བོད། ལྷ་ཀླུ་གཉན་གསུམ།
མི་ཚོས་རྒྱུན་དུ་ལོ་སར་གླེང་བ་དང་ལོ་སར་བ་དང་ཚང་མར་འཚམ་འདྲི་ཞུ་བཞིན་ཡོད་ལ། དེ་དང་འགྲོག་ནས་ཁ་གཡང་མི་ཉུང་བ་ཞིག་ཀྱང་འབོད་ཀྱི་ཡོད། དེ་ནི་ཆོས་ལུགས་ལ་དད་པ་ཡོད་མེད་དང་། ཕྱི་ནང་གི་གྲུབ་མཐའི་བར་མཚམས་དང་། མི་རིགས་ཀྱི་དབྱེ་བ་སོགས་གང་ཡང་མེད་པ་ཡིན། དེ་ནི་འགྲོ་བ་མི་སྤྱི་མཚུངས་ཀྱི་གོམ་གཤིས་ཤིག་ཆགས་ཡོད་པ་རེད།
དེ་ལས་མང་བ་། “ལོ་སར་གླེང་དགོས་པ་དེ་ཡང་དོན་དག་གསར་བ་རེད་དམ།” »
ཐོར་རྒོད་པ་སྤྱན་ཆབ།
རང་གི་རྐང་མགོར་ལོངས་དང་།།ལག་རྩལ་ངོམ་ནས་ཤོག་དང་།།ཀླད་ཤུགས་ངོམ་ནས་ཤོག་དང་།།སྒྱུ་རྩལ་ངོམ་ནས་ཤོག་དང་།།ཁྱོད་རང་ལའང་ཁྱོད་རང་གི་ལག་ཟུངཆེན་པོ་ཡོད།ཁྱོད་རང་ལའང་ཁྱོད་རང་གི་ཀླད་ཤུགས་སྟོབས་ལྡན་ཡོད། ཁྱོད་ནི་ཁྱོད་རང་གི་སླད་དུ་གསོན་ཤོག། ཁྱོད་ནི་ཁྱོད་རང་གི་ཆེད་དུ་ལོངས་ཤོག།ལོངས་ཤོག ལོངས་ཤོག ད་ལྟ་ཉིད་དུ་ཡར་ལ་ལོངས་ཤོག འཇིག་རྟེན་གྱི་མདུན་དུ།མི་ཚོགས་ཀྱི་མདུན་དུ།ཁང་བརྩེགས་ཀྱི་མདུན་དུ།རི་རབས་ཀྱི་མདུན་དུ།མེ་ལོང་གི་མདུན་དུ།སྙིང་ཉེ་ཡི་མདུན་དུ།
དེ་ལས་མང་བ་། “རང་གི་རྐང་མགོར་ལོངས་ཤོག བོད། (Rockགཞས་ཚིག་ཅིག)” »
ཞོགས་པ་སྔ་བོ་ནམ་གསལ་མ་གསལ་གྱི་སྐབས་སུ། འཚོ་བ་ཆུང་ཆུང་ཞིག་དང་མི་ཚང་ཆུང་ཆུང་འདི་ཡི་ཆེད་དུ་ཟེར་ན་རེད། ཡང་ན། རྒྱང་རིང་གི་ཕ་མ་དང་ཉེ་དུ་གཞན་དག་གི་དགོས་འཁོའི་ཆེད་དུ་ཟེར་ན་རེད། རང་དོན་ཟེར་ན་འགྲིག ལྟོ་དོན་ཟེར་ན་ཆོག ལམ་ལ་བུད་ཀྱི་ཡོད་པ་རེད། ཉིན་ལྟར།
དེ་ལས་མང་བ་། “ང་ཡི་ཁོར་ཡུག ཁྱེད་ཁོ་ནའི་གཟུགས་བརྙན་གྱིས་བཟུང་ཡོད།” »
བསྟན་དར།
