བླུན་པོ་གཡག་གི་སྙིང་རྩ་ཅན་རྣམས་གཡག་བཞིན་ངུར།། གླེན་པ་ལུག་གི་མགོ་བོ་ཅན་རྣམས་ལུག་བཞིན་འབའ།། མ་བརྟག་ཧོལ་རྒྱུག་བྱེད་ལ་གོམས་རྣམས་ཁྱི་བཞིནཟུག། ཚིག་གཅིག་ཡང་ཡང་སྐྱར་ཟློས་བྱེད་རྣམས་ནེ་ཙོ་བཞིན།། གྲྭ་བའི་སྙན་ངག་ཡིན་ཟེར་ཁ་ཕོ་འབྲུག་གྲགས་གྲགས།། ཚིག་གི་སྦྱོར་བར་བལྟས་ན་བྱིས་པས་རྡོ་བསྒྲིགས་བསྒྲིགས།། དཔྱད་ན་སྒྱུ་རྩལ་གྱིས་ཕོངས་མྱ་ངམ་ཐང་སླེབས་སླེབས།། མྱངས་ན་ཕྱུར་ཁུ་བཞིན་དུ་བྲོ་བ་སྐྱུར་སིལ་སིལ།། སྟག་སྨྱོན་སྟག་གིས་སོ་གཅིག་བརྒྱབས་པས།། ཀླུ་སྨྱོན་ད་བར་སྨྱོན་པ་ཆགས་འདུག། སྨྱོན་པའི་ཆིག་ལབ་རྫོགས་རྒྱུ་མེད་གི། སྨྱོན་པའི་སྐྱར་ཟློས་ཚར་རྒྱུ་མེད་གི།། མགོན་པོ་ཕྱག་གཉིས་ཕྱག་གཅིག་གཡུགས་ཏེ།། སྨྱོན་པའི་སྨྱོ་དེ་ཇེ་ཐུར་ཕྱིན་འདུག། མདའ་ཚན་དེ་རིང་སྙིང་རྗེ་སྐྱེས་ཏེ།།…

དེ་ལས་མང་བ་། “ཁ་བརྡ་གྲུ་ཁང་གི་རྩོད་རྙོག” »

