འབྲོག་རུ་ཆོས་གྲགས།

ནམ་རྒྱུན་གྱི་འགྲོ་སྟངས་ལྟར་བྱས་ན། དེ་རིང་རེས་གཟའ་ཉི་མ་ཡིན་སྟབས། ང་གྲོགས་པོ་ཚོ་ཡོད་ས་དང་ཡང་ན་ཁྲོམ་སྲང་དུ་ཉུལ་རྒྱུའི་གོམས་སྲོལ་ཞིག་ཆགས་ཡོད།

དེ་ལས་མང་བ་། “ཁྱེད་རང་མྱུར་ཏུ་གློད་གྲོལ་ཐོབ་པར་སྨོན།” »

དགུང་གྲངས་དོན་ལྔ་བཞེས་པར་ཕུལ།

བོད ལྷ་ཀླུ་གཉན་གསུམ།

སྤྱིར་ན་བོད་པ་ཚང་གི་ཡ་ཁོག་ནང་གི་སྙིང་དང་ཡ་ཐོད་ཀྱི་མིག ཚེ་ འདི་ཕྱི་གཉིས་ཀྱི་སྐྱབས་གནས་སུ་ངེས་འཛིན་བྱེད་པའི་༧གོང་ས་མཆོག་གི་འཁྲུངས་ སྐར་ལ་ལོ་ལྟར་སྲུང་བརྩི་གཟབ་རྒྱས་གནང་གི་ཡོད་ལ་དེ་ནི་གནང་འོས་པ་ཞིག་ཀྱང་ ཅིས་མ་ཡིན།

དེ་ལས་མང་བ་། “༧གོང་ས་མཆོག་གི་འཁྲུངས་སྐར་ལ་འགྱུར་བ་གཏོང་དགོས།” »

འབྲོང་བུ་ཟླ་བ་ཚེ་རིང།

བྱམས་བརྩེ་ཡི་འོ་མཚོ་མཁའ་རུ་འཕྱོ། འོད་སྣང་གི་གཟི་དཔལ་གྱེན་དུ་འབར། གཏིང་ཟབ་ཀྱི་དགོངས་པ་ནམ་མཁར་ཕྱོགས། རེ་འདུན་གྱི་དམིགས་པ་རྒྱང་དུ་གཏད། ཨ་མ་ལགས། གངས་ཅན་བོད་ཀྱི་ཨ་མ། ཉིད་ཀྱི་ཕྱག་ཟུང་ཐོད་དུ་བཏེགས་པའི་བར་དོ་ནས། ཕ་མེད་མ་མེད་ཀྱི་དྭ་ཕྲུག་མང་པོས། བརླག་ཟིན་པའི་བླ་སྲོག་ལ་གཡང་འབོད་བྱས་ཤིང། ཤི་ཟིན་པའི་རེ་བ་ཞིག་ལ་སྲོག་དབུགས་བསྣན། སྡུག་བསྔལ་དང་གདུང་བ། མྱ་ངན་དང་དུ་ཁ།

དེ་ལས་མང་བ་། “ཨ་མ་ལགས། རྗེ་བཙུན་པདྨ།” »

