གཅན་བཟོད་རྒྱམ།
“ལོ་སར་”པའི་དུས་ཚོད་འདི་ཉེ་ནས་ཉེ་རུ་བཅར་ཡོང་དུས། བཙན་བྱོལ་དུ་ལས་ཀ་མེད་པར། སེམས་ཁྲེལ་མེད་པར། འདང་རྒྱག་མེད་པར། ཚོར་བ་མེད་པར་འདུག་མཁན་ཚོས་(ལོ་སར་ལ་བཀྲ་ཤིས་བདེ་ལེགས་) ཞུ་འགོ་བཙུགས་སོང་།
དྲ་རྒྱ་དང་ངོ་དེབ་སོགས་སུ་ལུས་གཏན་སྣ་ཚོགས་བཤད་པའི་བོད་མི་མང་པོས་ལོ་སར་བསུས་སོང་ལ། ལོ་མི་གསར་མཁན་ཚོར་ངོ་རྒོལ་དགག་ལན་གཏོང་འགོ་ཡང་བཙུགས་སོང་།
“ལོ་མ་གསར་ན་བོད་ལ་ཅི་ཕན་གི་རེད།” དང་ཡང་ན་”ལོ་མ་གསར་བ་དེ་རང་གི་གྱོང་རེད།”ཅེས་དང་། “ལོ་མ་གསར་ན་བོད་ནང་གི་བོད་མི་ཚོར་ཅི་ཕན་གི་རེད།”ཅེས་དང་། “བོད་ནང་གི་བོད་མི་ཚོའི་སྡུག་བསྔལ་དེ་ང་ཚོས་འདི་ནས་ལོ་གསར་མ་བཏང་བས་ཅི་ཡང་ཕན་གི་མ་རེད།” ཅེས་སོགས་དགག་ཚིག་དང་དྲི་བ་ལྟ་བུའི་སྐད་ཅ་གང་མང་བཤད་ཡོང་གི་འདུག

དེ་ལས་མང་བ་། “"ལོ་སར་"གཏོང་ནུས་ཀྱི་མི་འདུག” »

བོད། ལྷ་ཀླུ་གཉན་གསུམ།

གཟའ་སྔོན་མའི་ནང་དུ་ང་རང་ལས་ཀར་ཡོད་སྐབས་སུ། བུད་མེད་ཅིག་གིས་ཁ་པར་འབྱོར་སོང་། ངས་ཁྱེད་རང་སུ་ཡིན་ཞེས་དྲིས་དུས། ང་རང་ཆོས་སྐྱིད་ཡིན་ཟེར། ད་གཟོད་རེ་ཞིག་རིང་དུ་ང་རང་ལ་དྲན་རྒྱུ་གང་ཡང་མེད་པར་གྱུར།
སྐད་ཆ་ཁ་ཤས་ཤིག་བཤད་རྗེས་སུ། ད་གཟོད་ངས་ཁོ་མོ་ནི་ང་རང་ལ་གཟའ་སྔོན་མའི་ནང་ད་གྲོགས་པོ་བློ་བཟང་གིས་ངོ་སྤྲོད་བྱས་པའི་བཙུན་མ་དེ་ཡིན་པ་ཤེས་སོང་། གྲོགས་པོ་བློ་བཟང་གིས་ང་རང་ལ་ནང་བའི་བཙུན་མ་ཞིག་གིས་ནང་ཆོས་སྐོར་གྱི་དེབ་ཞིག་སྒྱུར་ཡོད་པ་དེ་ཀྲེ་ལ་བེས་ནས་སྒོ་འབྱེད་གནང་གི་ཡོད་པ་དེ་ལ།

དེ་ལས་མང་བ་། “ཁ་བཏགས་ཀྱི་སྣེ་ནས་བསུས་པའི་ནང་ཆོས།” »

