དགའ་ལྡན་ཁྲི་ཐོག་བརྒྱ་དང་དང་པོ་ལུང་རིག་རྣམ་རྒྱལ། བེ་རི་འཇིགས་མེད། དགའ་ལྡན་ཁྲི་ཐོག་བརྒྱ་དང་དང་པོ་ལུང་རིག་རྣམ་རྒྱལ་དཔལ་བཟང་པོ་ནི། རབ་བྱུང་བཅོ་ལྔ་མེ་ཕོ་སྟག་༡༩༢༦ལོར་སྤོམ་འབོར་སྒང་གི་ཉེ་འགྲམ་དུ་ཡབ་བློ་བཟང་ཕུན་ཚོགས་དང༌། ཡུམ་ནོར་འཛོམས་ཆོས་སྐྱིད་གཉིས་ཀྱི་སྲས་སུ་སྐུ་འཁྲུངས། དགུང་གྲངས་བདུན་ལ་ཕེབས་པར་འཇོལ་བདེ་ཆེན་གླིང་གི་མཁན་པོ་བློ་བཟང་ཀུན་དགའ་འཕྲིན་ལས་དཔལ་བཟང་པོའི་དྲུང་ནས་རྒྱལ་བའི་བསྟན་པ་ལ་རབ་ཏུ་བྱུང༌། ལི་ཐང་དགོན་ཆེན་གྱི་མཁན་པོ་སྒོ་སོགས་མཆོག་སྤྲུལ་རྗེ་བཙུན་བློ་བཟང་འཇམ་དཔལ་སྙིང་པོ་ལུངརིགས་བསྟན་འཛིན་རྒྱ་མཚོའི་དྲུང་ནས་བསྙེན་པར་རྫོགས། དགུང་གྲངས་ཉི་ཤུ་རྩ་གསུམ་པ་རབ་བྱུང་བཅུ་དྲུག་ས་བྱི་བའི་༡༩༤༨ལོར་དབུས་སུ་ཕེབས་ཏེ་དགེ་ལྡན་རྣམ་པར་རྒྱལ་བའི་གླིང་ཤར་རྩེ་ནོར་གླིང་གྲྭ་ཚང་དུ་བཤེས་གཉེན་དུ་མའི་ཞབས་རྡུལ་སྤྱི་བོར་བླངས་ནས་མདོ་སྔགས་གཞུང་ལུགས་རྒྱ་མཚོར་གསན་བསམ་རྒྱ་ཆེར་མཛད་པས་སྙན་པའི་གྲགས་པས་ཕྱོགས་ཀུན་ཏུ་ཁྱབ། དགུང་ལོ་སོ་གསུམ་པར་རབ་བྱུང་བཅུ་དྲུག་ས་ཁྱིའི་༡༩༥༨ལོར་བསྟན་དགྲ་རྒྱ་དམར་ཀླ་ཀློའི་དཔུང་གིས་བོད་ལྗོངས་བསྟན་འཚོའི་བདེ་སྐྱིད་རྨེག་མེད་དུ་བཅོམ་པའི་སྐབས་རྒྱ་གར་དུ་བྲོས་བྱོལ་དུ་ཕེབས། དེ་ནས་དགུང་གྲངས་བཞི་བཅུ་མ་ཟིན་བར་དུ་སྦག་ས་ཆོས་སྒར་དུ་མཁས་མང་རྒྱ་མཚོའི་དབུས་སུ་མདོ་སྔགས་ཡོངས་རྫོགས་ཀྱི་གནད་ལ་ཤིན་ཏུ་སྦྱངས་པས་མཁས་པ་ཆེན་པོར་གྱུར་ཏེ་ཀུནགྱིས་བཀུར་བའི་འོས་སུ་གྱུར། དེའི་ཕྱི་ལོར་རྒྱལ་བའི་བཀའ་དགོངསབཞིན་ཝཱ་ར་ཎ་སི་བོད་ཀྱི་མཐོ་རིམ་སློབ་གཉེར་ཁང་དངོས་སུ་གསར་འཛུགས་མཛད་སྐབས། རིས་མེད་མཁས་དབང་སློབ་གཉེར་བ་བརྒྱའི་ཁོངས་སུ་ཕེབས་ཏེ་སློབ་དཔོན་དུ་མའི་དྲུང་ནས་རྒྱ་གཞུ་གཙོ་བོར་གྱུར་པའི་གཞུང་ཆེན་ཁག་ལ་ལོ་གསུམ་བསྐྱར་སྦྱོང་མཛད་པའི་འབྲས་རྟགས་སུ་ཨ་ཙཱརྱ་ཨང་རིམ་དང་པོའི་ཕྱག་ཁྱེར་བཞེས་གནང་མཛད། དགུང་གྲངས་ཞེ་བཞི་པར་སློབ་དཔོན་རྒྱུགས་སྤྲོད་ཟིན་པའི་མཁས་དབང་ཡོངས་རྫོགས་རྡ་སར་གཟིམ་ཆུང་དུ་ྋགོང་ས་སྐྱབས་མགོན་ཆེན་པོ་མཆོག་ནས་རྩོད་རྒྱུགས་བཞེས་སྐབས་ཀུན་གྱི་དབུས་སུ་ལྷ་རམས་པའི་མཚན་གནས་བཞེས། དེ་ནས་ལྷོ་ཕྱོགས་གདན་ས་ཁག་གསུམ་གྱི་གཞུང་ལུགས་རབ་འབྱམས་སྨྲ་བ་མཁས་མང་རྒྱ་མཚོའི་དབུས་སུ་གཞུང་ཆེན་བཀའ་པོད་ལྔ་ལ་གྲྭ་སྐོར་དང༌། ལྷ་རམས་པའི་དམ་བཅའ་འཇོག་པར་མཛད།…

