མདའ་ཚན་པ་ལགས། དང་པོ་བོད་ཡིག་གསར་བཅོས་ཀྱི་ཡིག་ཆ་དེའི་གནས་ཚུལ་ཁུངས་ལྡན་རེ་ཐོབ་སོང་། ཡིག་ ཆ་དེའི་བསྡུས་མིང་ལ་”ཟིན་བྲིས་གནད་བསྡུས།” དང་མིང་ཆ་ཚང་ལ་ “མའོ་ཀྲུའུ་ཞིའི་གསུང་རྩོམ་བོད་ཡིག་པར་སྐྲུན་དང་ཡིག་སྒྱུར་བྱ་བའི་མའོ་ཙེ་ ཏུང་དགོངས་པ་སློབ་སྦྱོང་འཛིན་གྲྭའི་གྲོས་བསྡུར་ཟིན་བྲིས་གནད་བསྡུས།”ཟེར་ གྱི་འདུག ཡིག་ཆ་འདི་ནི་ ༡༩༦༩ ལོའི་ཟླ་བདུན་པའི་ནང་ལ་མི་རིགས་དཔེ་སྐྲུན་ཁང་གི་ལས་བྱེད་སྐོར་ཞིག་གིས་གྲོས་གཞིན་བཏོན་པ་དང་། སྐབས་དེར་པེ་ཅིན་ན་ཡོད་པའི་བོད་ཡིག་གི་བྱ་བ་བྱེད་མཁན་སྐོར་ཞིག་མཉམ་འཛོམས་ཀྱིས་ཡིག་ཆ་འདི་གཏན་ལ་ཕབ་པ་རེད་ཟེར། ཡིག་ཆ་འདིས་བོད་ཡིག་ལ་ཚིག་ཕྲད་༦༤ཡོད་པ་ལས་༣༥ མི་དགོས་པ་བྱས་པ་རེད་ཟེར། ཡིག་ཆ་ངོ་མ་དེ་ད་བར་དུ་ལག་ལ་མ་ཡོང་ཐལ།…

དེ་ལས་མང་བ་། “མདའ་ལན་༣པ།” »

