ཀླུ་འབུམ་བཀྲ་ཤིས་ཀྱིས།

བོད་ནང་གི་བོད་མི་དེར་དྲ་ཐོག་ནས་བཅར་འདྲི་བྱས་བ་ལྟར་གནས་ཚུལ་ངོ་སྤྲོད་བྱས་བ་ལྟར་ན། དེང་སང་ད་དུང་ཡང་རྒྱ་ནག་གི་འབྲེལ་ཡོད་ཚན་པས་ཆོལ་གསུམ་བོད་གྱི་ས་ཁུལ་སྤྱི་ཡོངས་དང་། ལྷག་པར་ལོ་ སྔོན་མར་བོད་རང་དབང་འཐབ་རྩོད་ཆེད་ཞི་བའི་ལས་འགུལ་སྤེལ་མྱོང་སའི་ས་གནས་ཁག་ལ་དམ་དྲག་ ཆེན་པོ་བྱེད་བཞིན་པ་དང་མཉམ་སྐབས་དེ་ནས་ཉེན་ཡོལ་བྲོས་བྱོལ་བྱས་བསྡད་པའི་བོད་མི་དང་ལས་ འགུལ་བ་ཚོ་གོ་སྐབས་ནམ་བྱུང་ལ་འཛིན་བཟུང་བྱེད་བཞིན་པ་དང་། སྤྱི་ལོ་ ༢༠༠༨ སྤྱི་ཟླ་ ༠༤ ཚེས་ ༠༩ ཉིན་རྒྱ་ནག་གིས་གཞུང་འབྲེལ་ངང་ཨ་མདོ་བླ་བྲང་དགོན་པར་ཆེད་གཏོང་བྱས་བའི་ཕྱི་རྒྱལ་གསར་ འགོད་པ་ཚོའི་མདུན་དཔའ་ངར་ཞུམ་མེད་ངང་བོད་གྱི་རྒྱལ་དར་འཁྱེར་ནས་བོད་ནང་རང་དབང་མེད། ང་ ཚོར་འགྲོ་བ་མིའི་ཐོབ་ཐང་མི་འདུག་ཞེས་ཞི་བའི་ལས་འགུལ་སྤེལ་མཁན་གྱི་དགེ་འདུན་པ་མང་ཆེ་བ་ད་ དུང་ཡང་ཉེན་ཡོལ་བྲོས་བྱོལ་བྱས་ནས་བསྡད་ཡོད་བ་དང་། ཁོང་ཚོའི་ཁྲོད་གྱི་བླ་བྲང་དགོན་པའི་དགེ་ འདུན་པ་ད་ལོ་རང་ལོ་ ༣༦ ཅན་ཙ་ཡུས་སྐལ་བཟང་རྒྱ་མཚོ་༢༠༠༩ ཟླ་  ༠༤  བའི་ཚེས་ ༡༣ ཉིན་ བླ་བྲང་ནས་ཀན་ལྷོ་གཙོས་གྲོང་ཁྱེར་ལ་བསྐྱོད་སྐབས་སྤྱི་བདེ་ཉེན་རྟོག་པས་ལམ་བར་དུ་སྤྱི་སྤྱོད་རླངས་ འཁོར་ནས་འཛིན་བཟུང་བཙན་ཁྲིད་བྱས་ཡོད་པ་འདུག།

དེ་ལས་མང་བ་། “ཙ་ཡུས་སྐལ་བཟང་རྒྱ་མཚོ་འཛིན་བཟུང་བྱས་འདུག” »