དེ་ལས་མང་བ་། “དགའ་ལྡན་ཁྲི་ཐོག་བརྒྱ་དང་དང་པོ་ལུང་རིག་རྣམ་རྒྱལ།” »

ཉེ་ལམ་རྒྱ་ནག་གི་མིང་འདོགས་སྟངས་ཐད་དྲ་ཐོག་ནས་བགྲོ་གླེང་བྱེད་མཁན་འགའ་རེ་བྱུང་ལ། རྒྱ་ནག་གི་ཚབ་ཏུ་དགྱ་ནག་ཅེས་འབྲི་མཁན་ཡང་མང་དུ་འབྱུང་བཞིན་པར་བརྟེན། རྒྱ་ནག་གི་མིང་ལས་འཕྲོས་པའི་བསམ་ཚུལ་འགའ་འདིར་འགོད་འདོད་བྱུང་། བོད་ཀྱི་ལོ་རྒྱུས་ཡིག་ཚང་ཁག་ཏུ་རྒྱ་ནག་དང་རྒྱ་གར་ལ་རིག་གཞུང་དང་གོམས་སྲོལ་སོགས་ཀྱི་སྒོ་ནས་སྒྲ་བཤད་དམ་ཚིག་འགྲེལ་བྱེད་མཁན་སྔར་བྱུང་ལ། བོད་ཀྱི་སྐད་བརྡའི་འགྱུར་རིམ་ཁྲོད་ནས་གླེང་མཁན་ཡང་བྱུང་ཡོད། འདི་དག་ཐམས་ཅད་མཐའ་གཅིག་ཏུ་མ་རེད་ཅེས་དགག་དགོས་དོན་མི་འདུག་ལ། དེ་ལྟར་དགག་པ་ལ་དགོས་པའང་མཐོང་མ་སོང་། ཡིན་ཡང་། རང་གི་བསམ་ཚུལ་དེ་སྦས་གསང་བྱས་ནས་འདུག་དགོས་པའི་རྒྱུ་མཚན་ནི་དེ་བས་ཀྱང་མཐོང་མ་སོང་སྟབས་འདིར་འགོད་པར་བྱ། ངའི་བསམ་ཚུལ་ལ། རྒྱ་ནག་ཅེས་པའི་མིང་འདི་བོད་ཀྱི་ལོ་རྒྱུས་མཁན་པོ་དག་གིས་ཚིག་འགྲེལ་བྱས་པ་ལྟར་དང་། དེང་གི་རྒྱལ་གཅེས་པ་དག་སྙིང་ནད་ཀྱིས་བཟུང་སྟེ་རྒྱ་ནི་དགྲ་རུ་འགྲེལ་བ་འདི་དག་ནི་དོན་དངོས་དང་མཐུན་པ་ཞིག་མ་རེད་འདོད། རྒྱ་ནག་ཅེས་པ་ནི་བོད་རང་གི་མིང་བརྡ་མིན་པར། རྒྱ་ནག་གི་སྐད་དོད་དེ་ཚུར་བོད་སྐད་ལ་ཟུར་ཆགས་པར་སྙམ། དེ་བཞིན་དུ་…

