སྨྱུག་རྒོད་གངས་བུ་དཔལ་གྱིས།
——————
དེ་རིང་གྱི་ཉིན་ཉི་ཟླ་ལྷན་དུ་རོལ་བས་གཞིས་བྱེས་མཉམ་འཛོམ་གྱི་ཉིན་མོ་དྲན་བྱུང་།
ཉི་འཛིན་དང་འབྲེལ་བའི་སྐོར་གླེང་བ།
ཉི་འཛིན་ནི་སྲོལ་རྒྱུན་བཤད་ལུགས་ལྟར་ན། ར་ཧུ་ལའམ་སྒྲ་བཅན་ཟེར་པའི་བདུད་མགོ་ལས་ལུས་པ་མེད་པ་ཞིག་ཡོད་པ་དེས་ཉི་མ་དང་ཟླ་བའི་དཀྱིལ་འཁོར་ཟ་བཞིན་ཡོད་པར་བཤད། དུས་རྒྱུན་ཆོས་སྐད་དུའང་སྒྲ་བཅན་གྱི་མགོ་དང་ཆི་གུའི་ལུས་ཞེས་གྲགས་པ་ལྟར་ཡིན། སྒྲ་བཅན་ནི་ཕྱི་རོལ་པའི་རིག་བྱེད་ཀྱི་གཏམ་རྒྱུད་དང་མཐུན་པར་གླེང་བ་ཞིག་ཡིན་འདུག།
གོང་གསལ་གློག་བརྙན་འདི་ཀླུ་སྨྱོན་ལགས་ཀྱིས་ངོ་སྤྲོད་བྱས་འདུག་པ་ལྟར་འདིར་བཀོད་པ་ཡིན།
http://sndz.tibetcul.com/58818.html
ངའི་ཕ་ཡུལ་ནས་འཁྲབས་པའི་བརྩེ་དུང་གི་གློག་བརྙན་གསར་བ་དམ་བཅའ་ཞེས་པའི་སྟོད་ཆ་ལ་དྲ་ཐག་འདི་ནས་གཟིགས། http://www.tudou.com/programs/view/kDZDpXCwxt4/
ཉེ་བའི་ཉིན་ཤས་ནང་རྒྱ་ནག་གི་གསར་ལམ་ཁག་དུ་སྔ་ཕྱིར་རྒྱུ་མཚན་གསལ་བོ་མེད་པར་གནས་ཚུལ་གཉིས་ཐོན་ཡོད་ལ་འདིའི་ཐད་དོ་སྣང་དང་དབྱེ་ཞིབ་ཆེད་འདིར་བཀོད་ཡོད་་་་་་་་ 2010-01-07 ཉིན་གསར་འགྱུར་ནང་ཀྲུང་དབྱང་གིས་གཏན་འབེབས་གནང་དོན། བློ་མཐུན་པདྨ་འཕྲིན་ལས་ཀྱིས་བོད་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པའི་འགན་བཞེས་རྒྱུ་དང་། བློ་མཐུན་ལེགས་མཆོག་གིས་བོད་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་། རྒྱུན་ཨུ། ཨུ་ཡོན་བཅས་ཀྱི་གོ་གནས་མུ་མཐུད་བཞེས་རྒྱུ་མིན་པ་འདི་ཙམ་འཁོད། ཡང་ཟླ་༡ཚེས་༡༢ཉིན་གྱི་སྔ་དྲོར། བོད་རང་སྐྱོང་ལྗོངས་ཀྱི་མི་དམངས་འཐུས་མིའི་ཚོགས་ཆེན་སྐབས་དགུ་བའི་ཚོགས་འདུ་ཐེངས་གསུམ་པའི་ཀྲུའུ་ཞི་ཚོགས་པའི་གྲོས་ཚོགས་ཐེངས་གསུམ་པ་ཚོགས་ཤིང་། ཚོགས་ཐོག་ཏུ་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ལེགས་མཆོག་དང་། བོད་རང་སྐྱོང་ལྗོངས་ཀྱི་ཀྲུའུ་ཞི་བྱམས་པ་ཕུན་ཚོགས་རྣམ་གཉིས་ཀྱིས་ལས་ཁུར་རྩ་དགོངས་ཞུ་བའི་སྙན་ཞུ་སྒྲོག་འདོན་གནང་ཞིང་། ལེགས་མཆོག་གིས་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གྱི་ལས་ཁུར་རྩ་དགོངས་ཞུས་པ་དང་། བྱམས་པ་ཕུན་ཚོགས་ཀྱིས་རང་སྐྱོང་ལྗོངས་ཀྱི་ཀྲུའུ་ཞི་ཡི་ལས་ཁུར་རྩ་དགོངས་ཞུས་པར་གྲོས་འཆམ་བྱུང་བ་རེད་ཟེར།
