གནས་ཚུལ་མཁོ་འདོན་པཿ བསོད་ནམས།

༢༠༡༢ལོའི་ཟླ་༡༠ཚེས་༢༠ཉིན་བོད་ནང་གི་ཉིན་གུང་དུས་ཚོད་གཉིས་པ་ཡས་མས་སུ། ཨ་མདོ་འབོ་ར་དགོན་པའི་ཉེ་འགྲམ་གྱི་ལམ་ཆེན་ཨང་རྟགས་༢༡༣ཅན་གྱི་སྟེང་དུ་འབོ་ར་སྒྲོག་འགབ་མ་སྡེ་བའི་ཕ་མིང་ལ་སྟོབས་ལྡན་དང་། ཨ་མའི་མིང་ལ། སྙིང་མོ་ཐར་ལོ་ཟེར་བ་གཉིས་ཀྱི་བུ་རང་ལོ་༢༧་ཅན་གྱི་རྒྱལ་གཅེས་དཔའ་བོ་སྟག་ལོ་བ་ལྷ་མོ་སྐྱབས་ཀྱིས། དགོན་པའི་གཡས་ངོས་དང་ཐག་མི་རིང་བའི་འབོ་ར་མདོ་སྡེ་བའི་མདུན་ཕྱོགས་ནས་རང་ལུས་ལ་མེར་སྒྲོན་ཏེ་ཀུ་རིང་ཞིག་དང་བཅས་(༧རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། ཞེས་སོགས་སྐད་འབོད་ཁ་ཤས་བྱས་འདུག་ཀྱང་གནས་ཚུལ་ཡོང་ཁུངས་ནས་ནང་དོན་གསལ་བོ་ཐོས་མི་འདུག)

དེ་ལས་མང་བ་། “བོད་ཨ་མདོ་འབོ་ར་ནས་དེ་རིང་ཡང་རང་ལུས་མེར་བསྲེགས་བཏང་འདུག” »

བསོད་ནམས།

དེ་རིང་སྟེ་སྤྱི་ལོ༢༠༡༢/༡༠/༡༣/ཉིན་གུང་བོད་ནང་ཆུ་ཚོད་དང་བོ་ཡོལ་ཙམ་ལ་གཙོས་དགོན་པའི་གཡས་ངོས་ཀྱི་མཆོད་རྟེན་ཉེ་སར། གཙོས་ཁ་སོག་སྡེ་དྲུག་ནང་ཚན་འབྲོང་ལྕེ་སྡེ་བའི་རྒྱལ་གཅེས་དཔའ་བོ་རྟ་མགྲིན་རྡོ་རྗེ་ཡིས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག ད་ལྟ་གྲྭ་མང་གིས་སྨོན་ལམ་གསུངས་ཏེ་མང་ཚོགས་ཀྱིས་འདས་པོའི་སྐུ་ཕུང་ཕ་ཡུལ་དུ་གདན་འདྲེན་བཞིན་པའི་སྒང་རེད། འདས་པོ་ཁོང་ད་ལོ་རང་ལོ་༥༧ དང་། གུང་ཐང་སྐུ་ཕྲེང་བདུན་པའི་ཡུམ་ཆེན་གྱི་ཨ་ཕ་རེད་འདུག

དེ་ལས་མང་བ་། “དེ་རིང་གི་དཔའ་བོ་རྟ་མགྲིན་རྡོ་རྗེ་ཡི་གནས་ཚུལ་དག་མ།” »

གནས་ཚུལ་མཁོ་གཏོང་བ། ཁྲི་གཡུང་དྲུང་།

ཕྱི་ལོ་ ༢༠༡༢ལོའི་ཟླ་༡༠ཚེས་༡༦བོད་ཆུ་འབྲུག་ལོའི་ཟླ་དགུ་པའི་ཚེས་གཅིག་ཉིན་ནས་༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་གཡས་རུ་འཆད་རྩོད་ཆེན་མོ་ཐེངས་བཅུ་དྲུག་པ་དབུ་འཛུགས་གནང་ཡོད་པའི་གནས་བསྡུས།

དེ་ཡང་ཐོག་མར་ཕྱི་ལོ་༡༩༩༧ལོར་༧དཔལ་གཤེན་བསྟན་སྨན་རིའི་གླིང་དུ་གཡས་རུའི་འཆད་རྩོད་ཆེན་མོ་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པའི་ཐུགས་བསྐྱེད་ཉེར་ལེན་ཟབ་མོ་ལ་བརྟེན་ནས་གསར་འཛུགས་མཛད་གནང་ཡོད་པ་རེད།