རྒྱ་ནག་གི་གནའ་རབས་ལོ་རྒྱུས་ཁྲོད་རྒྱ་གར་དུ་ཕེབས་པའི་རྒྱའི་ཧ་ཤང་མཚན་སྙན་ཆེ་བ་གསུམ་ཡོད་པའི་ཡ་གྱལ་དང༌།དེ་གསུམ་ལས་ཀྱང་ཐོག་མར་འཕགས་ཡུལ་དུ་ཕེབས་མཁན་ཧཕ་ཤཱན་ནམ་བོད་སྐད་དུ་བན་ཆེན་པོ་ཆོས་སྣང་དང་ཐོས་བཟུང་ཞེས་གྲགས་པའི་བཙུན་པ་ཁོང་ཕྱི་ལོ་༣༣༥ལོར་ཅིན་ཤར་མའི་རྒྱལ་པོ་གསུམ་པ་ཁྲན་ཏིས་ཀྱི་སྐབས་སུ་ཁོའི་མངའ་ཁོངས་ཤན་ཤིའི་ས་ཁུལ་དུ་འཁྲུངས་ཤིང༌།ཡུལ་སྲོལ་དང་མཐུན་པའི་སློབ་སྦྱོང་རིམ་པར་མཛད་རྗེས་ནང་བསྟན་ཆོས་ལུགས་ལ་དད་ཞེན་བླ་ལྷག་ཏུ་ཆེ་ཁར།རང་སྲོག་ཀྱང་ཆོས་ཀྱི་དོན་གཏོང་ཐུབ་པའི་སྐྱེས་བུ་དམ་པར་གྱུར།གོང་ཞུས་བཞིན་ཁོང་སངས་རྒྱས་ཆོས་ལུགས་ལ་དད་གུས་ཚད་མེད་བྱེད་པའི་དགེ་འདུན་པ་ཞིག་ཡིན་སྟབས་སྤྱིར་རྒྱ་ཡུལ་དུ་རྒྱལ་བསྟན་དར་སྤེལ་ཆེད་ཁུར་བརྩོན་གནང་མུས་ཁར།ལྷག་པར་འདུལ་པའི་བསྟན་པ་ཉམས་དམས་སུ་སོང་བར་དགོངས་ནས།རང་ཉིད་ནང་བསྟན་ཆོས་ལུགས་ཀྱི་བསྟན་པ་དང་སྟོན་པའི་ཕ་ཡུལ་ལམ་འབྱུང་ཁུངས་ལྟ་བུའི་འཕགས་ཡུལ་དུ་ཕེབས་འདོད་ཀྱི་ཀུན་སློང་ཆེན་པོ་བྱུང་སྟབས།དགུང་ལོ་དྲུག་ཅུ་རེ་ལྔ་པ་ཕྱི་ལོ་༣༩༩ཅིན་ཤར་མའི་རྒྱལ་རབས་བཅུ་པ་ཨན་ཏིས་ཀྱི་ཁྲི་ལོ་གཉིས་པར་ལམ་གྲོགས་ཁག་གཅིག་དང་ལྷན་དུ་ཁྲང་ཨན་ནས་ལམ་ལ་ཆས་མགོ་བརྩམས་ཏེ་ཤིས་ཨན་དང༌།ལུང༌།ལན་ཆོ།ཅང་ཡེ།ཏུན་ཧུང༌།ལོབ་ནོར།ཤེན་ཤེན།ཁོ་ཏན་སོགས་དབུས་ཨེ་ཤ་ཡའི་ས་ཁུལ་རྣམས་ཞབས་ཐང་གིས་རིམ་བཞིན་བརྒལ་བགྲོད་གནང་ནས་ཕྱི་ལོ་༤༠༢ལོར་རྒྱ་གར་ནུབ་བྱང་གི་ས་གནས་ཨུ་རྒྱན་དང༌།པས་ཤ་ཝར་བཅས་སུ་འབྱོར།པས་ཤ་ཝར་ནི་སེམས་ཙམ་པའི་སློབ་དཔོན་ཐོགས་མེད་སྐུ་མཆེད་དང་དགེ་སློང་རྩིབ་ལོགས་ཀྱི་འཁྲུངས་ཡུལ་ཡང་ཡིན།དེ་ནས་མུ་མཐུད་ཁོང་སྙན་གྲགས་ཅན་གྱི་སློབ་གཉེར་ལྟེ་གནས་དང་སངས་རྒྱས་བཅོམ་ལྡན་འདས་ཀྱི་སྐུ་ཚེ་དང་འབྲེལ་པ་ཡོད་པའི་ས་གནས་སེར་སྐྱའི་གྲོང་ཁྱེར་དང༌།མཉན་ཡོད།ལུམ་བི་ནི།རྩ་མཆོག་གྲོང༌།ཡངས་པ་ཅན།རྡོ་རྗེ་གདན།ནལེནྡཱ་སོགས་སུ་ཕེབས་ཤིང་རྒྱ་གར་ནང་བཞུགས་རིང་དེང་དུས་པཊ་ན་ཞེས་པའི་གྲོང་ཁྱེར་དེ་བཞུགས་གནས་གཙོ་བོ་མཛད།ས་གནས་དེ་ཉིད་ནང་པའི་ལོ་རྒྱུས་ནང་གྲགས་པའི་བཀའ་བསྡུ་གསུམ་པ་ཚུགས་ས་ཡང་ཡིན།ཧཕ་ཤཱན་གྱིས་གནའ་སྔ་མོའི་སཾསྐྲྀཏའི་སྐད་ཡིག་ཐོག་གི་ནང་ཆོས་ཀྱི་མདོ་སྡེ་དང་དམིགས་བསལ་དགེ་འདུན་པའི་འདུལ་ཁྲིམས་སྐོར་ཞིབ་ཚགས་ཀྱིས་སློབ་གཉེར་བྱས།ཁོང་གིས་རྒྱ་གར་ནས་སློབ་གཉེར་གྲུབ་མཚམས་ཤྲི་ལངྒར་ལོ་གཉིས་བཞུགས་སྟེ་མུ་མཐུད་སློབ་གཉེར་གནང་མཐར་རྒྱ་མཚོ་བརྒྱུད་དེ་རྒྱ་ནག་ལ་ཕེབས།སློབ་དཔོན་ཁོང་དང་ཐོག་རྒྱ་གར་དུ་ཕེབས་སྐབས་ཟླ་བོ་བཞི་བཅས་བྱོན་ན་ཡང་རེ་འགའ་ལམ་ནས་སྐུ་གཤེགས་པ་དང༌།རེ་འགའ་ལམ་བར་ནས་ཕྱིར་ལོགད་དུང་ཟླ་བོ་གཅིག་རྒྱ་གར་ནས་ཆོས་ཀྱིས་ཡིད་འཕྲོག་སྟེ་རྒྱ་གར་རང་ནས་སྐྱེ་བ་ནས་སྐྱེ་བར་ཚོགས་གསོག་སྒྲིབ་སྦྱོང་གིས་སངས་རྒྱས་ཀྱི་གོ་འཕང་མངོན་དུ་བྱེད་པའི་དམ་བཅས་ཏེ་བཞུགས་པ་སོགས་བྱུང་སྟབས་རྗེས་སུ་ཡུལ་དབུས་མ་ག་དྷཱ་སོགས་སུ་ཁོང་གཅིག་པུར་ཕེབས་ཐོགམཐར་རྒྱ་ཡུལ་དུ་ཕེབས་སྐབས་ཀྱང་མཚོ་གྲུའི་ནང་ཁོང་དང་མཉམ་དུ་འགྲོ་མཁན་ཡོད་ཙམ་ཞིག་ལས།བློ་གཏད་ཡིད་ཆེས་བྱེད་སའི་ལམ་གྲོགས་མེད་ཁར།ད་དུང་ཁོང་གིས་ཅ་ལག་དང་ཆོས་དཔེ་གང་མང་བསྣམས་ཡོད་སྟབས་ལམ་གྲོགས་ཚོང་པ་ཚོའི་གནོན་ཤུགས་ལ་བརྟེན་ནས་ཁོང་གི་ཆོས་དཔེ་སྲུང་སྐྱོབ་ཆེད་ཅ་ལག་མང་པོ་ཆུར་གཡུགས་དགོས་བྱུང་བ་མ་ཟད།ཐེངས་གཅིག་ལམ་གྲོགས་ཚོས་ཁོང་རང་གྲུ་ནས་ཕབ་རྩིས་བྱས་པ་སོགས་དཀའ་ཁག་གང་མང་འཕྲད་རྗེས་གཞི་ནས་རང་ཡུལ་དུ་སླེབས་ཐུབ་པ་བྱུང་ཡོད།ཁོང་དཀའ་སྤྱད་སྡུག་རུས་དེ་ལྟ་བུ་ཞིག་གི་སྒོ་ནས་འཕགས་ཡུལ་དུ་ཕེབས་ཏེ་སངས་རྒྱས་ཆོས་ལུགས་ལ་མཚོན་ན་ཧ་ཅང་གལ་འགངས་ཆེ་བའི་མདོ་གང་མང་དང༌།ཕལ་ཆེན་སྡེའི་འདུལ་བ་སོགས་ཆོས་མང་པོ་རྒྱ་ཡུལ་དུ་གདན་དྲངས་ནས།ཕྱི་ལོ་༤༡༦དགུང་ལོ་གྱ་གཉིས་སྟེང་ཕྱིར་རྒྱ་ཡུལ་དུ་ཕེབས།སྐུ་ཚེ་ལྷག་མར་རྒྱ་ཡུལ་རང་དུ་བཞུགས་ཏེ་དེ་སྔ་འཕགས་ཡུལ་ནས་བཀའ་བསྟན་ཇི་སྙེད་ཅིག་འཚོལ་སྒྲུབ་བྱས་པ་རྣམས་རྒྱ་སྐད་དུ་བསྒྱུར།ཁོང་གི་གནས་སྐོར་འགྲིམ་འགྲུལ་གྱི་བརྗེད་ཐོའི་ནང་རྒྱ་གར་གྱི་ནང་པའི་འགྲེལ་བརྗོད་ཆེས་གལ་འགངས་ཆེན་པོ་དེ་འདྲ་ཡོད་པར་མ་ཟད།ཁོང་གི་འགྲིམ་འགྲུལ་གྱི་དཀའ་ཁག་དང་འཇིགས་སྣང་བཅས་ཀྱི་སྐོར་ཞིབ་ཀློག་བྱས་ཚེ་སེམས་འགུལ་ཟབ་མོ་ཐེབས་བྱེད་ཇི་སྙེད་ཅིག་ཡོད།གང་ལྟར་ཁོང་དགུང་ལོ་བརྒྱད་བཅུ་གྱ་དྲུག་རིང་བཞུགས་ཤིང་ཐོག་མར་རྒྱ་ཆེ་ཞིང་གཏིང་ཟབ་པའི་སངས་རྒྱས་ཆོས་ལུགས་ཁག་ལ་ཐོས་བསམ་སློབ་གཉེར་དང༌།དཀའ་སྤྱད་ཉམས་ལེན་གནང་སྟེ་རང་ཉིད་མཁས་ཤིང་གྲུབ་པར་མཛད་ཐོགརྒྱུ་དེས་རང་ཡུལ་དུ་ཕེབས་ཏེ་གང་ལ་གང་འདུལ་གྱིས་ཆོས་བསྟན་པ་དང༌།གསུང་རབ་བསྒྱུར་བ་སོགས་བསྟན་འགྲོའི་དོན་རླབས་ཆེན་བསྐྱངས།ཁོང་གི་ལམ་ཡིག་མཇུག་ཏུ་རང་གིས་མཐོང་བ་དང་ཐོས་པའི་ཚུལ་ཐམས་ཅད་སྟོན་པ་ལ་དད་ཅིང་ཆོས་དོན་དུ་གཉེར་བའི་ཞི་དུལ་བག་ཡོད་ཀྱི་ཚོགས་རྣམས་ཀྱིས་མཐོང་བའི་ཆེད་དུ་དར་སྲབ་ཀྱི་སྟེང་དུ་བྲིས་ནས་སྨྱུག་མའི་གླེགས་བམ་ནང་ཆོས་ཁྲིའི་སྟེང་དུ་བཞག་གོ་ཞེས་གསལ་པ་བཞིན་དུས་ཕྱིས་ཕྱི་ལཽ་༡༨༦༩ལོར་དབྱིན་ཡུལ་གྱི་ཆོས་ལུགས་རིག་པའི་མཁས་ཅན་སློབ་དཔོན་རཻཕརེནབྱ་ཨེཅ་ཨཱེ་ཇཡེལ་ཞེས་པས་རྒྱའི་གནའ་ཡིག་ཅིག་ནས་དབྱིན་ཡིག་ནང་ཕབ་བསྒྱུར་བྱས་སྟབས།ལམ་ཡིག་འདི་ཉིད་སྒྲོན་མེའི་ཚུལ་དུ་བཏེགས་ཏེ་རྒྱ་གར་ནང་བསྟན་གྱི་གནས་ཆེན་ཁག་འཚོལ་ཞིབ་བྱེད་པའི་མཐུན་རྐྱེན་སྔར་མེད་གསར་པ་ཞིག་ཏུ་ཆགས་ནས་ཕན་ཐོགས་ཆེན་པོ་བྱུང་ཡོད། དེ་ལྟར་དབྱིན་འགྱུར་དེ་ཉིད་པུརྱ་དའི་བླ་མ་ལོ་ཙཱ་པ་ཞིག་གི་ཕྱག་ཏུ་སོན་སྟབས་ཁོང་གིས་ཧོར་སྐད་དུ་བསྒྱུར་ཞིང།ཧོར་ཡིག་ནས་སོག་པོ་བློ་བཟང་རྟ་དབྱངས་ཀྱིས་ཕྱི་ལོ་༡༩༡༨ལོའི་བོད་ཟླ་བཅུ་པའི་ནང་ཆོས་སྡེ་ཆེན་པོ་དཔལ་ལྡན་ཏཱ་ཁུ་རལ་གྱི་གཙུག་ལག་ཁང་ནས་བོད་ཡིག་ཏུ་བསྒྱུར་པ་ཞིག་ཡོད་ཁར།ཕྱི་ལོ་༢༠༠༦ལོར་བཀའ་ཟུར་བཀྲས་མཐོང་ཚེ་དབང་ཆོས་རྒྱལ་གྱིས་ལམ་ཡིག་འདི་དབྱིན་ཡིག་ལས་བོད་བསྒྱུར་གནང་ཐོགརཀཿརིན་པོ་ཆེ་ཐུབ་བསྟན་ཆོས་དར་གྱིས་བསྐྱར་ཞིབ་དང་ཞུ་དག་མཛད་པ་ཞིག་འདི་གར་སླེབས་པ་བཅས་མཉམ་དུ་པར་སྐྲུན་ཞུས་པ་ཞིག་ཡིན།དེས་ན་འདིར་བཀོད་པའི་ལམ་ཡིག་ཉིས་ཆ་རྒྱའི་མ་ཡིག་ནས་བོད་བསྒྱུར་མཛད་པ་མིན་པར།སྔ་མ་རྒྱ་ཡིག་ནས་དབྱིན་ཡིག་དང༌།ཧོར་ཡིག་བརྒྱུད་ནས་བོད་ཡིག་ནང་སླེབས་པ་ཞིག་ཡིན་ཞིང༌།ཕྱི་མ་རྒྱ་ཡིག་ནས་དབྱིན་བསྒྱུར་མཛད་པ་དེ་ཉིད་བོད་ཡིག་ནང་བླངས་པ་ལས་སྐད་ཡིག་གཞན་བརྒྱུད་མེད་ན་ཡང༌།ད་དུང་མ་ཡིག་དངོས་དང་མི་འདྲ་ས་ཡོད་སྟབས་ཕྱིས་སུ་ཞིབ་འཇུག་བྱེད་མི་ཚོས་མ་ཡིག་དང་བསྡུར་གལ་ཆེ་བར་མཐོང༌།སོག་པོ་རྟ་དབྱངས་ཀྱིས་ཕཱ་ཧྱེན་ལམ་ཡིག་བོད་བསྒྱུར་མཛད་པའི་མཚན་བྱང་ནང༌།ཆེན་པོ་ཧཱན་གུར་གྱི་བཙུན་པ་ཞེས་གསལ་པ་དང༌།ཡང་ལེའུ་དང་པོའི་དབུར་ཧཕང་ཞི་རྒྱལ་པོའི་ཁྲིར་ཞུགས་གཉིས་པར་རྒྱ་གར་དུ་ཕེབས་ཞེས་གསལ་ཁར།ལམ་ཡིག་ཨ་མའི་ནང་དུའང་ཁོང་འཕགས་ཡུལ་དུ་ཕེབས་ལོ་ཧོང་ཧྲི་ཁྲི་ལོ་གཉིས་པ་ཡིན་ཚུལ་སོགས་གསལ་སྟབས་རྟ་དབྱངས་ཀྱིས་བསྒྱུར་པའི་ཧཕང་ཞི་དང༌། ལམ་ཡིག་ཨ་མའི་ནང་གི་ཧོང་ཧྲི་ཞེས་པ་དེ་གཉིས་གཞི་གཅིག་ཡིན་ཚོད་ཅིང༌། དེ་འདྲའི་ཧོང་ཧྲི་དང་ཧཕང་ཞི་རྒྱལ་པོ་ཟེར་པའི་མཚན་ཅན་ཞིག་ཅིན་ཤར་མའི་རྒྱལ་ཁོངས་ནས་མ་རྙེད་ན་ཡང༌། ལོ་ཚིགས་དང་བསྡུར་ནས་བལྟས་ཚེ་ཧོང་ཧྲི་དང་ཧཕང་ཞི་ཟེར་པ་ཉིས་ཆ་དོན་ལ་ཅིན་ཤར་མའི་རྒྱལ་པོ་བཅུ་པ་སི་མ་ཏི་ཙུང་ཡིན་པ་ཧ་ཅང་གསལ།ཧཕ་ཤཱན་འཕགས་ཡུལ་དུ་ཕེབས་ལོ་ཕྱི་ལོ་༣༩༩ཧོང་ཧྲི་དང་ཧཕང་ཞི་རྒྱལ་པོའི་ཁྲི་ལོ་གཉིས་པ་ཡིན་ཟེར་པ་ལྟར།ཏག་ཏག་ཕྱི་ལོ་༣༩༩དེ་ཉིད་སི་མ་ཏི་ཙུང་གི་ཁྲི་ལོ་གཉིས་པ་ཡིན་པ་དང༌།ཡང་བོད་རིགས་པའི་མཁས་དབང་དོར་རིན་པོ་ཆེས་སེང་ཀྲོའི་དབུ་མའི་གསུང་བཏུས་བོད་བསྒྱུར་མཛད་པའི་གཤམ་མཆན་ཨང་བཞི་པར།ལི་ཡུལ་གྱི་མཁས་པའི་སློབ་དཔོན་ལོ་ཙཱ་བ་ཆེན་པོ།ཀུ་མཱ་ར་ཇི་བ།རྒྱ་སྐད་དུ་ཅེའུ་མོ་ལོ་ཧྲི་ཞེས་བྱང་སེམས་ཆེན་པོ་ཕྱི་ལོ་༣༤༤ནས་༤༡༣བར།དེ་ཆིན་ཕྱི་མའི་ཧོང་ཧྲི་ཁྲི་ལོ་བཞི་པར་ཕྱི་ལོ་༤༠༢ལཁྲང་ཨན་གྲོང་ཁྱེར་གྱི་ཞོ་ཡོ་ཡོན་ཞེས་པའི་ཀུན་དགའ་ར་བར་རྒྱའི་བཙུན་པ་ལྔ་སྟོང་ལྷག་འདུས་པར་ཤེར་ཕྱིན་གྱི་དཔེ་ཁྲིད་གནང་བ་དང་སོགས་གསུངས་པའི་ཟུར་གྱི་ཧོང་ཧྲི་ཁྲི་ལོ་བཞི་པ་ཕྱི་ལོ་༤༠༢ཞེས་གསུངས་པ་དེར་ཁྲི་ལོ་དང་ལོ་ཚིགས་གཉིས་བར་ལོ་གཅིག་གི་ཆད་ལྷག་ཤོར་སྐྱོན་ཙམ་ལས་གཞན་ཅིན་རྒྱལ་པོ་དེ་ཉིད་ཅིན་ཕྱི་མའམ་ཤར་མ་ཡིན་པ་དང༌།ཁོའི་ཁྲི་ལོ་གཉིས་པ་ཕྱི་ལོ་༣༩༩ལ་ཁེལ་པ་དང༌།ཁྲི་ལོ་བཞི་པ་ཕྱི་ལོ་༤༠༡ཡིན་པ་སོགས་ཕན་ཚུན་བསྡུར་ཚེ་ཧཕ་ཤཱན་ལམ་ཡིག་སྔ་འགྱུར་ཁག་ཏུ་ཧོང་ཧྲི་དང་ཧཕང་ཞི་ཟེར་པ་སོགས་དོན་ལ་སི་མ་ཏི་ཙུང་ཡིན་པ་གསལ་པོ་རེད།ལྷག་པར་དུ་ཀུ་མ་ར་ཛི་བས་ཁྲང་ཨན་ནས་ཆོས་གསུངས་པ་དེའང་ཕྱི་ལོ་༤༠༡ཡིན་ངེས་པ་ནི།ལོ་དེ་རང་ལ་ཁོང་ལེའུ་ཀྲོ་ནས་ཚུར་ཁྲང་ཨན་དུ་ཕེབས་པ་ཡིན་པས་ཁོང་གིས་ཁྲང་ཨན་ནས་ཆོས་གསུངས་ལོ་ཐོག་མ་དེའང་ཕྱི་ལོ་ ༤༠༢ཡིན་མི་སྲིད་པར་སེམས།དེས་ན་ཧཕ་ཤཱན་ཁོང་འཕགས་ཡུལ་དུ་ཕེབས་ལོ་ཅིན་ཤར་མའི་རྒྱལ་རབས་བཅུ་པ་ཨན་ཏིས་ཀྱི་ཁྲི་ལོ་གཉིས་པ་ཡིན་པར་ཐེ་ཚོམ་མེད་པ་དང༌།དེ་མཚུངས་ཁོང་ལ་ཧཱན་གུར་གྱི་བཙུན་པ་ཟེར་དོན་ཧཱན་རྒྱལ་རྒྱུད་ཀྱི་རུས་སུ་གཏོགས་པ་ཞིག་ཡིན་ནམ་སྙམ་ཞིང༌།དོན་དངོས་སུ་ཁོང་ཅིན་ཤར་མའི་དུས་སྐབས་ཀྱི་བཙུན་པ་ཞིག་ཡིན་པ་ཐེ་ཚོམ་མེད་པ་དེའང་མཁྱེན་དགོས་པ་ཞིག་ཡིན།ལར་ཀློག་པ་པོ་རྣམས་ཀྱི་ཆེད་དུ་ལམ་ཡིག་འདིས་མཚོན་པའི་ལམ་ཡིག་ཁག་ཞིབ་འཇུག་ནན་ཏན་བྱས་ནས་མཚམས་སྦྱོར་བྱེད་གལ་ཆེ་བ་སྨྲོས་མེད་ཡིན་ན་ཡང༌།འདི་གར་གཅིག་ནས་ལས་བྲེལ་ཆེ་དབང་གིས་རང་གི་འདོད་བློ་བཞིན་མ་བྱུང་བ་དང༌།གཉིས་ནས་ངོ་སྤྲོད་ཚད་ལྡན་བྱས་ཚེ་ལམ་ཡིག་ཨ་མ་དང་མཉམ་པའི་ཡིག་ཚོགས་ཤིན་ཏུ་ཆེ་བར་འགྱུར་ངེས་ལ་སོང་ད་ལན་འདི་ནས་ངོ་སྤྲོད་མཚམས་སྦྱོར་མདོར་བསྡུས་ཤིག་བྱས་ནས་ཞིབ་མོའི་འཇུག་པ་དེ་ཉིད་ཀློག་པ་པོའི་བགོ་སྐལ་དུ་བཞག་པ་ལྟ་བུ་བྱས་ཡོད་པ་བཅས་སོ།།

