བདེ་ཆེན་སྒྲོལ་མ།

དེ་རིང་ངེད་ཀྱིས་དྲ་གྲོགས་ཚོར་ཏུན་ཧོང་སྨོན་ལམ་ཡིག་རྙིང་མཆན་འགྲེལ་སྐོར་གྱི་དེབ་ཐེར་རྩ་ཆེན་ཞིག་ངོ་སྤྲོད་བྱེད།

དེབ་ཐེར་འདི་བརྒྱུད་ནས་ང་ཚོས་བོད་བཙན་པོའི་སྐབས་ཀྱི་བོད་ཀྱི་ནང་པ་སངས་རྒྱས་པའི་ཆོས་ལུགས་ཀྱི་གནས་ཚུལ་དངོས་དང༌། སྐབས་དེའི་བོད་དང་རྒྱ། བོད་དང་དྲུ་གུ བོད་དང་འཇང་བཅས་ཀྱི་ཆབ་སྲིད་ཀྱི་འབྲེལ་བའི་སྐོར་ལ་ཡང་ངེས་ཤེས་གསར་བ་རེ་འདྲོངས་ཐུབ་པར་བདག་འདོད་དོ།།

དེབ་ཐེར་འདི་ཉིད་ཀྱི་རྩོམ་པ་པོ་ནི་ན་གཞོན་བོད་རིག་པ་ཞིབ་འཇུག་མཁས་པ་དགེ་འདུན་རབ་གསལ་ལགས་རེད་ལ། དེབ་ཐེར་འདི་ཉིད་ཀྱི་མིང་ཆ་ཚང་ལ་ཏུན་ཧོང་ཡིག་རྙིང་ལས་བྱུང་བའི་བོད་ཀྱི་གནའ་རབས་སྨོན་ལམ་དང་དེའི་མཆན་འགྲེལ་ཟེར། དེབ་ཐེར་འདི་ནི་རྩོམ་པ་པོས་ཕྱི་ལོ༡༩༩༥ལོར་ཝཱཎ་བོད་ཀྱི་གཙུག་ལག་སློབ་གཉེར་ཁང་གི་ཞིབ་འཇུག་སྡེ་ཚན་ཁོངས་བོད་ཀྱི་རྩོམ་རིག་ལོ་རྒྱུས་ལ་ཉམས་ཞིབ་བྱེད་སྐབས་ལས་ཞོར་དུ་བརྩམས་གྲུབ་པ་ཞིག་དང༌། ལོ་དེའི་ཟླ་༧པའི་ནང་ལྡི་ལི་བོད་ཁང་ནས་དཔར་སྐྲུན་གྱིས་འགྲེམས་སྤེལ་གནང་འདུག

ད་ཡོད་བོད་ཀྱི་ཏུན་ཧོང་ཡིག་རྙིང་ཞིབ་འཇུག་གི་གྲུབ་འབྲས་ལ་ཕྱི་མིག་ཐེངས་གཅིག་བལྟས་ན། ཞིབ་འཇུག་གི་རྣམ་གྲངས་མང་ཤོས་ནི་བོད་ཀྱི་རྒྱལ་རབས་ལོ་རྒྱུས་ཀྱི་སྐོར་ཡིན་པ་ལས། ཏུན་ཧོང་ཡིག་རྙིང་ནང་གི་ཆོས་ལུགས་ཀྱི་གནས་བབ་སྐོར་ལ་དམིགས་སུ་བཀར་ནས་ཞིབ་འཇུག་གནང་འདུག་པ་ནི་མཁས་དབང་རབ་གསལ་ལགས་ཐོག་མར་སྣང༌། འདི་ནི་བོད་ཀྱི་གནའ་རབས་ལོ་རྒྱུས་ལ་ཁ་སྐོང་གི་ནུས་པ་ཐོན་པའི་དེབ་ཐེར་རྩ་ཆེན་ཞིག་ཀྱང་རེད། ངེད་ཀྱིས་དེབ་ཐེར་འདི་ཉིད་དྲ་གྲོགས་ཚོར་ངོ་སྤྲོད་བྱེད་འདོད་པའི་རྒྱུ་མཚན་ཡང་འདི་རང་ཡིན།

དེ་ལས་མང་བ་། “ཏུན་ཧོང་སྨོན་ལམ་ཡིག་རྙིང་མཆན་འགྲེལ་གྱི་དེབ་ཐེར་ཞིག” »

བཅར་འདྲི། ༼ནོར་འོད༽་དུས་དེབ།
དྲིས་ལན་འདེབས་མཁན། དགེ་འདུན་རབ་གསལ།

༼གསལ་བཤད། བཅར་འདྲི་འདི་བཞིན་ཕྱི་ལོ་ ༢༠༠༡ ལོར་ཞུས་པ་ཞིག་ཡིན། འདིར་མ་ཕྱི་སོར་འཇོག་གིས་བཀོད་ཡོད།༽

དྲི་བ། ཁྱེད་རང་ནས་སློབ་གཉེར་གནང་བའི་ལོ་རྒྱུས་ཁ་གསལ་ཞིག་གསུང་གནང་ཡོང་བ་དང༌། ཁྱད་པར་དུ་དམིགས་བསལ་བའི་ཆེད་སྦྱོང་འདྲ་བོ་ག་རེ་གནང་ཡོད་མེད་སྐོར་གསུངས་གནང་ཡོང་བ།

