བོད། ལྷ་ཀླུ་གཉན་གསུམ།
སོ་བདུན།

གཏིང་ནས་བཞུར་བའི་ཚོར་བ་འདི་ལ་སུས་ཀྱང་ཚད་འཛིན་བྱེད་ཐུབ་དཀའ་ན་ཡང་། ཡི་གེ་གཟུགས་སུ་བྲིས་པ་ཙམ་གྱིས་ཀྱང་མིའི་རིགས་ཀྱི་ཚད་མར་འཛིན་དཀའ་བ་ནི་ཚོར་བའི་འགྲུལ་བཞུད་ཡིན་པར་བཤད་ཆོག གལ་ཏེ། འཛམ་གླིང་འདིར་མིའི་རིགས་ལ་རང་ཉིད་དངོས་ཤིག་གསལ་བྱེད་ངེས་ཀྱང་། དེ་ལྟར་དཀའ་བའི་རྒྱུ་མཚན་གྱིས་མིའི་རིགས་ཀྱི་སེམས་ནང་གི་དོགས་པ་རྣམ་དོག་ལ་མཐའ་མེད་ཅེས་ཚད་མའི་སྐྱེ་བུ་མང་བོ་ཞིག་ནས་ཚིག་ཐག་བཅད་དེ་གསུངས་ཡོད་པ་རེད། དེས་ན་ང་ཚོ་མིའི་རིགས་ཀྱི་ཅི་ཞིག་གསལ་སྤྲོད་བྱེད་འདོད་པ་ཡིན་ནམ་ཞེས་པའི་དྲི་བ་དེ་ཡོང་གི་ཡོད། དྲི་བ་དེའི་ལན་ཏག་ཏག་ཞིག་ཀྱང་སུ་གང་གིས་འདེབས་མི་ཐུབ་པ་ཐག་བཅད་བྱས་ཆོག རྒྱུ་མཚན་ནི། མིའི་རིགས་ཀྱི་འཚོ་བའི་གནས་བབས་དང་། བསམ་བློའི་རིན་ཐང་གཏན་ནས་མི་འདྲ་བྱུང་། འགུལ་བསྐྱོད་ཀྱི་རང་དབང་ལ་ཡང་མི་འདྲ་བའི་ཆ་མང་བོ་ཞིག་བྱུང་གི་ཡོད་པས་རེད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

ལྷོ་ཕྱོགས་ཉི་ཟླ་།

སྤྱིར་གདན་ས་ཁག་ནི་ནང་བའི་ཆོས་ཀྱི་ལྟེ་གནས་ངོ་མ་ཞིག་ཏུ་ཀུན་གྱིས་ངོས་འཛིན་གནང་དང་གནང་བཞིན་པ་མ་ཟད་ད་ལྟ་ཡིན་ན་ཡང་གཙོ་བོར་སེར་འབྲས་དགེ་གསུམ་གཙོའི་རིས་མེད་ཀྱི་ཆོས་སྡེ་མང་པོ་ཞིག་ནང་བའི་ཆོས་ཀྱི་ལྟེ་གནས་ཞིག་ཏུ་ཆགས་ཡོད་པ་སྨོས་མེད་རེད། དེ་དག་གི་ནང་ནས་རང་ཉིད་ལ་ཆ་རྒྱུས་དང་ཕྱོགས་གང་ཐད་ནས་ཐག་ཉེ་བའི་ཆ་ནས་སེར་འབྲས་དགེ་གསུམ་གྱི་ད་ལྟའི་གནས་བབ་དང་འབྱུང་འགྱུར་གྱི་ཁ་ཕྱོགས་ཙམ་ཞིག་བརྗོད་འདོད་སྤྲོ།

དེ་ལས་མང་བ་། “ད་ལྟའི་གདན་སའི་གནས་བབ་ལ་དཔྱད་པ།” »

བོད། ལྷ་ཀླུ་གཉན་གསུམ།
སོ་ལྔ།

ཉིན་བཀང་བོར་ལྡི་ལུ་གྲོང་ཁྱེར་གྱི་ཚ་བའི་ཁྲོད་དུ། ཡར་མར་མྱུལ་ནས་བསྡད། ཟ་ཁང་བརྫིག་པོ་ཞིག་ནང་དུ་ཕྱི་རྒྱལ་གྱི་ཟ་མ་ཟོས་ཤིང་། མཐོང་སྣང་དུ་འདྲ་མིན་དང་ལས་རིགས་ཀྱི་སྣེ་ལེན། ཁོར་ཡུག་གི་ཉོག་འཛིང་སོགས་ནས་འཛམ་གླིང་གི་བྱ་དངོས་ཡོད་ཚད་ཀྱི་འབྱུང་གནས་མི་རང་ཉིད་ཀྱི་བསགས་པའི་ལས་དབང་དང་འབྲེལ་བ་ཏན་ཏན་ཡོད་པའི་ངེས་ཤེས་རྟོགས་སུ་བཅུགས་སོང་།
ང་དང་གངས་དཀར་ལྷ་མཚོ་གཉིས་ཀྱི་བར་ན་སྐད་ཡིག་མི་འདྲ་བའི་དབང་གིས་དཀའ་ངལ་ཁ་ཤས་སམ་ཕན་ཚུན་གྱི་སེམས་གཏིང་གི་གསང་བ་ཡོད་ཚད་གླེང་མ་ཐུབ་པའི་སྐད་ཀྱི་མི་འདང་བ་བདེན་པ་ཡིན་མོད། འོན་ཀྱང་། ཕོ་མོ་ཕན་ཚུན་ལ་ཧ་ཅང་ཞེན་དྲགས་པའི་འདོད་སྲེད་ཀྱི་ཚོར་སྣང་དེའི་ངེད་གཉིས་ཇེ་དམ་ནས་ཇེ་དམ་དུ་འགྲོ་བའི་ལམ་ཐུན་མོང་མ་ཡིན་པར་གྱུར་ཡོད། དེ་ནི་འཁྲིག་སྲེད་ཀྱི་སྐབས་སུ་ངོ་ཚ་ཡོད་ཚད་སྤང་ཐུབ་པའི་ལྷན་སྤྱོར་བདེ་བ་སྤྱོད་སྟངས་ཁྱད་དུ་འཕགས་པ་ཞིག་གི་འཇིག་རྟེན་ལས་འདས་པའི་ཕ་རོལ་གྱི་ཚོར་སྣང་འགྲེལ་མེད་ནས་གཟུགས་མེད་དེ་རེད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