མི་རྐང་གླིང་བུ།

༡༽གླེང་སློང་བ།

ཁ་སང་ཟླ་༦པའི་ཚེས་༡༡ཉིན་ནས་༢༠༡༠ལོའི་འཛམ་གླིང་རྐང་ཕོལ་བུམ་པའི་འགྲན་བསྡུར་དེ་ཨ་ཧྥི་རི་ཀའི་གླིང་ཆེན་དུ་འགོ་ཚུགས་ཡོད། དེ་ཡང་ཡུལ་དེའི་དབུ་ཁྲིད་དམ་པ་ནེསནམནྜལ་གཙོས་པའི་གནད་ཡོད་མི་སྣ་དུ་མ་ཞིག་གིས་འགྲོན་འབོད་དང་རྩོད་ལེན་མང་པོ་ཞིག་བྱས་པའི་འབྲས་བུ་ཞིག་རེད། ཡུལ་དེའི་སྲིད་འབྱོར་རིག་གསུམ་གོང་འཕེལ་དུ་འགྲོ་བཞིན་ཡོད་པའི་དཔང་རྟགས་ཤིག་དང་ལོ་རྒྱུས་ཀྱི་དཀྱོགས་མཚམས་ཤིག་ཡིན་པའི་ངོས་འཛིན་ཡང་བྱེད་བཞིན་ཡོད་འདུག སྐབས་དེར་གླུ་པ་གྲགས་ཅན་(K’NAAN)ཀ་ནན་གྱིས་༼གཡོ་བའི་དར་ཆ་༽ཞེས་པའི་ཞི་བདེ་དང་རང་དབང་མཚོན་པའི་གླུ་དབྱངས་ཀྱིས་འཇིག་རྟེན་གྱིས་ཁྱོན་དགའ་འབོད་བྱས་ཡོད་པ་རེད། དེ་ནས་ད་བར་དུ་རྒྱལ་ཁབ་སོ་སོའི་ངར་ཤུགས་ཆེན་པོའི་འཇིག་རྟེན་གྱི་བུམ་པ་དེ་ཉིད་རྩོད་འགྲན་བྱས་ཤིང་འཛམ་གླིང་གི་མི་གྲངས་དུར་ཕྱུར་མང་པོ་སྐྱིད་སྡུག་གི་ཚོར་སྣང་མི་འདྲ་བ་རེ་སྦྱིན་བཞིན་པ་ཡིན་པས་སྒུལ་ཤུགས་འདིས་གླིང་ཆེན་འདི་ཡོམ་ཡོམ་དུ་གཡོ་ཞིང་འགུལ། ཐོབ་ཐང་དང་རེ་བ་གང་ཡང་མེད་པའི་གདོང་དམར་བའི་མྱི་རྟིང་ཞིག་གི་ངོས་ནས་འདིའི་སྐོར་ལ་བསམ་གཞིག་ཅིག་གིས་བོད་པ་ཚང་གི་རྩེད་མོ་འདིའི་ཐ་སྙད་འདོག་སྟངས་ལ་བགྲོ་གླེང་བྱེད་འདོད་བྱུང་།

དེ་ལས་མང་བ་། “འཛམ་གླིང་རྐང་ཕོལ་བུམ་པའི་འགྲན་བསྡུར།” »

ཆབ་བྲག་ལྷ་མོ་སྐྱབས།

དབུས་མེད་ལྷན་ཚོགས་ནས་༸རྒྱལ་བའི་འཁྲུངས་སྐར་ཉིན་མོ་དང་སྟབས་བསྟུན་བཀའ་ཁྲིའི་སྔོན་འགྲོའི་འོས་གཞི་སུ་འོས་ལ་ཚོད་ལྟའི་འོས་ཤོག་བསྡུ་བའི་ལས་འགུལ་འདི་ནི་ངོ་མ་ཐབས་མཆོག་ཅིག་སྟེ། བུད་མེད་ཤེས་རབ་ཀྱི་རང་བཞིན་ཅན་ཟེར་བ་ཡང་དོན་དང་ལྡན་པར་མཐོང་ཞིང། འདི་ལྟའི་ལས་འགུལ་རིགས་སྤེལ་ཐུབ་ན་ངོ་མ་དུས་ཆེན་སྲུང་བརྩི་ཟེར་བ་ཡང་གཟི་བརྗིད་དང་ལྡན་པའོ། དེ་བས་བོད་མི་ཚང་མ་དུས་ཆེན་སྲུང་བརྩིའི་ལས་འགུལ་འདི་ལ་མཉམ་ཞུགས་ཀྱིས་རང་གི་སེམས་པ་དམར་རྗེན་དེ་སྟོན་རོགས་ཞུ།

དེ་ལས་མང་བ་། “བུད་མེད་ཚོགས་པར་གལ་ཆེའི་རེ་སྐུལ་ཞིག” »