ལན། ངེད་ཀྱིས་སློབ་ཆུང་དང་སློབ་འབྲིང་གི་ནང་ལོ་ངོ་གཉིས་ཙམ་འགྲིམ་མྱོང་ཁར། དགོན་པར་ཞུགས་ཏེ་དབུ་ཕར་རྣམ་འགྲེལ་གྱི་སློབ་གཉེར་དང་འབྲེལ་སྙན་ངག་དང་སུམ་ཅུ་བ། རྟགས་འཇུག་སོགས་ཀྱི་དཔྱད་ཁྲིད་དཔེར་བརྗོད་དང་བཅས་པ་རེ་སོང་ཞིང༌། སློབ་ཞོར་དུ་རྒྱལ་རབས་ལོ་རྒྱུས་དང་རྣམ་ཐར་སོགས་སྐབས་དེར་ལག་པར་གང་ཐོབ་རིགས་ལ་ལྟ་ཀློག་རྒྱ་ཆེ་ཙམ་བྱས་མྱོང༌། དམིགས་བསལ་ཆེད་སྦྱོང་གི་ཐད་ནས་ཀྱང་ནང་ཆོས་ལ་སློབ་གཉེར་བྱས་པ་དེ་ལས་གཞན་གང་ཡང་མེད།

དྲི་བ། ཁྱེད་རང་ལ་མཚོན་ན་བོད་ཀྱི་རིག་གཞུང་ལ་རྒྱུས་མངའ་ཆེ་བ་ཙམ་མ་ཟད། རིག་གཞུང་རྐྱང་བའི་ཕྱག་ལས་ལོ་མང་རིང་གནང་བའི་ཆ་ནས། ང་ཚོའི་བཤད་སྟངས་སམ་ངོས་འཛིན་གྱི་ནང་རིག་གཞུང་དང་གོམ་གཤིས་ཞེས་དེ་གཉིས་ཧ་ལམ་འབྲེལ་བ་མེད་པ་འདྲ་བོ་ཞིག་ཆགས་ཀྱིན་འདུག་ཐད་དགོངས་ཚུལ་ག་རེ་ཡོད་དམ།

ལན། རིག་གཞུང་ཞེས་པའི་ཚིག་འདིར་ད་བར་འགྲེལ་ཚུལ་སྣ་ཚོགས་ཤིག་ཡོང་བཞིན་འདུག་ལ། དམིགས་བསལ་ང་ཚོ་བཙན་བྱོལ་དུ་གྱར་རྗེས་བོད་ཕྱི་ནང་གཉིས་སུ་རང་སྐད་ལས་གཞན་པའི་ཁྱབ་ཆེ་བའི་སྐད་ཡིག་གཞན་གྱི་གནོད་ཤུགས་ཤིག་སླེབས་པ་དང་མཉམ་དུ། སྐད་ཡིག་གཞན་དེའི་མིང་ཚིག་རྒྱུགས་ཆེ་བ་འགའ་ཞིག་གི་སྐད་དོད་རང་སྐད་དུ་མཁས་པས་ཞིབ་འཇུག་སོགས་ཀྱི་དོན་དཔྱད་མིན་པར་ཕལ་བའི་གོ་ཚོད་དང་བསྡུར་ནས་འདི་འདྲ་ཞིག་ཨེ་ཡིན་སྙམ་པའི་མིང་དོན་ཞིག་ལ་སྤྱོད་མགོ་ཚུགས་པ་མ་ཟད་ལང་ཤོར་དུའང་སོང་ཡོད་པ་མང་ཙམ་སྣང་བ་དེའི་གྲས་སུ་རིག་གཞུང་ཞེས་པའི་ཚིག་འདི་ཡང་ཚུད་ཡོད་པར་སྣང༌། དེར་བརྟེན་མཁས་དབང་ཟམ་གདོང་རིན་པོ་ཆེས་འདི་ལ་ལེགས་བྱང་ཞེས་གསུངས་བཞིན་ཡོད། ལེགས་བྱང་ཞེས་པ་འདི་ནི་གོམས་གཤིས་དང་གོ་དོན་ཆེས་ཉེ་བར་གྱུར་ཡོད། བོད་སྐད་རང་ངོས་ནས་བསམ་ཚེ་རིག་གཞུང་ནི་རིག་པའི་གཞུང་ལུགས་ཀྱི་བསྡུས་མིང་རང་ཡིན་པར་སེམས།

དེ་ལས་མང་བ་། “དེང་སང་རྩོམ་པ་པོ་སྐོར་ཞིག་གིས་དོན་མི་འབྲི་བར་ཚིག་འབྲི་བཞིན་འདུག” »

་་་་་་་་་་་་་ལ་དྭགས་ནས་བོད་སྐད་ཡིག་སྐོར་ལ་གླེང་མོལ་བྱས་པ།
འབྲོག་རུ་ཆོས་གྲགས་ཀྱིས།