བོད། ལྷ་ཀླུ་གཉན་གསུམ།

སོ་གསུམ།

གཟའ་པ་སངས་ཀྱི་ཞོགས་པ་སྔ་བོ་ནས་མཛའ་མོ་དང་མཉམ་དུ་གྲོགས་པོ་གཉིས་ཀྱི་སྐྱེ་སྐར་ལ་ལག་རྟགས་ཤིག་ཉོ་རུ། བུ་མོ་ཐར་མ་མཚོ་དང་ངེད་གསུམ་ཁྲོམ་རྭ་ཆེན་མོའི་ཕྱོགས་སུ་བྱིན། ང་རང་རླངས་འཁོར་ནང་གི་རྒྱབ་ཀྱི་རྐུབ་སྟེགས་སྟེང་དཀྱིལ་ཀྲུང་ཞིག་བྱས་ནས་ལྷོད་ལྷོད་བསྡད་ཞོར་དུ། བུ་མོ་དང་མཉམ་དུ་མཚམས་རེར་རྩེད་རོགས་འདྲ་བྱས་ན་ཡང་། སེམས་ནང་དུ་འདི་འདྲ་ཞིག་དྲན་ནས་འོང་། རྒྱང་རིང་གི་ཕ་མ་གཉིས་ནི་ང་རང་དང་ནུ་བོ་དང་ནུ་མོ། ཕུ་བོ་དང་ཚ་བོ་ཚ་མོ་དག་གི་ཆེད་དུ་སེམས་ཁྲལ་རེ་བྱེད་ཀྱིན། རྒྱ་གར་ན་གླས་ཁང་ཞིག་དུ་བསྡད་ཡོད་པ་རེད་ལ། ཉིན་རེ་ཡི་འཚོ་བ་ཡང་ངན་ངོན་ཙམ་ཞིག་བསྐྱལ་ནས་བསྡད་ཡོད་པ་རེད། བུ་སྡུག་ང་འདི་ན་རླངས་འཁོར་བརྫིག་པོ་ཞིག་གི་ནང་དུ་ཉམས་བྱས་ནས་འགྲོ་བཞིན་ཡོད་ཀྱང་། རང་གི་ཕ་མ་གཉིས་ལ་འཚོ་བའི་ཁ་ནོན་རེ་ཡང་སྐུར་ཐུབ་ཀྱི་མེད་པ་དེར་བསམ་བཞིན་སེམས་པ་སྐྱོ་སོང་།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

ཐོར་རྒོད་པ་སྤྱན་ཆབ།

ཁ་སང་རྭ་རྒྱའི་ཤིང་བཟའ་རིན་པོ་ཆེས་བཀོད་བསྒྲིགས་བྱས་པའི་སྙན་ངག་གྱེར་འདོན་འགྲན་བསྡུར་དུ་རང་ངོས་ནས་རྒྱབ་སྐྱོར་ཙམ་གྱི་ཚུལ་དུ་ཞུགས་པ་དང་དེ་རུ་ད་དུང་ཡུན་རིང་མ་མཇལ་བའི་གྲོགས་པོ་རེ་གཉིས་དང་ཡང་འཕྲད་པས་ཁྱོད་ཀྱིས་སྙན་ངག་གྱེར་རྒྱུ་ཡིན་མིན་དྲིས་པར་ཡང་ངས་རྒྱབ་སྐྱོར་མཚོན་པ་ཞིག་བྱེད་ཀི་ཡོད་ཅེས་བཤད་པ་ཡིན། དེ་ནས་ཅུང་མ་འགོར་བར་སྐབས་དོན་དངོས་སུ་འགོ་བཙུགས་པ་དང་རིན་པོ་ཆེ་ཁོང་གིས་སྔོན་འགྲོའི་གཏམ་གླེང་ཐུང་ངུས་སྔོན་བསུས་ནས་ད་ལན་ཐེངས་གསུམ་པ་ཡིན་རབས་སོགས་གསུངས་སོང་།
དེ་རྗེས་གཞུང་དངོས་ལ་ཞུགས་པ་དང་གཙོ་སྐྱོང་པས་སྐར་གྲངས་སྟེར་མཁན་དག་ངོ་སྤྲོད་བྱས་སོང་ལ་བར་སྐབས་བཅར་འདྲིའི་ལམ་ནས་༡ སྙན་ངག་པ་ལྷ་ཆབ་སྦྱིན་པས་ད་ལན་སྙན་ངག་རང་གི་ཡིན་མིན་གཙིགས་འཛིན་བྱེད་ཀྱིན་མེད་པ་འདྲ་ནའང་

