ད་ནང་ཁ་པར་ལས་ཤེས་རྟོགས་ལྟར་ན་གླིང་ཚ་ཚེ་བརྟན་རྡོ་རྗེ་ཡི་རྐང་པར་རྨ་བརྒྱབ་ཏེ་དེ་རིང་ངལ་གསོ་དགོས་བྱུང་འདུག གླིང་ཚ་ཚེ་བརྟན་རྡོ་རྗེ་ཡིས་ཞི་བའི་གོམས་བགྲོད་ཐེངས་གཉིས་པ་དངོས་སུ་མགོ་བཙུགས་ནས་ཉིན་བཅུ་གཉིས་འགོར་ཡོད་པ་དང་། ཕ་མ་གཉིས་དང་ལྷན་དུ་ཉིན་བདུན་དང་ཁོ་རང་ཁེར་རྐྱང་གིས་གོམ་བགྲོད་བྱས་ནས་ཉིན་ལྔ་འགོར་འདུག ཁོ་རང་གཅིག་པུས་གོམས་བགྲོད་སྐབས་སུ་ལམ་ཁར་ཚ་དུབ་ཆེ་བ་དང་།
དེ་ལས་མང་བ་། “གླིང་ཚ་ཚེ་བརྟན་རྡོ་རྗེ་ཡི་རྐང་པར་རྨ་བརྒྱབ་ཏེ་དེ་རིང་ངལ་གསོས་འདུག” »
མཁོ་སྤྲོད་པ། རྨེའུ་དཀོན་རྒྱམ།
ཟླ་འདིའི་ཕྱི་ཚེས་༡༤ དང་༡༥ གཉིས་ལ་ངྷ་ས་ཀིརྟི་དགེ་རྩ་ཚོགས་པའི་ཚོགས་ཁང་དུ་མདོ་སྨད་ཆོལ་ཁའི་དབུས་རྒྱུན་སྐབས་བཅོ་ལྔ་པའི་དམིགས་བསལ་ཚོགས་ཆེན་བསྐོངས་འཚོགས་གནང་ཡོད་ལ། ཉིན་གཉིས་རིང་གི་ཚོགས་ཐོག་ཏུ་མ་འོངས་པར་༸གོང་ས་མཆོག་དགུང་གྲངས་བརྒྱད་ཅུར་ཕེབས་པར་གྱ་སྟོན་དང་། ད་ལྟའི་དབུས་བོད་མིའི་སྒྲིག་འཛུགས་ཀྱི་ལངས་ཕྱོགས་ལ་རྒྱབ་སྐྱོར་བྱ་ཕྱོགས། བོད་ནང་གི་ཛ་དྲག་གནས་བབ་ལ་གདོང་ལེན་གནང་ཕྱོགས་སྐོར། དབུས་སའི་འབྲེལ་ལམ་ཡར་རྒྱས་གཏོང་ཕྱོགས་སོགས་ཀྱི་སྐོར་ལ་བཀའ་བསྡུར་གནང་ཡོད།
དེ་ལས་མང་བ་། “༢༠༡༣ ལོའི་མདོ་སྨད་དམིགས་བསལ་ཚོགས་ཆེན་དང་གྲོས་ཆོད་ཁག” »
མཁོ་འདོན་པ། སྟག་ལྗོངས་འཆི་མེད།
ལོ་ཤས་གོང་ནས་ས་སྐྱ་གོང་མ་རིན་པོ་ཆེར་ཡོ་རོབ་ནང་གི་སྔ་འགྱུར་རྙིང་མའི་ཆོས་ཚོགས་རིག་འཛིན་འདུས་སྡེ་དང་། ས་སྐྱའི་བརྩེ་ཆེན་ཆོས་ཚོགས་སོགས་ནས་ཇི་ལྟར་གསོལ་འདེབས་ཞུས་པ་བཞིན་བཀས་གནང་བ་སྩལ་ནས་ཟླ་འདིའི་ཚེས་༤ ཉིན་འདི་གར་སུད་སིར་ཞབས་སོར་འཁོད་ཡོད་པ་དང། ཐོག་མར་རིག་འཛིན་འདུས་སྡེའི་ཆོས་ཚོགས་ཀྱི་དབུ་འཛིན་ནམ་མཁའ་རིན་པོ་ཆེ་དང།