ང་རང་བོད་གཞུང་བདེ་སྲུང་ལས་ཁུངས་ཀྱི་ལས་དོན་དེའི་ཕྱིར་དུ་བཞུགས་སྒར་དྷ་རམ་ས་ལ་ནས་ཉིན་ཞག་གསུམ་རིང་མོ་ཌའི་ནང་བསྐྱོད་དེ་ལ་དྭགས་གླེ་རུ་སླེབས་ཐུབ་པ་བྱུང༌། ལ་དྭགས་གླེ་ནི་ལ་དྭགས་ཀྱི་རྒྱལ་སར་གྲགས་པས་ངས་ཀྱང་དོན་སྣང་གང་འཚམ་བྱས་པ་ཡིན། ས་གནས་འདིར་སླེབས་ནས་དང་པོ་ང་རང་དགའ་བོ་བྱུང༌། རྒྱུ་མཚན་ནི་སྲང་ལམ་གྱི་གཡས་གཡོན་དང་ཚོང་ཁང་དང་མགྲོན་ཁང་སོགས་ཀྱི་སྒོ་བྱང་སྟེང་བོད་ཡིག་བྲིས་ཡོད་པ་མ་ཟད། ས་གནས་འདིའི་གནས་ཆེན་ཁག་གི་སྒོ་ཆེན་དང་ཁང་བརྕེགས་སོགས་བོད་ཀྱི་བཟོ་དབྱིབས་བྱས་ནས་བསྐྲུན་ཡོད་པས་ང་རང་དགའ་བོ་བྱུང༌། ཡིན་ནའང༌། སྒོ་བྱང་རྫིག་པོ་དག་གི་སྟེང་བྲིས་ཡོད་པའི་བོད་ཡིག་ཉམ་ཐག་དེ་ཚོ་ཞིབ་ཀློག་ཅིག་བྱས་ཚེ་རེ་འགའ་ཀློག་མི་ཐུབ་པ་དང༌། ཡང་ན་ཀློག་ཐུབ་ཀྱང་དོན་མི་གོ་བའི་བོད་ཡིག་གི་དབྱིབས་གཟུགས་ཏག་ཏག་ཡིན་པ་དེ་རེད། རྒྱུ་མཚན་དེ་ལ་བརྟེན་ནས་ཉིན་ཞིག་ངས་ལ་དྭགས་དཔེ་གསར་མཐོ་རིམ་སློབ་གྲྭའི་དགེ་རྒན་ཟླ་བ་དང་མཉམ་དུ་གནད་དོན་དེའི་སྐོེར་ལ་གླེང་མོལ་བྱས་པ་ཡིན། ཉིན་དེར་ངེད་གཉིས་ལྷིང་འཇགས་ཀྱི་ཇ་ཁང་ཞིག་ཏུ་ནས་མཉམ་འཛོམས་བྱས་པ་ཡིན། ངེད་གཉིས་ཀྱིས་ཇ་ཁང་བདག་པོར་བསིལ་ཁུ་གཅིག་རེ་མངགས་རྗེས་སྤྱིར་བཏང་གི་སྐད་ཆ་ཞིག་ནས་མགོ་སློང་སྟེ། གླེང་མོལ་འདིའི་དངོས་གཞི་རུ་ཞུགས་པ་ཡིན།

དེ་ལས་མང་བ་། “བོད་ཡིག་གོ་བདེ་བོ་དང༌། ཁ་གསལ་བོ་འབྲི་རོགས།” »

