www.youtube.com/བོད་ཀྱི་རོལ་དབྱངས། Tashi Dondup&Gonpotso-Tibetan song མཆོད་པ། གངས་རིའ་ཁ་མདོག་དུང་ཡིན།། དུང་ལ་དྲི་མས་གོས་མེད།། གངས་སེང་ཕྱིར་ལ་ཕེབས་དང་།། དུང་གི་མཆོད་པ་བཤམས་ཡོད།། སྤང་ལྗོངས་ཁ་མདོག་གཡུ་ཡིན།། གཡུ་ལ་གོད་ཆག་བྱུང་མེད།། གཡུ་སྦྲང་ཕྱིར་ལ་ཕེབས་དང་།། གཡུ་ཡི་མེ་ཏོག་བཤམས་ཡོད།། གྲོགས་པོའི་སེམས་པ་མཚོ་ཡིན།། མཚོ་ལ་གཡོ་བ་བྱུང་མེད།།…
གོ་ཚུལ་ཡིན་ན། རྨ་ཆུའི་ལྷོ་རྒྱུད་ཀྱི་སོག་པོ་མདའ་ཚན་ཐུ་མེད་ནས་ཡིན་པའི་གཞས་པ་བཀྲིས་དོན་གྲུབ་ཀྱིས་ཉེ་ཆར་ཡང་གཞས་གསར་བའི་འོད་སྡེར་ཞིག་བཏོན་ཡོད་འདུག འོད་སྡེར་གསར་བ་དེའི་ནང་གི་གཞས་ཚང་མ་བོད་དོན་དང་འབྲེལ་བ་ཡོད་པ་རྐྱང་རྐྱང་ཡིན་འདུག་པས་དལྟ་སྤྱི་བདེ་ལས་ཁུངས་ནས་གཞས་དེ་ཕྱིར་བསྡུ་བྱེད་བཞིན་པའི་སྒང་རེད་ཟེར། ཁོང་ནས་བརྗོད་ཚུལ་ལྟར་ན། ད་ནས་བཟུང་ངས་རང་དབང་ཁོ་ནའི་ཆེད་དུ་གཞས་གཏོང་གི་ཡིན་ཟེར་ནས་དམ་བཅས་པ་རེད་ཟེར། གནས་ཚུལ་མཁོ་སྤྲོད་གནང་མཁན་གྱིས་མུ་མཐུད་བརྗོད་དོན། སྤྱི་བདེ་མི་སྣས་བརྗོད་གསལ་ལྟར་ན། ད་ཐེངས་ཁོང་ལ་ཁྲིམས་ཆད་ཀྱང་གཅོད་གི་རེད་ཅེས་དང་། གཞས་པ་ད་རུང་སྤྱི་བདེ་མི་སྣའི་ལག་ཏུ་ཚུད་མེད་པར་གནས་ག་ཤེད་ཅིག་ཏུ་ཡིབ་བསྡད་ཡོད་པ་རེད་ཟེར། གཞས་པ་བཀྲ་ཤིས་དོན་འགྲུབ་ལགས་ནི་་དེ་སྔོན་ ་་སྤྱི་ལོ་གཅིག་སྟོང་དགུ་བརྒྱ་ལྔ་བཅུ་ང་དགུའི་ལོ་་ ཞེས་པའི་བོད་ཕྱི་ནང་ཀུན་ཏུ་དར་ཤུགས་ཆེན་པོ་བྱུང་བའི་གཞས་དེ་གཏོང་མཁན་ཡང་རེད་འདུག སྔོན་མ་ཁོངབཀག་ཉར་གྱིས་འདྲི་གཅོད་བྱས་རྗེས་བཏང་ཡོད་འདུག དེ་སྔོན་ གོང་གི་གཞས་འདི་གཏོང་མཁན་བཀྲ་ཤིས་དོན་འགྲུབ་ཡིན་པ་ལས་སོག་ཕྲུག་ཤེས་རབ་མིན་པ་ཡང་ཞོར་འཕྲོས་ཀྱི་གསལ་བཤད་ཙམ་ཡིན།
དེ་རིང་འདི་ནས་ཞིབ་འཇུག་སློབ་མ་དང་དངོས་གཞི་འཛིན་གྲྭའི་སློབ་མ་རྣམས་ལ་གཏམ་བཤད་ཅིག་གནང་དགོས་པར་བཤད་བྱུང་། ཞིབ་མོར་བཤད་དགོས་ཚེ། དུས་ཚོད་ཀྱིས་མི་འདང་བས་རགས་ཙམ་བཤད་པར་བྱ། རྩ་བ་ཅི་ཞིག་བཤད་ཅེ་ན། འུ་ཅག་རྣམས་སློབ་གྲྭ་ཆེན་མོའི་ཞིབ་འཇུག་སློབ་མ་སྟེ། བོད་ཀྱི་རིག་གནས་ཀྱི་གཞི་རྩ་འཛིན་མཁན་དང་སློབ་གཉེར་གནང་མཁན་སྐོར་ཡིན་པས། གཅིག་ནས་རང་གི་ལོ་རྒྱུས་ཤེས་དགོས་ཏེ། ད་ལྟ་རང་གི་ལོ་རྒྱུས་ཤེས་མཁན་མེད་པའི་ཁར། ལོ་རྒྱུས་ཡིག་ཚང་ཀློག་པའི་ཚེ། ད་ལྟའི་མིས་བྲིས་པའི་ལོ་རྒྱུས་ཐར་ཐོར་རེ་མ་གཏོགས་ཡིག་ཚང་ཆེན་མོ་སྟེ། བོད་རང་ལ་ཡོད་པའི་ཡིག་ཚང་དག་མོ་རྣམས་སློབ་གཉེར་དང་ཞིབ་འཇུག་བྱེད་མཁན་ཉུང་། སློབ་གྲྭ་འདིར་མཚོན་ནའང་། ལོ་ རྒྱུས་མིང་ཙམ་འཁྲིད་བཞིན་ཡོད་ཀྱང་གོ་ཆེན་པོ་ཆོད་མི་འདུག དེའི་སྟབས་ཀྱིས་རང་གི་མི་རིགས་ཡིན་ན་རང་གི་མི་རིགས་ཀྱི་ལོ་རྒྱུས་ཤེས་དགོས་ ཏེ། རང་གི་ལོ་རྒྱུས་མ་ཤེས་ན་ནགས་ཀྱི་སྤྲེའུ་དག་དང་མཚུངས་པར་གསུངས་ཡོད། གཉིས་ནས་རང་གི་སྲོལ་རྒྱུན་རིག་གནས་ལ་ལྟ་ཚུལ་ཡང་དག་པ་ཞིག་ཡོད་དགོས་ཏེ། འདིའི་ནང་དུ་རྒྱལ་ཁབ་ལ་ཤ་ཞེན་མི་ཆེ་བ་མེད་པས། རྒྱལ་ཁབ་ལ་ཤ་ཞེན་ཆེ་བའི་གཞི་རྩའང་མི་རིགས་ལ་ཤ་ཞེན་ཆེ་དགོས་ཤིང་། རང་གི་མི་རིགས་ལ་ཤ་ཚ་བ་ཞིག་གིས་རང་གི་སྲོལ་རྒྱུན་རིག་གནས་མི་ཤེས་ཞེས་བརྗོད་དཀའ་བ་ཞིག་གོ།
དེ་ལས་མང་བ་། “མཁས་པས་བཤད་ན་ཅི་ཡང་བདེན། དོར་ཞིའི་གསུང་བཤད།” »
(སྒྲོལ་དཀར་སྐྱབས་ཀྱི་དུས་བབ་ཟིན་བྲིས་ནས་བླངས་ཏེ་འདིར་བཀོད། )
ཕྱི་ལོ་༢༠༠༩ ཟླ་༡༡ ཚེས་༡༠ ཉིན་ནང་མིར་བརྡ་སྦྱོར་བཏང་སྟེ་ཕྱི་ཚེས་༡༢ ཉིན་དཀོན་མཆོག་ཚེ་འཕེལ་ལ་ཁྲིམས་གཅོད་ཀྱི་ཉིན་མོ་ཡིན་པས་ནང་མི་ཡོང་དགོས་ཚུལ་བརྗོད་འདུག ཁྲིམས་ར་རུ་ལས་ཁུངས་ཀྱི་ལས་རོགས་དང་ནང་མི་གཉིས་སྐད་བཏང་ཡོད། འཛིན་བཟུང་སྐབས་འཕྲོགས་འཁྱེར་བྱས་པའི་ཅ་དངོས་ལས་གློག་ཀླད་དང་པར་ཆས་གཉིས་གཞུང་བཞེས་བཏང་པ་ལས་ཅ་དངོས་གཞན་ནང་མིར་་རྩིས་སྤྲོད་བྱས་འདུག ཁྲིམས་གཅོད་ཀྱི་སྔ་ཕྱིའི་རྒྱུད་རིམ་ཁྲོད་ནང་མི་ཐུག་འཕྲད་བྱེད་བཅུག་མེད་ཀྱང་ཉིན་བཅུའི་ནང་མཐོ་རིམ་མི་མང་ཁྲིམས་ཁང་ལ་ཞུ་གཏུག་བྱེད་ཆོག་ཚུལ་བརྗོད་ཡོད་འདུག
དེ་ལས་མང་བ་། “མཆོད་མེ་དྲ་རྒྱ་གཙོ་གཉེར་བ་དཀོན་མཆོག་ཚེ་འཕེལ་ལ་ལོ་༡༥ ཁྲིམས་ཆད།” »
གུས་ཤིང་བརྩེ་བའི་སྲིད་འཛིན་ཨོ་བྷ་མ་ལགས།
སྐུ་ཁམས་བཟང་།
མི་འགྱངས་པར་ཁྱེད་རང་དགྱ་ནག་ཏུ་འཚམས་གཟིགས་ལ་ཕེབས་རྒྱུ་ཡིན་པ་གློ་བུར་ཏུ་གོ་ཐོས་བྱུང་པས།
ང་ཚོའི་ངོས་ནས་ཀྱང་དགྱ་ནག་སྲིད་གཞུང་དང་གཅིག་མཚུངས་གི་སྒོ་ནས་དགའ་ཚོར་ཆེན་པོས་ཁྱེད་རང་ཕེབས་པར་དགའ་བསུ་ཞུ་བཞིན་ཡོད།
ང་ཚོ་ནི་ཉམ་ཆུང་མི་སེར་ཁྲོད་ཀྱི་གཏུག་བཤེར་པ་དག་ཡིན།
ཡིན་ནའང་།
