གོང་གསལ་པར་འདི་ནི་དེ་རིང་༧རྒྱལ་བ་རིན་པོ་ཆེ་ཚང་གཙུག་ལག་ཁང་དུ་གསུང་ཆོས་གནང་དུ་ཕེབས་ཏེ་ཕྱིར་ཕོ་བྲང་དུ་ཕེབས་བཞིན་པའི་པར་རེད་འདུག གསུང་ཆོས་འདི་ནི་སྐུ་བསྙུང་བཞེས་པའི་རྗེས་ཀྱི་གསུང་ཆོས་ཐོག་མ་དེ་ཡིན་པ་རེད། སེམས་དགའ་བ་ལ། པར་འདི་ཕ་ཡུལ་དྲ་རྒྱ་ནས་བླངས་པ་ཡིན།
དགའ་ལྡན་ཕོ་བྲང་དམངས་གཙོའི་གཞུང་གི་བཀའ་ཟུར་རྣམ་པའི་ཚོགས་འདུ། ཁ་སང་ཕྱི་ཟླ་ ༩ ཚེས་ ༢༢ ཉིན་རྒྱབ་ནས་བཙན་བྱོལ་བོད་གཞུང་གི་བཀའ་ཟུར་ཚོ་རྡ་རམ་ས་ལའི་འདབས་འབྲེལ་དུ་རྟེན་གཞི་བྱས་ཡོད་པའི་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་འཛོམས་ནས་བཀའ་ཟུར་རྣམ་པའི་ཚོགས་འདུ་ཞིག་ཚོགས་མགོ་བརྩམས་ཡོད་པ་དང༌། ད་རེས་ཀྱི་ཚོགས་འདུ་འདིར་སྐུའི་གཅེན་པོ་བཀའ་བློན་ཁྲི་ཟུར་རྒྱ་ལོ་དོན་འགྲུབ་སོགས་བཀའ་ཟུར་བཅུ་གསུམ་ལྷན་འཛོམས་བྱུང་ཡོད་པ་རེད། འདི་ནས་ཤེས་རྟོགས་བྱུང་བ་ལྟར་ན། བཀའ་ཟུར་ཚོའི་ཚོགས་འདུ་འདི་ནི། ཟླ་བ་སྔོན་མའི་ནང་གྲ་སྒྲིག་གོ་བསྡུར་བྱས་འབྲེལ། དེ་རིང་ནས་ཚོགས་འདུ་དངོས་གཞི་འཚོགས་ཀྱི་ཡོད་པ་དང༌། དེ་ནི་བཀའ་ཟུར་ཚོའི་ངོས་ནས་སྤྱིར་བོད་དོན་གཉན་འཕྲང་གི་དུས་སྐབས་དང༌། སྒོས་བོད་ནང་གི་ཛ་དྲག་གནས་སྟངས་ལ་གདོང་ལེན་ཞུ་ཕྱོགས་གཙོ་བོར་བཞག་པའི་བརྗོད་གཞི་དོན་ཚན་བདུན་ཐོག་གྲོས་བསྡུར་ཟབ་ནན་དང་འབྲེལ་ྋགོང་ས་ྋསྐྱབས་མགོན་ཆེན་པོ་མཆོག་དང༌། རང་གཞུང་ལ་བསམ་ཚུལ་སྙན་གསེང་ཞུ་རྒྱུ་ཡིན་འདུག ཚོགས་འདུའི་ཡིག་ཆའི་མགོ་བརྗོད་དུ་༼དགའ་ལྡན་ཕོ་བྲང་དམངས་གཙོའི་གཞུང་གི་བཀའ་ཟུར་རྣམ་པའི་ཚོགས་འདུ༽ཞེས་བཀོད་འདུག…
དེ་ལས་མང་བ་། “དགའ་ལྡན་ཕོ་བྲང་དམངས་གཙོའི་གཞུང་གི་བཀའ་ཟུར་རྣམ་པའི་ཚོགས་འདུ།” »
མཚར་གཏམ། ༼ཕ་ཡུལ་དྲ་རྒྱ་ལས་བདམས་ཏེ་བསྒྱུར།༽ ཉིན་ཞིག་བུད་མེད་ལུས་དམར་ཧྲེང་བ་ཞིག་གིས། བརྡལ་གཏོང་རླངས་འཁོར་ (Taxi) ཞིག་བཀག ཁ་ལོ་བ་དེས་བུད་མེད་དེ་རླངས་འཁོར་ནང་འཛུལ་མ་ཐག་ཧ་ལས་གདོག་ངང་མོའི་ལུས་ཀྱི་མགོ་ནས་རྐང་པའི་བར་ཞིབ་མོར་བལྟས་སྟབས། བུད་མེད་དེ་ཁོང་ཁྲོ་ལངས། བུད་མེད་དེས། “ལྟས་ངན་མཐོང་གི་འདུག་གམ། ཁྱོད་དེ་སྔོན་བུད་མེད་དམར་ཧྲེང་མ་མཐོང་མ་མྱོང་ངམ།” ཁ་ལོ་བ་ན་རེ། “ལྕམ་ཁྱེད་རང་ལུས་ལ་གོས་གཅིག་ཀྱང་མེད་པ་དེར་ང་ཧ་ལས་མ་སོང་། ཁྱེད་ཀྱིས་ང་ལ་སྤྲོད་རྒྱུའི་རླངས་འཁོར་གྱི་གླ་ཆ་དེ་ག་པར་བཅུག་ཡོད་མེད་ལྟ་གི་ཡོད་ཟེར།”
