རྒྱལ་སྤྱིའི་བོད་རང་བཙན་ལས་འགུལ་ཚོགས་པས་ ༢༠༡༠ ལོའི་ ཟླ་ ༧ ཚེས་ ༤ ནས་མགོ་འཛུགས་ཀྱིས་ རང་བཙན་གོམ་བགྲོད་བྱེད་བཞིན་ཡོད་པ་དང་། དེ་ཡང་ཨ་རིའི་ཕེ་ལེ་ཌེ་ཕེ་ཡ་ན་ཡོད་པའི་ རང་བཙན་ཁང་ཞེས་པ་ནས། རྒྱལ་ས་ཝ་ཤིན་ཊོན་གྱི་རྒྱ་ནག་གཞུང་ཚབ་ཁང་བར་དུ་རྒྱང་ཐག་ མེལ་ལེ་ ༡༥༠ ལ་བསྐྱོད་རྒྱུ་ཡིན་པ་དང་། ཟླ་ ༧ པའི་ཚེས་ ༡༣ ཉིན་གོམ་བགྲོད་མཇུག་སྒྲིལ་རྒྱུ་ཡིན་པ་རེད།
ཐེངས་འདིའི་རང་བཙན་གོམ་བགྲོད་དུ། བཀའ་ཟུར་ཞེ་བོ་བློ་བཟང་དར་རྒྱས་ལགས་དང་། སྐུ་ངོ་སྣར་སྐྱིད་ངག་དབང་དོན་གྲུབ། སྤྱི་ཟུར་དབང་ཕྱུག་རྡོ་རྗེ། ལྟག་མཚེར་རིན་པོ་ཆེའི་སྲས་ཆུང་བ་འཇིགས་མེད་ནོར་བུ་སོགས་ཞུགས་གནང་མཛད་ཡོད་ལ། མཚམས་རེར་བོད་མི་ ལྔ་རེ་དང་མཚམས་རེར་བཅུ་གྲངས་རེ་ཡོད། ལོ་ཆུང་ཤོས་དེ་བྱིས་པ་ལོ་བརྒྱད་ཅན་ཞིག་ཡིན། དེ་རིང་བར་དུ་མེལ་ལེ་ ༨༠ ཙམ་ལ་གོམ་བགྲོད་བྱས་ཟིན་པ་ཡིན།
ཁྱིམ་རྒྱུད་གཅིག་ནས་མི་དྲུག་པ་འཇུས་སོང་།
སྒྲོལ་དཀར་མཚོ་མོས་བྲིས། ནགས་ཤོད་རིག་རལ་གྱིས་བསྒྱུར།
བཀྲ་ཤིས་སྟོབས་རྒྱལ་གྱི་གཅུང་མོ་མིག་ཆུས་གདོང་པ་བརླན་བཞིན་དུ་ང་འཚོལ་བར་སླེབས་བྱུང་། ད་ནངས་ཞོགས་པ་ལྷ་ས་ན་ཡོད་པའི་ནུ་བོས་མོ་ལ་གློ་བུར་དུ་ཁ་པར་བཏང་བ་དང་། ལྷིང་ལ་གཞུང་དྲང་བའི་ཁོང་ཚོའི་ཕུ་བོ་བཀྲ་ཤིས་སྟོབས་རྒྱལ་འབོད་པའི་བོད་ཡིག་དགེ་རྒན་དེ་ཉིད་ཁ་ནུབ་མཚན་མོར་ཉེན་རྟོག་པ་བཅུ་གྲངས་འགའ་རེས་འཁྲིད་སོང་ཟེར། ད་ལྟ་ཁོང་རང་གང་དུ་ཡོད་དམ། སུ་ཞིག་གིས་ཀྱང་ཧ་གོ་མཁན་མེད། འཛིན་བཟུང་ལག་ཁྱེར་ཡོད་དམ། སྔར་རྒྱུན་བཞིན་ག་ལ་ཡོད།
སྙན་དེབ་《རྣལ་འབྱོར་བ་དང་འཁོར་བ》
ཤེས་རབ་རྒྱ་མཚོ
།
བཙན་བྱོལ་ནང་གི་གཞོན་སྐྱེས་སྙན་ངག་པ་གྲགས་ཅན་ཚྭ་རུ་མ་ཐབས་མཁས་ཀྱི་སྙན་རྩོམ་ཕྱོགས་བསྒྲིགས་༼རྣལ་འབྱོར་བ་དང་འཁོར་བ༽ཞེས་པ་ ྋགོང་ས་མཆོག་གི་སྐུའི་འཁྲུངས་སྐར་ཉིན་དབུ་འབྱེད་འགྲེམས་སྤེལ་བྱས་ཡོད་པ་རེད།