སྐལ་བཟང་བློ་གྲོས།
ཉེ་དུས་ང་ཚོས་ཚགས་པར་སོགས་ཀྱི་སྟེང་རྟག་ཏུ་མཐོང་ཐུབ་པ་ནི་ཉིས་སྟོང་བཅུ་ཅིག་ལོའི་བཀའ་བློན་ཁྲི་བའི་འོས་གཞིའི་སྐོར་རེད། དེ་ནི་དགའ་འོས་པ་ཞིག་ཏེ་བོད་མི་མང་གིས་རང་གི་དབུ་ཁྲིད་ལ་དོ་སྣང་དང་མི་རིགས་ཤིག་གི་མ་འོངས་པར་སེམས་ཁུར་ཡོད་པའི་མཚོན་རྟགས་ཤིག་རེད་སྙམ། ཡིན་ཡང་ང་ཚོས་ལྷག་ཏུ་དོ་སྣང་བྱེད་དགོས་པ་ཞིག་ནི། དམངས་གཙོའི་ལམ་ཁར་ཡང་དག་པའི་ངང་བསྐྱོད་ཐུབ་མིན་དང་དམངས་གཙོའི་ལམ་དེ་དྲང་བདེན་དང་བོད་མི་ཡོངས་ལ་ཁེ་ཕན་ཡོད་མེད། ཁྲིམས་ཀྱིས་དབང་བསྒྱུར་ཐུབ་ཡོད་མེད་སོགས་ལ་རྣམ་དཔྱོད་ཀྱིས་བརྟགས་དགོས་སྙམ། ཅི་ཕྱིར་ཟེར་ན་སྐབས་བཅུ་གཉིས་དང་བཅུ་གསུམ་པའི་བཀའ་ཤག་དེ་དམངས་གཙོ་ཡིན་ཡང་དམངས་གཙོ་ཡང་དག་དང་དམངས་གཙོ་ཡང་དག་གི་ལམ་དུ་སོང་ཡོད་མེད་ཐེ་ཚོམས་རེད་སྙམ། བཙན་བྱོལ་ཁྲོད་དུ་ཆེས་ཉེན་ཁ་ཡོད་པ་ནི་ཆོལ་ཁ་དང་ཆོས་ལུགས་ཀྱི་འཐེན་ཁྱེར་དང་དྲུང་ཆེ་ཁ་ཤས་ཀྱི་གཞུང་དོན་ཁ་ལ་ཁྱེར་དེ་ཆོལ་ཁ་དང་ཆོས་ལུགས་ཀྱི་སྐོར་ཚོར་སྣང་ཤུགས་ཆེན་ཡོད་པ་དེས་བོད་མི་མང་སྤྱིའི་ལས་དོན་ལ་ཕན་མེད་དང་ལས་དོན་གང་ཡིན་ཡང་ཕྲལ་དུ་སྒྲུབ་མི་ཐུབ་པའི་འགག་རྩ་ལྟ་བུར་ཆགས་འདུག དོན་ལ་མི་རྟོན་ཚིག་ལ་རྟོན་པར་འགྲོ་བ་དང༌། དཔེ་ན་ཉིན་ཤས་གོང་དུ་ཚོགས་པའི་བོད་མི་མང་སྤྱི་འཐུས་ཚོགས་འདུ་རེད། འཐུས་མི་ཞིག་གི་ལམ་གྱི་འགྲོ་སོང་དེ་གཅིག་བུའི་ཐོག་ནས་ཚོགས་འདུའི་མཇུག་ཡང་དག་ངང་བསྡུ་མ་ཐུབ་པ་དེ་རེད། དེ་ནི་དམངས་གཙོ་རེད་དེ་དམངས་གཙོ་ཡང་དག་ཡིན་མིན་ཁ་ཚོན་གཅོད་དཀའ། གང་ཡིན་ཟེར་ན། དེ་ནི་བཅའ་ཁྲིམས་ཀྱི་གཏན་ལ་ཕབ་པ་ལས་བརྒལ་ཡོད་པ་ཤེས་བཞིན་དུ། དཔེར་ན་སོ་སོ་ཆོལ་ཁའི་འཐུས་མི་ཡིན་པས། བཅའ་ཁྲིམས་ལས་ཆོལ་ཁ་གཙོ་ཆེས་སུ་འཛིན་པ། དེ་ནི་ཧ་ཅང་བློ་ཕམ་ཡུལ་ཞིག་རེད་སྙམ། དེ་ཕྱིར་ང་ཚོས་ད་ལྟ་བཀའ་བློན་ཁྲི་བའི་འོས་གཞི་ལ་མི་ག་འདྲ་ཞིག་དགོས་པར་བསམ་བློ་ནན་མོ་གཏོང་དགོས། ཆོལ་ཁ་དང་ཆོས་ལུགས་གཙོ་བོར་མི་འཛིན་པར། བཅའ་ཁྲིམས་ལ་དྲང་བདེན་གྱིས་ངང་ལག་ལྟར་བྱ་ཐུབ་མིན་དང་ལྷག་པར་བོད་ཀྱི་བདེན་མཐའ་སེལ་བ་དེ་གཙོ་བོར་འཛིན་དགོས་སྙམ། ང་ཚོས་ནམ་ཡང་རྟ་མིག་གཅིག་སྐྱོན་ཅན་གྱིས་རྩ་བཟས་པ་ལྟར་མ་ཡིན་པར་འབད་དགོས། ང་ཚོའི་སྤྱི་ཚོགས་འདིའི་དམངས་གཙོ་ནི་སྤྱི་ཚོགས་གཞན་གྱི་དམངས་གཙོ་དང་མ་འདྲ་པ་ནི་སྲིད་དོན་ཚོགས་པ་སོགས་ཀྱི་འཐུས་མི་འདེམས་དེ་འགྲན་བསྡུར་བྱེད་པ་མེད་པ་དེ་རེད། དེ་ཕྱིར་ང་ཚོའི་དབུ་ཁྲིད་དེ་ང་ཚོས་ཕར་བཙལ་དགོས་པ་ལས་ང་དབུ་ཁྲིད་ལ་བསྡད་ཀྱིན་ཡིན་ཟེར་ནས་ཚུར་མི་ཡོང་བ་དེ་ཡིན། རྒྱུ་མཚན་དེ་དག་ལ་བརྟེན་ནས་ང་ཚོ་དང་པོ་འོས་གཞི་བསྒྲིགས་སྐབས་བསམ་བློ་ཞིབ་མོ་དང་ནན་མོ་གཏོང་རྒྱུ་གལ་ཆེ། ང་ཚོས་བསམ་བློ་གཏོང་སའི་འོས་མི་དེའི་ཀུན་སྤྱོད་དང་སློབ་སྦྱོང་གི་ཆུ་ཚད། ཁོང་ཚོས་བོད་དོན་སྐོར་གྱི་བྱེད་ནུས་བློ་སྟོབས་སོགས་རྒྱབ་ལྗོངས་གང་མང་ཞིག་ང་ཚོས་ངེས་པར་ཤེས་དགོས་ལ། ལྷག་པར་དུ་བོད་རྒྱའི་གནད་དོན་སྐོར་ལ་ཐག་གཅོད་འབྱུང་ཐབས་ཐབས་ལམ་གསར་བ་བཏོན་ཏེ་ྋ་སྤྱི་ནོར་ྋགོང་ས་སྐྱབས་མགོན་ཆེན་པོའི་ཕྱག་རོགས་ཡང་དག་ངང་བསྒྲུབ་ཐུབ་པ། བོད་དོན་དེ་རྒྱལ་སྤྱི་ཅན་དུ་བསྒྱུར་ཐུབ་པ། བོད་མི་ལས་དོན་ལ་དྲང་ཚུགས་ཐུབ་མཁན་དང་ཕུགས་རྒྱང་རིང་པ་ཞིག་ལ་བསམ་བློགཏོང་གལ་ཆེ།

དེ་ལས་མང་བ་། “༄༅།།མ་འོངས་པའི་བཀའ་བློན་ཁྲི་བར་ད་ལྟ་ནས་བསམ་བློ་ནན་མོ་གཏོང་དགོས།” »

ར་རྒྱ་བློ་དབང༌།
མེག་ལོར་ནས་ཤག་ཏུ་ལོག་པའི་ལམ་ཞོར་གྲོགས་པོ་ཞིག་གི་རྩར་སོང་བས་༼དུས་འགྱུར༽དུས་དེབ་འདོན་ཐེངས་བརྒྱད་པ་ཀློག་པའི་གོ་སྐབས་བྱུང། དུས་རྒྱུན་གོ་མྱོང་ཐོས་མྱོང་གི་རྩོམ་པ་པོ་སྐོར་ཞིག་གི་རྩོམ་ཡིག་འདུག་པ་དང་། ཡུན་རིང་ཙམ་ལ་གསར་རྩོམ་ཀློག་རྒྱུའི་སྐལ་བ་མ་བྱུང་བས་གྲོགས་པོའི་ས་ནས་གཡར་ཏེ་ཤག་ཏུ་ལོག འདོན་ཐེངས་འདིའི་བོད་ཡིག་ལ་ཤོག་ངོས་སོ་བཞི་འདུག་ལ། དེའི་ནང་སྔར་བཀླགས་ཟིན་པ་བོན་རྒྱ་བསྟན་འཛིན་རབ་རྒྱས་ཀྱི་རྩོམ་ཡིག་མ་གཏོགས་རེ་རེ་བཞིན་ཚར་གཉིས་རེ་བཀླགས། རྩོམ་ཡིག་དེ་དག་གི་ཁྲོད་ན་ཚོད་མེད་ཀྱི་སྟོང་སྐད་བར་མེད་བཀྲམས་ཤིང་། བསམ་བཞིན་ཚིག་གི་རྒྱུ་མ་རིང་དུ་བསྲིང་བའི་རྩོམ་ཡིག་དགོད་བྲོ་བོ་རེ་ཡང་འདུག་མོད། སྐབས་འདིར་ངས་གླེང་འདོད་པ་ནི་དེ་ཚོ་མིན་པར། ད་ལྟ་བཙན་བྱོལ་བོད་ཀྱི་སྙན་ངག་པའི་ཁྲོད་གདེང་འཇོག་མཐོ་བའི་རྩོམ་པ་པོ་ཨ་འཇམ་ལགས་ཀྱི་རྩོམ་ཡིག་༼ལྡོམ་པོ་ཞིག་གི་ཁེར་ལབ་ཐན་ཐུན༽ཞེས་པ་དེ་ཡིན། ཨ་འཇམ་ལགས་ཀྱི་རྩོམ་ཡིག་དེ་ནི་སྒྱུ་རྩལ་རྩོམ་རིག་ཐད་ཀྱི་བློ་སྦྱོང་དང་། ཡང་ན་ཉམས་མྱོང་གི་སྤྱི་སྡོམ། ལྷག་པར་དུ་སྙན་ངག་ཕྱོགས་ལ་གཏན་ཚིགས་རང་བཞིན་གྱི་མཐའ་སྡོམ་ལྟ་བུར་བྲིས་ཡོད་པ་དང་། འབྲི་ཐབས་ཀྱི་རྣམ་པ་ནི་དེ་སྔ་རྡོ་རྗེ་དབང་ཕྱུག་གི་༼ཨེ་རེད༽དང་ཕྱོགས་མཚུངས་སམ། གང་ལྟར་ཨ་མདོའི་འབྲོག་པ་རྒན་པོ་ཚོའི་བསླབ་བྱ་རྒྱག་སྟངས་དང་གཅིག་མཚུངས་ཤིག་རེད་འདོད། ཡིན་ན་ཡང། རྩོམ་ཡིག་ཞིབ་ཏུ་ཀློག་སྐབས་རེ་གཉིས་ཇི་ལྟར་འདང་བརྒྱབ་ཀྱང་གོ་དཀའ་བ་དང་། ལ་ལ་བསྐྱར་ནས་ཡང་དུ་གླེང་བས་ཉོག་པོར་གྱུར་བ། ཡང་རེ་འགའ་རང་ཉིད་ཀྱི་ངོས་འཛིན་དང་གཏན་ནས་མི་མཚུངས་སྟབས། དོན་ཚན་རེ་གཉིས་དམིགས་སུ་བཀར་ནས་གཤམ་གྱི་དོགས་འདྲི་དག་ཕུལ་བ་ཡིན།

དེ་ལས་མང་བ་། “ཨ་འཇམ་ལགས་ལ་སྙན་ངག་ཐད་ཀྱི་བགྲོ་གླེང༌།” »