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་ཕེབས་བཞིན་བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ་ཐུགས་གཏན་འཁེལ་བ། ཕྱི་ལོ་ ༢༠༠༨ ཟླ་ ༩ ཚེས་ ༡༧ རེས་གཟའ་མིག་དམར། ༄༅། དཔལ་ལྡན་སྐུ་སྒེར་ཡིག་ཚང་བརྒྱུད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཕྱི་ལོ་ ༢༠༠༨ ཟླ་ ༩ ཚེས་ ༡༡…
དེ་ལས་མང་བ་། “དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ” »
ཚེ་རིང་གི་བུ། མདང་དགོང་། ང་གྲོགས་པོ་ཞིག་གི་སར་ཕྱིན། གྲོགས་པོས་ཤ་བཙོས་འདུག ཆང་ཉོས་འདུག ངེད་གཉིས་ཀྱིས་ཤ་ཟ་བཞིན་ཆང་འཐུང་། མཚམས་ཤིག་གྲོགས་པོ་ཁོང་ར་བཟི་སོང་བ་འདྲ། ཁོང་གིས་བོད་ཀྱི་རྩོམ་རིག་སྒྱུ་རྩལ་དང་། དེ་ལས་འཕྲོས་པའི་གཏམ་མང་པོ་ཞིག་བཤད་བྱུང་། ཁོང་རྩོམ་རིག་ལ་ཧ་ཅང་མཁས་པ་འདུག མ་གཞི་ནས་ཁོང་ཉིད་རྩོམ་པ་པོ་ཞིག་དང་། སྙན་ངག་པ་ཞིག་ཀྱང་རེད། ཁོང་གིས་ནུབ་ཕྱོགས་ཀྱི་བསམ་བློ་བ་ཚོ་དང་བོད་ཀྱི་བསམ་བློ་བ་ཚོའི་ལྟ་གྲུབ་བསྡུར་གི ནུབ་ཕྱོགས་རྩོམ་རིག་དང་བོད་ཀྱི་སྒྱུ་རྩལ་གྱི་དགེ་སྐྱོན་ཕྱོགས་ནས་ལྟ་བ་གསར་བ་བཤད་ཀི མདོར་ན་གསར་བཏོད་ཀྱི་ཆ་མང་པོ་ཞིག་གསུང་གི…
ངས་ཉིན་འགའི་སྔོན་བོད་ཀྱི་དྲ་མཛོད་ཐོག་རྡོ་གྲུབ་ཆེན་གྱི་མ་འོངས་ལུང་བསྟན་ཞིག་མཐོང་བ་འདིར་དྲ་གྲོགས་རྣམས་ཀྱི་དཔྱད་གཞིར་ཕུལ་བ་ཡིན། བཾ༈ གཞི་ཀ་དག་སྟོང་ཆེན་དྭངས་མའི་མཁར༈ རྩལ་ཤར་གྲོལ་བདེ་སྟོང་ཊཀྐིའི་གླུ༈ སྔོནལེགས་བྱས་ནོར་བུའི་རང་འོད་ཀྱིས༈ རྟེན་འདོད་འཇོའི་གདུལ་བྱའི་ཞིང་ས་རླན༈ ངུར་སྨིག་ཁྲིམས་ལྡན་གྱི་གཟི་བྱིན་འབར༈ ཐབས་མཁའ་ཀྱིས་བོད་འབངས་རྗེས་སི་སྐྱོངས༈ སྤྱན་གཟིགས་སྤྲུལ་པ་བསྟན་མིང་པ་ཡི༈ ལོ་འབྱུང་ཤིང་ཕག་སྨེ་བ་གཉིས་ནག༈ བསྟན་པ་སླར་གསོ་ལྷ་ལྡན་ཡུལ་འཁྲུངས༈ སྨོན་ལམ་དང་གནས་དུས་ཕུན་ཚོགས་ལྔའི༈ རྟེན་འབྲེལ་གྱི་སྒོ་བརྒྱ་དུས་གཅིག་འབྱེད༈ དུས་ས་བྱི་སྨེ་བ་གཅིག་དཀར་དུས༈ གངས་ལྗོངས་བདེ་སྐྱིད་ཀྱི་ཉི་མ་ཤར༈…