སྤྱིར་འཛམ་གླིང་ཤར་ནུབ་དམངས་གཙོ་ཅན་གྱི་རྒྱལ་ཁབ་དུ་མའི་ནང་གཞུང་འཛིན་མི་སྣ་མང་པོ་འོས་འདེམས་‘ེད་བཞིན་ཡོད་ནའང་། བོད་ཀྱི་བཀའ་ཁྲིའི་འོས་མི་རྣམས་ལ་ཁྱད་ཆོས་དམིགས་བསེལ་བ་ཞིག་ཡོད་པ་མངོན། དེ་ནི་ཁོང་རྣམ་པས་འཛུམ་མདངས་རྒྱས་བཞིན་མཛའ་མཐུན་གྱི་ངང་ནས་མི་མང་‘ིང་དང་ལྷན་དུ་བཀའ་མོལ་དང་དྲི་ལེན་འདེབས་རེས་‘ེད་པ་སོགས་རེད།
གཡུ་དྲུག་དཀར། རྡ་ས།
ས་ཆེན་པོའི་པང་དུ་ཉལ་ནས་མཐའ་མེད་པའི་ནམ་མཁར་ཅེར་ཡང་རུང་། ཁྱེད་ལ་རང་གི་རྐང་འོག་གི་ས་གོར་མོ་འདི། ས་མཐའ་ཡིན་ལ། རང་ས་མིན་པའི་བདེན་དཔང་གང་གིས་བྱས་སམ། ཉིན་མོའི་འདུ་འཛིའི་ཁྲོད་དང་མཚན་མོའི་རྨི་ལམ་གྱི་ཁྲོད་གང་ཡིན་རུང་། ཁྱེད་ཀྱིས་ཡུལ་འདི་རང་ཡུལ་མིན་པར། གཞན་ཡུལ་ཡིན་པར་ཇི་ལྟར་བསྙོན་སོང་། དགའ་བའི་དགོད་སྒྲའི་ྐློང་དང་སྡུག་གི་ངུ་སྐད་ཀྱི་ཁུག་པ་གང་དུའང་། ཁྱེད་ཀྱིས་ཁྱིམ་འདི་རང་ཁྱིམ་མིན་པར། རྡོ་གཞུང་ཞིག་ཏུ་འཛིན་པ་ཅི་ཡིས་བྱས་སམ།
རྨ་མགུར་སངས་རྒྱམ། ཨིན་བསྒྱུར་མ།
ཕྱི་རྒྱལ་ཡུལ་གྲུ་ཁག་གི་ནང་དུ་ཡོད་པའི་བོད་རིགས་དེ་ཚོའི་སྐོར་ལ་ངས་ཁྱེད་ལ་ག་རེ་བཤད་པའི་ནང་དོན་ཚང་མ་ཁྱེད་ཀྱིས་ཤེས་རྟོགས་བྱེད་རྒྱུ་དེ་ནི་ཤིན་ཏུ་དཀའ་ལས་ཁག་པོ་རེད། དེ་ལྟར་དུ་ཡིན་ནའང་ངས་རང་གི་ལངས་ཕྱོགས་ཀྱི་ལྟ་བ་མི་འདྲ་བ་ཞིག་གི་ཐོག་ནས་གནད་དོན་འདི་ལ་བལྟ་རྒྱུ་ཡིན། སྤྱིར་ང་རང་ཁོ་ཚོའི་བྱེད་སྟངས་འདི་ལ་དགའ་བོ་མེད་པ་དང་ཐབས་ཇུས་འདི་རིགས་ཀྱིས་ལས་ཀ་ཡག་པོ་ཞིག་བྱེད་ཐུབ་ཀྱི་མ་རེད།
དེ་ལས་མང་བ་། “བོད་ནང་གི་སློབ་ཕྲུག་བུ་མོ་ཞིག་ལ་ཕྱི་རྒྱལ་གྱི་གྲོགས་པོས་སློབ་གསོ་བརྒྱབ་པ།” »
ཆུ་སྐྱེས་སྒྲོལ་མ།
༼ལ་རྩེ་དཔེ་མཛོད་ཁང་གིས་མཛའ་གཞས་སྐོར་གྱི་གསལ་བསྒྲགས་བསྐྱངས་པ་བརྟེན་ནས། ཉིན་ཁ་ཤས་རིང་ལ་དྲ་གྲོགས་ཚོས་མཛའ་གཞས་སྐོར་གླེང་སོང་། མཛའ་གཞས་ནི་ནང་དོན་ཟབ་པ་དང་སྙན་པའི་རྩོམ་རིག་ཅིག་རེད། དེ་རིང་གུས་མོས་མཛའ་གཞས་དང་འབྲེལ་བ་ཡོད་པའི་དམངས་ཁྲོད་ཀྱི་སྒྲུང་ཞིག་བཤད་སྙིང་འདོད་བྱུང་། སྒྲུང་འདི་ནི་ཕོ་མོའི་བརྩེ་དུང་དང་མཛའ་གཞས་ཀྱི་དོན་སྙིང་སྐོར་གསལ་བ་ཞིག་རེད། སྒྲུང་འདི་ནི་དབུས་གཙང་ཁུལ་གྱི་དམངས་ཁྲོད་སྒྲུང་ཞིག་རེད། སྒྲུང་དེ་ཅུང་རིང་པོ་ཞིག་ཡིན་ནའང་། ངས་ ཆ་ཚང་ཇི་མ་ཇི་བཞིན་བྲིས་མེད་པར། སྒྲུང་དེ་ཐུང་རུ་བཏང་ནས་ཉིང་བསྡུས་ཤིག་བྲིས་ཡོད། མཛའ་གཞས་ཟེར་བ་གང་འདྲ་ཞིག་ཡིན་པ་དང་། དམངས་ཁྲོད་ཀྱི་མཛའ་གཞས་དེ་ཚོ་ལ་རྒྱབ་ལྗོངས་མི་འདྲ་བའི་སྒྲུང་གཏམ་རིང་ཐུང་སྣ་ཚོགས་ཤིག་ཡོད་པའི་དཔེ་མཚོན་ཅིག་ཀློག་མཁན་ཚོར་འབུལ་འདོད་བྱུང་།༽
རྡོ་རྗེ་དབང་ཕྱུག
ང་རང་སློབ་ཆུང་གི་སྒོ་ཐེམ་ལ་གོམ་པ་སྤོས་ནས་ཅུང་མ་འགོར་བའི་དུས་ཚོད་དེ་འདྲ་ཞིག་ལ། དེ་སྔོན་མཐོང་རྒྱུ་ཕར་ཞོག གོ་མྱོང་ཡང་མེད་པ་སྐུད་པ་དམར་པོ་ཞིག་སྐེ་ལ་འདོགས་རྒྱུ་རག་སོང་། དེ་ནི་མི་ཚེའི་ནང་སྐེ་ལ་སྲུང་མདུད་ཅིག་བཏགས་པ་ཐོག་མ་དེ་ཡིན། དགའ་སྣང་ཞིག་དང་བཅས་སྲུང་མདུད་དེ་བཏགས་ནས་སློབ་གྲྭར་སོང་བར། བསམ་ཡུལ་ལས་འདས་པ་ཞིག་ལ། སྲུང་མདུད་དེས་ང་ལ་འགྲམ་ལྕག་ཚ་ཐག་ཆོད་ཅིག་རག་སོང་།
ཞིང་པའི་བུ།
སྤྱིར་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་དང་བཀའ་ཟུར་བཀྲ་ཤིས་དབང་འདུད་གཉིས་ཆར་ལ་དེ་སྔོན་ཕན་ཆོད་ལོ་མང་རིང་བོད་སྤྱི་པའི་ཕྱག་ལས་རབས་དང་རིམ་པར་གནང་བ་ཙམ་མ་ཚད་འཛིན་སྐྱོང་གི་ཉམས་མྱོང་གི་ཆུ་ཚད་མཐོན་པོར་ཡོད་པ་དང་། དེ་བཞིན་དུ་མི་གཤིས་དང་ཀུན་སྤྱོད་སོགས་གང་ཅིའི་ཐད་དེ་སྔོན་ཕན་ཆད་ཟེར་རྒྱུ་གཏམ་རྒྱུ་གང་ཡང་མེད་པའི་འོས་མི་གཉིས་ཡིན་པར་ཡིད་ཆེས་ཡོད།
དེ་ལས་མང་བ་། “༧གོང་ས་མཆོག་གི་དགོངས་བཞེད་དང་བློ་སེང་བཀའ་ཁྲིའི་འབྲེལ་བ།” »
རྡོ་རྗེ་དབང་ཕྱུག