གཡུ་དྲུག་དཀར། རྡ་ས།
སྟོད་ཀྱི་རི་ལུང་བཞིན་ཡངས་ཤིང་། བར་གྱི་རྩྭ་ཐང་བཞིན་མཛེས་སྡུག་ལྡན་ལ། སྨད་ཀྱི་མཚོ་མོ་བཞིན་རྒྱས་པའི། དབྱར་ཟླ་དྲུག་པའི་སེམས་ལྗོངས། མི་ཡུལ་གྱི་མཛེས་སྡུག་གི་དཔལ་ཡོན་འཁྱིལ་ས་ཡིན་ཆོག་ཨང་།
ལྗང་མདོག་དང་མ◌ེ་ཏོག སྤྲིན་དཀར་དང་འཇའ་ཚོན། ཁུ་བྱུག་དང་ལུག་ཁྱུ། ཕ་ཡུལ་གྱི་དབྱར་ཟླ་དྲུག་པའི་སེམས་ལྗོངས་བསྔོགས་ན། རྡོ་བརྐོས་རི་མོ་ལྟ་བུར་ཤ་གསེང་རུས་གསེང་འཐིམས་པའི་མཛེས་སྡུག་ཅིག་ངང་གིས་འཆར་བ། ཅི་ཡིས་བསུབ་ཐུབ། གང་གིས་གནོན་ཐུབ།
ལྷར་པར་དུ། ཆར་དུས་འདི་ཁུ་སིམ་སིམ་སླེབས་དུས་དང་། ཆར་བ་འདི་ཤག་ཤག་འབབ་དུས། དབྱར་ཟླ་དྲུག་པའི་སེམས་ལྗོངས་ཡིན་ཡང་། འཁྱག་སིབ་སིབ། གྲང་ཤུར་ཤུར། འདར་སུག་སུག་ལོག་འགྲོ་དུས། ཆར་དུས་ཀྱི་ནེམ་ཤ་འདི།

དེ་ལས་མང་བ་། “དབྱར་ཟླ་དྲུག་པའི་སེམས་ལྗོངས།” »

འབྲོང་བུ་ཟླ་བ་ཚེ་རིང།

གླེང་བརྗོད།

རང་ཉིད་ལོ་ངོ་བཅུ་བདུན་ལྷག་གི་རིང་ལ་སློབ་གྲྭའི་འཇིག་རྟེན་འགྲིམས་པའི་ཉམས་མྱོང་སྟབས་བདེ་ཁག་ཅིག་ཤ་རུས་གཅིག་པའི་བོད་རིགས་སློབ་གྲོགས་ཚོའི་མིག་ལམ་དུ་དྲངས་ན་རང་ཉིད་ལས་ལོ་གཞོན་པའི་སློབ་ཕྲུག་རྣམས་ལ་ཕན་ཐོགས་ཡོད་པར་སྙམ་སྟེ་འདི་རུ་འགོད་རྒྱུ་ཡིན། སློབ་སྦྱོང་ཞེས་པ་ནི་དོན་དངོས་ཐོག་རང་ཉིད་ཀྱི་བསམ་བློའི་གནས་ཚད་མཐོ་རུ་འདེགས་པའི་ཡོ་བྱེད་ཅིག་ཏུ་འགྱུར་མ་ཐུབ་ན་སློབ་སྦྱོང་བྱས་པའི་དོན་གོ་ཆོད་མེད་པར་བསམ། དེ་ཡང་མི་མང་པོ་ཞིག་གིས་སློབ་གྲྭ་ནི་མི་བཙོ་སྦྱང་བྱེད་སའི་བཟོ་གྲྭ་ལྟ་བུ་ལ་ངོས་འཛིན་བྱེད་བཞིན་པ་ལྟར། གང་ཟག་སུ་ཡང་རུང་བ་ཞིག་སློབ་གྲྭ་འགྲིམས་པའི་རྗེས་ལ་རང་ཉིད་ཀྱི་ལུས་ངག་ཡིད་གསུམ་གྱི་སྤྱོད་ཚུལ་མཐའ་དག་ལ་སྤྱི་ཚོགས་ཀྱི་དགོས་མཁོ་དང་མཚམས་པའི་ཡར་རྒྱས་ཀྱི་རྣམ་པ་ཞིག་ངེས་པར་དུ་འབྱུང་དགོས་པ་ཡིན། སྤྱིར་བཏང་སློབ་སྦྱོང་བྱེད་པའི་གང་ཟག་ཅིག་ཡིན་པའི་ཆ་ནས་རང་ཉིད་ལ་རང་ཉིད་ཀྱི་ནུས་པ་དང་དགོས་མཁོ། འབྱུང་འགྱུར་བཅས་ལ་མཚམས་པའི་དམིགས་ཡུལ་ཞིག་དགོས་རྒྱུ་གལ་ཆེན་ཡིན་ལ། དམིགས་ཡུལ་དེ་འགྲུབ་ཆེད་རང་ཉིད་ཀྱི་ནུས་པ་ཡོད་རྒུ་འདོན་རྒྱུ་ཤིན་ཏུ་གལ་ཆེན་པོ་ཡིན། འདི་དང་ཕྱོགས་མཚུངས་སུ་སློབ་སྦྱོང་གི་ཐབས་ལམ་འགའ་ཞིག་ནོར་མེད་དུ་བསྟེན་རྒྱུ་ཡང་གལ་ཆེན་ཡིན་པས། རང་ཉིད་ཀྱི་ཉམས་མྱོང་ངམ་སློབ་སྦྱོང་བྱས་པའི་ཁོར་ཡུག་ནས་རྙེད་པའི་ཐབས་ལམ་ཁ་ཤས་ཤིག་འགོད་པར་འཇུག་གོ