གྲོགས་པོ་ཚོ། ཉིན་ཤས་སྔོན་ཨ་རིར་ཡོང་བའི་རྒྱ་མཚོའི་རླུང་འཚུབ་ཆེན་པོ་དེས་རྐྱེན་གྱིས་བསླངས་པའི་རླུང་ཤུགས་ཀྱིས་ཁ་བརྡ་འཛིན་སའི་དྲ་རྒྱའི་གློག་མེད་པར་གྱུར་ནས་ཉིན་ཤས་རིང་ཤར་མ་ཐུབ་པ་ཆགས་སོང་། འདི་ནི་གནམ་གཤིས་དང་འབྲེལ་བའི་གནས་ཚུལ་ཞིག་ཡིན་པ་ལས་གཞན་གང་ཡང་མ་རེད་ཅེས་གསལ་བཤད་ཞུ་བ་ཡིན།ཐུགས་རྗེ་ཆེ།
དེ་རིང་གཟའ་ཉི་མ་རེད། ང་ཚོར་ཁ་རྩོད་མེད་པ་བྱེད། ངས་ཁྱེད་ཚོར་ཁམས་སངས་ཀྱི་ཆེད་དུ་གླུ་ཞིག་འབུལ། ཡ་རེ་ཡ་རེ་ཡ་རེ་ལེན།། ཞང་ཡ་རེ་ཟེར་རའི་གླུ་ཞིག་ལེན།། གླུ་ད་ལོངས་ད་ལོངས་མ་ཟེར་རོགས།། ངའི་གངས་དཀར་སེམས་ལ་འཆར་ཟིག་དགོས།། སེམས་ཟཆར་སྣང་འབབ་ས་ཡོད་ལེ་དགོས།། ཡ་རེ་ཡ་རེ་ཡ་རེ་ལེན།། ཞང་ཡ་རེ་ཟེར་རའི་གླུ་ཞིག་ལེན།། གླུ་ད་ལོངས་ད་ལོངས་མ་ཟེར་རོགས།། ངའི་ལྕེ་སྣེ་དམར་པོ་མདུད་ཅིག་དགོས།། མདུད་ལ་དམ་ལྷོད་རན་པ་དགོས།། ཡ་རེ་ཡ་རེ་ཡ་རེ་ལེན།། ཞང་ཡ་རེ་ཟེར་རའི་གླུ་ཞིག་ལེན།།…
དྲ་གྲོགས་ཚོར་དཔྱད་གཞིར་ཕུལ་བ།
1
༄༅།། རིས་མེད་ཆོས་བརྒྱུད་ཁག་གི་གདན་ས་གྲྭ་ཚང་སོ་སོའི་མཁན་བླ་ལས་སྣེ་འདུས་མང་ཡོངས་ཀྱི་སྙན་ལམ་དུ་གསོལ་རྒྱུར།
ངེས་པར་འབྱུང་བའི་བསམ་པས་དྲངས་ཏེ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་རྣམས་ནི་ཐར་པ་སྒྲུབ་པའི་ལམ་ལ་གཅིག་ཏུ་འགྲུས་དགོས་པས་སྲིད་དོན་རྐྱང་པའི་བྱ་བཞག་ནང་ཞུགས་རྒྱུ་འོས་འཚམས་མིན་ཡང༌། གཞན་གནོད་གཞི་དང་བཅས་པ་ལས་ལྡོག་པར་ཁས་བླངས་ཤིང༌། སྐྱེ་རྒུའི་ཕན་བདེ་སྒྲུབ་པར་དམ་བཅས་པ་ཡིན་པས། སྤྱི་ཚོགས་ཀྱི་བདེ་དོན་དང་འབྲེལ་ཞིང་ཁ་ན་མ་ཐོ་བ་མེད་པའི་ཆབ་སྲིད་དང་སྤྱི་ཚོགས་ཀྱི་བྱ་བར་མཉམ་ཞུགས་འོས་པ་དང་དགོས་པ་ནི་དམ་ཆོས་འདུལ་བའི་དགོངས་དོན་དང་མི་འགལ་བ་མ་ཟད་ད་ལྟའི་དུས་ཀྱི་དགོས་མཁོ་ཡང་ཡིན། ལྷག་པར་འདས་པའི་ལོ་ལྔ་བཅུར་ཉེ་བའི་ནང་བོད་ནང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བཙན་གནོན་ལ་ཞི་བའི་ངོ་རྒོལ་བྱེད་པ་པོ་གྲྭ་བཙུན་མང་པོ་བྱུང་ཡོད་པ་ནི་བསྟན་པ་ཉག་ཅིག་ཡིད་ལ་བརྣག་པའི་དབང་གིས་ཡིན་པ་སྨྲོས་མ་དགོས།
དེ་ལས་མང་བ་། “ཆོས་དོན་ལས་ཁུངས་ཀྱི་གསལ་བསྒྲགས། བཀའ་ཤག་གི་གཏམ་བཤད།” »