སྤོབས་པ་མཐའ་ཡས།
འབྱུང་འཇིག་གི་འགྱུར་བ་ཆེས་མང་བའི་འཇིག་རྟེན་འདིའི་སྐམ་སར་གྱུར་པའི་དུམ་བུ་ཆུང་ཆུང་ཞིག་གི་སྟེང་ན་ང་ཚོ་གནས་བཞིན་པ་རེད། འཛམ་གླིང་ཞེས་འབོད་པའི་གོ་ལ་ཆུང་ཆུང་འདིའི་སྟེང་ཁོ་ནར་ང་ཚོ་གནས་ཐུབ་པ་ཡིན་སྟབས་ང་ཚོས་འདི་ལྟ་བུའི་གནས་གཞི་ཞིག་རྙེད་པ་དེ་ནི་དགའ་བ་སྒོམ་འོས་པ་ཞིག་རེད། གོ་ལ་འདིའི་ཡང་ཆ་ཤས་ཕལ་མོ་ཆེ་ནི་གྲང་ཆེ་བ་དང་། ཚ་དྲགས་པ། སྐམ་ཆེ་བ། གཟར་དྲགས་པ། མཐོ་ཆེས་པ་སོགས་ལ་བརྟེན་ནས་ང་ཚོ་འཚོ་སྡོད་ཐུབ་ཀྱིན་མེད་པ་རེད། དེ་ནི་ཕྱོགས་གཅིག་ནས་ང་ཚོ་རང་གི་སྐྱོན་ཡང་རེད།

དེ་ལས་མང་བ་། “ང་ཚོའི་གཞིས་ཁྱིམ་ཆུང་ཆུང་།” »

་་་་་་་་་རྨེ་སྲིབ་ནོར་བུ།

ངའི་རྒྱལ་ཁབ་རྩོད་ལེན་ཆེད་དང༌། ངའི་མི་རིགས་ལ་སྣེ་ཁྲིད་ཆེད་བཀའ་བློན་འོས་མི་དག་གིས་རྣམ་དཔྱོད་ཀྱི་འགྲན་སྟེགས་ལས ཆིག་སྒྲིལ། གསར་གཏོད། རང་མགོ་རང་ཐོན། བཅས་སྲིད་བྱུས་རྩ་དོན་གསུམ་བཏོན་མཁན་གྱི་བསམ་བློ་དེ་ཕྲན་གྱིས་འགངས་ཆེན་བྱེད་ཀྱིན་ཡོད། དེས་ཕྱིར་ངའི་བཀའ་ཁྲི་ལ་ངོ་མཚར་ཆེ་བའི་ལོ་རྒྱུས་ཡོད་མེད་ལ་མ་བལྟོས་པར། འོད་སྟོང་འབར་བའི་བསམ་བློ་བ་ཞིག་དགོས་པར་འདོད།

དེ་ལས་མང་བ་། “འོད་སྟྟོང་འབར་བའི་བསམ་བློ་བ་ཞིག་དགོས།” »

རྨ་མགུར་སངས་རྒྱམ།

རྒྱལ་བ་ཀརྨ་བ་ཨོ་རྒྱན་འཕྲིན་ལས་རྡོ་རྗེ་མཆོག་སྤྱི་ལོ་༢༠༠༠་ལོར་བོད་ནས་ཕྱི་རྒྱལ་དུ་བྲོས་བྱོལ་དུ་ཕེབས་དགོས་པའི་རྒྱུ་རྐྱེན་ནི་འདས་ཟིན་པའི་ལོ་ངོ་ལྔ་བཅུའི་རིང་དུ་རྒྱ་ནག་གིས་བོད་ལ་འཛིན་པའི་སྲིད་ཇུས་ཀྱི་ནོར་འཁྲུལ་ཆེ་ཤོས་ཅིག་ཡིན་པ་དང་། ཉེ་ཆར་རྒྱ་གར་རྡ་རམ་ས་ལ་རུ་ཁོང་གི་བཞུགས་སྒར་རྒྱུད་སྟོད་ར་མོ་ཆེ་དགོན་པ་རུ་དངུལ་ལོར་གྱི་གནད་དོན་ཞིག་དང་འབྲེལ་ནས་བྱུང་བའི་གནས་ཚུལ་དེ། རྒྱ་གར་གྱི་ཟླ་བ་འདིའི་གསར་འགྱུར་བརྒྱུད་ལམ་ཁག་གི་ནང་དུ་འུད་བརྗོད་ཀྱིས་དཀྲོག་གཏམ་དང་ཁུངས་ལུང་མེད་པའི་ཕྱོགས་ལྷུང་གི་ལྟ་བ་དང་འཁྲུལ་སྣང་གིས་རྟོག་བཟོ་བྱས་པའི་གསར་འགྱུར་བཀོད་པ་དང་།