བདེན་པ་ཡིན་ན་ཉེ་སྔོན་གུང་གཞུང་གིས་འཛིན་བཟུང་བྱས་པའི་གླུ་བ་བཀྲ་ཤིས་དོན་འགྲུབ་ལ་ལོ་གཅིག་དང་ཟླ་གཉིས་ལ་བཙོན་འཇུག་ཁྲིམས་ཐག་བཅད་སྐད། གལ་སྲིད་དེར་ངོས་ལེན་མེད་ན་ཉིན་ཉི་ཤུའི་ནང་ཡར་མཐོ་རིམ་ལ་ཞུ་གཏུག་བྱེད་ཆོག་གི་ཡོད་པ་འདྲ། སྐད་ཆ་ཁ་ཤས་ཤིག་བཤད་པར་དེ་འདྲ་ཁྲིམས་ཐག་གཅོད་པ་ནི་དྲང་པོ་མ་རེད་ཅེས་འདོད་པར་མ་བབ་པའི་རྣམ་འགྱུར་སྟོན་མཁན་འདུག བཀྲ་ཤིས དོན་འགྲུབ་ནི་ད་ལྟའི་རྨ་ལྷོ་བོད་རིགས་རང་སྐྱོང་ས་ཁུལ་ཁོངས་རྨ་ལྷོ་སོག་རིགས་རང་སྐྱོང་རྫོང་མདའ་ཚན་ཐུ་མེད་ནས་ཡིན་ཞིང་། ཕའི་མིང་ལ་འཇའ་ཚུར་དང་མའི་མིང་ལ་རྟ་པ་ཟེར། ན་ནིང་ཁོང་གིས་ གཅིག་སྟོང་དགུ་བརྒྱ་ལྔ་བཅུ་ང་དགུའི་ལོ་ཞེས་པའི་གླུ་དེ་བླངས་ནས་བཀག་ཉར་བྱས་པ་དང་། ད་ལོར་ཡང་སྐྱར་ བསད་དང་རུང་འགྱོད་པ་ང་མེད་གི་ སོགས་ཀྱི་གཞས་འཁོར་ཞིག་བཏོན་པས་འཛིན་བཟུང་དང་ཁྲིམས་ཐག་བཅད་པ་ཡིན་འདུག ཁོང་གི་གཞས་རྣམས་ལ་ཉན་ན་ཡིག་ཁྲོབ་ནང་བཀྲ་ཤིས་དོན་འགྲུབ་ཀྱི་མིང་ཐོག་ནས་ཚོལ་དང་ཁོང་གི་གཞས་སྔ་ཕྱི་ཉི་ཤུ་ལྷག་འདུག
གྲོང་ཁྱེར་ཞིག་གི་འདྲ་པར་མཐོང་རྗེས་རང་གི་མྱོང་ཚོར་གླེང་བ།
ཀླུ་སྨྱོན།
ལོ་ཆུང་དུས།
ངས་ནམ་ཞིག་ང་རང་ཁང་བརྩེགས་མཐོན་པོ་མང་སའི་གྲོང་ཁྱེར་ཞིག་ཏུ་སྡོད་ཐུབ་བམ་སྙམ།
ད་ལྟ་བསམས་དུས།
ཁང་བརྩེགས་རེ་རེའི་ནང་དུ།
གདོང་ལ་ཤི་མདོག་ཤར་བའི་མི་སྐོར་ཞིག་འཚོགས་ནས་ཚེ་སྲོག་གི་ཤི་གསོན་ཆེད་དམར་འཛིང་བྱེད་བཞིན་འདུག་པས།
ང་ངོ་མ་གྲོང་ཁྱེར་དང་གྲོང་ཁྱེར་གྱི་ཁང་བརྩེགས་མཐོན་པོ་དག་ལ་ཞེད་ཀི་འདུག
ང་ངོ་མ་ཕ་མཐའ་ཡས་ཤིང་རྩྭ་ལྗང་གི་རྦ་རླབས་གཡོ་བའི་སྤང་ཐང་ཞིག་ཏུ་བསླེབ་ན་འདོད།
ཀླུ་སྨྱོན།
ཐབ་ཚང་གི་ཕྱི་སྒོ་ཕྱེ་ཐེངས་རེ་རེར།
ཁ་གཏད་ཀྱི་ཁང་པ་དེར་བསྡད་ཡོད་པའི་བགྲེས་མོ་ཁེར་འདུག་དེར་གྲགས་འགུལ་ཅི་ཡང་མེད་པ་རྒྱུན་ལྡན་ཡིན།
འདི་ལོའི་སྟོན་མཇུག་ནས་བཟུང་།
ངས་མོ་རང་ཚར་གཅིག་ཀྱང་མཐོང་མ་སོང་།
མོ་གྲོངས་ཟིན་པ་ཡིན་ནམ།
ཡང་ན་རང་གི་བུ་ཕྲུག་དང་ཚ་བོ་ཚ་མོ་གང་རུང་ཞིག་གི་ཁྱིམ་དུ་ནང་མི་ལྷན་འཛོམ་གྱི་ཆེད་དུ་སོང་བ་ཡིན།
ཡང་ན། སྨན་ཁང་ཞིག་ཏུ་ཆེས་མཐའ་མཇུག་གི་མཁའ་དབུགས་དེ་རྔུབ་ཏུ་སོང་བ་ཡིན།
