བཀྲས་མཐོང་བསྟན་འཛིན་རྣམ་རྒྱལ་ཆེད་དུ་ན་གཞོན་མཐུན་ཚོགས་ནས་བཞུགས་སྒར་རྡ་རམ་ས་ལར་ཁོང་ལ་རྒྱབ་སྐྱོར་གྱི་བརྙན་པར་ཞིག དེ་རིང་ཕྱི་ལོ་ ༢༠༡༠ སྤྱི་ཟླ་ ༡༢ ཚེས་ ༢༨ ཉིན་དྲ་རྒྱ་བརྒྱུད་ནས་དབུ་འབྱེད་བྱ་རྒྱུ་ཡིན།
༢༠༡༡ བཀའ་ཁྲིའི་འོས་མི། བསྟན་འཛིན་རྣམ་རྒྱལ། from Youth for TNT on Vimeo.
།བྱང་ཨ་རིའི་ས་གནས་བྷོསེ་ཊོན་དུ་ས་གནས་བོད་མིའི་སྤྱི་མཐུན་ཚོགས་པའི་གོ་སྒྲིག་འོག་བྱང་ཨ་རིའི་བོད་མི་མང་སྤྱི་འཐུས་སྐབས་བཅོ་ལྔ་པའི་འོས་མི་རྣམ་པའི་བགྲོ་གླེང་ཐེང་དང་པོ་དེ་འཆར་ལོའི་ཟླ་བ་ ༡ ཚེས་ ༡༥ རེ་གཟའ་སྤེན་པའི་ཉིན་གནང་གཏན་འཁེལ་འདུག བགྲོ་གླེང་ནང་ཕེབས་གཏན་འཁེལ་བའི་སྤྱི་འཐུས་འོས་མི་ལྔ་དང་འོས་མི་གཅིག་ད་ལྟ་ཏན་ཏན་མེད་པར་ཕེབས་གཏན་འཁེལ་བའི་འོས་མི་་རྣམས་བྱང་ཨ་རིའི་ས་གནས་སིཡ་ཊལ་ནས་སྐུ་ངོ་བཀྲ་ཤིས་རྣམ་རྒྱལ་ལགས་འོས་གྲངས་ ༡༠༤༦ ཁེ་ན་ཌ་ཊོ་རོན་ཊོ་ནས་སྐུ་ཞབས་ནོར་བུ་ཚེ་རིང་ལགས་འོས་གྲངས་ ༨༢༦ ས་གནས་ནིའུ་ཡོག་ནས་སྐུ་ཞབས་ཀུན་དགའ་འཕྲིན་ལས་ལགས་འོས་གྲངས་ ༣༨༤ ཁེ་ན་ཌ་ཁེལ་གྷ་རི་ནས་སྐུ་ཞབས་བཀྲ་ཤིས་ཕུན་ཚོགས་ལགས་འོས་གྲངས་ ༣༤༣ ཡང་ཁེ་ན་ཌ་མོན་ཁྲེ་རེལ་ནས་བུ་མོ་བདེ་སྐྱིད་ཆོས་དབྱངས་ལགས་འོས་གྲངས་༣༡༤ བཅས་ཁོང་རྣམ་པ་ལྔ་བགྲོ་གླེང་ནང་ཕེབས་བཞུགས་གནང་ཏན་འཁེལ་བ་དང་།…
དེ་ལས་མང་བ་། “བྷོསེ་ཊོན་བོད་མིའི་སྤྱི་མཐུན་ཚོགས་པའི་གོ་སྒྲིག་འོག་བྱང་ཨ་རིའི་སྤྱི་འཐུས་བགྲོ་གླེང།” »
གསར་ལམ་ཁག་གི་གནས་ཚུལ་ལྟར་ན། རྒྱ་གར་ཉེན་རྟོག་པས་ཉེ་ཆར་ཚེས་༡༥་ཉིན་བཞུགས་སྒར་རྡ་རམ་ས་ལ་ཆགས་ཡུལ་རྒྱ་གར་བྱང་ཕྱོགས་ཧི་མ་ཅལ་མངའ་སྡེ་ཀང་ར་རྫོང་གི་ཉེ་འཁོར་དུ་དུ་ནམ་རྒྱུན་ངལ་རྩོལ་བྱེད་ཁུལ་གྱིས་སྡོད་མཁན་ཁ་ཆེ་འཇིགས་སྐུལ་དྲག་སྤྱོད་པ་གཉིས་འཛིན་བཟུང་བྱས་ཡོད་འདུག། གནས་ཚུལ་དེའི་རྐྱེན་པས་ད་ཆ་བཞུགས་སྒར་ཁུལ་གྱི་གོང་ས་མཆོག་གི་ཕོ་བྲང་གི་གཙོས་རྡ་སའི་ཉེ་འཁོར་གྱི་བདེ་འཇགས་སྲུང་སྐྱོབ་ཇེ་དམ་དུ་བཏང་ཡོད་པ་དང་། འཇིགས་སྐུལ་བ་དེ་གཉིས་ལ་ད་ཆ་ཉེན་རྟོག་པས་བཀག་གཉེར་འདྲི་རྩད་བྱེད་བཞིན་པའི་སྒང་ཡིན་པར་ཞིབ་ཕྲའི་གནས་ཚུལ་གསར་ལམ་ཁག་ལ་བཤད་རྒྱུ་སྔ་དྲག་པ་ཉེན་རྟོག་པའི་འགོ་བས་བཤད་འདུག།