དེ་ལས་མང་བ་། “རྒྱལ་བ་ཀརྨ་བའི་གནད་དོན།” »

སྐྱོ་བྲག་དགའ་དབང་།
ཕྱི་མཐའ་རིག་པའི་སེམས་པ་དམིགས་བསལ་བ་མངོན་ཤེས་ཞེས་པ་དེ་ང་ཚོར་མེད་ཕྱིར། འབྱུང་ཆར་གནས་སྟངས་ཇི་འོང་ཁ་ཚོན་ཆོད་དཀའ་ནའང་། འདས་པ་ནི་བཟང་ངན་གང་ལྟར་ཡང་སོང་ཟིན་པས་བཅོས་སུ་མེད་ལ། ད་ལྟ་བ་ནི་རིབ་ཙམ་གྱིས་ཡོལ་འགྲོ་ཞིང་། ཡོང་རྒྱུ་ལྷག་བསྡད་པ་ནི་མ་འོངས་པ་ཡིན་ཕྱིར། མཁས་བླུན་སུས་ཀྱང་འབྱུང་འགྱུར་གྱི་ཕྱོགས་ལ་བསམ་གཞིག་མི་ཉུང་བ་རེ་བྱེད་ཀྱི་ཡོད་པ་བཞིན།

དེ་ལས་མང་བ་། “ད་ཟམ་གདོང་རིན་པོ་ཆེས་ག་རེ་གནང་གི་རེད།” »

ཤར་ཕྱོགས་ཁུག་རྟ།

བཀའ་ཁྲིའི་སྐོར་ལ་ཐུགས་ཁུར་ཟབ་ལ། དོན་ལྡན་གྱིས་རྒྱབ་སྐྱོར་བྱེད་མཁན་རྣམ་པ་ལགས། ངས་བཀའ་ཁྲིའི་འོས་མི་གསུམ་ལ་རྒྱབ་སྐྱོར་བྱེད་མཁན་རྣམས་ནི་རི་བོང་ཅལ་འདྲོགས་མིན་པར། རང་རང་གི་ཤེས་ཚོད་ཀྱིས་སྣ་དྲངས་ཏེ་ཕྱག་ལས་གནང་མཁན་ཞིག་ཏུ་ཡིད་ཆེས་བྱེད་བཞིན་ཡོད་ལ། འོས་མི་རྣམ་པ་གསུམ་ལ་རྒྱབ་སྐྱོར་བྱེད་མཁན་ཚོར་སྐྱོན་ཡོན་སྲང་ལ་གཞལ་རྒྱུའི་རིག་པ་དང་རྣམ་དཔྱོད་ངེས་ཅན་རེ་ཡོད་པར་རློམ་བཞིན་ཡོད།

དེ་ལས་མང་བ་། “༼ བོད་ཀྱི་བཀའ་ཁྲི་གསར་ ༽ཤོག་གི་རྩོམ་སྒྲིག་པ་རྐུན་མ་ཞིག་རེད།” »

