གནས་ཚུལ་མཁོ་འདོན་པ། བྱེས་འབྱོར་ཀླུ་ཆུ་བ་ཁག་ཅིག

ཕྱི་ལོ་ ༢༠༡༢ ལོའི་ཕྱི་ཟླ་ ༡༡ ཚེས་ ༢༥ ཉིན་གྱི་སྔ་དྲོ་བོད་ནང་གི་ཆུ་ཚོད་བདུན་དང་སྐར་མ་བཅོ་ལྔ་ཙམ་གྱི་སྟེང་དུ་མདོ་ལྷོ་ཀླུ་ཆུའི་རྫོང་ཁོངས་ཤིས་ཚང་(ཨ་ཀྲོང་)ཚོ་བ་བཅུ་གཉིས་ཀྱི་ནང་ཚན་དཔལ་སྒུར་ནགས་རི་ཚོ་བའི་རྒྱལ་གཅེས་དཔའ་བོ་རྟ་མགྲིན་སྐྱབས་ལགས་ཀྱི་སྐུ་ཕུང་ཤིས་ཚང་དགོན་པའི་ཡར་རྒྱབ་ཀྱི་ཧག་ཆེན་ཀླད་ཅེས་པའི་དུར་ཁྲོད་དུ་བསྐྱལ་ཏེ་ཞུགས་འབུལ་བྱས་འདུག དེ་ཡང་གནས་ཚུལ་ཡོང་ཁུངས་ལྟར་ན། དེ་རིང་ཞོགས་པ་ཆུ་ཚོད་དྲུག་དང་ཕྱེད་ཀའི་སྟེང་ཤིས་ཚང་དགོན་པའི་དགེ་འདུན་པ་ཚོ་དགོན་པ་དང་སྤྱི་ལེ་གཉིས་གསུམ་ཙམ་ཡོད་པའི་ཧག་ཆེན་ཀླད་ཅེས་པའི་དུར་ཁྲོད་དུ་ཆེད་ཕེབས་གནང་ཞིང་།

དེ་ལས་མང་བ་། “དེ་རིང་གི་གནས་ཚུལ།” »

ཉེ་ཆར་ནིའུ་ཡོག་ལ་བསྐྱོད་སྐབས་སུ་རང་ཉིད་ཀྱི་གྲོགས་པོ་འགའ་དང་གླེང་སློང་བྱེད་རྒྱུའི་གོ་སྐབས་བྱུང་། ང་ཚོར་སྐད་ཆ་བཤད་རྒྱུ་ཧ་ཅང་མང་པོ་འདུག བོད་གཞུང་གི་བཟང་ངན་དང་། སྔ་དེང་གི་མི་ངོ་ཤེས་མི་ཤེས་ཚོའི་ལོ་རྒྱུས། ལི་ཐང་ཨ་ཐར་སོགས་ཁམས་པ་དཔའ་བོ་ཚོའི་ལོ་རྒྱུས་སོགས་སྐད་ཆ་ལ་རྫོགས་རྒྱུ་མི་འདུག མཚམས་ཤིག་ལ་ཕར་བལྟས་ཚོད་ལ་ར་ཡང་ཅུང་ཙམ་བཟི་ཡོད་པ་འདྲ་བའི་གྲོགས་པོ་དེས་འདི་ལྟར་བཤད་བྱུང་། “དྲ་རྒྱ་ཐོག་ན་བཀླགས་ན་ཐང་ཆད་རྒྱུ་མེད་པའི་དྲ་དེབ་ཅིག་འདུག དེ་ལ་ Mountain Phoenix over tibet ཞེས་འབོད་ཅིང་། དེ་ལ་བལྟས་པ་ཡིན་ན། ཆང་གིས་ལང་ཤོར་པ་ཇི་བཞིན་ལང་ཤོར་བ་ཞིག་ཆགས་ཀྱི་རེད།”ཅེས་ཆང་གི་ཤེལ་དམ་ལ་མཛུབ་མོ་བཙུགས་ནས་བཤད་བྱུང་།

དེ་ལས་མང་བ་། “ཨིན་ཡིག་གི་དྲ་དེབ་གྲགས་ཅན་ཞིག” »