སྐུ་ཞབས་མགོན་པོའམ་སྟག་སྨྱོན་ལགས་སུ། ཁྱེད་ཀྱིས་ངའི་མཚང་ཇི་ལྟར་བྲུས་ཀྱང་ང་ལ་ཁྱད་པར་ཆེན་པོ་ཞིག་མེད། <<དགེ་བསྐོས་བཙན་པོ>>ཞེས་པའི་དེབ་དེས་རང་རེའི་མུན་ནག་གི་སྤྱི་ཚོགས་འདི་ལ་ཕན་ཐོགས་ཅུང་ཟད་རེ་ཨེ་འབྱུང་བསམས་པ་ཡིན། ཉོན་མོངས་དུག་གསུམ་འདུལ་བྱེད་དུ་ང་ཚོའི་སྟོན་པས་(ཁྱེད་རང་ནང་པ་ཡིན་མིན་མ་ཤེས།)མདོ་ལུགས་ལ་སྡེ་སྣོད་གསུམ་ཟེར་བ་ཞིག་དང་སྔགས་ལུགས་ལ་རྒྱུད་སྡེ་བཞི་ཟེར་བ་ཞིག་གསུངས་ཡོད་པ་མ་གཏོགས། ངུར་སྨྲིག་འཆང་བའི་སྡེ་རུ་གྲི་དང་མེ་མདའ། རྡོ་དང་དབྱུག་པ། ཁུ་ཚུར་དང་རྡོག་རྒྱག འགྲམ་ལྕག་དང་ཕྲེང་ལྕག ཐག་པས་བཀྱིགས་ནས་གནམ་འདོག་དང་འོག་ནས་སུར་པན་མེར་སྲེག གནམ་གཤིས་གྲང་མོར་གོས་བཤུ་དང་དགུན་ཁར་ལུས་སྟེང་ཆུ་བཤོ་(དྲག་སྤྱོད་པ་དེ་ཚོས་ཚན་རིག་ཡར་རྒྱས་དང་བསྟུན་ནས་གློག་གི་རྒྱུག་པ་དང་གློག་གི་མེ་མདའ་སོགས་བེད་སྤྱོད་བྱེད་ངེས་ཅན་རེད།)ལ་སོགས་པ་ཡོ་རོབ་ཀྱི་དུས་རབས་བར་མ་དང་། རང་རེའི་ལྗོངས་སུ་ད་དུང་མུ་ནས་མུ་རུ་རྒྱུན་སྲིང་བཞིན་པའི་ཀླ་ཀློའི་བྱ་སྤྱོད་འདི་དག་གི་རྒྱབ་སྐྱོར་དུ་འགྲོ་བའི་མདོ་སྔགས་ཀྱི་ཁུངས་གཏུགས་ས་ཞིག་རྙེད་དུ་མེད་པ་དང་། སྟོན་པས་ངའི་བསྟན་པ་ངའི་ཉན་ཐོས་ཀྱིས་འཇིག་གསུངས་པ་ཡང་། རབ་བྱུང་བའ་སྡེ་རུ་སྡེ་སྣོད་གསུམ་དང་རྒྱུད་སྡེ་བཞི་ཡིས་རང་སེམས་འདུལ་རྒྱུའི་ཚབ་ཏུ་དགེ་བསྐོས་འཇིགས་སྐུལ་དྲག་སྤྱོད་པ་ཚོས་རང་སྣང་གང་དྲན་གྱིས་བཅའ་ཁྲིམས་སྒེར་གཅོད་ཀྱིས་དྲག་རྡུང་ཁོ་ན་འདུལ་ཁྲིམས་སྲུང་བྱེད་དུ་སྤྱོད་པའི་ལམ་ཁ་འབའ་ཞིག་ཡིན་ལུགས་བརྗོད་དེ་་སྣུམ་ཟད་ཀྱི་བསྟན་པའི་མར་མེ་ཉམ་ཆུང་འདི་མུན་ཁུང་དུ་ཨུ་ཚུགས་ཀྱིས་སྐྱེལ་རྒྱུར་རྔམ་པ་དག་གི་སྣང་ངོར་རྩོམ་དེབ་དེ་ལ་རིན་ཐང་ཅི་ཡང་མེད་པ་ཤིན་ཏུ་ནས་ཀྱང་བདེན་ན་ཡང་། དགེ་བསྐོས་དྲག་སྤྱོད་པ་དེ་དག་འགྲོ་བ་མིའི་གྲས་ནས་རྒྱང་ཐག་ཅི་ཙམ་ཞིག་རིང་ན་ཡང་། བསྟན་དང་སྟོན་པ་གཅིག་པའི་ཞེ་རྩིས་ཤིག་གིས་ད་དུང་ཡང་དེ་དག་ལོག་ལམ་ལས་གོམ་པ་རེ་རེ་ལས་མ་བྱུང་ན་ཡང་དངོས་ཡོད་འཇིག་རྟེན་དུ་ཕྱོགས་པའི་རེ་བའི་མེ་ལྕེ་ད་དུང་ཉམས་མེད་དུ་འབར་བཞིན་ཡོད།

ཀླུ་སྨྱོན་ཧེ་རུ་ཀ་དང་ཁོའི་གཅེན་པོ་སྦྲང་ཆར་རྩོམ་རིག་བྱ་དགའ་ཐོབ་མཁན་ལྡོང་ཕྲུག་ཡེ་ཤེས་བཟང་པོ་དང་གཅུང་བོ་གཟི་མིག་གསུམ་པ་སྐལ་ལྡན་རྒྱ་མཚོ་གསུམ་གྱི་མཚན་ཉིད་རིག་པའི་མཉམ་འབྲེལ་རྩོམ་དེབ་གྲྭ་སྤུན་གསུམ་གྱི་མནོ་བསམ་ཕྱོགས་བསྒྲིགས་ཞེས་པ་དེ་འགྱང་མིན་སྤྱི་ཚོགས་སྟེང་གི་ཀློག་པ་པོ་རྣམས་ཀྱི་སྤྱན་ལམ་དུ་འབུལ་རྒྱུ་ཡིན།

ཡོད་པས་ཡོད་གོ་མི་ཆོད་རྨི་ལམ་གྱི་མཛེས་མ། མེད་པས་མེད་གོ་མི་ཆོད་རྨི་ལམ་གྱི་བཙོན་ཁང་། རེ་དོགས་གཅིན་སྐྱག་བརྫིས་པའི་རྨི་ལམ་གྱི་བག་ལེབ། དུག་གསུམ་ཡི་དྭགས་འགོང་བོའི་ཁ་ཟས་སུ་བྱིན་ཤོག