མདའ་ཚན་པ་ལགས། ཁྱེད་ཀྱི་ནོར་བུ་དེ་ནི་རིག་གནས་གསར་བརྗེའི་སྐབས་ལ་བོད་ཡིག་གསར་བཅོས་ཀྱི་ཡིག་ཆ་མིང་ལ་“བོད་ཡིག་གསར་བཅོས་ཀྱི་རྩ་འཛིན་“ཟེར་བ་ལྟ་བུ་ཞིག་ཐོན་ཡོད་པ་དེ་ཡིན་ནམ།  དེ་ཡིན་ན་དེ་ནི་སློབ་དེབ་མ་རེད།  རྩ་འཛིན་གྱི་ཡིག་ཆ་ཞིག་རེད།  དེའི་ནང་ན་ཁྱེད་ཀྱིས་བཤད་པའི་ཚིག་ཕྲད་དང་བྱ་ཚིག  རྐྱེན་གྱི་ཡི་གེ་སྐོར་ཞིག་ཁུ་བསྡུ་བྱས་ཡོད།   གཅིག་བྱས་ན་དེ་སློབ་གྲྭ་འགའ་རེ་ནས་སློབ་དེབ་ཏུ་བེད་སྤྱོད་བཏང་ཡོད་ཀྱང་སྲིད།  རྩ་འཛིན་ཡིག་ཆ་འདིའི་སྐོར་པད་མ་འབུམ་ལགས་ཀྱིས་དྲན་ཐོ་རྡོ་རིང་མ་ཟེར་བ་དེའི་ནང་ལ་ཅུང་ཙམ་ཞིབ་མོ་ཞིག་བྲིས་འདུག ཁྱེད་ཀྱིས་བཤད་པ་བདེན་པ་རེད།  དེ་ནི་མི་བསམ་བློ་མེད་པ་ཞིག་གིས་བྲིས་པ་ཞིག་མ་རེད།  དེ་ནི་ཁྱེད་ཀྱིས་བཤད་པ་ལྟར་སྟབས་ཇེ་བདེར་བཏང་ནས་མི་དམངས་ཀྱིས་ཤེས་བདེ་ཆེད་བྲིས་པ་ཞིག་རེད།  དེ་ཟིན་བྲིས་རྒྱག་མཁན་ལས་གཅིག་ད་དུང་པེ་ཅིན་ན་འདུག  ལོ་བཅུ་ཙམ་སྔོན་ལ་ངེད་གཉིས་ཐུག་ནས་དེའི་སྐོར་ལ་གླེང་མོལ་ཡང་བྱས་མྱོང་།  ཁོང་གིས་གསུང་གསལ་ལ།  བོད་ཡིག་ཅུང་ཙམ་སྟབས་ཇེ་བདེར་བཏང་ན་མི་སེར་གྱི་ནང་དུ་བོད་ཡིག་བསྟན་པ་དར་བ་ལ་ཕན་ཐོགས་རེ་ཨེ་ཡོང་སྙམ་པ་ཡིན་ཟེར།…