མདོ་སྨད་རེབ་གོང་མགོན་ཤུལ་དམེ་སྐོར་རུ་ཁག་དང་པོ་ནས་ཡིན་པ་རྟ་མགྲིན་རྡོ་རྗེ་༼རང་ལོ་ ༢༩༽ལགས་ཀྱིས། ཚེས་ ༢༣ ཉིན་རྒྱབ་བོད་ནང་གི་ཆུ་ཚོད་བདུན་པའི་སྟེང་། རྡོ་དཀར་མོ་ཞང་སྲིད་གཞུང་གི་སྒོ་ཁ་ནས་རང་ལུས་མེར་བསྲེགས་བཏང་སྟེ། དེ་གར་འདས་གྲོངས་ཕྱིན་འདུག དེ་ཡང་ཁོང་གི་རང་ལུས་ལ་མེ་སྦར་ཏེ་གོམ་པ་བཅུ་ཙམ་བར་གོམ་བགྲོད་གནང་འདུག་ཅིང་། དེ་མཚམས་ས་ལ་འགྱེལ་བ་ནས་ཡང་བསྐྱར་ཡར་ལངས་ཏེ་གོམ་བགྲོད་ཀྱི་སྟངས་ཀ་བྱས་པ་དེ་མ་ཐག་སར་འགྱེལ་མུར་འདས་གྲོངས་ཕྱིན་ཡོད་འདུག

དེ་ལས་མང་བ་། “ཚེས་ ༢༣ ཉིན་ཨ་མདོ་རེབ་གོང་མགོན་ཤུལ་ནས་རང་ལུས་མེར་བསྲེགས་གནས་ཚུལ།” »

གནས་ཚུལ་མཁོ་སྤྲོད་པ། བྱེས་འབྱོར་ཀླུ་ཆུ་བ་ཁག་ཅིག

ཕྱི་ལོ་ ༢༠༡༢ ལོའི་ཟླ་ ༡༡ ཚེས་ ༢༢ དགོང་མོ་ཆུ་ཚོད་ ༡༠ ཡས་མས་སུ་མདོ་ལྷོ་ཀླུ་ཆུའི་ཡུལ་དུ་རང་ལོ་ ༢༣ ཡིན་པའི་རྒྱལ་གཅེས་པ་རྟ་མགྲིན་སྐྱབས་ཀྱིས་རང་ལུས་མེར་སྲེག་གིས་རྒྱ་གཞུང་ལ་ཞི་བའི་ངོ་རྒོལ་བྱས་ཏེ་སྐུ་གྲོངས་འདུག དེ་ཡང་རྒྱལ་གཅེས་པ་ཁོང་ནི་མདོ་ལྷོ་ཀླུ་ཆུའི་ཤིས་ཚང་ཚོ་བ་བཅུ་གཉིས་ཀྱི་ནང་ཚན་དཔལ་སྒུར་ནགས་རི་ཚོ་བ་ནས་(ཀན་སུའུ་ཞིང་ཆེན་ཀན་ལྷོ་ཁུལ་ཀླུ་ཆུ་རྫོང་མ་ངེས་ཞང་གི་ཁོངས་གཏོགས།)ཡིན་ལ། ཁོང་གི་ཕའི་མིང་ལ་ཚེ་རིང་བཀྲ་ཤིས་ཟེར་ཞིང་། རྒྱལ་གཅེས་པ་ཁོང་རང་ལོ་ ༡༤ སྟེང་ཕ་སྐུ་གྲོངས་འདུག

དེ་ལས་མང་བ་། “མདོ་ལྷོ་ཀླུ་ཆུའི་ཡུལ་དུ་རང་ལུས་མེར་སྲེག་བྱས་པ།” »

