སྦྲ་རིགས་ཐོགས་མེད། (ལྡི་ལི་གཙུག་ལག་སློབ་གླིང་། )

ཉེ་ཆར་བདག་ལྡི་ལི་གཙུག་ལག་སློབ་གྲྭ་ཆེན་མོའི་སློབ་མའི་སྐུ་ཚབ་ཀྱི་ངོ་བོའི་ཐོག་ནས་རྒྱལ་སྤྱིའི་ནུབ་གླིང་རིག་རྩལ་བསྐྱར་དར་ཁྲོད་ཀྱི་རྩོམ་རིག་འཕེལ་རིམ་སྐོར་ལ་བགྲོ་གླེང་ཚོགས་འདུ་གལ་ཆེན་ཞིག་ཏུ་མཉམ་ཞུགས་བྱེད་པའི་གོ་སྐབས་བྱུང་།བདུན་ཕྲག་གཅིག་ལྷག་གི་འདུ་འཛོམས་དེའི་ཐོག་ཏུ་ཨ་རབ་ཀྱི་ནོར་བྷེལ་རྩོམ་རིག་གཟེངས་རྟགས་བཞེས་མྱོང་བའི་དངོས་ཡོད་སྒྲུང་གཏམ་རྩོམ་པ་བོ་དང་སྙན་ངག་པ་སྐད་གྲགས་ཅན་ཨོར་ཧན་པཱ་མག(OrhanPamuk)ལགས་ཀྱི་ཕ་སྐད་རྩོམ་རིག་སྐོར་ལ་གནང་བའི་གསུང་བཤད་ཅིག་གིས་བདག་གི་བསམ་གཞིག་སྟོང་ཕྲག་གི་སྒོ་མོ་ཅིག་ཅར་ཕྱེས་ཤིང་སེམས་འགུལ་ཚད་མེད་ཐེབས་སུ་བཅུག

དེ་ལས་མང་བ་། “ཉེ་རབས་བོད་ཀྱི་སྙན་ངག་པ་གྲགས་ཅན་ཁ་ཤས་གླེང་བ།” »

ར་ས་ཕོ་ཉ།
༡ དང་པོ་གཤམ་གྱི་འབྲེལ་ཐག་དེ་བརྒྱུད་ནས་བོད་ཡིག་གི་སྒམ་དེ་ཕབ་ལེན་བྱེད་དགོས།
ནོ་ཁེ་ཡའི་བོད་ཡིག

༢ དེ་ནས་ http://s60sign.com/ ཞེས་པའི་ནང་ཕྱིན་ནས་གོང་གི་སྒམ་དེའི་ནང་དུ་ཅ་ལག་དྲུག་ཡོད་པའི་ནང་ནས་ནོ་ཁེ་ཡའི་གཉེན་ཆས་ཀྱི་མཚོན་རྟགས་ཅན་གསུམ་ལས་གཉིས་ལ་ཐོ་འགོད་བྱེད་དགོས། དེའི་ཚུལ་ཡང་། རང་ཉིད་ཀྱི་ཁ་པར་N78 N79 N81 སོགས་Series 60 3rd Edition ཡིན་ན་གོང་གསལ་གསུམ་ལས་ཆུང་ཤོས་གཉིས་དང་། nokia 5230 སོགས་Series 60 5th Edition ཡིན་ན་ཆུང་ཤོས་དང་ཆེ་ཤོས་འདེམས་དགོས།
ཐོ་འགོད་བྱ་ཚུལ་ནི།

དེ་ལས་མང་བ་། “ནོ་ཁེ་ཡ་ཁ་པར་ནང་བོད་ཡིག་བླུགས་ཚུལ།” »

སེར་ཤུལ་རིན་ཆེན་དོན་གྲུབ།

འདོད་ཆུང་ཞེས་པའི་ཚིག་འདི་གོ་མ་ཐག་དེ་ནི་ཡར་རྒྱས་ཀྱི་བཀག་རྡོ་ཞིག་རེད་བསམ་སྲིད། ཡང་ན་ དེ་ནི་ཆོས་ལུགས་པ་ཚོའི་ཐར་བའི་མཛེས་པ་འཚོལ་བྱེད་ཅིག་རེད་སྙམ་སྲིད། མི་སེར་དཀྱུས་མའི་ ཉིན་རེའི་འཚོ་བའི་ནང་དུ་འདོད་ཆུང་ཡོང་མི་སྲིད་ཅིང་འདོད་ཆུང་ནི་འཚོ་གནས་ཙམ་གཉེར་བའི་མིའི་ རིགས་ཀྱི་ནང་དུ་དེ་བས་གལ་ཆེན་རང་བཞིན་གྱི་ནུས་སྟོབས་མེད་པར་མཐོང་སྲིད། གནས་ལུགས་ དེར་རྒྱུ་མཚན་གཏན་ནས་མེད་པ་ཡིན་མི་སྲིད་མོད་མཐོང་ཚུལ་འདི་ལྟ་བུའི་ཕག་གི་སྐྱེ་བོ་ཚོར་ཞིབ་འཇུག་གི་ཚད་གཞི་འདང་ངེས་པ་ཞིག་མེད་ཅེས་བཤད་ཐུབ།

དེ་ལས་མང་བ་། “འདོད་ཆུང་།” »