ཕོ་རྣམས་མོ་ལ་དགའ་ཞིང་བྱམས་བ་བཞིན།། མར་གྱུར་སེམས་ཅན་ཀུན་ལ་བྱམས་པར་ཤོག། མོ་རྣམས་ཕོ་ལ་དགའ་ཞིང་བརྩེ་བ་བཞིན།། མར་གྱུར་སེམས་ཅན་ཀུན་ལ་བརྩེ་བར་ཤོག།

གསོན་ན་གསོན་རིན་ཡོད་པ་ཞིག། རང་གཞན་གཉིས་ལ་ཕན་པ་ཞིག། ཤི་ན་ཤི་རིན་ཡོད་པ་ཞིག། འདི་ཕྱི་གཉིས་ལ་དགེ་བ་ཞིག།

ད་རེས་པེ་ཅིང་ལ་གསར་འགོད་པ་སྟོང་ཕྲག་མང་པོ་འཛོམས་ཀྱི་ཡོད་པ་དེ་འདྲ་ད་སྔ་རྒྱ་ནག་གི་ལོ་རྒྱུས་ཁྲོད་བྱུང་མ་མྱོང་བ་ཞིག་རེད། དེའི་སྐབས་ཁོ་ཚོར་གསར་འགྱུར་འགོད་པར་གུ་ཡངས་ཀྱང་ཅུང་ཟད་ཅིགའཐོབ་ཀྱི་ཡོད་པ་འདྲ། གོ་སྐབས་འདི་བཟུང་ནས་པེ་ཅིང་དུ་ཁྲོམ་སྐོར་ཆེན་པོ་ཞིག་བྱེད་རྒྱུ་དེ་ང་ཚོ་ཚང་མའི་ཕྲག་ཏུ་བབས་པའི་འོས་འགན་ཡིན་པ་དེ་བཤད་མ་དགོས་པ་ཞིག་རེད། དེ་ལྟར་བྱེད་པར་མང་པོ་ཞིག་ནས་ཐབས་ཤེས་བྱས་ཡོད་པར་ང་ལ་ཡིད་ཆེས་ཡོད། ཡིན་ན་ཡང་ད་ལྟ་བོད་མིའི་མིང་ཙམ་ཡོད་ཕྱིན་ཆད་་རྒྱ་མིར་དྭོགས་པ་རྣམ་རྟོག་ཟོས་ནས་པེ་ཅིང་ལ་འགྲོ་བར་ཆོག་མཆན་ཐོབ་ཀྱི་མེད་ཚུལ། ད་ཐབས་ཤེས་གཞན་པ་འདྲ་ཡོད་དམ། ཨོ་ལིམ་ཕིག་་གི་སྐབས་གང་ཤེས་མ་གཏོགས་སྤྱིར་བཏང་རྒྱ་ནག་ནང་གསར་འགོད་ཀྱི་རང་དབང་མེད་པ་དེ་ཚང་མས་ཤེས་གསལ་རེད། ཕྱི་ཟླ་གསུམ་པའི་ནང་གསརགའགོད་པ་རྣམས་ཕྱིར་འབུད་བྱས་པ་ལྟར་རེད། དེར་མ་ཟད་ཉེ་བའི་ཆར་ཡང་པེ་ཅིང་དུ་གསར་འགོད་པ་རྣམས་ལ་ཡང་ཡང་སྟངས་འཛིན་བྱེད་བཞིན་པ་དེ་རེད། ད་དངོས་སུ་བྱས་ན། གསར་འགོད་པ་ཚང་མ་མཉམ་རུབ་ཀྱིས་ ་་ འགྲོ་བ་མིའི་ཐོབ་ཐང་། གསར་འགོད་རང་དབང་། གཏམ་བརྗོད་རང་དབང་།…

དེ་ལས་མང་བ་། “གསར་འགོད་རང་དབང་།” »

