འཛམ་གླིང་ཞི་བདེ་དང་འགྲོ་བ་མིའི་ཐོབ་ཐང་། བོད་རང་བཙན་བཅས་ཀྱི་ཆེད་དུ།

དེ་ལས་མང་བ་། “ཐེ་ཝན་དུ་བོད་ཀྱི་གོམ་བགྲོད།” »

ཟླ་འདིའི་ཕྱི་ཚེས་ ༤ ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་མཛའ་འབྲེལ་མཐུན་ཚོགས་ཀྱིས། ཚོགས་པ་དེའི་འདི་ལོའི་སྤྱི་ཚོགས་ཞབས་ཞུའི་ལས་དོན་གཟེངས་ཐོན་བྱ་དགའ་བྷ་རི་ཊ་ཇོ་ཊེ་ Bharat Jyoti Award ཞེས་པ་དེ། བོད་ཀྱི་སྨིན་གྲོལ་གླིང་སྔ་འགྱུར་རྙིང་མ་དགོན་གྱི་སྨིན་གླིང་མཁན་ཆེན་རིན་པོ་ཆེ་མཆོག་ལ་ཕུལ་ཡོད་ཅིང་། དེ་ནི་རིན་པོ་ཆེ་མཆོག་གིས་ལོ་མང་རིང་རྒྱ་གར་གྱི་སྤྱི་ཚོགས་ཞབས་ཞུའི་ལས་རིགས་ཐོག་ཕྱག་ལས་རླབས་ཆེན་གནང་བར་ངོས་འཛིན་གྱིས་ཆེ་བསྟོད་བྱས་པ་ཞིག་ཡིན་འདུག

དེ་ལས་མང་བ་། “སྨིན་གླིང་མཁན་ཆེན་ལ་གཟེངས་རྟཊ།” »

ཕུན་ཚོགས་ཀྱི་ཟིན་བྲིས་ནས་བླངས

དེ་ལས་མང་བ་། “གཞིས་ཀྱི་སློབ་ཆེན་སློབ་མ་སྐོར་གིས་བཀའ་ཁྲིའི་དོན་ལ་ཕུལ་བའི་སྙན་ཞུ།” »

རྒྱ་ནག་གཞུང་གིས་འཛིན་བཟུང་བྱས་ནས་ཟླ་བ་བདུན་ཙམ་རིང་ག་ཡོད་གསལ་ཆ་མེད་པའི་གཞོན་སྐྱེས་རྩོམ་པ་པོ་བཀྲ་ཤིས་རབ་བརྟན་ལགས་ཉེ་སྔོན་རྔ་བ་ཁུལ་ཡོད་སའི་འབར་ཁམས་ལྟ་སྲུང་ཁང་ནང་བཅུག་ཡོད་པ་ཤེས་རྟོགས་དང་། ནང་མིར་ཐེངས་ཁ་ཤས་ལ་གོན་པ་དང་ཟ་མ་སྐྱེལ་དུ་བཅུག་ཡོད་ཀྱང་། ནང་མི་དང་དངོས་སུ་ཐུག་འཕྲད་བྱེད་དུ་བཅུག་མེད་ལ། གནས་ཚུལ་ཡོངས་ཁུངས་ནས་མི་འགྱངས་བར་རྔ་བ་ཁུལ་ཁྲིམས་ཁང་གིས་ཁྲིམས་ཞིབ་འདྲི་གཅོད་བྱེད་རྒྱུའི་སྐད་ཆ་ཞིག་ཐོས་པ་ལྟར་། སྤྱི་ཟླ་༡༢པའི་ཚེས་༢ཉིན་རྔ་ཁུལ་འབྲིང་རིམ་མི་དམངས་ཁྲིམས་ཁང་གིས་བཀྲ་ཤིས་རབ་བརྟན་ལགས་སུ་མངོན་གསལ་མ་ཡིན་པའི་ཁྲིམས་ཞིབ་འདྲི་གཅོད་བྱས་ཡོད་ཀྱང་བཅད་ཁྲ་ཁྱབ་བསྒྲགས་བྱས་མེད་པ་རེད།
ཉེ་ཆར་ཁུངས་ལྡན་གནས་ཚུལ་ཡོང་ཁུངས་ནས་ཨེ་ཤེ་ཡཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བ་ལྟར་ན།

དེ་ལས་མང་བ་། “རྩོམ་པ་པོ་ཐེའུ་རང་ལ་ཁྲིམས་ཞིབ་འདྲི་གཅོད་བྱས་ཡོད་ཀྱང་བཅད་ཁྲ་ཁྱབ་བསྒྲགས་བྱས་མེད།” »

༼གསར་འགྱུར་འདི་སྐོར་བོད་ཀྱི་དུས་བབ་དྲ་ཚིགས་ནས་བཤུ་འགོད་ཞུས༽

བོད་སིལ་བུའི་སྐབས་རྒྱལ་བསྟན་ཉག་ཕྲ་བའི་སྐབས་ཀརྨ་པ་སྐུ་ཕྲེང་ན་རིམ་གྱིས་རྒྱ་ནག་གོང་མ་རིམ་བྱོན་གྱི་དབུ་བླར་ཕེབས་ཏེ། བསྟན་པ་བསྐྱོངས་པའི་བཀའ་དྲིན་བརྗོད་ཀྱིས་མི་ལང་པ་བསྐྱངས་ཏེ། ད་བར་མི་ལོ་ ༩༠༠ འགྲོ་བཞིན་ཡོད་དུས་ང་ཚོས་ངེས་པར་དུ་རྗེས་དྲན་ཞུ་འོས་པ་ཞིག་ཡིན་ཞིང་། ཁྱད་པར་ཀརྨ་པ་སྐུ་ཕྲེང་དགུ་པ་ནས་བཟུང་༧གོང་ས་སྐུ་ཕྲེང་རིམ་བྱོན་བར་འབྲེལ་བ་དམ་ཟབ་བྱུང་ཡོད་ཟེར།

དེ་ལས་མང་བ་། “དགུ་བརྒྱའི་དུས་དྲན་དབུ་འབྱེད་མཛད་སྒོ་དབུ་འཛུགས།” »

མཁོ་གཏོང་བ་རྨོག་རུ་བསྟན་པ།

ཕྱི་ཚེས་༤ ཉིན་རྒྱ་གར་ལྷོ་ཕྱོགས་གྱི་གྲོང་ཁྱེར་བྷེང་ལོར་ཨན་རྡི་ན་གྷར་ས་གནས་སུ་བོད་ཀྱི་ཐུན་མོང་མ་ཡིན་པའི་ཟས་རིགས་འགྲེམས་སྟོན་ཞིག་གོ་སྒྲིག་གནང་ཡོད་པ་དང་། ཟས་རིགས་འགྲེམས་སྟོན་གྱི་མཛད་སྒོར་བོད་པ་དང་། རྒྱ་གར་སོགས་ཀྱི་སྐུ་མགྲོན་ཉིས་བརྒྱ་ལྷག་ཅིག་མཉམ་ཞུགས་གནང་ཡོད་པ་རེད།

དེ་ལས་མང་བ་། “བོད་ཀྱི་ཟས་རིགས་འགྲེམས་སྟོན།” »