མེ་སྒྱོགས་རྒྱ་མཚོ་ནས།

རབ་གསལ་གྱིས་བྲིས་པའི་ “སྐལ་ལྡན་བློ་གྲོས་ཀྱི་བཅར་འདྲི།”ཞེས་པ་ཀློག་པའི་རྗེས་སུ་དྲི་བ་འདི་དག་གི་ཐོག་ཏུ་ངའི་བསམ་ཚུལ་འགའ་ཤིག་ཕྱི་ལ་བཏོན་ན་ཅི་མི་ཡོང་སྙམས། རྒྱལ་བ་ཀརྨ་པ་མཆོག་ལ་ཕུལ་བའི་དྲི་བ་བཅུའི་ནང་ནས་དྲི་བ་གསུམ་པ་དང་བཞི་པ་དང་ དྲུག་པ་བཅས་ལ་སུས་ལན་འདེབས་ན་འགྲིགས་ཀྱི་འདུག་པས་ངས་ལན་བརྒྱབ་ཀྱི་ཡིན། གསལ་བཤད་བྱ་རྒྱུ་ཞིག་ལ་ངས་ད་དུང་རྒྱལ་བ་ཀརྨ་པས་དྲི་ལན་ཅི་ཞིག་གསུངས་ཡོད་ མེད་ཉན་རྒྱུ་མ་བྱུང་། ངས་ལན་འདི་གསུམ་འབྲི་ཚར་བའི་རྗེས་སུ་ཁོང་གི་བཅར་འདྲི་ལ་ཉན་རྒྱུ་ཡིན། དེ་སྔོན་ཐེངས་འགའ་ཤིག་རྒྱལ་དབང་ཀརྨ་པའི་གསུངས་བཤད་ཉན་རྒྱུ་བྱུང་བས་ཁོང་ནི་ བློ་རིག་བཀྲ་ལ་བློ་ཁོག་ཡངས་པའི་བོད་མི་སྐྱེས་ཆེན་ཞིག་ཏུ་མཐོང་། གལ་སྲིད་ཁོང་གི་དྲི་ལན་དང་ངའི་དྲི་ལན་བར་ལ་འགལ་བ་ཡོད་ན་དགོངས་པའི་དཔྱད་གཞི་ རུ་འགྲོ་བ་ལས་དགོངས་པ་འཁྲུགས་གཞི་རུ་མི་འགྲོ་བའི་རེ་བ་ཆེ།

དེ་ལས་མང་བ་། “རྒྱལ་བ་ཀརྨ་པ་ལ་ཕུལ་བའི་དྲི་བ་བཅུ་ནས་གསུམ་ལ་ངས་ལན་འདེབས་རྒྱུ་ཡིན” »

༼ཁ་བརྡ་དྲ་དེབ་ལ་གཤམ་གསལ་གྱི་རྩོམ་འདི་ཀློག་མཁན་ཞིག་གིས་བསྐུར་འདུག་ཅིང་།  མཁྱེན་རྟོགས་ཆེད་འདིར་བཀོད་པ་ཡིན། རྩོམ་ཡིག་འདིའི་ནང་། ༧སྐྱབས་མགོན་ཆེན་པོར་མཚན་སྨད་དང་བོད་ཀྱི་དངོས་དོན་ལ་འཁྱོག་བཤད་བྱས་འདུག་མོད། འདིར་ང་ཚོས་དེ་རིགས་མཁྱེན་རྟོགས་ཡོང་ཆེད་ཁོ་ནར་དམིགས་ཏེ་བཀོད་པ་ཡིན། ཁ་བརྡས།༽

—————————————-

༄༅༎ཆོས་གོས་གྱོན་ནས་གདུག་རྩུབ་ཆེན་པོས་མི་དམངས་ལ་བཤུ་གཞོག་གཏོང་མཁན་གྱི་ཞིང་བྲན་བདག་པོ།

སྤེལ་དུས།　2009-04-24　　 ཡོང་ཁུངས།　 བོད་ལྗོངས་ཉིན་རེའི་ཚགས་པར།　　 རྩོམ་པ་པོ། 　རྩོམ་སྒྲིག་པའི་མཆན།