སྐྱེས་སར་ཀླུ་སྒྲུབ།

འོས་ཤོག་དེ་གཡོ་སྒྱུས་མ་ལེན་རོགས།

ངས་བསྐྱར་དུ་ཁྱེད་རང་ལ་ཡིག་ལམ་ནས་སྐུལ་འདེད་ཅིག་བྱེད་འདོད་བྱུང་། དེའི་རྒྱུ་མཚན་ནི་ཁྱེད་ཀྱི་སྐད་ཆ་འགའ་ཞིག་ངའི་བློ་ངོར་མ་བབས་པས་ཡིན་ལ། ངས་བལྟས་ན་ཁྱེད་ཀྱི་སྐད་ཆ་དེ་རིགས་ཤོད་རྒྱུར་ཧ་ཅང་གཟབ་ནན་བྱེད་རྒྱུར་ངས་འབོད་སྐུལ་བྱེད་ཀྱི་ཡོད།

གཅིག

ཁྱེད་ཀྱིས་ཉེ་ཆར་རྡ་རམ་ས་ནས་བོད་ཀྱི་བང་ཆེན་གསར་འགོད་པའི་དྲི་བ་ཞིག་གི་ལན་འདེབས་ནང་། ‘‘བོད་དོན་དེ་ལོ་རྒྱུས་གཞི་ལ་བཞག་ནས་རྩོད་རྒྱུ་ཡོད་མོད། ལོ་རྒྱུས་དེ་མགོ་ཉོག་པོ་ཡིན་པས་ཕར་ས་ཁྲ་ཞིག་བསྟན་ན། ཚུར་ས་ཁྲ་ཞིག་སྟོན་པ་དང་ཕར་ཚེས་གྲངས་ཤིག་བཤད་ན་ཚུར་ཚེས་གྲངས་ཤིག་བཤད་ངེས། གལ་སྲིད་བདེན་པ་གཞི་ལ་བཞག་ན་ཕར་བདེན་པ་ཞིག་བཤད་ན་ཚུར་བདེན་པ་ཞིག་བཤད་སྲིད་པས་འཇུ་ས་མེད་པ་ཞིག་ཆགས་སྲིད།,,

དེ་ལས་མང་བ་། “བློ་བཟང་སེངྒེ་ལ་བསྲིངས་པ།” »

སྐྱོ་བྲག་དགའ་དབང་།
མཚུར་སྒར་བླ་བྲང་གི་ལས་ཀྱི་སྣེ་མོར་གཏོགས་པ་སྔ་རྗེས་སུ་བྱུང་བ་རྣམས་གནའ་སྲོལ་རྒྱུན་སྐྱོང་གི་བག་ཆགས་མཐུག་དྲགས་པ་དང་། དེང་དུས་ཤེས་ཡོན་གྱི་ནུས་པས་མ་འདང་བ་ཁོ་ནས། རྒྱལ་དབང་ཀརྨ་པ་བྲོས་བྱོལ་དུ་ཕེབས་ཏེ་ལོ་འཁོར་བཅུ་གཅིག་ཟིན་པའི་རིང་ནའང་། ཁྲིམས་མཐུན་གྱི་དཔེ་ཤག་ཉར་ཚགས་དང་། བེད་སྤྱོད་བྱ་ཐབས་ཙམ་ཡང་མ་གྲུབ་པ་དེ། ཉེ་དུས་གཟིམ་ཁང་རྒྱག་སའི་ས་ཆ་ཉོ་ཚོང་གི་རྐྱེན་པས་ཕྱིར་མངོན་པ་ན། རྒྱ་གར་གྱི་གསར་འགྱུར་བརྒྱུད་ལམ་ཁག་གཙོས་པའི་འཛམ་གླིང་ཤར་ནུབ་ཀྱི་ས་གནས་མང་པོར་གླེང་སློང་འདྲ་མིན་བྱུང་བ་ཕལ་ཆེ་བའི་བདེན་རྫུན་དབྱེ་འབྱེད་ཆགས་ཟིན་པས་བསྐྱར་གླེང་དགོས་པ་མེད་ནའང་།