ཉིན་འདི་ཚོར། རང་ཉིད་ཆུང་ཆུང་སྐབས་ཀྱི་འདྲ་པར་ཞིག་ཡོད་ན་ཅི་མ་རུང་སྙམ་པ་དེ་སེམས་ནང་ཡང་ཡང་འཁོར་གི་འདུག གཞན་གང་ཡང་མ་རེད། སྐབས་དེའི་རང་ཉིད་ལ་བལྟ་འདོད་པ་དེ་ཙམ་ལས་གཞན་གྱི་དགོས་མཁོ་གང་ཡང་མེད་ནའང་། ཉིན་རྟག་པར་ཆུང་ཆུང་སྐབས་ཀྱི་འདྲ་པར་ཞིག་མེད་པ་དེར་སེམས་ནང་སྐྱོ་སྣང་ལྷང་ངེ་བ་ཞིག་འདུག
དེ་ལས་མང་བ་། “ཆུང་ཆུང་སྐབས་ཀྱི་འབྲི་དེབ། ཆུང་ཆུང་སྐབས་ཀྱི་སྨྱུ་གུ།” »
སྐྱེས་སར་ཀླུ་སྒྲུབ། ཧྥ་རན་སི།
བདུན་ཕྲག་འགའི་གོང་རྡ་སའི་གྲོགས་པོ་ཞིག་ལ་ཅ་ལག་འགའ་བསྐུར་བཅུག་པ་ཡིན། ཅ་ལག་དེ་ཚོར་སྤྱི་རྒྱ་བཅུ་གཉིས་ཙམ་ཡོད་ཁར། རང་ལ་མཚོན་ན་ཅུང་གལ་ཆེན་ཞིག་ཡིན་དབང་གིས། རྒྱལ་སྤྱིའི་མགྱོགས་འཕྲིན་བརྒྱུད་ལམ་DHLནང་བསྐུར་རོགས་ཞེས་བཤད་པར། གྲོགས་པོས་ཀྱང་དེ་ལྟར་བསྐུར་བའི་འགྲོ་ལུགས་ཚང་མ་གཉེར་འདུག འོན་ཀྱང་ཆེས་དགོད་བྲོ་བ་ཞིག་ནི། ངའི་གྲོགས་པོས་ཅ་ལག་བསྐུར་ལམ་དེ་DHLརྫུན་མ་ཞིག་ཏུ་འཁེལ་ནས། རྒྱ་གར་ལས་ཀ་པ་ཚོས་ཅ་ལག་བསྐུར་རིན་DHL གྱི་གོང་ཚད་ལྟར་ བླངས་ཏེ། ཅ་ལག་དངོས་སུ་བསྐུར་སྐབས་སྦྲག་ཁང་དཀྱུས་འགྲེ་ནས་བསྐུར་ཏེ་དངུལ་གང་ཙམ་ཞིག་བར་ཟོས་བྱས་འདུག་ཁར། ཁོ་ཚོས་ཁས་ལེན་འགན་ལེན་བྱས་པ་ལྟར་གྱི་དུས་བཅད་དེ་ལས་བདུན་ཕྲག་གཅིག་གི་དུས་ཚོད་འགོར་འགྱངས་བྱུང། འདི་ལྟར་བྱས་ནས་རང་ལག་ཏུ་སླེབས་སྐབས་པེ་རི་སིའི་སྦྲག་ཁང་དཀྱུས་མ་ཞིག་ནས་ངོ་ཤེས་ཤིག་གི་ཁ་བྱང་བེད་སྤྱོད་བྱས་པ་བརྒྱུད་དེ་རག
ང་ནི་ནམ་རྒྱུན་བོད་མིའི་སྐྱིད་སྡུག་ལ་སེམས་ཁུར་བྱེད་པའི་གྲྭ་རྐྱང་དཀྱུས་མ་ཞིག་དང་། རང་ནུས་གང་ཡོད་ཀྱིས་མི་རིགས་ཀྱི་ཆེད་དུ་ཞབས་ཞུ་ཕྲན་བུ་ཙམ་སྒྲུབ་མྱོང་མཁན་ཞིག་ཀྱང་ཡིན། ཡིན་ནའང་། ཁ་སང་དེ་རིང་གི་བོད་ནང་གི་ན་གཞོན་ཤེས་ཡོན་ཅན་གཙོས་བོད་མི་ཡོངས་ཀྱི་སེམས་ཤུགས་དང་ཁ་ཡོད་ལག་ཡོད་ཀྱིས་ལག་ལེན་བྱེད་སྟངས་སོགས་ལ་བལྟས་པ་ཡིན་ན། ང་ཚོ་ལ་རེ་བ་དང་། ང་ཚོས་ལོ་མང་རིང་དཀའ་ལས་རྒྱབ་པའི་ལས་དོན་ལ་རེ་འབྲས་ཡོད་པ་གདོན་མི་ཟ་སྙམ།