ཏཱ་ལ་སྐྱེ་ཕྲེང་བཅུ་བཞི་པས་བོད་དུ་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ལོག་སྤྱོད་དབང་སྒྱུར་རོ་ལངས་རྒྱག་ཆེད་དང་མེས་རྒྱལ་ཁ་ཕྲལ་གཏོང་ཆེད་ཆོས་ལུགས་ལ་ཁ་གཡར་ནས་ཆོས་གོས་གྱོན་ཏེ་མིང་གྲགས་ལ་བརྟེན་ནས་གང་ས་གང་དུ་འཁྱམ་བཤད་བྱས་ཏེ་འཇིག་རྟེན་ཐོག་གི་སྐྱེ་བོར་མགོ་སྐོར་གཏོང་བ་དང་མགོ་བོ་རྨོངས་སུ་འཇུག་གི་ཡོད།ཏཱ་ ལའི་རུ་ཚོགས་ཀྱི་ལོག་སྤྱོད་ངོ་བོ་དང་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་སྔར་བས་ཐེར་འདོན་བྱེད་ཆེད་འདི་ག་ཚགས་པར་ཐོག་དེ་རིང་ནས་བཟུང“ཏཱ་ལ་སྐྱེ་ཕྲེང་བཅུ་བཞི་པའི་ཆོས་ལུགས་ཐད་ཀྱི་གཡོ་རྫུས་རང་བཞིན་ཐེར་འདོན་བྱེད་པའི་རིམ་སྤེལ་དཔྱད་གཏམ”བཏོན་ནས་ཏཱ་ལས་འདུལ་ཁྲིམས་ལས་འགལ་བ་དང་སྟོན་པར་རྒྱབ་གཏོད་བྱེད་པའི་གདོང་རིས་ངོ་མ་ཐེར་འདོན་བྱས་ཏེ་ཏཱ་ལས་མེས་རྒྱལ་ཁ་ཕྲལ་དུ་གཏོང་བ་དང“བོད་རང་བཙན”གྱི་ལྐོག་གཡོ་བཤམས་པའི་ངན་སེམས་འཛམ་གླིང་ཐོག་ཡོངས་བསྒྲགས་བྱས་ཏེ་མི་རྣམས་ལ་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་གསལ་པོར་རྟོགས་སུ་འཇུག་རྒྱུ་ཡིན།

༡༩༥༩ལོའི་དམངས་གཙོའི་བཅོས་སྒྱུར་གོང་དུ་བོད་འདི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་དབང་སྒྱུར་འོག་གནས་པ་དང་སྡེ་པ་གཞུང་དང་།སྐུ་དྲགདགོན་སྡེའི་མཐོ་རིམ་གྲྭ་བཙུན་བཅས་མངའ་བདག་ཆེན་པོ་གསུམ་ལས་གྲུབ་པའི་ཞིང་བྲན་བདག་པོའི་གྲལ་རིམ་གྱིས་རྒྱ་ཆེའི་ཞིང་བྲན་དང་བྲན་གཡོག་ཚོར་གདུག་རྩུབ་ཆེན་པོས་ཆབ་སྲིད་ཐད་གཉའ་གནོན ་དང་།བསམ་པའི་ཐད་བྲན་བཀོལ།དཔལ་འབྱོར་ཐད་བཤུ་གཞོག་གཏོང་གི་ཡོད།འོན་ཏེ་ཆོས་སྲིད་ཀྱི་དབང་ཆེན་མི་གཅིག་ལ་བདག་པའི་ཏཱ་ལ་ནི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ཐོན་དངོས་དང་།བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་བདག་པོའི་གྲལ་རིམ་གྱི་སྤྱིའི་ཚབ་བྱེད།ཆོས་གོས་གྱོན་ནས་ངལ་རྩོལ་མི་དམངས་ལ་གདུག་རྩུབ་ཆེན་པོས་བཤུ་ གཞོག་གཏོང་མཁན་ཞིང་བྲན་བདག་པོ་ཆེ་ཤོས་བཅས་ཡིན།

དེ་ལས་མང་བ་། “བོད་ལྗོངས་ཉིན་རེའི་ཚགས་པར་གྱི་རྩོམ་ཞིག” »

