དཀར་མཛེས་ཡུལ་དགོན་གཉིས་ཀྱིས་ཡུལ་ཤུལ་ལ་རོགས་རམ་གྱི་ཆ་ཤས་ཤིག བེ་རི་འཇིགས་མེད། འབྲེལ་ཡོད་བརྒྱུད་ནས་ཁུངས་ལྡན་གནས་ཚུལ་གོ་གསལ། ཁམས་ཡུལ་ཤུལ་ཁུལ་གྱི་ས་གཡོའི་རྐྱེན་པས་མི་ཤི་ཁྱིམ་སྟོང་དང་རྐྱེན་ངན་གོད་ཆགས་བྱུང་བར༌། ཏྲེ་ཧོར་དཀར་མཛེས་ཁུལ་དཀར་མཛེས་དགོན་པ་ནས་རྒྱ་སྒོར་ ༨༠༠༠༠ དང༌། ཁང་སར་ྋསྐྱབས་མགོན་ནས་རྒྱ་སྒོར་ ༢༠༠༠༠ དཀར་མཛེས་དགོན་པའི་གྲྭ་པ་ཚོས་རྒྱ་སྒོར་ ༣༠༠༠༠ བསྡོམ་པས་རྒྱ་སྒོར་ ༡༣༠༠༠༠ དང༌། ལྷ་སར་ཡོད་པའི་དཀར་མཛེས་པའི་ཚོང་པ་ཁག་གཅིག་ནས་རྒྱ་སྒོར་…

དེ་ལས་མང་བ་། “དཀར་མཛེས་ཡུལ་དགོན་གཉིས་ཀྱིས་ཡུལ་ཤུལ་ལ་རོགས་རམ་གྱི་ཆ་ཤས་ཤིག” »

མཚོ་སྔོན་རླུང་འཕྲིན་གྱིས་གསར་འགྱུར་སྤེལ་བ་ལྟར་ན། ཉིས་སྟོང་བཅུ་ལོའི་ཟླ་བཞི་བའི་ཚེས་བཅུ་དགུ་ཉིན་གྱི་ཞོགས་པའི་དུས་ཚོད་གཅིག་བར་དུ། བསྡོམས་པས་ཐོ་འགོད་བྱས་པའི་ས་འགུལ་ཆུང་བ་ཐེངས་སྟོང་གཅིག་དང་བརྒྱ་ར་གྱ་གཉིས་བྱུང་ཞིང་། ཚད་རིམ་གསུམ་ཡན་གྱི་ས་འགུལ་ཆུང་བ་བཅུ་གཉིས་བྱུང་བ་དང་། དེའི་ནང་ཚད་རིམ་དྲུག་ནས་ཚད་རིམ་དྲུག་དང་གྲངས་ཆུང་དགུའི་བར་གྱི་ས་འགུལ་ཆུང་བ་གཅིག་དང་། ཚད་རིམ་བཞི་ནས་ཚད་རིམ་བཞི་དང་གྲངས་ཆུང་དགུའི་བར་གྱི་ས་འགུལ་ཆུང་བ་གསུམ། ཚད་རིམ་གསུམ་ནས་ཚད་རིམ་གསུམ་དང་གྲངས་ཆུང་དགུའི་བར་གྱི་ས་འགུལ་ཆུང་བ་བརྒྱད་བྱུང་སྐོར་བཀོད་འདུག

ད་ཐེངས་ཀྱི་ས་ཡོམ་གྱི་གོད་ཆགས་ནང་ཕ་མ་བརླག་པའི་དྭ་ཕྲུག་མང་པོ་ཞིག་བྱུང་དང་འབྱུང་བཞིན་པའི་ནང་།  ཁ་སང་གནས་ཚུལ་ཤེས་པ་ལྟར་ན། ད་ལྟ་གཞུང་གིས་བདག་པོ་རྒྱག་བཞིན་པའི་དྭ་ཕྲུག་ ༢༠༨ ཡོད་ཚུལ་འདུག རྒྱ་ནག་ནང་ཁུལ་གྱི་དྭ་ཕྲུག་གཉོར་སྐྱོང་ཚོགས་པ་ཞིག་ནས་བརྗོད་པ་ལྟར་ན། ཁོ་ཚོས་དྭ་ཕྲུག་དེ་ཚོར་བདག་པོ་རྒྱག་རྒྱུའི་གྲ་སྒྲིག་ཨང་བསར་ཡོད་ཟེར། དེར་བལྟས་ན། ད་ལྟའི་ས་ཡོམ་སྐབས་བྱུང་བའི་དྭ་ཕྲུག་དེ་ཚོ། རང་གི་ཕ་ཡུལ་གྱི་རི་ཆུ་དང་། རང་མི་རིགས་ཀྱི་ཆོས་གོམས་སྐད་ཡིག་སོགས་ལས་ཁ་ཕྲལ་ཏེ། སྐད་ཡིག་དང་ཆོས་གོམས་གཤིས་ལུགས་མི་གཅིག་པའི་ཁོར་ཡུག་གསར་པ་ཞིག་གི་ནང་འཁྱེར་འགྲོ་རྒྱུ་ཡིན་པ་འདྲ་བས་འདི་དང་འདི་འདྲ་ལ་ཡང་སེམས་ཚེགས་ཐལ་བ་ཞིག་ཡོང་གི་འདུག དེ་རིང་ཁ་སང་གི་གནས་ཚུལ་དེ་ཅིག་བཙལ་བ་ཡིན་ཡང་རྙེད་མ་སོང་།