དེ་ལས་མང་བ་། “སློབ་སྦྱོང་གི་སྐས་འཛེགས་བདུན།” »

གཞོན་ནུ་ཟླ་མེད་ནས།

ཉེ་ཆར་སྒོམ་སྡེ་ལྷ་རམས་པའི་མིང་ཐོག་ནས་གླེན་པ་ཁ་ནག་ཅིག་གིས་ཅི་བཤད་འདི་བཤད་མེད་པར་མིང་ཚིག་དང་སུམ་རྟགས་སོགས་མ་ཤེས་ཤེས་མདོགས་མང་ཙམ་བྱེད་ཀྱི་འདུག དེ་དག་ལ་དཔྱད་ཚོད་མེད་ཀྱང་། ངེས་པར་དུ་གསལ་བཤད་དགོས་རིགས་ཁག་ཅིག་ནི། དང་པོ་མགོ་ཅན་འདོགས་ཅན་གྱི་ཐ་སྙད་འདོགས་སྟངས་སྐོར་རེད། རང་ཉིད་ཀྱི་དགུ་ཐུག་བསྐོལ་བ་མ་ཤེས་པར་མཁས་དབང་སྔ་རབས་པ་དག་གིས་དགུ་ཐུག་བསྐོལ་འདུག་ཟེར། དེ་ནི་དཔྱོད་ལྡན་རབ་གསལ་ལགས་ཀྱིས་གསལ་ཐག་ཆོད་གསུངས་འདུག་པས་ལོག་རྟོགས་སེལ་ཡོད་ཤག་ལ། དེ་ནས་དབུ་མ་འཇུག་པའི་རང་འགྲེལ་གྱི་མིང་ཚིག་ཅིག་གི་སྐོར་ལ་རེད།

དེ་ལས་མང་བ་། “ལུང་རྗུན་དང་མུན་སྤྲུལ་གྱི་དགུ་ཐུག་བསྐོལ་འཐུང་འདོད་མི་འདུག” »

འབྲོག་རུ་ཆོས་གྲགས།

བོད་ཀྱི་སྐད་ཡིག་སྲུང་སྐྱོབ་བྱེད་པ་ནི་མི་རིགས་འདི་འཚོ་གནས་ཀྱི་ཆེད་དུ་ཡིན་ལ། མི་རིགས་འདིའི་ངོ་བོ་སྲུང་སྐྱོབ་བྱ་ཆེད་ཀྱང་ཡིན། དེར་བརྟེན། བོད་ཀྱི་སྐད་ཡིག་སྲུང་སྐྱོབ་དེ་བོད་མི་རེ་རེའི་ངོས་ནས་མགོ་རྩོམ་དགོས་པ་ཞིག་ཆགས་ཡོད། བོད་མི་རེ་རེའི་ངོས་ནས་ཇི་ལྟར་མགོ་རྩོམ་དགོས་པ་རེད་ཅེ་ན། ཆུང་ས་ནས་རང་གིས་བོད་སྐད་གཙང་མ་བཤད་པ་དང་། རང་གི་ཁྱིམ་ཚང་དང་ལས་ཁུངས། ཡང་ན་སློབ་གྲྭའི་འཛིན་ཁང་དང་ཉལ་ཁང་། དགོན་པའི་ཚོགས་ཆོས་རྭ་དང་། གྲོང་པ་ཁྱིམ་མཚེས་བར་སོགས་ཐ་ན་རང་གི་ལས་རོགས་ཚུན་ཆད་བར་ལ་ཡང་བོད་སྐད་གཙང་མ་བཤད་དེ། རང་ཉིད་ནས་མགོ་བརྩམས་ཏེ་བོད་ཀྱི་སྐད་ཡིག་སྲུང་སྐྱོབ་བྱ་དགོས།

