རྡུལ་ཕྲན།

སུས་ཀྱང་བློ་ཡུལ་ལ་མ་ཐོན་པའི་དོན་ རྐྱེན་འདི་ལྟ་བུ་ཞིག་གློ་བུར་དུ་བྱུང་བ་ནི་བོད་ཀྱི་སྡུག་ཐོག་གཉིས་བརྩེགས་ ཀྱི་གོད་ཆག་ཆེན་པོ་ཞིག་དང་མི་སེམས་བླང་བློང་བོར་བྱེད་པའི་མྱ་ངན་རིང་པོ་ཞིག་ ཏུ་ངོས་འཛིན་བྱས་པ་དང་ཆབས་ཅིག་བོད་ཁུལ་ཡོངས་སུ་གདུང་སེམས་མཉམ་བསྐྱེད་དང་ སྐྱིད་སྡུག་མཉམ་མྱོང་གི་འདུ་འགོད་རྒྱ་ཆེར་སྤེལ་ཏེ་རོགས་སྐྱོར་ཀྱི་ཚ་རླབས་ ཤུག ས་ཆེར་འབར་བས་བོད་རིགས་ཀྱི་རྡོག་རྩ་གཅིག་སྒྲིལ་དང་མཉམ་ལས་མཉམ་གནས་ཀྱི་ སྟོབས་ཤུགས་འོག་འདས་སོང་གི་ལོ་རྒྱུས་གཅིག་པ་དང་མ་འོངས་པའི་ལས་དབང་གཅིག་པའི་ འགྲེལ་བཤད་གསལ་བོ་ཞིག་བྱས་པས།རྒྱ་ནག་གཞུང་གིས་སེམས་འཚབ་དང་བློ་དོགས་ཀྱི་ སེསམ་ཁྲལ་ཆེ་རུ་གཏོང་བའི་ཞར་ལ།

དེ་ལས་མང་བ་། “བོད་ཀྱི་གོད་ཆག་དང་རྒྱ་ནག་གི་མཛའ་གླུ།” »

བོད ལྷ་ཀླུ་གཉན་གསུམ།

ང་རང་གི་ལས་ཀ་བྱེད་ས་ནས་རྟག་དུ་ང་ཚོ་ལས་མི་དག་གི་ཉིན་གུང་གི་ཁ་ལག་ལྷན་དུ་ཟ་བཞིན་ཡོད་ལ། ཁ་ལག་ཟ་བའི་སྐབས་སུ་མང་ཤོས་ཤིག་ལ་ང་རང་གི་འགྲམ་དུ་རྒྱ་ནག་ཧོས་ཆེན་ནས་ཡོང་བའི་རྒྱ་མི་ལས་ཀ་ཇོས་ཆེན་ཟེར་བ་དེ་ཁེལ་གྱི་ཡོད་ལ།

དེ་ལས་མང་བ་། “ང་རང་ཀྲུང་གོ་བ་མིན་པའི་བདེན་དཔང་བྱས་ཡོད།” »

བོད ལྷ་ཀླུ་གཉན་གསུམ།

དེང་སང་ང་ཚོས་ཅི་ནས་ཀྱང་མ་གླེང་ཐབས་མེད་ཅིག་ཆགས་ཡོད་པ་དེ་ནི། ༧རྒྱལ་བ་སྐུ་ཕྲེང་བཅུ་བཞི་བ་འདི་ནི་བོད་མི་རིགས་ཀྱི་༧རྒྱལ་བ་རིམ་བྱོན་གྱི་ཡང་སྲིད་ངེས་འཛིན་བྱས་པའི་ཁྲོད་ནས་ཆེས་མཐའ་མ་དེ་ཆགས་སྲིད་པ་ཡིན་ནམ། གལ་སྲིད་དེ་འདྲ་ཆགས་མིན་དེ་ཡང་བོད་མི་རིགས་ཀྱི་དད་ཞེན་དང་བསོད་ནམ། འདོད་མོས་ཡོད་མེད་བཅས་ལ་བརྟེན་དགོས་པ་ཞིག་ལས་༧རྒྱལ་བ་རིན་པོ་ཆེ་ཁོང་གི་ཐུགས་མོས་དང་འབྲེལ་བ་མེད་པ་ཡིན་ནམ། ང་ཚོས་ད་ལྟ་༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་བ་སྐུ་འཚོ་ཞིང་བཞུགས་པའི་སྐབས་སུ་དེ་འདྲ་ཞིག་གླེང་བ་ཡིན་ན་་འོས་པ་མེད་རབས་འདོད་མཁན་ཡང་མི་ཉུང་བ་ཞིག་ཡོད་ཚོད་རེད།

དེ་ལས་མང་བ་། “ཆེས་མཐའ་མཇུག་གི་ཏྰ་ལའི་བླ་མ།” »

རྡུལ་ཕྲན།

བླ་འཁྱམ་ཟེར་བའི་ དོན་ནི་ཤི་མེད་ཚོར་མེད་དུ་གནས་པའི་དོན་ཏེ།མཐར་དེད་ན་ཡོད་ཀྱང་ཡོད་གོ་མི་ཆོད་ པར་བེམ་རོ་བཞིན་གྲགས་འགུལ་ཅི་ཡང་མེད་པར་གནས་པའི་དོན་རེད།དེ་བས་མིང་ཚིག་འདི་ བཙན་བྱོལ་དུ་གནས་པའི་སློབ་ཆེན་སློབ་མ་ཚོའི་མགོ་ལ་སྦྱར་ན་སྒམ་ཚུགས་དོད་པ་ འགའ་རེའི་མཚང་ལ་ཕོགས་སྲིད་ཅིང་།ཞི་བར་གནས་ཤིང་འཆམ་མཐུན་རྐྱང་རྐྱང་གླེང་ཏེ་ བློས་གཏོང་གིས་དབ ུལ་བ་ཁག་ཅིག་གི་སྙིང་ཁ་ནད་ཀྱིས་གཟེར་ཡོང་ངེས་མོད།མིང་ཚིག་འདི་ཁོ་ཚོའི་མགོ་ ལ་སྦྱར་ན་ཤིན་ཏུ་འོས་པར་འདོད།

དེ་ལས་མང་བ་། “བཙན་བྱོལ་བོད་ཀྱི་སློབ་ཆེན་སློབ་མའི་བླ་འཁྱམ་འདུག” »

(སྐྱེ་རྒུ་མདོའི་ས་ཡོམ་གྱི་གོད་ཆག་ལ་ཕུལ།)

སྐར་ཆེན།

ལས་དབང་། ཁྱེད་རང་རུམ་ནས་ལོ་མང་འགོར།
དད་པ། ཁྱེད་རང་བརྩིགས་ནས་ཡུན་རིང་ཕྱིན།
རང་བྱུང་གི་གོད་ཆད་དེས། ཁྱེད་ཀྱི་ལས་དབང་ས་རུ་བསྟིམས།
རང་བྱུང་གི་འཇིགས་པ་དེས། ང་ཡི་དད་པ་རྨང་ནས་བཤིགས།
སྐྱེ་རྒུ་མདོ། ཁྱེད་ཀྱི་སྡུག་བསྔལ་ང་ཡི་གདུང་བ་ཡིན།

ཕ་ཡུལ། ཁྱེད་ལ་གཅེས་སྐྱོང་ལྷོད་མ་མྱོང་།
ཚེ་སྲོག ཁྱེད་ཀྱི་བརྩེ་བ་བོར་མ་མྱོང་།
ས་ཡོམ་གྱི་གོད་ཆག་དེས། ང་ཡི་ཕ་ཡུལ་རྡུལ་དུ་བརླགས།
ས་ཡོམ་གྱི་འཇིགས་པ་དེས། ཁྱེད་ཀྱི་ཚེ་སྲོག་ཡོད་ཚད་འཁྱེར།
སྐྱེ་རྒུ་མདོ། ཁྱེད་ཀྱི་སྡུག་བསྔལ་ང་ཡི་གདུང་བ་ཡིན།

དེ་ལས་མང་བ་། “ཁྱེད་ཀྱི་སྡུག་བསྔལ་ང་ཡི་གདུང་བ་ཡིན། (གཞས་ཚིག)” »