དེ་ལས་མང་བ་། “མདའ་ཚན་པ་ལ་མདའ་ལན་དང་པོ།” »

  བདེ་ཆེན་སྒྲོལ་མ། འདང་དགོང་ངས་སྟོང་ལོ་བརྒྱད་པའི་ཆེས་མཐའ་མཇུག་གི་ཉིན་ཐོ་བྲིས་ཚར་རྗེས། འདི་འདྲའི་བསམ་བློ་ཞིག་འཁོར་སོང༌། མི་ལོ་གཉིས་གསུམ་གྱི་གོང་ནས་རེ་ཞིང་སྒུག་པའི་སྟོང་ལོ་བརྒྱད་པ་རེ་བ་གསོན་པོ་དང་ཡིད་ཆེས་བླ་མེད་ཞིག་གིས་ཅི་འདི་མེད་པར་རྫོགས་སོང་ཡང༌། སྟོང་ལོ་དགུ་བ་བོད་གཞིས་བྱེས་གཉིས་ལྷན་འཛོམས་ཀྱི་ལོ་ཞིག་ཏུ་བསྒྱུར་རྒྱུ་ནི་བོད་པ་རང་གི་གཅིག་བསྒྲིལ་སྟོབས་ཤུགས་ལ་རེག་ལས་པ་ད་ལྟ་ང་ཚོར་ངོས་ཟིན་གསལ་བོ་ཐོབ་ཡོད། སྟོང་ལོ་བརྒྱད་པའི་ཕྱོགས་ལ་ཕྱི་མིག་བཞག་ན། ང་ཚོ་ལ་བོད་དོན་རྩོད་པའི་སེམས་ཤུགས་དང་རྒྱུ་ཤུགས་མེད་པས་གང་དུ་ཡང་འཕོང་མི་འདུག སྟོང་ལོ་བརྒྱད་པ་འདི་བོད་ཀྱི་ལོ་རྒྱུས་ཁྲོད་ཆེས་གཟི་བརྗིད་ལྡན་པའི་ལོ་ཞིག་ཡིན། སྟོང་ལོ་བརྒྱད་པའི་གཞིས་ལུས་བོད་མིའི་དཔའ་ངར་གྱིས་འཛམ་གླིང་གི་ས་ཁུལ་མང་པོ་ཞིག་གཉིད་ལས་དཀྲོགས་ཡོད། སྟོང་ལོ་བརྒྱད་པའི་གཞིས་བཞུགས་བོད་མིའི་ཆིག་བསྒྲིལ་གྱིས་འཛམ་གླིང་གི་མི་རིགས་མང་པོར་བོད་ཟེར་བ་ངོ་སྤྲོད་ཐེངས་གཅིག་བྱས་ཡོད། སྟོང་ལོ་བརྒྱད་པའི་གཞིས་བཞུགས་བོད་མིའི་ཟུངས་ཁྲག་གིས་སངས་རྒྱས་རློན་པ་ཞིག་གི་མིག་ཆུ་ཡང་ཁོག་པའི་སྙིང་ནས་ཕྱི་ལ་བཙུར་སོང༌། གཞིས་བཞུགས་བོད་མི་ཚོས་ྋགོང་ས་གདན་ཞུ་དང་འགྲོ་མིའི་རང་དབང་གི་ཆེད་དུ་རང་གི་གཅེས་སྲོག་འབེན་ལ་བཙུགས་ནས་རང་འགན་རང་གིས་བླངས་སོང༌། ང་ཚོས་འདི་གར་གཞིས་བཞུགས་བོད་མིའི་གནས་ཚུལ་ཙམ་གཞན་ལ་གསལ་བསྒྲགས་དང་རྒྱ་ནག་ལ་ངོ་རྒོལ་གྱི་ཁྲོམ་བསྐོར་ཐེངས་འགའ་བརྩམས། རྒྱ་ནག་ལ་ལྕགས་ཀྱི་སྙིང་ཡོད་པས་བོད་མི་དཔའ་བོ་ཚོའི་ཚེ་སྲོག་འཕྲོག་ནས་སོང༌།…

དེ་ལས་མང་བ་། “སྟོང་ལོ་དགུ་བའི་བོད་དོན་ས་ཁྲ།” »

གཤམ་དུ་རྡེག་གནོན་བྱོས། otherworld

ཕྱི་ལོ། ༢༠༠༨ ཟླ་ ༡༢ ཚེས། ༢༩ ཉིན། རིག་པའི་རྡོ་རྗེ། ———— ད་ལོ་ནི་བོད་ཀྱི་རང་བཙན་དགྲ་ལ་ཤོར་དེ་གཞིས་བྱེས་གཉིས་སུ་གྱེས་ནས་མི་ལོ་ཧྲིལ་བོ་ལྔ་བཅུ་འགོར་ཞིང་། སྙིང་སྟོབས་དང་རིགས་ཞེན་འགྲན་ཟླ་བྲལ་བའི་གངས་ལྗོངས་དཔའ་བོ་དཔའ་མོ་དུ་མས། རྒྱལ་ཁབ་དང་མི་རིགས་ཤིག་གི་ཚེ་སྲོག་སྐྱོབས་ཆེད། འཇིག་རྟེན་ན་གཅེས་པ་རང་གི་ལུས་དང་སྲོག་གི་མཆོད་འབུལ་རྒྱ་ཆེན་བྱས་ཏེ། གངས་རི་དང་གཡུ་མཚོའི་ཁ་དོག་ཁྲག་གིས་བསྒྱུར་བའི་ཁ་བའི་དམར་མཆོད་ཆེན་མོ་དང་། ལ་རྒྱའི་དཔུང་རྡང་བསྒྲིགས་པའི་གངས་རིའི་དཔའ་རྒོད་སྟོང་ཕྲག་མང་པོ་གཤིན་རྗེའི་བཙོན་དུང་ནག་པོར་བཙན་གྱིས་བཅུག་སྟེ།…

དེ་ལས་མང་བ་། “ཤི་གསོན་གཉིས་ཀྱི་རེ་བ།” »