ང་ཚོ་ནི་སྤྱི་སྒེར་གང་རུང་གི་ཁེ་ཕན་ལ་གནོད་པའི་ནག་ཉེས་ཀྱི་བྱ་སྤྱོད་ཅི་ཡང་བཟོས་མེད་པའི་ཀྲུང་གོའི་ཁྲིམས་མཐུན་གྱི་སྤྱི་དམངས་ཡིན།
དེ་བཞིན་ང་ཚོ་ནི་ས་གནས་སྲིད་གཞུང་ལ་ཡིད་ཆེས་བརྩི་མཐོང་མེད་པའི་ཧྲང་ཧེ་གྲོང་ཁྱེར་གྱི་གྲོང་མིའང་ཡིན།
གུས་ཤིང་བརྩེ་བའི་སྲིད་འཛིན་ཨོ་བྷ་མ་ལགས།
ཁྱེད་རང་ནི་ཁི་ནེ་ཡའི་གདུང་རྒྱུད་དང་།
མི་སེར་དཀྱུས་མའི་ཁྱིམ་ཚང་དུ་སྐྱེས་ཤིང་དམངས་ཀྱིས་བདམས་ཐོན་བྱུང་བའི་སྲིད་འཛིན་རེད།
ང་ཚོའི་ངོས་ནས་ཀྱང་ཁྱེད་རང་ཐེངས་འདིར་རྒྱ་ནག་དུ་འཚམས་གཟིགས་ཀྱི་སྐབས་དང་བསྟུན་ནས།
ང་ཚོར་གདུང་སེམས་མཉམ་བསྐྱེད་དང་དཀའ་སྡུག་མཉམ་མྱོང་གི་འདུ་ཤེས་ཀྱི་ཐོག་ནས།
དཀའ་སྡུག་ཁྲོད་གནས་པའི་ང་ཚོ་མི་སེར་དཀྱུས་མ་རྣམས་ལ་ཐུགས་སྣང་ཡོང་བ་དང་།
དེ་བཞིན་ཧའོ་ཅིན་ཐའོ་སྲིད་འཛིན་དང་ཝུན་ཇ་པའོ་སྲིད་བློན་གཉིས་ལ་ང་ཚོའི་དཀའ་སྡུག་འདི་བརྒྱུད་སྒྲོག་ཡོང་བའི་རེ་བ་ཞུ།
ངས་གློ་བུར་དུ་གངས་ཉི་དྲན་སོང་། བལྟས་ངན་གྱི་རྨི་ལམ་དེས་གཉིད་དཀྲོག་པ་དང་ངས་གངས་ཉི་དྲན་སོང་། མཚན་གང་ལ་དྲན་སོང་། གཉིད་དཀྲོལ་བའི་རྨི་ལམ་དེས་དབང་གིས་་་་་་་་་་་གྲོགས་པོ་ཚོ་ང་ཚོས་ཁོ་མུན་ནག་ཏུ་འཇོག་མི་རུང་ཡ་་་་་་་་་་་་་་་་་་
གངས་ཉི་སོགས་གསར་བུ་ཚོ་ཅིའི་ཀྱང་ཕྱིར་སྤྲོད་རོགས།
བོད་གཞུག་སྐྱིད། ]
གསལ་འབྱེད་དང་ལག་རྟགས་གང་ཡང་མེད་པར་ཚོད་ཚོད་དུ་བོད་མི་རྣམས་རི་བོང་གླག་གིས་འཁྱེར་བ་དང་། ཉི་ཟླ་གཟའ་ཡིས་བཟུང་བ་ལྟར་བྱས་ན་གྲ་སྒྲིག་དང་དཔུང་རྡང་མེད་པའི་ང་ཚོའི་བསམ་བློ་ཉམ་ཆུང་དེར་རྨ་ཁ་ཅི་འདྲ་ཞིག་བཟོས་ཡོད་པ་ཁྱོད་ཚོས་ལོས་རྟོགས་ཀྱང་མ་ཤེས་ཤེས་ཁུལ་བྱས་ནས་ད་དུང་འདི་ལྟར་འཇམ་ནི་ཐལ་བའི་འཇམ་ཞིག་མེད། མིག་རྩུབ་ནི་དེ་ཡི་ཐུ་ཞིག་མེད་པས་དཔེ་ལྟར་སོང་ན་ང་ཚོའི་བསམ་པའི་གོད་ཆག་ལ་ཁ་ཡ་བྱེད་པ་ཕར་ཞོག གོད་ཆག་འདི་འདྲ་མྱོང་འོས་འོས་ཡིན་པར་སྣང་བ་ནི་དོན་དམ་པའི་སུ་ཞིག་གིས་རྩ་ཁྲིམས་ལ་གུས་མེད་ལུགས་མེད་བྱེད་བཞིན་ཡོད ། སུ་ཞིག་གིས་མི་རིགས་ཀྱི་མཐུན་སྒྲིལ་བར་ལ་འགལ་བ་སློང་བཞིན་ཡོད།
དེ་ལས་མང་བ་། “གངས་ཉི་སོགས་གསར་བུ་ཚོ་ཅིའི་ཀྱང་ཕྱིར་སྤྲོད་རོགས།” »