དེ་ལས་མང་བ་། “སྐད་ཡིག་སྲུང་སྐྱོབ་རང་ཉིད་ནས་མགོ་རྩོམ་དགོས།” »

རྫ་ཚེ་རིང་བཀྲ་ཤིས།

ང་ལ་དེ་རིང་བསམ་བློ་ཞིག་འཁོར། བསམ་བློ་དེ་འཛིན་ཁང་ནང་ནས་འཁོར་ཞིང་། བསམ་བློ་དེ་སྙན་ངག་པའི་ཡབ་ཆེན་ལྟ་བུར་གྲགས་པའི་འདས་པོ་ཡི་དམ་ཚེ་རིང་གི་ཐོག་ལ་འཁོར། མ་གཞི་ང་ཡང་བོད་ཀྱི་སྙན་ངག་པར་དད་པ་བྱེད་པའི་བོད་ཕྲུག་སྣབས་ལུག་ཅིག་ཡིན།
ངས་བོད་ཀྱི་སྙན་ངག་པའི་བླ་སྲོག་ཁོང་ལ་ཕྱིར་དྲན་ཞིག་བྱས། ཡིན་དང་ཡིན། ཁོང་ནི་ངོ་མ་ཀུན་ཀྱིས་ཁས་བླངས་པའི་མི་བོ་གྲགས་ཅན་ཞིག་རེད།

དེ་ལས་མང་བ་། “སྙན་ངག་པ་ཡི་དམ་ཚེ་རིང་མ་རྙེད་པའི་ང་།” »

ནགས་ཤོད་སད་མི་ཡིས་བསྒྱུར།

གཅིག ང་ཚོའི་རྒྱལ་ཁབ་ཆབ་སྲིད་ཀྱི་ཐད་དུ་ཡུན་རིང་བརྟན་ལྷིང་ཕྱིན་ཚར་བ་དང་། དཔལ་འབྱོར་གྱི་ངོས་ནས་རྒྱུན་ཆད་མེད་པར་དར་རྒྱས་དང་། མི་རིགས་ཕན་ཚུན་ཁག་སྔར་ལྷག་གིས་མཐུན་སྒྲིལ་རོགས་རེས་ཀྱི་དུས་མཚམས་གསར་པ་ཞིག་ཤར་ཡོད། ཏཱ་ལའི་བླ་མ་དང་རྗེས་འབྲངས་ཀྱི་མི་རྣམས་ནི་རྣམ་རིག་ལྡན་པ་རྐྱང་ཡིན་པས་དོན་གནད་འདིར་ཡིད་ཆེས་བྱ་འོས་ངེས་ཤིག་རེད། ཅི་སྟེ་ཡིད་ཆེས་བྱ་མི་ཐུབ་ཚེ། ལོ་ཤས་རིང་བརྟག་པ་བྱས་ནའང་འགྲིག་གི་རེད།

དེ་ལས་མང་བ་། “༡༩༨༡ ལོར་རྒྱ་ནག་སྲིད་འཛིན་ཧཱུ་ཡོ་པང་ནས་ཏཱ་ལའི་བླ་མར་འཛིན་པའི་དོན་ཚན་ལྔ” »

སྐར་ཁྲི་བཙན།
བཙན་བྱོལ་ནང་གི་ད་ལྟའི་སྤྱི་འཐུས་ཀྱི་གནས་སྟངས་ངོ་མ་བཤད་མི་དགོས་པར་ཧ་ལམ་དྲ་གྲོགས་ཚོའི་སེམས་ ནང་ན་གསལ་ལྷང་ངེ་ཡོད་པ་བཞིན།
གུས་པས་ཀྱང་འདས་ཟིན་པའི་བཙན་བྱོལ་སྤྱི་ཚོགས་ཀྱི་སྤྱི་འཐུས་རྣམ་པའི་མཛད་རྗེས་ལ་བལྟས་པ་ཡིན་ལ་དེ་རིང་སྤྱི་འཐུས་ཀྱི་རྐུབ་སྟེགས་གནོན་མཁན་རྣམ་པ་ཡང་མཐོང་གི་འདུག། མ་ཟད་མ་འོངས་བར་བོད་མི་མང་གིས་སྤྱི་འཐུས་གདམ་སྟངས་ལ་དཔག་བཞིན་ཡོད། ལོ་རྒྱུས་ཀྱི་བྱུང་རིམ་ཐུང་ངུའི་ནང་དུ་ཆེ་གེ་མོ་འགའ་རེ་སྤྱི་འཐུས་ཀྱི་སྟེགས་བུར་ག་འདྲ་བསྙེགས་ཡོད་པར་ཕྱིར་མིག་ཐེངས་གཅིག་གི་དབུ་ཤད་བྱས་ཤིང་དེ་རིང་སྐྱབས་བཅོལ་བ་ཡོད་དོ་ཅོག་གིས་ཁ་རྩང་་གི་བྱུང་རིམ་དེའི་འཐུས་ཤོར་སྣ་ཚོགས་བསྡོམ་རྩིས་གཟབ་མོ་ཞིག་གི་བརྗོད་གཞི་གཙོ་བོ་ཀླད་ཀྱི་ནང་དོན་དུ་འགོད་དགོས་པ་གལ་ཆེ་བར་འདོད་བཞིན་ཡོད།