དེ་ལས་མང་བ་། “སྙན་ངག་གྱེར་འདོན་ལས་འཕྲོས་ཏེ་ལས་འགུལ་བ་དག་ལ་གྲོས་སུ་གདབས་པ།” »

གཡུ་དྲུག་དཀར། རྡ་ས།

ཉི་མ་དེར།ཁེར་འགྲོས་ཀྱི་བསང་དུད་ཅིག་གིས་དཀར་བོང་བོང་གི་ངོ་བསོ་མཐོ་རུ་འདོག་དུས།ལྷ་མོ་བླ་མཚོའི་སྔོ་དྭངས་དྭངས་ཀྱི་མེ་ལོང་གིས་ཅི་ཞིག་དྲན་སོས་པ་ལྟར།རེ་ཞིག་འཇམ་ཅག་གེར།ཐག་རིང་ནས་ལྷེམ་ལྷེམ་ལྷེམ་ཧ་ཅང་ཉམ་ཆུང་གིས་མཆེད་ཡོང་ཞིང་།རྒྱལ་ཚབ་ཀྱི་སྤྱན་གྱིས་གཟིགས་ཀྱིན་པའི་མཁའ་དབྱིངས་སུ་ཅི་ཞིག་ཀློག་གིན་པའམ།་ཅི་ཞིག་ལ་གོ་བ་ལེན་གྱིན་པ་ལྟ་བུའི་དུད་སྨུག་ལོང་ལོང་དེའི་གསང་བ་ལ་མནོ་བསམ་བཞེས་པའིགཉེར་རིས་ཀྱིས་ཁྱབ་སོང་སྐད།་སྐབས་དེར།རྒྱལ་ཚབ་ཀྱི་ཞལ་ནས་ཐོན་པའི་སྨོན་འདུན་གྱི་དབྱངས་རྟ་དང་ལྷན།་བར་མེད་དུ་ཕར་ཕར་ལ་ཁུར་གྱིན་པའི་ཆུ་རིས་ཀྱི་བར་བར་དུ།་་ཁྱོད་ཀྱི་ཆེས་ཐོག་མའི་གསེར་མདོག་གི་གཟུགས་སྣང་དེའང་ལྷེམ་ལྷེམ་གྱིས་གཡོ་བཞིན་འགུལ་གྱིན།་འཛུམ་དམུལ་དམུལ་གྱིས་ཇེ་གསལ་ཇེ་གསལ་དུ་སོང་བའི་མཛེས་སྡུག་དེས།་མཐོ་བ་གངས་རི་དང་དམའ་བ་རྩྭ་ཐང་ཀུན་པོའི་མིག་ལས།་ལྷ་མོ་བླ་མཚོ་ལྟ་བུའི་མཆི་མ་ཞིག་དབང་མེད་དུ་ས་རུ་བཤགས་སོང་སྐད།

དེ་ལས་མང་བ་། “ང་ཡི་ཨ་ཀ་མ།” »

(བོད་པ་སྒྱུ་རྩལ་པ་རྐྱང་རྐྱང་གིས་བསྒྲུབ་པའི་དེང་དུས་བོད་ཀྱི་པར་རིས་འགྲེམས་སྟོན་ཞིག་ ཡོ་རོབ་དུ་འགོ་ཚུགས།)

གངས་འདབས་ནས་།

ཡོ་རོབ་ཀྱི་གྲོང་ཁྱེར་གྲགས་ཅན་ཨམ་ས་རྡར་ཊམ་ནང་བོད་པ་སྒྱུ་རྩལ་པ་རྐྱང་རྐྱང་གིས་བསྒྲུབ་པའི་དེང་དུས་བོད་ཀྱི་པར་རིས་འགྲེམས་སྟོན༼ནང་གི་མཐོང་སྣང་༽ཞེས་པ་ཞིག་གི་སྒོ་འབྱེད་མཛད་སྒོ་སྤྱི་ཟླ ༦པའི་ཚེས༣༠ཉིན་གྱི་ཕྱི་དྲོར་གཉེར་སོང་།
ལོ་རྒྱུས་ཀྱི་སྣེ་མོར་འཁྲི་བའི་བོད་ཀྱི་དེང་དུས་པར་རིས་སྒྱུ་རྩལ་དེ་ཡར་ངོའི་ཟླ་ལྟར་འཕེལ་བཞིན་པ་མཚོན་ཆེད་དུ་ད་རེས་ཀྱི་འགྲེམས་སྟོན་འདི་བྱུང་པ་ཡིན་འདུག་ལ། „འགྲེམས་སྟོན་འདི་ནི་བོད་པ་སྒྱུ་རྩལ་པ་ཚོས་རང་ཉིད་ཀྱི་ཁོར་ཡུག་དང་། སྤྱི་ཚོགས། དེ་བཞིན་རང་ཉིད་ཀྱི་ཉིན་རེའི་འཚོ་བར་ལྟ་བའི་འཆར་སྣང་དང་། མཐོང་ཚུལ་རྣམས་པར་རིས་སམ་འདྲ་པར་སྒྱུ་རྩལ་གྱི་རྣམ་པ་ལས་མངོན་པར་བྱེད་པ་ཞིག་ཡིན་ལ། འགྲེམས་སྟོན་འདི་རིགས་ཧོ་ལན་ཌི་ལ་སྤེལ་པ་ནི་ད་རེས་ཐེངས་དང་པོ་ཆགས་ཡོད་རེད། ལོ་རྒྱུས་ཀྱི་དོན་སྙིང་ལྡན་ལ་དུས་རབས་ཀྱི་འགྲོས་དང་བསྟུན་ནས་གོམས་སྟབས་སྤོ་བཞིན་པའི་གཟི་བརྗིད་ཀྱི་རྣམ་པ་དང་། སྲོལ་རྒྱུན་གྱི་རྩི་བཅུད་ལ་རྒྱབ་བརྟེན་བཅོལ་ཞིང་དེང་དུས་ཀྱི་ཚན་རྩལ་བེད་སྤྱོད་བཏང་བ་ལས་རང་ཉིད་ཀྱི་ངོ་བོའམ་ཐོབ་བབ་ཅིག་མངོན་ཐུབ་པ་བྱས་ཡོད།“ ཅེས་འགྲེམས་སྟོན་གོ་སྒྲིག་པས་གཏམ་བཤད་བྱས་སོང་།

