གནས་ཚུལ་གཏོང་མཁན། རྨེའུ་དཀོན་རྒྱམ།

དུས་རབས་ཉི་ཤུ་བའི་དུས་དཀྱིལ་ནས་བཟུང་། རྒྱ་དམར་སྲིད་གཞུང་གིས་བོད་མི་རིགས་དང་བོད་ཡུལ་སྟོད་སྨད་བར་གསུམ་དུ་དྲག་རྒོལ་དང་བཙན་འཛུལ་རིམ་པར་བྱས་སྟབས། བོད་མི་ཁྲི་བརྒྱ་དང་ཉི་ཤུ་བརྒལ་བ་དམར་གསོད་བཏང་ཞིང་། ལོ་ངོ་སྟོང་ཕྲག་གི་ལོ་རྒྱུས་དང་རིན་ཐང་ལྡན་པའི་བོད་ཀྱི་རིག་གཞུང་དང་དགོན་སྡེ་སྟོང་ཕྲག་མང་བོ་གཏོར་བཤིག་བཏང་བ་མ་ཟད།

དེ་ལས་མང་བ་། “ཇེ་འབར་དུ་འགྲོ་བཞིན་པའི་མེ་དཔུང་ཁྲོད་ཀྱི་བོད།” »

བོད་ཀྱི་ཤེས་རིག་གི་བསྟི་གནས་རྗར་མེ་ནི་བོད་ཀྱི་ཁང་པའི་ནང་གསར་བརྗེ་ཞེས་མིང་དུ་བཏགས་པའི་དཔར་རིས་འགྲེམས་སྟོན་གྱི་དབུ་འབྱེད་ཞིག་སྤྱི་ཟླ་གཉིས་པའི་ཚེས་གཉིས་ཉིན་བྱ་རྒྱུ་རེད།

དཔར་དེ་རྣམས་རིག་གནས་གསར་བརྗེའི་སྐབས་ལྷ་སར་བརྒྱབས་པ་ཤ་གཅིག་ཡིན་པ་དང་། པར་ལེན་མཁན་ནི་སྐུ་ཞབས་ཚེ་རིང་རྡོ་རྗེ་ཞུ་བ་ཁོང་རེད། ཚེ་རིང་རྡོ་རྗེ་ལགས་ནི་ད་ལྟ་པེ་ཅིན་ནང་གཏན་སྡོད་གནང་མཁན་འོད་ཟེར་ལགས་ཀྱི་ཡབ་ཡིན་པ་དང་། ཚེ་རིང་རྡོ་རྗེ་ལགས་ནི་རྒྱུན་དུ་དཔར་ལེན་་རྒྱུར་སྤྲོ་བ་་ཧ་ཅང་ཆེན་པོ་ཡོད་མཁན་ཞིག་ཡིན་པ་རེད།

དེ་ལས་མང་བ་། “རིག་གནས་གསར་བརྗེའི་དྲན་ཐོའི་འགྲེམས་སྟོན།” »

རྨ་མགུར་སངས་རྒྱམ་གྱིས་བསྒྱུར།

དེ་རིང་ཞོགས་པར་སྲིད་འཛིན་མཆོག་གིས་ཕོ་བྲང་དཀར་བོར་ཏཱ་ལའི་བླ་མ་སྐུ་ཕྲེང་༡༤ བ་མཆོག་དང་མཇལ་འཕྲད་གནང་ཡོད། སྲིད་འཛིན་མཆོག་གིས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ནང་དུ་ཡོད་པའི་བོད་ཀྱི་ཕུལ་དུ་བྱུང་བའི་ཆོས་དང་རིག་གཞུང། སྐད་ཡིག་གི་རྒྱུན་སྲོལ་དག་གི་ཉར་སྲུང་དང་བོད་རིགས་ཚང་མའི་འགྲོ་བ་མིའི་ཐོབ་ཐང་གི་སྲུང་སྐྱོབ་བཅས་ལ་རྒྱབ་སྐྱོར་ཤུགས་ཆེན་ཡོད་པར་བསྐྱར་བརྗོད་བྱས།

དེ་ལས་མང་བ་། “ཨ་རིའི་ཕོ་བྲང་དཀར་བོའི་གསར་འགྱུར་ལས་ཁང་གི་བསྒྲགས་གཏམ།” »

༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་རྒྱལ་སའི་མངའ་ཁུལ་དུ་གནས་སྡོད་བོད་མི་ཚོར་བཀའ་སློབ་སྩལ་བ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཨ་རིའི་རྒྱལ་སའི་མངའ་ཁུལ་དུ་རྟེན་གཞི་བྱས་པའི་བོད་རིགས་སྤྱི་མཐུན་ཚོགས་པས་ཇི་ལྟར་གསོལ་འདེབས་ཞུས་དོན་བཞིན་བཀའ་བཞེས་ཟབ་མོ་ཐོབ་སྟེ་མགོན་པོ་གང་ཉིད་མཆོག་གིས་ཕྱི་ལོ་༢༠༡༤ ཟླ་༢ ཚེས་༢༠ ཉིན་གྱི་ཕྱེད་ཡོལ་ཆུ་ཚོད་༣།༣༠ ཐོག་བཞུགས་གནས་མགྲོན་ཁང་གི་(Park hyatt)ཚོགས་ཁང་ནང་ཨ་རིའི་རྒྱལ་ས་ཝ་ཤིང་ཊོན་དང་གྲོང་ཁྱེར་ནིའུ་ཡོཀ་སོགས་ནས་ཆེད་བཅར་ཞུས་པའི་བོད་མི་༤༠༠ བརྒལ་བར་དམིགས་བསལ་མཇལ་ཁ་དང་བཀའ་སློབ་སྩལ་དོན།

དེ་ལས་མང་བ་། “༸གོང་ས་མཆོག་གིས་ཨ་རིའི་རྒྱལ་སར་བཀའ་སློབ་བསྩལ་བ།” »

གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།

ཕྱི་ཟླ་༢ ཚེས་༡༩ ཉིན། སྤེལ་ལྗམ་རྒྱལ་ས་སྦར་སིལ་དུ་ཡོད་པའི་ཡུ་རོབ་གྲོས་ཚོགས་ཀྱི་ཚོགས་ཁང་ནང་། ཡུ་རོབ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ལྷན་ཚོགས་ཀྱི་(Tibet Intergroup)ཚོགས་འདུ་ཐེངས་བརྒྱ་ཐམ་པ་དེ་ཚོགས་སོང་ལ། ལྷན་ཚོགས་ཀྱི་ཚོགས་གཙོ་སྐུ་ཞབས་Thomas Mann ཐོ་མ་སི་མན་ལགས་ཀྱིས་ཚོགས་འདུ་གཙོ་སྐྱོང་གནང་བ་དང་། ཁོང་གིས་ཐོག་མར་ཡུ་རོབ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ལྷན་ཚོགས་ཀྱིས་

དེ་ལས་མང་བ་། “བོད་དོན་རྒྱབ་སྐྱོར་ཚོགས་ཐེངས་བརྒྱ་ཐམ་པ།” »

བོད་བསྒྱུར་བ་ལྡོང་སྲས།

རྒྱ་ནག་བཙན་བྱོལ་རྩོམ་པ་པོ་ཡན་ཧོང་པེན་དང་བོད་རྒྱ་སྐད་གཉིས་སྙན་ངག་པ་གནམ་ལོ་ཡག་གཉིས་ཀྱི་མཉམ་རུབ་བརྩམས་ཆོས་སམ། ༼སངས་རྒྱས་བཀྲོངས་པ། སློབ་དཔོན་ཆེན་མོ་པཎ་ཆེན་སྐུ་ཕྲེང་བཅུ་བ་གྲོངས་རྐྱེན་ངོ་མ༽ཞེས་པའི་དཔེ་དེབ་ན་ནིང་པར་བསྐྲུན་གྱིས་ཚོང་རར་བཤམས་སྐབས། གེགས་རྐྱེན་ཁ་ཤས་ཤིག་ལ་འཕྲད་ཡོད་ནའང་། ཚགས་པར་སོགས་ཀྱིས་རྗེས་འདེད་གསར་འགོད་གནང་བར་བརྟེན་ཏེ་མཚོ་ངོགས་ཕར་ཚུར་གཉིས་ཀྱི་ཀློག་པ་པོའི་ཁྲོད་དུ་དོ་སྣང་མི་ཆུང་བ་ཞིག་བྱུང་འདུག

དེ་ལས་མང་བ་། “ཐའེ་ཝན་དུ༼སངས་རྒྱས་བཀྲོངས་པ༽ཞེས་པའི་དཔེ་དེབ་ཆོས་སྡེ་འདྲ་མིན་ཆིག་ཁྲི་སུམ་སྟོང་ལྷག་ལ་བཀྲམས་པ།” »

ཨེ་མ་ཧོ།

༧ཀུན་མཁྱེན་ཀློང་ཆེན་རབ་འབྱམས་སམ་ཀུན་མཁྱེན་ཚུལ་ཁྲིམས་བློ་གྲོས་དཔལ་བཟང་པོའི་བསྟོད་གསོལ་མགུལ་རྒྱན་རིན་པོ་ཆེ་ཞེས་བྱ་བ།