དེ་ལས་མང་བ་། “མདོ་སྨད་སྤྱི་འཐུས་ལ་འཚམས་པའི་མགོ་ལོག་ཟླ་བྷེ།” »

བོད ལྷ་ཀླུ་གཉན་གསུམ།

རྒྱ་གར་གནམ་ཐང་དུ་འབྱོར་དུས་སུ་ང་རང་ཡོང་ སའི་རྒྱལ་ཁབ་ཀྱི་མི་གཉིས་རྒྱ་གར་དུ་གསར་བ་སླེབས་ནས་གང་དུ་འགྲོ་དགོས་མིན་དེ་ ཡག་པོ་མ་ཤེས་པར་ལུས་འདུག་པ་དེ་གཉིས་ལ་རོགས་བྱས་དེ་ཁོ་གཉིས་འགྲོ་སའི་ས་དེར་ བསྐྱལ་རྗེས་སུ། ང་རང་ས་འོག་མེ་འཁོར་ནང་དུ་བསྡད་དེ་མ་ཅང་ཀྲེ་ལའི་ཕྱོགས་སུ་ཕྱིན་པ་ཡིན།

དེ་ལས་མང་བ་། “རྒྱ་གར་ནས་བོད་ཡིག་བཙལ་བ།” »

རྒྱ་ནག་གི་དམངས་གཙོའི་གནད་དོན་དང་དེ་མིན་མི་རིགས་གནད་དོན་དབར་གྱི་འབྲེལ་བ།

ལ་མོ་དགོན་པ་ཚང་བསྟན་འཛིན་ལམ་བཟང་གིས་བརྩམས། ནགས་ཤོད་སད་མི་ཡིས་བསྒྱུར།

ཐོག་མར་རྒྱ་ནག་གི་དམངས་གཙོའི་བརྒྱུད་རིམ་རགས་ཙམ་ཤོད་ཀྱི་ཡིན། ཆིང་དུས་མཇུག་ཏུ་སྐུ་ཞབས་སུན་ཀྲུང་ཧྲང་གིས་དབུ་ཁྲིད་པའི་ལྕགས་ཕག་གསར་བརྗེ་ནས་རྒྱ་ནག་དམངས་གཙོའི་གསར་བརྗེ་མགོ་བརྩམས་པ་རེད་ཅེས་བརྗོད་ཆོག་པ་ཡིན། ཡིན་ནའང་། བཀས་བཀོད་རྒྱུད་འཛིན་གྱི་སྒེར་གཅོད་བསམ་བློའི་ཤུགས་རྐྱེན་གྱི་དམག་ཤུགས་འོག་ཡོན་ཧྲི་ཁེ་དང་ཁོང་གི་སྐུ་ཚབ་བཀས་བཀོད་རྒྱུད་འཛིན་བསྐྱར་འཛུགས་རིང་ལུགས་པས་གཅིག་མིན་གཉིས་མིན་གྱིས་གཏོར་བཅོམ་བཏང་བ་རེད། དེའི་རྗེས་ནས་ཅཱང་ཅེ་ཧྲིས་ཕལ་ཆེར་རྒྱ་ནག་ཡོངས་གཅིག་གྱུར་བཟོས་ཡོད་ནའང་།

དེ་ལས་མང་བ་། “བོད་དང་རྒྱ་ནག་དམངས་གཙོ་ཅན་དབར་གྱི་འབྲེལ་བ།” »