ཕྱི་ལོ་༢༠༠༨ལོའི་བོད་ནང་གི་ཕྱི་རྒོལ་ཆེན་མོ་དེ་བྱུང་བ་ནས་བཟུང་། བོད་ནང་དུ་རྒྱ་གཞུང་གིས་ཤེས་ཡོན་ཅན་འཛིན་བཟུང་གི་གྲངས་ཀ་དེ་འཕར་བཞིན་ཡོད།
ཤེས་ཡོན་པའི་ཁྲོད་དུ། རྩོམ་པ་པོ་དང་དགེ་རྒན། སྨན་པ། གསར་འགོད་པ། རི་མོ་བ། ཐ་ན་སློབ་མ་ཡང་ཚུད་ནས་ཡོད།
བཙན་བྱོལ་གྱི་གསར་འགོད་བརྒྱུད་ལམ་ཁག་དང་གསར་འགོད་པ་ཚོས། “ཁོང་འཇུས་ཚར་འདུག” “ཁོང་བཟུང་ནས་འཁྲིད་སོང་”། “ཁོང་བཀག་ཉར་བྱས་འདུག” “ཁོང་བཙོན་འཇུག་བྱས་སོང་”ཟེར་བ་མ་གཏོགས། འདི་དག་དབར་གྱི་ཁྱད་པར་དེ་ད་དུང་ཡག་པོ་ཞིག་ཤེས་ཀྱི་མེད་པ་འདྲ། མཚམས་རེར་ཤེས་ན་ཡང་སྣང་མེད་ཤོར་གི་ཡོད་པ་འདྲ། ཁོང་ཚོས་མཚམས་རེར་བདེ་འཇགས་མི་སྣས་འཇུས་བ་ལ་ཉེན་རྟོག་པས་བཟུང་སོང་ཟེར། མཚམས་རེར་བདེ་འཇགས་མི་སྣས་འཁྲིད་པ་ལ་ཉེན་རྟོག་པས་བཀག་ཉར་བྱས་འདུག་ཟེར། དཔེར་ན། འཇམ་དབྱངས་སྐྱིད་ལྟ་བུ་ཡིན་ན། ན་ནིང་བདེ་འཇགས་མི་སྣས་བཟུང་ནས་འཁྲིད་པ་རེད། འཁྲིད་ནས་ཕྱིན་ཏེ་དྲི་བརྩད་བྱས་བ་རེད། མཐར་མར་གློད་པ་རེད། བདེ་འཇགས་མི་སྣའི་ལག་ན་ཡོད་དུས་ཉེན་རྟོག་པའི་ལག་ལ་སླེབས་ཡོད་མ་རེད། ཉེན་ཁ་ཆེ་ཆུང་བསྡུར་བ་ཡིན་ན། སྔ་མ་དེ་ཅུང་ཉེན་ཁ་ཆུང་ཞིང་ཕྱི་མ་དེ་ཆེ་བ་ཡོད་རེད། བདེ་འཇགས་མི་སྣས། གནས་སྐབས་རིང་བཀག་ཉར་བྱས་ནས་འདྲི་བརྩད་བྱེད་གི་རེད། འདྲི་བརྩད་བྱས་ཚར་བའི་རྗེས་སུ། ཉེན་རྟོག་པའི་ལག་ལ་རྩིས་སྤྲོད་པའམ་ཡང་ན་ཕྱིར་གློད་པ་འདི་གཉིས་རེད། བདེ་འཇགས་མི་སྣའི་ལག་ན་ཡོད་དུས་བཙོན་ལ་ཕྱིན་ཡོད་པ་མ་རེད། མི་དེ་སྐྱོབ་ན་ཡང་སྐྱོབ་ས་དེ་བདེ་འཇགས་མི་སྣའི་ལག་ན་ཡོད་དུས་རེད། བདེ་འཇགས་མི་སྣའི་ལག་ན་ཡོད་དུས་སྐྱོབ་ཐུབ་ན་ཐུབ་པ་རེད། ཉེན་རྟོག་པའི་ལག་ལ་ཕྱིན་ཚར་བའི་རྗེས་ལ་དཀའ་ངལ་ཆགས་པ་རེད། ཁྲིམས་རར་འགྲོ་རྒྱུའི་སྒོ་ལ་སླེབས་ཚར་བ་རེད།

དེ་ལས་མང་བ་། “བདེ་འཇགས་མི་སྣ་དང་ཉེན་རྟོག་མི་སྣ།” »