སྒོམ་སྡེ་ལྷ་རམས་པ།

ངེད་རང་ཕྱི་ལོ་(༡༩༧༢)
ཕྱི་ཟླ་གསུམ་པའི་འགོ་སྟོད་ཙམ་ལ་སེ་ར་ཐེག་པ་ཆེན་པོའི་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་དུ་སྒྲིག་ཞུགས་ཀྱིས་བསྡུས་གྲྭ་སོགས་ནང་ཆོས་སློབ་གཉེར་བྱེད་འགོ་བརྩམས།
༸གོང་ས་སྐྱབས་མགོན་ཆེན་པོ་མཆོགགི་ཞལ་སྔ་ནས་ཀྱི་དྲུང་ནས་བསྙེན་རྫོགས་ཀྱི་སྡོམ་པ་དང་མདོ་སྔགས་ཀྱི་ ཆོས་བཀའ་མཐའ་ཡས་པ་ཞིག་གི་བཀའ་དྲིན་ཞུས་ཤིང་། ཕལ་ཆེར་(༡༩༨༧)ལོ་མཇུག་ཙམ་(ཡིན་ནམ་ སྙམ)ལ།
སེ་ར་ཆོས་སྒར་གྱིས་གཙོས་པའི་གདན་ས་ཆེན་པོ་སེ་འབྲས་དགེ་གསུམ་ལ་སློབ་གཉེར་ལེགས་ཉེས་གཟིགས་ཞིབ་སླད་ཆེད་གཏད་ཀྱིས་ཆིབས་བསྒྱུར་བསྐྱངས་ཏེ། སེ་རར་ཉིན་བཅུ་གཉིས་ཙམ་རིང་སྐུ་ངལ་འཛེམས་མེད་ཀྱིས་གྲྭ་དམངས་དང་གཅིག་མཚུངས་སུ་ཚོགས་ཕེབས་ཀྱིས་ཉིན་ལྟར་རྩོད་རྒྱུགས་ལ་གསན་གཟིགས་ཉིན་འཁྱོངས་མཛད་ཅིང་། ༸རྒྱལ་དབང་མཆོག་གདན་སའི་སློབ་གཉེར་དང་བརྩོན་པ་བཅས་ཀྱིས་ཐུགས་འཕྲོགས་ཏེ།

དེ་ལས་མང་བ་། “༼སྒོམ་སྡེ་ལྷ་རམས་པའི་ལོ་རྒྱུས་སྙིང་བསྡུས༽” »

རྒྱ་བལ་ཐེངས་གཅིག་བསྐོར་བའི་དྲན་ཐོ།

བེ་རི་འཇིགས་མེད།

ཀ་ན་ར་ནས་ངྷ་རམ་ས་ལ་རུ།།

ཁ་བ་རི་པའི་རྩོམ་རིག་ཚོགས་འདུ་སླད།།

ག་ལེར་སོང་བའི་མཐོང་སྣང་རྗེན་པའི་ཚུལ།།

ང་རང་དེ་རིང་དྲན་ཐོ་འབྲི་འདོད་བྱུང༌།།

དེ་ལས་མང་བ་། “རྒྱ་བལ་ཐེངས་གཅིག་བསྐོར་བའི་དྲན་ཐོ།” »

སྐལ་བཟང་བློ་གྲོས།

རྒྱ་གཞུང་གིས་བོད་ཀྱི་ས་ཁུལ་འཛིན་སྐྱོང་ཆེད་དུམ་བུར་དབྱེ་བ་དེས་བོད་མིར་ཤུགས་རྐྱེན་ཇི་འདྲ་ཞིག་ཡོང་གི་ཡོད་པར་སོ་སོའི་ལྟ་ཚུལ་མདོར་ཙམ་བརྗོད་ན། ཐོག་མར་རྟོགས་དགོས་པའི་དོན་གནད་འགའ་མཐོང༌།

དང་པོ།

སྤྱི་ཆབ་སྲིད་སྟེགས་བུའི་སྟེང་དུ་བཞེངས་པའི་སྤྱི་སྒེར་གང་ངོས་ནས་ཡིན་ཡང༌། བསྒྲིགས་འཛུགས་དང་དམིགས་ཡུལ་ཁྲིམས་བཅས་ཡོད། དེ་དག་ཆ་ཚང་མིན་དང་ཡང་དག་ཡིན་མིན་མི་སྒེར་གྱི་དགའ་ཁྲོ་དང་རྟ་མིག་སྐྱོན་ཅན་གྱིས་རྩ་ཟས་པ་ལྟ་བུ་མ་ཡིན་པར། བདེན་པ་བདེན་ཐོག་དང་དངོས་དོན་བདེན་འཚོལ། གནས་ལུགས་དངོས་གནས་ལ་བློ་གཟུ་བོའི་སྒོ་ནས་བསམ་དགོས་པ་ནི་གལ་ཆེན་ལས་ཀྱང་ཆེས་གལ་ཆེན་དུ་མཐོང༌། དེའི་དམིགས་ཡུལ་དང་བསྒྲིགས་ཁྲིམས་དེ་མིའི་བཟོས་པ་ཡིན་པས། དེ་ནི་བརྒྱ་ཆའི་བརྒྱ་བདེན་པ་དང་སྐྱོན་མེད་ཡིན། ཚོགས་པ་དང་ཡང་ན་རྒྱལ་ཁབ་ལ་དགའ་ཞེན་དང་ལྷག་བསམ་མཚོན་ཆེད། སུ་ཡིན་ཡང་ཁས་ལེན་དགོས་ཟེར་ན་ནོར་འཁྲུལ་ཆེན་པོ་རེད་སྙམ། ཐོག་མར་དེའི་ངོ་བོར་ངོས་འཛིའན་གསལ་བོ་འི་ངང་ཤེས་རྟོག་ཐུབ་དགོས། དེ་ཕྱིར་དང་པོ་ཆབ་སྲིད་འཐབ་རྩོད་བྱ་ཡུལ་གྱི་གཞི་གང་ཡིན་ངོས་འཛིན་གསལ་བོ་དགོས་ལ། དེ་ནས་དེའི་ཆབ་སྲིད་ཀྱི་ངོ་བོ་དང་ལྟ་བ། ལངས་ཕྱོགས། མཐར་ཐུག་གི་དམིགས་ཡུལ་དང་ད་ལྟའི་ལག་ལེན་བྱེད་སྟངས་བཅས་ལ་བསམ་ཞིབ་བྱ་དགོས། དེ་ནི་བོད་ཀྱི་ཆོས་སྲིད་ཤེས་དཔལ་གང་ལ་བལྟས་ནའང་ཉག་ཕྲ་བའི་སྐབས་འདི་བོད་ཀྱི་ཆབ་སྲིད་པ་དང་ཤེས་ཡོན་ཅན་དག་གིས་གཟབ་ནན་ཞིབ་གསལ་ངང་ངོས་དགོས་པའི་དོན་ཆེན་ཞིག་ཏུ་བསམ། སྤྱི་རྒྱལ་ཁབ་དང་སྤྱི་ཚོགས་གང་ཡིན་ཡང་དེའི་ཁྲིམས་ལུགས་དང་གྲོས་ཆོད། མཐའ་ན་ལོ་རྒྱུས་ཀྱི་གནས་སྟངས་སོགས་སྤྱི་ཚོགས་དང་ཁོར་ཡུག་ལ་བསྟེན་ནས་འགྱུར་སྲིད་པ་རེད་ལ། འགྱུར་ཆོག་པ་ཞིག་ཀྱང་རེད།