དེ་ལས་མང་བ་། “རྒྱ་ནག་དང་ཙི་ན། China སོགས་གླེང་བ།” »

ན་ནིང་ཞིག་ནས་བཟུང་རྒྱ་ནག་ལ་དགྱ་ནག་འབྲི་མཁན་འགའ་ཤས་ཤིག་བྱུང་། དེ་ཚོ་ལ་སྣང་མེད་བྱས་ནསད་བར་ཁ་བཙུམ་བསྡད་པ་ཡིན། ད་ལོ་ནས་དེ་ལྟར་འབྲི་མཁན་མང་ནས་མང་དུ་འཕེལ་བཞིན་འདུག ད་གཅིག་བྱས་ན་ཁོ་ཚོར་ཁུངས་ཤིག་ཡོད་པ་མིན་ནམ་སྙམ་ནས་ཡིག་རྙིང་དེ་ཚོ་ཀློག་པ་ཡིན། དེ་འདྲ་ཅང་མཐོང་རྒྱུ་མི་འདུག ཏུན་ཧོང་གཏེར་ཡིག་ནང་ཡང་དེ་འདྲ་མཐོང་རྒྱུ་མི་འདུག ཨ་མདོའི་ཁ་སྐད་དུ་བྲིས་པའི་གླུ་དང་ལ་གཞས། སྟོན་བཤད། གཉེན་བཤད། ཆང་བཤད། ཇ་བཤད། མདའ་བཤད། གནས་བསྟོད། རོགས་མཐུན་། བསང་ཡིག་ཚུན་ཆད་ལ་བལྟས་པ་ཡིན།…

དེ་ལས་མང་བ་། “རྒྱ་ནག་ལ་དགྱ་ནག་འབྲི་མཁན་ཚོར་རིམ་གྲོ།” »

ལྷ་སའི་སྦྲག་ཐམ། བོད་ཀྱི་སྦྲག་རྟགས་དང་ཡིག་འབྲེལ་གྱི་འགྲེམས་སྟོན་ཞིག ལྷ་སའི་སྦྲག་ཐམ་་ཞེས་པའི་ལས་འགུལ་འདི་ཟླ་ ༡༡ པའི་ཚེས་ ༡༡ ། གཟའ་སྤེན་པའི་ཉིན་སྤེལ་བྱེད་རྒྱུ་ཡིན་ལ། དོ་སྣང་ཡོད་མཁན་ཚང་མ་ཡོང་ཆོག དེའི་ནང་ལ་དུས་རབས་ཉི་ཤུའི་སྟོད་ཀྱི་བོད་ཀྱི་སྦྲག་ཐམ་དང་། ཡིག་སྐོགས། འཕྲིན་ཡིག་བཅས་འགྲེམས་སྟོན་བྱེད་རྒྱུ་རེད། འགྲེམས་སྟོན་འདིའི་ཐོག་ཏུ་བོད་ཀྱི་སྦྲག་རྟགས་དང་ཡིག་སྐོགས་སྣ་ཚོགས་ལ་དབྱེ་ཞིབ་བྱེད་པ་དང་མཚུངས་སུ། སྦྲག་རྟགས་དང་ཡིག་སྐོགས་དཀོན་པོ་དང་རྫུན་བཟོ་ལ་ཡང་དབྱེ་ཞིབ་བྱེད་རྒྱུ། ཉིན་དང་པོའི་འགྲེམས་སྟོན་གྱི་སྐབས་ལ།…

དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་བོད་ཀྱི་སྦྲག་རྟགས་འགྲེམས་སྟོན་གྱི་གསལ་བསྒྲགས།” »

འོད་ཟེར་གྱི་དྲ་ཐོག་སུ་ཞིག་ནས་ལན་བཞག་པ་འདི་ལྟར། འོད་ཟེར་ལགས། བཀྲ་ཤིས་བདེ་ལེགས། སི་ཁྲོན་རྔ་བ་ཁུལ་དང་དཀར་མཛེས་ཁུལ་གཉིས་ཀྱི་རྒྱལ་སྤྱིའི་ཁ་པར་སྐུད་ལམ་དང་ཡིག་འཕྲིན་ཚང་མར་བཀག་རྒྱ་བསྡམས་འདུག ང་ཚོས་ཕྱི་ལོགས་སུ་ཁ་པར་གཏོང་དཀའ། མི་མང་པོ་ཞིག་ནས་རང་གི་ནང་མིར་འབྲེལ་བ་འཛིན་ཐུབ་པ་མི་འདུག ཨ་ལྕག་ལགས་ལ་རེ་བ་ཞུ་རྒྱུར། གནས་ཚུལ་འདི་རྒྱལ་ཕྱིའི་འགྲོ་བ་མིའི་ཐོབ་ཐང་གི་ཚོགས་པ་ཁག་ལ་བཤད་ནས་ཁོ་ཚོས་འདིར་དོ་སྣང་གནང་འཇུག་རོགས། ཤ་རུས་སོ་སོར་བྲལ་བ་སྙིང་རྗེའི་ཡུལ་ལས་འདས། ཐ་ན་སྤྱིར་བཏང་གི་གནས་འབྲེལ་རིགས་ཀྱང་མཚམས་བཅད། ཁོ་ཚོ་ཡང་སྙིང་མི་གཞན་པས་ཅི་ཞིག་མཐོང་བར་སྐྲག་སྣང་སྐྱེ་གི་ཡོད་པ་རེད？ཁོ་ཚོས་ལག་ལེན་འདེབས་བཞིན་པ་དང་དྲིལ་བསྒྲགས་གཉིས་རྦད་དེ་རྒྱབ་འགལ་ཡིན་པ་འཛམ་གླིང་མི་མང་གིས་མཐོང་བར་ཞེད་སྣང་སྐྱེ་གི་ཡོད་པ་རེད་དམ？བོད་མི་རྣམས་ངོ་མ་སྙིང་རྗེ། རེ་བ་ནི་རྒྱལ་ཕྱིའི་འགྲོ་བ་མིའི་ཐོབ་ཐང་གི་སྒྲིག་འཛུགས་དང་ཚོགས་པ་ཁག་ནས་བོད་དོན་མ་གློད་རོགས། དོན་ངོ་མའི་ཞི་བདེ་དེ་མཐའ་མཇུག་ཡོང་གི་རེད།

གཤམ་གསལ་ནི། གྲགས་པ་ལགས་ཀྱིས་ཁ་བརྡ་ལ་བཏང་བའི་གསར་འགྱུར་རེད་ལ། དེ་ནི་ཉེ་ཆར་མཛོ་དགེར་རྒྱ་གཞུང་ལ་ངོ་རྒོལ་གྱི་སྦྱར་ཡིག་བཀྲམས་པའི་སྐོར་རེད།