པོད ལྷ་ཀླུ་གཉན་གསུམ།

ང་རང་ལས་ཀ་གྲོལ་ནས་ཕྱིར་ནང་དུ་མ་འབྱོང་གོང་དུ། ངས་རླངས་འཁོར་འབབ་ཚིགས་ནས་རང་གི་ཆེས་སེམས་ཐག་ཉེ་བའི་གྲོགས་པོ་ཞིག་ལ་ཁ་པར་བཏང་ནས་སང་ཉིན་གུང་གསེང་ཡིན་པའི་ཁོམ་པ་ཡོད་ན་ང་ཚོ་བོད་རིགས་གྲོགས་པ་འགའ་ཞིག་མཚོ་མཐར་འཛོམ་ན་ག་འདྲ་འདུག་ཟེར་ནས་དྲིས་པ་ཡིན། འོན་ཀྱང་། སྐབས་དེར་ཁོས་ང་རང་ལ་ང་རང་གི་རྒན་མོ་ཕྱི་རུ་སོང་ནས་ནང་དུ་སླེབས་མ་སོང་། ཁོ་མོ་ཚུར་སླེབས་དུས་ངས་སྐད་ཆ་ཞིག་དྲིས་ནས་སང་ཉིན་ལས་ཀ་འདྲ་ཡོད་མེད་འདྲི་ཆོག་ཟེར། དེ་དུས་ངས་ཀྱང་དེས་ན་བཟང་གི ང་རང་དུས་ཚོད་གཅིག་གི་ནང་ཚུན་དུ་ནང་ལ་འབྱོར་ངེས་ཡིན། དེ་དུས་ངས་ཁྱེད་རང་ལ་གློག་འཕྲིན་སྐུར་ཆོག

དེ་ལས་མང་བ་། “དོ་ནུབ་ང་ས་ལ་བརྡབས་སོང་།” »

ཨ་རིག་འགྱུར་མེད།

སྤུན་ཟླ་ལགས། ཡུལ་ཤུལ་གྱི་མི་མང་།
རང་བྱུང་གི་གནོད་པས་གོད་ཆག་བཏང་རུང་།
འཆི་གསོན་གྱི་མཚམས་ནས་སྡུག་བསྔལ་ལྕི་ཡང་།
མགོ་བོ་དེ་ཡང་བསྐྱར་དགྱེ་ཤོག
སྙིང་སྟོབས་ཤིག་སྔར་ལས་བསྐྱེད་ཅིག
འདི་ནས་ངེད་ཅག་གི་རྩ་བའི་བླ་མས། ཐུགས་སྨོན་དང་སྐྱབས་འཇུག་ཁྱེད་ཚོར་གནང་ཡོད།
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།

དེ་ལས་མང་བ་། “སྤུན་ཟླ་ལགས། ཡུལ་ཤུལ་གྱི་མི་མང་། ༼ གཞས་ཚིག ༽” »

བསྟན་འཛིན་ཤེས་རབ།
སྐྱེ་རྒུ་མདོར་ས་ཡོམ་གྱི་གོད་ཆག་ཐེབས་ཏེ་ཉིན་བདུན་འགོར་བའི་ཉིན་མོ་འདིར། ང་ཚོས་སྒྲུབ་དགོས་པའི་དོན་དག་མང་བོ་ཞིག་བསྒྲུབས་དང་སྒྲུབ་བཞིན་ཡོད་མོད། འོན་ཀྱང་བསམ་བློ་ཡང་དང་བསྐྱར་དུ་སྐོར་ཚེ། ད་དུང་ངེས་པར་སྒྲུབ་དགོས་པའི་དོན་དག་གལ་ཆེན་ཞིག་ལྷག་འདུག་སྟེ། དེ་ནི་གོད་ཆག་ཐེབས་ཤུལ་དུ་ལུས་པའི་དྭ་ཕྲུག་རྣམས་ཀྱི་འདུན་ལམ་ཡིན།

དེ་ལས་མང་བ་། “སྐྱེ་རྒུའི་དྭ་ཕྲུག་རྣམས་བོད་མིར་བསྒྱུར་རམ།” »