གོང་གསལ་གྱི་པར་འདི་རྒྱག་མཁན་ནི་ Jeremy Hoganཡིན། ——————————————————– ༧རྒྱལ་དབང་སྐུ་ཕྲེང་བཅུ་གསུམ་པས་ངོས་འཛིན་གནང་བའི་སྤྲུལ་སྐུའི་ཁོངས་ཀྱི་གཅིག་ནི་ལྟག་མཚེར་རིན་པོ་ཆེ་ཐུབ་བསྟན་འཇིགས་མེད་ནོར་བུ་མཆོག་ཡིན་པ་དང་། ཁོང་དགུང་གྲངས་གྱ་བདུན་དུ་ཕེབས་པ་ ༢༠༠༨ ལོའི་ཟླ་དགུ་པའི་ཚེས་ ༥ ཉིན་གྱི་ཉིན་རྒྱབ་ཆུ་ཚོད་གཉིས་དང་ཕྱེད་ཀ་ཙམ་ལ་ ཨ་མི་རི་ཀའི་མངའ་སྡེ་ཨིན་ཌི་ཡཱ་ནའི་ཁོངས་སུ་ཡོད་པའི་སྐུ་འབུམ་བྱམས་བརྩེ་གླིང་གི་ རང་གི་བཞུགས་ཤག་ཏུ་དགོངས་པ་ཞི་དབྱིངས་སུ་གཤེགས་པའི་ཚུལ་བསྟན་པ་རེད། དེ་ནས་ཚེས་ ༡༠ ཉིན་དད་ལྡན་མི་མང་གིས་སྐུ་གདུང་ལ་མཆོད་མཇལ་ཞུས་པ་དང་།…
འཕོ་འགྱུར་དང་གདམ་ཀ་གལ་ཆེན་ཞིག སྤྱི་ལོ་ ༢༠༡༡ ལོའི་བཀའ་བློན་ཁྲི་བ་འོས་འདེམས། བཀའ་བློན་ཁྲི་བ་ལས་ཐོག་པ་མཁས་དབང་ཟམ་གདོང་རིན་པོ་ཆེ། བཙན་བྱོལ་བོད་གཞུང་གི་སྲིད་བློན་མཆོག་གི་མཛད་འགན་སྤྱི་ལོ་༢༠༡༡ ལོའི་ཟླ་ ༨ པར་མཇུག་རྫོགས་རྒྱུར་ད་དུང་ལོ་ཤས་ཀྱི་དུས་ཚོད་ཡོད་མོད་ཀྱང༌། དེ་ཡི་རྗེས་སུ་ང་ཚོས་བཀའ་བློན་ཁྲི་བའི་འོས་གཞི་ཞིག་འདེམས་འཚོལ་འགོ་འཛུགས་བྱ་རྒྱུའི་དུས་སྐབས་ཆེས་རྩ་ཆེན་ཞིག་ཡིན། ད་ལྟ་ང་ཚོར་རླབས་ཆེ་བའི་དབུ་ཁྲིད་ཅིག་འཚོལ་རྒྱུའི་དུས་ཡུན་ལོ་གསུམ་ཡོད། བཀའ་བློན་ཁྲི་བའི་འོས་མི་གསར་བ་ཞིག་འཚོལ་རྒྱུར་དུས་ཡུན་འགྱང་པ་ཡིན་ན་ང་ཚོས་འགན་མ་འཁུར་བའི་མཚོན་རྟགས་ཤིག་རེད་ལ། དེ་ལས་དུས་ཡུན་རིང་པོར་འགྱང་ན་ཆག་སྒོ་ཆེན་པོ་ཞིག་ཏུ་ཚུད་ངེས་རེད་སྙམ། བཀའ་བློན་ཁྲི་བ་རྗེས་མ་དེའི་ལས་ཡུན་ལོ་ལྔར་ཐུགས་གཏན་འཁེལ་ཡོད་པས། དུས་ཡུན་དེ་ནི་ཆེས་གནད་འགག་ཅན་གྱི་དུས་སྐབས་ཤིག་རེད།…
མདའ་ཚན་པ། དེ་རིང་གཟའ་ཉི་མའི་ཞོགས་པར། ཨ་ཕ་དང་བཟའ་ཟླ། ཁོ་རང་གི་ལོ་བཅུ་གསུམ་དང་ལོ་གསུམ་ལོན་པའི་བུ་གཉིས་བཅས་ཀྱིས་ནམ་རྒྱུན་བཞིན་ཅོགཙེའི་མཐའ་བསྐོར་ཏེ་ཞོགས་ཇ་ཟ་བཞིན་ཁ་བརྡ་བྱེད་བཞིན་འདུག དེ་རིང་གི་ཁ་རྡ་ནི་ནམ་རྒྱུན་དང་མི་འདྲ་བར་ཨ་ཕ་ཤི་རྗེས་དུར་ལས་ཇི་ལྟར་བྱེད་རྒྱུའི་སྐོར་རེད། ཨ་ཕས་བཤད་རྒྱུར། ཉིན་ཞིག་ལ་ཨ་ཕ་ཤི་འགྲོ་གི་རེད། ནམ་ཞིག་ལ་ཤི་རྒྱུ་ཡིན་པ་སུས་ཀྱང་ཤེས་དཀའ། ཨ་ཕ་ཤི་དུས་ན་རོ་མེ་ལ་བསྲེག་མི་དགོས། ཨ་ཕ་ལ་གནམ་རྒན་མའི་ཞལ་ངོར་དུ་བས་བདུག་འདོད་མེད། ཨ་ཕ་ལ་རང་བྱུང་གི་མཁའ་རླུང་རྗས་ཀྱིས་སྦག་འདོད་མེད། ཨ་ཕ་ལ་མི་མངོན་པའི་རྣམ་ཤེས་ཚོགས་གསུར་དྲིས་བསུན་པ་བསྐུར་འདོད་མེད། ཉིན་ཞིག་ལ་ཨ་ཕ་ཤི་འགྲོ་གི་རེད། ནམ་ཞིག་ལ་ཤི་རྒྱུ་ཡིན་པ་སུས་ཀྱང་ཤེས་དཀའ། ཨ་ཕ་ཤི་དུས་ན་རོ་དུར་ལ་སྦས་མི་དགོས།…
