ཤར་ཕྱོགས་ཁུག་རྟ།

 
རི་མཐོན་པོ་གཅིག་དང་མཐོན་པོ་གཉིས།།
རི་མཐོན་པོ་སེ་གུ་བྱ་ཁྱུང་རེད།།
རྫ་བྲག་རིས་མཐུད་ན་ཇེ་མཐོ་རེད།།
སྤྲིན་སྐེད་ལ་དཀྲིས་ན་ཇེ་ཡག་རེད།།

ཡུལ་འཛོམས་པོ་གཅིག་དང་འཛོམས་པོ་གཉིས།།
ཡུལ་འཛོམས་པོ་ཕ་ཡུལ་རེབ་གོང་རེད།།

དེ་ལས་མང་བ་། “ཕ་ཡུལ་རེབ་གོང། གཞས་ཚིག ༤” »

ཤར་ཕྱོགས་ཁུག་རྟ།

 
བསོད་ནམས་གསེར་གྱི་རི་ལ།།
བདག་པོ་དྲིན་ཆེན་ཨ་མ།།
དགའ་ན་སྐེད་ལ་འཐམས་ས།།
སྡུག་ན་ངུ་ངག་འདོན་ས།།

 
ཨ་མ་ཨ་སྔོན་གནམ་མཁའ།།
མགོ་ཡི་དབུ་རྭ་ཁྱེད་རེད།། 

དེ་ལས་མང་བ་། “ཨ་མ་དྲིན་ཆེན། གཞས་ཚིག ༣” »

ཤར་ཕྱོགས་ཁུག་རྟ།

 
བཙན་པོ་མེས་དབོན་རྣམ་གསུམ།།
སྐད་གྲགས་ས་ལ་ཆགས་ཀྱང།།
ང་ཡི་༧ཡིད་བཞིན་ནོར་བུ།།
ས་ལ་ཤོང་ཐབས་མ་བྱུང།།
ཡིད་བཞིན་ནོར་བུ། བཙན་པོའི་ཆོས་སྲིད་གནམ་མཐར་སྤེལ་སོང།
ཡིད་བཞིན་ནོར་བུ། བཙན་པོའི་བཙན་པོ་ཁྱེད་ཉིད་བཞེངས་སོང།

དེ་ལས་མང་བ་། “གསེར་གྱི་གྱ་སྟོན། (གཞས་ཚིག ༢)” »

ཤར་ཕྱོགས་ཁུག་རྟ།

 
རྒས་ན་ཚེ་ཐག་རིང་ས།།
གངས་ཅན་གཡང་གི་ཕ་ས།།
ཚེ་རིང་གསེར་གྱི་གྱ་སྟོན།།
གངས་ཅན་བོད་ལ་ཚེས་སོང།།

བླ་མ་ཉི་མ་རང་བྱོན།།
བོད་མིའི་སེམས་ལ་ཤར་སོང།།

དེ་ལས་མང་བ་། “གསེར་གྱི་གྱ་སྟོན། (གཞས་ཚིག ༡)” »

རས་པ།

གནམ་ལ་ཉི་མ་ཤར་བས།། ང་ཡི་ལུས་པོ་དྲོ་བྱུང་།།

ས་ལ་༧རྒྱལ་བ་འཁྲུངས་པས།། ང་ཡི་སེམས་པ་དྲོ་བྱུང་།།

དྲོ་སྐྱིད་འཚོ་བའི་ནང་ལ།། བཀྲ་ཤིས་གྱ་སྟོན་བསུས་ཡོད།།

གྱ་སྟོན་སེམས་ཀྱི་མཆོད་པ།། སྐུ་ཚེ་བརྟན་པར་ཕུལ་ཡོད།།

དེ་ལས་མང་བ་། “བཀྲ་ཤིས་གྱ་སྟོན།” »