ལོ་ལོན་གྱིས།
ཞལ་འདེབས་རྒྱག་སྟངས་མགྱོགས་ཤོས་ཤིག་ནི། ཐད་ཀར་བོད་ནང་དུ་ཡོད་པའི་རང་གི་ནང་མི་ལ་ཁ་པར་གཏོང་རྒྱུ་དེ་རེད།
ད་ལྟ་བོད་ས་ཡོངས་རྫོགས་སུ་སྒོར་མོ་དང་ཟས་གོས་ཉལ་ཆས་སོགས་གང་ཐུབ་ཐུབ་བསྡུ་ལེན་བྱེད་ཀྱིན་མེད་པའི་ས་ཆ་གཅིག་ཀྱང་མེད། དེར་བརྟེན།
རང་གི་ནང་མི་དང་ཉེ་འབྲེལ་དག་བརྒྱུད་ནས་རོགས་སྐྱོར་སྤྲོད་ཐུབ་པ་ཡིན་ན། དེ་ནི་སྟབས་བདེ་ཤོས་དང་མགྱོགས་ཤོས། རང་ཉིད་བློ་འཁེལ་ཤོས་ཀྱང་རེད། དང་པོར་ཁྱེད་ཀྱི་ཕ་ཡུལ་གྱི་དགོན་པའི་ནང་དང་གྲོང་པའི་ནང་ན། ཁོང་ཚོས་སྐྱེ་དགུ་མདོར་ཟས་རིགས་དང་སྨན་རིགས་། ཡང་ན་སྣོད་ཆས་དང་གོན་པ་སོགས་ག་རེ་འཁྱེར་གྱི་ཡོད་མེད་དེར་བརྩད་གཅོད་ཡག་པོ་ཞིག་བྱས། དེ་ནས་དེའི་སྒང་ལ་ཁ་སྣོན་རྒྱག་ཐུབ་ན་ཧ་ཅང་ཡག་པོ་རེད། དཔེར་ན། ཁྱེད་ཀྱི་གྲོང་པའི་ནང་རྩམ་པ་དང་མར་ཆུར་སོགས་བསྡུ་གི་འདུག་ན། “ངས་ཀྱང་དེར་རྩམ་པ་རྒྱ་མ་ཁྲི་གཅིག་གི་ཞལ་འདེབས་རྒྱག་གི་ཡིན། ཡང་ན། མར་རྒྱ་མ་ཁྲི་གཅིག ཡང་ན་ཟ་ཆོག་ཆོག་གི་ཟས་རིགས་སྣ་འཛོམས་རླངས་འཁོར་གང་བཀོད་བསྒྲིགས་བྱེད་རོགས།

དེ་ལས་མང་བ་། “རོགས་རམ་བྱེད་ཐབས་མགྱོགས་ཤོས་ཤིག” »

སྐྱེས་སར་ཀླུ་སྒྲུབ།

ཐེངས་འདིའི་ཁམས་སྐྱེ་དགུ་མདོའ་རང་བྱུང་གནོད་འཚེའི་ཐད་གཞིས་བྱེས་གཉིས་ནས་གདོང་སེམས་མཉམ་བསྐྱེད་ཀྱི་རྣམ་འགྱུར་གང་ལེགས་སྟོན་བཞིན་
པར་གུས་པས་དགའ་གུས་ཡི་རངས་ཞུ་བཞིན་ཡོད་ལ། མུ་མཐུད་བོད་རིགས་ཚང་མས་རང་ནུས་གང་ཡོད་ཀྱིས་རོགས་རམ་གནང་རྒྱུ་ནི་སུས་ཀྱང་རེ་སྐུལ་ཞུ་མ་དགོས་པར་
རང་འཁྲིའི་འོས་འགན་ཞིག་ཏུ་བརྩི་དགོས་པར་མཐོང་། དེང་གི་ཆར་མཚོ་སྔོན་བོད་སྐད་བརྙན་འཕྲིན་ཁང་གིས་གཙོས་གཞིས་ཀྱི་གསར་ལམ་ཁག་ཏུ་ས་ཡོམ་གེགས་སེལ་
ཐད་རོགས་རམ་གནང་མཁན་དང། རོགས་སྐྱོར་རྣམ་གྲངས་སྐོར་གྱི་གནས་ཚུལ་ཤིན་ཏུ་མང་མོད། འོན་ཀྱང་རང་རེ་བཙན་བྱོལ་སྤྱི་ཚོགས་ནས་བསྔོ་བ་སྨོན་ལམ་གྱི་བྱེད་
སྒོ་ཙམ་ལས། དམིགས་བསལ་གྱིས་དཔལ་འབྱོར་རོགས་རམ་ཞུ་མཁན་དེ་ཙམ་བྱུང་མི་འདུག

དེ་ལས་མང་བ་། “རང་བྱུང་གནོད་འཚེ་ལས་མི་རིགས་ཀྱི་བརྩེ་སེམས་འཁྱིིལ་བ།” »