ཀུན་གསལ་ནས་་་། ———— དཔལ་དོན་གྲུབ་རྒྱལ་གྱི་གསུང་འབུམ་པོད་དྲུག་པའི་[དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས]ལས་འཕྲོས་པའི་ལོ་རྒྱུས་ཀྱི་རྣམས་བཤད་ཐོར་བུ། ཟེར་བའི་ཤོག་ངོས་༣༥༣དང་༣༥༤ན་འདི་གསུངས་འདུག ཡོན་རྒྱལ་རབས་ཀྱི་སྐབས་ལ་བོད་ཁམས་ཐམས་ཅན་དབང་དུ་བསྡུས་པ་དང་། དེ་ནས་བཟུང་བོད་ཡུལ་འདི་ཡང་ཀྲུང་གོའི་ཆབ་རིས་ཀྱི་གྲུབ་ཆ་ཅིག་ཏུ་གྱུར་པ་དང་།ལྷག་པར་དུ་རང་རེའི་ཏང་གིས་བོད་རིགས་མི་དམངས་ཐམས་ཅད་ཀྱི་བསམ་བློའི་རེ་འདོད་ཀྱི་ཚབ་བྱས་ནས། བོད་ལོག་སྤྱོད་ཀྱི་དབང་བསྒྱུར་གལ་རིམ་ཕམ་པར་བྱས་པ་དང་། བོད་ཀྱི་གཉའ་བ་གནོན་པའི་བཀའ་ཤག་སྲིད་གཞུང་མགོ་རྟིང་བསློགས་པར་མ་ཟད། བོད་མི་རིགས་མི་དམངས་ཀྱི་གཉའ་ཤིང་དང་བསམ་བློའི་འཆིང་སྒྲོག་གཏོར་ནས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆབ་འོག་ཏུ་བསྡུས་པ་དང་། དགོས་ངེས་ཀྱི་སྤྱི་ཚོགས་རིང་ལུགས་ཀྱི་བཅོས་བསྒྱུར་གྱི་ལས་འགུལ་སྣ་ཚོགས་སྤེལ་བར་བརྟེན། བོད་སྤྱི་ཚོགས་ལ་གནམ་ས་བླ་འོག་བསྒྱུར་པ་ལྟ་བུའི་འཕོ་འགྱུར་བྱུང་བ་དང་། བོད་རིགས་མི་དམངས་ཀྱང་རང་རེའི་མེས་པོའི་རྒྱལ་ཁབ་ཀྱི་དཔའ་ཞིང་ལས་ལ་བརྩོན་པའི་མི་རིགས་གཞན་དག་དང་འདྲ་བར། སྤྱི་ཚོགས་རིང་ལུགས་གསར་བརྗེ་དང་སྤྱི་ཚོགས་རིང་ལུགས་འཛུགས་སྐྲུན་གྱི་བྱ་གཞག་རླབས་པོ་ཆེའི་ནང་ཧུར་བརྩོན་གྱིས་ཞུགས་ཏེ་རང་གི་གཟི་བརྗིད་ལྡན་ལ་དཀའ་ཚེགས་ཆེ་བའི་ལོ་རྒྱུས་ཀྱི་ལས་འགན་རྣམས་བསྒྲུབས་དང་སྒྲུབ་མུས་སུ་ཡོད། འདི་ནི་སྤྱི་ཚོགས་འཕེལ་བའི་འཕེལ་ཕྱོགས་དང་མཐུན་པར་མ་ཟད་།…

དེ་ལས་མང་བ་། “དོན་གྲུབ་རྒྱལ་ལོ་རྒྱུས་ཐོག་གི་ཉེས་ཅན་པ་ཞིག་རེད་དམ།” »

ཨ་རིར་ཡོད་པའི་བོད་པ་ཚོར་ཆ་རྒྱུས་ཆེན་པོ་ཡོད་པའི་དོན་དག་ཅིག་སྟེ། ཨ་རིའི་མི་དམངས་དང་ཁྱིའི་བར་གྱི་བརྩེ་དུང་གི་འབྲེལ་བ་འདི་ནི་སྐབས་མང་པོ་ཞིག་ཏུ་མི་དང་མིའི་བར་གྱི་འབྲེལ་བ་ལས་ཀྱང་གཏིང་ཟབ་ཏུ་འགྲོ་བཞིན་ཡོད་པ་དང་། རིག་གཞུང་འདིའི་སྣང་ཚུལ་ལམ་ཤུགས་རྐྱེན་ལ་བརྟེན་ནས་ཕྱིར་སྡོད་བོད་མིའི་སྤྱི་ཚོགས་ཁྲོད་དུ་ཡང་མི་དང་ཁྱིའི་བར་གྱི་བརྩེ་དུང་གི་འབྲེལ་བ་དེ་མེད་པ་ནས་ཡོད་པ་དང་ཡོད་པ་ནས་ཡར་རྒྱུས་ཀྱི་ཕྱོགས་སུ་མྱུར་ཚད་ཧ་ལས་པའི་སྒོ་ནས་གོང་དུ་འཕེལ་བཞིན་ཡོད། ཁོ་བོས་ལོ་ཤས་སྔོན་གནད་དོན་འདི་ལ་དམིགས་ཏེ་སྤེལ་བའི་རྩོམ་ཡིག་ཅིག་བླ་ནག་ཤེས་རིག་ཁྱབ་སྤེལ་ཚོགས་པའི་ལོ་དེབ”་སྤྱན་”གྱི་སྟེང་དུ་སྤེལ་བ་ཡིན་ལ། གཤམ་དུ་རྡེག་གནོན་བྱས་ཚེ་རྩོམ་ཡིག་ཆ་ཚང་ཀློག་ཐུབ། dogs-in-west2

ང་ཚོ་ཡར་ཡར་འགྲོ་དུས། །ཁ་བ་མར་མར་བབས་བྱུང་། ། ཁ་བ་བབས་པས་ཡག་བྱུང་། །ཁ་ཤུལ་ཉི་མ་དྲོ་བྱུང་། ། མདང་དགོང་གྲོགས་པོ་ཞིག་ལ་ཁས་ལེན་བྱས་པ་བཞིན་འདི་གའི་མཚོ་ལྗང་ཁུའི་ཁ་བའི་ཁྲོད་ཀྱི་འདྲ་པར་འདི་ད་ལྟ་འདིར་འཇོག་དགོས་བྱུང་སོང་ལ། ས་ཆ་འདི་ལ་ལོ་ངོ་སུམ་ཅུའི་རིང་ལ་འབབ་མ་མྱོང་བའི་ཁ་བ་མཐུག་པོ་ཞིག་བབས་རྐྱེན་མི་རྣམས་ཀྱི་སེམས་ནང་དགའ་འཇིགས་ཀྱི་ཚོར་བ་མི་འདྲ་བ་སྣ་ཚོགས་ཤིག་བསྐྱེད་འདུག་ལ། རྒྱལ་སྤྱིའི་གནམ་ཐང་ཡང་མདང་དགོང་སྒོ་བརྒྱབ་ནས་ལོ་གསར་ཆེད་ཕྱོགས་བསྐྱོད་འགྲུལ་བ་སྟོང་ཕྲག་ཙམ་གནམ་ཐང་ནང་ལོགས་སུ་ལྷགས་པའི་དཀའ་ངལ་ཆེན་པོ་ཞིག་དང་འཕྲད་འདུག ཁ་བའི་འདྲ་པར་སྤེལ་མཚམས་འདི་ནས་འཇོག་གི་ཡིན།

བརྒྱུད་ལྡན་མ་བྱན་མཁས་པའི་ཕྱག་བཞེས་དང་། ། རྒྱུ་ཆ་མ་ཚང་མེད་པའི་བཞེས་ཐུག་འདི། ། གྲོགས་པོ་སུ་ཡི་ཞལ་དུ་སོང་ན་ཡང་། ། གསང་སྤྱོད་ནང་དུ་ཕེབས་རྒྱུར་སེར་སྣ་ཡོང་། །