ངས་མི་ཤེས། ངས་ངོ་མ་མི་ཤེས།
<>། ཞེས་བྱ་བའི་གསུང་རྩོམ་འདི་ཉིད་མཁས་པའི་དབང་པོ་དགེ་བའི་བཤེས་གཉེན་ཆེན་པོ་གང་ཉིད་ཀྱིས་ལྗགས་རྩོམ་ཇི་ལྟར་མཛད་པ་དང་། རྒྱ་གར་དུ་ཇི་ལྟར་གདན་འདྲེན་ཞུས་པའི་རྒྱུད་རིམ་རགས་ཙམ་ཞུ་ན། དེ་ཡང་ལྗགས་རྩོམ་འདི་བཞིན་དགེ་བའི་བཤེས་གཉེན་དམ་པ་གང་གིས་རྒྱ་ནག་ཁྲོན་ཏུའུ་གྲོང་ཁྱེར་ནས་མོ་ཊ་ཉིན་གཅིག་གིས་ཆོད་པའི་ས་གནས་དར་ཙོང་བཙོན་ཁང་ཟེར་བ། བཙོན་པ་སྟོང་ཕྲག་གཉིས་ལྷག་དང་བཙོན་སྲུང་ལས་བྱེད་ཁོ་ན་སྟོང་ཕྲག་གཅིག་བརྒལ་བ་ཡོད་པའི་བཙོན་ར་དེའི་ནང་དུ་མི་ལོ་ཧྲིལ་པོ་བཞི་མ་ཟིན་ཙམ་བཞུགས་རིང་། ཉེས་རྡུང་དང་དོ་སྒྲགས་གཞན་ལས་རྩུབ་པའི་འོག །བཙོན་ཁང་ནང་ལྐོག་ཏུ་བྲིས་པའི་ལྗགས་རྩོམ་གྱི་ཆ་ཤས་ལེ་ཚན་ཞིག་རེད། བཙོན་ཁང་ནང་དོ་སྒྲགས་ཤིན་ཏུ་ཆེ་ཁར་སྣག་ཤོག་སྨྱུ་གུའི་ཆ་རྐྱེན་ཡང་ཤིན་ཏུ་ཁག་པོ་ཡིན་པ་བཤད་མ་དགོས་པ་རེད། སྟབས་ལེགས་པ་ཞིག་ལ་བཙོན་རོགས་རྒྱ་རིགས་ཁག་གཅིག་དགེ་རྒན་དམ་པའི་མཛད་སྤྱོད་ལ་དད་པ་སྐྱེས་ནས་གསང་བ་དེ་ཙམ་མི་དགོས་པར་ཆགས་པ་དང་། བཙོན་སྲུང་དང་བཙོན་གྲོགས་ཐ་མག་འཐེན་མཁན་ཁག་གཅིག་གི་ཐ་མལ་པགས་པ་བསྒྲུགས་ནས་བསགས་པ་དང་། བཙོན་རོགས་རྒྱ་མི་འགའ་ཞིག་གི་རྒྱུད་ནས་སྐམ་སྨྱུག་ནང་རྙིང་བཅད་གཏུབ་ཀྱིས་ལྐོག་ཉར་བྱས་ནས་ལྐོག་འབྲི་གནང་ཟིན་རིགས་ཧ་ཅང་དམ་པའི་ཤོག་དྲིལ་གནང་ནས་སྦས་ལྐུངས་གནང་པ་ཁག་གཅིག་བཙོན་དུ་གཏུགས་མཇལ་བཅར་མཁན་སློབ་མ་ཚོར་ཕྱག་བཏང་བའི་ཟོལ་གྱིས་ལག་ཏུ་སྤྲོད་པ་དང་། འགའ་ཞིག་ནི་རྒྱ་གཞུང་གིས་བཙོན་སྲུང་ལྐོག་ནས་གསང་སྤྱོད་ལྕགས་ཀྲིས་རྐུབ་ཏུ་སླན་པ་སོགས་ལ་བརྟེན་ནས་བསགས་པ་ཞིག་ཡིན་འདུག །
(ནེའུ་ཡོག་ནས་བདེ་སྐྱིད་སྒྲོལ་མས་གནས་ཚུལ་མཁོ་འདོན་བྱས།)
(པར་བ་འགྲོ་དོན་རྣམ་གླིང་།)
ཨ་རིའི་ནེའུ་ཡོག་བོད་ཀྱི་ཕོ་གསར་འགྲན་སྡུར་ཁྲོད་རྒྱལ་ས་ཝ་ཤིན་ཀྲོན་ནས་ཕེབས་པའི་བསྟན་འཛིན་ལ་ཨང་དང་པོའི་བྱ་དགའ་ཐོབ་ཡོད། ་
ཨ་རིའི་ནེའུ་ཡོག་དང་ནེའུ་ཇེར་སི་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་སྤྱི་ལོ་༢༠༠༩སྤྱི་ཟླ་༡༢ ཚེས་༣༡ ཉིན་ལ་ཨ་རིའི་མངའ་ཁོངས་ཀྱི་བོད་པའི་ཕོ་གསར་འགྲན་སྡུར་གྱི་ལས་འགུལ་ཞིག་སྤེལ་ཡོད་པ་དང་། ལས་འགུལ་དེར་འཛུལ་ཞུགས་བྱེད་མཁན་ཕོ་གསར་བཞི་དང་ལྟད་མོ་བ་སྟོང་ཕྲག་གཉིས་དང་ཕྱེད་ཀ་ལྷག་མཉམ་འཛོམས་བྱུང་ཡོད་འདུག