ཆོས་རྫོང་བསྟན་པ།

ཟླ་འདིའི་ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༧ དང་སྐར་མ་ ༤༩ སྟེང་བོད་ཀྱི་ཡུལ་ཤུལ་ས་གནས་སམ་རྫ་སྐྱེ་རྒུ་མདོར་ས་ཡོམ་རིམ་པ་ ༧.༡ ཅན་ཞིག་བརྒྱབ་སྟེ་གནོད་པ་ཚབས་ཆེན་ཐེབས་པའི་གནས་ཚུལ་གསར་ལམ་ཁག་ཏུ་སྤེལ་བ་ལྟར་ན། རང་བྱུང་གོད་ཆག་འདིའི་ཁྲོད་ས་གནས་འདིའི་ཁང་པའི་བརྒྱ་ཆ་བརྒྱད་ཅུ་གྱ་ལྔ་རྨེག་མེད་དུ་བཏང་ཡོད་པའི་ཁྲོད། ད་ལྟ་བར་མི་དྲུག་བརྒྱ་དང་བཅུ་བདུན་རྐྱེན་ལམ་དུ་སོང་འདུག་ལ། དེའི་ནང་སློབ་ཕྲུག་ལྔ་བཅུ་ང་དྲུག་ཡོད་པར་བཤད། རྨས་སྐྱོན་ཕོག་པའི་མི་དགུ་སྟོང་བརྒྱ་དང་བཅུ་ཡོད་འདུག གར་སོང་མི་ཤེས་པའི་མི་སུམ་བརྒྱ་བཅུ་གསུམ་ཡོད་ཅེས་གསལ་བསྒྲགས་བྱས་འདུག
དེ་བཞིན་ཕྱི་ཚེས་ ༡༤ ཉིན་ྋགོང་ས་མཆོག་དང་བཙན་བྱོལ་བོད་གཞུང་གིས་བོད་ནང་གི་རང་བྱུང་གནོད་འཚེ་ཁྲོད་རྐྱེན་འདས་སུ་སོང་བ་དང་དེ་དག་གི་ནང་མིར་ཐུགས་གསོའི་འཚམ་འདྲི་དང་བསྔོ་སྨོན་སྐྱབས་འཇུག་གནང་ཡོད།

དེ་ལས་མང་བ་། “ཆོ་ག་གཅིག་ལ་ཕྱག་ལེན་མི་འདྲ་བ་གཉིས།” »

མི་རྐང་གླིང་བུ།

(1)དེ་རིང་མདོ་ཁམས་སྐྱེ་དགུ་མདོ་མི་རྒྱུ་གཉིས་ས་འོག་ཏུ་མནན་ནས་ཉིན་གྲངས་བཞི་པ་དེ་རེད། ད་དུང་ཡང་ངུ་ངག་དང་འོ་དོད་ཀྱི་ཀློང་ནས་ཕ་མས་རང་གི་ཤ་ལས་ཆད་པའི་བུ་ཕྲུག་དང་། ཕྲུ་གུས་རང་གི་མགོ་བོ་སྔས་ས་ཕ་མའི་མིང་ནས་འབོད་བཞིན་འབོད་བཞིན། ལག་པས་མིག་ཆུ་འཕྱིད་བཞིན་འཕྱིད་བཞིན་སྡོད་གནས་རྡིབ་ཤུལ་དག་གིས་མཐའ་ནས་སྐོར་སྐོར་བྱས་ནས་ཤི་གསོན་གཉིས་ཁ་བྲལ་ཟིན་ཀྱང་ད་དུང་ཨུ་ཚུགས་ཀྱིས་རྨི་ལམ་དུ་བསྒྱུར་བའི་དུས་ཚོད་ཅིག་ཏུ་ཁེལ་འདུག འོན་ཀྱང་རྒྱ་ནག་ནང་གི་གསར་ལམ་ཁག་ཏུ་གོད་ཆགས་བྱུང་བ་ནས་ཆུ་ཚོད་༢༢ཚུན་ཆད་དུ་གློག་དང་། གཞུང་ལམ་གེགས་མེད་དུ་གཏོང་རྒྱུ་དང་། དེ་ནས་ཆུ་ཚོད་༤༨ཙམ་ནས་ཟས་གོས་གནས་མལ་སོགས་གྲ་སྒྲིགས་ཐུབ་པ་བྱ་རྒྱུ། ནད་པ་རྣམས་མྱུར་སྐྱོབས་ཐུབ་པ་བྱ་རྒྱུ། སོགས་འཁོད་ཡོད་ཀྱང་དེ་དག་གི་ཡིག་ཐོག་གི་རི་མོ་ཙམ་ཞིག་ལས་དོན་ངོ་མ་ནི་འདི་ལྟར་སྟེ། ད་དུང་ཡང་གློག་བཟོ་ཐུབ་མེད་པ་དང་།

