མདོ་འདུམ་ཚང་།

བཙན་བྱོལ་དུ་བོད་མི་ཆིག་འབུམ་བཞི་ཁྲི་ཙམ་ཡོད། ད་ལོར་འོས་འཕེན་གྱི་ཐོབ་ཐང་ཡོད་མཁན་༨༨༣༡༢ཙམ་ཡོད། དངོས་སུ་དེབ་སྐྱེལ་བྱེད་མཁན་༧༩༤༤༩ཙམ་བྱུང་འདུག སྐབས་སྔོན་མ་དག་དང་བསྡུར་ན། དེབ་སྐྱེལ་བྱེད་མཁན་གྱི་གྲངས་འབོར་འཕར་བཞིན་ཡོད། ལོ་རེ་ནས་ལོ་རེར་འཕར་བཞིན་ཡོད། བཙན་བྱོལ་བོད་མིའི་མི་འབོར་གྱི་བརྒྱ་ཆ་བདུན་ཅུ་ཙམ་རྒྱ་གར་དང་བལ་ཡུལ་གཉིས་སུ་ཡོད། བཙན་བྱོལ་བའི་ལོ་རྒྱུས་ཁྲོད། ད་ལོ་ལྟ་བུའི་འོས་བསྡུའི་འཁྲུགས་ཆ་ཞིག་བྱུང་མྱོང་མེད། མི་མང་གི་ངོས་ནས་དང་བླངས་སྒོས་བཀའ་ཁྲི་འཚོལ་མཁན་ཇེ་མང་ལ་ཕྱིན། བཀའ་ཁྲིའི་འོས་མི་ཁྱབ་བསྒྲགས་ཀྱི་ཆེད་དུ་འཛམ་གླིང་ཡུལ་གྲུ་བསྐོར་མཁན་ཡང་བྱུང་། དང་བླངས་སྒོས་བཀའ་ཁྲིར་ལངས་མཁན་ཡང་ཇེ་མང་ལ་སོང་། ཇེ་མང་ལ་སོང་བ་ཙམ་ག་ལ་ཡིན། གཅིག་རྗེས་གཉིས་མཐུད་བྱས་ནས་ལངས་། མང་གཙོའི་འོས་བསྡུ་ལ་མི་མང་གིས་དོ་སྣང་ཆེན་པོ་འཇོག་བཞིན་པ་འདི་ནི་ཡར་རྒྱས་ཤིག་ཡིན། འོན་ཀྱང་། མང་གཙོའི་ཁྲིམས་དང་སྒྲིག་གཞིར་བརྩི་སྲུང་དང་ལག་ལེན་ཇི་ཙམ་ཡོང་གི་ཡོད་མེད་ད་ལྟ་བཤད་དཀའ་བ་ཞིག་ཡིན། བཙན་བྱོལ་གྱི་སྔོན་འགྲོའི་འོས་བསྡུ་དེ་འུར་འུར་ཚ་ཚའི་སྒོ་ནས་འགྲོ་བཞིན་པའི་སྐབས་སུ།
བལ་ཡུལ་དུ་འོས་སྒམ་བཙན་འཁྱེར་གྱི་གནས་ཚུལ་བྱུང་། གནས་ཚུལ་ཡིད་སྐྱོ་བ་དེ་བཙན་བྱོལ་བོད་མིའི་ལོ་རྒྱུས་ཁྲོད་བྱུང་བ་ཐེངས་དང་པོ་ཡིན། འོས་སྒམ་བཙན་འཁྱེར་དེའི་རྒྱབ་ན། ནང་གི་བཙན་གནོན་དེ་ཕྱི་རུ་སླེབས་བཞིན་པའི་མངོན་རྟགས་ཤིག་ཡོད།
བོད་ནང་དུ། བོད་མིས་མྱོང་བཞིན་པའི་བཙན་གནོན་དེ། ད་ལྟ་ཧི་མ་ལ་ཡའི་རྒྱབ་ལོགས་ཀྱི་བོད་མིའི་མང་གཙོའི་སྒང་ལ་ཡོང་རྒྱུའི་སྟ་གོན་བྱེད་བཞིན་འདུག འདི་ཉེན་ཁ་་གསར་བ་ཞིག་རེད། འབྱུང་འགྱུར་གྱི་ལོ་ཁ་ཤས་ནང་། ཉེན་ཁ་དེའི་རྣམ་པ་ཇེ་གསལ་དུ་འགྲོ་སྲིད། བལ་ཡུལ་དུ་འོས་སྒམ་བཙན་འཁྱེར་བྱས་རུང་། བོད་མི་ཚོས་སྔོན་འགྲོའི་འོས་བསྡུའི་གསལ་བསྒྲགས་ལ་སྒུག་བཞིན་ཡོད། བཀའ་ཁྲིར་ལངས་མཁན་ཚོས་ཉིན་སྒུག་མཚན་སྒུག་བྱེད་བཞིན་ཡོད།