དེ་ལས་མང་བ་། “གཞིས་ལུས་བོད་མི་ཞིག་གིས་མི་རིགས་ལ་བཅངས་པའི་ཆོད་སེམས།” »
ཞིང་པའི་བུ
དེང་སང་ང་ཚོས་ཚ་ཚ་འུར་འུར་གླེང་བཞིན་པ་གཅིག་ནི་བཀའ་བསྒྱུར་རྒྱུའམ་བཙོང་རྒྱུ་ཡིན་ལ། དེའི་ཐོག་བསམ་བློབ་ཞིག་གཏོང་ན་བོད་ཀྱི་ཡབ་མེས་ཆོས་རྒྱལ་དམ་པ་རྣམས་དང་ལོ་ཙཱ་བ་ཀ་ཅོག་ཞང་གསུམ་གཙོས་པའི་ཕ་མེས་ཡང་མེས་རྣམས་ཀྱིས་མི་འགྲོས་ཀྱི་ཡུ་བ་དང་། རྒྱུ་འགྲོས་ཀྱི་ནོར་རྫས་ཡོད་རྒུ་བཏང་ནས་ཆེས་རིན་ཐང་ཆེའི་རྒྱལ་བའི་བཀའ་འགྱུར་རིན་པོ་ཆེ་དང་རྗེས་འཇུག་མཁས་པ་རྣམས་ཀྱིས་དགོངས་འགྲེལ་དུ་བརྩམས་གནང་པའི་བསྟན་འགྱུར་གཉིས་པོ་ཕུན་སུམ་ཚོགས་པ་ཞིག་ང་ཚོའི་གཅེས་ནོར་དུ་བཞག་ཡོད།
ཞིང་པའི་བུ
རྣམ་པ་ཚོས་གཟིགས་དང་། ཅི་ཞིག་མཐོང་གི་འདུག སྤྱིར་ཚན་རྩལ་གྱི་འོད་རླབས་གོ་ལ་ཧྲིལ་པོ་འདིར་མ་ཆུད་པར་ཟླ་བའི་སྟེང་དུ་ཐོན་ཟིན་པའི་སྐབས་འདིར། མིག་ཡོད་ཚད་ཀྱིས་ཕུར་ཚུགས་སུ་བལྟ་ས་དང་། རྣ་བ་ཡོད་དོ་ལྕོགས་ཀྱིས་ཀྲོག་ཀྲོག་བྱས་ནས་ཉན་ས།
ཁ་འཕྲད་ལ་དོད་ཚད་ཀྱིས་གླེང་བཞིན་པ་ནི། ཕོ་མོ་དབྱེར་མེད། ཐོབ་ཐང་འདྲ་མཉམ། བརྩི་ཐང་གཅིག་གྱུར། ནུས་པ་ཁྱད་མེད་སོགས་དགོས་ཞེས་འབོད་བཞིན་པ་འདི་ལ།
ཐེ་བོ་ཤེས་རབ་རྒྱ་མཚོ།
དགའ་འོས་པ་ཞིག་ལ་ཆུ་ཚོད་ཁ་ཤས་སྔོན་《དུས་བབ་》ཀྱིས་ཁེ་ཉིན་པར་རྒྱ་ནག་གིས་མྱི་སྐད་ཆེས་ཐོག་མར་བཤད་པའི་གསར་འགྱུར་དེ་ངའི་མིག་ལམ་དུ་བསྐྱལ་ནས་སླེབས་བྱུང་།
དེ་དང་བསྟུན་ནས་མཆན་བུ་བ་ཞིག་གིས་བོད་ཀྱི་རྒྱལ་གླུ་འདི་ཡང་ བསྒྱུར་བཅོས་གཏང་དགོས་པའི་བསམ་འཆར་རྙིང་ཟད་དུ་གྱུར་བ་ཞིག་དྲུད་ནས་སླེབས་ བྱུང་། མཆན་བུ་བའི་བསམ་འཆར་འདི་གསར་པ་གང་ཡང་མིན་སྟབས་འདིས་ང་ལ་འགུལ་སྐྱོད་ཅི་ཡང་ བཏང་མ་བྱུང་།
དེ་ལས་མང་བ་། “ཁེ་ཉིན་པར་རྒྱ་ནག་གིས་མྱི་སྐད་ཆེས་ཐོག་མར་བཤད་པ།” »
བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་རླུང་འཕྲིན་སྙན་སྒྲོན་ལེ་ཚན།
ཆུ་སྐྱེས་སྒྲོལ་མ།
༼རྩོམ་ཡིག་འདི་ནི། ཨ་རིའི་རླུང་འཕྲིན་ཁང་གི་བོད་སྐད་ཚན་པས་བོད་ཀྱི་རྩོམ་རིག་སྐོར་སྙན་སྒྲོན་གྱི་གོ་སྐབས་གནང་བའི་སྐོར་དེ་ཡིན། འདིར་སྙན་སྒྲོན་ཡི་གེའི་མ་ཕྱི་དང༌། སྙན་སྒྲོན་དངོས་གཞི་རྒྱང་བསྲིང་གི་སྒྲ་ཡང་ལྷན་དུ་བཀོད་ཡོད།༽
ལེ་ཚན་གཉིས་པ།
གསན་མཁན་རྣམ་པ་ཚོ་ལ་འཚམས་འདྲི་ཞུ་བ་དང་ཆབས་ཅིག མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་གྱི་དངོས་ཡོད་གནས་སྟངས་དང༌། འབྲེལ་ཡོད་མི་སྣ་ཁག་ཅིག་ལ་བཅར་འདྲི་ཟུང་འབྲེལ་གྱི་ལམ་ནས། དེ་རིང་གི་ལེ་ཚན་ནང༌། བོད་སིལ་བུའི་སྐབས་ཀྱི་བོད་ཀྱི་རྩོམ་རིག་སྒྱུ་རྩལ་གྱི་གནས་སྟངས་ལ་དཔྱད་བསྡུར་དང༌། བརྩམས་ཆོས་གཞན་ནས་ལུང་འདྲེན་ཞུས་པ་སོགས་ལེ་ཚན་སྔ་མའི་འཕྲོ་ནས་མུ་མཐུད་དེ་སྙན་སྒྲོན་ཞུ་གི་ཡིན།
དེ་ལས་མང་བ་། “མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼༢༽” »
འབྲོང་བུ་ཟླ་བ་ཚེ་རིང་།
དགེ་རྒན་ནང་དུ་སླེབས་སོང་། སློབ་ཕྲུག་རྣམས་ཁུ་སིམ་མེར་བསྡད་འདུག དགེ་རྒན་གྱིས་ཀྱང་སྔོན་གྱི་འཆར་གཞི་ལྟར་སློབ་ཕྲུག་ཚོར་ཀློག་དེབ་དང་འབྲི་དེབ་སོགས་བསྡུ་གསོག་རྒྱག་ཏུ་བཅུག་རྗེས་ཡིག་རྩལ་གྱི་རྒྱུགས་ཤོག་བཀྲམས། དེ་ནས་ཁོང་གིས་ད་ཁྱོད་ཚོས་རང་རང་ས་ནས་ཡིག་རྩལ་ཕྲིས། བྲིས་ཚར་མ་ཐག་ལན་ཤོག་ངའི་ཡིག་ཚང་དུ་སྐྱེལ་རོགས་གནང། ངས་དེ་རུ་སྒུག་ནས་འདུག་གི་ཡིན་ཞེས་གསུངས་རྗེས་འཛིན་ཁང་དང་ཁ་བྲལ་ནས་ཕེབས་སོང། སློབ་ཕྲུག་ཚོས་སྔོན་ལྟར་ཁུ་སིམ་མེར་རང་རང་ས་ན་དྲི་ལན་འབྲི་བཞིན་འདུག སྐར་མ་ལྔ་དང། སྐར་མ་བཅུ་ཡུན་གྱིས་འདས་ན་ཡང། འཛིན་ཁང་ནང་གི་ལྷིང་འཇགས་ཀྱི་ཁ་དབུགས་དཀྲོགས་མཁན་ནི་ཤོག་བུ་ཕར་སློག་ཚུར་སློག་བྱེད་པའི་ཤོག་སྒྲ་དང་སྨྱུ་གུས་ཤོག་བུའི་སྟེང་དུ་འབྲི་བཞིན་པའི་སྐབས་ཀྱི་ཧྲག་སྒྲ་ལས་ཅི་ཡང་མི་འདུག