བོད། ལྷ་ཀླུ་གཉན་གསུམ།
བཅུ་དགུ

ངའི་མཛའ་མོ་དང་མོའི་ཨ་མ་གཉིས་ལ་ཁ་བསྲེ་མེད་པར་ཉིན་གསུམ་སོང་། ང་ནི་ཁོ་གཉིས་བར་གྱི་ཕོ་ཉྭ་ལྟ་བུ་ཞིག་ཆགས་ནས། ཕན་ཚུན་གཉིས་ལ་ཁ་བརྡ་བྱེད་ཀྱི་ཡོད། སྔ་མོ་ནི་ང་ཚོ་རང་རང་གི་ས་ནས་ལས་ཀར་འགྲོ་བཞིན་ཡོད། ཕྱི་དྲོ་ནང་དུ་སླེབས་པའི་སྔ་གཞུག་ནི། ཕལ་ཆེ་བ་ང་རང་ནི་རྗེས་མ་ཡིན། ཁོ་གཉིས་ལ་སྒེར་གྱི་རླངས་འཁོར་ཡོད་དུས། ང་ལས་སྔ་བ་འབྱོར་གྱི་ཡོད་པ་ཡིན། ང་རང་ནང་དུ་སླེབས་དུས་མོ་རང་མ་གཏོགས་མོ་རང་གི་ཨ་མ་ནང་དུ་སླེབས་མི་འདུག གཅིག་བྱས་ན་གློག་བརྙན་འདྲ་བལྟ་རུ་བུད་སོང་བ་མིན་འགྲོ ཕྱིར་ཡོང་དུས་ཟ་མ་རེ་ཟ་དགོས་ངེས་ཡིན་སྙམ་ནས་ངས་ཟ་མ་ཞིག་གྲྭ་སྒྲིག་བྱས་པ་ཡིན།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

སེར་ཤུལ་རིན་ཆེན་དོན་གྲུབ། ལྷོ་ཕྱོགས།

དོན་དམ་པའི་བསམ་གཞིག་གི་སྒོ་གླེགས་ཕྱེས་ཤིང་གངས་ཅན་པའི་འདས་མ་ད་གསུམ་ གྱི་ཕྱོགས་ལ་སེམས་ཁུར་དངོས་མ་རེ་བྱེད་སྐབས། གངས་ཅན་པའི་ཁྱད་ནོར་ཏེ་ནང་ བསྟན་རིག་པའི་གཞུང་ལུགས་དང་དེས་བསྐྱེད་པའི་བྱམས་སྙིང་རྗེའི་རོ་བཅུད་འཛིན་པའི་ ཀུན་སྤྱོད་བཟང་པོ་དག དེ་དག་ལ་ཉམས་ལེན་གྱིས་འཛམ་གླིང་དུ་གྲགས་པ་འབར་བའི་ཕུལ་བྱུང་གི་དབུ་འཁྲིད་དག་ལས་ང་ཚོར་ངོམ་ཆོག་ཆོག་གི་ནོར་བུ་གཞན་ཞིག་མེད་པ་འདྲ། དེས་ན་འདི་དག་ལ་གཅེས་སྤྲས་བྱེད་དགོས་པ་དང་རྒྱལ་སྤྱིའི་མིག་ནང་དུ་འདི་དག་གི་གཟི་བརྗིད་ཀྱི་འོད་མདངས་འཕྲོ་རུ་བཅུག་དགོས་པ་ནི་གངས་ཅན་པར་མཚོན་ན་རྒྱལ་གཅེས་ཀྱི་ལས་འགུལ་དང་མི་རིགས་ཀྱི་རང་དབང་འཐབ་རྩོད་ཀྱི་ལས་འགུལ་དང་འདྲ་བར་གལ་ འགངས་ཆེ་བའི་མིག་མདུན་གྱི་བསྒྲུབ་བྱ་ཉག་གཅིག་ཏུ་འཁུམས།

དེ་ལས་མང་བ་། “རྒྱལ་སྤྱིའི་མིག་ནང་གི་ཆེས་མཐོའི་གཙུག་ལག་སློབ་གཉེར་ཁང།” »