བོད་ཡིག་གི་ཚེག་བར་ལ་བར་སྟོང་དགོས་སམ། གསལ་བསྒྲགས་ཤིག
བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ༎ བླ་མ་ དང་ མགོན་པོ་ འཇམ་པའི་དབྱངས་ ལ་ ཕྱག་ འཚལ་ལོ༎ གནངས་ཉིན་ཏེ། རེས་གཟའ་སྤེན་པ་དང་། ཕྱི་ཚེས་ ༡༠ ཉིན་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ། བོད་ཡིག་གི་ཚེག་བར་ལ་བར་སྟོང་དགོས་སམ། ཞེས་པའི་བརྗོད་གཞིའི་ཐོག་བགྲོ་གླེང་གནང་གི་འདུག…
དེ་ལས་མང་བ་། “བོད་ཡིག་གི་ཚེག་བར་ལ་བར་སྟོང་དགོས་སམ། གསལ་བསྒྲགས་ཤིག” »
ཨ་མདོ་སྐད།
རང་གི་རྩ་བའི་བླ་མའི་ཆེད་དུ་བཟུང་བཏང་རུང་འགྱོད་པ་མེད།
“འཁྲུངས་སྐར་བསུ་བའི་གླུ་ཞིག་ལེན་”གཏོང་མཁན། བོད་ནང་གི་གཞས་མ་ཀུན་དགའ་སྒྲོལ་མར་དཔལ་ལྡན་རྒྱལ་གྱིས་བཅར་འདྲི་བྱས་བ་ཞིག་ལ་འདི་ནས་གསན་རོགས། interview-with-kunga-dolma3
དྲ་གནས་གསར་པ་སྒོ་འབྱེད་གསལ་བསྒྲགས།
གཅན་བཟོད་རྒྱམ་ནས།
༸གོང་ས་ལྷ་མིའི་རྣམ་འདྲེན་རྒྱལ་དབང་སྐུ་ཕྲེང་བཅུ་བཞི་བ་ཆེན་པོ་མཆོག་ཕྱི་ལུགས་ལྟར་ན་དགུང་གྲངས་དོན་ལྔ་དང་བོད་ལུགས་ཀྱི་དགུང་གྲངས་དོན་དྲུག་བཞེས་པའི་སྐུའི་འཁྲུངས་སྐར་དང་སྟབས་བསྟུན་ནས་
ངེད་ཅག་གིས་དུས་ཡུན་གང་འཚམ་རིང་གྲ་སྒྲིག་བྱས་པ་བརྒྱུད། ༼རང་དབང༽ཞེས་པའི་དྲ་རྒྱ་འདི་ལེགས་སྐྱེས་སུ་འབུལ་ཐུབ་པ་བྱུང་ཡོད། རང་རེའི་བོད་ཡིག་སྤྱོད་མཁན་དང་བོད་ཀྱི་སྐད་ཡིག་རིག་གནས་ལ་དོ་སྣང་ཤ་ཞེན་ཅན་རྣམས་ཀྱིས་དྲ་གནས་འདི་ཅི་དགར་ལོངས་སུ་སྤྱོད་རོགས་ཞུ།
རིན་ཆེན་བསམ་འགྲུབ་ལགས་ཀྱི་འདྲ་པར་འགའ།
ཉེ་ཆར་རྒྱ་གཞུང་གིས་ལོ་ལྔར་ཁྲིམས་ཐག་བཅད་པའི་རིན་ཆེན་བསམ་འགྲུབ་ལགས་ཀྱིས། དེ་སྔོན་ཁམས་ཁུལ་དུ་བོད་ཀྱི་དཔེ་ཆ་དཔེ་རྒྱུན་དཀོན་རིགས་བརྩད་གཅོད་དང་ཉར་ཚགས་། སྲུང་སྐྱོབ་བཅས་ཀྱི་ལས་ཀ་ཕོན་ཆེ་གནང་འདུག་ཅིང་།
འཛིན་བཟུང་མ་བྱས་གོང་དེར་ཉར་ཚགས་བྱས་བའི་དཔེ་རྙིང་རྣམས་འོད་སྡེར་དུ་བཅུག་ཡོད་པ་དེ་ཚོ་དེ་ཆ་རྒྱ་གཞུང་གིས་འཕྲོག་ཡོད་འདུག་
