས་རྣམས་ཉིན་ཤས་རྗེས་སུ་རྒྱ་གར་ལྷོ་ཕྱོགས་སེ་ར་ཐེག་ཆེན་གླིང་དུ་གནང་རྒྱུ་ཐུགས་གཏན་འཁེལ་ཡོད་པ་ལྟར། སྟོང་སྐོར་བློ་བཟང་དབང་ལྡན་ལགས་ཀྱིས་སྐུ་ངལ་འཛེམས་མེད་ཀྱི་སྒོ་ནས་ལམ་རིམ་ཁྲིད་ཡིག་ཆ་ཚང་འཕྲུལ་དེབ་ཏུ་བསྒྲིགས་ནས་རིན་མེད་ཐོག་ཕབ་ལེན་བྱེད་ཆོག་པ་བཟོས་འདུག་ལ། འཕྲུལ་དེབ་རྣམས་ཀྱང་ཧ་ཅང་སྤུས་ལེགས་འདུག

དེ་ལས་མང་བ་། “ལམ་རིམ་ཁྲིད་ཆེན་བཅོ་བརྒྱད་འཕྲུལ་དེབ་ཏུ་བསྒྲིགས་འདུག” »

སྒྲོལ་དཀར་ཚེ་སྐྱིད།

ཅོག་ཙེ།
གྲུ་བཞི། སྒོར་སྒོར།
ཆུང་ཆུང་། ཆེན་པོ།
དབྱིབས་གཟུགས་མི་འདྲ་བའི་ཅོག་ཙེ།

ཅོག་ཙེ།
ཐབ་ཚང་གི་ཅོག་ཙེ།

དེ་ལས་མང་བ་། “ཅོག་ཙེ།” »

ཁང་སྨིན་གྲོལ་རྒྱ་མཚོ།

སྔར་ལོ་སྟེ་༢༠༡༢ གནས་མཆོག་རྡོ་རྗེ་གདན་ལ་མཇལ་སྐོར་དང་སྦྲགས་༸གོང་ས་མཆོག་གི་བཀའ་ཆོས་ཞུ་བར་བཅར་བ་ཡིན། སྐབས་དེའི་གནམ་གཤིས་ནི་དགུན་དུས་རྒྱ་གར་བྱང་ཤར་གྱི་རྒྱུན་ལྡན་གནམ་གཤིས་ཏེ་ཉིན་གང་འཐིབ་ནས་ཡོད་པ་ཞིག་རེད། མགྲོན་ཁང་དུ་འབྱོར་རྗེས། གཟུགས་པོ་འཁྲུད་པ་སོགས་གཙང་སྦྲ་ལེགས་པར་གྲུབ་རྗེས་སློབ་གྲོགས་ཤིག་ཡོད་པ་སྒུག་ཞོར་སྡོད་གནས་མགྲོན་ཁང་གི་བར་ཁྱམས་ནས་མདུན་ཕྱོགས་ཀྱི་ལམ་ཆུང་དེ་ནས་ཡར་མར་སྡོད་གནས་འཚོལ་ཕྱིར་བྲེལ་ནས་ཡོད་པའི་མི་ཚོགས་ལ་མིག་ཅེར་ནས་བསྡད།

དེ་ལས་མང་བ་། “ངས་ཆོས་རྒྱམ་དྲུང་པ་ངོ་ཤེས་པའི་བརྒྱུད་རིམ།” »

རྫ་ཚེ་རིང་བཀྲ་ཤིས།

ལྗགས་ནག་པ་འདི་དགེ་རྒན་ཞིག་རེད་འདུག ཁོང་ལ་ནང་ཆོས་ཀྱི་ཤེས་རྟོགས་དང་ཤ་ཞེན་ཡོད་པ་ནི་ཁོང་གི་བཤད་པ་ལྟར་ཡིན་རྒྱུ་རེད། དེ་ལ་ཡིད་ཆེས་ཡོད། འོན་ཀྱང་། ཐབས་ལམ་གྱི་ཆ་ནས་ངེས་པར་ང་ཚོས་ཕྱིར་རྟོག་དགོས་པ་དག་ཡོད་དེ། གོང་དུ་ཁྱེད་ཀྱིས་དྲངས་པའི་སློབ་ཚན་དག་ཞིབ་ཏུ་བཤད་ན་ཆོས་ལུགས་པའི་ཞན་ཆ་ཙམ་གླེང་པ་ཡིན་སྲིད་མོད། འབྲོག་ཁུལ་ནས་ཡོང་མཁན་གྱི་ལས་དང་པོ་པ་ཞིག་ལ་འདི་དག་འཁྲིད་པ་ནི་ཡང་ན་ཁོང་ཚོའི་ཀླད་པ་གཟེར་སྤྱད་ཅིག་དང་། ཡང་ན་ཁོང་ཚོའི་ཀླད་པ་འགྱུར་སྤྱད་ཅིག་ཡིན་པ་རེད།

དེ་ལས་མང་བ་། “སེམས་གཏམ་རྟ་རིན་མ།（ལྗཊ་ནག་ཟིན་ལན)” »