ཏྲེ་ཧོར་ཐུབ་བསྟན་གྱིས།

རྒྱ་ནག་ནི་དེང་སང་འཛམ་གླིང་ཐོག་མི་གྲངས་ཆེས་མང་ཤོས་ལ་དབང་བསྒྱུར་བའི་སྲིད་དབང་སྒེར་གཅོད་རང་ལུགས་པའི་རྒྱལ་ཁབ་གཅིག་པོ་དེ་ཆགས་ཡོད། མིག་སྔར་དཀྱིལ་ཤར་དང་བྱང་ཧྥེ་གླིང་ཡུལ་གྲུ་ཁག་གི་ནང་དུ་དམངས་གཙོའི་ལས་འགུལ་དྲག
པོ་བྱུང་དང་བྱུང་བཞིན་པ་དང་། སྲིད་དབང་སྒེར་གཅོད་པ་རྣམས་མི་དམངས་ཀྱི་ལག་ཏུ་འཆི་བཞིན་པ་དེས་རྒྱ་ནག་གི་དབང་འཛིན་པར་བརྡ་ལན་གསལ་པོ་སྤྲད་ཡོད་པ་མ་ཟད། ཧ་ཅང་དངངས་སྐྲག་སྐྱེ་གཞི་ཀྱང་ཆགས་ཡོད་པ་རེད། མི་དམངས་ཀྱིས་ངོ་རྒོལ་བྱེད་པར་འཇིགས་ཏེ་དྲག་པོའི་སྲིད་ཇུས་ལག་སྟར་བྱས་པའི་སྲིད་གཞུང་ཚང་མ་མཐར་རང་ཉིད་ཀྱི་སྲིད་དབང་འགོ་རྟིང་སློག་པའི་རྒྱུ་རུ་འགྱུར་བ་གདོན་མི་ཟ་བ་ཞིག་རེད། རྒྱ་ནག་མི་དམངས་ཕལ་ཆེ་དྲག་པོའི་འཇིགས་སྐུལ་འོག་ལུས་ནས་ཡོད་ཙམ་ལས་དོན་དུ་གུང་ཁྲན་གཞུང་བློ་སེམས་དཀར་མཁན་ནི་ལོ་རེ་བཞིན་ཇེ་ཉུང་རེད། ས་ཞིང་དང་ཁང་ས་བཙན་དབང་གིས་གཞུང་བཞེས་བཏང་བའི་དོན་རྐྱེན་དང་། ལྐོག་ཟ་རུལ་སུངས་ཀྱི་དཀའ་ངལ། དྲང་བདེན་མ་ཡིན་པའི་ཁྲིམས་བཅད་སོགས་རེ་རེ་བཞིན་རྒྱ་ནག་དམར་ཤོག་ཚོགས་པའི་སྲིད་དབང་འཐོར་ཞིག་ཏུ་འགྲོ་བའི་རྒྱུ་རུ་འགྱུར་བཞིན་པ་རེད། ཉེ་བའི་ཟླ་ཤས་རིང་རྒྱ་ནག་ནང་ཁུལ་གྱི་ས་ཁུལ་ཁག་ཏུ་མི་དམངས་ཚོས་རྒྱ་ནག་གུང་ཁྲན་གཞུང་ལ་རྒོལ་གཏམ་སྤེལ་བ་དང་ངོ་རྒོལ་བྱས་པ་ཁག་ཅིག་དཔེར་མཚོན་ཙམ་དུ་བཀོད་ན།

དེ་ལས་མང་བ་། “རྒྱ་ནག་གི་བརྟན་ལྷིང་ལ་རྒོལ་བའི་དམངས་གཙོའི་ལས་འགུལ།” »

རྔ་བ་ཚེ་སྐྱིད་ཀྱིས།

(གཤམ་གསལ་ང་ཚོ་སད་རན་པའི་ཕྱོགས་སྟོན་གྱི་སྡོམ་ཚིག་ཁག་ཅིག་ནི་སྒོ་ཤེས་རབ་རྒྱ་མཚོས་བརྩམས་གནང་བའི་《ང་ཚོ་སད་རན་》ཞེས་པའི་ཆེད་དེབ་ལས་སྔོན་འགྲོའི་གཏམ་གྱི་དོད་སེམས་ཀྱི་ཞུ་འཕྲིན་དང་པོ་ཞེས་པ་ལས་བཏུས་སོ།།)

ང་ཚོའི་མི་རབས་འདིའི་ཆོས་ལུགས་པ་ཡིན་ན་འདྲ། འཇིག་རྟེན་པ་ཡིན་ནའང་འདྲ། འཚོ་གནས་ཀྱི་ཉེན་ཁ་ཆེན་པོ་ཞིག་གི་སྐས་ཚིགས་སུ་གནས་ཡོད་པས། འགག་དོག་པའི་ལོ་རྒྱུས་ཀྱི་བྲག་འཕྲང་འདི་ནས་ང་ཚོས་ཅིས་ཀྱང་གསོན་ལམ་ཞིག་མི་འཚོལ་ཐུ་མེད་ཡིན་སོང་། འོན་ཀྱང་། གསོན་པའི་ལམ་ཞིག་རྙེད་དང་མི་རྙེད་ནི་དུས་རབས་འདིས་རང་རེའི་མི་རིགས་ཀྱི་རྣམ་དཔྱོད་དང་སྙིང་སྟོབས་ལ་མཐོ་རྒྱུགས་ཤིག་ལེན་གྱིན་པ་དང་འདྲ་ན། མིག་མདུན་གྱི་རྒྱུགས་ཤོག་དེའི་སྟེང་དུ་ང་ཚོས་ཅི་ཞིག་བྲི་ཨང་།

དེ་ལས་མང་བ་། “(ང་ཚོ་སད་རན་)པའི་ཕྱོགས་སྟོན།” »

བྱ་འཕུར་མས་ལྡི་ལི་ནས
༡༩༥༧ལོའི་ཟླ་༣་ཚེས་༡ཉིན་འཇིགས་སྐུལ་རིང་ལུགས་པའི་རྩ་འཛུགས(Al་Qaeda)་ཀྱི་འགོ་ཁྲིད་ཨོ་ས་མ་སྦིན་ལཱ་ཏིན(Osama Bin Laden)་སོལ་རྡི་ཨ་རབ་པི་ཡའི(Saudi་Arabia)་ས་ཁོངས་རེ་ཡ་རྡིར(Riyadh)་སྐྱེས།ཁོའི་ཕ་མོ་ཧ་མ་ཨབ་སྡི་སྦིན་ལཱ་ཏིན་ནི་(Mohammed Awad bin་laden)སོལ་རྡི་ཨརབ་པི་ཡའི་འཛུགས་སྐྲུན་ལས་འཆར་གྱི་འབྱོར་ལྡན་ཕྱུག་བདག་ཅིག་ཡིན་ལ་ཨོ་ས་མ་ཁོང་ནི་ཁོའི་བུ་ཕྲུག་ལྔ་བཅུ་ནང་གི་བུ་ཕྲུག་བདུན་པ་དེ་ཡིན་ཞིང་།ཁོང་གི་ཕ་དང་མ་ཨ་ལི་ཡ་གྷནེམ(Alia་Ghanem)གཉིས་གཉེན་སྒྲིག་འཐོར་བས་ཆུང་དུས་ནས་ཕ་གཡར་གྱི་བུ་ཕྲུག་ཚོ་དང་མཉམ་དུ་འཚར་ལོངས་འབྱུང་བཞིན་པའི་དུས་ཨོལ་རྡ་རྒར(Al་Thagher)་དཔེ་སྟོན་སློབ་གྲྭར་སློབ་སྦྱོང་བྱེད་སྐབས་རང་ལོ་༡༤་ཡིན།ཁོང་གི་རྒྱུགས་འབྲས་འབུར་དུ་ཐོན་པར་བརྟེན་ཁ་ཆེ་སྐུ་དྲག་སློབ་གྲྭས་སློབ་གྲྭར་འཛུལ་ཞུགས་བྱེད་པར་མགྲོན་བརྡ་བཏང།སློབ་གྲྭ་དེར་ཁ་ཆེའི་གསུང་རབ་ལ་སྦྱོང་བརྩོན་གནང་སྐབས་སློབ་གྲྭའི་དགོས་དམིགས་ལས་བརྒལ་ཏེ་ཁོང་ལ་ཐོག་མའི་ཁ་ཆེའི་བསྟན་སྲུང་དྲག་སྤྱོད་ཀྱི་ལྟ་བས་ཤུགས་རྐྱེན་ཆེན་པོ་ཐེབས།