ཞིབ་གསལ་གྱི་གནས་ཚུལ་རྣམས་འོད་ཟེར་དྲ་དེབ་ནས་གཟིགས་རོགས། ལྷག་དོན་རྒྱ་ཡིག་མཁྱེན་མཁན་རྣམས་ཀྱིས་འདི་སྐོར་གྱི་གནས་ཚུལ་བོད་བསྒྱུར་བྱས་ན་དགེ་མཚན་ཆེ་བར་མཐོང་།
རང་བཙན་གོམ་བགྲོད་དང་རང་བཙན་དྲ་དེབ།
རྒྱལ་སྤྱིའི་བོད་རང་བཙན་ལས་འགུལ་ཚོགས་པས་གོ་སྒྲིག་ཞུས་པའི་ ༢༠༡༠ ལོའི་རང་བཙན་གོམ་བགྲོད་དེ་ དེ་རིང་ནས་མགོ་འཛུགས་ཞུས་འདུག གནས་ཚུལ་རྣམས་བོད་ཡིག་ཐོག་ རང་བཙན་དྲ་དེབ་ ན་གསལ་འདུག
བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་གི་གསལ་བསྒྲགས།
ད་མཚམས་འོས་བསྡུ་ལས་ཁང་ནས་བཀའ་བློན་ཁྲི་པའི་འོས་བསྡུའི་ལས་རིམ་གསལ་བསྒྲགས་དངོས་སུ་གནང་སྟབས། རང་ཉིད་བཀའ་བློན་ཁྲི་པའི་འོས་གཞིར་མི་ཞུགས་རྒྱུའི་ཐག་གཅོད་ཡོངས་གྲགས་བྱེད་རྒྱུ་ཡིན། ངའི་ལས་རོགས་དང་། བློ་ཉེ་ཚོ། དེ་བཞིན་བཀའ་བློན་ཁྲི་པའི་འོས་བསྡུའི་ལས་རིམ་ལ་དོ་སྣང་ཞིབ་ཚགས་བྱེད་མཁན་ཚོས་ཕྲན་རང་ཐོག་མ་ནས་འོས་གཞིར་ཞུགས་རྒྱུའི་བསམ་བློ་མེད་པ་དེ་ཤེས་ཀྱི་ཡོད།
གུས་པར་བཀའ་ཁྲིའི་འོས་གཞིར་ཞུགས་རྒྱུའི་གཞེན་བསྐུལ་གནང་མཁན་ཚོར་ཐུགས་རྗེ་ཆེ་ཞུ་རྒྱུ་དང་། ཁྱད་པར་བོད་ནས་ཆེས་བཀུར་འོས་སྐྱ་སེར་མི་སྣའི་ཁོངས་ནས་བརྡ་ལན་དེ་རིགས་འབྱོར་བ་ནི་ཆེ་མཐོང་བླ་མེད་དུ་སྣང་།
ང་རང་རྒྱུན་དུ་མང་གཙོའི་ལམ་ལུགས་གོང་འཕེལ་གཏོང་རྒྱུར་རྒྱབ་སྐྱོར་བྱེད་མཁན་ཞིག་ཡིན་ཞིང་།
དེ་ལས་མང་བ་། “བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་གི་གསལ་བསྒྲགས།” »
ཨ་མདོ་བག་ལེབ།
ངས་འདིར་ “ཨ་མདོ་བག་ལེབ་”ཅེས་བྲིས་ཡོད། འོན་ཀྱང་ བག་ལེབ་ཟེར་བ་དེ་ལྷ་སའི་སྐད་ཅིག་རེད་ལ། དེས་ཨ་མདོའི་གོ་རེ་མཚོན་ག་ལ་ཐུབ། དེ་རིང་གློ་བུར་གྱི་ཁ་བརྡ་ཞིག་གིས་དྲངས་ནས་ ཨ་མདོའི་གོ་རེའི་སྐོར་ལ་བསམ་བློ་བཏང་། ཨ་མདོའི་གོ་རེ་སྟེ། གོ་རེ་ཁ་རྟིས།༼དག་ཆ་མི་ཤེས།༽ ནས་ཕྱེ་གོ་རེ། གོ་རེ་རྣ་དཀྱིས་ངམ་གོ་རྟིས། ད་གང་དག་ཡོད། ཐལ་གོར། གོ་རེ་རིགས་མི་འདྲ་བ་མང་པོ་ཡོད། གད་པའམ་ས་དུམ་བུར་བྱས་པ་མེར་བསྲེགས།…