དེ་ལས་མང་བ་། “འོས་སྒམ་ཞབས་རྡོལ།” »

རྩོམ་སྒྲིག་པའི་གཏམ།

དང་པོ།
འགྱུར་བ་ནི་སྤྱི་ཚོགས་ཆེ་ཆུང་ཚང་མར་ཡོད། མི་སྡེའི་སྤྱི་ཚོགས་ཚང་མ་འགྱུར་བའི་ཁྲོད་གནས་ཡོད།
འགྱུར་བ་ལ་ཆེ་ཆུང་དང་དལ་མགྱོགས་ཡོད། འགྱུར་བ་ཁ་ཤས་ཕྱིའི་འགྱུར་བ་ཡིན། འགྱུར་བ་ཁ་ཤས་ནང་གི་འགྱུར་བ་ཡིན།
ཕྱི་ནང་གི་འགྱུར་བ་འདི་དག་ལ་འགོག་ཐབས་ཡོད་དམ། འགྱུར་བ་ལ་འགོག་ཐབས་ཨེ། ད་ལྟ་ཚུན་ལ། ཕྱིའི་འགྱུར་བ་དག་ལ་འགོག་ཐབས་རྙེད་ཀྱི་མེད། ནང་གི་འགྱུར་བ་དག་འགོག་མཁན་རེ་གཉིས་བྱུང་ཡོད། ནང་གི་འགྱུར་བ་འགོག་མཁན་ནི་དད་མོས་དང་མཚོན་ཆ་གཉིས་ཡིན། དད་མོས་དང་མཚོན་ཆ་ལ་བརྟེན་ནས། ནང་གི་འགྱུར་བ་མང་པོར་སྒོ་ལྕགས་བརྒྱབ་པའི་ལོ་རྒྱུས་ཡོད། དེ་དག་ནི་ལོ་རྒྱུས་ཡིན། འོན་ཀྱང་། ནང་གི་འགྱུར་བ་གཏན་དུ་འགོག་ཐུབ་མཁན་ཞིག་བྱུང་མེད། གང་ལྟར། བཙན་བྱོལ་སྤྱི་ཚོགས་འདི་ལ་ཡང་འགྱུར་བ་འགྲོ་བཞིན་ཡོད། ལོ་ནས་ལོ་བཞིན་འགྱུར་བ་འགྲོ་གིན་ཡོད། ན་ནིང་ལས་ད་ལོའི་འགྱུར་བ་དེ་ཚོ་མགྱོགས།

དེ་ལས་མང་བ་། “འགྱུར་བ་ལ་སྒོ་ལྕགས་རྒྱག་རྒྱུ་ཡོད་དམ།” »