འབྲེལ་ཡོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ཟླ་ ༡༡ ཚེས་ ༡༦ ཉིན་མདོ་སྨད་རེབ་གོང་མདོ་བ་མཁར་སྐྱ་ནས་ཡིན་པའི་དགེ་འདུན་པ་བརྩོན་འགྲུས་ཆོས་ལྡན་དང་དཀོན་མཆོག་བསོད་ནམས་གཉིས་འཇུ་བཟུང་བཙན་ཁྲིད་བྱས་འདུག རེབ་གོང་མདོ་བ་ནས་ཚེས ༧ དང་ཚེས་ ༨ ཚེས་༡༢ བཅས་སུ་བསྟུན་མར་རྒྱལ་གཅེས་དཔའ་བོ་བཞིས་རང་ལུས་མེར་བསྲེགས་ཀྱི་རྒྱ་གཞུང་ལ་ངོ་རྒོལ་བྱས་ཏེ་སྐུ་དྲུང་ཡོད་འདུག་ལ། དགེ་འདུན་པ་ཁོང་གཉིས་རྒྱལ་གཅེས་དཔའ་བོའི་སྐལ་བཟང་སྦྱིན་པའི་གྲོགས་པོ་ཡིན་པས་རྒྱལ་གཅེས་དཔའ་བོ་ཁོང་གི་འདས་མཆོད་སྒྲུབ་པར་ཕེབས་ཡོད་པ་དང་། ཕྱི་ཟླ་ ༡༡ ཚེས་ ༡༦ ཉིན་མདོ་བ་ནས་རེབ་གོང་རོང་བོ་དགོན་ཆེན་ལ་འགྲོ་སྐབས། ལམ་བར་གྱི་བོན་པོ་ཉག་ཁ་ཞེས་པར་ཉེན་རྟོག་པས་གསང་སྒུག་བྱས་ཏེ། དགེ་འདུན་པ་གཉིས་དང་འགྲོ་རོགས་མདོ་བའི་རྒན་པོ་ཁ་ཤས་བཅས་ཚང་མ་འཇུ་བཟུང་བཙན་ཁྲིད་བྱས་ཡོད་འདུག

དེ་ལས་མང་བ་། “རེབ་གོང་མདོ་བ་ནས་རྒྱལ་གཅེས་དཔའ་བོ་སྐལ་བཟང་སྦྱིན་པའི་གྲོགས་པོ་དགེ་འདུན་པ་གཉིས་འཛིན་བཟུང་།” »

ཕྱི་ཟླ་ ༡༡ ཚེས་ ༢༢ མདོ་སྨད་རེབ་གོང་མདོ་བ་གཡོན་ལག་སྡེ་བ་ནས་ཡིན་པའི་དཔའ་བོ་ཀླུ་འབུམ་ཚེ་རིང་གིས་མདོ་བ་ཞང་ཐོག་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་འདུག  འབྲེལ་ཡོད་བརྒྱུད་གནས་ཚུལ་ཁུངས་ལྡན་འབྱོར་གསལ་ལ། དཔའ་བོ་ཁོང་དགུང་ལོ་ ༡༩ དང་ཕ་ཚེ་གོ་དང་། ཨ་མ་རྡོ་རྗེ་སྐྱིད་གཉིས་ཀྱི་བུ་ཡིན་པ་དང་། ཨ་མ་སྐུ་གྲོངས་ཡོད་འདུག

དེ་ལས་མང་བ་། “རེབ་གོང་མདོ་བ་ནས་ཀླུ་འབུམ་ཚེ་རིང་གིས་རང་ལུས་མེར་བསྲེགས་ཀྱིས་ངོ་རྒོལ་བྱས་པའི་གནས་བསྡུས།” »

ཕྱི་ཟླ་ ༡༠ ཚེས་ ༡༩ ཉིན་ ཨེ་ཤ་ཡ་རང་དབང་རླུང་འཕྲིན་ཁང་གི་ལས་བྱེད་པས་ ང་ཕོད་འཇིགས་མེད་ལ་རྒྱབ་སྐྱོར་ཚུལ་དུ་སྤེལ་བའི་ཡི་གེ་ཨིན་ཡིག་ཏུ་བཀོད་པ་འདི་རེད། ཡི་གེ་འདི་ནི་གཙོ་འཛིན་ལྕམ་ལིའུ་ཞེས་པ་ལ་བཏང་ཞིང་། དེའི་ངོ་བཤུས་ Dan Southerland དང་། Jennifer Chou ཞུ་བ་གཉིས་ལ་བཏང་འདུག བོད་རིགས་ལས་བྱེད་ ༤༠ དང་ཨ་རིའི་ལས་བྱེད་ ༡ བཅས་ཀྱི་ཁྲོད་ནས་ལས་བྱེད་ཕལ་མོ་ཆེས་མིང་རྟགས་བཀོད་འདུག འོན་ཀྱང་སྐལ་ལྡན་བློ་གྲོས་ཀྱིས་མིང་རྟགས་བཀོད་མི་འདུག