རྣམ་པ་ཚོར་གྲོས་འདེབས་སུ་ཕུལ་བ།
བསྟན་འཛིན་ཚེ་དཔག
༼རང་གི་རྩོམ་འགྲོས་རྙིང་པའི་ལུགས་སུ་བྱས་པ༽
གཅིག གླེང་སློང་བའི་ཚིག་དུམ་གཅིག
ཉིན་མཚན་གྱི་བགྲོད་པ་ནི་གཅིག་ལ་གཅིག་འགྲན་གྱིས་ལྟེབས་ཤིང་རྫོགས། བྱ་ལས་ཀྱི་བྲེལ་བ་ནི་ཁ་ཉིན་ལས་དེ་རིང་འཚུབ་པའི་རྣམ་པར་འཁྱུད། དུས་ད་ལྟ་ན། སུ་དག་ཁོམ་པར་གནས་པ་དེ་དག་ལ་ཡིད་སྨོན་ཅིང་སེམས་འཆོར་གྱིན་ཡོད་པའི་སྐབས་འདིར། བདག་གི་ཀློག་མཁན་ཚོར་འབུལ་བ་ལ་སྤྲོ་བ་ཚད་མེད་པའི་སེམས་ཀྱིས་ཞུ་བ་འདི་ཡོད་དེ། སུ་དག་གིས་ད་ཕན་བདག་གི་ཚིག་དག་བཀླགས་པ་དེ་དང་དེ་དག་གང་ན་སུ་དག་བཞུགས་པ་ཐམས་ཅད་ལ། བསམ་བཞིན་དུ་བྱས། བསམ་བཞིན་མ་ཡིན་པར་བྱས། སྣང་མེད་ཀྱི་ངང་དུ་བྱས་པ་གང་ཡང་རུང༌། སེམས་ཀྱི་གཏིང་ལ་མ་བདེ་བའི་ཕོག་པ་དང་ཐུག་པའི་རིགས་བཟོས་ཤིང་ཡོད་ན། དེ་དང་དེ་དག ད་ཚོད་བདག་གིས་སེམས་དང་བསམ་པ། སྙིང་དང་གློ་བའི་ཁོང་གསེང་དག་ལྷག་བསམ་རླུང་གིས་རྣམ་པར་དག་པར་བཀྲུས་ཏེ་གང་ཞུ་ན། བཟོད་པར་གསོལ་ལོ་ཞེས་ཞུ་བ་འདི་ལགས།
ཕ་ཡུལ་གྱི་སྐྱ་བོའི་ཚད་མའི་བགྲོ་གླེང་།
ཉེ་ཆར་མཚོ་སྔོན་ཆབ་ཆ་ས་ཁུལ་ནས་སློབ་གྲྭའི་དགེ་རྒན་དང་སློབ་མ་དག་གིས་ཚད་མའི་སྐོར་གྱི་བགྲོ་གླེང་ཚོགས་འདུ་ཞིག་བསྡུས་ཏེ་མཐོ་སྒང་གི་རྩྭ་ཐང་ནས་ཚད་མ་རིག་པའི་བགྲོ་གླེང་གྲ་རྒྱས་པོ་ཞིག་བྱས་འདུག རྒྱ་ཡིག་གི་དྲ་བར་གཟིགས་འདོད་ན་གཤམ་དུ་ཕེབས། http://www.amdotibet.com/html/2010-06/10495.html
རེ་ཁེ་ཀརྨ་བསམ་འགྲུབ་ཀྱི་ལོ་རྒྱུས་མདོར་བསྡུས།
སྒྲོལ་དཀར་མཚོའི་པོད་ཁུག་ལས་བསྒྱུར། ནགས་ཤོད་སད་མི།
ཕོ། བོད་རིགས། ༡༩༦༨ ལོར་བོད་ལྗོངས་ཆབ་མདོ་ས་ཁུལ་གོ་འཇོ་རྫོང་དུ་སྐྱེས།