༡  བོད་ཡུལ་འདུས་པའི་རྒྱ་ནག་རྒྱལ་ཡོངས་ཀྱི་སྦྲགཁང་ནས་གནས་སྐབས་རིང་ཕྱི་རྒྱལ་ལ་བོད་ཡིག་གི་དཔེ་དེབ་ཀྱི་རིགས་གཅིག་ཀྱང་བསྐུར་ཆོག་གི་མི་འདུག་ཟེར།  ཡང་གགཏམ་ཁུངས་གཞན་པ་ཞིག་ལྟར་ན། ཐ་ན་བོད་ཁུལ་ཞིག་ནས་པེ་ཅིན་ལ་ཡང་བསྐུར་ཆོག་གི་མི་འདུག་ཟེར།   རྒྱ་ནག་རྒྱལ་ཡོངས་ན་འདི་ལྟར་ཡིན་པའི་གཏམ་ཐོས་ཀྱང་དོན་དངོས་སུ་ཅི་ཡིན་མི་ཤེས།  ཡིན་ན་ཡང་བོད་ཀྱི་ས་ཆ་ཁ་ཤས་ནས་ཕྱི་རྒྱལ་ལ་དཔེ་དེབ་བསྐུར་མི་ཐུབ་པའི་དོན་དག་ནི་ངོ་མ་བྱུང་འདུག  བཀག་རྒྱ་འདི་དུས་ནམ་ཞིག་ལ་འགོ་བཙུགས་པ་དང་དུས་ནམ་ཞིག་མཇུག་བསྒྲྲིལ་རྒྱུ་ཡིན་པ་བཤད་ཤེས་ཀྱི་མི་འདུག  མི་རྣམས་་ཀྱིས་རང་བཞིན་གྱིས་་ཨོ་རྩེད་ཀྱི་རྗེས་སུ་བཀག་རྒྱ་འདི་མེད་པར་འགྱྱུར་བའི་རེ་བ་བྱེད་ཀྱི་འདུག ༢  རེབ་གོང་གི་ཀླུ་རོལ་ཟེར་བའི་སྲོལ་རྒྱུན་གྱི་རྩེད་མོ་དེ་རྩེས་ཚར་ནས་ཉིན་ཤས་སོང་ཡོད་པ་འདྲ།   དེ་མ་རྩེས་སྔོན་ལ།  དེ་རྩེ་མཁན་གྱི་སྡེ་བ་ཁ་ཤས་རྩེ་རྒྱུ་མིན་རྩིས་བྱས་པ་རེད་ཟེར།  རྒྱྱུ་མཚན་ཅི་ཡིན་ཁ་གསལ་དུ་མ་གོ་ཡང་།  ཕལ་ཆེར་ད་ལོའི་བོད་པ་ཡར་ལངས་སྐབས་སུ་བོད་པ་ཤི་རྨས་བྱུང་་བ་རྣམས་ལ་མྱ་ངན་གྱྱི་རྣམ་པ་སྟོན་རྩིས་ཡིན་པ་འདྲ།  ཡིན་ན་ཡང་རྒྱ་གཞུང་གིས་སྒོར་མོ་སྟེར་བ་དང་བཙན་དབང་བྱེད་པའི་ཐབས་ལམ་གྱིས་རྩེ་གི་བཅུག་པ་རེད་ཟེར།  ས་དཀྱིལ་ཟེར་བའི་སྡེ་བ་དེ་ལ་སྒོར་མོ་ཁྲི་ཕྲག་ཁ་ཤས་སྤྲད་ནས་རྩེས་འདུག་ཟེར།   སྡེ་བ་གཞན་པ་རེ་ཟུང་མ་རྩེ་ཐབས་མེད་ཡིན་ཡང་དར་མ་དང་གཞོན་ནུ་རྣམས་རྩེ་ཡི་མེད་པར་བྱིས་ལོ་ཆུང་སྐོར་ཞིག་རྩེས་ཡོད་པ་དང་།   དེ་དག་གིས་ཀྱང་བོད་གོས་ཙམ་གྱོན་པ་མ་གཏོགས་རྒྱན་ཆ་འདོགས་པ་དང་ཤོམ་ལྭ་གོན་པ་གཏན་ནས་མཐོང་རྒྱུ་མི་འདུག  སྤྱིར་བཏང་རེབ་གོང་ཕྱོགས་ཀྱི་ཁ་དཔེར།  ལོ་གསར་ཚེས་གཅིག་མིན་ན་ཟས་མི་ཟ།  དྲུག་པའི་ཀླུ་རོལ་མིན་ན་གོས་མི་གོན་ཞེས་ལུགས་རྙྱིང་གགི་ཟླ་བ་དྲུག་་་པའི་ཀླུ་རོལ་གྱི་སྐབས་ནི་རྒྱན་ཆ་དང་ཤོམ་ལྭ་ངོམ་པའི་དུས་སྐབས་ཤིག་ལ་ཡང་་ཆ་འཇོག་བྱེད་ཀྱི་ཡོད།