དེ་ལས་མང་བ་། “ས་སྐྱ་༸གོང་མ་རིན་པོ་ཆེས་དྲག་པོ་གསུམ་སྦྲེལ་གྱི་བཀའ་དབང་གནང་བ།” »
འདི་ག་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་ནས། བོད་ཀྱི་རིག་གཞུང་སྤྱི་བྱེ་མི་ཉམས་རྒྱུན་འཛིན་དང་ཡུན་གནས་སླད། རིག་གཞུང་སློབ་གཉེར་དང༌། ཉམས་ཞིབ། རྩོམ་སྒྲིག་བཅས་སྣ་མང་ཞུ་སྒོ་ལས་གཉེར་ཁོངས། ༢༠༠༩ ཟླ་ ༡༠ ཚེས་ ༢༦ ཉིན་ྋགོང་ས་ྋསྐྱབས་མགོན་བཅུ་བཞི་པ་ཆེན་པོའི་《མཛད་རྣམ་རྒྱ་ཆེན་སྙིང་རྗེའི་རོལ་མཚོ། 》གླེགས་བམ་དྲུག་བརྩམས་གྲུབ་ཀྱིས་ཞལ་དབྱེ་མཛད་སྒོ་བསྐྱངས་པ་མཁྱེན་ཆུབ་ལྟར་དང༌།
གུས་པའི་མིང་ལ་རིན་པོ་ཟེར་ཞིང་ཨ་རིའི་མངའ་སྡེ་མེ་ནེ་སོ་ཏྲར་Minnesota གནས་སྡོད་བྱེད་མཁན་གྱི་བོད་རིགས་དཀྱུས་མ་ཞིག་ཡིན། ཕྱི་ལོ་༢༠༠༠ ལོའི་པན་ཆེན་རིན་པོ་ཆེའི་སྐུའི་འཁྲུངས་སྐར་དང་སྟབས་བསྟུན་ཏེ་ཨ་རིའི་མངའ་སྡེ་Minnesota ནས་མགོ་འཛུགས་ཀྱིས་ད་བར། ཨ་རིའི་མངའ་སྡེ་ཁག་༤༤ ནང་ཁྱོན་བསྡོམས་མེལ་ལེ་༨༤༠༠ ལྷག་ལ་རྐང་འཁོར་སྐོར་སྐྱོད་ཀྱི་ལས་འགུལ་ཐེངས་༢༤ ཙམ་སྤེལ་ཡོད་པ་དང་།
གནས་ཚུལ་མཁོ་གཏོང་བ། བློ་གྲོས་རྣམ་རྒྱལ།
ཨ་རིའི་མེ་ནི་སོ་ཏྲ་གནས་སྡོད་རིན་པོ་ལགས་ནས་རང་ལུས་མེར་བསྲེགས་གནང་མཁན་རྣམས་ཀྱིས་ཚབ་ཞུས་དེ། ཁོང་ཚོའི་འབོད་སྒྲ་ཁྱབ་བསྒྲགས་ཆེད་ཡུ་རོབ་རྒྱལ་ཁབ་བཅུ་གསུམ་ནང་རྐང་འཁོར་སྐོར་བསྐྱོད་ཀྱི་ལས་འགུལ་ཞིག་མགོ་འཛུགས་གནང་སོང་། དེ་རིང་ཕྱི་ཚེས་༡༧ ཉིན་་ཡུ་རོབ་ཀྱི་རྒྱལ་ས་བྷུ་རུ་སེལ་ནང་འདི་གའི་བོད་རིགས་ཚོགས་པ་དང་། ས་གནས་གཞོན་ནུ་ཚོགས་པ། ས་གནས་ཆུ་བཞི་སྒང་དྲུག་ཚོགས་པ།