ན་མོ་གུ་རུ་བུདྡྷ་ཛྙྰ་ན་ཤཱི་ལ་མ་ཏི་ཡེ།
རྒྱལ་ཀུན་སྤྱི་གཟུགས་པད་འབྱུང་དགོངས་བརྒྱུད་མ་ལུས་ཐུགས་ལ་བཀྲ་ལམ་མེ།།
མདོ་སྔགས་བསྟན་བདག་ཞི་འཚོའི་སྲོལ་རྒྱུན་འཚེ་མེད་དགེ་ཚོགས་ཤིས་ལྷང་ངེ་།།
བསྟན་སྲིད་རིག་པའི་ཆོས་རྒྱལ་ཆེན་པོ་ཁྲི་སྲོང་རྒྱལ་ཚབ་བདེ་ཆེམས་སེ།།
ཀུན་འདུས་ཀུན་མཁྱེན་ཚུལ་ཁྲིམས་བློ་གྲོས་གངས་ཅན་རྒྱན་དུ་ལེགས་ཕེབས་སོ།།

དེ་ལས་མང་བ་། “བསྟོད་གསོལ་མགུལ་རྒྱན་རིན་པོ་ཆེ།” »

ཕྱི་ཟླ་༢ ཚེས་༡༣ ཨ་མདོ་རྔ་བ་ནས་རང་ལུས་མེར་སྲེག་གཏོང་བཞིན་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བློ་བཟང་རྡོ་རྗེ་ལགས་ཕྱི་ ཚེས་༡༦ ཉིན་རྔ་བ་རང་སྐྱོང་ཁུལ་གྱི་ལྟེ་གནས་འབར་ཁམས་སྨན་ཞིག་ཁང་ནང་འདས་གྲོངས་སུ་གྱུར་ཡོད་པ་དང་། ནང་མིས་འབྲེལ་ཡོད་ཚང་མར་སྐུ་ཕུང་ནང་མིར་སྤྲོད་དགོས་པའི་རེ་བ་ནན་གྱིས་བཏོན་ཀྱང་། སྐུ་ཕུང་ནང་མིར་རྩིས་སྤྲོད་བྱས་མེད་པར་རྒྱ་གཞུང་གིས་མེར་སྲེག་བཏང་ནས་རུས་ཐལ་ཡིན་ཟེར་བ་ཞིག་སྤྲད་ཡོད་འདུག

དེ་ལས་མང་བ་། “རྒྱལ་གཅེས་དཔའ་བོ་བློ་བཟང་རྡོ་རྗེ་སྐུ་གྲོངས་འདུག” »

མཁོ་སྤྲོད་པ། རྨེའུ་དཀོན་རྒྱམ།

དེ་རིང་ཉིན་རྒྱབ་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཟླ་གཅིག་ལྷག་གི་དགུན་དུས་བོད་ཡིག་ཟབ་སྦྱོང་མཇུག་བསྡུས་སོང་། དེ་རིང་ཉིན་རྒྱབ་ཆུ་ཚོད་༢ པ་ཙམ་ལ། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་འགྲེམས་སྟོན་ཁང་དུ། ཟླ་༡ དང་ཟླ་ཕྱེད་ཀྱི་བོད་སྐད་ཡིག་གི་ཟབ་སྦྱོང་མཇུག་བསྡོམས་ཀྱི་མཛད་སྒོ་ཚོགས་ཏེ། ཟབ་སྦྱོང་ནང་ཞུགས་པའི་སློབ་མ་ཚོར་ལག་འཁྱེར་སྤྲད་སོང་། ཐེངས་འདིའི་ཟབ་སྦྱོང་ནང་བོད་པའི་སློབ་གྲྭ་ཁག་འདྲ་མིན་ནས་ཁྱོན་སློབ་མ་༣༠ ལྷག་མཉམ་ཞུགས་བྱས་ཡོད་པ་དང་།

དེ་ལས་མང་བ་། “དགུན་དུས་བོད་ཡིག་ཟབ་སྦྱོང་མཇུག་བསྡུས།” »