ད་ཕན་རྒྱ་ནག་ནང་ཁུལ་དུ་། པེ་ཅིང་སྲིད་གཞུང་གི་འཛིན་སྐྱོང་ལ་ཕྱོགས་ས་སྒོར་མོ་ནས་ཁ་གཏད་གཅོག་མཁན་མང་པོ་ཡོད་པའི་ཁྲོད་ནས།
སྒེར་བའི་ཁེ་ཕན་བློས་བཏང་སྟེ་པེ་ཅིང་སྲིད་གཞུང་ལ་ཁ་གཏད་གཅོག་མཁན་མི་བཅུ་ནི། སྒྱུ་རྩལ་བ་ཨེ་བེ་བེ།(Ai Wei Wei) ཟིན་བྲིས་བ་གྲགས་ཅན་ཧན་ཧན།(Han Han) བོད་རིགས་རྩོམ་པ་པོ་ཚེ་རིང་འོད་ཟེར། གསར་འགོད་པ་ཧུའུ་ཧྲུའུ་ལིས།(Hu Shuli སྲིད་དོན་པ་རྒན་གྲས་ལིས་རུའུ།(Li Rui) ཐེན་ཨེན་མེན་ཨ་མའི་ཚོགས་པ་(Tiananmen Mothers)བཙུགས་མཁན་ཏིན་ཙི་ལིན།(Ding Zilin) སྲིད་དོན་པ་རྒན་གྲས་པའོ་གྲོང་།(Bao Tong) ༢༠༠༨ལོའི་བཅའ་ཁྲིམས་འབྲི་མཁན་ལུའུ་ཞའོ་པོའོ།(Liu Xiaobo) ཁོར་ཡུག་སྲུང་སྐྱོབ་པ་ཧུའུ་ཅ།(Hu Jia) ཁྲིམས་རྩོད་པ་ཀའོ་གྲི་ཧྲང(Gao Zhisheng)་བཅས་རེད། འཛམ་གླིང་ཤར་ནུབ་ཀྱི་དོ་སྣང་ཅན་མང་པོས། སྤྱི་ཟླ་བཅུ་གཉིས་པའི་ཚེས་བཅུ་སྟེ། ལུའུ་ཞའོ་པོའོ་ལ་ནོར་ལྦེའི་ཞི་བདེའི་གཟེངས་རྟགས་སྤྲོད་ཉིན། པེ་ཅིང་གི་རྨི་ལམ་དཀྲོགས་མཁན་མི་བཅུ་བོ་འདི་དག་གང་དུ་ཡོད་མེད་ལ་སེམས་ཁྲལ་བྱེད་བཞིན་ཡོད།

དེ་ལས་མང་བ་། “པེ་ཅིང་གི་རྨི་ལམ་དཀྲོགས་མཁན་བཅུ།” »

གཤམ་གསལ་གྱི་ཡིག་ཆ་འདི་ནི་ ཝི་ཀིའི་གསང་བ་ཕྱིར་གྱར་བྱས་པའི་ཡིག་ཚོགས་ཁྲོད་ན་ཡོད་པ་དང་། ནང་དོན་ནི། བོད་ཀྱི་གནད་དོན་ཐག་གཅོད་བྱེད་མཁན་ལྟེ་བ་དེ་སྲིད་འཛིན་ཧུ་ཡིན་པ་མ་ཟད། གུང་ཁྲན་ཏང་གཞུང་ནང་སྲིད་འཛིན་ཧུ་ལ་གནད་དོན་འདིའི་ཐད་ཁ་གཏད་གཅོག་ནུས་པའི་མི་སུ་གཅིག་ཀྱང་མེད་པ་དང་། ཏང་གི་མགོ་འཁྲིད་ཚོ་ནི་བོད་དོན་ཐག་གཅོད་ལ་ལྟ་བ་མཁྲེགས་འཛིན་བྱེད་པ་ཡོད་པ་གཅིག་མཚུངས་ཡིན་ལུགས་བཀོད་ཡོད་པ་རེད།

དེ་ལས་མང་བ་། “ཝི་ཀིའི་གསང་བ་ཕྱིར་གྱར(Wikileaks)་ལས་བོད་ཀྱི་སྐོར་འགའ་ཞིག་” »

