བོད་པ་དཀར་པོ་ལགས།
ཟླ་ལྔ་པའི་ཚེས་ཉི་ཤུའི་ཉིན་ཁ་བརྡས་ཁ་བརྡའི་རེ་སྐུལ་དང་གསལ་བསྒྲགས་ཟེར་བ་ཞིག་སྤེལ་ཡོད་པའི་ནང་དུ་ཁྱད་གསོད་ཅན་དང་གཏམ་ཡན་ཅན་གྱི་མཆན་འགོག་རྒྱུ་ཐག་གཅོད་བྱེད་མཁན་དང་ཐག་གཅོད་དེ་ལག་བསྟར་བྱེད་མཁན་གཉིས་ཀ་ཁ་བརྡའི་རྩོམ་སྒྲིག་ཚོགས་ཆུང་ཡིན་པ་མ་གཏོགས་རབ་གསལ་ལགས་ལྟ་བུའི་མི་སྒེར་པ་ཞིག་མིན་པ་གསལ་བསྒྲགས་བྱས་ཡོད།
སྔོན་མ་ཕག་པ་ཞིག་ལ་༸གོང་ས་མཆོག་གི་དབུ་བཏགས་ནས་པར་གཅིག་བཟོས་ཡོད་པ་རྒྱ་ནང་གིས་གཙོ་བའི་དྲ་ལམ་ལ་མང་པོ་དཀྲམ་ཡོད་། དེའི་ཐད་བོད་ནང་གི་བོད་མི་ཚོས་དོ་སྣང་ཆེན་པོས་རྩད་ཞིབ་དང་། དགག་རྒྱག་སྐྱོན་བརྗོད་སོགས་ཀྱི་རྩོམ་ཡིག་མང་པོ་སྤེལ་ཡོད་ལ་བོད་ཕྱི་ཕྱོགས་ནས་དེའི་ཐད་གྲགས་འགུལ་གང་ཡང་བྱུང་མ་སོང་། པར་དེ་ཐོག་མ་རྒྱ་ནག་གི་དྲ་ཐོག་ནས་ཐོན་པ་ཡིན་ཙང་བོད་ཕྱི་ནས་ཤེས་མེད་པ་མིན་འགྲོ་བསམ་ནས་རྩིས་འཁོར་ལ་གཉེར་ཚགས་ཙམ་བྱས་ནས་བཞག་པ་ཡིན། ཡིན་ཡང་ཉིན་འདི་ཚོར་བོད་ནང་གི་དྲ་ལམ་ན་བོད་མི་མང་པོ་ཞིག་གིས་པར་འདི་ཕར་བསྐུར་ཚུར་བསྐུར་བྱས་ནས་སྔོན་ལྟར་དོ་སྣང་དང་ཚོར་བ་རྣོ་བའི་གླེང་མོལ་བྱེད་གི་འདུག། ད་དུང་དྲ་གྲོགས་མི་ཉུང་བས་ཕྱི་སྡོད་བོད་མི་ཚོར་མི་འདི་རྩད་གཅོད་བྱེད་རྒྱུ་གལ་ཆེ་ལྷག་པར་དུ་ཨ་རི་ན་ཡོད་མཁན་ཚོས་ཟེར་བཞིན་ང་ལ་པར་འདི་བསྐུར་ཐེངས་༡༥་བ་དེ་འབྱོར་སོང་། པར་ལ་བལྟོས་ཚོད་ཀྱིས་ཨ་རིའི་ནིའུ་ཡོག་གྲགས་ཅན་མི་སྣའི་གཟུགས་བརྙན་འགྲེམས་སྟོན་ཁང་དེའི་ནང་ཡིན་པ་ལྟ་བུར་མཐོང་སོང་།
ཞོགས་པ་རེ་བཞིན། ནམ་མཁའ་སྐྱ་རིལ་མ་ཡར་ལངས་པ་ན། མི་མང་ལངས་གླུ། ཐེངས་རེར་ཐོང་། དགོང་མོ་རེ་བཞིན། མཚན་མོའི་མཛའ་མོ། མགྲོན་དུ་མ་བསུས་སྔོན། ཉིན་རེའི་དགེ་རྩ། སྡུག་བསྔལ་གྱིས་མནར་བའི་མར་གྱུར་སེམས་ཅན་ཐམས་ཅད་དུ་དོན་དུ་སྔོས། མི་མང་ལངས་གླུ་གཏོང་མི་ཤེས་པ་ཚོས། མགོ་སེར་འདི་ཚོའི་རྩ་ནས་སློབ་སྦྱོང་བྱོས། Mimanglanglu (Long Sho) Hei Pasop