དེ་ལས་མང་བ་། “རེ་ཐག་ཆད་སྟངས་དེ་འདི་རང་རེད།” »

ནགས་ཤོད་སད་མི།

ཉེ་ཆར་རེས་གཟའ་ལྷག་པའི་ཨ་རིའི་རླུང་འཕྲིན་ལས་བསྟན་འཛིན་བདེ་སྐྱིད་འབོད་པའི་བུ་མོ་ཞིག་གིས་བོད་ཡིག་གཅོད་མཚམས་བཞིན་བར་སྟོང་འཇོག་དགོས་པའི་རྒྱུ་མཚན་འགའ་ངར་ངར་ཤུགས་ཤུགས་ཀྱིས་བསྐྱར་བརྗོད་ཡང་བརྗོད་བྱས་ཏེ་བཤད་སོང་ལ་རྒན་བསོད་ནམས་རྒྱལ་མཚན་གྱིས་མི་དགོས་པའི་རྒྱུ་མཚན་འགའ་ལྡོག་ཏེ་དྲངས་སོང་། ཕྲན་གྱིས་གླེང་གཞི་འདི་གོ་ཐོས་བྱུང་བ་དང་པོ་མིན་ན་ཡང་། བརྗོད་གཞི་འདི་རིགས་ལ་ཐུན་མིན་གྱི་སྤྲོ་སྣང་ལྡན་ཡོད་པས་དེ་ནས་བཟུང་ཉིན་འདི་སྐོར་ལ་བསམ་གཞིགས་ནར་མར་བྱ་དགོས་བྱུང་། དེའི་ཕྱིར། ད་རེས་ངས་བརྗོད་གཞི་འདི་ཐད་གང་བསམ་དེ་དྲན་གྱི་བསམ་འཆར་འགའ་ཐད་བརྗོད་བྱ་འདོད་ཡོད།
རེད། ཏག་ཏག་རེད། བརྗོད་གཞི་འདི་རིགས་ཁྱེར་ཏེ་གླེང་སློང་བཟོ་མཁན་ཞིག་ཡོད་ན་ཏན་ཏན་ཁོང་ཚོ་ལྟ་བུའི་ཕྱི་གླིང་བའི་སྤྱི་ཚོགས་ན་འཚོ་བཞིན་པའི་ཕྱིར་སྡོད་བོད་པ་ཞིག་དང་བོད་རྒྱའི་ས་མཚམས་ན་སླས་སྡོད་བྱ་མཁན་ཞིག་ཏན་ཏན་ཡིན་དགོས་སྙམ། དེ་གང་ཞེ་ན། དཀའ་ངལ་འདི་རིགས་ཀྱི་ཡོང་གཞི་གཙོ་བོ་ནི་བོད་རང་གི་ཕ་སྐད་ཤོད་པར་ཕུ་ཆུ་ཐུར་དུ་རྒྱུག་པ་ལྟ་བུའི་བྱང་ཆ་མེད་པའི་ཉེར་ལེན་ལས་ད་གཟོད་སྡུག་སྐད་འདི་ཤོར་འོངས་བ་རེད་སྙམ། གལ་ཏེ་བོད་རང་གི་སྐད་ཆ་ཤོད་པར་བྱང་གོམས་ཚད་དང་ལྡན་པ་ཞིག་ཡོད་ཚེ། བསམ་ཚུལ་དང་དྲི་གཞི་འདི་གླེང་སྟེགས་རྭ་བར་དུས་ནམ་ཡང་སླེབས་ཐུབ་ཀྱི་མ་རེད་འདོད། འདི་ནི་ངས་བཤད་བསམ་པའི་སྐད་ཆའི་སྡོམ་ལྟ་བུ་ཞིག་ཡིན་ནའང། འདིར་ཁྱབ་མཐའ་ཡོད་པའི་སྐད་ཆ་མིན་ལ་ཡོད་དགོས་དོན་ཡང་མེད།

དེ་ལས་མང་བ་། “བོད་ཡིག་ལ་བར་སྟོང་འཇོག་དགོས་སམ།” »