དེ་ལས་མང་བ་། “ཨོ་ས་མ་སྦིན་ལ་ཏིན་།” »

ཨ་རིག་འགྱུར་མེད །

དེ་རིང་ནི་ཕྱི་ཟླ་ ༦ ཚེས་ ༡༠ སྟེ་བྱང་ཕྱོགས་ངྷ་སའི་དབྱར་གཞུང་གི་ཚ་བ་ཧ་ཆེ་བའི་ཉིན་ཞིག་ཡིན། ཞོགས་པའི་ཆུ་ཚོད་ ༡༠ དང་སྐར་མ་ ༣༠ ཡས་མས་ཤིག་ནས་ངས་ཞོགས་ཟས་ཟ་བཞིན། འདི་ལོའི་བོད་ཀྱི་མཛངས་མར་བཅར་འདྲི་བྱེད་པའི་དུས་ཚོད་ལ་བསམ་བློ་གཏོང་གིན་ཡོད། ང་ལ་མཚོན་ན་འདི་ལོའི་བོད་ཀྱི་མཛངས་མར་བཅར་འདྲི་བྱེད་དོན་ནི་གཅིག་ནས་ལས་ཁུངས་ཀྱིས་མངགས་བཅོལ་ཡིན་ལ། གཉིས་ནས་འདས་མ་ཐག་པའི་ལོ་འདི་འགའི་བོད་ཀྱི་མཛངས་མ་ཚང་མར་བཅར་འདྲི་བྱེད་མྱོང་བར་མ་ཟད། ངས་ཁོ་མོ་ཚོར་རང་རང་གིས་བརྗོད་འདོད་པ་དག་སྤྱི་ཚོགས་ལ་ངོ་སྤྲོད་བྱེད་པར་རམ་འདེགས་བྱས་ཡོད། ཡིན་ནའང་། འདི་ལོའི་བོད་ཀྱི་མཛངས་མ་དང་ངེད་གཉིས་ཀྱི་བར་དུ་དངོས་གནས་བཤད་སྟངས་མི་བདེ་བའི་དཀའ་ངལ་ཞིག་བྱུང་། འདི་ནི་ཕལ་ཆེར་ངས་ལྷོ་ཕྱོགས་ཕོ་ཉའི་རྩོམ་སྒྲིག་པ་དང་། བོད་ཀྱི་དུས་བབ་ཀྱི་གསར་འགོད་པ། སྤྱི་ཚོགས་མེ་ལོང་གི་གསར་འགོད་པ་བྱས་པ་སོགས། ད་ལྟའི་བར་དུ་དུས་ཡུན་ལོ་ལྔ་ལྷག་ལ་གསར་འགྱུར་ལས་རིགས་ཀྱི་བྱ་བ་གཉེར་བའི་རིང་མི་སྒེར་བ་ཞིག་དང་བཅར་འདྲི་བྱ་རྒྱུའི་ཐད་བྱུང་བའི་དཀའ་ངལ་ཐོག་མ་དེ་ཆགས།

དེ་ལས་མང་བ་། “ང་དང་འདི་ལོའི་བོད་ཀྱི་མཛངས་མའི་གླེང་ཉོག” »