ཕྱི་ལོ་༢༠༡༣ ཟླ་༣ ཚེས་༡༦ ཉིན་གྱི་བོད་ནང་གི་ཕྱི་དྲོའི་དུས་ཚོད་༢་༤༠ ཙམ་ལ་བོད་མདོ་སྨད་རྔ་པ་བོད་རིགས་རང་སྐྱོང་ཁུལ་རྔ་པ་རྫོང་ཁྲིན་ཀན་ཡུལ་ཚོའི་ཕྱུགས་ལས་གོང་མའི་རུ་ཆེན་གཉིས་པའི་རོགས་ཕྲུག་ཚང་གི་རྔ་པ་ཀིརྟི་དགོན་པའི་གྲྭ་བློ་བཟང་ཐོགས་མེད། རང་ལོ་༢༨ ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་ནོར་འཁྲུལ་ཅན་གྱི་སྲིད་བྱུས་ལ་ཞུ་འབོད་ཆེད་རང་ལུས་མེར་བསྲེགས་གནང་ནས་སྐུ་གྲོངས་ཡོད་འདུག
དེ་ལས་མང་བ་། “དེ་རིང་ཕྱི་ཟླ་༣ ཚེས་༡༦ ཉིན་རྔ་པ་ནས་རང་ལུས་མེར་སྲེག་གནས་ཚུལ།” »
གནས་ཚུལ་མཁོ་གཏོང་བ། རྫ་ཚེ་རིང་བཀྲ་ཤིས།
སྤྱི་ལོ་ ༢༠༡༣ ཟླ་ ༣ ཚེས་ ༡༥ ཉིན། ཐའེ་ཝན་གྱི་རྒྱལ་ས་ཐའེ་པེ་སྐད་གྲགས་ཅན་གྱི་ཡ་ཀྲུ་ལི་ཀྲི་མགྲོན་ཁང་ཆེན་མོའི་ཚོགས་ཁང་དུ། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པས་གོ་སྒྲིག་འོག་རིས་མེད་ཆོས་བརྒྱུད་ཁག་གི་མཁན་སྤྲུལ་དགེ་བཤེས་བཞི་བཅུར་ཉེ་བ་མཉམ་ཞུགས་གནང་བའི་བོད་བརྒྱུད་ནང་བསྟན་ཇི་ལྟར་དར་སྤེལ་བྱེད་སྐོར་གྱི་བགྲོ་གླེང་བཞུགས་མོལ་ཚོགས་འདུ་སྐབས་གསུམ་པ་དེ་འཚོགས།
དེ་ལས་མང་བ་། “བོད་བརྒྱུད་ནང་བསྟན་དར་སྤེལ་སྐོར་གྱི་བགྲོ་གླེང་ཚོགས་འདུ་ཐའེ་ཝན་དུ་འཚོགས་པ།” »
སྤྱི་ལོ་༢༠༡༣ ཟླ་༣ ཚེས་༡༤ ཉིན་ཏེ། དེ་རིང་ནི་ཞིས་ཅིན་ཕིན་གཞུང་འབྲེལ་ཐོག་རྒྱལ་ཁབ་ཀྱི་སྲིད་འཛིན་གྱི་ལས་ཁྱེར་ཞུ་བའི་ཉིན་མོ་ཡིན་ཞིང་།
དེ་ལས་མང་བ་། “བོད་ནང་གི་ཛ་དྲག་དཀའ་ངལ་སེལ་སླད་བོད་ཀྱི་བུད་མེད་ཚོའི་སྐད་འབོད།” »
ཀུན་དགའ་ནོར་བུ་དང་བློ་དགའ། དར་རྒྱས། རབ་བརྟན་རྒྱ་མཚོ་བཅས་ཀྱིས་ཌི་སི་ནས་ནིའུ་ཡོག་བར་དུ་རང་བཙན་གོམ་བགྲོད་བྱེད་བཞིན་པ་དེ་སང་ཉིན་གྲོང་ཁྱེར་ཧྥི་ལི་ཌེ་ཕི་ཡ་ལ་འབྱོར་འཆར་ཡོད་འདུག གནམ་གཤིས་གྲང་བ་མ་ཟད་མཚམས་རེ་ཆར་པ་བཏང་བ་སོགས་ཀྱི་རྐྱེན་ལས་གོམ་བགྲོད་ལ་དཀའ་ངལ་ཡང་ཡོང་བཞིན་ཡོད་མོད། ཁོང་ཚོས་བོད་ནང་གི་བོད་མིའི་གནས་སྟངས་ལ་བསམ་བློ་གཏོང་བཞིན་སེམས་ཤུགས་འཕར་བཞིན་ཡོད་པ་རེད་འདུག གཤམ་དུ་ཁོང་ཚོས་གསུངས་པའི་གནས་ཚུལ་མདོར་བསྡུས་རེ་བཀོད་ཡོད་པ་ལ་གཟིགས་རོགས།