དེ་ལས་མང་བ་། “དེང་དུས་བོད་ཀྱི་པར་རིས་འགྲེམས་སྟོན་ཞིག་” »

གཙང་ཞོལ་བདེ་གསལ།

ཇོ་མོ་གླང་མའི་ཁ་ཆར་ཞོད་པོས་ཨ་ཆེན་གངས་རིས་སྔམ་པ་ཤོར།།
ཉམ་ཐག་སྤྲང་པོའི་གོང་ཁ་རེ་ན་ཁྱེད་ཀྱི་ཐུགས་རྗེའི་སྤྱན་ཆབ་རེ།།

གཞིས་བྱེས་བོད་མིའི་ངོ་གདོང་རེ་ན་ཁྱེད་ཀྱི་ཕྱག་གི་རྔུལ་ཆུ་རེ།།

ཤར་ནུབ་མཁས་པའི་ཚོགས་ཆེན་རེ་ན་ཁྱེད་ཀྱི་བསམ་བློའི་འཛུམ་མདངས་རེ།།

ལྷོ་རྒྱུད་གོ་ལའི་བཞི་མདོ་རེ་ན་ཁྱེད་ཀྱི་བདེན་པའི་གསུང་སྐད་རེ།།

དེ་ལས་མང་བ་། “སས་མི་ཐེག་པའི་བདེན་སྟོབས།” »

(འཇིག་རྟེན་ཞི་བདེའི་དེད་དཔོན་༸གོང་ས་ཏཱ་ལའི་བླ་མ་མཆོག་གི་སྐུའི་འཁྲུངས་སྐར་ལ་དང་པ་ཆེན་པོས་ཕུལ།)

སེར་ཤུལ་རིན་ཆེན་དོན་གྲུབ། ལྷོ་ཕྱོགས།
ལྷ་གདོན་ཁྲོས་པའི་དབང་ཤུགས་སྟོང་གིས་ཞི་བདེའི་མེ་ཏོག་འགྲེམས་ནུས་མིན།།
དྲག་སྤྱོད་དམག་གི་རུ་དཔུང་དར་མས་མཐུན་སྒྲིལ་ས་བོན་སྐྲུན་ནུས་མིན།།
ཉེར་གཅིག་དུས་འདི་ཞི་བདེར་རེ་བའི་གཏན་ཚིགས་སྟོང་གི་ལམ་སྟོན་དེ།།
དུས་རབས་འདི་ཡི་སྟོན་མཆོག་ཁྱེད་ཀྱིས་གླིང་འདིར་འགྲེམས་པའི་གདམ་པ་ཡིན།།

དེ་ལས་མང་བ་། “ཨེ་ཤ་ཡའི་དུང་ཟླ་དཀར་པོ།” »

སེར་ཤུལ་རིན་ཆེན་དོན་གྲུབ།
རྟ་ནག་སྐལ་བཟང་ལུང་རིགས་ཞེས་པའི་མིང་འདི་སྔ་མོ་ནས་ཐོས་མྱོང་ལ་ཁོང་གིས་བྲིས་པའི་རྩོམ་ཡིག་འགའ་ཞིག་གི་ཡིད་འགུག་གི་ནུས་པས་ཁོང་ལ་གདེང་འཇོགའང་བྱེད་མྱོང་། ཁོང་གིས་ཚོད་ཚོད་དང་ཞིབ་འཇུག་གཏིང་ཟབ་མ་བྱས་པར་བྲིས་པའི་རྩོམ་ཡིག་(གཏམ་རྒྱུད་གསུམ་གྱི་རྒྱབ་ལྗོངས་ལས་འཕྲོས་པའི་རིག་གནས་ཤིག་གི་ཉེས་དམིགས་གླེང་བ་)ཞེས་པའི་རྩོམ་ཡིག་དེར་(ཕྱོགས་ངོས་གཞན་ཞིག་གི་ཉེས་དམིགས་གླེང་བ་)ཞེས་པའི་དགག་ཡིག་ཅིག་ཀྱང་བྲིས་མྱོང་། (རྩོམ་ཡིག་གཉིས་ཀ་(དུས་འགྱུར་)དུས་དེབ་ཏུ་བཀོད་ཡོད་)གང་ལྟར་ངས་རྟ་ནག་པ་མཐོང་བ་ནི་ཁོང་གི་དཔྱོད་ཤེས་ཀྱི་རྩལ་ལས་ཐོན་པའི་རྩོམ་ཡིག་དང་ཟིན་བྲིས་ཀྱི་མདུན་ངོས་སུ་བཞག་པའི་ཁོང་གི་འདྲ་པར་ཙམ་ཡིན།