༡༩༩༣ ལོར་བོད་ལྗོངས་ཆབ་མདོ་ས་ཁུལ་དུ་རོགས་དངུལ་བཏོན་ཏེ་ཟམ་པ་བཅུ་གྲངས་གསར་བསྐྲུན་བྱས་པ་མ་ཟད། མ་དངུལ་བཏང་ནས་ས་ཆ་དེ་གའི་ད་ཡོད་ཀྱི་སློབ་ཆུང་གཅིག་པུ་འདི་གསར་བསྐྲུན་བྱས།
༡༩༩༧ ལོར་བོད་སྐྱོར་ཐེབས་རྩ་ཚོགས་པར་ཞུགས། ལོ་དེ་གར་བོད་སྐྱོར་ཐེབས་རྩ་ཚོགས་པའི་ཀོང་ཏུང་དོན་གཅོད་ཁང་བཙུགས།
དེ་ལས་མང་བ་། “རེ་ཁེ་ཀརྨ་བསམ་འགྲུབ་ཀྱི་ལོ་རྒྱུས་མདོར་བསྡུས།” »
རྒྱུ་མཚན་མེད་པར་ལོ་ངོ་ཉི་ཤུའི་རིང་གི་ཁྲིམས་ཆད།
རྒུ་མཚོ་ནས། འབྲས་སྤུངས་དགོན་པའི་རྒན་དཀོན་མཆོག་ཉི་མ༢༠༠༨ཟླ༤ཚེས་༡༠ཉིན་ནས་ད་བར་སོང་ཆ་མེད་དུ་གྱུར་ཞིང་། ཉེར་ཆར་ལོ་ཉི་ཤུའི་རིང ་རྒྱུ་མཚན་གང་ཡང་མེད་པར་ཁྲིམས་ཐག་བཅད་ཚུལ་བོད་རིགས་ལས་བྱེད་པ་ཞིག་གིས་འབྲས་སྤུངས་དགོན་དུ་གསར་བསྒྲགས་གནང་འདུག དེ་ནི་བོད་ནང་རྒྱུ་མཚན་མེད་པར་འཇུ་བཟུང་བྱས་ཤིང་དུས་ཡུན་རིང་ཤོས་ཀྱི་ཁྲིམས་ཐག་བཅད་པའི་ཐོག་མ་དེ་རེད། ཁོང་ནི་ཕ་ཡུལ་ཨ་མདོ་མཛོ་དགེའི་ཐེ་པོ་གཟའ་རུ་ནས་ཡིན་ཞིང་། སྐུ་ན་གཞོན་ནུའི་དུས་ནས་འབྲས་སྤུངས་དགོན་དུ ་ཞུགས་ནས་ཐོས་བསམ་གནང་བའི་བྱས་འབྲས་སུ་བསླབ་པ་མཐར་ཕྱིན་ནས་འབྲས་སྤུངས་དགོན་གྱི་དགེ་རྒན་དུ་གྱུར། ཁོང་ནི་ད ་ལྟ་དགུང་ལོ་སུམ་ཅུ་སོར་བརྒྱད་ཙམ་ཡིན་པ་བཤད།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསུང་བཤད་ཕྲེང་བའི་གསལ་བསྒྲགས།
སྤྱི་ཟླ་བདུན་པའི་ཚེས་༡༠ཉིན་གྱི་ཕྱི་དྲོའི་དུས་ཚོད་༣པ་ནས་༥བར་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་། བསྟན་འཛིན་བདེ་སྐྱིད་དང་བླ་མ་པད་མ་དབང་གྲགས། རིག་འབྱུང་དོན་གྲུབ་བཀྲ་ཤིས་གསུམ་ནས་”ཚེག་བར་གྱི་བར་སྟོང་བཞག་ནས་བོད་ཀྱི་སྐད་ཡིག་ྐློག་ཐབས་ཀྱི་དཀའ་ངལ་སེལ་ཐུབ་མིན་སྐོར་”བགྲོ་གླེང་གནང་གི་ཡོད། ད་ཕན་གནད་དོན་འདིའི་ཐོག་བོད་སྐད་ཀྱི་བརྙན་འཕྲིན་དང་དྲ་རྒྱ་སོགས་སུ་བགྲོ་གླེང་སྣ་ཚོགས་བྱུང་ཡོད་ཅིང་། ད་རེས་བགྲོ་གླེང་བ་གསུམ་གྱིས་ཀྱང་ལྟ་ཚུལ་མི་འདྲ་བ་གསུམ་གྱི་ཐོག་ནས་བགྲོ་གླེང་གནང་གི་རེད། ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་ལ་ཕེབས་ཐབས་མེད་པའི་རྒྱང་རིང་གི་དོ་སྣང་ཅན་ཚོས་དུས་ཚོད་དེ་གའི་སྟེང་ལ་འབྲེལ་ཐག་འདི་(www.trace.org/livestream.html)མནན་ན་ཐད་ཀར་བལྟ་ཉན་བྱེད་ཐུབ་པ་མ་ཟད་དྲ་ཐོག་ནས་སོ་སོའི་བསམ་ཚུལ་དང་དྲི་བ་ཡང་གཏོང་ཐུབ།
དབུས་གཙང་ཆོལ་ཁས་བཀའ་ཁྲིའི་འོས་གཞི་བསྒྲགས་པ།
ད་ལྟ་བཀའ་ཁྲི་རྗེས་མ་དེར་སུ་འོས་མིན་གྱི་སྐོར་ཚ་ཚ་འུར་འུར་རེད། དེ་བཞིན་སྤྱི་འཐུས་བཞི་ཅུ་བཞེ་གྲངས་ཀྱི་སྐོར་དེ་ཡང་ཚ་ཚ་འུར་འུར་གྱིས་གླེང་གི་འདུག གསར་འགྱུར་བརྒྱུུད་ལམ་ཁག་ན་བཀའ་ཁྲིོའི་སྐོར་དང་སྤྱི་འཐུས་ཀྱི་སྐོར་དེ་གླེང་སྟངས་སྣ་ཚོགས་ཀྱིས་གླེང་གིན་ཡོད། དེ་རིང་དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་ནས། སྐབས་རྗེས་མའི་བཀའ་ཁྲིའི་འོས་གཞི་ནི་བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་སུ་གཏན་འབེབས་ཀྱི་གསར་འགོད་གསལ་བསྒྲགས་བསྐྱངས་ཡོད།
ཀརྨ་བསམ་འགྲུབ་ལ་ལོ་བཅོ་ལྔའི་བཙོན་འཇུག་ཁྲིམས་ཐག་བཅད་པའི་གནས་ཚུལ་ཐོན་འདུག
གནས་ཚུལ་ཞིབ་ཕྲ་གཤམ་གྱི་འབྲེལ་ཐག་བརྒྱུད་ནས་གཟིགས། http://www.rfa.org/english/news/tibet/sentenced-06242010103713.html
ཀརྨ་བསམ་གྲུབ་ཀྱིས་རང་གི་སྡུག་བསྔལ་བཤད་པ།
འོད་ཟེར་གྱིས་བྲིས། ནགས་ཤོད་རིག་རལ་གྱིས་བསྒྱུར།
ཁ་ས་ཁྲིམས་རྭ་འཚོགས་སར་ཀརྨ་མཐོང་དུས་སྒྲོལ་དཀར་མཚོ་ཧ་ལས་ཧང་སངས་བར་གྱུར། “ཁོང་གི་སྐད་ངོ་མ་ཆོད་ན་ངས་ཁོང་རང་རྩ་བ་ནས་ངོ་ཤེས་ས་མ་རེད་”ཅེས་སྐྱོ་གདུང་གིས་གཟེར་བའི་བཟའ་ཟླ་སྒྲོལ་དཀར་མཚོས་མགྲིན་པ་རྣང་བཞིན་དུ་བརྗོད་བྱུང་།