དེ་ལས་མང་བ་། “ཀརྨ་པ་རང་གཞུང་གིས་གནོན་དོན་མེད།” »

ཐེ་བོ་ཤེས་རབ་རྒྱ་མཚོ།

ཕྱུག་པོས་རྫ་མ་བཅག་ན་བཙེམ་སྲོལ་ཡོད། དབུལ་བོས་གོ་རེ་བཅག་ན་ཟ་སྲོལ་མེད།

རྙིང་རྒྱུ་དང་ཟད་རྒྱུ་མེད་པའི་སྡོམ་ཚིག་ཅི་འདྲའི་ལྗིད་པོ་ཞིག་རེད་ཨང་།

མ་གཞི་ཆབ་སྲིད་པ་དག་གིས་ག་དུས་ཡིན་ནའང་གནད་དོན་མ་ཡིན་པ་ཞིག་གནད་དོན་ལ་བསྒྱུར་ནས་ཚབས་ཇེ་ཆར་གཏོང་རྒྱུར་ཧ་ཅང་དགའ་ཞིང་། དེ་ལ་བརྟེན་ནས་མང་ཚོགས་རྣམས་ཅི་འདོད་གང་འདོད་དུ་ཁ་ལོ་བསྒྱུར་ཏེ་རང་ཉིད་ཀྱི་དགོས་འདུན་ཁག་སྒྲུབ་ཐབས་བྱེད་ཀྱི་ཡོད་པ་དང་། བྱེད་ཐབས་དེའི་རིགས་ལ་འཇིག་རྟེན་དུ་མི་རྣམས་ཀྱིས་ལྐོག་གཡོ་ངན་ཇུས་འཐེན་པ་ཟེར་བ་རེད། འོན་ཀྱང་ཁྱོད་ནི་རང་ཉིད་ཀྱི་བླ་སྲོག་དང་གཉིས་སུ་མ་མཆིས་པའི་སྙུ་གུ་འཛིན་མཁན་གྱི་རྩོམ་པ་པོ་ཞིག་ཡིན་པའི་ངོས་ཐད་ནས་བཤད་ན།

དེ་ལས་མང་བ་། “པེ་ཅིན་གྱི་བློ་སེང་བསྐྱར་དུ་བཀླགས་པ།” »

རྫ་ཚེ་རིང་བཀྲ་ཤིས།
༼༡ གླེང་བརྗོད།
ད་ཐེངས་སྔར་ལས་ལྷག་པའི་གཟབ་ནན་གྱི་མིག་གིས་འབྱུང་འགྱུར་གྱི་བཀའ་བློན་ཁྲི་པའི་ཆེད་འཁྲུག་ཆ་དོད་པའི་བགྲོ་གླེང་གནང་བཞིན་པ་ནི་དགའ་འོས་པ་ཞིག་རེད།
མི་ལོ་གཉིས་ཀྱི་ཡར་སྔོན་གྱི་དུས་ཚོད་ནང་མང་པོ་ཞིག་གིས་འོས་ཤིང་འཚམས་པའི་དཀའ་ཁྲིའི་འོས་དམིགས་ཤིག་རྙེད་རྒྱུར་ཐེ་ཚོམ་བྱེད་མྱོང་མོད། ཐ་མ་དེར་ང་ཚོས་གདེངས་སྤོབས་ཆེན་པོས་མདུན་དུ་ཐོན་ཐུབ་པའི་ཡར་ཐོན་ཅན་གྱི་སྐྱེ་བོ་ཁག་ཅིག་མཐོང་ཞིང་། དེ་དག་གི་ནང་ནས་ཐ་མའི་འགག་མཚམས་སུ་ཡང་ཕྱི་བཤོལ་མེད་པའི་གོམ་སྟབས་བརྟན་པོར་འགྲེངས་ཏེ། བཀའ་བློན་ཁྲི་བའི་དངོས་གཞིའི་འགྲན་རྩོད་ཀྱི་དོ་རར་ཞུགས་པའི་དབང་ཐང་ཅན་གྱི་མི་བུ་ཁག་ཅིག་དེ་བས་ཀྱང་ང་ཚོའི་ཉེ་སར་གཅར་ཡོད་ལ།