རྒྱ་ནག་ཏུ་ཨོ་ལིམ་ཕིག་མ་འཚོགས་པའི་སྔ་ནུབ་ཏུ།  འགྲོ་བ་མིའི་སེམས་ནས་བྱུང་བའི་སྙན་ངག་ལྟ་བུའི་མེ་དཔུང་ཆེན་པོ་ཞིག  འཛམ་གླིང་གི་ས་ཕྱོགས་གང་སར་་རི་མཐོ་དམན་ཀུན་གྱི་རྩེ་རུ་དམར་ལྷབ་ལྷབ་འགྲོ་བ་མིའི་རང་དབང་གི་ཆེད་དུ་སྦར་གྱི་རེད། རྒྱ་ནག་ཏུ་ཨོ་ལིམ་ཕིག་མ་འཚོགས་པའི་སྔ་ནུབ་ཏུ།  འགྲོ་བ་མིའི་སེམས་ནས་བྱུང་བའི་སྨོན་ལམ་གྱི་ལྰ་སྒྲོན་གྲངས་མེད་ཅིག  འཛམ་གླིང་གང་སར་གྲོང་ཁྱེར་ཆེ་ཆུང་ཀུན་གྱི་མདོ་རུ་དམར་འཁྱིལ་ལེར་འགྲོ་བ་མིའི་ལྷན་སྐྱེས་ཀྱི་རིན་ཐང་ཆེད་དུ་སྦར་གྱི་རེད། དེ་ཁྱོད་ཚོས་ཀྱང་ལོས་ཤེས། ཁྱེད་ཚོས་ཀྱང་དེ་ལ་གྲ་སྒྲིག་བྱེད་ཀྱི་ཡོད་པའི་རེ་བ་ཡོད། འདི་ངས་ཁྱེད་ཚོར་བརྗོད་ཀྱི་མེད། ངས་ཁྱེད་ཚོས་ང་ལ་རོགས་བྱས་ནས་གནས་ཚུལ་འདི་གངས་རིའི་ཁོངས་སུ་འཁྱོལ་བར་བྱ་རྒྱུ་འབོད་སྐུལ་བྱ་ཡི་ཡོད། རྒྱ་ནག་ཏུ་ཨོ་ལིམ་ཕིག་མ་འཚོགས་པའི་སྔ་ནུབ་ཏུ། གངས་རིའི་ཁོངས་གསེང་ཀུན་དུའང་བསངས་མཆོད་ཀྱི་མེ་ལྕེ་སྦར་བར་བྱ། ནག་ཁུང་གི་ཁང་མིག་རེ་རེའང་མཆོད་མེ་ཡི་འོད་ཀྱིས་དགང་བར་བྱ། ང་ཚོའི་མིའི་རིགས་ཡོངས་ཀྱི་ཞི་བདེ། རང་དབང་།…

དེ་ལས་མང་བ་། “སྙན་ངག་གི་མེ་ཕུང་། དམར་ལྷབ་ལྷབ་སྦར་བར་བྱ།” »

ད་ལྟ་བོད་ཡིག་ནང་ཕྱི་རྒྱལ་གྱི་མི་མིང་ས་མིང་སོགས་འབྲི་སྐབས། མི་ཁ་ཤས་ཤིག་ནས་བརྩེགས་ཡི་གམ་སྔགས་ཡིག་སྟེ རིཁལིཕྷ་རྗི། ཕརིནས྄་ཊོན། ཕྷེ་ནིཀ  ཨཻནས྄་ཊན ལྟ་བུ་མང་པོ་ཞིག་བྲིས་ཡོང་ནས་རྩ་ནས་ཀློག་ཤེས་ཀྱི་མི་འདུག འདི་ལ་བོད་མི་ཡོངས་ཀྱིས་ཀློག་བདེ་བའི་འབྲི་ཐབས་ཤིག་རྩ་ནས་མེད་སོང་བ་ཡིན་ནམ། ཉེ་ཆར་བོད་གཞུང་ནས་རྒྱ་གཞུང་ལ་ལན་འདེབས་རིམ་པ་ཞིག་འབྲི་བཞིན་པ་དེ་ཚོའི་ནང་ཡང་འདི་ལྟ་བུ་མང་པོ་མཐོང་རྒྱུ་འདུག ང་ཚོས་བོད་ཡིག་འདི་ལས་སླ་རུ་གཏོང་མ་ཐུབ་ན་ཡང་ཁག་ཏུ་ཁག་ཏུ་གཏོང་དགོས་པའི་རྒྱུ་མཚན་ཅི་ཡིན་མཐོང་དཀའ། བོད་ཡིག་ལ་བསམ་བཙུགས་ནས་འགལ་རྐྱེན་བཟོ་གི་ཡོད་པ་ཡིན་རྒྱུ་མ་རེད། འདི་འདྲ་བྲིས་ཡོང་མཁན་དེ་ཚོ་ལྐུགས་པ་རྐྱང་རྐྱང་རེད་ཅེས་ལབ་ན་ཅུང་ཟད་འགྲིགས་གི་ཡོད་རྒྱུ་མ་རེད། མ་མཐའ་ཡང་འདི་ཚོས་རྒྱ་གར་དུ་ལེགས་སྦྱར་སྐད་གང་འཚམས་སྦྱངས་ཡོད་རྒྱུ་རེད་སྙམ། དེ་མིན་ན་ཡང་བོད་དུ་སྒྲ་སྦྱངས་ཡོད་རྒྱུ་རེད། ཡང་འདི་ཚོ་མཁས་པ་རེད་ཟེར་ན།…