༡ ཁ་ཆེན་དབང་ཆེན་ཞིག་ཡིན་ན་རས་གུར་གཉིས་གསུམ་རེ་འདུག་ཟེར། མི་མང་ཕལ་བ་ཚོར་རས་གུར་མི་རེག་པའི་ཐོག་ཁ་ལག་ཀྱང་རེག་གི་མི་འདུག་ཟེར། སྐྱོབས་གསོ་འབྱོར་བཞིན་པ་དེ་ཚོ་གང་དུ་ཕྱིན་པ་རེད། ༢ སྐྱོབས་གསོའི་སྒོར་མོའི་སྐོར་ད་ལྟ་ནས་རྙོག་དྲ་བྱུང་ཚར་འདུག སྐུར་མཁན་ཚོས་སྐུར་བའི་སྒོར་མོ་དེ་ཚོ་གཞུང་དང་ཚོགས་པ། མི་སྒེར་བཅས་ཀྱི་བར་ནས་གར་སོང་རྗེས་མགོ་མི་ཐོན་པར་ཆགས་འགྲོ་གི་འདུག་ཟེར། མི་རྣམས་ཤི་གསོན་མ་ངེས་པའི་དཀའ་ངལ་གྱི་སྐབས་སུའང་ལྐོག་ཟ་བྱེད་མཁན་འདི་ཚོ་སུ་ཞིག་ཡིན་ནམ། ༣ སྐྱེ་དགུ་རང་ལ་རིམ་པས་སྐྱོབས་གསོ་འབྱོར་དང་འབྱོར་བཞིན་ཡོད་ནའང་མཐའ་ཁུལ་གྲོང་གསེབ་ཁག་ལ་མིག་གིས་ལྟ་མཁན་མི་འདུག་ཟེར། དེ་ཚོར་སུ་ཡིས་མགོན་སྐྱབས་གནང་དགོས་རེད། ༤ མདོ་སྨད་ནས་ཡར་དངུལ་དངོས་གཉིས་ཀྱི་རོགས་རམ་བྱེད་མཁན་རླངས་འཁོར་གྱི་རྗེས་ལ་རླངས་འཁོར་མཐུད་ནས་མང་པོ་ཞིག་གཤར་འགྲོ་གི་ཡོད་པ་དེ་ཚོ་ལམ་བར་ནས་འགོག་གི་འདུག་ཟེར། རྒྱ་གཞུང་ཅི་ཞིག་ལ་ཞེད་གི་ཡོད་པ་རེད།…

དེ་ལས་མང་བ་། “གསར་འགྱུར་ཁ་ཟིན་སྣ་ཟིན། དྲི་བ་ཐ་རེ་ཐོ་རེ།” »