ལོ་ལོན་གྱིས།

ནང་ཆོས་དེ་སྔོན་མ་བདག་ཅག་གི་སྟོན་པས་ཤར་ཕྱོགས་ཀྱི་རྒྱལ་ཁབ་ཁག་ཅིག་ལ་མ་གཏོགས་སྤེལ་མེད་། ནུབ་ཕྱོགས་སུ་མ་སྤེལ་བ་རེད་དམ་། ཡང་ན་སྤེལ་མ་ཐུབ་པ་རེད། འདི་ལ་ཐོལ་བྱུང་གི་རིག་པས་བསམ་གཞིགས་ཤིག་བྱས་ཚེ། རྒྱུ་མཚན་ངེས་ཅན་ཞིག་ཡོད་པར་སེམས། འོན་ཀྱང་། འདི་ནི་ང་ལྟ་བུའི་འབྲོག་རྒན་ཞིག་གི་བློའི་ཚད་ཀྱིས་ག་ལ་ཆོད།
དུས་རབས་ཉེར་གཅིག་པའི་ནང་ནུབ་ཕྱོགས་སུ་སངས་རྒྱས་བསྟན་པ་སྤེལ་བའི་ལས་འགུལ་དེ་རྒྱ་མཚོའི་རླབས་ལྟར་གཡོས།
བླ་མ་སྤྲུལ་སྐུ་དང་ཕར་ཞོག་ཐ་ན་ཁྱིམ་པ་ཕོ་མོ་དག་གིས་ཀྱང་བྱིན་རླབས་ཅུང་ཡོད་མདོག་མདོག་དང་། མཁྱེན་པ་ཅུང་ཡོད་མདོག་མདོག་གིས། ཆོས་ཚོགས་འཛུགས་པ་དང་ཆོས་ཚོང་རྒྱག་པ། ཆོས་སྐོར་བྱེད་པ། སོགས་ཚ་ཚ་འུར་འུར་གྱིས་ནུབ་ཕྱོགས་པ་ཚོར་ཆོས་བཤད་གང་ཐུབ་དང་བཙོང་གང་ཐུབ་བྱེད་བཞིན་ཡོད།
མི་ལ་ལས་འདི་འཇོན་ཐང་དུ་ངོས་བཟུང་ནས་བསྟོད་པ་དང་མི་ལ་ལས་འདི་སྐྱོན་ཆར་ངོས་བཟུང་ནས་སྨད་པ་བྱས། འོན་ཀྱང་། འདི་ལ་ལེགས་ཉེས་གང་མང་ཞིག་འབྱུང་གིན་ཡོད། ལྷག་པར་དུ།

དེ་ལས་མང་བ་། “ང་ཚོ་ལ་མཐོང་ཆུང་རེད།” »

ར་ས་ཕོ་ཉ།

དེ་རིང་ནས་འཛམ་གླིང་གི་རྐང་སྤོལ་འགྲན་བསྡུར་འཚོགས་རྒྱུ་ཡིན་ལ། མི་མང་པོ་ཞིག་གི་སེམས་སུ་སུས་ཐ་མའི་རྒྱལ་ཁ་ལེན་པ་དང་། གང་ཟག་སུ་ལ་གསེར་གྱི་ལྷམ་གོ་དེ་ཐོབ་རྒྱུ་ཡིན་ནམ་སྙམ་བཞིན་ཡོད། ད་་་་་ལྟའི་ཆར་ཉམས་ཞིབ་པ་མང་པོའི་ཐ་མའི་རྒྱལ་ཁ་ལེན་མཁན་དེ་སེ་པེན་Spainཡིན་པར་ཡིད་ཆེས་ཆེན་པོ་བྱེད་ཀྱི་ཡོད།

དེ་ལས་མང་བ་། “འཛམ་གླིང་རྐང་སྤོལ་གསེར་གྱི་རྟགས་མ་སུས་སླངས་རྒྱུ་ཡིན་ནམ།” »