དེ་ལས་མང་བ་། “མང་གཙོའི་སྤྱི་ཚོགས་ནང་དུ་རྒྱུ་མཚན་ལྡན་པའི་ཁ་དེ་དུས་ནམ་ཡང་བཙུམ་ཐབས་མེད།” »

བསམ་གླིང་་ཚེ་རིང་ལྷ་མོ།

བྱིས་པའི་དེབ་ཆུང་བྲི་མཁན་གུས་མོ་བསམ་གླིང་ཚེ་རིང་ལྷ་མོ་ནི། བོད་རྒྱལ་ཁབ་ཆེན་པོའི་རྒྱལ་ས་ལྷ་སའི་ཤར་ངོས་སྟག་རྩེ་རྫོང་ཁོངས་བསམ་གྲུབ་གླིང་ནས་ཡིན་པའོ།
བཀུར་འོས་དྲ་གྲོགས་འགའི་རེ་བསྐུལ་དང་ལེན་གྱིས་བཀོད་པ་ལས་ངོམས་རིན་ཡོད་པ་ཞིག་གང་ཡང་མིན་ལགས།

དེ་ལས་མང་བ་། “རང་ཉིད་ཀྱིས་བྲིས་པའི་བྱིས་པའི་དེབ་ཆུང་ངོ་སྤྲོད།” »

ལྷོ་ཕྲུག་སྣ་བོ

འགའ་ཞིག་གིས་བུད་མེད་ཀྱི་འགྲམ་དུ་བསླེབས་དུས་སྐྱེས་པའི་རང་ཚུགས་ཤོར་འགྲོ་ཞིང་། ལྷག་ཏུ་ཆགས་པ་རྒྱས་དུས་ཀྱི་བུད་མེད་ཞིག་དང་གཅིག་པུར་འགྲོགས་སྐབས་བྱུང་ཚེ་འདོད་པ་མ་བསྟེན་པར་སྡོད་བཟོད་ཀྱི་གོ་སྐབས་གཏན་ནས་འབྱུང་མི་སྲིད་ཅེས་ཐག་ཆོད་པོས་ཡང་ནས་ཡང་དུ་སྨྲས་པ་གོ་མྱོང་། འོན་ཀྱང་ངས་ཉམས་མྱོང་དངོས་མའི་བརྒྱུད་རིམ་ལས་སྐད་ཆ་འདི་ཚད་བརྒལ་གྱི་རྫུན་གཏམ་ཆེན་པོ་ཞིག་ཡིན་པའི་བདེན་དཔང་ཐེངས་གཉིས་ལ་བྱས་པ་ཡིན། འཇིག་རྟེན་ཐོག་ཆོས་དང་འཇིག་རྟེན་གང་ཐད་ནས་སྟབས་བདེ་པོས་འགྲེལ་བཤད་དང་སྡོམ་ཚིག་འགོད་ཐབས་དཀའ་བའི་དོན་དང་བྱུང་བ་ཁྱད་མཚར་པོ་དེ་འདྲ་གློ་བུར་གློ་བུར་དུ་འཕྲད་ཅིང་མངོན་པའི་གནས་སྐབས་ཡོད། ང་གྲྭ་རྐྱང་འབྱོར་མེད་མིང་མེད་ཅིག་ལ་ཡང་ཇི་ལྟར་བསམས་ཀྱང་འགྲེལ་བཤད་གཙང་ཧྲིལ་ཧྲིལ་ཞིག་བརྒྱག་དུ་མི་བཏུབ་པའི་དོན་རྐྱེན་དེ་འདྲ་མང་དུ་བྱུང་མྱོང་། དེའི་ཁྲོད་ཀྱི་གཅིག་ཐེངས་འདིར་མ་སྦས་མ་གསང་བར་དྲྭ་གྲོགས་ཚོར་བཤད་པར་སྐྱོན་ཆ་ཞིག་མི་ཡོང་སྙམ།

དེ་ལས་མང་བ་། “ངའི་བྲང་ལ་མ་སྙེས། ང་གྲྭ་པ་ཡིན།” »