དེ་ལས་མང་བ་། “སྨན་རིའི་གླིང་དུ་གཡས་རུའི་འཆད་རྩོད་ཆེན་མོ་ཐེངས་བཅུ་དྲུག་པ་དབུ་འཛུགས་གནང་བ།” »

གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།

ཁ་སང་ཕྱི་ཟླ་༡༠ པའི་ཚེས་༡༣ ཉིན་སྤྱི་ཚོགས་རང་དབང་SOCIETÀ LIBERA་ཞེས་བའི་ཚོགས་སྡེ་ཡིས་བཀོད་སྒྲིག་འོག་འཛམ་གླིང་སྟེང་གཉའ་གནོན་དང་སྡུག་སྦྱོང་མནར་གཅོད་ཚད་མེད་མྱོང་བཞིན་པའི་གྲངས་ཉུང་མི་རིགས་དང་ཉམ་ཐག་མི་མང་ཚོའི་ཆེད་དུ་༼རྒྱལ་སྤྱིའི་རང་དབང་གོམ་བགྲོད་ཆེན་མོ་༽ཞེས་བའི་ལས་འགུལ་ཐེངས་ལྔ་བ་དེ་ཡོ་རོབ་རྒྱལ་ཁབ་སི་པན་གྱི་གྲོང་ཁྱེར་སྦར་ཟིལ་ལོ་ན
་BARCELONAདང་། འཇར་མན་རྒྱལ་ས་སྦར་ལིནBERLIN། སྤེལ་ལྗམ་རྒྱལ་ས་སྦར་སིལBRUSSEL། ཧྥ་རན་སིའི་རྒྱལ་ས་ཕེ་རེ་སིPARIS། ཨི་ཊ་ལིས་རྒྱལ་ས་རོམ་ROMEབཅས་སུ་ཉིན་བརྒྱ་དུས་གཅིག་ལ་སྤེལ་ཡོད་པ་དང་།

དེ་ལས་མང་བ་། “རྒྱལ་སྤྱིའི་རང་དབང་གོམ་བགྲོད་ཆེན་མོ།” »

གནས་ཚུལ་མཁོ་གཏོང་བ། ཨ་མདོ་དབྱངས་འཇོམས།

དེ་རིང་རེས་གཟའ་སྤེན་པའི་ཉིན་བོད་ཡིག་གི་མིང་ཚིག་དག་ཆ་འགྲན་སྡུར་ཞིག་རྒྱ་གར་བྱང་ཤར་ཁུལ་གྱི་རྡོར་གླིང་འཇམ་དབྱངས་བོད་ཀྱི་རིག་གཞུང་གཅེས་སྐྱོང་ཁང་གིས་གོ་སྒྲིག་འོག རིག་གཞུང་གཅེས་སྐྱོང་ཁང་དེའི་ཚོགས་ཁང་ནང་སྤེལ་ཡོད་པ་དང་། དག་ཆའི་འགྲན་སྡུར་ཁྲོད་འབྲུག་གསང་སྔགས་ཆོས་གླིང་དགོན་པ་དང་། རྡོ་རྗེ་གླིང་དབུས་གཞུང་བོད་ཀྱི་སློབ་གྲྭ། བསོད་ནམས་དར་དབུས་གཞུང་བོད་ཀྱི་སློབ་གྲྭ། སྤོག་རི་སྦོང་སཾ་བྷོ་ཊ་གཏན་སློབ་བཅས་གཏན་སློབ་ཁག་གསུམ་དང་།

དེ་ལས་མང་བ་། “གཏན་སློབ་ཁག་བཞིའི་བར་བོད་ཡིག་གི་དག་ཆ་འགྲན་སྡུར།” »

ནོར་གླིང་ས་གནས་བོད་རིགས་སྤྱི་མཐུན་ཚོགས་པས་གོ་སྒྲིག་འོག དེ་རིང་བོད་ནང་གི་ཚུ་ཆོད་དང་པོ་ཡོལ་ཙམ་ལ། གཙོད་ཁ་སོག་འབྲོང་ལྕེ་སྡེ་བའི་རང་ལོ་ང་བདུན་ཡིན་པ་རྟ་མགྲིན་རྡོ་རྗེ་ལགས་ ༼གུང་ཐང་སྐུ་ཕྲེང་བདུན་པའི་མ་ཡུམ་གྱི་ཨ་ཕ་ཡིན་འདུག༽ ཀྱིས་མདོ་སྨད་གཙོད་དགོན་པའི་མཆོད་རྟེན་ཉེ་འགྲམ་དུ་སྐུ་ལུས་མེར་བསྲེག་བཏང་ནས་རྒྱ་གཞུང་ལ་ངོ་རྒོལ་གྱིས་ས་གསན་དེ་ག་རང་དུ་འདས་གྲོངས་སུ་གྱུར་ཡོད་པར་ཆེད་དམིགས་ཞུས་འབྲེལ། འདས་པོ་ཁོང་གི་ཆེད་བསྔོ་སྨོན་མཆོད་འབུལ་