ཁ་བརྡ་རྩོམ་སྒྲིག་ཚོགས་ཆུང་གིས་བསྒྱུར།

སྤྱི་ལོ་༢༠༡༠ལོའི་ཟླ་དགུ་བའི་ནང་། པེ་ཅིང་གིས་ཀྲུང་གོའི་བོད་ལྗོངས་དྲ་བ་ཟེར་བ་དེར་དོན་ཚན་གཙོ་བོ་དྲུག་འཁོད་པའི་གནས་ཚུལ་ཞིག་སྤེལ་འདུག་ཅིང་།
གནས་ཚུལ་དེ་ཐོག་མར་སྤེལ་སའི་དྲ་བ་ནས་བླངས་ཚར་འདུག འོད་ཟེར་ལགས་ཀྱིས་གནས་ཚུལ་དེའི་པར་ངོས་ཤིག་ཁོང་གི་ཟིན་བྲིས་སུ་ཉར་འདུག་ཅིང་།
དེ་ལ་མཆན་ཡང་བརྒྱབས་འདུག པེ་ཅིང་གིས་སྤེལ་བའི་གནས་ཚུལ་དེའི་མདོ་དོན་ནི། ཕྱི་རྒྱལ་ཡུལ་གྲུ་ཁག་གི་རྒྱ་ནག་གཞུང་ཚབ་གཙོས་བའི་ཚོགས་པ་ཁག་བཙན་བྱོལ་བོད་མིའི་སྒྲིག་འཛུགས་ཀྱི་ཁོངས་སུ་སིམ་འཛུལ་བྱས་ནས། བཙན་བྱོལ་བོད་མིའི་གཞུང་དང་དེའི་སྒྲིག་འཛུགས་ཀྱི་མ་ལག་ཁག་ཁ་ཐོར་གཏོང་ཐབས་འཁོད་འདུག
ཡིག་ཆ་དེའི་ཁོངས་སུ། པེ་ཅིང་གཞུང་གིས་བཙན་བྱོལ་བོད་མིའི་གཞུང་དང་དེའི་སྒྲིག་འཛུགས་བཅས་གཏོར་ཐབས་ཀྱི་ཐབས་ལམ་དྲུག་འཁོད་འདུག
དང་པོ།
ཕྱི་རྒྱལ་ཡུལ་གྲུ་ཁག་ཏུ་འཚར་ལོངས་བྱུང་བའི་བོད་མིའི་མི་རབས་གཉིས་པ་དང་གསུམ་པ་དག་ལ་དོ་སྣང་དམིགས་བསལ་དང་ཁོང་ཚོ་རྒྱ་ནག་གཞུང་དང་ཐག་ཉེ་རུ་གཏོང་དགོས།
གཉིས་པ།
ཏཱ་ལའི་བླ་མའི་གཞུང་དང་བསམ་ཚུལ་མི་མཐུན་པ་ཡོད་པའི་བོད་མི་སྒེར་བ་དང་ཚོགས་པ་ཁག་ལ་འབྲེལ་བ་ཇེ་ཟབ་ཏུ་གཏོང་དགོས་བ་མ་ཟད། ཁོང་ཚོ་པེ་ཅིང་སྲིད་གཞུང་ལ་ངོ་རྒོལ་ཡོད་མེད་ལ་མ་བལྟས་པར། ཁོང་ཚོ་ང་ཚོའི་ལག་ཆར་བེད་སྤྱོད་གཏོང་ཐབས་ལ་ཤུགས་སྣོན་རྒྱག་དགོས།
གསུམ་པ།
ཕྱི་ལོ་༡༩༨༠ལོའི་རྗེས་སུ། བོད་ནས་བྲོས་བྱོལ་ལ་འགྲོ་མཁན་ཚོའི་མཉམ་དུ་འབྲེལ་བ་འཛིན་ཐབས་ལ་དམིགས་བསལ་གྱིས་ཤུགས་སྣོན་རྒྱག་དགོས།
བཞི་པ།
པེ་ཅིང་གཞུང་དང་ཐག་ཉེའི་འབྲེལ་ལམ་ཡོད་པའི་ཕྱི་རྒྱལ་ཡུལ་གྲུ་ཁག་གི་བོད་མི་སྒེར་བ་ཚོར་རྒྱབ་སྐྱོར་དང་ཁོང་ཚོས་སྤེལ་བའི་ལས་འཆར་དང་འཛུགས་བསྐྲུགས་ཁག་ལ་རོགས་རམ་བྱས་ནས་ཏཱ་ལའི་ཕྱོགས་གཏོགས་གྱི་ནུས་བ་ཁ་འཐོར་ཏུ་གཏོང་དགོས།