ཀརྨས་ཇི་ལྟར་ཁོང་ལ་མནར་གཅོད་ཚ་འདྲི་བཏང་ཚུལ་དེ་དག་རེ་རེ་བཞིན་དྲངས་ནས་ཡོང་དུས་མི་ཆོས་ལས་འདས་པའི་གདུག་རྩུབ་དེ་དག་སྐྱེ་བོའི་བློ་ཡིད་དུ་ཤོང་དཀའ་བར་འདུག ལོ་ཕྱེད་ལྷག་གི་རིང་དུ་ཁོང་རང་ཤིན་ཅང་པྭ་ཀྲིག་ཟེར་བའི་ས་དེར་བཀག་ཉར་བྱས་ལ། མཛོད་དགེ་ནས་ཁུར་ལེ་དང་། དེ་ནས་ད་ལྟའི་ས་དེར་བསྐྱལ་བ་རེད། ཁོང་ལ་ཉིན་ལྟར་ཆུ་ཚོད་བཅུ་གྲངས་འགའ་ཤས་འདྲི་རྩད་བྱས་པ་དང་ཁྱོན་བསྡོམས་འདྲི་རྩད་ཐེངས་མ་90ལྷག་བྱས་འདུག དེའི་རིང་དུ་རྐུབ་སྟེགས་ཐོག་ཏུ་ཐེངས་མ་གསུམ་རང་བསྡད་བཅུག་པ་ཕུད། དེ་མིན་ཚང་མ་ཉེན་རྟོག་པས་ཁོ་པ་གནམ་ཐག་རྒྱག་པ་དང་ལག་པ་རྒྱབ་བཙིར་སློག་པ་སོགས་པའི་མནར་གཅོད་བཏང་བ་ནི་སྨྲ་བརྗོད་ལས་འདས་པ་ཞིག་རེད། དེའི་རིང་དུ་ད་དུང་བཅར་རྡུང་མཚམས་ཚོད་མེད་པ་བཏང་བས་དྲན་པ་ཡང་ཐེངས་མང་པོ་འཐོར་མྱོང་འདུག ཐ་ན་ཁོང་གི་སྣ་རུ་སྨན་རྫས་ཤིག་བཙན་གྱིས་བླུགས་པས་ཀླད་པར་ཟིལ་ཁ་སྟེར་བ་མ་ཚད། མགོ་ལས་ཁྲོག་ཁྲོག་གི་སྒྲ་སྒྲོགས་པ་དང་། མིག་དང་རྣ་བ་དག་ལས་ཀྱང་ཁྲག་དམར་འཛགས་མྱོང་འདུག
ཁ་བརྡ་དྲ་བའི་ངོ་དེབ་དང་འབྲེལ་བའི་གསལ་བསྒྲགས།
ཁ་བརྡ་རྩོམ་སྒྲིག་ཚོགས་ཆུང་གིས
ཁ་བརྡ་དྲ་བ་ྐློག་མཁན་ཇེ་མང་ལ་འགྲོ་བ་དང་བསྟུན་ནས། ཁ་བརྡ་དྲ་བས་ངོ་དེབ་(Facebook)བེད་སྤྱོད་གཏོང་མཁན་གྱི་བོད་རིགས་ཚོའི་སླད་དུ་དྲ་ངོས་ཀྱི་རྩོམ་ཡིག་རྣམས་ངོ་དེབ་སྒང་ལ་ཡང་འཇོག་གིན་ཡོད།
ད་ཕན་ཁ་བརྡའི་ངོ་དེབ་སྒང་ན་བོད་རིགས་ཁེ་གཙང་༡༩༠༠ལྷག་ཡོད་ཅིང་། ཁོང་ཚོས་ངོ་དེབ་བརྒྱུད་ཁ་བརྡའི་དྲ་ངོས་ཀྱི་རྩོམ་རྣམས་བལྟ་ྐློག་ཐུབ་ཀྱི་ཡོད།
ངོ་དེབ་བརྒྱུད་ནས་འཛམ་གླིང་ཤར་ནུབ་ཀྱི་བོད་རིགས་ྐློག་པ་པོ་ཚོའི་དགོས་འདུན་སྐོང་བ་ནི་ཁ་བརྡའི་ལས་གཞི་གསར་བ་ཞིག་ཡིན། ཁ་བརྡས་ལས་གཞི་འདི་ཚགས་ཚུད་དང་རྒྱ་ཆེ་རུ་བཏང་ནས་བོད་རིགས་ྐློག་པ་པོ་སྟོང་ཕྲག་མང་པོའི་དགོས་མཁོ་སྐོང་ཐུབ་རྒྱུར་འབད་བརྩོན་ཞུ་བཞིན་ཡོད།
དེ་ལས་མང་བ་། “ཁ་བརྡ་དྲ་བའི་ངོ་དེབ་དང་འབྲེལ་བའི་གསལ་བསྒྲགས།” »