ལྷ་རྒྱལ་ལོ་མཚན་ཅན་གྱིས་འདི་གར་བསྐུར་བ། དེ་རིང་ཞོགས་པར་བོད་ལ་ཁ་པར་བཏང་ནས་གོ་ཚོད་ཡིན་ན། ཡུལ་ཤུལ་ས་ཁུལ་ལ་སྨན་བཅོས་ཀྱིས་འདང་གི་མེད་པ་དང་། ལྷག་པར་གྲོང་གསེབ་ལ་སྐྱོབ་གསོ་འབྱོར་མ་ཐུབ་པར་ལྷག་བསྡད་འདུག་པས། མང་ཚོགས་མང་བོ་ལྟོགས་སྐོམ་གྱིས་འཆི་བཞིན་པ་གྲངས་མེད་རེད། ཕ་ཡུལ་ཞིན་ཧེ་ནས་ཡིན་པའི་སྡེ་མི་ཞིག་ས་གནས་དེར་འབྱོར་ནས་བཤད་པ་ལྟར་ན། ཕྱོགས་སོ་སོའི་རོགས་སྐྱོར་མང་བོ་རྫོང་དཀྱིལ་ལ་འབྱོར་བ་ལས་གྲོང་འདབས་ཀྱི་མང་ཚོགས་དཀྱུས་མའི་ལག་ཏུ་རག་གི་ཐུབ་ཀྱི་མེད་པའི་དཀའ་ངལ་འདུག ཁོ་རང་ས་གནས་དེར་འབྱོར་སྟེ་གྲང་ངར་དང་ལྟོགས་སྐོམ་གྱིས་འཆི་བཞིན་པ་མཐོང་བས་བློས་མི་བཟོད་པ་ཞིག་རེད། ངས་རང་གི་གྱོན་པ་དག་ཕུད་དེ་ཁོང་ཚོའི་ཐོག་བསྐོན་པ་དང་། ད་ལྟ་གྲོང་འདབས་འདིའི་རྨས་མ་སྐོར་ཞིག་ལ་ཆུ་བསྐྱེལ་ནས་གནས་སྐབས་རིང་ཁོང་ཚོའི་དཀྲེས་སྐོམ་སེལ་ཐུབ་པ་བྱས་བསྡད་ཡོད་ཟེར། ཞིན་ཧེ་རྫོང་ཨ་ཚོགས་དགོན་བདེ་ཆེན་ཆོས་འཁོར་གླིང་གྲྭ་ཚང་གི་གྲྭ་བ་རེ་རེས་རྒྱ་སྒོར་བརྒྱ་རེ་ཞལ་འདེབས་ཕུལ་བ་དང་། ཡུལ་ཤུལ་གནོད་ཐེབས་ས་ཁུལ་དུ་རོགས་རམ་ཆེད་གང་མགྱོགས་རླང་འཁོར་གསུམ་ནས་བཞི་ལམ་ལ་འབུད་བཞིན་སྒང་རེད། དེ་བཞིན་ཧོལ་ཁ་བདེ་སྐྱིད་སྡེ་བ་དང་སྡེ་མི་ལྷག་བསམ་ཅན་སྐོར་ཞིག་གིས་ཀྱང་། སྐོམ་ཆུ་དང་སྟབས་བདེ་ཐུགས་པ། ཀོ་རེ་སོགས་མངག་ཉོ་བྱས་ཏེ།…

དེ་ལས་མང་བ་། “ཤི་བོའི་གཞུག་གི་གསོན་པོ་ཚོ་དཀྲེས་ལྟོགས་ཀྱིས་འཆི་བཞིན་འདུག་ཟེར།” »

ད་ལྟ་རང་གནས་ཚུལ་མཁོ་འདོན་གནང་སོན་ལྟར་ན། ཟླ་འདིའི་ཚེས་༡༥ཉིན་ནམ་སྐྱེ་རྒུ་མདོའི་ས་འགུལ་གྱི་ཉིན་གཉིས་པ། ཕྱི་དྲོའི་དུས་ཚོད་ལྔ་དང་ཕྱེད་ཀ་ཙམ་གྱི་སྟེང་། ཐེངས་འདིར་ས་འགུལ་སྐབས་རྨས་སྐྱོན་ཚབས་ཆེན་བྱུང་བའི་རྨས་མ་ཁ་ཤས་མཚོ་སྔོན་ཞིང་ཆེན་གྱི་ཟི་ལིང་གྲོང་ཁྱེར་དང་། སི་ཁྲོན་ཞིང་ཆེན་གྱི་ཁྲིན་ཏུའུ་གྲོང་ཁྱེར་རུ་གནམ་གྲུས་སྐྱེལ་ཡོད་ཅིང་། མིག་སྔར་རྨས་མ་དེ་དག་ལ་འབྱུང་བཞིན་པའི་བཀའ་ངལ་ཆེ་ཤོས་ནི། སྐད་རིགས་མ་གཅིག་པའི་དབང་གིས་སྨན་པ་དང་ནད་པའི་བར་ལ་གོ་བརྡ་མ་འཕྲོད་པར་གྱུར་འདུག་པ་དེ་རེད། དཀའ་ངལ་གྱི་གནས་ཚུལ་དེ་དག་ཤེས་རྟོགས་བྱུང་མ་ཐག སྡེ་དགེ་རྫོགས་ཆེན་དགོན་ཁྲིན་ཏུའུ་གཞུང་སྒྲུབ་ཁང་གིས་སྐད་གཉིས་སྨྲ་ཤེས་ཀྱི་བཙུན་པ་དང་བཙུན་མ་རྣམས་གཙོ་བོར་བྱས་པའི་མི་གྲངས་བཅུ་ཕྲག་ལྷག་ཁག་གཉིས་སུ་བགོས་ནས། ཁྲིན་ཏུའུ་ཧྭ་ཤས་སྨན་ཁང་དང་། ཁྲིན་ཏུའུ་ཞིང་ཆེན་སྨན་ཁང་དུ་སྐད་སྒྱུར་བར་ཆེད་གཏོང་བྱས་ཡོད་འདུག གཞན་ཡང་ལྷོ་ནུབ་མི་རིགས་སློབ་གྲྭའི་བོད་རིགས་སློབ་མ་བཅུ་ཕྲག་ཁ་ཤས་ལྷག་ཀྱང་སྐད་བསྒྱུར་དུ་འབྱོར་འདུག