དེ་ལས་མང་བ་། “ཀློག་མི་ཤེས་པའི་ཡི་གེ” »

ཁལིཕྷ་རྗི་(Clive J. Grant reads) ཡིས་འགྲེལ་བརྗོད་བྱེད་དོན།: ངས་ཁྱོད་ལ་སྐད་ཆ་དེའི་ཤུགས་ཀྱི་བསྟན་དོན་ཅི་ཡིན་བཤད་རྒྱུའི་ཆོག་མཆན་ཞུས་མེད། འོན་ཀྱང་ངས་ཐགས་ལས་ཆེད་མཁས་ཞིག་དང་མཉམ་དུ་ཕརིནས྄་ཊོན་ (Princeton) རུ་ཨཻནས྄་ཊན་ལ་དོན་དག་ ཞིག་གྲོས་བསྡུར་ཞུ་བར་བཅར་བ་ཡིན། ངས་ད་དུང་ཡང་དྲན་སོས་ཐུབ་པ་ནི་ཁོང་གིས་བཤད་པའི་སྐད་ཆ་སྟེ། གལ་སྲིད་ངས་ཁྱོད་ལ་ཕྷེ་ནིཀ་༡གཅིག་སྤྲད་པ་ཡིན་ན་ཁྱེད་རང་ཕྷེ་ནིཀ་གཅིག་གིས་ཕྱུག་དུ་འགྲོ་བ་དང་ང་རང་ཕྷེ་ནིཀ་གཅིག་གིས་དབུལ་དུ་འགྲོ་རྒྱུ་རེད། འོན་ཀྱང༌། གལ་སྲིད་ངས་ཁྱེད་ལ་རིག་པ་ཞིག་བསླབ་པ་ཡིན་ན་ཁྱེད་ལ་རིག་པ་གསར་བ་ཞིག་འཐོབ་པ་དང༌། ང་ལ་ཡང་རིག་པ་དེ་ཉིད་ད་དུང་ཡོད་པ་རཻད།…

དེ་ལས་མང་བ་། “ཨཻནས྄་ཊན་གྱི་གཏམ་རྒྱུད་ཅིག” »