ལོ་ལོན།

སྤྱིར་ན་ནང་ཆོས་ལ་དད་པ་མེད་པ་ཡང་མིན། ནང་ཆོས་དང་བོད་སྨན་གཉིས་ལ་ནུས་པ་མེད་པ་ཡང་མ་རེད།
དེ་གཉིས་ཀྱི་ནུས་བ་དང་བྱིན་རླབས་དེ་དུས་ཡུན་རིང་པོ་ཞིག་གམ། ཡང་ན། ཚེ་རབས་མང་པོ་བརྒྱུད་ཚེ་ད་བཟོད་ནུས་བ་ཞིག་ཐོན་གྱི་ཡོད་པ་རེད།
འོན་ཀྱང་། དུས་ཐོག་དུས་ཐོག་ལ་བྱིན་རླབས་དང་ནུས་བ་ཐོན་རྒྱུ་ཕར་ཞོག སྐབས་རེར་སྐབས་བབ་ཀྱི་གནས་ཚུལ་ལ་གནོད་པ་མི་འབྱུང་པའི་ངེས་པའམ་མེད། དེ་རིང་གི་དུས་ཚོད་འདིར། བོད་ནང་དུ་ས་ཡོམ་གྱི་གོད་ཆག་དང་གནོད་འཚེ་ཐེབས་པའི་མི་མང་ཚོར། དུས་ཐོག་ལ་མཁོ་བ་ནི་བསྔོ་བ་དང་སྨོན་ལམ་མ་ཡིན་པར། ཆུ་དང་ཟ་མ། ཉལ་ཆས་དང་སྡོད་ཁང་སོགས་རེད།

དེ་ལས་མང་བ་། “རྟ་ཞོན་ནས་ཡིན་རུང་རོགས་པ་བྱེད་དུ་འགྲོ་དགོས།” »

བོད ལྷ་ཀླུ་གཉན་གསུམ།

དེང་སང་དྲ་ངོས་གང་སར་བོད་ཀྱི་སྤྲུལ་སྐུ་དང་འབྲེལ་བའི་སྐད་ཆ་ནི་བོད་ཕྱི་ནང་གཉིས་སུ་མི་ཉུང་བ་ཞིག་ཡོང་དང་ཡོང་བཞིན་པ་ཡོད་པ་དེ་ནི་བཟང་ངན་གཉིས་ཀའི་ཆ་ཡོད་ཀྱང་། དོན་དངོས་ཐོག བོད་གངས་ཅན་གྱི་ཞིང་འདི་ལ་སྤྲུལ་སྐུའི་ལམ་ལུགས་འདི་དགོས་མིན་དེ་རེད།
དེ་འདྲ་ཡིན་ན་ངེད་ཅག་གིས་སྤྲུལ་སྐུའི་ལམ་ལུགས་འདི་མེད་པ་བཟོས་པ་ཡིན་ན། བོད་མི་དམངས་ཀྱི་མ་འོངས་པའི་ལོངས་ཕྱོགས་དང་། བོད་མི་རིགས་ཀྱི་བདེན་མཐའ་སེལ་བ་བཅས་ལ་ཕན་ཐོག་གི་རེད་དམ། ཕྱོགས་གཅིག་གིས་དེ་ནི་ཕན་ཐོག་ངེད་ཡིན་པར་ས་བསྒྲགས་གནམ་བསྒྲགས་བྱེད་ཀྱི་འདུག དེས་ན་ཕན་ཐོག་པའི་རྒྱུད་རིམ་ཞིབ་མོ་ཞིག་གསུང་ན་ག་འདྲ་འདུག
ཕྱོགས་ཁག་གཞན་དག་གིས་བོད་མི་རིགས་ལ་སྤྲུལ་སྐུའི་ལམ་ལུགས་ནི་གཏན་ནས་མེད་དུ་མི་རིང་བ་ཞིག་ཡིན་པར་འདོད་ཀྱི་ཡོད་ལ། དེ་ནི་བོད་མི་རིགས་ཀྱི་ཐུན་མོང་མ་ཡིན་པའི་སྲོལ་རྒྱུན་ཞིག་དང་མི་རིགས་གཞན་དག་གི་ཆོས་ལུགས་ཁྲོད་དུ་གཏན་ནས་དར་མྱོང་མེད་པ་ཞིག་ཡིན་པ་དེ་ཡིན་ལ། དེ་ནི་མི་རིགས་གཞན་ལ་མེད་པའི་འུ་ཅག་བོད་མི་རིགས་ཀྱི་རིན་ཆེན་ནོར་བུ་ཞིག་ཡིན་པར་བསྒྲགས་བཞིན་ཡོད།

དེ་ལས་མང་བ་། “བོད་ལ་སྤྲུལ་སྐུ་མེད་ན་འགྲིག་གི་རེད་དམ།” »