ཨ་རིག་འགྱུར་མེད་ཀྱིས།

ལོ་འདི་གར་ང་ཚོའི་མིག་གི་ཡུལ་དང་རྣ་བའི་བཅུད་དུ་གྱུར་དང་འགྱུར་བཞིན་པའི་མདོ་སྨད་ཡུལ་གྱི་གླུ་མ་རིག་འཛིན་སྒྲོལ་མར་མཚོན་ན། མཚོ་སྔོན་བོད་སྐད་རླུང་འཕྲིན་ཁང་དང་བརྙན་འཕྲིན་ཁང་གི་གླུ་གར་སྤྲོ་ཚོགས་མང་དག་ཅིག་དང་ལྷན་དུ་ང་ཚོའི་སེམས་ངོགས་སུ་སླེབས་ཤིང་། ཁོ་མོའི་སྙན་འཇེབས་ཀྱི་ངག་གི་འགྱུར་ཁུགས་རེ་རེ་ང་ཚོའི་སེམས་ཀྱི་གཏིང་རིམ་དང་དུང་བ་ཟབ་སར་འཛུལ་འོང་།
དེ་ལྟར་ང་ཡང་གླུ་མ་རིག་འཛིན་སྒྲོལ་མའི་སྙན་མོ་ངག་གི་འགྱུར་ཁུགས་ལ་སེམས་འཁྲེང་ཞིང་དུང་བ་ཟབ་པའི་ལྟ་མཁན་དང་ཉན་མཁན་ཁྲོད་ཀྱི་གཅིག་ཡིན་ལ། རི་བོ་ཧི་མ་ལ་ཡི་ཕར་རྒྱབ་ཀྱི་ཁོ་མོའི་སྙན་ལྷང་ལྷང་གི་གླུ་གཞས་རེ་རེ་མཐོན་པོ་གངས་རི་དང་དམའ་བ་ས་གཞི། ཡངས་པའི་རྩྭ་ཐང་དང་ཕ་མཐའ་མི་མངོན་པའི་མཁའ་དབྱིངས་བརྒྱུད་དེ། ངའི་རྣ་ལམ་དུ་ལྷུང་ཐེངས་རེར། ཁོ་མོ་ནི་ངས་ད་བར་བོད་ཕྱི་ནང་གི་གླུ་མ་མང་དག་ཅིག་གི་གླུ་གཞས་ལ་རོལ་མྱོང་བྱེད་མྱོང་བའི་ཁྲོད་ཀྱི་གཞས་མ་དགའ་ཤོས་དེ་ཡིན་ལ། ཁོ་མོའི་གླུ་གཞས་རེ་རེ་ནི་ང་རང་ཆེས་དགའ་བའི་གླུ་གཞས་རེ་རེ་ཡིན།

དེ་ལས་མང་བ་། “གླུ་མ་རིག་འཛིན་སྒྲོལ་མ་གདངས་སུ་གྱེར་བ།” »

བོད་ཀྱི་དུས་བབ་ནས་བརྐུས།

༡སྤྱི་ཟླ་ ༤ ཚེས་མགོ་ནས་བོད་ཕྱི་ནང་གཉིས་ཀྱི་གསར་ལམ་ཁག་ཏུ་གླེང་སློང་ཤུགས་ཆེ་ཤོས་ནི། དངོས་མིང་ལ་ཁོ་ཚེ་ཚུལ་ཁྲིམས་དང་སྒྲ་མིང་ལ་འཇམ་དཔལ་དགྱེས་པའི་བློ་གྲོས། སྨྱུག་མིང་ལ་འཛམ་གླིང་ཞི་བདེའི་རིག་གནས་ཕོ་ཉ་ཞེས་པ་ཁོང་རྒྱ་གར་བྱང་ཕྱོགས་ངྷ་རམ་ས་ལར་འབྱོར་བའི་སྐོར་རེད། འོན་ཀྱང། གནས་ཚུལ་དེ་ཐོག་མར་གསར་ལམ་ཁག་གི་གསར་འགྱུར་དངོས་མིན་པར། ཟླ་ ༤ ཚེས་ ༩ ཉིན་རྩོམ་པ་པོ་ལྷ་ཆབ་སྦྱིན་པ་ལགས་ཀྱིས་བོད་ཀྱི་དུས་བབ་དྲ་རྒྱའི་ཟིན་བྲིས་སུ། གངས་ཅན་བླ་མའི་ཨབ་ཕྲུག་ཁོ་ཚེ་ཚུལ་ཁྲིམས་ངྷ་སར་སླེབས་པ།

དེ་ལས་མང་བ་། “ཁོ་ཚེ་ཚུལ་ཁྲིམས་ལ་མཇལ་ཁ་མ་རག་པར་ཕྱིར་ལོག” »