༄༅། །བརྩེ་ལྡན་གཅེན་མོ་ཚེ་རིང་སྒྲོལ་མ་དེ་ཉིད། ༡༩༢༠ ལོ་བོད་ཆེན་པོའི་ནང་ཚན་མདོ་སྨད་ཨ་མདོ་སྐུ་འབུམ་གྱི་ཉེ་སྐོར་སྟག་འཚེར་ཁྱིམ་ཚང་དུ་བཙས། གྲོང་གསེབ་ཞིང་པ་ཕལ་བའི་བུ་མོ་དཀྱུས་འགྲེའི་ལུགས་བཞིན་ནང་ཁྱིམ་གྱི་ཉིན་ རེའི་ལས་ཀར་གཡེངས་པས་ཤེས་ཡོན་སྦྱངས་བརྩོན་བྱས་པ་མེད། ངེད་ཏཱ་ལའི་བླ་མའི་ཡང་སྲིད་དུ་ངོས་འཛིན་བྱས་ཏེ་ནང་མི་ཡོངས་རྫོགས་བོད་དབུས་ཕྱོགས་སུ་ཡོང་བའི་སྐབས། གཅེན་མོ་དང་། ཡུལ་སྲོལ་ལྟར་ཆུང་གྲོགས་སུ་མཉམ་ཡོད་ཕུན་ཚོགས་བཀྲ་ཤིས་ལྷ་ས་ཆོས་ལྡན་ཞིང་དུ་འབྱོར།
དེ་ལས་མང་བ་། “ྋགོང་ས་མཆོག་གིས་མཛད་པའི་གཅེན་མོ་ཚེ་རིང་སྒྲོལ་མའི་ལོ་རྒྱུས་མདོར་བསྡུས།” »
ཤེལ་དཀར་ལྷག་པ།
དེ་རིང་ཁོ་བོས་དྲྭ་ཉུལ་བྱས་དུས་ཟླ་བ་ཚེ་རིང་སྤྱི་འཐུས་འོས་མི་རུ་གསལ་བསྒྲགས་བྱས་པ་མཐོང་འཕྲལ་ང་ནི་ཧང་སང་སོང་། ཁོ་ད་དུང་ཡང་རང་གིས་ངོས་ལེན་མེད་པའི་གཞུང་དེའི་འཐུས་མི་རུ་བཞེངས་པར་བརྟེན་ཧང་སང་སོང་། མཚམས་འདིེར་ང་ལ་ཚོེར་སྣང་སྐྱེན་པོ་ཞིག་གི་རྐྱེན་བྱས་ནས་ཟླ་བ་ཚེ་རིང་གི་སྔ་ཕྱིའི་གནས་ཚུལ་མང་པོ་ཞིག་གླེང་འདོད་སྐྱེས་བྱུང་།
དེ་ལས་མང་བ་། “ཟླ་བ་ཚེ་རིང་སྤྱི་འཐུས་འོས་མི་རུ་བཞེངས་ཆོག་གམ།” »
ཐེ་བོ་ཤེས་རབ་རྒྱ་མཚོ།
ཁ་རྩང་<<བོད་ཀྱི་དུས་བབ>> (སྤྱིའི་འདོན་ཐེངས་500 2010.10.20) ཀྱི་ཆེད་བརྗོད་ལེ་ཚན་དུ་སྐུ་ཞབས་འཇམ་མགོན་གྱིས་<<བོད་ཀྱི་སྐད་ཡིག་དོན་དངོས་ཐོག་ཅི་ཞིག་ཡིན་ནམ།>> ཞེས་པའི་རྩོམ་ཡིག་དེ་ངས་ངའི་རོགས་པ་ཞིག་ནང་དུ་མགོ་ནས་མཇུག་བར་ཞིབ་ཀློག་ཐེངས་གཅིག་བྱས་པ་ཡིན།
དེ་ལས་མང་བ་། “བོད་ཀྱི་སྐད་ཡིག་དོན་དངོས་ཐོག་ཆོས་འདོན་སྤྱད་ཅིག་རེད།” »