བསྟན་འཛིན། འདིར་བསམ་ཚུལ་དང་དོན་དངོས་སྐོར་ལ་རྩོམ་ཡིག་གཅིག་མཐོང་བྱུང་། རྩོམ་དེའི་འོག་ལ་བསམ་ཚུལ་ཤོད་མཁན་ཡང་མང་པོ་འདུག འདི་ནི་དངོས་གནས་ཕན་པ་ཡོད་པའི་རྩོམ་གཞི་ཞིག་རེད་སྙམ་ནས་འདིར་དྭོགས་པ་ཁ་ཤས་བཀོད་ཡོད་པའི་ཁྱེད་རྣམ་པའི་བཀའ་སློབ་ཡོད་པ་ཞུ། བོད་ཀྱི་ལོ་རྒྱུས་ནང་གླང་དར་མ་ཡི་མགོ་ལ་རྭ་ཅོ་ཡོད་ཟེར། འདི་བསམ་ཚུལ་རས་དོན་དངོས་རས། བོད་མིའི་བཤད་སྲོལ་ལ་མི་ཤི་སོང་ན་རྣམ་ཤེས་ད་དུང་གནས་ནས་ལུས་གཞན་བསྒྲུབ་པར་བྱེད་ཟེར། འདི་ལ་སྐྱེ་བ་ཟེར་ཞིང་མི་མང་ཆེ་བས་ཡིད་ཆེས་བྱེད་བཞིན་འདུག འདི་བསམ་ཚུལ་རས་དོན་དངོས་རས། ད་དུང་བོད་མིའི་ངག་རྒྱུན་ལ་ཤམ་བྷ་ལ་ཟེར་བའི་རྒྱལ་ཁབ་ཤིག་ཡོད་ཅིང་། རྣམ་ཤེས་དག་པ་དང་རྟོགས་པ་མཐོ་བ་རྣམས་དེར་སྐྱེས་ཐུབ་ཟེར་ནས་དུས་འཁོར་དབང་ཆེན་སོགས་ཞུ། འདི་བསམ་ཚུལ་ལ་གཏོགས་སམ་ཡང་ན་དོན་དངོས་ལ་གཏོགས།
དེ་རིང་དྲ་རྒྱའི་ནང་འཁོད་པའི་གནས་ཚུལ་ཁག་ལྟར་ན། ༧རྒྱལ་བ་རིན་པོ་ཆེ་ཚང་སྐུ་ཁམས་བདེ་མིན་གྱིས་རྒྱ་གར་མུམ་བྷེའི་སྨན་ཁང་ཞིག་ཏུ་ཉིན་བཞིའི་རིང་བཞུགས་མོད། ད་ཆ་དྲག་སྐྱེད་ཀྱིས་སང་ཉིན་རེས་གཟའ་ཟླ་བ་ཉིན་སྨན་ཁང་ནས་ཕེབས་ཐོན་གནང་གི་ཡོད་པའི་གཏམ་བཟང་གི་གནས་ཚུལ་འདུག
ཉི་མ་ལྔའི་རིང་མི་དང་ཐུག་ཕྲད་མེད་ལ་གློག་ཀླད་དང་ཁ་པར་ལ་ལག་པ་མ་འཆང་བར་ནང་ལ་འཛུལ་ནས་སེམས་པ་ལྷོད་ལྷོད་བྱས་ཏེ་བསྡད་པས་དངོས་གནས་འཇིག་རྟེན་གཞན་ཞིག་ཏུ་བསླེབས་པ་ལྟ་བུ་བྱུང་། ཡིན་ན་ཡང་། ད་ལྟ་གཞི་ནས་གློག་ཀླད་ཀྱི་སྒོ་ཕྱེ་དུས། དྲ་གྲོགས་ཚོ་དང་ཁ་བརྡ་གཉིས་ཀ་མཉམ་དུ་དགའ་རབ་ཅིག་ཇེ་བཙན་དུ་སོང་འདུག དེ་ནས་དུས་བབ་ལ་ཅིག་བལྟས་པ་ན། ཉིན་འགའི་སྔོན་གོང་ས་མཆོག་སྐུ་ཁམས་ཅུང་མ་བདེ་བར་སྨན་ཁང་དུ་ཕེབས་ཚུལ་འདུག་པས། རང་དབང་མེད་པར་ཁོང་འདར་ཞིག་ཤོར། ཡིད་བཞིན་ནོར་བུ་སྐུ་ཚེ་བརྟན་པར་སྨོན། དེ་ནས་རྒྱ་མི་ཞིག་གིས་བྲིས་པའི་གོང་ས་ཏྰ་ལའི་བླ་མ་མཆོག་གི་སྙན་དྲུང་དུ་ཞེས་པ་དེ་ཀློག་ཞོར་དང་ངུ་ཞོར་བྱས། གལ་སྲིད་རྒྱ་རྒན་འདི་ཚོ་རྩོམ་ཡིག་འདི་འབྲི་མཁན་ལྟ་བུ་རེ་ཡིན་ན་བོད་ལ་རང་སྲིད་རང་སྐྱོང་སང་ཉིན་རང་འཐོབ་རྒྱུ་ངེས་ཅན་རེད། ཅིའི་ཕྱིར་རྒྱ་མི་འདི་ཚོ་ཀྲུའུ་རིའུ་ལྟ་བུའི་བོད་མིའི་སེམས་ཁོང་གི་སྡུག་བསྔལ་ཚོར་ཐུབ་མཁན་ཞིག་མིན་པ་རེད། གལ་སྲིད་རྒྱ་མི་མང་པོ་ཞིག་ཀྲུའུ་རིའུ་ལྟ་བུ་ཞིག་ཡིན་ན་ཡང་དེ་དག་ལས་སུ་ཞིག་གིས་རང་ཉིད་ཀྱི་འཚོ་གནས་བློས་བཏང་སྟེ་སྤུན་ཟླ་མི་རིགས་ཀྱི་བདེ་སྡུག་གོ་ཤེས་མེད་པའི་སྲིད་གཞུང་ཞིག་ལ་བརྗོད་ཀྱི་རེད། འདི་ལ་ངོ་མ་ཀློག་རིན་འདུག རྒྱ་མོ་སི་ཕི་རིན་ཞེས་པ་ཞིག་གིས་ས་གནས་འདིའི་བོད་པ་ཚོ་དང་རྒྱ་རྒན་འགའ་མཉམ་དུ་བསྡུས་ནས་བོད་རྒྱའི་གྲོས་མོལ་ཞིག་བྱེད་རྩིས་འདུག་པས། རྒྱ་རྒན་དེ་ཚོའི་ཁྲོད་དུ་ཡང་གོང་གི་ཀྲུའུ་རིའུ་ལྟ་བུ་རེ་ཡོད་ན་མ་མཐའ་ཡང་ཕན་ཚུན་གོ་བརྡ་འཕྲོད་ཙམ་ཞིག་ཡོང་གི་རེད།…
སྤྱི་ཟླ་བརྒྱད་པའི་ཚེས་༢༩ཉིན་སྐུ་སྒེར་ཡིག་ཚང་གིས་གསར་འགོད་གསལ་བཤད་ཤིག་སྤེལ་འདུག འདིའི་ནང་། གོང་ས་མཆོག་མོམ་སྦི་ཡི་སྨན་ཁང་ཞིག་ལ་བརྟག་དཔྱད་གནང་བར་ཕེབས། སྨན་པས་བརྗོད་དོན་ལ། སྐུ་ཐང་ཆད་པ་ལས་དེ་མིན་གྱི་ནད་ཅི་ཡང་མིན་འདུག་ཅེས་གསལ་བཤད་བྱས་འདུག ༧གོང་ས་༧མཆོག་སང་ཉིན་ཚེས་༣༠ཉིན་བོད་མི་ཀུན་དང་མཉམ་དུ་ཆུ་ཚོད་༡༢རིང་སྙུང་གནས་ལ་ཞུགས་ནས་བོད་མིའི་ཆེད་སྨོན་ལམ་དང་བསྔོ་བ་གནང་རྒྱུ་རེད་འདུག གསལ་བཤད་ཞིབ་ཕྲ་དབྱིན་ཡིག་ནང་འཁོད་པ་འདི་གཤམ་ལ་བཀོད་ཡོད།
བོད་འབྱོར་གནས་ཚུལ།
བོད་མདོ་སྨད་མགོ་ལོག་ཨ་སྐྱོངས་ཁང་སར་སྨིན་ཐང་ཡུལ་ཚོ་༼ཤང་།༽ལ་མཚོན་ན། ཕྱི་ལོ་༡༩༥༨ལོར་མགོ་ལོག་ཁ་གསུམ་གྱི་ནང་ནས་དང་པོ། ཁྲ་ཤུལ་བསོ་མོ་དང་། ཕ་ཚེ་ཐར་གཉིས་གྱིས་དམག་དཔོན་མཛད་དེ་རྒྱ་དམག་ལ་འཐབ་འཛིང་བྱས་ནས་རྒྱ་དམག་གསུམ་བསད་ཅིང་། རྫོང་མདའ་ཆེ་བ་ཞིག་དང་མེ་མདའ་གསུམ་བླང་བ་རེད། ཐེངས་གཉིས་པ་སྐོང་གསེར་ནས་དམག་དཔོན་ཧོར་ཤེར་བཟང་དང་། མགོ་ལོག་དཀོན་མཆོག་སྐྱབས། ཐང་བ་བསོ་པོ་སོགས་ཀྱིས་གཅེས་སྲོག་བཏང་ཞིང་ཁང་སར་དམག་མང་ཡོངས་ཀྱིས། རྒྱ་དམག་སུམ་རྒྱ་ཙམ་དམར་གསོད་བྱས་པའི་མཐར་མང་སྣེ་ཉུང་གིས་མ་བརྟེན་པར་རྒྱ་དམག་གིས་བོད་མི་༨༠ ཙམ་འཛིན་བཟུང་བྱས་པའི་ནང་ནང་ཕར་ཆེར་མུ་གེས་ཤི