དེ་ལས་མང་བ་། “ངའི་བཀའ་ཁྲི་དང་གངས་སེང་ལ་འགྱུར་བ་མེད།” »

སྤྲུལ་འཁོར་སྐལ་བཟང་དོན་ལྡན།

ཆེད་འབུལ། སྐབས་དང་པོ་དང་

གཉིས་པའི་མི་དབང་དཔལ་ལྡན་བཀའ་བློན་ཁྲི་པ་མཁས་བཙུན་བཟང་གསུམ་སྐྱབས་རྗེ་ཟམ་དོང་རིན་པོ་ཆེ་གང་ཉིད་ཀྱིས་ བསྐྱངས་པའི་ལས་ཡུན་རྫོགས་ལ་ཉེ་བའི་སྐབས་འདིར་ཐེངས་གསུམ་པའི་བཀའ་ཁྲིའི་འོས་གཞིར་བཞེངས་ནས་སྔར་ལྟར་ཤེས་ཡོན་དང་། ཉམས་མྱོང་། ལྷག་བསམ། དྲང་བདེན། རྒྱལ་གཅེས། འཇོན་ཐང་། ཕུགས་བསམ་བཅས་ཀྱི་རབ་ཏུ་ཕྱུག་པའི་སྐུ་ངོ་ མཆོག་ལ་སྙིང་ནས་དགའ་བསུ་དང་བཀའ་དྲིན་ཆེ་ཞུ།

དེ་ལས་མང་བ་། “གུས་བརྩི་ལྡན་པའི་བཀའ་ཟུར་བཀྲས་མཐོང་བསྟན་རྣམ་མཆོག་གི་དྲུང་དུ།” »

སྤྲུལ་འཁོར་སྐལ་བཟང་དོན་ལྡན།
ཆེད་འབུལ། བར་དེར་

ཕྱི་ལོ་ ༢༠༡༡ ལོའི་ཐེངས་གསུམ་པའི་བཀའ་ཁྲིའི་འོས་འདེམས་ཆེད་དུ་རང་གི་གཅེས་པའི་རྒྱལ་ཁབ་དང་། རང་ཉིད་བྱུང་སའི་བོད་ལྗོངས། རང་གི་བརྩེ་བའི་བོད་རིགས་མི་དམངས་ས་ཡ་དྲུག་གི་ཆབ་སྲིད་དང་། ཆོས་ལུགས། རིགས་གཞུང་། སྐད་ཡིག རང་དབང་སོགས་བོད་བསྟན་སྲིད་ཀྱི་སླད་དུ་རང་གི་ཤེས་ཡོན་དང་། ལྷག་བསམ། རྣམ་དཔྱོད། ཕུགས་བསམ། འགན་འཁུར་བཅས་ཀྱི་ཆེས་ལྕི་བའི་ངལ་བའི་ཁུར་ཆེན་ཕྲག་ཏུ་བླངས་ཏེ་ཐེངས་གསུམ་པའི་བཀའ་ཁྲིའི་འོས་གཞིར་ཕེབས་པར་སྙིང་ནས་ཡིད་རང་དང་བཀའ་དྲིན་ཆེ།

དེ་ལས་མང་བ་། “གུས་ཤིང་བརྩེ་བའི་གྲོགས་པོ་བློ་བཟང་སེང་གེ་ལགས་ཀྱི་སྙན་ལམ་དུ།” »