ཚེ་བཀྲ།

སྲིད་དོན་པ་ཚོས་བཙན་བྱོལ་གཞུང་གི་མཚན་བྱང་བཅོས་བསྒྱུར་ནི་གནད་འགག་མེད་པའི་འགྲེལ་བཤད་ཡ་མ་བརླ་རེ་ཡང་སྐོར་བསྐྱར་སྐོར་གྱིས་སྒྲོག་གང་ཐུབ་གནང་གི་འདུག ༼ མིང་ལས་དོན་གཙོ ༽ཞེས་དགོངས་གཞི་ཡ་མཚར་ཞིག་ཀྱང་ཡོད་མདོག་མདོག་གིས་འུར་རྒྱག་གི་འདུག མིང་ཚིག་འདི་གློ་སྙིང་མཆིན་གསུམ་ན་ཟུག་མེད་པའི་ཁྱོད་འུ་ཚོར་ཅི་གང་མིན་དུ་ཆུགས་ཀྱང་། བོད་གདོང་དམར་བའི་བུ་རབས་ཚ་རྒྱུད་ལ༼ བཙན་བྱོལ་བོད་གཞུང ༽ཞེས་པའི་མིང་བརྡ་འདིས་ཤུགས་རྐྱེན་བླ་མེད་ཅིག་ཐེབས་ཀྱི་ཡོད་ལ། རེ་བཞག་མནོག་མོ་རེའང་སེམས་སུ་བསྣམས་ཡོད་ཚོད་རེད། དེས་ན་མིང་བརྡ་འདི་གཅིག་པོས་ཁོང་ཚོ་མི་རེ་རེའི་སེམས་སུ་རྒྱལ་ཁབ་ཞིག་གི་ལོ་རྒྱུས་ཀྱི་དཀའ་ཚེགས་རིང་མོ་གསལ་བོར་བརྗོད་ཐུབ་ཀྱི་ཡོད་པ་ཐེག་གིས་གཅོད་ཐུབ།

དེ་ལས་མང་བ་། “འུ་ཚོའི་བྱ་འདི་གོ་ན་ངོ་རེ་ཚ།” »

བོད། ལྷ་ཀླུ་གཉན་གསུམ།

བཅོ་ལྔ།

རྒྱལ་ཁབ་འདིའི་གུང་གསེང་བྱེད་སྟངས་ནི། རྗོའུ་ཆོས་ལུགས་ཀྱི་ཤན་ཤུགས་ཆེན་པོ་ཐེབས་ཡོད་པ་ཡིན་དུས། རྒྱལ་ཁབ་འདི་ཡང་ཁོང་ཚོས་རྗོ་ཤུ་རྒྱལ་ཁབ་ཡིན་པར་ངེས་འཛིན་བྱེད་ཀྱི་ཡོད་ལ། རྒྱལ་ཁབ་ཀྱི་རྒྱལ་དར་ཡང་ཆོས་ལུགས་ཀྱི་མཚོན་རྟགས་ཤིག་ཆགས་ཡོད་པ་ཡིན། འཛམ་གླིང་གི་ས་ཆ་མང་ཆེ་ཤོས་ཤིག་གི་གུང་གསེང་ནི། གཟའ་སྤེན་པ་ཕྱེད་དང་ཉིན་མ་གཉིས་ཡིན་ན་ཡང་། རྒྱལ་ཁབ་འདིའི་གུང་གསེང་ནི་གཟའ་པ་སངས་དང་སྤེན་པ་གཉིས་ལ་འཁེལ་གྱི་ཡོད། དེ་ནི་ཆོས་ལུགས་པ་དག་གི་ཆེད་དུ་བཟོས་པ་ཡིན་ལ། རྒྱལ་ཁབ་ཀྱིས་ཀྱང་དེ་ལ་བརྩི་བཀུར་མི་བྱེད་རང་བྱེད་ཆགས་ཀྱི་ཡོད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

ལྷོ་ཕྱོགས་ཉི་ཟླ།

མི་ནི་རང་བཞིན་ལྷན་སྐྱེས་ཀྱི་སྨྲ་ཤེས་ཤིང་དོན་གོ་བའི་དབྱེ་འབྱེད་ཀྱི་ནུས་བ་དང་མཆོག་ཏུ་གྱུར་བའི་རྣམ་དཔྱོད་ཞིག་གི་དྲང་ཚུགས་སུ་གནས་ཐུབ་པ་ཕལ་ཆེར་རང་ཆས་སུ་གྲུབ་ཡོད།

ཡིན་ཡང་དེང་སང་མི་འགྱུར་ནས་དུས་རབས་འགྱུར་འགྲོ་བའི་ཧ་ཅང་གི་ཚད་ཆེན་པོ་ཞིག་དང་དཀའ་ངལ་དཔག་ཏུ་མེད་པ་ཞིག་མི་ཚང་མ་ལ་རང་བཞིན་གྱི་ཡོང་བསྡད་ཡོད་པ་དངོས་མཐོང་ཡིན།

མི་བུ་ཁ་ཤས་ཞིག་གིས་ཁ་སང་གི་སྐྱོ་གུར་གྱི་གཏམ་རྒྱུད་དང་སང་ཉིན་མུན་ནག་གི་རི་གྲོང་ཡོད་ཚད་ལ་བསམ་བློ་ཅི་ཡང་མི་གཏོང་བ་མ་ཟད་ལོ་རེ་ནས་ལོ་རེར་དོན་མེད་ཀྱི་འུར་སྒྲ་དང་སྨྱོན་གཏམ་བཤད་མཁན་ཇེ་མང་ནས་ཇེ་མང་དུ་འགྲོ་བཞིན་འདི་ཆེས་མཚར་བའི་སྐྱོ་སྡུག་གི་ཉིན་མོར་ཞིག་རེད།

དེ་ལས་མང་བ་། “མི་བུ་སྒེར་ཚུགས་ཀྱི་ཅུང་གཞི།” »