དེ་ལས་མང་བ་། “ཨེ་ཤ་ཡ་རླུང་འཕྲིན་ཁང་གི་ལས་བྱེད་རྣམས་ཀྱིས་གཙོ་འཛིན་ལིའུ་ལ་བཏང་བའི་ཡི་གེ” »

གནས་ཚུལ་མཁོ་གཏོང་བ། བསོད་ནམས།
༼རེབ་གོང་དུ་བོད་ཡིག་དང་རྒྱ་ཡིག་གཉིས་ནང་དུ་བརྡ་སྦྱོར་ཞིག་སྤེལ་འདུག འདི་ནི་རྨ་ལྷོ་ཁུལ་བརྙན་འཕྲིན་ཁང་ནས་ཁུལ་གྱི་རྫོང་བཞི་ལ་བཏང་བའི་བརྡ་སྦྱོར་ཡིན་པ་དང་། བརྙན་འཕྲིན་གྱི་ཤེལ་ངོས་ནས་པར་བླངས་ཏེ་བསྐུར་བཪ་བརྟེན། ས་གནས་ནང་རེབ་གོང་ས་ཁུལ་དུ་མ་གཏོགས་ཁྱབ་མེད། བརྡ་སྦྱོར་དེ་ནི་བོད་མི་རྣམས་ལ་འཇིགས་སྐུལ་བྱས་པའི་བཙན་བཀའ་ཞིག་རེད།༽

ཀྲུང་གུང་རྨ་ལྷོ་ཁུལ་ཨུའི་གཞུང་ལས་ཁང་དང་རྨ་ལྷོ་ཁུལ་མི་དམངས་སྲིད་གཞུང་གཞུང་ལས་ཁང་གི་སྤྱི་ཚོགས་བརྟན་བརླིང་སྲུང་སྐྱོབ་ཀྱི་འབྲེལ་ཡོད་བྱ་བའི་སྐོར་གྱི་བྲེལ་མྱུར་བརྡ་སྦྱོར།

དེ་ལས་མང་བ་། “རྨ་ལྷོ་ཁུལ་སྲིད་གཞུང་བརྙན་འཕྲིན་ཁང་གི་བརྡ་སྦྱོར།” »

༄།། བརྩེ་བའི་སྲིད་སྐྱོང་མཆོག་ལ།

ཁྱེད་རང་དང་། དེ་བཞིན་བོད་ཀྱི་འགོ་འཁྲིད་གཞན་པ་བློ་བཟང་སྙན་གྲགས་དང་། རྒྱ་རི་བློ་གྲོས། ཟམ་གདོང་རིན་པོ་ཆེ་ལ་སོགས་ཀྱི་བྱ་སྤྱོད་ལ་བརྟེན་ནས། ཨ་རིའི་གྲོས་ཚོགས་ནང་ལ་བོད་དོན་གྱི་ཐོག་ལ་རྒྱབ་སྐྱོར་ཡོང་བར་གནོད་འཚེ་བཟོ་བ་དེར་ཁོང་ཁྲོ་ཚབས་ཆེན་འདོན་ཆེད་ཡི་གེ་འདི་ཕུལ་བ་ཡིན། ཁྱེད་དང་ཁྱེད་ཀྱི་ཤོག་ཁག་ཚོས། ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་རླུང་འཕྲིན་ཞབས་ཞུ་སྡེ་ཚན་དང་། དེར་རྒྱབ་སྐྱོར་དང་དཀའ་ལས་རྒྱག་མཁན་གྱི་ཨ་རིའི་བོད་མི་ལས་བྱེད་པ་རྣམས་ལ་དམའ་འབེབས་དང་གནོད་ཚབ་ཆེ་བའི་བྱ་སྤྱོད་སྤེལ་བ་དེ་ངེས་པར་དུ་འཕྲལ་མར་མཚམས་འཇོག་བྱ་དགོས།