བདུན་ཕྲག་འདིའི་ནང་ང་དགའ་ཤོས་ཀྱི་གནས་ཚུལ་ནི། རྒྱལ་བ་རིན་པོ་ཆེའི་ཨ་རིའི་ནང་གི་མཛད་འཕྲིན་མ་ཡིན་ལ། གཞོན་ནུ་ཚོགས་པའི་གསར་དུ་མགོ་འཛུགས་བཞིན་པའི་བོད་དོན་ལས་འགུལ་ཆེན་པོ་དེའང་མ་ཡིན། ཨ་རིའི་ནང་གི་བོད་དོན་གོམ་བགྲོད་དེ་ཡང་ཅི་ལ་ཡིན། བོད་དོན་རྒྱབ་སྐྱོར་ཆེད་ཕྱི་རྒྱལ་བ་རེ་ཟུང་གིས་ལྕགས་རྟ་ཞོན་ནས་སྐྱོད་བཞིན་པ་དེའང་མ་ཡིན། དེས་ན་གང་རེད་ཟེར་ན། མཛངས་མ་ཚེ་རིང་འོད་ཟེར་ལགས་ནས་རྒྱ་གཞུང་ལ་ཁྲིམས་གཏུགས་སམ་ཡང་ན་རྒྱ་གཞུང་ཁྲིམས་ལ་གཏུག་གི་ཡོད་པ་དེ་རེད། སྤྱིར་བཏང་རྒྱ་གཞུང་ལ་མཚོན་ན་ཁྱད་མཚར་པོ་ཞིག་རེད། ཁྲིམས་ལ་གཏུག་བྱ་ཁོ་ཚོ་རེད་ལ་གཏུག་སའང་ཁོ་ཚོ་རེད། གང་ཡིན་ནའང་ཁྱད་པར་མི་འདུག ངས་དེ་གནད་འགག་ཆེན་པོ་ཞིག་ཏུ་མཐོང་།  འོད་ཟེར་ལ་ཐོབ་ཤོར་ག་རེ་བྱུང་ནའང་དེ་རྒྱ་གཞུང་ལ་མཚོན་ན་གནད་འགག་ཅན་གྱི་དྲི་བ་གལ་ཆེན་པོ་ཞིག་ཆགས་ཀྱི་ཡོད་རེད་སྙམ། གལ་སྲིད་འོད་ཟེར་ལ་བདེན་ཁ་སྤྲད་ནས་རྒྱལ་ཁ་ཐོབ་པ་ཡིན་ན། ད་བར་རྒྱ་གཞུང་ནས་བོད་མི་དམངས་ཐོག་ཁྲིམས་འགལ་གྱི་བྱ་སྤྱོད་མང་པོ་ཞིག་སྤེལ་དང་སྤེལ་བཞིན་པ་དེ་ཡོངས་སུ་ངོས་ལེན་བྱས་པ་ལྟ་བུ་ཞིག་ཆགས་ཀྱི་ཡོད། གལ་སྲིད་འོད་ཟེར་གྱི་བདེན་པ་ཆ་ཚང་ཡོད་པའི་ཁྲིམས་གཏུགས་དེ་ཤོར་བཅུག་པ་ཡིན་ནའང་། …

དེ་ལས་མང་བ་། “དགའ་ཤོས་ཀྱི་གནས་ཚུལ།” »

ངས་རྣ་བས་གོ་ཚོད་ལ། བོད་ནང་དུ་མི་རབས་གསུམ་པ་ཟེར་བའི་གསར་བུ་སྐོར་ཞིག་འཚར་བཞིན་ཡོད་པ་རེད་ཟེར།  ཁོང་ཚོས་མང་པོ་མང་པོ་ཞིག་འབྲི་བཞིན་ཡོད་པ་རེད་ཟེར། ཁོང་ཚོས་མཇེ་དང་སྟུ་དང་རླིག་པ་སོགས་འཛེམས་བག་མེད་པར་འབྲི་གི་ཡོད་པ་རེད་ཟེར། ཁོང་ཚོའི་ནང་གི་གཅིག་གཅེར་བུར་མི་ཚོགས་ནང་ཕྱིན་པ་རེད་ཟེར། ཁོང་ཚོ་ལ་གཤེ་གཤེ་དང་དམོད་མོ། སྐྱོན་མཚང་འདྲུ་མཁན་མང་པོ་ཞོག་ཡོད་པ་རེད་ཟེར། ཡང་ཁོང་ཚོ་ལ་བསྟོད་པ་གཏོང་མཁན་ཡང་ཡོད་པ་རེད་ཟེར། ད་ཆི་གོ། འདི་བཟང་རྟགས་ཤིག་ཡིན་ནམ་ངན་རྟགས་ཤིག་ཡིན། ཁྱེད་རྣམ་པས་ཁོང་ཚོའི་སྐོར་ཅང་ཤེས་ཀྱི་ཡོད་ན་མེད་ན།

