རྒྱ་གར་བྱང་ཤར་ས་ཁུལ་གྱི་བོད་ཀྱི་གཞོན་ནུ་ཚོགས་པས་གོ་སྒྲིག་གནང་བ་ལྟར་དུ། ཀ་རྡོར་སྒང་གསུམ་ཀྱི་བོད་རིགས་༤༠༠ལྷག་གིས་ཉིན་ཤས་རིང་དུ་སོ་སོའི་ས་ཁུལ་ནས་ཤི་རི་གུ་རི་གྲོང་ཁྱེར་བར་དུ་ཞི་བའི་གོམ་བགྲོད་གནང་བ་སྟེ་སྤྱི་ལོ་༢༠༡༢་ལོའི་ཟླ་༡༡ཚེས་༢༨ཉིན་དུ་༸གོང་ས་མཆོག་གིས་ཤི་རི་གུ་རི་དུས་དབང་གནང་སའི་ཕོ་བྲང་གི་མདུན་ཐང་དུ་མཉམ་འཛོམས་གནང་ནས་བོད་ནང་དུ་རྒྱ་ནག་གི་དྲག་གནོན་སྲིད་ཇུས་ལ་བཟོད་བསྲན་མ་ཐུབ་པར་རང་ལུས་མེར་སྲེག་གིས་ཞི་བའི་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད། བོད་ལ་རང་དབང་ཐོབ་པ་དང་། ༧གོང་ས་མཆོག་བོད་ལ་ཕེབས་ཐུབ་པར་རྒྱ་གར་གཞུང་མང་གཉིས་ནས་རྒྱབ་སྐྱོར་རོགས་རམ་གནང་དགོས་པའི་འབོད་སྐུལ་གྱི་མཛད་སྒོ་རྒྱས་པ་ཞིག་ཚོགས་ཡོད།
དེ་ལས་མང་བ་། “རྒྱ་གར་བྱང་ཤར་གྱི་བོད་མིའི་ཞི་བའི་གོམ་བགྲོད་ཀྱི་ལས་འགུལ།” »
དེ་རིང་ཕྱི་ཚེས་ ༢༩ ཉིན་གྱི་བོད་ནང་ཆུ་ཚོད་ ༢ ཡས་མས་ཙམ་ལ། མདོ་སྨད་ཀླུ་ཆུ་རྫོང་ཟམ་ཚ་ཞང་ལོ་ཚོ་སྡེ་པ་ནས་ཡིན་པ་ཚེ་རིང་བཀྲ་ཤིས་ལགས་ ༼ལོ་ ༣༡ ༽ཞིག་གིས་ས་གནས་ཀྱི་ཞང་སྲིད་གཞུང་ཟེར་བའི་སྒོ་འགྲམ་ནས་རང་ལུས་མེར་བསྲེགས་བཏང་སྟེ། རྒྱ་གཞུང་ལ་ངོ་རྒོལ་ལས་འགུལ་སྤེལ་ནས་འདས་གྲོངས་གྱུར་འདུག ཁོང་གི་ཕ་མིང་ལ་ཆོས་རོ་དང་མ་མིང་ལ་རྟ་མགྲིན་འཚོ། བཟའ་ཟླའི་མིང་ལ་ཆོས་སྐྱོང་འཚོ། བྱིས་པ་བུ་མོ་གཉིས་ཡོད་པ་ལས། རྡོ་རྗེ་སྐྱིད་༼ལོ་ ༧ ༽དང་། སྐལ་བཟང་སྒྲོལ་མ་༼ལོ་ ༣༽ ཡིན་འདུག
ཁོང་མོས་ཕ་མ་གཉིས་ཟི་ལིང་སྨན་ཁང་ལ་སོང་ཤུལ་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་པ་དང་། མེར་བསྲེགས་གནང་ས་དངོས་ནི་ནང་མིའི་ཁང་བའི་ལྟག་རྒྱབ་ཡིན་འདུག ཁོང་ཚང་གི་ཁྱིམ་ཚང་ཡོད་ས་ནི་མགོན་ཤུལ་ལ་ནག་རོ་ཞེས་པ་དེའི་མདོ་ཁ་ཡིན་འདུག མེར་བསྲེགས་མ་གནང་སྔོན་ལ་རྒྱལ་བ་རིན་པོ་ཆེ་སྐུ་པར་ཆེན་པོ་ཞིག་ཡོད་པ་དེ་འཁྱེར་ནས་སྒོར་སོང་ཡོད་པ་དང་། ཁྱིམ་ཚང་གི་ལྟག་རྒྱབ་ནས་སྐུ་པར་བཤམས་ཏེ་ཕྱག་འཚལ་ནས་སྨོན་ལམ་གནང་གིན་པ་མཐོང་འདུག་མོད། དོ་སྣང་བྱས་མི་འདུག་ལ། དེ་མ་ཐག་སྐུ་ལུས་མེར་བསྒྲོན་ཡོད་འདུག རྒྱལ་བ་རིན་པོ་ཆེ་ཞེས་སྐད་ཤུགསཀྱིས་འབོད་ཀྱིན་པའང་མིང་སྲིང་ཚོས་གསལ་པོར་ཐོས་ཡོད་འདུག
གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།