ངས་ད་དུང་བོད་པར་དམིགས་པའི་ཨ་རིའི་རོགས་དངུལ་དེ་དག་བེད་སྤྱོད་ལོག་པར་གཏོང་ཚུལ་སྐྱོན་བརྗོད་ཤུགས་ཆེ་ཡོང་བ་འདི་ཤེས་ཀྱི་ཡོད།

དེ་ལས་མང་བ་། “ང་ཕོད་འཇིགས་མེད་སྐོར་གྱི་གནས་ཚུལ་ལ་འདྲི་བརྩད་ཀྱི་ཡི་གེ་དང་དེའི་ཡིག་ལན།” »

འབྲི་མཁན་བློ་བསྟན།

༄༅།། ༢༠༡༢། ༡༡། ༡༧། དང ༡༨ ཉིན་གཉིས་རིང་ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་བཞུགས་སྒར་རྡ་རམ་ས་ལར་སྐོང་འཚོགས་གནང་སྟེ། ཕྱི་ལོ ༢༠༠༩ ནས་བྱུང་བའི་གཞིས་ལུས་བོད་མིའི་རང་ལུས་མེར་སྲེག་གི་ལས་འགུལ་ཐད་བགྲོ་གླེང་གཟབ་རྒྱས་གནང་ཡོད། ༼ རང་ལུས་མེར་སྲེག་གི་རྒྱབ་མདུན་ལ་བལྟ་བ་༽ཞེས་པའི་བརྗོད་གཞིའི་སྟེང་ཉིན་གཉིས་ཧྲིལ་བོར་ཁྱོན་ཡོངས་ནས་བགྲོ་གླེང་བྱས་པ་དང། དེ་ཡང་གཞིས་ལུས་བོད་མི་ཚོས་རང་སྲེག་གནང་དགོས་པའི་རྒྱུ་མཚན་དང། རང་སྲེག་ལས་འགུལ་གྱི་ངོ་བོ་ངོས་འཛིན། རང་སྲེག་ལས་འགུལ་ལ་རྒྱལ་སྤྱིའི་སྟེང་ནུས་ལྡན་རྒྱབ་སྐྱོར་མ་ཐོབ་པའི་རྒྱུ་མཚན་དང་དེ་འཐོབ་ཐབས།

དེ་ལས་མང་བ་། “ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་མཇུག་སྒྲིལ་བ།” »

དེ་་ཕྱི་ཚེས་ ༢༠ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༨།༣༠ ཡས་མས་སུ་བོད་མདོ་སྨད་བླ་བྲང་བསང་ཆུ་རྫོང་ཨ་མཆོག་ཚོ་བ་བརྒྱད་ཀྱི་ནང་གསེས་ཁྱི་ངན་སྡེ་བའི་རང་ལོ་ ༣༤ ཡིན་པའི་རྒྱལ་གཅེས་དཔའ་བོ་ཚེ་རིང་དོན་གྲུབ་ལགས་ཀྱིས། ཨ་མཆོག་རྒྱ་གར་ཐང་གི་གཏེར་ཁ་སྔོག་སའི་སྒོ་འགྲམ་དུ་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག

དེ་ལས་མང་བ་། “བླ་བྲང་ཨ་མཆོག་ཏུ་རང་ལུས་མེར་སྲེག་གི་ལས་འགུལ།” »