དེ་ལས་མང་བ་། “བོད་མིའི་ཆིག་སྒྲིལ་གཏོར་ཐབས་ཀྱི་པེ་ཅིང་གི་ངན་ཇུས།” »

མི་ནག་ཚང་ལུང་རིགས་རྒྱལ།
ཁ་སང་དེ་རིང་ནུབ་ཕྱོགས་ཀྱི་གསར་ལམ་ཁག་ན་འུར་ཆི་ལེར་གླེང་བཞིན་པ་ནི་ཨ་རིའི་ཕྱི་སྲིད་ལས་ཁུངས་ཀྱིས་ཨ་རིའི་གཞུང་ཚབ་ཁག་ལ་བཏང་བའི་གཞུང་འབྲེལ་ཡི་གེ་དང་། ཨ་རིའི་གཞུང་གིས་རྒྱལ་སྤྱིའི་སྲིད་གཞུང་དག་ལ་འབྲེལ་བ་འཛིན་སྟངས་སོགས་ལས་འཕྲོས་པའི་ཏར་འཕྲིན་མང་པོ་ཞིག་གི་གསང་བ་ཤོར་སོང་བའི་སྐོར་དེ་རེད།གསང་བ་འདི་དག་གི་ནང་ན་བོད་པ་ཚོ་འདུག་གམ། པེ་ཅིན་དང་ཝ་ཤིན་ཊོན་གྱི་བར་ན་བོད་ལས་འཕྲོས་པའི་གསང་བའི་སྐད་ཆ་འདྲ་ཡོད་དམ། གསང་བ་དེ་ཚོ་ཤོར་འདོད་ཆེ་ནས་མིན་པར། ཤེས་འདོད་ཀྱི་དབང་གིས་ངས་ཀྱང་ཝེ་ཀེ་གསང་སྣེ་ སྔོག་འགོ་བརྩམས། གསང་བ་བཙལ་མ་ཤེས་པར་མྱངས། གསང་སྣེ་གང་དུ་ཡོད་དམ། ཨ་རི་དང་ཤར་ཨེ་ཤ་ཡའི་བར་གྱི་གསང་བ་གང་ན་ཡོད་དམ། ཨ་རི་དང་པེ་ཅིན་གྱི་གསང་བའི་སྐད་ཆའི་རིམ་པ་དེ་གང་ཞིག་ཡོད་དམ། འདི་ལྟར་འདེད་ཀྱིན་དུ་བར་སྐབས་ཤིག་ནས་བོད་ཀྱི་སྐོར་ཞིག་ལ་ཐུག་སོང་། སྤྱིར་བཏང་འདི་ནི་གསང་བའི་ཁོངས་སུ་ཉར་འདུག་ན་ཡང་། ནམ་རྒྱུན་གྱི་བརྒྱུད་ལམ་ཁག་ལ་སྤེལ་བཞིན་པའི་སྐད་ཆ་ལས་ལྷག་ཅིག་མ་རེད་སྙམ། གང་ལྟར་ཁ་སང་དེ་རིང་གསང་བ་འདི་དག་གི་ནང་དུ་ཨེ་ཚུད་ལ་འཚང་ཁ་རྒྱག་བཞིན་པ་ཡིན། གཤམ་དུ་བོད་ཀྱི་སྐོར་ལ་བཤད་པའི་དོན་ཚན་གཉིས་ཇི་བཞིན་དུ་འགོད་པར་བྱ།

ཡིག་ཚགས་ཀྱི་ཨང་གྲངས། 09BEIJING1176 ཟླ་ཚེས། 2009-04-30 13:01 རིགས། SECRET ཁུངས་ངོ་མ། Embassy Beijing

དེ་ལས་མང་བ་། “སྐུ་མདུན་ཨ་རིར་ཕེབས་དུས་ཀྱི་གསང་བའི་སྐད་ཆ་ཞིག” »