མཁྱེན་ཡངས་བོད་ཀྱི་མཁས་དབང་རྣམ་པ་དང་སྙན་ངག་གི་མཁན་པོ་རྣམས་ལ། ཁ་སང་རྒྱ་གར་བའི་གྲོགས་པོ་ཤིག་གི་བོད་པའི་སྙན་ངག་ཟེར་བ་ཡོད་མ་རེད། བོད་པའི་སྙན་ངག་ནི་རྒྱ་གར་གྱི་སྙན་ངག་ཐེབས་ཆག་ཞིག་གི་ལད་མོ་བྱས་ནས་བྲིས་པ་ཤ་སྟག་རེད། ཁྱོད་ང་ལ་དོན་རྒྱན་སོ་ལྔ་དང་། དཔེ་རྒྱན་སོ་གཉིས། དེ་བཞིན་དབྱུག་པ་ཅན་གྱི་དེབ་ནང་མེད་པའི་བོད་པའི་སྙན་ངག་རེ་གཉིས་མིག་སྟོན་དང་། གཞི་ནས་ང་ཚོ་བོད་པའི་སྙན་ངག་གི་སྐོར་ལ་ཁ་བརྡ་བྱེད་ཆོག་བཤད་བྱུང་། ང་ནི་སྙན་ངག་གི་མཁན་པོ་མིན་སྟབས་ཁོའི་འདོད་པ་དེ་ག་ལ་སྒྲུབ་ཐུབ། དེ་ན་མཁས་དབང་ཚོས། སྙན་ངག་མེ་ལོང་ནང་གི་ནང་དོན་ཁག་མིན་པའི་སྙན་ངག་གི་དཔེ་མཚོན་ཁ་ཤས་སྤྲོད་རོགས་གནང་། ལེགས་ཤོས་ལ་སྔོན་མའི་མགུར་དང་གླུ་མིན་པར། ཁྱེད་ཅག་གིས་གསར་རྩོམ་ཇི་སྙེད་ཤིག་འདིར་བཀོད་ན་འདིས་ང་ཚོར་ཤིན་དུ་ཕན་པ་ཆེ་བ་འདུག ཐུགས་རྗེ་ཆེ།

བདག་མེད། བོད་ཀྱི་སྤྲུལ་སྐུ་ཚོ་མཛེས་མའི་གཞང་ཁ་དང༌། ཕྱུག་པོའི་དངུལ་ཁུག་ཆེད་བྱོན་པའི་རྣམ་ཐར་འདིར་བསྒྱུར་བཅོས་ཤིག་ངེས་པར་དུ་བྱེད་དགོས་ལ། དེ་བཞིན་རང་ཉིད་བླ་ན་མེད་པའི་ལྷ་ཆེན་སུ་ཞིག་ཡིན་པའང་ཁུངས་སྐྱེལ་དང༌། ར་སྤྲོད་ཚན་རིག་དང་མཐུན་པ་ཞིག་ཧ་ཅང་གལ་ཆེན་དོན་ཆེན་ཞིག་ཏུ་ལྷག་ཡོད། ཡིན་ནའང་སྤྲུལ་སྐུ་ཚོས་སྤྲུལ་སྐུར་ཁུངས་བཅོལ་བ་དང་རྒྱབ་བརྟེན་པ་ནི། གཏན་ཚིགས་ལ་ཁ་ལོག་པར་ཕྱོགས་པ་དང་བྱིས་པ་ཆུང་ཆུང་ཞིག་གི་བྱ་སྤྱོད་རང་རེད། དེ་བས་ཀྱང་བློ་ཕམ་པ་ཞིག་ནི་བོད་ཀྱི་སྤྲུལ་སྐུ་ཚོན་པོ་དག་མཁས་བཙུན་བཟང་གསུམ་དང་ཁ་བྲལ་བ་མ་ཟད་ཤེས་རབ་ཅན་གྱི་སྐྱེས་བུ་ཚོ་ནམ་ཡང་དགྲར་འཛིན་དང་མིག་ལོག་ལྟ་བ། བྱིས་དུས་ནས་ཆེས་མཐོའི་བདག་དབང་གང་མང་ཞིག་ལྷན་སྐྱེས་དང༌། རང་བབ་ལྟ་བུར་སྒེར་འཛིན་དང་རྐུ་འཕྲོག་བྱེད་པ་སོགས་མང་གཙོའི་ལམ་སྲོལ་གྱི་བཀག་རྡོ་ཆེན་པོར་ཆགས་པ་དང། ཉམ་ཆུང་མི་སེར་ཚོར་དད་པ་ནམ་ཡང་མགོ་སྒུར་དགོས་པདམ་ཚིག་ནམ་དུ་ཡང་ཁས་ལེན་དགོས་པགི་རལ་གྲིའི་འོག་འདུ་ཤེས་དང་དངོས་པའི་སྟེང་གཉའ་གནོན་དང༌། བཤུ་བཞོག་རྒྱུན་མ་ཆད་པར་གཏོང་བཞིན་པའི་དཀའ་རྙོག་རིང་མོ་དེ་ཡིན། དེ་བས་ཀྱང་ཆེས་འཇིགས་སུ་རུང་བ་དང་ཡ་ང་བ་ནི་ཆེད་དུ་བླུན་རྨོངས་ཀྱི་སྤྱི་ཚོགས་ཤིག་གསོ་སྐྱོང་བྱེད་བཞིན་པའི་ཐབས་བྱུས་དེ་རེད།