གནས་ཚུལ་མཁོ་འདོན་པ། བསོད་ནམས།

ཕྱི་ཟླ་༡༡ཚེས་ ༡༧ ཉིན་གྱི་བོད་ནང་གི་ཉིན་རྒྱབ་ཆུ་ཚོད་ ༤ ཡས་མས་སུ་རྒྱལ་གཅེས་དཔའ་མོ་ལྕགས་མོ་སྐྱིད་ལགས་ཀྱིས་རེབ་གོང་ཁུལ་དགའ་བདེ་ཁྲོམ་རའི་བྱང་སྒོའི་ཁ་གཏད་སྲང་ལམ་ཁྲལ་བསྡུ་ལས་ཁུངས་ཀྱི་སྒོ་ཁ་ནས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་པ་དང་། ཉིན་འགའི་སྔོན་ནས་ཁོང་གི་ཁྱིམ་ཚང་དུ་ཕྱོགས་གང་ས་ནས་མྱ་ངན་འཚམས་འདྲི་དང་གདུང་སེམས་མཉམ་བསྐྱེད་ཆེད་མི་མང་བརྒྱ་ཕྲག་མང་པོ་ཕེབས་བཞིན་ཡོད་འདུག ཁོང་གིས་མེར་བསྲེགས་གཏོང་སྐབས་༸རྒྱལ་བ་རིན་པོ་ཆེ་བོད་ལ་ཕེབས་དགོས། སྐད་ཡིག་རང་དབང་དགོས། ཞེས་སྐད་འབོད་གནང་འདུག་ལ།

དེ་ལས་མང་བ་། “རྒྱལ་གཅེས་དཔའ་མོ་ལྕགས་མོ་སྐྱིད་ལགས་ཀྱི་གནས་ཚུལ་ཁ་སྣོན།” »

འདི་ཟླའི་ཚེས་ ༡༩ ཉིན་ཡ་རྫི་རྫོང་༼ཞོང་ཧྭ༽ཁོངས་ཀྱི་རྐང་ཚ་བོད་རིགས་རང་སྐྱོང་ཞང་རྐང་ཚ་སྡེ་བ་ནས་ཡིན་པ་ཕ་བསྟན་འཛིན༼ཚེ་འདས༽དང་མ་མཁའ་འགྲོ་འཚོ་གཉིས་ཀྱི་བུ་དབང་ཆེན་ནོར་བུ་༼ རང་ལོ ༢༥ ༽ལུགས་ཀྱིས་དགོང་དྲོའི་ཆུ་ཚོད་ ༨ ཙམ་ལ་རང་ལུས་མེར་བསྲེགས་བཏང་སྟེ་འདས་གྲོངས་ཕྱིན་འདུག 

དེ་ལས་མང་བ་། “ཚེས་ ༡༩ ཉིན་ཡ་རྫི༼ཞོང་ཧྭ༽རྐང་ཚ་ནས་དབང་ཆེན་ནོར་བུས་རང་ལུས་མེར་བསྲེགས་ཀྱི་གནས་ཚུལ།” »

ཉེ་བའི་དུས་ལ། མེར་བསྲེགས་ལས་འགུལ་བ་མང་པོ་ཞིག་བྱིས་པ་རེད། ཕྲུ་གུ་རེད། སློབ་མ་རེད། ཁོང་ཚོར་མཚོན་ན། ད་ལྟ་སྤྱི་ཚོགས་ཀྱི་ཤེས་བྱ་དང་ཉམས་མྱོང་ལེན་པའི་དུས་རེད། མཐོང་རྒྱ་དང་ཐོས་རྒྱ་འཚོལ་བའི་དུས་རེད། སྐབས་དེ་འདྲ་ཞིག་ལ། ཁོང་ཚོས། སྐུལ་སློང་ཇི་འདྲ་ཞིག་བླངས་ནས། རང་ལུས་མེར་བསྲེགས་པ་འདི་མཐོང་སྐབས། ཁོང་ཚོར་གོ་སྐོན་དང་སློབ་གསོ་བྱེད་པ་ནི་ང་ཚོ་རྒན་རབས་ཚོའི་ལས་འགན་རེད། ང་ཚོས་ཁོང་ཚོའི་རང་ལུས་སྲེག་པའི་སྐབས། ཁོང་ཚོའི་མཐའ་ནས་སྐོར། ངར་སློང་། ཤུ་རྒྱབ། ཀི་རྒྱབ། དོན་དངོས་ཁོང་ཚོའི་ལག་ནས་སྣུམ་དེ་མ་བླངས།

དེ་ལས་མང་བ་། “ང་ཚོ་གཟིགས་མོ་བ་ཚོ་ནོར་གྱི་འདུག” »