ཁྲ་བསོ་དང་ཕ་ཚེ་སོགས་མི་བཅུ་མ་གཏོགས་རང་ཡུལ་ལ་མ་ཐོན། ཕྱི་ལོ་༡༩༦༨ལོར་དོམ་ཙ་བླ་མ་རྡོར་ལོ་དང་། ཁྲོ་ཤུལ་བློ་རྣམ། ཁྲ་ཤུལ་བསོ་མོ། ཕ་ཚེ་ཐར་སོགས་གྱིས་བོད་མིའི་བདེ་སྡུག་གི་ཆེད་དུ་གཅེས་སྲོག་བཏང་། ཤུལ་དུ་ལྷག་པ་གཙང་སྐོར་གྲུབ་ཆེན་ཨོ་རྒྱན་རིག་འཛིན། སྤྲུལ་བསྟན་པའི་དབང་ཕྱུག་གཉིས་ཚེ་བཙོན་བྱས། ཧོར་བསམ་རྒྱམ་དང་། མགོ་ཚེ་མ་གཉིས་ལ་ལོ་ ༡༥ ཁྲིམས་ཐག་བཅད། གཞན་ཡང་ཁྲིམས་པ་ལྔ་དྲུག་ཙམ་ཡོད།
ཕྱི་ལོ་ ༢༠༠༨ ཟླ་༣པའི་ཚེས་ ༡༤ ཉིན་བོད་ལྗོངས་ལྷ་ས་གྲོང་ཁྱེར་ནས་ཞི་བའི་ཡར་ལང་བྱས། ཚེས་ ༡༦ ཉིན་རྔ་བ་རྫོང་ནས་ཡར་ལང་བྱས་ཤིང་མི་ ༢༠ ལྷག་དམར་གསོད་བྱས། མི་མང་པོ་ཁྲིམས་ཁང་དུ་བཅུག་ནས་རྡུང་རྡེག་དྲག་པོ་བྱས་ཏེ་བསད་པ་ཡང་བཅུ་ཕྲག་ཙམ་ཡོད་ཟེར། དེ་མིན་ཁྲིམས་ཐག་བཅད་པ་ཡང་མང་པོ་ཡོད་ཀྱང་མིང་ད་དུང་གསལ་བོར་ཤེས་མེད། ཚེས་ ༡༧ ཉིན་གྱི་ཆུ་ཚོད་དྲུག་གི་སྟེང་མགོ་ལོག་གཅིག་སྒྲིལ་རྫོང་གི་སོག་རུའི་ཨ་ཏི་གཟའ་ཟླ་མགོ་གཙོ་བྱས་ཏེ། སྨིན་ཐང་ཁྲ་ཤུལ་ཆོས་མཛོད། ཁྲ་ཤུལ་དོན་ཡོད། ཁྲ་ཤུལ་དཔལ་འབྱོར། ལམ་སྐོར་ཕུར་ཐར། མགོ་ལོག་ལེ་ཚོགས། དགེས་སྐོར་བློ་བཟང་། འདོད་ལྷ། ཝ་འགྲོ་འདུལ། གླིང་ཆོས་གྲགས། གླིང་བློ་བཟང༌། གླིང་འཇམ་དབྱངས། ཆོ་རྗེ་དཀོན་མཆོག་སོགས་མི་གསུམ། ཁང་སར་རིག་འཛིན། དྲག་རས། གླུ་བ་རྟ་མགྲིན་ཕ་བུ་སོགས་ཀྱིས་ཡར་ལང་བྱས་ནས་ཉེན་རྟོགས་པའི་རླངས་འཁོར་གཉིས་བཅག་ཅིང་། ལམ་གྱི་བཞི་མདོའི་ཉེན་རྟོགས་པའི་ཁང་ཆུང་མེར་བསྲེགས་བཏང་། དེའི་ཕྱི་དྲོ་ཚོད་བདུན་པའི་སྟེང་སྨིན་ཐང་ཡུལ་ཚོའི་༼ཤང་།༽ན་གཞོན་འགས་མགོ་འཛིན་བྱས་ནས། ཧི་ར་ཤེས་རབ་དང་། ཁྲ་ལིའི་གཡང་སྒྲུབ། ལམ་སྐོར་བློ་གྲོས། ཕ་བསྟན་འཛིན་མགོན་པོ། མགོ་ལོག་སྒྲོན་ཚེ། ཁྲ་ཤུལ་བདེ་ལེགས། འཇུ་སྐུ་གསུམ། དམེ་སྐྱ་པེ། ཁྲ་ཤུལ་བག་རྩེ། ཆོས་སྐོར་མགོན་པོ་སྐྱབས། ཁྲ་ལུའི་གསེར་ཐུབ། ལམ་སྐོར་སྐལ་ལྡན། ཁྲ་ལུའི་ཡར་འཕེལ། ཁྲ་ལུའི་འགྲོ་དོན། ཁྲ་ལུའི་བློ་བཟང༌། ཆོས་སྐོར་བློ་བསམ། ཨེ་འུ་པད་མགོན། ཨེ་འུ་རས་ཆུང༌། ལམ་གོང་ཡོང་འགྲུབ། ཤ་བསམ་འགྲུབ། མཆུག་ཨོ་རྒྱན་དང་དབང་སྟོབ། མཆུག་ཡོང་འདུས་སྐྱབས། ཨ་རིག་བསོད་ནམས་རྡོ་རྗེ། ཧི་ར་འཛམ་གླིང་དང་ལྷས་གསར། དམེ་མགོན་ནེ། དགོ་ནང་ཟླ་བ། སྒོ་ནང་རྡོར་པེ། ལམ་གོང་ཐེག་མཆོག