འདྲ་པར་དག་གི་སྟེང་དུ་རྡེག་གནོན་བྱས་ཚེ་གསལ་དུ་མཐོང་ཐུབ། </a

ར་མདའ། ཁྱེད་རང་བོད་ནང་སློབ་གྲྭར་འགྲིམས་མྱོང་མཁན་ཞིག་ཡིན་ཚེ། འཛིན་གྲྭ་གཉིས་པའི་སྐད་ཡིག་སློབ་དེབ་ནང༌། རྒྱ་ནག་གི་གསར་བརྗེ་དོན་དུ་རང་སྲོག་བློས་བཏང་བྱེད་མཁན་ལོའུ་ཧིཾུ་ལན་ཟེར་བའི་དཔའ་མོ་ཆུང་ཆུང་དེ་ཁྱེད་ཀྱི་སེམས་ན་ཁྲིགས་ཁྲིགས་ཡིན་རྒྱུ་རེད། ལྷོ་ཕྱོགས་ཕོ་ཉ་སྤྱིའི་འདོན་ཐེངས་ ༧༥ པའི་ཤོག་ངོས་བདུན་པ༼འཚོ་བའི་རྒྱབ་མདུན།༽གྱི་ལེ་ཚན་ནང༌། བསྟན་འཛིན་ཆོས་འཕེལ་ཟེར་བ་ཞིག་གིས་གསར་འགོད་པའི་བཅར་འདྲི་དང་ལེན་བྱས་པའི་བཟོ་ལྟ་བསྟན་ནས་ཁོ་རང་གིས་ད་ལོ་གསུམ་བཅུ་དུས་དྲན་སྐབས་ནས་བལ་ཡུལ་དུ་བོད་དོན་ལས་འགུལ་སྤེལ་བར་བརྟེན་ ༥༩ ཟེར་ན་མི་ཤེས་མཁན་མེད་རབས་དང་སྐད་གྲགས་ཡོད་རབས་བཤད་འདུག་ནའང༌། ཚིག་གི་ངོས་ཟུར་གང་ནས་བརྟགས་ཀྱང་བཅར་འདྲི་བྱས་པ་ཞིག་མ་ཡིན་པར་བཅར་འདྲི་བྱ་མཁན་དང་བྱ་ཡུལ་གཉིས་ཆ་ཁ་མཐུན་ནས་བཅར་འདྲི་བཟོས་པའི་ཉམས་ཐོན་འདུག ཡང་གཅིག་བཤད་ན། ད་ལོ་གསུམ་བཅུ་དུས་དྲན་ཉིན་ནས་ང་ཡང་སྐད་འབོད་དང་ཁྲོམ་བསྐོར་བྱེད་སར་སོང་བ་ཡིན་ལ། སྤྱི་ཟླ་ ༣…

དེ་ལས་མང་བ་། “བོད་ཀྱི་ལོའུ་ཧིཾུ་ལན་བལ་ཡུལ་ན་འདུག” »

འབོད་པ། སྤྱི་ལོ་ ༢༠༠༩ ཟླ་ ༡ ཚེས་ ༨ ཉིན་ནས་ཝ་ར་ཎ་སིར་ྋགོང་ས་མཆོག་གི་གསུང་ཆོས་ཡོད་སྟབས། ཉིན་འདི་ཚོའི་རིང་ཕྱོགས་བཞི་མཚམས་བརྒྱད་ནས་ཆོས་ཞུ་པ་ཚོས་ཁ་པར་བརྒྱུད་འདི་གར་གཏན་སྡོད་པ་ཚོར་གསུང་ཆོས་རིང་སྡོད་ཁང་འཚོལ་རྒྱུར་བཀོད་མངགས་བྱེད་ཀྱི་འདུག་ལ། ང་ཡང་རོགས་པ་ཚོའི་རེ་སྐུལ་ལྟར་གཡས་གཡོན་གྱི་རྒྱ་གར་གྲོང་གསེབ་ཁག་ལ་གསུང་ཆོས་སྐབས་ཁོ་ཚོར་སྡོད་ཁང་ཞིག་འཚོལ་དུ་སོང་ནའང༌། ཁང་གླ་ཧ་ཅང་མཐོ་དྲགས་པའི་རྐྱེན་གྱིས་ངའི་རོགས་པ་ཆོས་ཞུ་པ་ཉམ་ཆུང་ཚོར་འཚམས་པའི་སྡོད་ཁང་ཞིག་གཏན་ནས་རག་མ་སོང༌། ངས་རྒྱ་གར་གྲོང་གསེབ་པ་ཚོར་ཐུགས་རྗེ་གཟིགས་ཁང་གླ་ཏོག་ཙམ་ཁེ་བོ་གནང་རོགས། ད་ལྟ་ཁང་པ་དགོས་མཁན་ཚང་མ་ཆོས་ཞུ་པ་རྐྱང་རྐྱང་མ་གཏོགས་ཚོང་པ་དེ་འདྲ་མིན་ཚུལ་བཤད་ནས་ཁང་གླ་ཏོག་ཙམ་ཁེ་བོ་གནང་དགོས་པའི་རེ་བ་ཞུས་ཀྱང༌། ཁོ་ཚོས་ང་ལ་ད་ལན་འདི་ཁོ་ཚོ་ལ་མཚོན་ན་ཡོང་སྒོའི་དུས་ཚིགས་ཤིག་ཡིན་པས་ཁང་གླ་ཁེ་བོ་གནང་ཐབས་ཁྱོན་ནས་མེད་ཟེར། གལ་སྲིད་ཁྱེད་ལ་གསུང་ཆོས་རྗེས་ནས་དགོས་ན་ཉིན་བཅུའི་རིང་ལ་སྒོར་…

དེ་ལས་མང་བ་། “གསུང་ཆོས་རིང་གི་ཝར་ཎའི་ཁང་གླ་གནམ་ལ་སྙེག” »

འདི་ལོར་མཚོ་སྔོན་བརྙན་འཕྲིན་ཁང་གིས་ལོ་གསར་དགོང་ཚོགས་ཤིག་གྲ་སྒྲིག་བྱེད་བཞིན་ཡོད་ན་ཡང་། གཞས་པ་དང་གཞས་མ་ཚོའི་ངོ་གདོང་ངོ་མ་སྐྱུར་མོར་འདུག ལག་ཏུ་སྒྲ་སྦུག་བཟུང་ཡོད་པ་མ་གཏོགས་ངུ་གིན་ཡོད་པའི་ཚོར་བ་ཞིག་འགོག་མེད་དུ་སྟེར། གཤམ་དུ་བརྡེགས་ཚེ་འདྲ་པར་གཞན་ཡང་འདུག http://www.tibetabc.cn/u/qiduojia/archives/2008/20081214154247.html