ལོ་ལོན།

གྲང་ངར་ལྡན་པའི་སྨག་ནག་ཁྲོད། སྡུག་བསྔལ་ཁོན་ནའི་ཟས་དང་མིག་ཆུ་ཁོ་ནའི་བཏུང་བ་ལས་མེད་པར་ཟས་བརྗེད་གཉིད་བྲལ་ངང་སྡོད་པའི་མི་ཚོགས་ལ། བྱིས་པ་གསར་སྐྱེས་ཤིག་གི་ངུ་ངག་གིས་དགའ་བ་དང་རེ་བ་འཁྱུག་ཙམ་ཞིག་སྦྱིན། ཚང་མས་དར་ལུང་རྣ་བ་གཉིས་གཏད་དེ་དེ་ཕྱོགས་སུ་ཉན། ངུ་ངག་དེ་ནི་གྲང་རླུང་གིས་གཙེས་ཤིང་ཆ་རྐྱེན་ཞན་པའི་རས་གུར་ཞིག་ལས་གྲག་ཡོང་། ་་་ བུ་ཞིག་རེད་་ ཟེར་བ་གོ་བ་དང་། ཨ་མ་སྦོར་རའི་ཐང་ཆད་པའི་གདོང་བ་ལས་རེ་བའི་འཛུམ་མདངས་ཆུང་ཆུང་ཞིག་མངོན་ཙམ་བྱས། དེ་མུར་སྨན་པས་ནང་དུ་བོས་པ་བཞིན། གདོང་པ་ས་རྡུལ་གྱིས་ཁེངས་ཡོད་ནའང་། གཟུགས་སྟོབས་ཉམས་མེད་པའི་ཁམས་པའི་ཕོ་གསར་ཞིག་གུར་ནང་འཛུལ་ཡོང་བ་དེ། མདང་སྐྱེས་བུ་ཕྲུག་དེའི་ཕ་སྐྱ་ཏོ་རེད། འཛུམ་ཞིག་ལངས་ནས། སྨན་པ་ལ་ཐུགས་རྗེ་ཆེ་ཞུས་པ་དང་མཉམ།…

དེ་ལས་མང་བ་། “རེ་བའི་ངུ་སྐད། མི་རབས་རྗེས་མ།” »

རྒྱ་ནག་གི་སྲིད་བློན་ཝུན་ཅ་པོ་ཚེས་༡༥ཉིན་གྱི་ཕྱི་དྲོའི་དུས་ཚོད་༦སྟེང་ཡུལ་ཤུལ་རྫོང་དུ་འབྱོར་ཡོད་པ་དང་། ས་ཡོམ་གྱི་གནོད་འཚེ་ཐེབས་པའི་ས་ཁུལ་ལ་ཕེབས་ནས་གནས་ཚུལ་རྒྱུས་ལོན་དང་གནོད་འཚེ་ཐེབས་པའི་མང་ཚོགས་ལ་འཚམས་འདྲི། གནོད་སེལ་རྒུད་སྐྱོབ་བྱ་བར་མཛུབ་སྟོན་གྱི་ལས་དོན་དངོས་ལ་ཞུགས་ཡོད་འདུག སི་ཁྲོན་ཝུན་ཁྲོན་གྱི་ས་ཡོམ་སྐབས་ཀྱི་ཚོར་སེམས་དེ་དང་། འགན་ཁུར་དེར་གསར་ལམ་ཁག་ནས་བསྟོད་བསྔགས་མང་པོ་ཐོབ་པ་ལྟ་བུ་ཞིག་འདིར་ཡང་ བྱུང་བ་ཡིན་ན། གནོད་སེལ་གྱི་བྱ་བར་རེ་བ་ཅུང་ཡོད་པ་རེད་ཅེས་གསར་འགྱུར་འདི་སྐོར་ཀློག་མཁན་མང་པོས་དྲ་ངོས་ཀྱི་གླེང་མོལ་མང་པོ་བྱས་དང་བྱེད་ཀྱིན་འདུག་པའི་གསར་གནས་སུ།