འདྲེ་མགོ་རྡོ།

བོད་རྒྱ་ཞི་མོལ་ཞེས་པའི་སྐད་ཆ་འདིར་འཁྱུག་ལྟ་ཙམ་ཞུས་ན། དེ་ནི་ལོ་རབས་བདུན་བཅུའི་ནང་དངོས་ཡོད་དུ་གྱུར་འགོ་ཚུགས་ཤིང་། བརྒྱུད་ལམ་རིགས་འདྲ་མིན་གྱིས་ཏིན་རྒྱལ་གཉིས་ཀྱི་སྐད་ཆའི་འཕྲོ་མཐུད་བྱས་ཡོད་པས་ཟམ་གདོང་གཞུང་གི་འབྲེལ་མོལ་དུས་ཡུན་ལས་སྐུ་ཞབས་རྒྱལ་དོན་གྱི་ཞི་མོལ་ལ་ལོ་ངོ་མང་པོ་འགོར་ཡོད་པ་རེད། ཡིན་ནའང་། སྐུ་ཞབས་རྒྱལ་དོན་གྱིས་མཐའ་མར་ཨེ་ཤའི་ཡ་རང་དབང་རླུང་འཕྲིན་བརྒྱུད་ལམ་ནས་འདར་འདར་ཆེ་བའི་སྐད་ཀྱིས་འགན་ཁུར་ཐབས་བྲལ་བའི་གནས་ཚུལ་ཁབ་བསྒྲགས་བྱས་ཤིང་། ༧ཏཱ་ལའི་བླ་མར་མཚན་སྨད་ཞུས་རབས་ཤིག་ལ་ཧང་སང་མདོག་གིས་ཞི་མོལ་གྱི་ནང་དོན་སྦུག་སྦུག་ངང་འཇོག་མ་ཐུབ་ཚུལ་གནང་བ་ནི། དོན་དངོས་བྱས་ན།

དེ་ལས་མང་བ་། “བོད་རྒྱ་འབྲེལ་མོལ་འཇའ་ལྟར་ཡལ་བཞིན་འདུག” »

ཀ་ཉག་ཚེ་རིང༌།

དེ་ རིང་ནི་གུང་ཁྲན་ཏང་ཚུགས་ནས་ལོ་དགུ་བཅུ་འཁོར་བའི་ཉིན་མོ་དང༌། བོད་ཞི་བའི་བཅིང་གྲོལ་བཏང་ནས་ལོ་དྲུག་ཅུ་འཁོར་བའི་ཉིན་མོ་ཡིན་ཟེར་ནས་གུང་ཁྲན་ཏང་སྲིད་གཞུང་གིས་ས་གནས་མང་པོར་རྟེན་འབྲེལ་གྱི་མཛད་སྒོ་ས་གཞིས་མི་ཐེག་པ་ལྟ་བུའི་རྒྱ་ཆེན་པོ་བཤམ་གྱིན་ཡོད་མོད། རྒྱལ་ཁབ་ཚད་ལྡན་ཞིག་ཡིན་ན་རང་ཉིད་ལ་ཆེས་གལ་ཆེ་ཞིང་ཉིན་མོ་འདིར་ཆེས་དགའ་ དགོས་པའི་མི་མང་ས་ཡ་མང་པོས་ངོས་འཛིན་བྱེད་སྟངས་དེ་ལས་ལྡོག་སྟེ་མི་ཡུལ་དུ་ ཞི་བདེ་དང་དམངས་གཙོའི་དགྲ་བོ་སྟོབས་ཆེ་ཤོས་དེ་ཐོག་མར་བཙས་པའི་ཉིན་མོ་ལ་ངོས་ འཛིན་བྱས་ཡོད་ལ༌། དེ་དང་མཉམ་དུ་བོད་མི་རྣམས་ཀྱིས་ལོ་ངོ་ཉིས་སྟོང་ལྷག་གི་ལོ་རྒྱུས་ལྡན་པའི་རང་ གི་རྒྱལ་ཁབ་དང་མངའ་ཐང་ཡོད་ཚད་གུང་ཁྲན་ཏང་གིས་བཙན་བཟུང་བྱས་པའི་ཆེས་མུན་ནག་ གི་ཉིན་མོ་ཞིག་ལའང་ངོས་འཛིན་བྱེད་བཞིན་ཡོད། སྲིད་གཞུང་གིས་ང་རྒྱལ་དང་གཟི་བརྗིད་དུ་རློམ་གྱིན་པའི་སྐར་ལྔའི་དར་དམར་བཙན་ དང་དབང་གིས་མི་ཚང་རེ་རེའི་ཁང་ཐོག་སླངས་དུས་སྙིང་ལ་གྲིས་བཙུགས་པ་ལྟ་བུའི་ན་ ཟུག་ཆེན་པོ་ཞིག་མི་སེམས་མང་པོར་གཅིག་མཚུངས་སུ་བྱུང་ཡོད།

དེ་ལས་མང་བ་། “ངས་དེ་རིང་གི་དུས་ཆེན་ལ་ངོ་རྒོལ་བྱེད་ཀྱིན་ཡོད།” »