དེ་ལས་མང་བ་། “རྒྱ་གཞུང་གིས་བོད་ས་ཁུལ་དུམ་བུར་དབྱེ་བ་དང་དེའི་ངན་འ྄བྲས།” »

རྩོམ་པ་པོ་སྐུ་ཞབས་ལྷམ་ཀོག་ལགས་ལ་བཅར་འདྲི་བྱས་པ།

མིང་ལ་རོང་བོ་དགེ་འདུན་ལྷུན་གྲུབ། པིར་མིང་དང་དྲ་མིང་ལ་གཟའ་དང་དགེ་སྨྱོན་ལྷམ་ཀོག་སོགས་བཀོལ་མྱོང་།
འཚོ་བའི་ཁ་ཕྱོགས་གཏན་དུ་འཁེལ་བ་ཞིག་མེད། སློབ་སྦྱོང་བྱས་སའི་ཡུལ། རོང་བོ་དགོན་ཆེན་གཙོས་བླ་བྲང་བཀྲ་ཤིས་འཁྱིལ། གསེར་རྟ་ལྔ་རིག་ནང་བསྟན་སློབ་གྲྭ་སོགས་ཡིན། སྙན་ངག་གི་དེབ་ཀྱི་གཟོ་ལྟ་གཉིས་ཙམ་ཕུད་མྱོང་། དེ་མིན་དེབ་གཞན་དུ་བཀོད་པ་དག་ཀློག་པ་པོའི་སྤྱན་ལམ་ལ་འོང་ཡོད་ངེས། ལུས་པོ་མ་འཇིག་གི་བར་དུ་ཉམས་ལེན་ཞེས་པ་དེའི་ཐ་སྙད་བཏགས་མི་ཆོག་རུང་དཔེ་ཆར་ ལྟ་བ་དང་རྩོམ་ཡིག་འབྲི་བར་ཤུགས་ཕུད་རྒྱུའི་དམ་བཅའ་ཡོད། གང་ལ་སྦྱང་ས་ནི་ནང་བསྟན་རིག་གནས་དང་བོད་ཀྱི་སྲོལ་རྒྱུན་རིག་གནས་ཀྱི་སྐོར་ འགའ་ཡིན། བརྡར་ཤ་ཚིག་འགྲོས་ནས་བཅད་དེ་རྒོལ་བ་ཐལ་བར་གཏོང་བའི་ནུས་པ་ཡོད་མྱོང་མེད། ནམ་ཡང་ངའི་བསམ་བློ་ནི་རིག་གནས་སྦྱོང་བ་དང་ཟ་མ་ཟ་བ་གཉིས་ལ་ཁྱད་པར་མེད་འདོད་ པས། དེ་ནི་ཆེན་པོ་ཡིན་མདོག་དང་རིན་ཐང་ཡོད་མདོག་སྟོན་དགོས་པ་ཞིག་ལར་ནས་མ་རེད་ཅེས་ཤོད་གིན་ཡོད།

དེ་ལས་མང་བ་། “མི་རབས་གསར་བས་བོད་ནང་གི་རྩོམ་པ་པོ་ལྷམ་ཀོག་ལགས་ལ་བཅར་འདྲི་བྱས་པ།” »

ཆུ་སྐྱེས་སྒྲོལ་མ།

རྒྱལ་སྤྱིའི་གཞོན་ནུ་བོད་རིག་པར་བརྩོན་མཁས་པའི་ལྷན་ཚོགས་ནས་གཙོ་འགན་བླངས་ཏེ་འཚོག་བཞིན་པའི་རྒྱལ་སྤྱིའི་གཞོན་ནུ་བོད་རིག་པའི་གྲོས་ཚོགས་ཀྱི་ཚོགས་འདུ་ནི། ཕྱི་ལོ་༢༠༠༦ལོར་འཇར་མན་དུ་འཚོགས་པའི་རྒྱལ་སྤྱིའི་བོད་རིག་པའི་ཞིབ་འཇུག་པའི་བགྲོ་གླེང་ཚོགས་ཆེན་ཐེངས་བཅུ་གཅིག་པའི་སྟེང༌། གླེང་སློང་དང༌། གོ་བསྡུར། ཐག་གཅོད་བཅས་ལས་བྱུང་བ་ཞིག་རེད། དེ་ནི་གཞོན་ནུ་ཚོར་འདུ་འཛོམས་དང་གོ་སྐབས་འཕར་མ་ཞིག་གི་ཆེད་དུའང་རེད།
ཕྱི་ལོ་ ༢༠༠༧ ལོར་ཨིན་ལན་དུ་ཚོགས་འདུ་ཐེངས་དང་པོ་འཚོགས་པ་དང༌། ད་རེས་ཧྤ་རན་སི་ལ་འཚོགས་པ་ནི་ཚོགས་ཐེངས་གཉིས་པ་ཆགས་ཡོད།