ཀླུ་སྨྱོན།
ཟླ་བ་སྒྲོལ་མའི་ལེའུ།
མུན་ནག་དང་ཆར་སྨུག་གི་ཁྲོད་དུ་རླངས་འཁོར་ཆུང་ཆུང་ཞིག་བསླེབས་བྱུང་ལ།
དེའི་མདུན་གྱི་གློག་འོད་ནི་གཤིན་པོའི་རྣམ་ཤེས་འགུག་པའི་ལྕགས་ཀྱུ་ཞིག་དང་འདྲ་བར།
གཞུང་ལམ་སྟེང་དུ་ངལ་དུབ་ཆེན་པོས་གོམ་བགྲོད་བྱེད་བཞིན་པའི་སྐྱེ་བོ་གང་མང་ཞིག་ས་རུ་བསྒྱེལ་སོང་།
རླངས་འཁོར་དེའི་ནང་དུ།
ལང་ཚོས་སྒེག་པའི་མཛེས་མ་ཞིག་གིས་རང་གི་མཆུ་སྒྲོས་ལ་ཞག་རྩི་དམར་པོ་ཞིག་འབྱུག་བཞིན་འདུག
མོའི་མིག་འོད་ནག་པོ་ཟུང་གི་མདུན་དུ།
ཉམ་ཐག་པའི་རྣམ་ཤེས་རེ་རེ་བཞིན་སྐོམ་གདུང་དྲག་པོས་འཆི་བཞིན་ཡོད།
དེ་ལས་མང་བ་། “ཉིན་ཐོའི་ལྟེབས་ཁུག་ནས་རྙེད་པའི་མཛེས་མ་ལྔའི་ལེའུ།” »
ཨ་རིག་དགེ་མཐོང་།
ཁ་སང་ཞོགས་ཀ་སེ་ར་བླ་སྤྱིའི་སྒོ་འགྲམ་དུ་གསལ་བསྒྲགས་ཤིག་སྦྱར་འདུག་ལ་མི་མང་གིས་འཚང་ཁ་ཤིག་ཤིག་ལྟ་གིན་འདུག ངས་ཀྱང་གསལ་བོར་བྱས་ནས་བལྟས་ཡིན། རྩོམ་དེབ་གསར་པ་<<གནམ་ས་གོ་འབྱེད>>་འགྲེམ་སྤེལ་གསར་བསྒྲགས་ཞེས་བྲིས་ཡོད་ཁུ། རྣམ་གྲོལ་གླིང་སྔ་རིག་དཔེ་མཛོད་ཁང་ན་ཡོད་ཅེས་ལབ་འདུག ངས་ལག་འཕྲིན་ཁ་པར་ཐོག་བཏང་བ་ཡིན། ཁོ་ཚོ་ལ་ཁ་སང་སྔོན་མ་དཔར་ལོག་བརྒྱབས་ནས་བཙོང་གིན་འདུག་དེ་འདྲ་ཨེ་རེད་ཅེས་ལབ་ཡིན། མ་རེད་དངོས་གནས་དཔར་སྐྲུན་བྱས་ཚོར་ཡོད་ཟེར། དེ་ནས་གྲོགས་པོ་ཞིག་དང་ངེད་གཉིས་ཉོ་རུ་ཕྱིན་པ་ཡིན། སོང་ནས་ལྟ་དུས་རིན་གོང་སྒོར་༡༦༠་རེད། ངས་ཉོ་ནི་མ་དགོས་སེམས་སྐྱོ་བ་དང་ཁོང་ཁྲོ་ལངས་ཀྱིན་འདུག ངའི་རོགས་པས་གཅིག་ཉོས་སོང་། དེ་ལ་དཔར་སྐྲུན་ཞེས་པའི་ཐ་སྙད་ཇི་ལྟར་སྦྱོར་བསམ་བྱུང་། གཤམ་ནས་དེའི་དཔར་དང་། དེ་ལྟར་དཔར་སྐྲུན་བྱས་པ་དེས་རྩོམ་པ་པོ་སྐུ་ཞབས་ཞོགས་དུང་ལ་ཕོག་ཐུག་བཏང་ཡོད་པ་ཁོང་གི་རྩོམ་དེབ་ལས་ཚིག་འགའ་ཤས་བཀོད་འདོད་བྱུང་། ཉེ་སྔོན་ངྷ་ས་ནས་ཀྱང་དེ་ལས་སྐྱོ་བོ་ཞིག་དཔར་ལོག་རྒྱག་ཁུལ་བྱས་ནས་ཧིན་སྒོར་༡༥༠་བྱས་ནས་བཙོང་བཞིན་པའི་གནས་ཚུལ་ཕྲན་ལ་གྲོགས་པོ་ཞིག་གིས་གསལ་བོར་བརྗོད།