བོད་ཀྱི་དུས་བབ་ནས་བཏུས།

ཨ་རིའི་ཝི་སུ་ཀོན་སིན་ (Wisconsin) མངའ་སྡེའི་མལ་ཌི་སིན་ (Madison) གྲོང་ཁྱེར་དུ་ཡོད་པའི་ཝི་སི་ཀོན་སིན་སློབ་གྲྭ་ཆེན་མོས་འདི་ལོའི་ཕྱི་ཟླ་ ༣ པ་ནས་ལས་ཀའི་སྙན་ཞུ་འགེང་ཤོག་བོད་ཡིག་ནང་འགེང་ཆོག་བཟོས་ཡོད་པས། འདི་ནི་ནུབ་ཕྱོགས་རྒྱལ་ཁབ་ཅིག་ཏུ་བོད་ཀྱི་སྐད་ཡིག་ཐོག་འགེང་ཤོག་བཟོ་འགོད་བྱས་ཏེ་བོད་མི་ཚོས་མི་རིགས་གཞན་དང་དཔུང་གཤིབ་འདྲ་མཉམ་གྱིས་རང་གི་སྐད་ཡིག་བེད་སྤྱོད་བྱ་རྒྱུའི་གོ་སྐབས་བྱུང་བ་དེ་བོད་ཀྱི་སྐད་ཡིག་གི་ལོ་རྒྱུས་ནང་ཐོག་དང་པོ་ཡིན་ཞེས་བརྗོད་ཀྱང་མི་འགྲིག་པ་མེད།

ཝི་སི་ཀོན་སིན་ནི་ཨ་རིའི་ནུབ་དཀྱིལ་ས་ཁུལ་དུ་གནས་པའི་འོ་མའི་ཐོན་རྫས་མང་བའི་མངའ་སྡེ་ཞིག་ཡིན་ལ། མལ་ཌི་སིན་དུ་ཡོད་པའི་ཝི་སི་ཀོན་སིན་སློབ་གྲྭ་ཆེན་མོ་ནི་ཨ་རིའི་ཡུལ་དུ་བོད་རིག་པའི་སློབ་གཉེར་སྡེ་ཚན་འགོ་འཛུགས་བྱེད་མཁན་སློབ་གྲྭ་ཆེན་མོ་ཐོག་མའི་གྲས་ཤིག་ཡིན་པ་དང་། བོད་ཀྱི་ནང་ཆོས་སློབ་ཁྲིད་བྱ་ཆེད་དགེ་བཤེས་ལྷུན་གྲུབ་བཟོད་པ་ལགས་ཐོག་མར་ས་གནས་འདིར་ཕེབས་ཤིང་རིམ་བཞིན་བོད་མི་ཁ་ཤས་སླེབས། དེ་ནས་ལོ་རབས་ ༩༠ བའི་ནང་ཨ་རི་གཞུང་གིས་བོད་མི་ཆིག་སྟོང་ཨ་རིར་གནས་སྤོར་བྱེད་དུ་བཅུག་པའི་ཁོངས་བོད་མི་མང་པོ་ཞིག་མལ་ཌི་སིན་གྲོང་ཁྱེར་དུ་སླེབས་འབྱོར་གྱིས་གཞིས་ཆགས་པ་བརྒྱུད་རིམ་པས་བོད་མི་བརྒྱ་ཕྲག་མང་པོ་རྒྱ་གར་དང་བོད། ཨ་རིའི་མངའ་སྡེ་གཞན་ནས་སླེབས་འབྱོར་གནས་སྤོར་བྱས་ཏེ་དེང་སང་ཝི་སི་ཀོན་སིན་མངའ་སྡེའི་ནང་བོད་མི་དྲུག་བརྒྱ་ཙམ་ཡོད་པར་མང་ཆེ་བ་མལ་ཌི་སིན་གྲོང་ཁྱེར་ནང་གནས་སྡོད་བྱས་ཡོད།
ཝི་སི་ཀོན་སིན་སློབ་གྲྭ་ཆེན་མོའི་ཟུར་ཞིག

དེ་ལས་མང་བ་། “ཨ་རིའི་ནང་ལས་ཀའི་སྙན་ཞུ་འགེང་ཤོག་བོད་ཡིག་ནང་བཟོས་པ།” »