འདི་རུ་བསྣུན་ནས་གཟིགས་རོགས།

གཤམ་གྱི་འབྲེལ་ཐག་ཁག་ལ་བསྣུན་ནས་གནས་ཚུལ་ཞིབ་ཕྲ་ྐློག་རོགས། Risking China’s Anger, Obama Meets With Dalai Lama Dalai Lama “Very Happy” With Obama…

དེ་ལས་མང་བ་། “༧ གོང་ས་མཆོག་དང་ཨོ་བྷ་མའི་མཇལ་འཕྲད།” »

དེ་རིང་དྲ་རྒྱ་ནས་ བོད་རང་བཙན་སློབ་ཕྲུག་ཚོགས་པའི་ཚོགས་གཙོ་བསྟན་རྡོར་ལགས་དང་། ཚོགས་གཙོ་ཟུར་པ་ལྷ་སྒྲོན་གཉིས་ཀྱིས་ ལོ་སར་དམ་བཅའི་ སྐོར་ལ་སྐད་ཆ་འདི་དག་བཤད་འདུག ཧ་ཅང་དགའ་པོ་བྱུང་། འདིར་གཟིགས་རོགས། ལོ་སར་གྱི་དམ་བཅའ། ང་བོད་པ་ཡིན་ཙང་ ཞེས་པ་འདི་དབྱིན་ཡིག་གི་དྲ་རྒྱ་ལ་འདུག “ང་བོད་ཡིན་ཙང་། ཉིན་ལྟར་བོད་སྐད་སློབ་སྦྱོང་བྱེད་གི་ཡིན།” “ང་བོད་པ་ཡིན་ཙང་། བདུན་རེར་བོད་ཆས་ལན་རེ་གྱོན་གི་ཡིན།” འདི་འདྲ་འདུག…

དེ་ལས་མང་བ་། “ལོ་སར་གྱི་དམ་བཅའ།” »

དེ་རིང་ཀུན་གླེང་གི་སྟེང་ལ་སྐུ་མགྲོན་དམིགས་བསལ་ཞིག་ཕེབས་འདུག སྐུ་མགྲོན་དེ། བོད་རྒྱ་འབྲེལ་མོལ་སྐོར་གྱི་སྒྲུང་བ་གྲགས་ཅན་རྒྱ་རི་བློ་གྲོས་རྒྱལ་མཚན་རེད་འདུག དེ་རིང་། ཁོང་གིས་བོད་རྒྱ་འབྲེལ་མོལ་སྐོར་ལ་སྒྲུང་མང་པོ་བཤད་སོང་། སྒྲུང་ཁ་ཤས་རིང་པོ་དང་སྒྲུང་ཁ་ཤས་ཐུང་ཐུང་བྱས་ནས་བཤད་སོང་། ངས་ཀྱང་ཁོང་གི་སྒྲུང་ལ་ཉན་པ་ཡིན། བོད་རིགས་གྲོགས་པོ་གཞན་དག་གིས་ཀྱང་ཁོང་གི་སྒྲུང་ལ་ཉན། ང་ཚོ་ཚང་མས་ཁོང་གི་སྒྲུང་ལ་ཉན་པ་ཡིན། སྒྲུང་སྙན་པོ་བྱུང་ཙང་། ཀུན་གླེང་གིས་ཁ་པར་གྱི་སྒོ་ཡང་བརྒྱབ་འདུག སྒྲུང་མཁན་གྱི་སྒྲུང་བཤད་ཚར་གྲབས་ཡོད་དུས། གཞི་ནས་ཀུན་གླེང་གིས་ཁ་པར་སྒོ་ཕྱེས་སོང་། དྲི་བ་གཏོང་མཁན་གཅིག་ལ་གོ་སྐབས་ཕུལ་སོང་། སྒྲུང་མཁན་ལ་དྲི་བ་གཏོང་མཁན་དེ་རྡ་ལམ་ས་ལ་ནས་རེད།…