ནག་ཆུ་ཀུན་དགའ།

ཁ་ཅིག་ཁ་དེ་བུ་རམ་ཁ།།
ཁ་ཅིག་ཁ་དེ་ཏིག་ཏ་ཁ།།
ཁ་ཅིག་ཁ་དེ་ལེགས་བཤད་ཁ།།
ཁ་ཅིག་ཁ་དེ་ཉེས་བཤད་ཁ།།
ཁ་ཅིག་ཁ་དེ་བདེན་པའི་ཁ།།
ཁ་ཅིག་ཁ་དེ་བསླུ་བྲིད་ཁ།།

དེ་ལས་མང་བ་། “ཁ།” »

རྟེན་འབྱུང་།

མི་ཁག་ཅིག་གིས་རང་ཉིད་ལ་མིང་ཚབ་བརྗིད་པོ་རེ་བཏགས་ནས་དྲྭ་ཐོག་གང་ཚར་རྒྱུ་མཚན་ཅུང་ཙམ་ཡང་མེད་པར་རང་རེའི་གཞུང་ལ་གཞི་མེད་སྐྱོན་བརྗོད་བྱེད་མཁན་དེ་དག་ནི་ཡང་ན་ཀུན་སློང་མ་དག་པའམ་ཡང་ན་ཤེས་ཡོན་གྱི་མིག་གཉིས་ལོང་ཡོད་པ་གསལ་བོ་རེད། ཁོང་ཚོ་ཁག་ཅིག་གིས་གཞིས་བྱེས་གཉིས་ཀྱི་ཤེས་ཡོན་སློབ་སྦྱོང་དང་། རྒྱ་གཞུང་ལ་ངོ་རྒོལ་གྱི་སེམས་ཤུགས། རང་བསྲེགས་ངོ་རྒོལ་སོགས་ལ་མཚུངས་བསྡུར་གྱིས་བོད་ནང་ལས་བཙལ་བྱོལ་བ་ཚོས་གང་ཅིའི་ཐད་ནས་འབྱོན་གྱི་མེད་པ་དང་། ལྷག་ཏུ་བཙན་བྱོལ་བའི་དབུ་ཁྲིད་དང་ལས་བྱེད་ཁག་ལའང་སྐྱོན་བརྗོད་ཤུགས་ཆེར་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས།

དེ་ལས་མང་བ་། “བཙན་བྱོལ་བོད་མིའི་སྒྲིག་འཛུགས་དང་དབུ་ཁྲིད་ལས་བྱེད་ཁག་ལ་སྐྱོན་བརྗོད་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས།” »

ཐེ་བོ་སངས་རྒྱས།

སྤྱིར་ཀུ་ཤུ་རྟགས་ཅན་གྱི་ཁ་པར་ཟེར་དུས་མི་མང་ཆེ་བའི་སེམས་སུ་གོང་ཆེན་ཞིག་ཡིན་སྣང་ཤར་མོད། དེར་རྒྱུ་མཚན་ཡོད། ལ་ལས་དེ་ཉོ་སྤྱད་ལ་རང་ཉིད་ཀྱི་ཁྲག་དང་མཁལ་མ་བཙོང་བའང་གོ་རྒྱུ་འདུག ཁྱེད་ཚོས་སྒྱུ་རྩལ་བ་མིང་དུ་གྲགས་པ་སྐུ་ཞབས་སི་ཐྲར་ཐྲི་ཧུ་གྷེ་སིས་ Stuart Hughes, དབྱིན་ཡུལ་གྱི་ལི་ཝེར་ཕོལ་ Liverpool, UK, ནས། སོ་སོའི་ལག་རྩལ་གྱིས་འདོད་པ་ལྟར་གསེར་ནག་གི་ཕྲ་ཀོང་ལ་སྣ་ཚོགས་ནོར་བུ་བཀོད་པ་ཅན་ཀུ་ཤུ་

དེ་ལས་མང་བ་། “གསེར་གྱི་ཀུ་ཤུའི་ཁ་པར།” »

སྐལ་བཟང་རྒྱ་མཚོ།

ཉིན་ཤས་སྔོན་རྒྱ་གར་གྱི་གློག་བརྙན་འཁྲབ་སྟོན་པ་གྲགས་ཅན་ཨ་མེར་ཁན་ལགས་ཀྱིས་གཙོ་གཉེར་བྱས་པའི་བདེན་པ་ཉིད་རྒྱལ་གྱུར་ཅིག་ satyam era jayate ཅེས་པའི་རྒྱ་གར་སྤྱི་ཚོགས་ཁྲོད་ཀྱི་གཟའ་འཁོན་དང་། བུད་མེད་ཀྱི་ཐོབ་ཐང་། ཕྲུག་གུ་མོ་དམར་གསོད་བྱེད་པ་སོགས་ཀྱི་ཐད་དཀའ་ངལ་དངོས་སུ་བརྒྱུད་མྱོང་བའི་མི་རྣམས་དང་བགྲོ་གླེང་རང་བཞིན་གྱི་འདུ་ཚོགས་ཆེན་པོ་ཞིག་བསྐངས་ཡོད་པ་དྲ་ལམ་བརྒྱུད་མཐོང་བ་ན།