གནས་ཚུལ་མཁོ་སྤྲོད་པ། ཀ་ཉག་ཚེ་རིང་།

ཕྱི་ལོ་༢༠༡༤ ཟླ་༡ ཚེས་༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་དྲུག་དང་ཕྱེད་ཀ་ཙམ་ལ་རྔ་བ་རང་སྐྱོང་ཁུལ་རྔ་བ་རྫོང་གཅའ་རུ་བ་ཡུལ་ཚོའི་ཕྱུགས་ལས་གོང་མའི་ཕ་ཚེ་དཔག་དང་མ་ན་མེ་སྐྱིད་གཉིས་ཀྱི་བུ་བློ་བཟང་རྡོ་རྗེ། རང་ལོ་༢༥ ཙམ་ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་སྲུད་བྱུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེར་སྲེག་བཏང་ཡོད་ལ། གནས་ཚུལ་དེ་བྱུང་མ་ཐག་རྔ་བ་རྫོང་མཁར་དུ་སྔ་ས་ནས་གྲ་སྒྲིག་བྱས་ནས་ཡོད་པའི་རྒྱ་གཞུང་གི་ཉེན་རྟོག་པ་མང་པོ་འབྱོར་ནས་ཁོང་གི་ལུས་ལ་འབར་བཞིན་པའི་མེ་བསད་དེ་རླངས་འཁོར་ཆུང་ཆུང་སྒམ་ཤིང་ཅན་ཞིག་གི་ནང་དུ་བཞག་ཅིང་སྟེང་ལ་རས་ནག་པོ་ཞིག་བཀབ་ནས་བཙན་ཁྲིད་བྱས་ཀྱང་།

དེ་ལས་མང་བ་། “ཨ་མདོ་རྔ་བར་རང་ལུས་མེར་སྲེག་སྐོར་གྱི་གནས་ཚུལ་ཁ་སྣོན།” »

གནས་ཚུལ་མཁོ་གཏོང་བ། སྦྲ་དཔལ་ལྡན།༼ལྡི་ལི།༽

བོད་ནས་གནས་ཚུལ་ཐོན་པ་ལྟར་ན། དེ་རིང་སྤྱི་ཚེས་བཅུ་གསུམ་ཉིན་མདོ་སྨད་རྔ་བ་རྗོང་དཔའ་བོའི་སྲང་ལམ་དུ་བོད་མི་ཞིག་གིས་རང་ལུས་མེར་སྲེག་གནང་འདུག་པའི་གནས་ཚུལ་ཐོན་འདུག་པ་མ་ཟད། མེར་སྲེག་གཏོང་མཁན་ཁོང་ནི་མི་སྐྱ་ཞིག་ལས་གྲོང་པ་གང་ཡིན་དང་མི་སུ་ཡིན་ཁ་གསལ་མི་འདུག

ད་ལྟའི་མེར་སྲེག་རྗེས་སུ་རྒྱ་དམར་གྱིས་དམ་དྲག་བྱེད་བཞིན་པའི་སྒང་རེད་ལ་ད་ལྟ་ས་གནས་ཀྱི་དྲ་རྒྱ་སོགས་བཀག་འགོག་བྱས་འདུག

དེ་ལས་མང་བ་། “སྐབས་དོན་གསར་འགྱུར།” »

གནས་ཚུལ་གཏོང་མཁན། ཚོགས་འདུ་གོ་སྒྲིག་ཚོགས་ཆུང་།

ཕྱི་ལོ་༢༠༡༤ ཟླ་༢ ཚེས་༡༡ ནས་ཚེས་༡༤ བར་ཉིན་བཞིའི་རིང་བོད་རིགས་མཐོ་རིམ་སློབ་མའི་ཚོགས་ཆེན་ཐེངས་བརྒྱད་པ། རྒྱ་གར་མངའ་སྡེ་གྷོ་ཇཱ་རཱ་ཏ་ས་གནས་བྷ་རོ་ཌར་བོད་རིགས་མཐོ་རིམ་སློབ་གཉེར་བ་རྣམས་ཀྱིས་གོ་སྒྲིག་ཞུས་པ་ལྟར། དིང་རིང་ཞོགས་པ་ཕྱག་ཚོད་༡༠ པའི་ཐོག་བྷ་རོ་ཌ་གཙུག་ལག་སློབ་གྲྭར་དབུ་འབྱེད་མཛད་སྒོ་བསྐྱངས་ཤིང་། མཛད་སྒོའི་སྐུ་མགྲོན་གཙོ་བོ་མངའ་སྡེ་གཞུང་གི་དཔའ་འབྱོར་བཀའ་བློན་ཟུར་པ་དཔལ་ལྡན་སཱནཱཏ་མེཧཏཱ་མཆོག་དང་།

དེ་ལས་མང་བ་། “བོད་རིགས་མཐོ་རིམ་སློབ་མའི་ཚོགས་ཆེན་ཐེངས་བརྒྱད་པ།” »