དེ་ལས་མང་བ་། “བོད་ཀྱི་སྒྲུང་བ་གྲགས་ཅན་རྒྱ་རི་བློ་གྲོས་རྒྱལ་མཚན།” »

 ན་ནིང་གི་དབྱར་གཞུང་ཞིག་ལ། ཐེངས་གཅིག་དྲ་ཚིགས་རེ་རེ་བྱས་ནས་འཁྱམ་ཕྱིན་པ་ཡིན། སྐབས་ཤིག་ལ་འོད་དཀར་དྲ་ཚིགས་ཟེར་བ་ཞིག་ནང་མགོ་བརྒྱུས་ནས་ཡར་ལྟ་མར་ལྟ་ཞིག་བྱས་པས། བར་སྐབས་ཤིག་རྒྱ་ནག་ལ་དགྱ་ནག་ཅེས་འབྲི་བའི་ནད་ཡམས་ཤིག་བོད་ཕྱི་ནང་གང་སར་ཁྱབ་འགྲོ་བ་དེའི་མགོ་ཁུངས་ལྟ་བུར་འདུག་པ་མཐོང་ནས་ལམ་སང་རྣམ་རྟོག་ཅིག་དང་སེམས་པ་མི་སྐྱིད་པ་ཞིག་བྱུང་ནས་ཕྱི་ལ་ཐོན་པ་ཡིན། དེ་ནས་བཟུང་དྲ་ཚིགས་དེའི་ནང་ལ་རྩ་ནས་འགྲོ་གི་མེད། སྤྱིར་བཏང་དཔྱད་བརྗོད་སྤེལ་སའི་ནང་མི་འདྲ་མི་འདྲ་ཡོང་གི་ཡོད་པས་དེ་རིགས་འགོག་ཐབས་བྲལ་ཡང་། རྩོམ་སྒྲིག་པ་ཚོས་མགོ་བྱས་ནས་ནམ་རྒྱུན་གྱི་རྩོམ་དང་བཅར་འདྲི་ཚུན་ཆད་ནང་དགྱ་ནག་ཟེར་བའི་ཡིག་འབྲུ་འདི་གཉིས་ནད་འབུ་ཞིག་བཞིན་དྲ་ངོས་གང་སར་གཏོར་འདུག ཁུངས་མེད་རྟོག་བཟོའི་ཡི་གེ་འདི་འདྲ་མ་དག་རྒྱུན་འཇམས་སུ་འགྲོ་བའི་ལས་ཆེད་དུ་གཉེར་མཁན་་འོད་དཀར་དྲ་ཚིགས་ལས་མ་མཐོང་། དེ་ནས་བཟུང་དྲ་ཚིགས་དེའི་ནང་འགྲོ་གི་མེད་ཀྱང་དེའི་སྐོར་སྐད་ཆ་འདྲི་གི་བསྡད་ཡོད། ཁ་སང་གྲོགས་པོ་ཞིག་ལ་དྲ་ཚིགས་དེའི་ནང་ད་རུང་ཡང་དགྱ་ནག་ཅེས་པའི་ཡི་གེ་འདི་བེད་སྤྱོད་གཏོང་གི་འདུག་གམ་དྲིས་པ་ཡིན། ཁོས་ཁ་སང་དེ་རིང་མ་ཤེས། ཟླ་ཤས་སྔོན་དགྱ་ནག་ཟེར་བས་གང་སར་ཁྱབ་འདུག་ཟེར། ད་ལྟ་རྩད་གཅོད་གི་ཡོད། ད་རུང་དེ་ལྟར་་ཡིན་ན་ང་རང་རྣམ་རྟོག་ཟ་བའི་དྲ་ཁང་དེའི་ནང་འགྱུར་བ་ཞིག་མ་ཕྱིན་བར་མི་འགྲོ་ཁོ་ཐག་ཡིན། གཞན་ལ་ཡང་དེའི་ནང་མ་འགྲོ་ཟེར་ནས་འབོད་སྐུལ་ཞུ་གི་ཡིན། འོད་དཀར་དྲ་ཚིག་ནང་མི་འགྲོ་མཁན་ང་གཅིག་པོ་མ་རེད།…