སངས་རྒྱས་ཀྱི་འཁྲུངས་སྐར་ལ་ཕུལ་བ།
ཀླུ་སྨྱོན།
དེ་དུས་ཀྱི་ཁྱེད་ནི།
བྱམས་ལྡན་ཨ་མས་བསྐྱུར་པའི་དྭ་ཕྲུག་ཅིག
བྱམས་ལྡན་ཨ་མ་དྲན་པའི་དྭ་ཕྲུག་ཅིག
ཨ་མའི་ནུ་ཞོ་མཁོ་བའི་དྭ་ཕྲུག་ཅིག
ཨ་མའི་དྲོད་ཁོལ་དགོས་པའི་དྭ་ཕྲུག་ཅིག
རྒྱལ་སྲས་ཆུང་ཆུང་ཞིག་གམ།
དྭ་ཕྲུག་སྙིང་རྗེ་བོ་ཞིག་གིས།
མིག་ཟུང་རིག་རིག་ཏུ་བལྟས་ཀྱང་།
སྐད་ངག་འཛེར་འཛེར་དུ་ངུས་ཀྱང་།
ཁྱེད་ཀྱི་ཨ་མས།
ཁྱེད་དང་ཁྱེད་ཀྱི་ཨ་ཕ་བསྐྱུར་ནས།
མཐོ་རིས་ཀྱི་འཇིག་རྟེན་དེར་གཤེགས་སོང་།
༼དགེ་སློབ་གླེང་སྟེགས༽
(www.gyelob.net)
བཙན་བྱོལ་བོད་མིའི་སྤྱི་ཚོགས་ཁྲོད་འདིར། དྲ་རྒྱའི་འཕེལ་རིམ་ལ་བལྟས་པ་ཡིན་ན། དེ་ནི་ལོ་ངོ་མང་པོའི་ལོ་རྒྱུས་དང་ལྡན་པ་གང་ཡང་མ་རེད། དེ་བས་ཀྱང་བོད་ཡིག་གི་དྲ་ཚིགས་བྱུང་ནས་ལོ་ངོ་མང་པོ་སོང་མེད། ཡིན་ནའང་། འཕེལ་རྒྱས་ཆེན་པོ་ཕྱིན་ཡོད། འཕེལ་རྒྱས་དེར་དབྱེ་བ་ཞིག་ཕྱེས་པ་ཡིན་ན། གསར་འགྱུར་གཙོ་བོར་བྱེད་པའི་དྲ་ཚིགས། རྩོམ་རིག་གཙོ་བོར་བྱེད་པའི་དྲ་ཚིགས་སོགས་རིགས་དང་རྣམ་གྲངས་ཀྱང་མང་པོ་ཞིག་ཆགས་ཡོད། འདི་དག་ཚང་མ་བོད་ཡིག་བེད་སྤྱོད་ཀྱི་ཁོར་ཡུག་མ་འདྲ་བ་རེ་རེའང་ཆགས་ཡོད། ཡང་ཕྱོགས་གཞན་ཞིག་ནས་བལྟས་ན། དྲ་ཚིགས་རེ་རེས་རང་ཉིད་ཀྱི་ཁྱད་ཆོས་དམིོགས་བསལ་བ་རེ་འདོན་སྤེལ་དང་གཅེས་སྲུང་བྱེད་ཀྱི་ཡོད། ༼དགེ་སློབ་གླེང་སྟེགས༽ནི་དེའི་ཏད་ཀྱི་དཔེ་མཚོན་ཡག་ཤོས་ཤིག་རེད། འདི་ནི་དགེ་སློབ་ཕྱོགས་གཉིས་ལ་གཞོགས་འདེགས་དང་། ཤེས་ཡོན་པ་ཐུན་མོང་གིས་སློབ་གྲྭའི་སློབ་གཉེར་བ་ཚོར་བོད་སྐད་བོད་ཡིག་བེད་སྤྱོད་དང་སྦྱོང་གཉེར་ལ་སྐུལ་འདེད་བྱེད་པ་དང་། བོད་ཡིག་ལྟ་ཀློག་གི་ཁོར་ཡུག་རྒྱ་བསྐྱེད་བྱས་ཏེ། བོད་ཡིག་གི་ལམ་ནས་ཤེས་བྱ་སྣ་ཚོགས་བལྟ་ཀློག་སྦྱོང་གསུམ་བྱེད་པ་བཅས་ཀྱི་ཁོར་ཡུག་དམིགས་བསལ་བ་ཞིག་ཆགས་པ་བྱ་རྒྱུ་ནི། ཤེས་ཡོན་པ་སྤྱི་དང་། ལྷག་པར་དྲ་ཚིགས་འདིའི་དབང་དུ་བྱས་ན། རྒྱ་ཆེའི་རྩོམ་པ་པོ་ཚོར་ཐད་ཀར་རག་ལུས་ཤིང་འབྲེལ་བའང་ངེས་ཅན་ཆགས་ཡོད་པ་ཞིག་ཡིན།