དེ་ལས་མང་བ་། “ནོར་གླིང་དུ་རྒྱལ་གཅེས་དཔའ་བོ་རྟ་མགྲིན་རྡོ་རྗེའི་ཆེད་བསྔོ་སྨོན་མཆོད་འབུལ།” »

གསར་འགྱུར་མཁོ་འདོན་པཿ རྡོ་རྗེ་ཚེ་རིང་།

དགེ་རྒན་ཟུར་བ་གཡུ་སྒང་འོད་ཟེར་ལགས་ཀྱིས་རྡ་ས་མེག་ལོར་བོད་ཁྱིམ་ཉིན་མོའི་སློབ་གྲྭ་རུ་བདུན་ཕྲག་གཅིག་གི་རིང་དེ་གའི་དགེ་རྒན་ཚོར་སློབ་ཁྲིད་ཐབས་ལམ་སྐོར་གྱི་ཟབ་སྦྱོང་ཞིག་འཚོགས་བཞིན་པའི་སྐབས་དང་བསྟུན་ནས། ཁོང་གིས་ཨང་གྲངས་ཁ་ཤས་ཀྱི་ཐོག་ནས་བྱ་ཚིག་སྦྱོང་བའི་ཐབས་ལམ་གསར་བ་ཞིག་གསར་བཏོད་གནང་བའི་དཔེ་དེབ་གསར་བ་༼བྱ་ཚིག་སྦྱོང་ཐབས་གསར་མ་གྲངས་ངེས་ཀུན་གྲོལ་༽གྱི་དབུ་འབྱེད་མཛད་སྒོ་ཁ་སང་་སྤྱི་ཟླ་ ༡༠ ཚེས་ ༡༡ ཉིན་གྱི་ཕྱི་དྲོ་ཆུ་ཚོད་གསུམ་པའི་སྟེང་རྡ་ས་མེག་ལོར་བོད་ཁྱིམ་ཉིན་མོའི་སློབ་གྲྭ་རུ་སྐོང་འཚོགས་གནང་

དེ་ལས་མང་བ་། “དེབ་ཀྱི་དབུ་འབྱེད་མ་གནང་གོང་འདོན་ཐེངས་དང་པོ་མངགས་ཉོའི་ལམ་ནས་རྫོགས་ཟིན་པའི་བོད་ཡིག་དེབ་ཅིག་ཐོན་ཡོད།” »

རྒྱའི་རྩོམ་པ་པོ་ མའོ་ཡན་ ( Mo Yan) ཞེས་པར་ལོ་འདིའི་ནོ་བྷེལ་རྩོམ་རིག་གི་བྱ་དགའ་ཐོབ་འདུག་ཅིང་། དེ་ནི་ཅུང་བསམ་ཡུལ་ལས་འདས་པ་ཞིག་ཡིན་པར་ཆ་འཇོག་བྱེད་ཀྱིན་ཡོད་པ་དེ་ནི་ ཉེ་བའི་ལོ་དུས་རིང་ཡུ་རོབ་ཀྱི་རྩོམ་པ་པོ་རྣམས་ལ་སྤྲོད་པའི་ཁ་ཕྱོགས་ཤིག་ཡོད་པས་ཡིན་རབས་བཤད་འདུག
གཟེངས་རྟགས་འདེམས་སྒྲུག་ཚོགས་ཆུང་གིས་ མའོ་ཡི་རྩོམ་དེ་ཚོ་ནི་ དམངས་སྒྲུང་དང་ལོ་རྒྱུས། དེང་རབས་བཅས་ལྷན་དུ་བསྡུས་པའི་ “དངོས་ཡོད་འཆར་སྣང་ཅན་” ཞིག་ཡིན་པའི་གཟེངས་བསྟོད་བྱས་འདུག

དེ་ལས་མང་བ་། “རྒྱ་ཞིག་ལ་ནོ་བྷེལ་རྩོམ་རིག་གཟེངས་རྟགས་ཐོབ།” »