—“ཁ་ཕྲལ་ལ་ངོ་རྒོལ་དང་མེས་རྒྱལ་གཅིག་གྱུར་ལ་སྲུང་སྐྱོང་བྱེད་པའི”རིམ་སྤེལ་དཔྱད་གཏམ་བཅུ་གསུམ་པ། ཏཱ་ལ་སྐྱེ་ཕྲེང་བཅུ་བཞི་པའི་མི་སྒེར་གྱི་འཐུས་མིས་ཀྲུང་དབྱང་ལ་ཕུལ་བའི“དྲན་ཐོའི”ནང“ད་ལྟ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་རང་སྐྱོང་གི་གནས་བབ་གནང་བའི་བོད་རིགས་ས་ཁུལ་ཚང་མ་གཅིག་གྱུར་གྱི་རང་སྐྱོང་དོ་དམ་ཁྱབ་ཁོངས་ནང་བཅུག་དགོས་ཀྱི་ཡོད། ད་ལྟའི་སྲིད་འཛིན་ས་ཁོངས་དབྱེ་བའི་ཐད་བོད་མི་རྣམས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རང་སྐྱོང་ལྗོངས་དང་ཞིང་ཆེན་མང་པོར་ཁ་ཐོར་བཏང་བར་བརྟེན་བོད་མི་རྣམས་ཁ་ཐོར་དུ་འགྱུར་བ་དང་ས་ཁུལ་ཁག་གི་འཕེལ་རྒྱས་དོ་མཉམ་མེད་པ་དང་ཆབས་ཅིག་མི་རིགས་ཀྱི་ཁྱད་ཆོས་དང་རིག་གནས་དང་ནང་པའི་སྲོལ་རྒྱུན་སྲུང་སྐྱོང་དང་དར་སྤེལ་གཏོང་བའི་སྟོབས་ཤུགས་ཆུང་དུ་ཚབས་ཆེན་སོང་ཡོད”ཅེས་བཏོན་པ་དེ་ནི་ཏཱ་ལས“བོད་ཆེན་པོའི”རྨི་ལམ་འགྲུབ་ཐབས་བྱེད་པའི་གནག་སེམས་ཤིག་རེད། ལོ་ངོ་སྟོང་རིང་བོད་ཀྱི་ལོ་རྒྱུས་འཕེལ་རྒྱས་འགྲོ་བའི་ཆུ་རྒྱུན་ནང“བོད་ཆེན་པོ”ཟེར་བ་གཏན་ནས་མེད་པ་ཚང་མས་མཁྱེན་གསལ་རེད། དུས་རབས་དགུ་པར་བཙན་པོའི་རྒྱལ་རབས་འཐོར་ཞིག་ཏུ་སོང་རྗེས་ཀྱི་ལོ་རྒྱུས་ཐོག་གཅིག་གྱུར་དང་ཆབ་སྲིད་ཐོག་ཕུང་པོ་གཅིག་གི“བོད་ཆེན་པོ”ཆགས་མྱོང་གཏན་ནས་མེད། དུས་རབས་བཅུ་གསུམ་པའི་ལོ་འགོར་རང་རྒྱལ་གྱི་སོག་རིགས་སྟོབས་ཤུགས་བྱང་ཕྱོགས་ཀྱི་ཏ་མུའོ་ལྷོ་བྱང་གི་རྒྱ་ཆེའི་ས་ཁུལ་དུ་ཆགས་འགོ་ཚུགས་ཡོད། སོག་པོའི་ཚོ་དཔོན་ཇིང་གིར་རྒྱལ་པོས་ཚོ་ཁག་ཁག་གཅིག་གྱུར་བྱས་པ་རེད། ༡༢༤༦ལོར་ས་པཎ་ཀུན་དགའ་རྒྱལ་མཚན་གྱིས་བོད་ཀྱི་གྲུབ་མཐའ་ཁག་གི་ཚབ་ཞུས་ཏེ་ལེའང་ཀྲོའུ་རུ་སོག་པོའི་རྒྱལ་སྲས་གོ་དན་མཇལ་བར་སོང་སྟེ་བོད་འདི་སོག་པོའི་རྒྱལ་པོའི་ཁོངས་གཏོགས་ཁུལ་དུ་བརྩི་རྒྱུའི་ཆ་རྐྱེན་ཁག་ལ་གྲོས་གཏན་འཁེལ་བ་དང་འབྲེལ་ས་སྐྱ་བས་བོད་ཀྱི་ས་གནས་ཀྱི་ཆོས་སྲིད་ལས་དོན་ལ་དོ་དམ་བྱ་འགན་འཁུར་རྒྱུའི་གཏན་འཁེལ་གནང་བ་དང་བོད་ས་གནས་དེ་དངོས་སུ་ཀྲུང་དབྱང་གི་སྲིད་འཛིན་ཁོངས་གཏོགས་འོག་ཏུ་བཅུག་པས་བོད་ས་གནས་ཡུན་རིང་སིལ་པོར་གྱུར་བའི་ལོ་རྒྱུས་མཇུག་སྒྲིལ་བ་རེད། དུས་རབས་བཅུ་བདུན་པའི་དུས་དཀྱིལ་ནས་བཟུང་མན་ཆིང་ཀྲུང་དབྱང་སྲིད་གཞུང་གིས་སྔ་རྗེས་སུ་རྒྱལ་ཡོངས་ཀྱི་བོད་ཁུལ་གྱི་སྲིད་འཛིན་ཁུལ་དབྱེའི་ཐད་ལེགས་སྒྲིག་ཐེངས་འགའ་བྱས་ཏེ་བོད་ས་གནས་དེ་བོད་ས་གནས་སྲིད་གཞུང—བཀའ་ཤག་སྲིད་གཞུང་གིས་དོ་དམ་བྱས་པ་དང་འབྲེལ་ཏཱ་ལའི་བླ་མ་དང་བོད་སྡོད་ཨམ་བན་གྱིས་ཐུན་མོང་ཐོག་ས་གནས་ཀྱི་ལས་དོན་གཙོ་སྐྱོང་བྱེད་ཀྱི་ཡོད། འོན་ཏེ་བོད་ཁུལ་གཞན་དག་ཀྱང་ནང་སའི་ས་འབྲེལ་ཞིང་ཆེན་ལ་དོ་དམ་བྱ་རྒྱུར་བགོས་ཡོད། དཔེར་ན་གཡུང་ཀྲེང་ཁྲི་ལོའི་རིང་མན་ཆིང་སྲིད་གཞུང་གིས་ཟི་ལིང་ཕུའུ་བཙུགས་པ་དང་ཟི་ལིང་དོན་གཅོད་བློན་ཆེན་བསྐོ་གཞག་བྱས་ནས་མཚོ་སྔོན་མངའ་ཁོངས་ནང་དང་ཀན་སུའུ་མངའ་ཁོངས་ནང་གི་བོད་ཁུལ་དོ་དམ་བྱེད་པ་དང་། དར་མདོ་དང་། ལི་ཐང་། འབའ་ཐང་སོགས་སི་ཁྲོན་གྱི་དོ་དམ་ཁོངས་གཏོགས་ནང་བཅུག་པ། རྒྱལ་ཐང་དང་།…

དེ་ལས་མང་བ་། “"བོད་ཆེན་པོ་"ཟེར་བར་གཞི་འཛིན་ས་གང་ཡང་མེད།” »

ཨ་རིག་འགྱུར་མེད། ད་ལྟ་ངའི་ཀླད་པའི་ནང་དྲི་རྟགས་སྣ་ཚོགས་ཀྱིས་ཁེངས་ཤིང༌། ངའི་ཉེ་འཁོར་གྱི་མི་ཚོགས་ཡོད་ཚད་ལ་ཡིད་མི་ཆེས་པ་མ་ཟད། ང་རང་ཉིད་དང༌། རྡོ་དང་རྩི་ཤིང་ཚུན་ཆད་ལའང་ཡིད་མི་ཆེས་པའི་ཚོད་དུ་འདུག ངས་མོན་གྷོ་འདོད་རྒུ་གླིང་དུ་གཞུང་དོན་བསྒྲུབས་ཚར་ནས་ཕྱིར་ལོག་སྐབས། ཕྱི་ཚེས་ ༡༠ ཉིན་གྱི་དགོང་མོའི་ཆུ་ཚོད་ ༧།༤༠ ནས་ ༥༠ ཡས་མས་སུ་མེ་འཁོར་ས་ཚུགས་སུ་མ་སླེབས་པའི་སྔོན་དེར༌། ངོ་མི་ཤེས་པའི་རྒྱ་གར་ཡུལ་མི་གཉིས་ཀྱིས་ང་དང་ངའི་ཡུལ་གྲོགས་ཨ་རིག་ཤེས་རབ་གཉིས་བཟུང་བ་རེད། ཁོང་གཉིས་ཀྱིས་ང་ལ་སྐྱབས་བཅོལ་ལག་དེབ་སྟོན་རྒྱུ་མེད་པ་ཤེས་སྟབས་ང་བཙོན་ཁང་དུ་ཁྲིད་རྩིས་བྱས་སོང་ལ།…

དེ་ལས་མང་བ་། “ཀླད་པར་དྲི་རྟགས་སྣ་ཚོགས་ཀྱིས་ཁེངས་པའི་ཉིན་འདི་ཚོར།” »