འཇམ་དཔལ་ཚུལ་ཁྲིམས།

༼ཁ་བྱང་གི་འགྲེལ་བ།༽

ཁ་བྱང་གི་ཚིག་འདི་དཔལ་ལྡན་བཀའ་བློན་ཁྲི་བ་མཆོག་གིས་གྲོས་ཚོགས་ལ་བཀའ་ཤག་གི་གསལ་བཤད་གནང་སྐབས་བེད་སྤྱོད་གནང་བའི་ཚིག་ཅིག་རེད། ཁོང་གིས་“་་་ད་ལྟ་རྒྱ་གར་གྱི་གནོན་ཤུགས་མེད་ལ་རྒྱ་མིའི་གནོན་ཤུགས་ཀྱང་མེད། ཡིན་ན་ཡང་མ་འོངས་པར་གནོན་ཤུགས་བྱུང་པ་ཡིན་ན་དོན་དག་མེད་པའི་གདོང་ལེན་བྱེད་ཁག་པོ་ཅན་གྱི་ཐ་སྙད་ཅིག་ང་ཚོས་ཉར་ནས་བསྡད་ན་ཇབ་གང་མི་འདུག”་ཅེས་གསུང་འདུག ད་དུང་ཁོང་གིས “་་་་དོན་ལ་འགྱུར་བ་གང་ཡང་མེད་ན་ཡང་ཐ་སྙད་ཆུང་ཆུང་ཞིག་ལ་བརྟེན་ནས་དཀའ་ངལ་བྱུང་ན་་་” ཅེས་གསུང་སོང་། ཚིག་འདི་དག་ལ་རྟེན་ནས་ཁོང་གི་དགོངས་པའི་ནང་དུ་བོད་གཞུང་ཞེས་པ་འདི་ལ་བརྩི་བཀུར་དང་གལ་གནད་གང་ཙམ་གཟིགས་ཀྱི་ཡོད་པ་མཐོང་ཐུབ་པར་སྙམ།
ཉེ་ཆར་རང་རེའི་བཙན་བྱོལ་གཞུང་གི་མིང་མེད་པར་བཏང་བ་འདི་ལ་སྤྱི་ཚོགས་ནང་དུ་ཕྱོགས་གཅིག་གིས་དེ་ནི་ ལག་པས་ཡར་བཞེངས་གཏོར་མ། རྐང་བས་མར་བཤིག་ཀླུད་རོ་བཟོས་པ་རང་རེད་བསམ་ནས་བློ་མ་བདེ་ལོང་བས་རྩམ་སྐྱ་འགམ་འདྲར་གྱུར་བ་དང་། ཕྱོགས་གཅིག་གིས་འདི་ནི་ དུས་ཐོག་གི་ཆར་བ། གནད་ཐོག་གི་སྐད་ཆ་རེད་ཟེར་ནས་ཕྱོགས་གཉིས་ཀ་སེམས་པ་བསམ་པའི་འཁྱེར་སོ་ཁ་ཁ། ལག་ལས་ཀའི་བྱེད་སོ་སོ་སོར་གྱུར་ནས་ནང་ཁུལ་བསམ་འཆར་མི་མཐུན་པ་ཤུགས་ཆེན་བྱུང་།

དེ་ལས་མང་བ་། ““དོན་དག་མེད་པའི་ཐ་སྙད་ཆུང་ཆུང་།”” »

གཡུ་དྲུག་དཀར། རྡ་ས།
འཛམ་གླིང་འདིར་ཆེས་རྔམ་བརྗིད་ལྡན་པ་ནི་འགྱུར་བ་ཞེས་པ་འདི་ཡིན་ལ། ལྷག་པར་དུ་མི་རིགས་ཤིག་གི་ལོ་རྒྱུས་ཀྱི་དཀྱོག་མཚམས་སུ་འཁེལ་བའི་འགྱུར་བ་ནི་གཞན་ཅི་ཡིས་ཀྱང་ཚབ་བྱེད་དཀའ་བ་ཞིག་རེད་ཨང་།
འོན་ཀྱང་། ད་ལོའི་ལོ་འདི་ནི་གཞན་གྱིས་ཚབ་བྱེད་ཐབས་མེད་པའི་འགྱུར་བ་འདིའི་ཚ་རླབས་ཤིག་དང་ལྷན་དུ་འགོ་བརྩམས་པ་རེད་ལ། འདས་བའི་ཟླ་ངོ་ལྔ་ཙམ་གྱི་རིང་ཤར་ནུབ་གང་སར། མི་མང་གིས་སྲིད་གཞུང་མགོ་རྟིང་བསློགས་ཏེ་བླ་ན་མེད་པའི་འགྱུར་བ་གང་མཚམས་ཤིག་བྱུང་དང་འབྱུང་བཞིན་བདོ་བ་བཅས་གྱིས། ད་ལོ་ནི་བླ་ན་མེད་པའི་འགྱུར་བ་འདི་ཡི་ལོ་ཞིག་ཡིན་པ་མངོན་བསྒྲགས་བྱེད་མུས་སུ་མཆིས་མོད། དེ་དག་ཐམས་ཅད་ལས་ཀྱང་ཆེས་བླ་ན་མེད་པའི་འགྱུར་བ་ཞིག་བྱུང་བ་ནི། ང་ཚོ་བཙན་བྱོལ་བོད་མིའི་དབུ་ཁྲིད་ཀྱིས་སྲིད་དབང་མི་མང་གིས་ཡར་རྩོད་མ་དགོས་པར་མར་གནང་པའི་འགྱུར་བ་འདི་རེད་གདའ།

དེ་ལས་མང་བ་། “འགྱུར་བ།” »