གཅན་བཟོད་རྒྱམ། (ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་P.T.900.ལས་དེ་བཞིན་གཤེགས་པས་རྒྱལ་པོ་གོ་འཕངས་བཏུལ་བ་ཞེས་པ་ལས་གོ་བདེར་ཕབས་པ།) གནའ་སྔ་མོ་རྒྱལ་པོ་ཞིག་གིས་རང་གི་སྲས་ཡི་གེ་སློབ་ཏུ་གཏོང་བ་ལ། རོལ་མོར་མཁས་པའི་སྤྲེའུ་གཅིག་ཕྱི་བཞིན་དུ་བཏང་། ལམ་དུ་རྒྱལ་སྲས་ཤིང་ཀུན་ཙ་ལའི་གྲིབ་འོག་ལ་ཉལ་ཞིང་ངལ་གསོ་བ་དང་སྦྲང་མ་མི་འོང་བར་སྤྲེའུ་ལ་སྲུང་དུ་བཅུག སྤྲེའུས་ཤིང་སྟེང་ལ་བལྟས་ནས་ཀུ་ཤུ་གཅིག་འདུག་པ་མཐོང་ནས། ཀུ་ཤུ་ལེན་དུ་ཤིང་སྡོང་ལ་འཛེགས། རྐེད་ཙམ་དུ་བསླེབས་པ་དང་ཕྱིར་བལྟས་བར་རྒྱལ་སྲས་ཀྱི་ཞལ་ལ་སྦྲང་བུ་གཅིག་བབས་ཤིང་ཟ་བཞིན་འདུག་པ་མཐོང་ནས། སྤྲེའུ་སྐྲགས་ཏེ་ཤིང་སྡོང་ལས་བབས་ནས་ལག་པ་གཉིས་ཀྱིས་རྡོ་ཞིག་བླངས་ཏེ་སྦྲང་མ་ལ་བསྣུན་པ། སྦྲང་མ་མ་སོད་པར་འཕུར། རྒྱལ་སྲས་དེར་བསད། སྤྲེའུ་འཇིགས་ཏེ་རིའི་ཕ་རོལ་ཏུ་འབྲོས་སྙམ་ནས་སོང་སོང་བ་དང་། བར་གྱི་ཆུ་ཆེན་པོ་ཞིག་ལ་མ་ཐར་ཏེ་རྡུགས་པ་ལས། མི་གླང་དེད་ཅིག་འོངས་ཏེ་མི་དེས་གླང་གི་མཇུག་མར་འཇུས་ཏེ་ཆུར་བརྒལ་ནས་སོང་བ་དང་། སྤྲེའུས་དེ་མཐོང་ནས་སྙིང་ལ་ངས་ཀྱང་བདག་གི་མཇུག་མར་འཇུས་ཏེ་ཆུར་རྒལ་ན་ཐར་སྙམ་ནས་ཁོ་བོ་རང་ཉིས་ཀྱི་མཇུག་མར་འཇུས་ཏེ་ཆུར་ཞུགས་པས་ཆུས་འཁྱེར་ཏེ་ཤིའོ།།…

དེ་ལས་མང་བ་། “རྒྱལ་བུ་དང་སྤྲེའུ།” »