༅༅།། ཕྱི་ཟླ་ ༡༠ ཚེས་ ༣ ཉིན་ནི་ང་ཚོ་བཙན་བྱོལ་བོད་མི་ཚོས་བོད་ཀྱི་ཡུལ་མིའི་ཐོབ་ཐང་དང་ལས་འགན་ཆེན་པོ་ཞིག་ཕྲག་ཏུ་ལེན་པའི་དུས་ཚོད་ཡིན། འདས་པའི་ལོ་ལྔའི་ནང་། ང་ཚོ་བོད་གཞིས་བྱེས་གཉིས་ཀྱི་གནས་སྟངས་དེ་སྔར་བས་ཛ་དྲག་དང་དཀའ་ངལ་ཆེ་རུ་སོང་སྟེ། ད་ལྟ་བོད་འདི་འགག་འཕྲང་ནས་ཐར་དང་མི་ཐར་གྱི་སོ་མཚམས་ཤིག་ཏུ་ལྷུང་ཡོད།
གནས་སྟངས་འདིའི་འོག་ཉུང་མཐར་བོད་མི་མང་ལ་ཞབས་འདེགས་ཞུ་མ་ཐུབ་ཀྱང་ཞབས་འདྲེན་མི་ཞུ་མཁན་གྱི་གྲོས་ཚོགས་ཤིག་དང་། བོད་ཀྱི་འཐབ་རྩོད་ལ་གསོན་ཤུགས་དང་སྣེ་འཁྲིད་ཀྱི་ནུས་པ་འདོན་ཐུབ་པའི་བཀའ་ཤག་ཅིག་དགོས་ཀྱི་ཡོད། དེ་ལྟར་འབྱུང་ཐུབ་པ་ཞིག་བཟོ་དང་མི་བཟོ་ནི། མཐར་གཏུགས་ན། ང་རང་ཚོའི་ལག་པར་ཡོད་པའི་འོས་ཤོག་དེ་ཚོར་ཐུག་ཡོད།

དེ་ལས་མང་བ་། “༅༅།། རང་གི་དབང་ཆ་བེད་མེད་དུ་མ་བསྐྱུར།” »

གསར་འགྱུར་འབྲི་མཁན། དུས་བབ་གསར་འགོད་པ། དཔལ་ལྡན།

སྐུ་ཞབས་བསོད་ནམས་སྟོབས་ལྡན་ལགས་ནི་ཕྱི་ལོ་ ༡༩༨༠ ལོར་བོད་ཀྱི་ཁམས་མི་ཉག་ཏུ་སྐྱེས་ཤིང་། ཆུང་དུས་སུ་ས་གནས་སློབ་གྲྭ་ཁག་འགྲིམས་ཏེ་ལོ་ ༧ ཙམ་རིང་སློབ་སྦྱོང་བྱས། ༡༩༩༧ ལོར་རྒྱ་གར་ལ་བཙན་བྱོལ་དུ་འབྱོར་ཏེ་༧གོང་ས་མཆོག་གི་གསར་ཞལ་འཇལ་རྗེས་སྦིར་སུ་ཇཱ་བོད་ཁྱིམ་དུ་འཛུལ་ཞུགས་ཀྱིས་བོད་དབྱིན་གཉིས་ལ་སློབ་སྦྱོང་བྱས། ཕྱིས་སུ་ནོར་གླིང་མཐོ་སློབ་ཏུ་ཞུགས་ཏེ་མི་ལོ་ ༤ རིང་བོད་ཀྱི་རིག་གནས་ཐོག་སྦྱངས་བ་བྱས་ཏེ་ལེགས་བྱང་མཐོ་རམས་པ་སློབ་མཐར་ཕྱིན། སྐབས་དེར་མཐོ་སློབ་ཀྱི་འོད་ཐིག་ཚགས་པར་དང་མཆོད་པའི་མེ་དཔུང་བཅས་ཀྱི་རྩོམ་སྒྲིག་པའང་བྱས་མྱོང་། སློབ་གྲྭ་ཐོན་མཚམས་ཁོང་ཚོ་སློབ་མ་ཁག་ཅིག་གིས་༧གོང་ས་མཆོག་ལ་མཇལ་ཁ་ཞུས་རྗེས་ཧི་མ་ལ་ཡའི་རི་རྒྱུད་དུ་བོད་ཡིག་དགེ་རྒན་དུ་ཕྱིན་ཡོད། ཉེ་ཆར་ཁོང་བོད་ལ་གཉེན་འཕྲད་དུ་སོང་སྟེ་ཕྱིར་ངྷ་སར་འབྱོར་མཚམས་འདི་ག་གསར་ཁང་ལ་རང་གི་མཐོང་ཐོས་བརྗོད་ཡོད།

དེ་ལས་མང་བ་། “བསོད་ནམས་སྟོབས་ལྡན་ལགས་ཀྱིས་མི་ལོ་ ༡༤ རྗེས་ཀྱི་བོད་ནང་གི་མཐོང་སྣང་བརྗོད་པ།” »