དེ་ལས་མང་བ་། “རྒྱལ་སྤྱིའི་གཞོན་ནུ་བོད་རིག་པའི་གྲོས་ཚོགས་ཀྱི་ཚོགས་འདུ་ཐེངས་གཉིས་པར་ཞུགས་པའི་མཐོང་ཐོས” »

་་་་་་་་་་་་་་་་་་་་་་་་་་་་་་་་་་་་འབྲོག་རུ་ཆོས་གྲགས་ཀྱིས་དྷ་ས་ནས།

ཨི།
ཁོར་ཡུག་ཁུ་སུམ་མེར་གནས་ཤིང་སེམས་པ་ལྷོད་ཡང་ངེར་བསྡད་པའི་དུས་ཚོད་ཅིག་ལ་ཁྱེད་ཀྱིས་རང་གི་ལག་པ་བྲང་ཁར་བཞག་ནས་ཕྱིར་འདང་ཞིག་རྒྱབ་ཨེ་མྱོང༌། རང་བསྟོད་དང་ལད་ཟློས་ལ་དགའ་བའི་རི་ཁ་བ་ཅན་ཚང་ཕྱི་ཡུལ་ལ་གྱར་བའི་ལོ་ངོ་ལྔ་བཅུའི་རིང་གི་བཤུལ་ལམ་ལ་ཕྱིར་བལྟས་ཤིག་བལྟས་ཨེ་མྱོང༌། དེ་ནི་ཧ་ཅང་གི་ཀྱག་ཀྱོག་དང་སྨག་རུམ་མཐུག་པའི་འཕྲེང་ལམ་ཞིག་ཡིན། དེ་ནི་ཁ་བ་གངས་ཅན་པ་ཚང་གིས་མེ་སྒྱོགས་དང་མེ་མདའི་འོག་ནས་འཚོལ་ལམ་སྙེག་པའི་གཡང་གཟར་གྱི་འཕྲེང་ལམ་ཞིག་ཡིན། ད་དུང་དེ་ནི་སྒང་བ་བོད་པ་ཚང་ཀ་ཁའི་ང་རོ་ལ་འཇུས་ནས་གངས་རིའི་རང་ལུགས་སྲུང་བའི་ལོ་རྒྱུས་ཀྱི་དཀྱོགས་མཚམས་ཞིག་ཀྱང་ཡིན།

དེ་ལས་མང་བ་། “བོད་མི་རིགས་ཀྱི་སོན་རྩ་འཕྲོ་ལྷག་ཏུ་འགྲོ་བཞིན་འདུག” »

པདྨ་ནས།   

ལ་ལས་ཟེར་ན་བསྡུས་གྲྭ་སྦྱངས་ན་ཁ་བདེ་བོ་ཆགས་ཀྱི་རེད་ཟེར། ད་ལྟ་བར་དུ་འཛམ་གླིང་རྒྱལ་ཁབ་ཀུན་ལ་གྲགས་པའི་མཁས་པ་དང་ཁ་བདེ་བོ་བགྲངས་ལས་འདས་པ་ཞིག་གིས་རྒྱལ་སྤྱིའི་སྡིངས་འདྲ་མིན་གྱི་ཐོག་ནས་སྐད་གྲགས་བཞག་མྱོང་ཡོད་པ་དེ་ཚོས་བོད་པའི་བསྡུས་གྲྭ་སྦྱང་བའི་ལོ་རྒྱུས་མེད་ལ། བོད་བསྡུས་གྲྭ་ལ་མགོ་དཀར་དཀར་དུ་སྦྱངས་པ་དེ་ཚོ་ཁ་བདེ་བོ་རེད་ཟེར་མཁན་གྱི་འཛམ་གླིང་གི་མཁས་པ་མ་བྱུང་མི་བྱུང་འབྱུང་བར་མི་འགྱུར་བ་ཡིན།  ཡང་བསྡུས་གྲྭ་ཟེར་བ་འདི་སངས་རྒྱས་ཆོས་ལུགས་ཤིག་ཡིན་ནམ་སྙམ་ན་དེ་ནི་མ་ཡིན་ཏེ་སངས་རྒྱས་གྱི་བཀའ་དང༌། རྒྱ་གར་མཁས་པས་མཛད་པའི་བསྟན་འགྱུར་ཆེན་མོ་ཟེར་བའི་བཀའ་བསྟན་གླེགས་བམ་སུམ་བརྒྱ་ལྷག་ཅིག་ཡོད་པ་དེར་ལྟོས་དང་བསྡུས་གྲྭ་
ཟེར་རྒྱུ་ཞིག་ཡོད་ནི་མ་རེད།

དེ་ལས་མང་བ་། “བསྡུས་གྲྭ་ཟེར་བ་འདི་གད་སྙིགས་ནང་གཡུག་ཞོག” »