RFA: ལི་བྷེ་སིས་ཁ་ཆེའི་དྲ་རྒྱའི་བརྒྱུད་ལམ་ནང་རེས་གཟའ་ལྷག་པའི་ཉིན་གནས་ཚུལ་སྤེལ་བ་ལྟར་ན། འཛམ་གླིང་ནང་གི་ཁ་ཆེ་ཚོས་རྡོག་རྩ་གཅིག་སྒྲིལ་གྱི་ཐོག་ནས་དྲག་རྩུབ་ཅན་གྱི་རྒྱ་ནག་དམར་ཤོག་རིང་ལུགས་ཀྱི་ནུས་སྟོབས་དེ་གཏོར་བཤིག་གཏོང་དགོས་ཀྱི་རེད་ཅེས་གསུང་ཡོད་པ་དང། ཆོས་ལ་ཡིད་ཆེས་མི་བྱེད་མཁན་རྒྱ་ནག་དེ་བཞིན་ཨུ་རུ་སུའི་སྤྱི་མཐུན་རྒྱལ་ཁབ་ནང་བཞིན་མར་ལྷུང་སྟེ་ཁ་བྲལ་འགྲོ་ཡི་རེད་ཅེས་དང། རྒྱ་ནག་གཞུང་གིས་ཁ་ཆེའི་ཆོས་ཀྱི་ཐོག་དྲག་གནོན་བྱེད་པ་སོགས་དྲག་རྩུབ་ཀྱི་ལས་འགུལ་འདྲ་མིན་སྤེལ་བཞིན་ཡོད་པ་དེ་འགོག་ཐབས་ཆེད་ང་ཚོས་དཀོན་མཆོག་གི་ལམ་བཟང་པོའི་ཐབས་ལམ་དང་ཆོས་ཀྱི་མཚོན་ཆ་འཁྱེར་ནས་རྒྱ་ནག་དང་མཉམ་དུ་གདོང་གཏུགས་བྱེད་དགོས་ཀྱི་རེད། དེ་ནི་ཁ་ཆེ་བ་ཚོའི་དེ་རིང་གི་ལས་འགན་ཆེ་ཤོས་ཤིག་ཡིན་པ་དང་དེའི་ཐད་ལ་རྒྱལ་སྤྱིའི་ནང་ཡོད་པའི་ཁ་ཆེ་བ་ཚོས་ཤར་ཏུར་ཀི་སི་ཏན་ནང་ཡོད་པའི་ང་ཚོའི་སྤུན་མཆེད་ཚོའི་ཐུགས་འདོད་ལྟར་རྒྱབ་སྐྱོར་མཐའ་གཅིག་ཏུ་གནང་དགོས་ཀྱི་རེད་ཅེས་ལི་སྦི་ཡིས་ཟེར་བའི་ཁ་ཆེའི་དྲ་རྒྱའི་ཐོག་གནས་ཚུལ་གསལ་སྟོན་གནང་ཡོད་པ་རེད།

གྲངས་ཉུང་མི་རིགས་སྐད་ཡིག་གི་ཟུངས་ཤུགས་དང་གསོན་སྟོབས། ༢༠༠༩ལོའི་ཟླ་༡༠ཚེས་༢༣ནས་༢༤བར། མིང་དུ་གྲགས་པའི་སྤྱི་ཚོགས་སྐད་བརྡ་རིག་པ་བ་མཁས་དབང་ཇོ་ཤེ་ཝ་ཧྥི་ཤི་མན་ལགས་ཀྱིས་བོད་ཀྱི་ལོ་རྒྱུས་ཆེད་ལས་མཁས་པ་སློབ་དཔོན་ཨེ་ལིའོ་ཋི་སི་ཕེར་ལིང་དང་མཉམ་དུ་བགྲོ་གླེང་གནང་རྒྱུ་རེད། སྤྱིར་བཏང་བཤད་ན་གྲངས་ཉུང་མི་རིགས་ཀྱི་སྐད་ཡིག་སྤྱོད་པའི་སྤྱི་ཚོགས་ཁག་གིས་རང་ཉིད་ཀྱི་སྐད་ ཡིག་དེ་རྒྱུན་འཛིན་བྱེད་དགོས་པར་མཐོང་གི་ཡོད། ཁོང་ཚོའི་སྐད་ཡིག་དང་སྐད་ཡིག་དེ་སྤྱོད་མཁན་སྤྱི་ཚོགས་ཀྱི་བདེ་ཐང་ཚོད་དཔོག་བྱེད་པའི་ལག་ཆ་ཅི་ཞིག་ཡོད་དམ། གྲངས་ཉུང་མི་རིགས་ཀྱི་སྐད་ཡིག་གི་འཚོ་ནུས་དང་གསོན་ཤུགས་ལ་རྒྱབ་ སྐྱོར་དང་རྒྱུན་འཛིན་བྱེད་པའི་སྲིད་ཇུས་གང་དང་གང་ཡོད་པ། རང་ཉིད་ཀྱི་སྐད་ཡིག་རྒྱུན་འཛིན་བྱེད་པར་འབད་བརྩོན་ བྱེད་པའི་སྤྱི་ཚོགས་སྣ་ཚོགས་ལ་འོས་ཞིང་འཚམས་པའི་བྱེད་ཐབས་གང་དང་གང་ཡིན་ནམ། ད་ཐེངས་ཚོགས་འདུ་འདིས་ རྒྱབ་ལྗོངས་མི་འདྲ་བའི་ཆེད་ལས་མཁས་པ་མང་བོ་གདན་འདྲེན་བྱས་ཏེ། སྐད་ཡིག་གི་འཚོ་བའི་ནུས་པ་དང་ནུས་པ་དེ་རྒྱུན་འཁྱོངས་ཡོང་བའི་སྲིད་ཇུས་ཐོག་གི་རྒྱབ་སྐྱོར། དེ་བཞིན་བོད་ཀྱི་སྐད་ཡིག་གཙོར་བྱས་པའི་གྲངས་ཉུང་མི་རིགས་ཀྱི་སྐད་ ཡིག་ལ་འདུན་ལམ་ལྡན་པའི་མ་འོངས་པ་ཞིག་ཡོང་ཆེད་བྱེད་ཐབས་ཅི་ཞིག་དགོས་མིན་སོགས་ལ་དཔྱད་ཞིབ་བྱས་ཏེ་གོང་དུ་བཏོན་པའི་དྲི་བ་ཁག་ལ་ལན་འདེབས་གནང་གི་རེད།…