ཨ་རིག་འགྱུར་མེད་ཀྱིས།

བཀུར་འོས་བོད་ཀྱི་དུས་བབ་ཀློག་མཁན་ཡོངས། ཁྱེད་རྣམ་པའི་ཁམས་བཟང་།

ཕྲན་གྱིས་ཕྱི་ལོ་ ༢༠༠༧ ལོའི་ཟླ་ ༦ ནས་བཟུང་བོད་ཀྱི་དུས་བབ་རྩོམ་སྒྲིག་ཁང་ནས་གསར་འགོད་པའི་ལས་ཀ་གཉེར་བ་ནས་ད་ལྟའི་བར། ཁྱེད་ཅག་ནི་བོད་ཀྱི་དུས་བབ་ཀྱི་ཀློག་མཁན་ཡིན་ལ་ཕྲན་གྱིས་འབྲི་སྤེལ་བྱས་པའི་གསར་འགྱུར་ཀློག་མཁན་ཡང་ཡིན། དུས་དེ་ནས་བཟུང་འུ་ཅག་གི་འབྲེལ་བ་ནི་འབྲི་མཁན་དང་ཀློག་མཁན་གྱི་འབྲེལ་བ་ཡིན་ལ། བོད་ཀྱི་དུས་བབ་ཀྱི་གསར་འགོད་པ་དང་བོད་ཀྱི་དུས་བབ་ཀློག་མཁན་གཉིས་བར་གྱི་འབྲེལ་བ་ཡིན།

དེ་ལས་མང་བ་། “བོད་ཀྱི་དུས་བབ་ནས་རྡོག་ཐོན་བྱས་རྗེས་ཀྱི་གཏམ།” »

ཤེས་རབ་རིག་གྲོལ།

བཀའ་བློན་ཁྲི་པའི་འོས་མི་བློ་བཟང་སེང་གེ་མཆོག་གིས་༢༠༠༥ལོར་༼ཕྱིར་སྡོད་རྒྱ་མི།༽ཡིན་པ་ངོས་འཛིན་བྱས་ནས་རྒྱ་ནག་ནང་ཕྱིན་པ་དེ་བཞིན་ཟླ་གཉིས་པའི་ཚེས་༡༤ཉིན་དང་ཚེས་༡༥ཉིན་རྡ་རམ་ས་ལར་བློ་སེང་མཆོག་ནས་ཁ་གསལ་གྱིས་ཁས་ལེན་བྱས་ཡོད།¹
༢༠༡༡ ཟླ་༡ཚེས་༨ ཉིན་ཨ་མེ་རི་ཁའི་མེ་ནི་སོ་ཌར་གནས་ཚུལ་དེའི་ཐོག་དྲི་བ་དྲིས་པའི་ལན་དུ་ཁོང་གིས་གསུངས་པར་ཁོང་རྒྱ་ནག་དུ་འགྲོ་བའི་ལག་འཁྱེར་དེ་སྐུ་ཚབ་གཞན་ཚོ་ཕེབས་སྐབས་ཀྱི་ལག་འཁྱེར་དང་གཅིག་པ་རེད་གསུངས་ཡོད། གནས་ཚུལ་དེ་ནི་བརྙན་པར་ནང་ཁོང་རང་གི་དྲྭ་རྒྱའི་ནང་མཐོང་རྒྱུ་འདུག²

དེ་ལས་མང་བ་། “བློ་བཟང་སེང་གེའི་རྫབ་ཆེན་པོའི་སྐད་ཆ་དང་བོད་གཞུང་གི་འོས་འགན།” »