ཕུན་ཚོགས།

བོད་དོན་འཐབ་རྩོད་ཀྱི་འཐུས་ཤོར་ཆེན་པོ་ཁག་གསུམ་དང་འབྲེལ་བའི་སྐད་ཆ།

བོད་དོན་འཐབ་རྩོད་ཟེར་བའི་མིང་ཚིག་འདི་ནི་སྐྱ་སེར་གཉིས་ཀྱི་རྣ་ལམ་ནས་དུས་ཚོད་སྐར་ཆ་གཅིག་ལ་བོར་མྱོང་མེད་པ་ལྟ་བུར་སྣང་ནའང་། འཐབ་རྩོད་ཀྱི་ལངས་ཕྱོགས་དང་འཐབ་རྩོད་འདི་ཉིད་མི་མཐུད་སྟོབས་ཤུགས་དང་རྣོ་ངར་ཅན་གྱི་ངོ་བོར་ཇིོ་ལྟར་འཕེལ་བའི་རིམ་པར་བསམ་བློ་གནད་ལ་ཁེལ་མཁན་གཏོང་མཁན་ནི་དཀའ་ཙམ་གདའ། ཉེ་རབས་ལོ་རྒྱུས་ལ་ཕྱིར་བལྟ་རགས་ཙམ་བྱས་ན། སྤྱི་ལོ་༡༩༣༣ལོར་བོད་ཀྱི་ལོ་རྒྱུས་ཁྲོད་གོད་ཆགས་ཀྱི་འཇིགས་པ་ཆེ་ཤོས་དང་། བོད་ཀྱི་རེ་བའི་ཕུ་ཐག་ཆད་པའི་གནས་སྟངས་སམ་བློ་འགྱོད་ཆེ་བ་ཞིག་བྱུང་བ་ནི་༧གོང་ས་བཅུ་གསུམ་པ་མཆོག་སྐུ་འདས་པའི་གནས་ཚུལ་དེ་ཡིན་མོད། ༧གོང་ས་བཅུ་གསུམ་པ་མཆོག་སྐུ་གྲོངས་པའི་རྗེས་ཏག་ཏག་གི་དུས་ཚོད་ནི་རྒྱལ་སྤྱིའི་ས་ཁུལ་ཡོངས་འགྱུར་བ་ཤུགས་ཆེར་འགྲོ་བཞིན་པའི་སྒང་ཡིན་སྟབས། འཛམ་གླིང་འཁྲུག་ཆེན་གཉིས་པའི་ཤུགས་རྐྱེན་ལ་བརྟེན་ནས་མི་རིགས་དང་ས་ཁུལ་མི་འདྲ་བ་མང་པོས་རང་བཙན་དང་སྲིད་དབང་བདག་བསྒྱུར། དེ་བཞིན་རང་དབང་དང་ཐོབ་ཐང་གི་ཁེ་དབང་ལོངས་སུ་སྤྱོད་ཐུབ་པར་གྱུར་བའི་གོ་སྐབས་ཡག་ཤོས་བྱུང་ཡོད།

དེ་ལས་མང་བ་། “བོད་དོན་འཐབ་རྩོད་ཀྱི་སྟོབས་ཤུགས་འཚོལ་སྟངས་ཤིག” »

བོད། ལྷ་ཀླུ་གཉན་གསུམ།

བཅུ་གཉིས།

མཛའ་མོས་རེ་སྐུལ་ལྟར། ངས་རང་གི་ལས་ཀ་བྱེད་སའི་མ་བྱན་ཆེན་མོ་ལ། དེ་རིང་ང་ཆུ་ཚོད་གཉིས་དང་ཕྱེད་ཀ་ཐོན་སོང་ན་འགྲིག་གི་རེད་དམ། ང་རང་ལྷོ་ཕྱོགས་སུ་གུང་གསེང་ལ་འགྲོ་བཞིན་ཡོད། སྔ་བོ་མ་སོང་ན་ས་རུབ་ན་ལམ་ཁ་ནས་མཛའ་མོ་ལ་ཕྲུ་གུ་འཁོར་ཡོད་དུས་དཀའ་ངལ་འདུག་ཞེས་བཤད་པ་དེར། ཁོ་རང་གིས་ཀྱང་འགྲིག་གི་རེད་ཅེས་ལན་སྤྲད་སོང་། དེ་ནས་བར་གསེང་གི་གོ་སྐབས་ཤིག་ལ་སྤྱིན་བདག་ལ་ངས་མ་བྱན་ཆེན་མོ་དགོངས་པ་ཞུས་ཟིན་པ་ཡིན། དེ་རིང་ང་ཆུ་ཚོད་གཉིས་དང་ཕྱེད་ཀའི་སྟེང་ནས་ལས་ཀ་ནས་དགོངས་པ་སྤྲོད་རོགས་གནོང་ཞེས་བཤད་དུས། ཁོས་ཀྱང་འགྲིག་གི་རེད་ཟེར།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

སྐྱོ་བྲག་དགའ་དབང་།

འཕགས་ ཡུལ་སྟོད་རྒྱུད་གྲྭ་ཚང་ནི། དྷ་རམ་སཱ་ལའི་ཉེ་འཁྲིས། སིདྡྷི་བྷ་རིས་ཀྱི་ནགས་ཁྲོད་ན་ཆགས་ཤིང་། གསར་བཞེངས་བྱ་སྐབས་ཤིང་སྡོང་གཅིག་གཅོད་དགོས་མ་ཐུག་ནའང་རང་མལ་དུ་འཇོག་རྐྱང་ བྱས་རྐྱེན། ཁོར་ཡུག་གང་སར་ཤིང་སྡོང་ཆེན་པོ་དག་ནག་སྤུངས་སེ་སྐྱེས་ཡོད། ལྷ་ཁང་གི་མདུན་ཐང་གཡས་ཟུར་ན་ཤིང་སྡོང་ཁ་ཤས་ཡོད་པ་དག་གི་འོག་ན་ང་ཚོ་རྒྱུན་ པར་བསིལ་གཞའ་བྱེད་ཅིང་། ལྷག་པར་ཚུར་ཟུར་ན་ཡོད་པའི་ཤིང་སྡོང་དེ་ནི་ང་ཚོར་བཀའ་དྲིན་ཆེ་ཤོས་ཏེ། སྐུ་མགྲོན་གལ་ཆེན་དག་བསུ་སྐྱེལ་བྱ་སྐབས་དུས་ཚོད་རིང་རབས་སྒུག་དགོས་ཐུག་པ་ན། ཤིང་སྡོང་དེའི་བསིལ་གྲིབ་འོག་ང་ཚོ་ཚང་མ་ཡིབས་ནས་སྡོད་ཀྱི་ཡོད།