དེ་ལས་མང་བ་། “༼དགེ་སློབ་གླེང་སྟེགས༽(www.gyelob.net)་དྲ་ཚིགས་ངོ་སྤྲོད་དང་རྩོམ་པ་པོ་ཚོར་འབོད་སྐུལ།” »
གང་ཚེ་རྐང་གཉིས་གཙོ་བོ་ཁྱེད་བལྟམས་ཚེ། ། ས་ཆེན་འདི་ལ་གོམ་པ་བདུན་བོར་ནས། ། ང་ནི་འཇིག་རྟེན་འདི་ན་མཆོག་ཅེས་གསུངས། ། དེ་ཚེ་མཁས་པ་ཁྱེད་ལ་ཕྱག་འཚལ་ལོ། ། ནང་པ་ཞིག་གི་ངོས་ནས་ཡེ་ཤུའི་འཁྲུངས་སྐར་christmas ལ་རོལ་བ་ལས་བདག་ཅག་གི་སྟོན་པའི་འཁྲུངས་སྐར་ལ་རོལ་ན་དགེ་ཚོགས་འཕེལ། ཀླུ་སྨྱོན་ནས།
འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།
དགེ་སློབ་ཡོངས་ལ་ཞུ་རྒྱུར།
ས་ཁུལ་སློབ་གསོ་ཅུས་བཀའ་མངགས་ལྟར། ཁ་བྲལ་བའི་འཐབ་རྩོད་ཀྱི་རྙོག་འཛིང་རང་བཞིན་དང་ཟུང་དུ་འབྲེལ་བའི་གཤམ་འཁོད་གླུ་གཞས་འདི་རྣམས་བདེ་ཐང་གི་རྣམ་པ་མེད་པས། སློབ་གྲྭའི་དགེ་སློབ་ཡོངས་ཀྱིས་གླུ་གཞས་འདི་དག་གཏོང་ཉན་བྱ་རྒྱུ་མེད།
དེ་ལས་མང་བ་། “གཞིས་རྩེ་ས་ཁུལ་གཏིང་སྐྱེས་རྫོང་སློབ་འབྲིང་གི་གསལ་བརྡ།” »
ད་ལྟ་བཙོན་འོག་ན་ཡོད་པའི་རྩོམ་པ་པོ་སྐུ་ཞབས་ཞོགས་དུང་ལགས་ཀྱི་བརྩམས་ཆོས་༼ གནམ་ས་གོ་འབྱེད ༽ ཞུ་བ་དེར་ཀུན་གྱིས་དོ་སྣང་བྱེད་ཡུལ་དུ་གྱུར་ཡོད་ཀྱང་། སྤྱི་ཚོགས་ནང་འགྲེམས་སྤེལ་བྱས་ཏེ་ཟླ་འགའ་ཕྱིན་མ་ཐག་རྒྱ་ནག་གི་སྒེར་གཅོད་བཙན་དབང་གི་སྲིད་ལུགས་འོག དཔེ་དེབ་དེ་ཕྱིར་བསྡུ་དང་བཀག་བསྡོམས་བྱས་ཡོད་པ་མ་ཟད། རྩོམ་པ་པོ་ཁོང་ཡང་བཙོན་འཇུག་བྱས་ཡོད་སྟབས། དུས་ཡུན་ཐུང་ཐུང་ནང་བལ་ཡུལ་གྱི་བོད་མི་ལ་ཞེན་ཅན་ཁག་ཅིག་གིས་དཔེ་དེབ་དེ་བསྐྱར་དཔར་བྱས་ཏེ། ཁ་སང་ཕྱི་ཚེས་ ༡༩ ཉིན་བལ་ཡུལ་སྲོང་བཙན་སློབ་གྲྭ་རུ་མི་མང་འདུ་འཛོམས་ཐོག སྐུ་མགྲོན་གཙོ་བོ་བོད་མི་མང་སྤྱི་འཐུས་རྒྱལ་ནོར་ཚེ་དབང་མཆོག་དང་ཚེ་བརྟན་ནོར་བུ་རྣམ་གཉིས་ཀྱིས་དབུ་འབྱེད་གནང་སྟེ། ད་ཆར་རིན་མེད་ཐོག་དེབ་དེ་འགྲེམས་སྤེལ་བྱེད་ཀྱིན་ཡོད་འདུག