སྤྱི་འཐུས་ཆབ་བྲག་ལྷ་མོ་སྐྱབས།

སྤྱི་འཐུས་ཀྱི་འགྲན་རྩོད་དང་བཀའ་ཁྲིའི་འགྲན་རྩོད་གཉིས་ལས་ཆེས་མངོན་གསལ་དོད་ཤོས་དེ་བཀའ་ཁྲིའི་འགྲན་རྩོད་རེད། ད་དུང་འགྲན་རྩོད་འདི་གང་ཟག་སྒེར་གྱི་རྒྱལ་ཕམ་ཙམ་མིན་པར་གཞུང་དམངས་ཀྱི་རྒྱལ་ཕམ་ལ་ཡང་རག་ལུས་དུས་ཡོད། དེ་བས་ད་ལྟའི་བཀའ་ཁྲིའི་འགྲན་རྩོད་འདི་ལ་དེ་འདྲའི་དོན་སྙིང་ཆེན་པོ་ཡོད་མིན་མི་ཤེས་ཀྱང། གལ་ཏེ་ཡོད་པའི་དབང་དུ་བཏང་ན་མི་དམངས་ཀྱི་ངོས་ནས་སམ་ཡང་ན་ལྟ་གྲུབ་མི་འདྲ་བའི་ཕྱོགས་གཏོགས་ཚོས་ཐབས་ཤེས་འདི་འདྲ་ཞིག་སྤྱོད་འོས་པར་མཐོང།

དེ་ལས་མང་བ་། “དམགས་གཙོའི་འོས་འཕེན་གྱི་དམག་ཇུས།” »

བཙུན་ཐར་ཚེ་རིང་།

སྤྱིར་སློབ་གསོ་ནི་རིགས་མི་འདྲ་བ་དུ་མ་མཆིས་ནའང༌། གནའ་ནས་ད་ལྟའི་བར་འཛམ་བུའི་གླིང་གི་སློབ་གསོ་ཞིབ་འཇུག་གི་ལས་དོན་འབྲས་བུ་མཐིལ་ཕྱིན་པ་རྣམས་ཀྱིས་ཕ་མའི་སློབ་གསོ་དང་དགེ་རྒན་གྱི་སློབ་གསོ་ནི་མཆོག་ཏུ་བརྩི་བའི་སྡོམ་ཚིག་བརྒྱབ་ཡོད་ལ། ཡིན་ནའང༌། བོད་མི་རིགས་ལ་མཚོན་ན་གནའ་རབས་ཀྱི་ཕ་མའི་སློབ་གསོ་ནི་ད་ལྟའི་བར་དུ་རྒྱུན་འབྱམས་སུ་སོང་བས་མུ་མཐུད་སྤྱད་དང་སྤྱོད་མུས་ཡིན། དམིགས་བསལ་གྱིས་བོད་ཀྱི་ནང་ཆོས་ལ་རྨོངས་དད་དང་བླ་མ་ལ་རྨོངས་གུས་བྱེད་བཞིན་པའི་བག་ཆགས་རྙིང་པ་སོགས་དུས་རབས་ཉེར་གཅིག་པ་འདི་ལའང་སྤྱི་ཚོགས་འཕེལ་རྒྱས་ཀྱི་འགྲོས་དང་བསྟུན་དེ་འགྲོ་ཐུབ་ཀྱི་མེད་པ་གསལ་པོ་གསལ་རྐྱང་རེད། རྒྱུ་མཚན་ནི། ཕ་མེས་ཡབ་མེས་ཀྱིས་ཀྱང་ནང་ཆོས་གསལ་བོ་མཁྱེན་གྱི་མེད་པས་འགྲེལ་བཤད་གཙང་མ་ཞིག་རྒྱག་ཐུབ་ཀྱི་མེད་ལ། བླ་མ་ལའང་ཡོན་ཏན་གྱིས་དད་གུས་མ་ཡིན་པ་སོགས་སྲོལ་རྒྱུན་གྱི་རྨོངས་དད་ལ་ངོས་འཛིན་སྟངས་ནི་དེང་རབས་ཀྱི་སློབ་གསོ་སྨྲ་བ་ཚོས་གསུངས་དང་གསུང་བཞིན་ཡོད།

དེ་ལས་མང་བ་། “ངས་འདི་ལྟར་བཤད་ན་འདོད” »