ཉེ་ལམ། སྐབས་བཞི་བའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་པེ་ཅིང་དུ་མཇུག་བསྡུས་ཡོད་ལ། བོད་ ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན་ལགས་དང་ཐའེ་ཝན་གྱི་འཁྲབ་ཁྲིད་པ་ཏའེ་ ལི་རེན་ལགས་གཉིས་ལ་མཉམ་དུ་པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་ འདུའི་ཕུལ་བྱུང་ལས་གཞིའི་བྱ་དགའ་ཐོབ་པ་རེད། ཤེས་གསལ་བྱུང་བ་ལྟར་ན། སྐབས་བཞི་པའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་ཀྱི་བྱེད་སྒོ་གཙོ་བོ་གསུམ་སྟེ་མཐོ་རིམ་ཚོགས་འདུ་དང་། པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་འདུ། གཞོན་སྐྱེས་བརྙན་པར་བ་བཅས་ལ་གཟིགས་མཁན་ཧ་ཅང་མང་པོ་ཡོད་པ་རེད། ཐོག་མའི་འགྲན་བསྡུར་དུ་ཞུགས་པའི་གློག་བརྙན་༨༠ལྷག་ཡོད་པའི་ནང་། མཐའ་ མཇུག་རྒྱལ་ནང་དང་། ཞང་ཀང་།ཐའེ་ཝན་བཅས་པའི་གློག་བརྙན་༡༢་ཆེས་མཐའ་མཇུག་གི་གློག་བརྙན་ལས་གཞིའི་ ནང་དུ་བདམས་པ་རེད།…
དེ་ལས་མང་བ་། “པདྨ་ཚེ་བརྟན་ལ་གློག་བརྙན་བྱ་དགའ་ཡང་སྐྱར་ཐོབ་འདུག” »
འཛམ་གླིང་ཤར་ནུབ་དུ་གནས་བཅའ་བའི་བོད་རིགས་ཚོའི་ཁྲོད་ན། ལས་བྲེལ་གྱི་དབང་གིས་ཀུན་གླེང་ལེ་ཚན་དུས་ཐོག་ལ་བལྟ་ཁོམ་མེད་མཁན་དག་དང་ཡང་ན་ཀུན་གླེང་ལེ་ཚན་སྔ་མ་རྣམས་བལྟ་འདོད་ཡོད་མཁན་ཚོས། གཤམ་གྱི་སྦྲེལ་ཐག་འདི་བརྒྱུད་ནས་ཀུན་གླེང་ལེ་ཚན་རྣམས་བལྟ་ཐུབ་པ་འདུག www.kunleng.wordpress.com
འདི་ཞིབ་ཏུ་ཀློག་དང་ངོ་མ་བལྟ་རྒྱུ་འདུག སྔོན་ཆད་མ་ཐོས་པ་དང་ཐོས་ཀྱང་ཡིད་ཆེས་སྐྱེ་དགོས་མིན་ཡང་མི་ཤེས་པ་གང་མང་ཞིག་འདུག རྩོམ་འདིའི་མགོ་རུ་རབ་བྱུང་བཅོ་ལྔ་ཟད་པ་ལ་ཉེ་བ་རྔ་ཆེན་ཞེས་པ་ཆུ་ཁྱི་ཞེས་བྲིས་ཡོད་པས། ལོ་འདི་ནི་སྤྱི་ལོ་1922ལོར་ཁེལ་འདུག་ཅིང། མཇུག་ཏུ་སི་ཏུ་དྷརྨ་ས་ར་ཞེས་བྲིས་འདུག་པས། སྐབས་འདིའི་སི་ཏུ་ཆོས་ཀྱི་རྒྱ་མཚོ་ནི་ཀཿཐོག་སི་ཏུ་ཆོས་ཀྱི་རྒྱ་མཚོ་ (1880-1923/5)རེད་བསམ། གང་ལྟར་རྩོམ་འདིའི་མཇུག་ཏུ་རྩོམ་འདི་ནི་འབྲས་ལྗོངས་ལྷ་བཙུན་འཇིགས་བྲལ་འགྱུར་མེད་བསྟན་འཛིན་དཔའ་བོ་དང་། ཁུ་ནུ་བླ་མ་བསྟན་འཛིན་རྒྱལ་མཚན་རྣམ་གཉིས་ཀྱི་ཞལ་ལས་བཏུས་པ་ལྟ་བུ་ཞིག་བྲིས་འདུག་པས། ཁུ་ནུ་བླ་མ་དང་འབྲེལ་བ་ཡོད་མཁན་ཞིག་གིས་བྲིས་པ་ངེས་ཅན་རེད། རྩོམ་འདིའི་ནང་གི་གུག་རྟགས་བརྒྱབ་སྟེ་གསལ་བཤད་ཏོག་ཙམ་རེ་བྱེད་མཁན་ནི་ཁོ་བོ་ཀླུ་སྨྱོན་ཡིན་ནོ།། གཤམ་དུ་རྡེག་གནོན་བྱོས། neyig4