དཔེ་དེབ་དབུ་འབྱེད་མཛད་སྒོའི་སྟེང་སྤྱི་འཐུས་རྒྱལ་ནོར་ཚེ་དབང་མཆོག་གིས་རྩོམ་པ་པོ་ཞོགས་དུང་ནི་བོད་རྒྱལ་ཁབ་དང་མི་རིགས་ལ་བྱས་རྗེས་ཆེ་པའི་གཟི་བརྗིད་ཅན་གྱི་རྒྱལ་གཅེས་དཔའ་བོ་ཞིག་ལ་ངོས་འཛིན་བྱ་དགོས་བའི་སྐོར་གྱི་བསྔགས་བརྗོད་གནང་ཡོད་པ་དང་། སྤྱི་འཐུས་ཚེ་བརྟན་ནོར་བུ་མཆོག་གིས་ཞོགས་དུང་དང་ཞོགས་དུང་ལྟ་བུའི་བོད་ནང་གི་རྩོམ་པ་པོ་རིགས་ཞེན་དང་དཔའ་ངར་ཅན་འདི་དག་གི་བརྩམས་ཆོས་མ་འོངས་པར་བོད་ནང་ནས་པར་བསྐྲུན་བྱེད་ཐུབ་པའི་དུས་ཚོད་ཞིག་མ་བྱུང་བར། ང་ཚོ་བོད་མི་སྐྱབས་བཅོལ་བ་ཚོའི་དམིགས་ཡུལ་འགྲུབ་མེད་པ་དང་དེ་འགྲུབ་པར་ང་ཚོ་རང་གིས་ནུས་བ་འདོན་དགོས་པ་སོགས་གསུངས་ཡོད་འདུག དེབ་འདི་བསྐྱར་དཔར་གྱི་འགྲོ་གྲོན་སྦྱིན་བདག་གནང་མཁན་ས་དཀར་བསྟན་འཛིན་དང་ཅོང་རྒྱམ། བལ་ཡུལ་བོད་ཀྱི་ལྟེ་གནས་ཁང་གི་གཙོ་འཛིན་ཚེ་བརྟན་ནོར་བུ་བཅས་ཡིན་འདུག་ལ། ད་ལྟ་དཔེ་དེབ་དེ་ཀློག་འདོད་མཁན་དང་དོ་སྣང་ཅན་ཚང་མར་རིན་མེད་ཐོག་ས་མཚམས་མེད་པར་སྤྲོད་བཞིན་ཡོད་འདུག
དྲ་གྲོགས་རྣམས་ཀྱིས་མཁྱེན་གསལ་ལྟར། ཁ་བརྡའི་ནང་ལ་ཁྱད་གསོད་བྱེད་པ་དང་ཀླན་ཀ་འཚོལ་བ། ཁུངས་མེད་ཀྱི་གཏམ་ཡན་འགོད་པ་སོགས་ཁ་བརྡ་ཚང་གིས་བཀག་དང་འགོག་བཞིན་ཡོད། ཡིན་ན་ཡང་དྲ་གྲོགས་འགའ་རེས་དེ་ལྟ་བུའི་མཆན་བུ་འགོག་མཁན་ནི་རབ་གསལ་ལགས་ལྟ་བུ་གང་ཟག་སྒེར་པ་ཞིག་གིས་རང་བློར་འབབ་མིན་ལ་བལྟས་ནས་འགོག་གི་ཡོད་པར་སྙམ་གྱི་ཡོད་པ་འདྲ། དངོས་གནས་བྱས་ན་དེ་ལྟར་མིན། དེ་ལྟར་འགོག་རྒྱུ་ཡིན་པ་ཐག་གཅོད་བྱེད་མཁན་དང་ཐག་གཅོད་དེ་ལག་ལེན་བྱེད་མཁན་ཚང་མ་ཁ་བརྡ་ཚང་སྟེ། ཁ་བརྡ་རྩོམ་སྒྲིག་ཚོགས་ཆུང་ཡིན། ཁ་བརྡ་དྲ་ཤོག་དོ་དམ་བྱེད་རྒྱུ་ནི་ལས་ཞོར་ཡིན་སྟབས།ཁ་བརྡ་ཚང་ལ་རྩོམ་འབྱོར་ན་ཡང་དྲ་ཤོག་སྟེང་མགྱོགས་པོར་འཇོག་མ་ཐུབ་པ་ཡང་སྐབས་རེར་ཡོང་གི་ཡོད་པ་ལ་དགོངས་དྭངས་ཞུ་གི་ཡོད། ཁྱད་གསོད་ཅན་དང་ཀླན་ཀ་ཅན། གཏམ་ཡན་ཅན་གྱི་མཆན་བུ་འགོག་འགོ་ཚུགས་ནས་བཟུང་ཁ་བརྡའི་གླེང་མོལ་གྱི་སྤུས་ཀ་ཇེ་མཐོར་འགྲོ་བཞིན་ཡོད་ཅིང་། གླེང་མོལ་གནང་མཁན་དང་ལྟ་ཀློག་བྱེད་མཁན་ཡང་ཇེ་མང་དུ་འགྲོ་བཞིན་ཡོད་པ་གསལ་པོ་རེད།འདིས་ང་ཚོར་མཆན་དེ་ལྟ་བུ་རྣམས་མུ་མཐུད་ནས་འགོག་དགོས་པའི་བློ་སྤོབས་སྦྱིན་པར་བྱས་པས་མུ་མཐུད་ནས་མཆན་དེ་རིགས་ལ་དོ་དམ་གང་ཐུབ་ཐུབ་ཀྱིས་ནན་མོ་བྱེད་ཡིན་པ་ཐུགས་འཇགས་འཚལ། ཁ་བརྡ་རྩོམ་སྒྲིག་ཚོགས་ཆུང་གིས་། info(at)khabdha.org
གསེར་རྟ་ཆོས་དབྱིངས་ནས། བོད་ནས་ཁུངས་ལྡན་གནས་ཚུལ་འབྱོར་གསལ་ལྟར། ཕྱི་ལོ་ ༢༠༡༠ ཟླ་ ༥ པའི་ཕྱི་ཚེས་ ༡༦ ཉིན་གྱི་ཕྱི་དྲོ་རྒྱ་ནག་གི་ཆུ་ཚོད་ ༩ པའི་སྟེང་ཁམས་གསེར་རྟ་རྫོང་ཕུའུ་ཤང་ཐོག་ཏུ་གསེར་རྟ་ཁེ་སྐོར་ཤང་ཁེ་སྐོར་སྡེ་བ་ཡིན་པའི་སྐལ་ལྡན་དང་། བསོད་ནམས་སྟོབས་ལྡན་གཉིས་ཀྱིས་བོད་ལ་འགྲོ་བ་མི་ཡི་ཐོབ་ཐང་དགོས་པ་དང་༸རྒྱལ་བ་རིན་པོ་ཆེ་མྱུར་དུ་བོད་ལ་གདན་འདྲེན་བྱེད་དགོས་པ་སོགས་འཁོད་པའི་ཡི་གེ་གཏོར་ཡོད་འདུག་ལ། དེ་རྗེས་ཁོང་གཉིས་ཀྱིས་ཡི་གེ་དེ་རྩིག་པའི་ངོས་སུ་སྦྱར་བཞིན་ཡོད་པའི་སྐབས་སུ་རྒྱ་མིས་འཛིན་བཟུང་བྱས་ཏེ་ད་སྐབས་ཁོང་གཉིས་གཏེར་རྟ་རྫོང་ཐོག་ཏུ་བཀག་ཉར་བྱས་ཡོད་ཅིང་། འབྲེལ་ཡོད་ཁག་གཅིག་གསེར་རྟ་རྫོང་དུ་གཏུགས་བཤེར་བྱེད་པ་དང་ཁོང་གཉིས་ལ་ངོ་ཐུག་པའི་ཆེད་དུ་སོང་ཡོད་ན་ཡང་ཉེན་རྟོག་པས་ངོ་ཐུག་ས་ཙམ་ཡང་མེད་ཚུལ་བརྗོད་དེ་ཕྱིར་ལོག་བྱས་ཡོད་པའི་གནས་ཚུལ་འདུག
ས་གནས་གསར་འགོད་པའི་ས་མིག་གསལ་བསྒྲགས། ཨེ་ཤེ་ཡ་རང་དབང་རླུང་འཕྲིན་ཁང་ལ་རྒྱ་གར་ལྷོ་ཕྱོགས་མོན་གྷོ་ཀྲི་ས་གནས་(ཨམ་སྐད) དང ཨོ་སི་ཀྲི་རེ་ལི་ཡ (དབུས་སྐད)། ཐའེ་ཝན་(ཁམས་སྐད)། བཅས་སུ་ས་གནས་གནས་ཚུལ་མཁོ་གཏོང་གནང་མཁན་གསར་འགོད་པ་གསུམ་དགོས་པའི་ས་མིག་ དགོས་ངེས་ཆ་རྐྱེན། ༡ ཁོངས་སོ་སོའི་སྐད་གདངས་ལ་བྱང་ཆ་ཡོད་པའི་ཐོག་མ་མཐར་བོད་ཡིག་གི་ཤེས་ཚད་མཐོ་སློབ་ཐོན་པའམ། ཡང་ན་མཐོ་སློབ་གྱི་ཤེས་ཚད་ཡོད་པ་ཁུངས་ལྡན་ར་སྤྲོད་ཐུབ་པ། ༢ དབྱིན་ཡིག་དང༌། རྒྱ་ཡིག ཧིན་རྡི་གང་རུང་གི་ཤེས་ཚད་རང་སྐྱ་འཕེར་ངེས་ཡོད་པ།…
༧ གོང་ས་རྒྱལ་དབང་ཐམས་ཅད་མཁྱེན་པ་མཆོག་གིས་འདི་ཟླའི་ཕྱི་ཚེས་ ༡༥ དང་ ༡༦ ཉིན་ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར་དུ་འཚམས་གཟིགས་གནང་བར་མལ་ཌི་སིན་གྲོང་ཁྱེར་ལས་ཁུངས་མདུན་དང་ལམ་ཆེ་ཁག་ཏུ་བོད་ཀྱི་རྒྱལ་དར་སྒྲེང་འཛུགས་ཀྱིས་ཆེ་བསྟོད་ཞུས་པ།
བོད་ཕྱི་ལ་བོད་མི་མང་ཤོས་གནས་སྡོད་བྱེད་ས་བལ་ཡུལ་བོད་མིའི་སྤྱི་ཚོགས་ཁྲོད་བོད་ཡིག་གི་ཚགས་པར་གཅིག་ལས་མེད་བའི་༼གཉན་ཆེན་ཐང་ལྷ་༽ཚགས་པར་ལས་ཁུངས་གསར་འཛུགས་བྱེད་མཁན་དང་འགན་འཛིན་བལ་ཡུལ་གྱི་མི་སེར་ཡིན་པ་སྐུ་ཞབས་ཐཱ་པ་ལེ་ཡ་ཉེ་བའི་ཆར་ནད་མནར་རྐྱེན་འདས་བཀྲོངས་སུ་སོང་ཡོད། དེར་བརྟེན་ད་ཆ་གནས་སྟངས་དང་རྒྱུ་རྐྱེན་ཁག་གཅིག་གིས་གཉན་ཆེན་ཐང་ལྷ་ཚགས་པར་བཏོན་རྒྱུ་ཡང་གནས་སྐབས་མཚམས་འཇོག་བྱས་འདུག། གཉེན་ཐང་ནི་བལ་གཞུང་ལ་ཁྲིམས་མཐུན་དེབ་སྐྱེལ་ཡོད་པའི་བོད་ཡིག་གི་ཚགས་པར་གཅིག་པུ་དེ་ཡིན།
ཚེ་རིང་སྐྱིད། དེ་རིང་ཞོགས་པ་ངས་རྒྱ་ཡིག་གི་ཟིན་བྲིས་སྒོ་ཕྱེ་སྐབས། ནུབ་བྱང་མི་རིགས་སློབ་གྲྭ་ཆེན་མོའི་སློབ་མ་ཞིག་གིས་སྐད་ཞིག་བཞག་འདུག་ལ། རྒྱ་ཡིག་གི་ཚིག་གྲུབ་གཉིས་མ་གཏོགས་མེད་པའི་འཕྲིན་ཐུང་དེའི་ནང་དུ། ཉེ་ཆར་འཛིན་བཟུང་བྱས་པའི་ཞོགས་ལྗང་ངམ་ཡང་ན་འབྲུག་ལོ་ཟླ་ལྔ་བའི་ཚེས་བརྒྱད་ཉིན་གློད་གྲོལ་ཐོབ་ཡོད་ཀྱང༌། བཀྲ་ཤིས་རབ་བརྟན་ནམ་ཡང་ན་ཐེའུ་རངས་གློད་གྲོལ་བྱུང་མེད་པ་མ་ཟད་གང་དུ་ཡོད་མེད་སོགས་ཀྱི་གནས་ཚུལ་ཤེས་རྟོགས་མེད་པར་བྲིས་འདུག ཡང་ཁོང་གི་འཕྲིན་ཐུང་གཉིས་པ་དེའི་ནང་དུ་འཕྲིན་ཐུང་ཀློག་ཚར་རྗེས་ལམ་སེང་བསུབ་རོགས་གནང་ཞེས་ཀྱང་བྲིས་འདུག
སྐྱེ་རྒུ་མདོའི་ས་ཡོམ་གོད་ཆག་དེར། ཆོལ་གསུམ་བོད་རིགས་ཚང་མས་སྐྱིད་ན་མཉམ་སྐྱིད་དང་། སྡུག་ན་མཉམ་སྡུག་གི་ཚུལ་གྱིས། ལག་པའི་ཕྱི་ནང་ཤ་ཡིན། མཛུབ་མོ་ལྔ་པོ་སྤུན་ཡིན་ཞེས་ཕྱོགས་བཞི་མཚམས་བརྒྱད་ནས་རོགས་སྐྱོར་བ་དང་། དངོས་རྫས་དང་དངུལ་གྱི་ཞལ་འདེབས་མང་པོ་སྐྱེ་རྒུ་མདོའི་ལུད་བཞིན་པ་དང་།
ཉམས་ཞིབ་པ་ཞིག་གི་ས་མིག་འདུག ལས་འགན་གཙོ་བོ་གནས་ཚུལ་ཚོལ་སྡུད་དང་དབྱེ་ཞིབ་བྱ་རྒྱུ་དེ་ཡིན་འདུག ཞིབ་ཕྲའི་ཆ་རྐྱེན་དང་དམིགས་བསལ་རིགས་དབྱིན་ཡིག་གི་ནང་ཡོད་པའི་གསལ་བསྒྲགས་ལ་གཟིགས་རོགས། གསལ་བོ་མ་ཆགས་པ་འདྲ་བྱུང་ན་མཆན་གྱི་ནང་དུ་དོགས་འདྲི་བྱས་ན་ཤེས་མཁན་དག་གིས་གསལ་བཤད་བྱ་གི་རེད་འདོད།
Job Title: Researcher
Primary duties: Information gathering and analysis
Responsible to: Programme Co-coordinator, London
Main Purpose:
To monitor the impact of the relief and re-development responses to the Jyekundo earthquake with the objective of; understanding reasons for vulnerability to ensure Tibetans from the region have equal access to any opportunities that funds create to ensure infrastructure programmes reflect the Tibetan identity of the region.
ས་ག་ཟླ་བ་སླེབས་ལ་ཉེ་བས། རྩམ་པ་ཉོ་དགོས་མཁན་ཡོད་ན་ང་ཚོའི་རྩར་ཕེབས། ས་ག་ཟླ་བའི་ནང་། ང་ཚོས་ཨ་རིའི་མངའ་སྡེ་བྱང་ཀ་ལི་ཕོར་ཉའི་(Northern California)ནང་བཞུགས་མཁན་དག་ལ་རྩམ་པ་སྒོ་འགྲམ་ལ་སྐྱེལ་གི་ཡིན། སྦྲགས་གླ་གནང་མི་དགོས། ཐག་རིང་དུ་བཞུགས་མཁན་རྣམས་ལ་སྦྲགས་གླ་ཕྱེད་བཅག་བྱེད་གི་ཡིན། ཐུགས་རྗེ་ཆེ། བོད་ཀྱི་རྩམ་པ་ཚོང་ཁང་ནས། www.tibetantsampa.com འབྲེལ་གཏུགས་ཁ་པར་ཨང་གྲངས།510-230-8152 མྱུར་འཕྲིན་ཁ་བྱང་། dt@tibetantsampa.com