མཁོ་འདོན་པ། ཀླུ་སྨྱོན།
དེ་རིང་ ཝེ་ཊ་ཀཱན་གྱི་ལྷ་ཁང་གི་དུད་ཁུང་ནས་དུ་བ་དཀར་པོ་ཐོན་པ་དང་བཅས་ཁེ་ཐོ་ལིག་གི་ཆོས་དཔོན་ ༡༡༥ ཡིས་འོས་འཕེན་ཐེངས་བཞི་བྱས་པ་བརྒྱུད་ ཨར་ཇིན་ཊཱི་ནའི་ཆོས་དཔོན་ Jorge Bergoglio ཞུ་བ་དེ་རཱོ་མཱན་ཁེ་ཐོ་ལིག་ཆོས་དད་པ་དུང་ཕྱུར་ཉི་ཤུ་ལ་ཉེ་བ་དེའི་གཙོ་འཛིན་གྱི་བླ་ཆེན་པོབ་ཏུ་འདམས་པ་རེད། བླ་ཆེན་ཁོང་གིས་ རང་གི་མཚན་གསར་པ་དེ་ལ་ པོབ་ཕ་རན་སེ་སི་ (Pope Francis)ཞེས་བོས་ཡོད་འདུག་ལ། བླ་ཆེན་འདི་ནི་མི་དམངས་དཀྱུས་མ་དང་སྙོམ་ཆུང་ལ་དགའ་མཁན་ཞིག་ཡིན་པ་མ་ཟད།
གནས་ཚུལ་མཁོ་གཏོང་བ། ཀླུ་རྒྱལ་དོན་འགྲུབ།
སུད་སིའི་བུད་མེད་ལྷན་ཚོགས་ཀྱིས་བོད་ཀྱི་བུད་མེད་སྒེར་ལངས་བྱས་ནས་ལོ་འཁོར་ལྔ་བཞི་ལོན་པའི་དུས་དྲན་དེ་རིང་དགོང་དྲོ་འཛུ་རིག་གྲོང་ཁྱེར་གྱི་ས་གནས་ werdmullerplatz སུ་རི་ཀོང་མཁན་རིན་པོ་ཆེ་དབུ་བཞུགས་ཐོག་སུད་སིའི་མི་མང་ཚོགས་པའི་ཚོགས་གཙོ་གངས་གཞོན་ཚང་བློ་བཟང་དང་ཚོགས་གཞོན་བསམ་པ་དོན་འགྲུབ། གཞན་སྤྱི་མཐུས་ཟུར་ཁག་ཅིག
དེ་ལས་མང་བ་། “སུད་སིའི་བུད་མེད་ལྷན་ཚོགས་ཀྱི་བུད་མེད་སྒེར་ལངས།” »
ཕྱི་ལོ་༢༠༡༣ ཟླ༣ ཚེས་༡༢ ཉིན་གནས་ཚུལ་འབྱོར་གསལ་ལ་ཕྱི་ལོ་༢༠༡༣ ཟླ་༣ ཚེས་༩ ཉིན་གྱི་མཚན་མོའི་བོད་ནང་གི་དུས་ཚོད་༡༢ ཙམ་ལ་རྔ་པ་ཀིརྟི་དགོན་གྱི་གྲྭ་ཚེ་དཔག་ལགས་དགོན་པའི་ཤར་ཕྱོགས་ཀྱི་ཉེ་འཁྲིས་སུ་ཡོད་པའི་གྲོང་བའི་ནང་སྲིང་མོ་ནད་པ་ཞིག་ཡོད་པ་དེར་ནད་གཡོག་བྱས་ནས་ཡོད་སྐབས་རྒྱ་གཞུང་གི་ཉེན་རྟོག་མི་སྣས་འཛིན་བཟུང་བཙན་ཁྲིད་བྱས་ཡོད་འདུག འོན་ཀྱང་ད་བར་ནང་མི་ཉེ་འབྲེལ་སོགས་ཀྱིས་ཁོང་ལ་ཉེས་འཛུགས་ག་རེ་བྱེད་བཞིན་ཡོད་མེད་དང་