དགེ་ཆོས་ཀྱི་སྐུ་པར་མཐའ་མ།
བདེ་ཆེན་སྒྲོལ་མ་དང་ངའི་བར་གྱི་དགེ་ཆོས་སྐོར་གྱི་བསམ་ཚུལ་མི་འདྲ་བ།
དགེ་ཆོས་ལགས་དང་སྒྲ་གཅན་འཛིན་གཉིས་རྒྱ་གར་ནས་ཐོག་མར་བོད་དུ་ཕེབས་དུས་སུ་ཆབ་མདོའི་བར་དུ་སོང་སྟེ་དགེ་ཆོས་དེ་དུས་གཡུ་སྒྲོན་ལ་ཐུག་པའི་སྐོར་གཡུ་སྒྲོན་གྱི་བུ་མོས་ཀྲུང་གོའི་བོད་ལྗོངས་དུས་དེབ་ལ་བརྗོད་ཡོད་བསམས།
འདོད་པའི་བསྟན་བཅོས་ཀྱི་མཇུག་བསྔོ་བའི་ལེའུ་ཚན་ནང་དུ།
གཡུ་སྒྲོན་གངྒྰ་དེ་བ་ལི་ལ་སོགས། །
ཞེས་པའི་གཡུ་སྒྲོན་དེ་ནི་དགེ་ཆོས་ལགས་ཀྱི་སྡོམ་པ་ཤོར་སའི་ཆབ་མདོའི་གཡུ་སྒྲོན་ཡིན་པ་ཡོངས་གྲགས་རེད། ལོ་ཤས་སྔོན་གྱི་ལ་རྩེའི་དགེ་ཆོས་རྗེས་དྲན་ཚོགས་འདུར་བཅར་མཁན་དགེ་ཆོས་ཀྱི་སྲས་མོ་དགའ་སྐྱིད་གཡང་འཛོམས་ལགས་ནི་གཡུ་སྒྲོན་འདིའི་བུ་མོ་རེད་བསམས། དེ་མིན་དགེ་ཆོས་ཀྱི་སྐུ་ཟླ་མཐའ་མ་གྲོངས་ཁར་ལྷན་དུ་ཡོད་པ་དེ་ལ་བུ་ཕྲུག་ཅང་ཡོད་པའི་སྐད་ཆ་ཅི་ཡང་མི་འདུག
གཡུ་སྒྲོན་གངྒྰ་ཨ་ས་ལི་ལ་སོགས། །ཞེས་བྲིས་ཡོད་དམ་ཡང་བསམ།
ཨ་ལགས་འཇམ་དཔལ་གྱི་དྲིས་ལན་ལས། སྐྱེས་ཡུལ་ཆབ་མདོ་རེད། ་་་ ་་་ རྗེས་མ་དགོངས་པ་རྫོགས་པའི་སྐབས་ལ་ཡང་སྐྱེ་དམན་དེ་རང་ཡོད་བཞིན་པ་རེད། ཅེས་བྲིས་འདུག
ཨེ་རླུང་ཚང་གི་ཨ་ཅག་སྒྲོལ་དཀར་ལགས་ནས་བོད་ནང་གི་ཨ་ཅག་སྒྲོལ་མ་ཞུ་བ་ཆབ་སྲིད་ཀྱི་གོ་རྟོགས་ཧ་ཅང་མཐོ་བ་ཞིག་དང་མཉམ་དུ་དེང་དུས་ཀྱི་བོད་ནང་གི་གནས་སྟངས་སྐོར་གཏམ་གླེང་བྱས་པའི་ལེ་ཚན་ཁག་གཉིས་ལ་གསན་རོགས་གནངས། སེམས་ནང་ན་ཟུག་རྒྱག་པ་དང་མིག་ནང་མཆི་མ་འཁོར་བ་ཞིག་འདུག http://www.rfa.org/tibetan/tamlenggiletsen/tamlengzhalpar/a-conversation-with-dolma-on-situation-in-tibet-1-11052009125438.html
རྡོ་རྗེ་དོན་གྲུབ་ཀྱིས། གྲོགས་པོ་ཚོས་གསན་བྱུང་ངམ། བདེ་ཆེན་དབང་མོ་ཞེས་པའི་གཞས་མ་གྲགས་ཆེན་དེ་ཨ་རི་ལ་སླེབས་འདུག་ཟེར། དངོས་གནས་རེད་དམ། ངའི་གོ་ཐོས་ལ་བདེ་ཆེན་དབང་མོ་ཨ་རི་ན་ཡོད་པ་ཙམ་མ་ཡིན་པར། ལ་རྩེ་དཔེ་མཛོད་ཁང་གིས་ཟླ་བ་འདིའི་ཚེས་པ་ ༡༡ ཉིན་སྤེལ་བཞིན་པའི་ ལྷ་སའི་སྦྲག་ཐམ་ཞེས་པའི་མཛད་སྒོའི་ཡོང་རྒྱུ་རེད་ཟེར། མོས་གཞས་གཏོང་རྒྱུ་ཨེ་རེད། དྲ་གྲོགས་ཚོས་བརྩད་གཅོད་ཅིག་གཏོང་ཐུབ་བམ། དེ་རིང་འདི་ཙམ་ཡིན། བོད་ནང་གི་གཞས་པ་དང་གཞས་མ་གྲགས་ཅན་ཚོ་ལ་མཇལ་འདོད་འདུག་མོད། གནས་ཚུལ་གསལ་པོ་ཞིག་མ་གོ ཨེ་ཤ་ཡ་རང་དབང་རླུང་འཕྲིན་གྱིས་ཏན་ཏན་ཤེས་ཡོད་ཀྱི་རེད།…