ཀླུ་སྨྱོན།
ལོ་གསར་ཤོག་སྦག་གི་མེ་ཏོག་སྙིང་རྗེ་བོ། །
རྒྱལ་ཁབ་སྣ་ཚོགས་ཀྱི་རྒྱལ་སར་འཐོར་སོང་མོད། །
ཁ་བ་རི་བ་ཡི་རྨི་ལམ་རྙིང་བ་འདི། །
ད་དུང་མག་མོག་ཅིག་ཡིན་པས་སྐྱོ་བ་ལ། །
ཕོ་བྲང་པོ་ཏ་ལ་རྨངས་ནས་མ་བརྡིབས་སྔོན། །
སྤྱན་རས་གཟིགས་མགོན་གྱི་སྤྱན་ཟུང་མ་བཙུམས་གོང་། །
ཕ་ཡུལ་གངས་ལྗོངས་ཀྱི་མ་འོངས་བདེ་ཐབས་དེ། །
རང་གཞན་གཉིས་སྐྱིད་ཅིག་ཡོང་ན་དགའ་བ་ལ། །
ཁྲག་གིས་བྲིས་པ་ཡི་ལོ་རྒྱུས་འཇིགས་པོ་འདི། །
འདས་པའི་ལོ་རྒྱུས་ཀྱི་དཔང་རྟགས་གསོན་པོ་འདི། །
མི་རིགས་རྩ་སྟོང་གི་ཉེན་ཁ་ཆེན་པོ་འདི། །
བསམ་བཞིན་མིག་ཆུ་དེ་ཁྲག་ཏུ་འཛགས་པ་འདི། །
གངས་རིའི་ཁོང་གསེང་གི་སེང་གེ་དཀར་མོའི་ཁྱུས། །
གསེར་འབྲུག་སྡེར་ལྔ་ཡི་སྲིད་ཁྲི་འཕྲོགས་པའི་གཏམ། །
གནའ་བོའི་གླེགས་བམ་གྱི་ཁྲོད་དུ་ཉལ་བ་འདི། །
དེ་རིང་ཡང་སྐྱར་ཅིག་མ་བཀླགས་ཐབས་མེད་སོང་། །
གཡག་རྒོད་ངར་མ་ཡི་རྭ་རྩེའི་མེ་ལྕེ་ཡིས། །
མཐའ་མིའི་རྒྱལ་ཁམས་དེ་ཐལ་བར་བསྲེགས་བྱས་ཤིང་། །
རྟ་མཆོག་རྒོད་པོ་ཚོའི་རྨིག་ལྕགས་མཁྲེགས་པོ་ཡིས། །
དགྲ་བོའི་ཀླད་ཞོ་དེ་གཏོར་བའི་གཏམ་རྒྱུད་དྲན། །
ཨ་རིའི་ནིའུ་ཡོག་ཊའེམ་སི་ ཞེས་པའི་ཐོག་གསར་འགྱུར་སྤེལ་བ་ལྟར་ན། རྒྱ་ནག་གཞུང་དང་གཞུང་འབྲེལ་གྱི་ལས་ཁུངས་ དག་གིས་འདས་པའི་ཟླ་བ་ བཅུ་གཅིག་གི་ནང་ཚུད་ལ་ ཨ་སྒོར་ དུང་ཕྱུར་ ༣༥ ཙམ་ལྐོག་ཟ་བྱས་པའམ་སྤྱོད་ལོག་ཏུ་བྱས་་ཡོད་པ་རེད་ ཞེས་འཁོད་འདུག སྡོམ་རྩིས་འདི་ནི་ རྒྱལ་ཡོངས་རྩིས་ཞིབ་ལས་ཁུངས་ཀྱིས་ ལས་ཁུངས་ འབུམ་གཅིག་ལྷག་ལ་བརྟག་དཔྱད་བྱས་མཐར་རྙེད་པ་ཡིན་ལུགས་བཀོད་འདུག གནས་ཚུལ་ཞིབ་གསལ་འདི་ན་འདུག…
སྤང་རི་སྣ་རིན་པོ་ཆེ་ལོ་ ༨ དང་ཟླ་ ༦ ཁྲིམས་གཅོད།
ཉེ་ཆར་ཕ་ཡུལ་ནས་གནས་ཚུལ་ཁུངས་ལྡན་གོ་གསལ་ལ་སྤང་རི་སྣ་རིན་པོ་ཆེ་མཆོག ༢༠༠༩ ཟླ་ ༡༢ ཚེས་ ༢༣ ཞོགས་པ་ཆུ་ཚོད་༩ ཐོགས་དཀར་མཛེས་ཁུལ་དར་མདོ་འབྲིང་རིམ་མི་དམངས་ཁྲིམ་ཁང་ནས་ཁྲིམས་གཅོད་ཀྱི་བཅད་ཁྲ་བཏང་འདུག་བཅས་ཁྲ་དེའི་ནང་རིན་པོ་ཆེ་ཁོང་མི་ལོ་ཧྲིལ་པོ་ ༨ དང་ཟླ་བ་ ༦ གི་བཙོན་འཇུག་ཐག་གཅོད་བྱས་འདུག །ཁོང་ཁྲིམས་ཐག་གཅོད་པའི་སྐབས་ཁྲིམས་རའི་ནང་དེ་སྔོན་ཁོང་གི་ཁྲིམས་རྩོད་པ་གཉིས་གླས་མྱོང་བ་དེ་གཉིས་ཀ་རྩ་བ་ནས་ཡོང་བཅུག་མི་འདུག་ལ། ཁྲིམས་རའི་ནང་ཕྱོགས་གཅིག་གིས་མ་གཏོགས་སྐད་ཆ་བཤད་པ་གཏན་ནས་མེད་པ་དང༌། ཕྱོགས་གཅིག་པོ་དེས་གང་བཤད་པ་ལྟར་ཐག་གཅོད་བྱེད་རྐྱང་ལས། ཀྲུང་ཧྭ་མི་དམང་སྤྱི་འཐུས་རྒྱལ་ཁབ་ཀྱི་ཉེས་དོན་གཏུགས་གཤེར་བཅའ་ཁྲིམས་དོན་ཚན་ ༣༢ པའི་ནང༌། ཉེས་ཅན་པ་དང༌། གྱོད་ཡ་རང་ཉིད་ཀྱིས་རང་ལ་དག་འབུད་བྱེད་པའི་ཐོབ་ཐང་ཡོད་པ་མ་ཟད། མི་གཅིག ནས་གཉིས་ཀྱིས་དག་འབུད་བྱེད་རྒྱུར་མངགས་བཅོལ་ཡང་བྱས་ཆོག ཅེས་པ་པ་དང་ཡོངས་སུ་འགལ་བའི་ཁྲོམས་གཅོད་བྱས་འདུག ཁྲིམས་རའི་ནང་ཐག་གཅོད་སྐབས་ནང་མི་ལྔ་ཙམ་ཡོང་བཅུག་ཡོད་ནའང་ཕན་ཚུན་ཐུག་འཕྲོད་དང་སྐད་ཆ་བཤད་པ་གང་ཡང་བྱུང་མི་འདུག །ལོ་གཅིག་ལྷག་རིང་ཐག་གཅོད་གང་ཡང་མེད་པར་རྡུང་བརྡེབ་གནར་གཅོད་ཁོ་ནས་སྡུག་གྱོང་བཏང་སྐབས་སྐུ་གཟུགས་ཤིན་ཏུ་སྐྱོ་བས། ནང་མི་ཚོའི་སེམས་པར་རྨ་ཁ་བཟོ་བྱེད་ཙམ་ལས་དོན་སྙིང་གང་ཡང་བྱུང་མི་འདུག །རྒྱུན་ལྡན་ཁོང་ལ་དད་པ་དང་དོ་སྣང་ཞུ་མཁན་རྒྱ་ཆེ་མང་ཚོགས་ཁྲི་སྟོང་བརྒལ་བ་ཡོད་པའི་ནང་ནས་ཁྲིམས་རའི་ནང་ཞུགས་འདོད་ཡོད་མཁན་ཤིན་ཏུ་མང་པོ་ཡོད་ནའང༌། དེ་རིགས་རྐང་གཅིག་ཀྱང་བཏང་མི་འདུག །
དེ་ལས་མང་བ་། “སྤང་རི་སྣ་རིན་པོ་ཆེ་ལོ་ ༨ དང་ཟླ་ ༦ ཁྲིམས་གཅོད།” »
བློ་བཟང་ཡོན་ཏན།
བླ་བྲང་བཀྲ་ཤིས་འཁྱིལ་དུ་དགེ་ཆོས་ཀྱི་སྐབས་སུ་ཡོད་པའི་སའི་གོ་ལ་རིལ་རིལ་གྱི་ས་ཁྲ་ཟླུམ་པོ།
ཁ་སང་གྲོགས་པོ་ཤིག་གིས་ཁ་བརྡའི་དྲ་རྒྱ་སྟེང་བཀོད་པའི་རྩོམ་མིང་ལ་སའི་གོ་ལེབ་ལེབ་དུ་འདོད་པའི་གནའ་བོའི་མཚར་གཏམ་ཟེར་བ་ཞིག་དང། ཁ་ཆེའི་ཀོ་རན་ལས་བཤད་པའི་སའི་གོ་ལ་ལེབ་ལེབ་ཟེར་བ་ཞིག་དང། དེ་གཉིས་ལ་བཏབ་པའི་མཆན་དང་བཅས་བསྐུར་ཡོང་ནས། “་གྲོགས་པོ་ལགས། ས་དཀྲུག་གནམ་དཀྲུག་བྱས་ཚར་འདུག། ད་བྲོས་བསམ་ཡང་ཐར་ས་ཅིག་མི་འདུག”་ཅེས་རྩེད་མཚར་གྱི་ཚུལ་དུ་གསུང་ཞིང། དེ་བཞིན་རྔ་བ་རྒྱལ་ཁམས་པས་བྲིས་བའི་རྩོམ་འདི་ལ་ལན་ཞིག་ངེས་པར་ཏུ་ཡོད་པ་ཞེས་བྲིས་འདུག་པས། བློ་ཞིབ་མོ་དང་དྲང་བོ་ཞིག་གིས་རྩོམ་དེ་གཉིས་ཀློག་པ་ཡིན།
ཉིན་ཤས་སྔོན་ཕྱི་གླིང་བ་ཞིག་གིས་བལ་བོད་ས་མཚམས་ནང་པ་ལའི་དབུ་རྩེ་ལ་བོད་གྱི་རྒྱལ་དར་བསྒྲེངས་འཛུགས་བྱས་བ། དྲ་འབྲེལ་འདི་བརྒྱུད་བལྟ་ཐུབ བལ་བོད་ས་མཚམས་ཀྱི་བོད་ཀྱི་རྒྱལ་དར།