གནས་ཚུལ་མཁོ་གཏོང་པ་ས་གནས་གཞོན་ནུའི་ཚོགས་མི་ཨ་ཚོགས་དབང་གྲགས་འབུམ།

ཟླ་འདིའི་ཚེས་28ཉིན་མོམ་བྷེའ་(Mumbia)ཉིན་རེའི་ཚགས་ཤོག་(Mid-Day)སྟེང་(John Walsh )ཟེར་བ་ཞིག་གིས་འགོ་བརྗོད་ལ་ཏྰ་བླ་མ་ནི་མི་སྡུག་ཅག་ཞིག་རེད་དམ(Is the dalai lama a bad guy?)་ཞེས་བའི་རྕོམ་ཡིག་བཀོད་
པས་ང་ཚོ་སློབ་མ་མང་པོ་ཞིག་གིས་རྩོམ་ཡིག་བཀོད་པ་དེ་དྲ་ཚུགས་དང་ཚགས་ཤོག་ཁག་་ནས་རྩོམ་ཡིག་དེ་མཐོང་བ་དང་ཚེས་30ཉིན་འདི་གའི་ས་གནས་གཞོན་ནུ་ལྷན་ཚོགས་དང་བོད་རང་དབང་སློབ་ཕྲུག་ཚོགས་པ་གཉིས་ཀྱི་བཀོད་སྒྲིག་འོག་བོད་པ་དང་བོད་དོན་རྒྱབ་སྐྱོར་བའི་རྒྱ་གར་མཐོ་སློབ་པ་ཆ་ཚང་ཚང་འཛོམས་ཐོག་རྩོམ་ཡིག་དེ་འགྲེམས་སྤེལ་དང་ཀློག་འདོན། གྲོས་བསྡུར། ཇི་ལྟར་དྲ་ལམ་འདྲ་མིན་བརྒྱུད་འདི་འདྲའི་དྲང་བདེན་མ་ཡིན་པའི་རྩོམ་ཡིག་འབྲི་བ་དང་ཚགས་ཤོག་གསར་འགོད་པས་སོ་སོའི་ཐོབ་ཐང་བེད་སྤྱོད་གཏོང་སྟངས་ནོར་བའི་རིགས་ལ་དགག་ལན་དང་རང་སྐྱོན་ངོས་ལན་བྱེད་དགོས་པའི་ལས་འགུལ་སྤེལ་འགོ་ཚུགས་པ་ཡིན།ཉིན་དེར་སློབ་ཕྲུག་ཆ་ཚང་གིས་སོ་སོའི་ངོས་དེབ་དང་(yahoomail,gmai
སོགས་ནས་ཚགས་ཤོག་རྩོམ་སྒྲིག་པ་དང་རྩོམ་འབྲི་བ་ལ་དྲང་བདེན་མ་ཡིན་པའི་གནས་ཚུལ་བཀོད་པ་ལ་སྐྱོན་བརྗོད་བྱ་བའི་གློག་འཕྲིན་གཏོང་བ་དང་མང་པོ་ཞིག་གིས་ཁ་ཐུག་དུ་ཚགས་ཤོག་རྩོམ་སྒྲིག་ཁང་ལ་ཞལ་པར་ཐེངས་མང་བསྐྱོན་ནས་དེ་དོན་སྐད་ཆ་དྲིས་དུས་རྩོམ་སྒྲིག་ཁང་གིས་ཁོང་ཚོ་ད་ལྟ་ལས་དོན་ལ་བྲེལ་འཚུབ་ཧ་ཅང་ཆེ་བ་སོགས་ལ་ཁ་གཡར་ནས་དྲི་བ་མང་པོ་ཞིག་ལ་ཡ་ལན་གནང་མ་སོང་

དེ་ལས་མང་བ་། “ཏྰ་ལེ་བླ་མ་ནི་མི་སྡུག་ཅག་ཞིག་རེད་དམ།” »