ཁ་སང་བསྒྲགས་པའི་གསར་འགྱུར་ལྟར་ན། སྤྱི་ལོ་༢༠༡༢ལོར་མི་རྣམས་ཀྱིས་རེ་སྒུག་ཡུན་རིང་བྱས་པའི་དོན་དག་ཅིག་མངོན་འགྱུར་ཡོང་རྒྱུ་ཡིན་པ་སྟེ། སའི་གོ་ལའི་ཕྱི་རོལ་ཏུ་ཡོད་པའི་བར་སྣང་གི་མགྲོན་ཁང་དེས་མི་རིགས་ཀྱི་མགྲོན་པོར་ཕེབས་བསུ་ཞུ་རྒྱུ་ཡིན་འདུག ཡིན་ན་ཡང་མགྲོན་ཁང་གསར་བ་འདིའི་ནང་དུ་ཐེངས་གཅིག་འགྲོ་གླ་དང་ཞག་གསུམ་སྡོད་གླ་ནི་ཨ་རིའི་སྒོར་མོ་ས་ཡ་བཞི་ཡིན་པ་དང་། ཁྱོད་ཀྱིས་མགྲོན་ཁང་འདི་ནས་ཉི་མའི་འཆར་ནུབ་ཐེངས་བཅོ་ལྔར་མཐོང་ཐུབ་ལ། སྐར་མ་བརྒྱད་ཅུའི་རིང་ལ་སའི་གོ་ལར་སྐོར་བ་ཡང་རྒྱག་ཐུབ། དེ་བཞིན་ཁྱོད་ཀྱིས་འཇིག་རྟེན་འཕུར་སྐྱོད་པ་ཚོ་བཞིན་དུ་རང་ཉིད་སྡོད་སའི་མགྲོན་ཁང་དུ་རང་ལུས་ཀྱི་ལྗིད་ཚད་མར་ཆག་པའི་སྒོ་ནས་རང་དབང་གིས་འཕུར་སྐྱོད་ཀྱང་བྱེད་ཐུབ། བར་སྣང་གི་མགྲོན་ཁང་དེ་འདི་ལྟར་རིན་གོང་ཆེ་བར་ཡང་རྒྱུ་མཚན་མེད་པ་ཞིག་མ་ཡིན་ཏེ། མགྲོན་ཁང་དེ་གསར་རྒྱག་གི་ཆེད་དུ་ལོ་མང་རིང་ཚན་རིག་པའི་ཀླད་ཤུགས་ནུས་པ་བེད་སྤྱོད་བཏང་བ་བཤད་མ་དགོས་པའི་སྟེང་དུ། ཨ་རིའི་སྒོར་མོ་དུང་ཕྱུར་གསུམ་གྱི་འགྲོ་སོང་བཏང་ཡོད་པ་རེད། མགྲོན་ཁང་དེར་འགྲོ་བར་ཐོག་མར་ས་སྟེང་གི་གླིང་ཕྲན་ཞིག་ཏུ་གཟའ་འཁོར་བརྒྱད་ཀྱི་རིང་ལ་ཟབ་སྦྱོང་སྤྲོད་རྒྱུ་ཡིན་པ་དང་། ད་ལྟ་མགྲོན་ཁང་དེར་འགྲོ་འདོད་ཀྱིས་ཐོ་འགོད་བྱས་ཡོད་པའི་མི་གྲངས་ཁྲི་བཞིར་ལོངས་ཡོད་འདུག
བོད་ནང་། འཇམ་དཔལ་རྒྱ་མཚོ། རེབ་ཀོང་རྡོ་རྗེ་མཁར། ཆབ་འགག་རྡོ་རྗེ་ཚེ་རིང་། ཆབ་འགག་གཅོད་པ་དོན་གྲུབ། ཆབ་བྲག་རྡོ་རྗེ་ཚེ་རིང་། ལྗང་བུ། ཉི་ཟླ། སྨན་བླ་སྐྱབས། མཁས་གྲུབ་ཆོས་འཕེལ། ཆབ་བྲག་དཀོན་མཆོག་སྐྱབས། ་་་ ་་་ ད་དུང་མང་། བོད་ཕྱི།…
དེ་ལས་མང་བ་། “སྒྱུ་རྩལ་རྩོམ་ཡིག་འབྲི་མཚམས་བཞག་པའི་རྩོམ་པ་པོ་སྐོར་ཞིག” »