ཀླུ་སྨྱོན།
བོད་སྔ་རབས་པའི་གསང་སྔགས་འཆང་བ་ཕལ་ཆེ་བ་དང་། དེ་དག་གི་བཤད་སྲོལ་འཛིན་པའི་ཕྱིས་ཀྱི་མཁས་པ་མང་པོས་ཕ་རྒྱུད་མ་རྒྱུད་གཉིས་ མེད་ཀྱི་རྒྱུད་གསུམ་དུ་འབྱེད་ཅིང་། དེ་གསུམ་ནང་ཕན་ཚུན་འགལ་བ་ཅན་ཅན་དུ་ཁས་བླངས་ནས། དེ་དག་གི་འཇོག་བྱེད་ལ་རྒྱུད་གཉིས་ཀྱི་མཐུན་ཕྱོགས་ལ་མཐོང་ཙམ་རེ་བཙལ་ནས་སྣ་ཚོགས་པ་ཞིག་སྨྲ་བར་བྱེད་དོ།།དེ་ཡང་རྟོག་བདུན་རྒྱུད་འགྲེལ་ཆེན་མོར་འདོད་ཚུལ་མང་ཙམ་བཀོད་པ་འདི་ལྟར། ཐབས་ཤེས་རེ་རེ་བ་སྟོན་པ་ཕ་མའི་རྒྱུད་དང་། གཉིས་ཀ་སྟོན་པ་གཉིས་མེད་ཀྱི་རྒྱུད། འདི་སྐད་བདག་ཐོས་ཀྱིས་ཐོག་དྲངས་པ་ཕ་རྒྱུད། གསང་བ་མཆོག་གིས་དགྱེས་པ་ཞེས་པས་ཐོག་དྲངས་པ་མ་རྒྱུད། ཐམས་ཅད་མཁྱེན་པ་ཡེ་ཤེས་སྐུ་སོགས་ཀྱིས་ཐོག་དྲངས་པ་གཉིས་མེད་རྒྱུད། ཐབས་རྒྱ་ཆེ་སྟོན་པ་ཕ་རྒྱུད། ཤེས་རབ་ཟབ་པ་སྟོན་པ་མ་རྒྱུད། དེ་གཉིས་ཆ་མཉམ་དུ་སྟོན་པ་གཉིས་མེད་རྒྱུད། བསྐྱེད་རིམ་གྱི་དེ་ཉིད་སྟོན་པ་ཕ་རྒྱུད། རྫོགས་རིམ་གྱི་དེ་ཉིད་སྟོན་པ་མ་རྒྱུད། གཉིས་ཀའི་དེ་ཉིད་སྟོན་པ་གཉིས་མེད་རྒྱུད། འབྱུང་བ་རིམ་བརྩེགས་ཞུ་བ་ལས་རྡོ་རྗེའི་སའམ་གཞལ་ཡས་ཁང་བསྐྱེད་པ་ཕ་རྒྱུད། འབྱུང་རིམ་བརྩེགས་བསྐྱེད་ནས་མི་བཞུ་བར་དེ་སྟེང་གཞལ་ཡས་ཁང་བསྐྱེད་པ་མ་རྒྱུད། དེ་བསྐྱེད་ཅིང་ཞུ་བ་ལས་སླར་ཡང་འབྱུང་བ་རིམ་བརྩེགས་སྟེང་གཞལ་ཡས་ཁང་བསྐྱེད་པ་ གཉིས་མེད་ཀྱི་རྒྱུད། ཡེ་ཤེས་པ་དགུག་གཞུག་སོགས་ལ་རྣལ་འབྱོར་ཕ་རྣམས་རྒྱུ་ཞིང་མོ་རྣམས་མི་གཡོ་བར་ གནས་པ་ཕ་རྒྱུད། དེ་ལས་ལྡོག་པ་མ་རྒྱུད། དུས་འཁོར་ནི་གཉིས་མེད་ཀྱི་རྒྱུད། ཡབ་ཡུལ་ཞལ་ཕྱག་མཉམ་པ་ཕ་རྒྱུད། མི་མཉམ་པ་མ་རྒྱུད། གཙོ་བོ་ཡབ་ཡུམ་ཞལ་ཕྱག་མི་མཉམ་པ་ལ་འཁོར་གྱི་དེ་མཉམ་པ་གཉིས་མེད་རྒྱུད།
དེ་ལས་མང་བ་། “ཕ་རྒྱུད་མ་རྒྱུད་གཉིས་མེད་རྒྱུད་གསུམ་ཇི་ལྟར་འཇོག་ཚུལ།” »
རང་རང་གི་བདེ་སྡུག་གི་བྱེད་པོ་རང་རང་རེད། ཡིན་ན་ཡང་ངའི་ནམ་རྒྱུན་གྱི་དྲི་བ་ནི། ང་ཚོར་མགོ་དང་དེའི་ནང་དུ་བསམ་བློ་གཏོང་སྤྱད་ཀྱི་ཀླད་པ། རྐང་ལག་དང་དེའི་སྣེ་རུ་དངོས་པོ་འཇུ་བཟུང་བྱེད་སྤྱད་ཀྱི་མཛུབ་མོ་དང་སེན་མོ། ཁ་དང་དེའི་ནང་དུ་སྐད་ཆ་བཤད་སྤྱད་ཀྱི་ལྕེ་དང་ཟ་མ་བཟའ་སྤྱད་ཀྱི་སོ་ཕྲེང་། མིག་དང་དེའི་ནང་དུ་ཕྱི་རོལ་མཐོང་ཐུབ་པའི་མིག་གི་རྒྱལ་མོ། རྣ་བ་དང་དེའི་ནང་དུ་སྒྲ་སྐད་གོ་སྤྱད་ཀྱི་རྣ་དབང་། སྣ་དང་དེའི་ནང་དུ་དྲི་མ་མྱོང་བྱེད་ཀྱི་སྣ་དབང་། འདོམ་དང་དེའི་ངོས་སུ་མི་རྒྱུད་སྤེལ་བྱེད་དང་བདེ་བ་མྱོང་བྱེད་ཀྱི་ཕོ་མཚན་མོ་མཚན་སོགས་ཅིའི་ཕྱིར་ཡོད་པ་རེད། ཅིའི་ཕྱིར་བེད་སྤྱོད་མེད་པ་གཅིག་ཀྱང་མེད་པའི་དངོས་པོ་འདི་དག་ང་ཚོའི་ལུས་སྟེང་དུ་གྲུབ་པ་རེད། ཆེས་ཐོག་མའི་གྲུབ་སྟངས་དེ་ཅི་འདྲ་རེད། མཐའ་ཡས་པའི་འཇིག་རྟེན་གཞན་གྱི་སེམས་ཅན་དེ་དག་གི་དབྱིབས་གཟུགས་ཇི་འདྲ་ཞིག་ཡིན་མིན་སོགས་རེད། མཚན་མོ་རེ་རེ་བཞིན་ངས་མིག་གིས་ནམ་མཁར་བལྟས་ནས་སྐར་ཚོགས་དེ་ཚོ་གང་ཞིག་གི་སྟེང་དུ་སྲོག་ལྡན་གྱི་རིགས་ཡོད་དམ། གང་ཞིག་གི་སྟེང་དུ་ང་ཚོ་ལས་ལྷག་པའི་བདེ་སྐྱིད་ཀྱི་འཚོ་བར་རོལ་མཁན་ཡོད་དམ། གང་ཞིག་གི་སྟེང་དུ་ང་ཚོ་ལས་སྐྱོ་བའི་སྡུག་བསྔལ་མྱོང་མཁན་ཡོད་དམ།…
ཉི་མ། དགུང་གི་ཉི་མ་སེར་བོའི་ཞལ་རས་དམར་ནག་ཆགས་ཤིང་ཉི་དུག་མདའ་རྣོན་ཨོ་ཛོན་བརྒྱུད་ནས་འཕྲོས་བྱུང་མི་ཡི་འགྲོ་བས་རྫས་དུག་ངན་པས་ཡང་ཡང་བདུག་པས་དགོང་ཚོམ་བྱུང་བ་མིན་ནམ་ང་ལ་ཐེ་ཚོམ་དྲ་བས་བཅིངས། ཟླ་བ། བཅོ་ལྔའི་ལྷ་ཟླ་དཀར་པོའི་ཞལ་ཁྱིམ་རྫས་དུད་ངན་པས་སྦགས་པས་སེམས་པ་སྐྱོ་སྐྱོ་བྱུང་འདྲ་ནོར་འཛིན་བདག་པོར་འཛུམ་དཀར་འཕེན་ལ་དང་ལྷོད་ཡང་ཡང་འཆོར་གི་ཨ་ཁ་ཁ། སྐར་མ། ནམ་མཁའི་སྐར་ཚོགས་ཁྲ་མོར་དུག་རླངས་ཕོག་ནས་བཟི་འཐོམས་བྱུང་འདྲ་གསལ་ལ་མི་གསལ་འོད་ཟེར་ཟ་མ་ཟི་ཞིག་སྤྲོ་འདིར་ལེ་བདའ་བྱེད་ས་གཞན་ཞིག་ཡོད་མེད་ངས་མི་ཤེས། སྤྲིན་པ། ས་ཡི་རྫས་ངན་མ་ལུས་འཇིབ་པས་ལོས་ཡིན་ནམ་མཁའི་སྤྲིན་པ་དཀར་པོ་ནག་པོར་གྱུར་ཅིང་ལྗིད་ཀྱིས་ནོན་འདྲ་གོམ་པ་ག་ལེར་ག་ལེར་མཁའ་ན་སྒྱུར་བ་གླང་ཆེན་ཆད་པ་ཞིག་དང་འདྲ་ལ་ཁད། ཆར་བ། སྦྲང་ཆར་བསིལ་མ་ཟེར་ཡང་ཁྲེལ་གཞུང་མི་འདུག་ཞིང་པ་མགོན་པོ་རྒྱལ་གྱིས་སྒུག་སྒུག་མཐའ་ལ་དུག་ཆར་དྲག་པོ་གཅིག་གིས་ལོ་ཏོག་མ་ལུས་བཅོམ་སོང་ལོ་གཅིག་ཡོང་སྒོ་བརླག་སོང་སྙིང་རེ་རྗེ། རླུང་། ཡུན་རིང་མི་ཡི་ཡུལ་ནས་སྒུག་མཐར་བསིལ་ལྡན་ལྗོངས་ཀྱི་བསིལ་རླུང་རྔུབ་པའི་གོ་སྐབས་ཐོབ་འདི་དགའ་དགོས་མོད་ཀྱང་དགའ་རྒྱུ་མི་འདུག་མིད་ཐག་ཕྲ་མོར་ན་ཟུག་བསླངས་སོང་ལུད་པ་ནག་པོ་འཕེན་དགོས་བྱུང་། གངས་རི། བསྐལ་བར་ཆགས་པའི་ལྷོ་དང་བྱང་སྣེའི་འཁྱག་རོམ་དང་ནི་སྲིད་པའི་གངས་རྒན་མིག་ཆུ་ཁྲུམ་ཁྲུམ་བཞུར་བཞིན་བཞུ་མགོ་རྩོམ་ཡང་དེ་ལ་ཨ་ལན་ཨང་ལན་མེད་འདི་ཅི་ཞིག་ཡིན་ནམ་སུ་ཡིས་ང་ལ་དྲི་ལན་ལྡོན། རྫ་རི།…