བུར་བཟའ་མུ་ནུ། ཆོས་སྐོར་རྒྱ་མཚོ། ཤ་ཚོས་རས། གླིང་ཀུར་པེ། ཧི་ར་དོན་སྟོབ། གཡག་གཡུལ་རྒྱལ། རྔ་བ་ཨ་གར། རྔ་བ་གཏེར་པོ་རྣམས་ཀྱིས་ཁྲོམ་སྐོར་བྱས་ནས་ཡུལ་ཚོའི་ཉེན་རྟོགས་ཁང་བ་མེ་ལ་བསྲེག་ཅིང་། རྒྱའི་དར་དམར་མར་ཕབ་ནས་ཁྲ་ལིའི་གཡང་སྒྲུབ་ཀྱིས་བོད་གྱི་རྒྱལ་དར་ཡར་བསྒྲེངས།
ཀླུ་འབུམ་བཀྲིས། ཉེ་བའི་ནང་བོད་ནང་ཟིན་བྲིས་བོར་སོང་བ་མང་པོ་བྱུང་ཡོད་པ་མ་ཟད་མི་བུ་རང་ཉིད་བོར་སོང་བ་ཡང་མི་ཉུང་བ་ཡོད་པ་ངོ་མ་གྱོང་ཁུལ་ཆེན་པོ་རེད་ཟེར། བོད་ནས་གྲོགས་པོ་ཞིག་གིས་བཤད་རྒྱུར། ད་ལྟ་དགོན་པོ་སོ་སོ་ནས་གྲྭ་མང་པོ་བོར་ནས་ཟླ་རེ་གཉིས་ནང་ད་དུང་གར་སོང་མི་གོ་གི ཉེ་ལམ་མདོ་སྨད་སྐུ་འབུམ་དགོན་པའི་གྲྭ་བ་ཁྲི་སྐལ་བཟང་བརྩོན་འགྲུས་དང་དཀོན་མཆོག་བསམ་གཏན་(མི་ཁོམ་པའི་རྒྱལ་སྲས་)མདོ་སྨད་དཀའ་སྦྱིན(སྦྱིན་པ་རྒྱ་མཚོ)བློ་བཟང་ཚེ་རིང་སོགས་མི་བཞི་སྤྱི་ཟླ་༤པའི་༡༦ནས་༥བའི་༡༥བར་ཟླ་གཅིག་གི་རིང་ལ་གར་སོང་མ་ཤེས་ཟིག རྗེས་སུ་དགོན་པའི་གྲྭ་བ་དག་གིས་དགོན་བདག་སོགས་ལ་རེ་བ་ཡང་ཡང་ཞུས་ཏེ་ཁོ་ཚོས་གོང་རིམ་ལ་ཞུ་བ་ཡང་ཡང་ཞུས་མཐར་ཟླ་༥བའི་༡༥ཉིན་གང་ཡིན་མ་ཤེས་བར་གློད་གྲོལ་བཏང་ཡོད་ནའང་ ཡིད་སྐྱོ་བ་ཞིག་ལ་ཁོ་ཚོས་མི་འདོད་པའི་དངོས་པོ་དག་གཞུང་བཞེས་གནང་བ་མ་ཟད་གྲྭ་རྐྱང་གི་ཆ་རྐྱེན་ལ་མ་ལྟོས་པར་ཁྲི་སྐལ་བརྩོན་གྱི་གདན་འོག་ནས་དམངས་སྒོར་སྟོང་དྲུག་ལྷག་གི་ནང་ནས་སྒོར་༢༨༠༠དང་སྒོར་ཁུག་ཏུ་སྒོར་བདུན་བརྒྱ་ཡས་མས་ཡོད་པའི་ནང་ནས་སྒོར་༢༡༠མ་གཏོགས་ཕྱིར་སྤྲད་མེད་པའི་གནས་ཚུལ་བཤད་བྱུང་།
ལྷ་ལུང་རྒྱལ།
རིགས་ཚུལ་གློག་གི་འདྲིས་མཐུན་སློབ་གྲོགས་ཚོ་བསྐྱུར་ཅིང༌།།
ཤེས་བྱའི་འོ་མ་འཐུང་མཚམས་ཕོར་ཁ་རུ་བཞག་ལ།།
རབ་མཛེས་སློབ་གྲྭའི་མཛའ་གཅུགས་ཡིད་མཐུན་མར་བྲལ་ནས།།
མི་གཅིག་གླིང་ལ་རི་ཆུས་བསྐལ་བ་འདི་ཅིས་ལན།།
འདུ་འབྲལ་སྒྱུ་མའི་རོལ་སྒེག་འཇའ་འོད་ཀྱི་ཕྱོགས་ལ།།
སྐྱོ་དགས་འཐམ་འཁྱུད་རེ་བའི་འབྲས་བུ་དེ་དབེན་ཡང༌།།
མི་སྐྱིད་དངན་པའི་རླུང་བུ་བྱང་ཁོག་ཏུ་ལྡིང་བ།།
ཕྱི་དབུགས་ལ་འདྲེས་གོ་ལར་འཁོར་བསྐྱོད་ཅིག་བྱས་སོང༌།།
དེ་ལས་མང་བ་། “བཤད་འདོད་པའི་སྐད་ཆ་འདི་ཡིན།༼སློབ་བུ་ཆོས་འབྱོར་ལ་བྲིས་པ།༽” »