དེ་ལས་མང་བ་། “ཀུན་ཕན་ཐེབས་རྩ་ཚོགས་པའི་བོད་ཀྱི་སྐད་ཡིག་སྐོར་གྱི་ཚོགས་འདུའི་གསལ་བསྒྲགས།” »

ད་ལོའི་ལོ་སྟོད་ཙམ་ནས་ཕག་ཆམ་གཉན་རིམས་ swine flu H1N1 ཀྱིས་རྒྱལ་ཁབ་མང་པོའི་གཞུང་དམངས་གཉིས་ཀར་དཀའ་ངལ་མི་དམན་པ་སྤྲད་ཡོད། ད་ལམ་ཨ་རིའི་ནད་རིགས་འགྲོག་སྲིང་ལྟེ་གནས་ (CDC) ཀྱིས་ཕྱི་ཟླ་ ༩ ཚེས་ ༣༠ ཉིན་ནས་རིམ་པས་ཨ་རིའི་མངའ་སྡེ་ ༥༠ ཡི་སྨན་ཁང་དང་འཕྲོད་བསྟེན་ཞབས་ཞུ་ཁང་ ༩༠༠༠༠…

དེ་ལས་མང་བ་། “ཕག་ཆམ་གཉན་རིམས་ཀྱི་འགོག་སྨན་ཐོན་ཡོད་པ།” »

ཉིན་གྲངས་འདི་ཚོའི་རིང་བལ་ཡུལ་རྒྱལ་ཡོངས་ལ་ཆ་བཞག་ན་མ་ཧེ་དང་། ར་ལུག་སེམས་ཅན་སྟོང་ཕྲག་མང་པོའི་སྐེ་བཅད་ནས་དམར་མཆོད་གཏོང་བཞིན་པའི་སྒང་རེད་ལ་དེ་ནི་གཙོ་བོ་ཧིན་རྡུའི་ལྷ་མོ་ནོའུ་ཝ་རྡོར་དགའ་ཞེས་བས་བདུད་མན་ས་སོའུ་ཞེས་བ་འདུལ་བའི་རྒྱལ་ཁའི་དུས་ཆེན་ནམ་རམ་གྱིས་རྭ་ཝན་འདུལ་བའི་དུས་ཆེན་ལ་ངོས་འཛིན་བྱེད་བཞིན་པ་ཡིན་པར་སྐབས་འདི་དག་ལ་བོད་གྱི་མཐའ་མཚམསས་ཁུལ་ནས་ར་ལུག་མང་པོ་ནང་འདྲེན་བྱེད་བཞིན་པ་རེད།