སོག་ནག་ཚང་།

བཙན་བྱོལ་བོད་མིའི་གཞི་རིམ་འཛིན་གྲྭ་གསུམ་པའི་བོད་ཡིག་གི་ཀློག་དེབ་ནི་དགུ་བཅུ་གོ་གྲངས་ནས་དཔར་སྐྲུན་བྱས་ཞིང་ད་བར་དཔར་ཐེངས་བཅུ་གྲངས་འགར་དེབ་གྲངས་ཁྲི་ཕྲག་ལྔ་ལྷག་དཔར་སྐྲུན་བྱས་ཡོད། ལོ་ངོ་ཉི་ཤུ་མ་ཟིན་ཙམ་ལ་ཀློག་དེབ་འདིས་བོད་རིགས་བྱིས་པ་སྟོང་ཕྲག་མང་པོར་རང་ཉིད་བསམ་པའི་རྒྱགས་ཕྱེ་རུ་ཕུལ་བ་རེད། འོན་ཀྱང་བོད་རིགས་བྱིས་པ་ཚོའི་བོད་ཡིག་གི་གནས་ཚད་ནི་ཀློག་ཐུབ་ཙམ་གྱི་གྲངས་ཚད་ལས་འབྲི་རྩལ་གྱི་ནུས་པ་དང་གོ་སྟོབས་ཀྱི་དཔྱོད་ཤེས་ཡོད་མཁན་མི་བུ་བསྐྱེད་བསྲིངས་བྱས་པ་ཚད་ཧ་ཅང་དམའ།

དེ་ལས་མང་བ་། “གཟུངས་བཞུགས་དང་བྱིན་རླབས་མེད་པའི་ཀློག་དེབ་སྐོར་ཞིག” »

བོད། ལྷ་ཀླུ་གཉན་གསུམ།

སོ་གཅིག

ཞོགས་པ་སྔ་ཙམ་ཡར་བླངས་དེ་གངས་དཀར་ལྷ་མཚོ་ཁྲིད་ནས། ངེད་གཉིས་རྡ་ས་ལེག་ལོར་གྱི་གཙུག་ལག་ཁང་དུ་མཆོད་མཇལ་དུ་སོང་བ་ཡིན། དངུལ་འཛིན་ཤོག་བྱང་བེད་སྤྱོད་བཏང་ནས་དངུལ་འདོན་ས་མེག་ལོར་དུ་ཡོད་ཀྱང་། དེ་ཡི་གློག་སྒམ་ནང་དུ་དངུལ་ད་ལྟ་མི་འདུག་ཟེར་ནས་བྲིས་འདུག་ཞེས་མོ་རང་གིས་བཤད་སྟབས། ངེད་གཉིས་དངུལ་ཕྱིར་འདོན་ཆེད་དུ་མེག་ལོར་ནས་བོད་ཁྱིམ་སློབ་གྲྭ་བར་དུ་རྐང་ཐང་དུ་སོང་ན་ཡང་། དེ་ནས་ཀྱང་མ་ལོན་སྟབས། ཕྱིར་མེག་ལོར་དུ་ཡོང་ནས་ཚོད་ལྟ་ཞིག་བྱས་པ་དེ་ལེགས་འགྲུབ་བྱུང་། རང་ཉིད་ལ་མཚོན་ན་དངུལ་བྱང་ཞིག་བེད་སྤྱད་དེ་སྒོར་མོ་ཕྱིར་བཏོན་མྱོང་མེད་ལ། དངུལ་བྱང་བཟོ་བ་ལ་སྒོར་མོ་ཡང་མེད། ཕྱི་རྒྱལ་བ་དག་ནི་དངུལ་བྱང་ཞིག་འཁུར་ནས་ཕྱོགས་བཞི་མཚམས་བརྒྱད་དུ་ཉུལ་བཞིན་ཡོད་པའི་ནང་གི་ངའི་མཛའ་མོས་ཀྱང་། རང་གི་རྔུལ་ཆུའི་བསགས་པའི་སྒོར་མོ་དེ་དག་ད་ནི་ངེད་གཉིས་ཀྱིས་ལོངས་སུ་སྤྱོད་ཀྱིན་ཡོད་པ་རེད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

རྫ་ཚེ་རིང་བཀྲ་ཤིས།
སྤྱིར་ཆོས་ལུགས་ཡོངས་ལ་མི་སེམས་གཙང་མ་བཟོ་སྤྱད་ཀྱི་ནུས་པ་ཡོད་ཅིང་། ཁྱད་པར་དུ་སངས་རྒྱས་ཆོས་ལུགས་ལ་སེམས་ལ་ཞི་བདེ་བསྐྲུན་པའི་ནུས་པ་ཧ་ཅང་ཆེན་པོ་ཡོད།
ཞི་བདེ་སྐྲུན་སྟངས་ཀྱང་མི་འདྲ་བ་མང་པོ་ཡོད། གནས་སྐབས་ཀྱི་ངལ་གསོ་སྟེར་བའི་ཆ་ནས་བཤད་ན་སེམས་འཁྲུགས་པ་ལས་སྲུང་བ་ཡིན། སེམས་མྱོས་པ་ལས་འཛིན་པ་ཡིན། སེམས་གཡེངས་པ་ལས་བསྡུད་པ་ཡིན། དེ་ཡང་མི་ཞིག་ལ་དད་མོས་ཀྱི་འདུ་ཤེས་ཡོད་པ་ནི་གླང་པོ་ཆེ་ཐག་པ་ལ་བཏགས་པ་བཞིན། ལུས་དང་ངག་གི་སྤྱོད་པ་དང་། ཡིད་ཀྱི་བསམ་པ་ལ་ཚད་ཡོད་པར་བྱེད་པ་ཡིན། ལར་ལུས་དང་ངག་གི་ལས་ལ་ཚད་མེད་ཅིང་། ཡིད་ལ་ཟོན་མེད་པ་ནི་སེམས་རྣལ་དུ་མི་གནས་པར་འགྱུར་བ་ཡིན། དེ་ནི་ལས་སླ་པོས་སེམས་ལ་དཀའ་ངལ་ཆེན་པོ་འཕྲད་པ་དང་དགའ་བ་དང་སྐྱོ་བ་གང་གི་སྐབས་སུ་ཡང་ཚད་མི་ཤེས་པ་ཡིན། ཆོག་པར་མི་འཛིན་པ་ཡིན། སྟངས་འཛིན་གྱི་འཁོར་སྒག་ཀློད་པ་ཡིན། དེང་སང་ཡར་ཐོན་ཆེ་བའི་གྲོང་ཁྱེར་ཞིག་ལ་མཚོན་ན། ་དགོན་པ་དང་ལྷ་ཁང་ནི་བསིལ་ཁང་དང་། གྲིབ་མ་བཟང་བོ་ཅན་གྱི་ཤིང་བཞིན་ངལ་གསོའི་གནས་དང་སེམས་ཁམས་ཀྱི་ནད་གསོ་བའི་སྨན་ཁང་ལྟ་བུ་ཡིན།