གནས་ཚུལ་ལྟར་ན། བོད་ནང་གི་བོད་ཡིག་ཟིན་བྲིས་སྤྱི་དང་ལྷག་པར་ཧི་གཟུགས་ཟིན་བྲིས་ལ་མིག་སྔར་ཟིན་བྲིས་བརྒྱ་དང་རེ་བརྒྱད་ལ་ཀློག་གྲངས་ཆིག་ཁྲི་དྲུག་སྟོང་ལྷག་དང་དཔྱད་གཏམ་དྲུག་བརྒྱ་ལྷག་ཡོད་པའི་ཟིན་བྲིས་པ་མི་ཁོམ་པའི་རྒྱལ་སྲས་ལགས་ཀྱི་ཟིན་བྲིས་ཧི་ཟིན་དོ་དམ་པས་ཡོངས་སུ་མེད་བརླག་ཏུ་བཏང་བ་དང་མཉམ་ཕྱིར་ཕུད་བྱས་བའི་གནས་ཚུལ་ཞིག་བྱུང་འདུག་ལ་གནད་དོན་དེའི་འབྱུང་རྐྱེན་ནི་གཙོ་བོ་ཁོ་བོའི་ཟིན་བྲིས་་༼གནས་ལུགས་རློན་བཤད་རྒྱབ་ན་འདི་འདྲ་རེད༽ཅེས་པ་དེར་འབྲེལ་བ་ཡོད་ཚུལ་གླེང་འདུག
གཤམ་དུ་བཀོད་པ་གནས་ལུགས་རློན་བཤད་བརྒྱབ་ན་འདི་འདྲ་རེད་ཀློག་རོགས
མི་ཁོམ་པའི་རྒྱལ་སྲས།
–ང་དང་ཟིན་བྲིས་པ་སྐོར་ཞིག་ལ།
ཟིན་བྲིས་ཀྱི་འགྲེད་བརྡབ།
རང་ཉིད་ལ་མི་ཁོམ་པའི་རྒྱལ་སྲས་སུ་བོས་པ་ནས་རང་ཉིད་ཀྱིས་རང་ཉིད་ལ་དམ་བཅའི་སྡོམ་ཚིག་གཅིག་བཀོད་ཡོད་པ་ནི། ངས་སྙན་ངག་མི་ཤེས་ལ། ནམ་ཡང་ལྷ་སྒྲུང་རང་བཞིན་ཅན་གྱི་ལོ་རྒྱུས་མི་ཀློག ང་ལ་མིག་ཡོད་ཅིང་། རྣ་བའང་རབ་ཏུ་གསལ། ལྕེ་དེ་བས་ཀྱང་བཅད་མེད། དེའི་ཕྱིར་ནམ་ཡང་བདེན་དྲང་གི་སྐད་ཆ་ཏག་ཏག་བོད་མང་ཚོགས་ཀྱི་འཚོ་བ་དང་ཐག་ཉེ་སར་བཅར་ཏེ་བཤད་འདོད་ཡོད་ཅེས་བྲིས་ཡོད།
སྤྱི་བཏང་རྟ་བཤད་ལ་རིགས་མང་པོ་ཞིག་ཡོད་པ་ལས་ ་་རྟ་བཤད་རྨིག་བཞི་རླུང་འགྲོས་་ ཟེར་བ་འདི། ཨ་མདོའི་དམངས་ཁྲོད་རྩོམ་རིག་དཔེ་ཚོགས། སྟོན་བཤད་སྐྱིད་གཡང་དགའ་འཁྱིལ་ཟེར་བ་ལས་རྟ་བཤད་ཐུང་ཤོས་ཤིག་བཤུས་ཏེ་བཀོད་པ་ཡིན། རྟ་རབ་ཅིག་གི་མགོ་བོ་ལ།། སྲོག་ཆགས་བདུན་གྱི་མགོ་བོ་ཚང་།། ཡ་མགལ་པོ་ཏི་བརྩིགས་འདྲ་ལ།། མ་མགལ་ལོགས་ནས་བཏེགས་འདྲ་དགོས།། སྦལ་བ་རྒྱ་བོའི་མིག་སྒམ་ལ།། ཨ་བྲ་སྐྱ་མོའི་མིག་འབྲས་དགོས།། རྣ་རྩེ་བདུད་ཀྱི་སོ་བ་ལ།། སྣ་ཁུང་ཇག་པ་སྐུང་ས་དགོས།། སོག་པ་མཛོ་རྒན་ཤ་ཤོར་ལ།། དཔུང་བ་ལུག་ཐོང་བཀྱིག་འདྲ་དགོས།།…
རྩམ་པ་ནི་བོད་པའི་ཁ་ཟས་ཡིན་ཞེས་བརྗོད་ན་དེ་ནི་སྤྱིར་བཏང་ཞིག་ལས་དམིགས་བསལ་གྱི་གོ་དོན་ཅི་ཡང་མེད་། བསམ་གཞིགས་ཀྱ་ཟུར་ངོས་གཞན་ཞིག་ནས་བལྟས་ཚེ་། རྩམ་པ་དང་མི་རིགས་འདི་བར་གྱི་འབྲེལ་བ་དེ་ཧ་ཅང་གི་དམིགས་བསལ་བ་ཞིག་ཡིན་། ཡིན་ན་ཡང་དེ་ལྟར་བརྗོད་མཁན་མེད་ལ་། བརྗོད་དགོས་ཚེ་། བརྗོད་བྱ་དེ་ལ། རྗོད་བྱེད་ཚིག་གི་ཡང་མི་འདང་བ་ལྟ་བུར་སྣང་། དཔེར་ན་འགྲན་བསྡུར་ཞིག་གི་ཆེད་དུ་། དམ་འཇོག་པ། ་་་་ང་ཁོ་ལས་རྒྱལ་མ་ཐུབ་ཚེ་སང་ཕྱིན་ཆད