ཁྱེད་རང་གིས་ཡེ་ཤུའི་འཁྲུངས་སྐར་ལ་ལས་ཀ་ནས་གུང་གསེང་ལེན་བཞིན་ཡོད་དམ། ཡོད་ན་རྒྱུ་མཚན་ཅི། མེད་ན་རྒྱུ་མཚན་ཅི། ཁྱེད་རང་གིས་ཡེ་ཤུའི་འཁྲུངས་སྐར་སྐབས་སུ་གྲོགས་པོ་གྲོགས་མོ་སོགས་ལ་ཤིས་ཤོག་དང་རྔན་པ་སྐུར་གིན་ཡོད་དམ། ཡོད་ན་རྒྱུ་མཚན་ཅི་མེད་ན་རྒྱུ་མཚན་ཅི། ཁྱེད་རང་གིས་ཡེ་ཤུའི་འཁྲུངས་སྐར་སྐབས་སུ་རང་གི་ནང་མི་ལ་རྔན་པ་ཉོ་གིན་ཡོད་དམ། ཡོད་ན་རྒྱུ་མཚན་ཅི། མེད་ན་རྒྱུ་མཚན་ཅི། ཁྱེད་རང་གིས་ཡེ་ཤུའི་འཁྲུངས་སྐར་སྐབས་སུ་རང་གི་སྡོད་ཁང་དུ་ཡེ་ཤུའི་ཤིང་སྡོང་ཉོས་ནས་དེ་ལ་མཛེས་རྒྱན་སྤྲས་ཀྱི་ཡོད་དམ། ཡོད་ན་རྒྱུ་མཚན་ཅི། མེད་ན་རྒྱུ་མཚན་ཅི། ཁྱེད་རང་གིས་ཡེ་ཤུའི་འཁྲུངས་སྐར་སྐབས་སུ་བོད་པའི་ལོ་གསར་བཞིན་ནང་མི་དང་གྲོགས་པོ་ལྷན་འཛོམ་གྱིས་བཞེས་ལག་གྱ་ནོམ་པ་བཟའ་གིན་ཡོད་དམ། ཡོད་ན་རྒྱུ་མཚན་ཅི། མེད་ན་རྒྱུ་མཚན་ཅི།
དྲ་ཐོག་བགྲོ་གླེང་སྐོར་གྱི་གསལ་བསྒྲགས
།ད་ལོ་ནི་རྒྱ་དམར་པོའི་ཁྲིམས་འོག་ནས་བོད་འབངས་སྡུག་བསྔལ་ལས་སྐྱོབས་པའི་འབོད་སྒྲ་ཐོག་མར་སྒྲོགས་མཁན་གྱི་དཔའ་རྒོད་དམ་པ་ཀུན་གཟིགས་པཎ་ཆེན་རིན་པོ་ཆེ་ཞིང་དུ་གཤེགས་ནས་ལོ་འཁོར་ཉི་ཤུ་འཁོར་བའི་དུས་དྲན་དམིགས་བསལ་བ་ཞིག་ཡིན། དེའི་རྐྱེན་གྱིས་ཁོང་གི་རྨད་དུ་བྱུང་བའི་དཔའ་ངར་གྱི་བྱུང་བ་ལ་ཕྱི་རབས་གངས་ཅན་པ་རྣམས་ཀྱིས་ཕྱིར་རྟོག་དང་རྗེས་དྲན་བྱ་རྒྱུ་ནི་ཧ་ཅང་གི་གལ་ཆེན་དུ་གྱུར་ཡོད། དེའི་རྐྱེན་གྱིས་གཞོན་སྐྱེས་རྩོམ་པ་པོ་རས་པ་དང༌། གཉན་པོ། ངེད་གསུམ་གྱིས་དྲ་ཐོག་བགྲོ་གླེང་ཞིག་ཟླ་འདིའི་སྤྱི་ཚེས་༢༦ཉིན་བཀོད་སྒྲིག་ཞུ་རྒྱུ་ཡིན། ཐེངས་འདིའི་བགྲོ་གླེང་ནི་སྔར་གྱི་དྲ་ཐོག་རང་མོས་བགྲོ་གླེང་ཐེངས་དང་པོའི་ཉམས་མྱོང་གཞི་ལ་བཞག་སྟེ། ཅུང་ཚད་མཐོ་བོ་དང་ལྟ་རིན་ཉན་རིན་གཉིས་ཀ་ཡོད་པ་ཞིག་ལ་རེ་བ་དང་བསམ་གཞིགས་བྱས་ནས་བརྗོད་གཞི་ཁག་བགོས་བྱས་ཡོད་ལ་རྟིང་འཛིན་ཡང་ནན་མོ་བྱ་རྒྱུ་ཡིན།
དེ་ལས་མང་བ་། “དྲ་ཐོག་བགྲོ་གླེང་སྐོར་གྱི་གསལ་བསྒྲགས་གལ་ཆེན།” »