དེ་ལས་མང་བ་། “ཡ་མུ་ནའི་གཙང་འགྲམ་ནས་རྙེད་པའི་བླ་མེད་ཀྱི་ཞབས་རྗེས།” »

ཁྲི་རལ་པ།

འཛམ་གླིང་ས་ཕྱོགས་གང་དུའང་རྒྱལ་ཁབ་དང་རིག་གཞུང་གང་ལ་ཆག་འཇིག་ཆེན་པོ་བྱུང་བ་དང་། ཆབ་སྲིད་དང་དམག་འཁྲུག་གི་དུས་འགྱུར་ལྟ་བུ་དམིགས་བསལ་གྱི་དུས་སྐབས་སུ་སྐྱེས་འཚར་གྱིས་གནས་ཚུལ་བྱུང་བ་ཁག་དངོས་མྱོང་ཡོད་པ། མི་སྣ་དཀྱུས་མ་དང་ཡང་ན་འཕོ་འགྱུར་དེ་ཚོར་ཁ་གཏད་བྱས་ཏེ་སྡུག་བསྔལ་དྲག་གནོན་མྱོང་མཁན་གྱི་མི་སྣ། གཞན་འགྱུར་བ་དེར་སྣེ་ཁྲིད་དང་ལེན་བྱེད་པའི་མི་སྣ་སུ་འདྲ་ཅིག་ཡིན་ན། འཁྱོག་བརྗོད་སྤངས་ཏེ་ཁོང་ཚོའི་མི་ཚེའི་ལོ་རྒྱུས་ཕྱི་རབས་པར་འཇོག་རྒྱུ་ཧ་ཅང་གལ་ཆེན་དུ་མཐོང་གི་ཡོད་པས།

དེ་ལས་མང་བ་། “བོད་མི་འགའི་མི་ཚེའི་ལོ་རྒྱུས་ཀྱི་གལ་གནད།” »

བློ་གྲོས་རབ་བརྟན།

ཁོམ་པ་རེ་བྱུང་ན། ངས་བོད་ཡིག་གི་དྲ་ལམ་ཉུལ་་་གྱིན་ཡོད། ང་དགའ་སའི་དྲ་བ་ནི་༼བོད་ཀྱི་དུས་བབ༽ དང་༼ཁ་བརྡ༽ དྲ་བ་ཡིན། གཟའ་ཉི་མ་ཞིག་ལ་༼ཁ་བརྡ༽དྲ་བ་ཉུལ་དུས་དབྱིན་ཡུལ་ནས་སྤྱི་མཐུས་ཚོགས་གཙོ་དང་ས་དེའི་བོད་མི་སྐོར་ཞིག་དང་མཉམ་དུ་འདྲི་བ་དྲིས་ལན་གྱི་འགུལ་བརྙན་ཞིག་ལ་བལྟས། ཚོགས་གཙོའི་ལན་འདེབས་དག་གནད་ལ་འཁེལ་ཞིང་དོན་དངོས་ལ་ཕྱོགས་པའི་ཆ་མང་བོ་འདུག་བསམ་བྱུང་།

དྲི་བ་ཁ་ཤས་ཀྱི་རྗེས་སུ། རྒན་པོ་ཞྭ་མོ་ཁྲ་ཁྲ་ཅན་ཞིག་ལངས་ཏེ་ཚོགས་གཙོར་བསམ་ཚུལ་བཤད་སོང་།

དེ་ལས་མང་བ་། “ང་ལ་ཨ་སྒོར་ས་ཡ་གཅིག་དགོས་ཡོད།” »

ནམ་མཁའ།

བོད་ཀྱི་དུས་བབ་གསར་ཁང་གིས་བཙན་བྱོལ་བོད་མའི་གྲོས་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་ལ་བཅར་འདྲི་ཞིག་བྱས་བ་བོད་ཀྱི་དུས་བབ་ཐོག་བཀོད་འདུག བཅར་འདྲི་དེ་ནི་ལོ་འདིའི་སྤྱི་ཟླ་༡༠ བའི་ཚེས༡༠ ཉིན་སྐབས་༡༥ གྲོས་ཚོགས་ལྷན་ཚོགས་ཐེངས་དྲུག་པའི་མཇུག་སྒྲིལ་ཉིན་མོ་རེད།

སྤྱིར་དྲི་བ་བརྒྱད་འདུག་ལ། དྲི་བ་བརྒྱད་ཀྱི་ནང་ཚན་དྲི་བ་དྲུག་པའི་ལན་འདེབས་སྐབས་སུ། ཚོགས་གཙོ་མཆོག་གིས་གོ་སྐབས་དང་བསྟུན་ཏེ་བཀའ་ཤག་ལ་འབོད་སྐུལ་ཤུགས་ཆེན་ཞིག་གནང་འདུག་པས།

དེ་ལས་མང་བ་། “གྲོས་ཚོགས་ཀྱིས་བཀའ་ཤག་ལ་འབོད་སྐུལ།” »