དེ་ལས་མང་བ་། “སངས་རྒྱས་ཀྱི་འཕྲིན་བཟང་།” »

མི་ནག་ཚང་ལུང་རིགས་རྒྱལ།

ད་ལོར་བྷིན་ལ་ཌན་གྱི་རྩིབ་མ་སར་སྒོར་རྗེས། སྲིད་འཛིན་ཨོ་བྷ་མ་དང་ནེའུ་ཡོག་མི་དམངས་ཐད་ཀར་ ༩།༡༡ གི་རྐྱེན་ངན་བྱུང་སའི་གོར་ཐིག་ལྟེ་བ་དེར་འཛོམས་ཤིང་། ཀི་བསཱོ་བསྒྲགས་ཤིང་། ལྷ་རྒྱལ་འཐེན། པར་ཆས་མཆུ་རིང་ཞིག་གིས་སྲིད་འཛིན་ཟུར་པ་བྷུ་ཤིའི་སྤྱན་མཐའ་མཆི་མས་སྒྲིབ་འདུག་པ་ཐག་ཉེར་འཐེན་ནས་བསྟན། འདི་ད་ལོའི་གསར་འགྱུར་གལ་ཆེ་ཤོས་སུ་གྱུར།

དེ་ལས་མང་བ་། “ས་ནག་ལ་སེར་ག་གས་ན། འབུ་ནག་ལ་སེམས་ཁྲལ་ལངས།” »

ལྷོ་པྱོགས་ཉི་ཟླ།

སྤྱིར་དྲ་ཐོག་ཡིག་ཐོག་སོགས་ནས་རྩོམ་ཡིག་སོགས་སྤེལ་མཁན་མང་པོ་བྱུང་དང་བྱུང་བཞིན་པ་རེད། དེ་དག་ལ་བལྟས་ན་དགའ་འོས་བ་ཞིག་ཀྱང་རེད། ཡིན་ཡང་རྩོམ་པ་པོའི་མིང་བྱང་ཁུར་མཁན་ཁ་ཤས་ཤིག་གིས་རང་ཉིད་ཀྱི་ལྟ་བ་ནང་བཞིན་ཞིག་རྩོམ་རིགས་སྤེལ་མཁན་ཆ་ཚང་བ་དྲ་ཐོག་ཏུ་ཕེབས་དོན་བསམ་བློ་གཅིག་མཐུན་ཡིན་རྒྱུ་རེད་བསམ་གྱིན་འདུག་པ་འདི་དེ་ཚོའི་ནོར་འཁྲུལ་ངོ་མ་རེད།

ཁ་ཤས་ཤིག་མིང་བྱང་ཁོ་ནའི་ཆེད་དུ་དྲ་ཐོག་ཏུ་ཡོང་མཁན་ཡོད། ཁ་ཤས་བོད་ཀྱི་རིག་གཞུང་གཅེས་སྐྱོངས་བྱེད་རྒྱུ་ཁོ་ནས་ཆེད་དུ་ཡོང་མཁན་ཡང་ཡོད། ཁ་ཤས་ཤིག་མི་རིགས་ཀྱི་བདེ་སྡུག་བརྗོད་འདོད་ཀྱི་ཕུགས་འདུན་ཡོད་མཁན་ཡང་ཡོད། ཁ་ཤས་ཤིག་མི་གཞན་ལ་སྐྱོན་བརྗོད་དང་བསམ་ངན་བྱེད་རྒྱུའི་ཆེད་དུ་ཡོང་མཁན་ཡང་ཡོད། ཁ་ཤས་ཤིག་རང་ཉིད་རྩོམ་ཡིག་ཡར་རྒྱས་གཏོང་འདོད་ཁོ་ནས་ཆེད་དུ་དྲ་ཐོག་ཏུ་ཡོང་མཁན་ཡང་ཡོད། འདི་འདྲའི་རིགས་མང་པོ་ཞིག་ལ་ཕུགས་བསམ་མི་འདྲ་བ་གསལ་བོ་རེད།

དེ་ལས་མང་བ་། “ཁ་ཤས་ཤིག་ལ་ལམ་སྟོན་ཞིག་མི་བཤད་ཀ་མེད་བྱུང་སོང་།” »