་ངས་རྩམ་པ་མི་ཟ། ཞེས་པ་དེས་མི་རིགས་འདི་དང་རྩམ་པའི་བར་གྱི་འབྲེལ་བ་དེ་ཚད་ངེས་ཅན་ཞིག་དུ་སླེབས་ཡོད་པར་དོག་མི་ཟ། གཞན་ཡང་། ་་་་ང་བརྒྱད་ལོར་ཟ་མ་གཞན་པ་ཕར་ཞོག་རྩམ་པ་ཡང་ཡོད་པ་མ་རེད་། ཟེར་བ་དེས་ཅི་ཞིག་མཚོན་ཐུབ། གང་ཟག་དེས་སེམས་ངོར་རྩམ་པ་ནི་ཟས་ཀྱ་མཐའ་མའི་མཐར་བཞག་ཞིག་རེད་དམ་།…
ཉེ་ཆར་ངེད་ཅག་བཙན་སྲས་དང་གཟི་མིག་གསུམ་པ། ཀླུ་སྨྱོན་བཅས་ཕ་མ་གཅིག་ལས་མཆེད་པའི་བུ་སྤུན་གསུམ་གྱིས་རྒྱུན་རིང་རྨིས་པའི་རྨི་ལམ་ཞིག་མངོན་དུ་གྱུར་པ་སྟེ། ངེད་སྤུན་གསུམ་གྱི་མནོ་བསམ་ཕྱོགས་བསྒྲིགས་ཀྱི་དེབ་ཅིག་རྒྱལ་ཁབ་རིམ་པའི་འགྲོ་ལུགས་བཞིན་ཆོག་མཆན་བརྒྱུད་དེ་ཀན་སུའུ་མི་རིགས་དཔེ་སྐྲུན་ཁང་ནས་དཔར་སྐྲུན་ལེགས་འགྲུབ་བྱུང་སོང་ལ། དེ་ལུགས་མཁྱེན་པར་འདོད་ཚེ་རྡོ་འབུམ་དྲ་ཚིགས་སུ་ཕེབས་རོགས། http://www.dobum.org/index.php?option=com_content&task=view&id=111&Itemid=9
བེ་རི་འཇིགས་མེད། དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག སྤྱི་ལོ་ 2009་ ཟླ་ 10 ཚེས་ 26་ཉིན་ནོར་གླིང་༸གོང་ས་མཆོག་གི་མཛད་རྣམ་སྒོ་དབྱེ་དང་ལྷན་དུ་༸གོང་ས་མཆོག་གིས་གཙོས་རྒྱལ་དབང་ཀརྨ་པ་རིན་པོ་ཆེ་སོགས་ཆོས་རྒྱུད་ཁག་གི་བླ་མ་རྣམ་པ་སོགས་དགེ་འདུན་གྱི་སྡེ་དང་མང་ཚོག་སྟོང་ཕྲག་དུ་མའི་དབུས་སུ་དགའ་ལྡན་ཁྲི་ཐོག་བརྒྱ་དང་དང་པོ་ཁྲི་ཆེན་ལུང་རིགས་རྣམ་རྒྱལ་ཁྲི་ལས་ཟུར་པའི་ཚབ་ཏུ་དགའ་ལྡན་གསེར་ཁྲི་ལ་མངའ་གསོལ་བའི་མཛད་སྒོ་གནང་། དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག (འབྲས་སྤུངས་བློ་གསལ་གླིང་མཁན་རབས་དོན་དྲུག་པ་དང༌། ལ་དྭགས་རི་རྫོང་དགོན་གྱི་སྲས་གྲུབ་པའི་དབང་ཕྱུག་གི་སྐུ་ཕྲེང་གསུམ་པ་ཡིན) ནི། ༡༩༢༧ལོར་མང་སྤྲོ་ཞེས་པའི་མཁར་དུ་མེས་དབོན་བཙན་པོའི་གདུང་རྒྱུད་སྐྱབས་རྗེ་རྒྱལ་སྲས་བ་ཀུ་ལ་རིན་པོ་ཆེའི་སྐུ་མཆེད་དུ་ཡབ་རྒྱལ་པོ་ཕུན་ཚོགས་རྣམ་རྒྱལ་དང༌། ཡུམ་ཚེ་རིང་ལྷ་སྒྲོན་གཉིས་ཀྱི་སྲས་སུ་སྐུ་འཁྲུངས། ྋགོང་ས་བཅུ་གསུམ་པ་ཆེན་པོས་ཡང་སྲིད་འཁྲུལ་བརལ་ངོས་འཛིན་གནང་སྟེ་དགུང་ལོ་བཞི་ཙམ་ནས་རི་རྫོང་དགོན་དུ་བཞུགས།…
དེ་ལས་མང་བ་། “དགའ་ལྡན་ཁྲི་ཐོག་བརྒྱ་དང་གཉིས་པ་ཁྲི་འདོན་མཛད་སྒོ།” »