ཨོ་རྒྱན་ཉི་མ།

ཕུལ་བྱུང་ཁྲིམས་ཀྱི་བདག་པོ་ཤཱཀ་ཐུབ་མགོན་ལ། །
རྒྱུ་མཚན་ཤེས་པའི་དད་པས་ལན་བརྒྱར་བཏུད་དེ། །
ཁ་ཁོག་གསོན་པོ་ཞིག་གི་དྲང་བདེན་ལམ་ནས། །
སྡེ་གཉིས་ཤན་འབྱེད་བྱེད་ལ་རིང་ནས་སྒུག་ཡོད། །

དེ་ལས་མང་བ་། “བསྟན་པ་དག་ཐེར་ཡོང་བའི་རེ་བསྐུལ།” »

གནས་ཚུལ་མཁོ་གཏོང་བ། ཁྲི་གཡུང་དྲུང་།

ཕྱི་ལོ་༢༠༡༢ཟླ་༡༠ཚེས་༩ཉིན་དབུས་བོད་མིའི་སྒྲིག་འཛུག་གི་ཆོས་རིག་བཀའ་བློན་པད་མ་ཆོས་འབྱོར་ལགས་བོན་གཞིས་སུ་ཆེད་ཕེབས་ཀྱིས་༧དཔལ་༧རྒྱལ་བ་སྨན་རིའི་ཁྲི་འཛིན་མཆོག་ལ་བརྟན་བཞུགས་མནྚལ་སྐུ་གསུང་ཐུགས་རྟེན་འདེགས་འབུལ་དང་གྲྭ་ཚང་ལ་མང་ཇ་དང་སྐུ་འགྱེད། གཞན་བོན་གཞིས་སེར་སྐྱ་མང་ཚོགས་ཡོངས་ལ་འབྲས་སིལ་དང་གསོལ་ཇ་བཅས་རྒྱས་འབུལ་སོགས་ཞུས་ཡོད་པ་དང་། ཉིན་གུང་ཕྱག་ཚོད་གཉིས་པ་ནས་དཔེ་མཛོད་དང་སྔགས་དགོན་སོགས་ལ་གཟིགས་སྐོར་གནང་ཡོད་པ་བཅས་ཀྱི་གནས་བསྡུས་ཙམ་མོ།།

དེ་ལས་མང་བ་། “༧གཡུང་དྲུང་བོན་གྱི་བླ་ཆེན་དཔལ་༧རྒྱལ་བ་སྨན་རིའི་ཁྲི་འཛིན་སོ་གསུམ་པ་མཆོག་ལ་བརྟན་བཞུགས་ཕུལ་བ།” »

གནས་ཚུལ་མཁོ་གཏོང་བ། རྫ་ཚེ་རིང་བཀྲ་ཤིས།

སྤྱི་ལོ་ཉིས་སྟོང་བཅུ་གཉིས་ཀྱི་ཟླ་བཅུ་པའི་སྤྱི་ཚེས་བདུན་གྱི་ཉིན་གྲོང་ཁྱེར་ཐའེ་ཀྲུང་དུ་ཐའེ་ཝན་བོད་བརྒྱུད་ནང་བསྟན་དྲ་རྒྱའི་བརྙན་འཕྲིན་མ་དངུལ་འདུ་འགོད་ཀྱི་ཚོགས་ཆེན་ཐེངས་གཉིས་པ་དངོས་སུ་འཚོགས། དེ་ཡང་སྤྱི་ཟླ་བཅུ་པའི་ཚེས་བདུན་ཉིན་གྱི་ཞོགས་པ་ཆུ་ཚོད་བཅུ་པ་ནས་བོད་བརྒྱུད་ནང་བསྟན་དྲ་རྒྱའི་བརྙན་འཕྲིན་གྱི་མ་དངུལ་འདུ་འགོད་དང་ལས་འཆར་ཁྱབ་བསྒྲགས་ཀྱི་ཚོགས་ཆེན་དེ་ཐའེ་ཀྲུང་ཀ་ཐོགཿརིག་འཛིན་ཆེན་པོའི་ཆོས་ཚོགས་སུ་འཚོགས་ཤིང་།

དེ་ལས་མང་བ་། “༼ཐའེ་ཝན་བོད་བརྒྱུད་ནང་བསྟན་དྲ་བརྙན་༽ཁྱབ་བསྒྲགས་ཚོགས་ཆེན་ཐེངས་གཉིས་པ་ཐའེ་ཝན་དུ་འཚོགས་པ།” »