དེ་ལས་མང་བ་། “ད་ཡིན་ན་ཤིང་སྡོང་དྲིན་ཆེན་དེ་བཅད་ཤག །” »

འབྲི་མཁན། དཔལ་ལྡན་རྒྱལ།

ཚེས་༥སྟེ། རེས་གཟའ་ཉི་མའི་ཉིན་ཝ་ཤིན་ཏུང་གྲོང་ཁྱེར་སྲང་ལམ་ ༡༨ སྟེང་། ལོ་ན་གཉིས་དང་ཕྱེད་ཀར་སོན་པའི་བུ་ཆུང་ཉི་ཟླ་དང་། ངེད་གཉིས་དཔེ་དེབ་རྙིང་བ་བཙོང་སའི་ཚོང་ཁང་ཞིག་ཏུ་སོང་བ་ན། ༼ལྷ་ས་ནས་ཕེབས་པའི་སྨན་པ།༽ བློ་བཟང་རམས་པས་བརྩམས་ཞེས་པའི་དེབ་རྙིང་ཞིག་མཐོང་། དེབ་འདིས་ངའི་ཡིད་ཀྱི་དྲན་པ་ལོ་བཅུ་བཞི་ཡར་སྔོན་དུ་ཕྱིར་འཁྲིད་བྱས་སོང༌། དེ་ནི་༡༩༩༤་ལོའི་དབྱར་ཁའི་ཉིན་ཞིག་ལོན་དོན་གྲོང་ཁྱེར་ནང་དུ་དགོང་དྲོ་གསོལ་ཚིགས་ཞིག་གི་སྐབས་སུ། ལོ་ན་བཞི་བཅུ་ཡས་མས་ལ་སོན་པའི་དབྱིན་ཇུའི་བུད་མེད་ཞིག་གིས། “ངས་བློ་བཟང་རམས་པས་བརྩམས་པའི་སྦྱན་མིག་གསུམ་པ་དང༌། ལྷ་ས་ནས་ཕེབས་པའི་སྨན་པ་ཅེས་པའི་བོད་སྐོར་གྱི་དེབ་གཉིས་བཀླགས་མྱོང་། བོད་ནི་མཛེས་སྡུག་ཡིད་ཏུ་འོང་བའི་གནས་ཞིག་རེད། ཡིན་ནའང་བོད་མི་ཞིག་ལ་མཇལ་བ་ཐོག་དང་པོ་ཡིན་པས་ཧ་ཅང་དགའ་བོ་བྱུང་།” ཟེར།

དེ་ལས་མང་བ་། “བློ་བཟང་རམས་པ།” »

སྤྱི་ཟུར་ཆབ་བྲག་ལྷ་མོ་སྐྱབས།

༸གོང་ས༸སྐྱབས་མགོན་ཆེན་པོ་མཆོག་གི་སྔ་ཕྱི་བར་གསུམ་གྱི་བཀའ་སློབ་དང་གསུང་འཕྲིན་ཁ་གསལ་དང་། གྲོས་ཚོགས་ཀྱིས་བགྲོ་གླེང་སྦྱང་བཤད། མི་མང་གི་ཚོགས་ཆེན་དང་བཅས་བཅའ་ཁྲིམས་སྒྱུར་བཅོས་ཐད་ལ་ཟབ་ཅིང་རྒྱས་པ། ཕྱི་གསལ་ནང་གསལ། དོ་ཁུར་གཟབ་ནན་གྱི་བརྒྱུད་རིམ་ཆ་ཚང་ཞིག་ཡོད་བཞིན་དུའང་གློ་བུར་བའི་འགྱུར་བ་དང་མ་བརྟགས་པའི་བསྒྱུར་བཅོས་སོགས་སུ་སྨྲ་བའི་ཐག་ཉེ་རིང་ཀུན་ནས་ཧ་གོ་ལ་མ་གོ་བའི་ཚུལ་དུ་ཚོར་སྣང་གི་དཔྱད་བརྗོད་སྤེལ་ཁུལ་བྱེད་པ་འདི་རིགས་ཀྱིས་མ་མཐར་ཡང་བདེན་པ་འདི་བཅུ་ཡིད་ལ་ངེས་པར་གྱིས།

གཅིག དེ་སྔ་ཞིག་བཙན་བྱོལ་བོད་མིའི་སྒྲིག་འཛུགས་ཞེས་པ་འདི་གཏམ་བཤད་དང་ཡིག་ཆ་མང་པོའི་ནང་ལ་བསླེབས་ཟིན་ཞིང་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་ངོས་ནས་དེ་ཉིད་བཅའ་ཁྲིམས་སུ་གཏན་ལ་འབེབས་པའི་རྒྱབ་གཉེར་ཞུས་པ་བདེན།

དེ་ལས་མང་བ་། “བདེན་པ་བཅུ།” »