དེ་ལས་མང་བ་། “འོད་དཀར་དྲ་ཚིགས་ལ་སྐད་སྐུར་བ” »

སྐུ་ཞབས་རིག་བྱུང་དོན་གྲུབ་བཀྲིས་ཀྱིས་བསྐྱར་དུ་བསམ་བློ་ཐོངས་ཟེར།  མདང་ནུབ་ཕྱི་པོ་བར་ལ་བསམ་བློ་བཏང་པ་ཡིན། ངའི་བསམ་ཚུལ་འདི་ཡིན། ང་ཚོས་བོད་ཀྱི་གནས་སྟངས་ལ་འགྱུར་བ་གཏོང་དགོས་ན། དང་པོ་རྒྱལ་བ་རིན་པོ་ཆེའི་དགོངས་པ་བཞེས་སྟངས་ལ་འགྱུར་བ་གཏོང་དགོས་ཀྱི་འདུག བོད་ཀྱི་སྤྱི་ཚོགས་ནང་རྒྱལ་བ་རིན་པོ་ཆེའི་དགོངས་པ་དང་འགལ་ན་བྱ་བ་སྒྲུབ་ཐུབ་ཀྱི་མིན་འདུག དེར་བརྟེན། དང་པོ་བོད་པའི་སྤྱི་ཚོགས་ནང་ལས་ཀ་ག་རེ་བྱས་ནའང་རྒྱལ་བ་རིན་པོ་ཆེའི་རྒྱབ་སྐྱོར་ཐོབ་པ་བྱེད་དགོས་ཀྱི་འདུག དེར་བརྟེན། དང་པོ་བཙན་བྱོལ་གཞུང་བརྟན་པོ་ཞིག་འཛུགས་ཐུབ་པ་བྱ་རྒྱུ་དེ་རེད། དེ་ཡོང་བར། དམངས་གཙོ་ཡག་པོ་ཞིག་དགོས་འདུག དེ་ཡོང་བར། ཆབ་སྲིད་ཀྱི་ཚོགས་པ་ཁ་ཤས་འཛུགས་དགོས་ཀྱི་འདུག དེ་ཡོང་བར་དང་པོ་རྒྱལ་བ་རིན་པོ་ཆེ་ལ་དེ་ལྟར་ཡོང་བར་རྒྱབ་སྐྱོར་གནང་རོགས་ཅེས་སྙན་གསེང་ཞུས། རྒྱལ་བ་རིན་པོ་ཆེས་དེ་ཁས་ལེན་ན། ཁོང་ནས་མང་ཚོགས་ལ་བཀའ་གནང་ནས་ཆབ་སྲིད་ཚོགས་པ་འཛུགས་རྒྱུ་དེ་རེད།  གཉིས་པ་སྐུ་ཚབ་ཚོགས་པ་དང་སྐུ་ཚབ་ཀྱི་ངོ་བོ་ལ་འགྱུར་བ་གཏོང་དགོས་ན། དང་པོ་རྒྱལ་བ་རིན་པོ་ཆེ་ལ་ཞུ་དགོས་འདུག དཔེར་ན། རྒྱལ་བ་རིན་པོ་ཆེས་སྐུ་ཚབ་ལ། ཁྱོད་ར་ཕར་ཕྱིན་ནས་རྒྱ་མི་ལ་འདི་དང་འདི་ཤོད་གསུངས་ན། སྐུ་ཚབ་ཀྱིས་དེ་ལྟར་ལག་ལེན་ལོས་བྱེད།  གསུམ་པ། ང་ཚོས་རྩོམ་དང་བསམ་ཆར་སྤེལ་ནས། རྒྱལ་བ་རིན་པོ་ཆེར་བོད་དོན་སྒྲུབ་པར་དྲག་ལས་ཀྱང་ལག་ལེན་གཏོང་བཅུག་རོགས་གནང་ཟེར་ཞུ་བ་འབུལ། རྒྱལ་བ་རིན་པོ་ཆེས་མིན་གསུངས་ན། ཡང་བསྐྱར་ཞུ་བ་ཕུལ། ཕོ་བྲང་མདུན་བཟས་བཅད་ངོ་རྒོལ་བྱས་ན་ཇི་སྲིད་དྲག་སྤྱོད་སྤེལ་བར་རྒྱབ་སྐྱོར་མ་གནང་བར་དེ་སྲིད་ཁ་ལག་ཟ་གི་མིན་ཅེས་ཐག་བཅད་ནས་བོད་མི་སྟོང་གཅིག་ལྷག་རྒྱལ་བའི་ཕོ་བྲང་མདུན་ལ་བསྡད་ན་ཁོང་ནས་ཉིན་གཅིག་དྲག་སྤྱོད་སྤེལ་བར་རྒྱབ་སྐྱོར་གནང་གི་རེད། དེ་ལྟར་བྱུང་ན་བོད་མིའི་རང་དབང་འཐབ་བརྩོད་ངོ་མ་དེ་བྱེད་པའི་མགོ་བཙུགས་པ་རེད། ད་བར་བཙན་བྱོལ་ནང་སྤེལ་བའི་རང་དབང་འཐབ་བརྩོད་རྣམས་ནུས་མེད་རེད། རྒྱ་ལ་གནོད་ཐུབ་ཀྱི་མིན་འདུག ད་བསམ་ཚུལ་བཤད་འཚར། སེམས་པ་སྐྱིད་དུ་ཕྱིན་སོང་། སྦི་རག་གཅིག་ཐུང་གི་ཡིན། ཡིན་ནོར་འདུག་ན་ཁྱེད་ཚོས་བཟོ་རོགས།

Tibet The Story Of A Tragedy

ཁ་སང་དེ་རིང་གི་གསར་འགྱུར་ཚ་བོ་ཞིག་ནི། ཨ་རིས་ཐའེ་ཝན་ལ་མཚོན་ཆ་བཙོང་རྒྱུའི་ཐག་གཅོད་བྱས་པ་དེ་རེད། ཐག་གཅོད་འདིས་ཨ་རིས་རྒྱ་ནག་གི་སྙིང་དཀྱིལ་ལ་མདེའུ་འཕངས་ཡོད་པ་རེད་ཟེར། ད་དུང་གལ་སྲིད་སྲིད་འཛིན་ཨོ་བྷ་མས་༧གོང་ས་མཆོག་ལ་མཇལ་འཕྲད་བྱས་པ་ཡིན་ན། ན་ཚ་དེ་ཇེ་ཆེར་འགྲོ་གི་རེད་ཟེར། ད་དུང་ཉེ་ཆར་གྱི་གཱོ་གཱལ་གྱི་རྙོག་ཁྲ་དང་། རྒྱ་ནག་གིས་ཚོང་འབྲེལ་ཐད་དྲང་པོ་མི་བྱེད་པའི་རྙོག་ཁྲ་སོགས་ཀྱིས་ ཨ་རྒྱའི་འབྲེལ་བ་དེ་ན་ཚ་ཅན་དུ་འགྱུར་རྒྱུ་ཡིན་པ་རེད་ཟེར། ནང་དོན་ཚ་བོ་དང་རློན་པ་འདི་དག་གིས་ང་རྒྱལ་ཅན་གྱི་རྒྱ་ནག་ལ་དཔའ་ཞུམ་པ་ཞིག་སྤྲོད་ཐུབ་བམ།

འདི་རུ་བསྣུན་ནས་ཉན་རོགས།