ར་ས་ཕོ་ཉ།
དཔར་ལས་མཁས་ཅན་མང་པོས་སྲས་མོ་ཌ་ཡ་ན་ནི་འདྲ་དཔར་གཟུགས་བྱད་༼འདྲ་དཔར་སོགས་ཀྱི་ནང་མཐོང་གནང་དོད་པོ་ཡོད་མཁན་༽ཅན་ཞིག་ཡིན་པར་བརྗོད་ཅིང་། མི་མང་གི་དུས་དེབ་ཀྱི་ཁ་ཤོག་སྟེང་དུ་ཡང་གཞན་ལས་མང་བ་བཀོད་ཀྱི་ཡོད། འོན་ཀྱང་སྲས་མོ་ཁོང་ནི་བུད་མེད་མཛེས་མའི་སྙིང་པོ་བསྡུས་པ་ཙམ་དུ་མ་ཟད་དཔེ་ཟླ་བྲལ་བ་ཞིག་ཡིན་པ་དང་། ཁོང་མོ་ནི་མི་མང་ལ་ཞེ་དྲག་རྒྱང་རིང་པོ་བྱེད་མཁན་མིན་པས་མི་མང་གི་ཁྲོད་ཡོངས་གྲགས་ཆགས་ཡོད།

སྲས་མོ་ཌ་ཡ་ན་ནི་༡༩༨༧ལོར་རེག་དུག་(AID)ནད་པ་ཚོ་དང་ལྷན་དུ་དཔར་རྒྱག་མཁན་གྱི་སྙན་གྲགས་ཅན་གྱི་མི་ཆེན་དང་པོའི་ནང་ནས་གཅིག་ཡིན་པ་དང་། མི་མང་གིས་རེག་དུག་ནད་གཞི་དེ་མི་ཕན་ཚུན་རེག་ཐུག་བྱས་པ་ལས་བགོས་ཀྱི་ཡོད་པར་ཡིད་ཆེས་བྱེད་པའི་དུས་སུ་མོས་ལས་འགུལ་གྱིས་མི་མང་གི་བསམ་བློ་བཅོས་བསྒྱུར་བྱེད་པར་ཕན་ཐོགས་ཆེན་པོ་བྱས་ཡོད།

ས་འོག་གི་འབར་འདེལ་བེད་སྤྱད་བྱེད་པར་འཛམ་གླིང་སྤྱིའི་བཀག་སྡོམ་ཡོང་རྒྱུའི་རེ་བ་བྱས་པ་དང་གཞན་བུད་མེད་ཚོར་དུད་འགྲོའི་དགེ་རྩའི་ལས་འཆར་དེ་འདྲ་བྱུང་རྒྱུའི་རེ་བ་བྱས་པའི་མི་མང་ཁྲོད་ཀྱི་མོའི་ལོ་རྒྱུས་སྙིང་བསྡུས་དེ་ཚོས་གནོད་འཚེ་ཕོག་ཡུལ་དང་ལས་འགུལ་སྤེལ་མཁན་ཚང་མར་རེ་བ་ཆེན་པོ་སྦྱིན་ཐུབ་ཡོད། མོ་རང་གློ་བུར་གྱི་དོན་རྐྱེན་གྱིས་འདས་པའི་རྗེས་སུ་རང་ལྒེར་གྱི་མིན་པའི་ས་ཆར་ས་འོག་འབར་འདེལ་བེད་སྤྱོད་བྱེད་མི་ཆོག་པའི་ཆིངས་ཡིག་༼ཨོ་ཏ་ཝ་ཆིངས་ཡིག་Ottwa treaty༽ལ་གྲོས་ཆོད་ཀྱི་མཚན་རྟགས་ཐོབ་ཡོད་ཅིང།

དེ་ལས་མང་བ་། “སྲས་མོ་ཌ་ཡ་ན། (Princess Diana)” »

བོད ལྷ་ཀླུ་གཉན་གསུམ།

བོད་རྒྱ་གཉིས་ཀྱི་གནད་དོན་ལ་དོ་སྣང་ཡོད་མཁན་གྱི་བོད་ཕྱི་ནང་གཉིས་ཀྱི་ གཙོ་བའི་བོད་དང་རྒྱ་རིགས་ཤེས་ཡོན་ཅན་མི་ཉུང་བ་ཞིག་གིས་ཝང་ལི་ཞང་ཟེར་བའི་ མིང་འདི་ཕལ་ཆེར་མ་གོ་མཁན་མེད་ཟེར་ན་མ་འགྲིག་པ་གཏན་ནས་མེད།

དེ་ལས་མང་བ་། “ཝང་ལི་ཞང་གིས་བོད་ལ་རང་སྐྱོང་སྤྲོད་སྲིད་དམ།” »