རྩོམ་སྒྲིག་པའི་གཏམ།
༧རྒྱལ་བ་རིན་པོ་ཆེས་ཨ་རི་དང་ཁ་ཎ་སྒྲར་ཆོས་ཀྱི་མཛད་འཕྲིན་སྐྱོང་བཞིན་པའི་བར་གསེང་དུ། བོད་ནས་ཕེབས་པའི་མཁས་བ་ཞིག་དང་མཇལ་འཕྲད་བྱུང་འདུག རྒྱལ་བ་རིན་པོ་ཆེས་མཁས་བ་དེར། བོད་དུ་ཕེབས་རྒྱུ་གནས་སྐབས་སུ་དཀའ་མོ་འདུག འོན་ཀྱང་། ཧོང་ཀོང་དུ་ཕེབས་ཐུབ་རྒྱུའི་འཆར་གཞི་ཞིག་བསྒྲིག་བཞིན་ཡོད་གསུངས་འདུག གནས་ཚུལ་འདི་ལྟ་བུ་ཞིག། ཉེ་ཆར་རྡ་ལམ་ས་ལ་ནས་༧རྒྱལ་བ་རིན་པོ་ཆེར་གཟིམ་ཆུང་མཇལ་ཁ་མ་རག་པར་ཕྱིར་བོད་དུ་བསྐྱོད་མཁན་ཞིག་ལ་ཡང་བྱུང་འདུག སྐུ་སྒེར་གྱི་གླེང་མོལ་འདི་དག་བགྲེས་ཡོལ་གྱི་གནད་དོན་དང་འབྲེལ་བ་ཡོད་དམ། གཅིག་བྱས་ན་ཡོད་སྲིད། དེ་ཡང་། ཆབ་སྲིད་ཀྱི་སྐུ་དབང་བཞག་ནས་ཆོས་ཀྱི་དབུ་འཁྲིད་གཅིག་པོའི་འགྲོ་སྟངས་ཤིག་བསྐྲུན་ན། བགྲེས་ཡོལ་གྱིས་བོད་དོན་ལ་ཕུགས་རྒྱང་རིང་པོའི་ཞབས་འདེགས་ཤིག་བསྐྲུན་ཐུབ་ངེས།
ཁ་བརྡའི་ཀློག་པ་པོ་ཡོངས་ལ། ད་ཕན་ཁ་བརྡའི་ཐོག། རྩོམ་ཡིག་སྤེལ་མཁན་དང་མཆན་བུ་རྒྱག་མཁན་ཚང་མར་ཐུགས་རྗེ་ཆེ། མུ་མཐུད་དུ་རྩོམ་ཡིག་སྤེལ་བ་དང་མཆན་བུ་འདེབས་པར་ཁ་བརྡས་དགའ་བསུ་ཞུ་བཞིན་ཡོད། ཉེ་ཆར་ནས། ཁ་བརྡའི་གློག་འཕྲིན་ཁ་བྱང་(info@khabdha.org)ཟེར་བ་དེ་འཕྲོ་བརླག་ལ་ཕྱིན་འདུག་པས། རྗེས་ཕྱོགས་ནས་ཁ་བརྡར་རྩོམ་ཡིག་བསྐུར་ས་(khabdha@gmail.com)འདི་ཡིན། རྩོམ་ཡིག་བསྐུར་མཁན་རྣམས་ཀྱིས་ཁ་བྱང་འདིའི་ཐོག་རྩོམ་ཡིག་བསྐུར་རོགས་གནང་། ཁ་བརྡ་སྒེར་དང་འབྲེལ་བའི་བསམ་ཚུལ་སོགས་ཡོད་ན་ཡང་འདིའི་ཐོག་འབྲེལ་བ་གནང་རོགས། ཁ་བརྡའི་རྩོམ་སྒྲིག་པས། www.khabdha.org khabdha@gmail.com སྤྱི་ལོ་༢༠༡༠ལོའི་སྤྱི་ཟླ་༡༢པའི་ཚེས་༢༤ཉིན་།
ཀླུ་སྨྱོན།
ས་གནས་བོད་རིགས་ཚོགས་པའི་ཚོགས་གཙོས་བོད་རིགས་ཚོར་ཡེ་ཤུའི་སྐྱེས་སྐར་དུས་ཆེན་ལ་རྟེན་འབྲེལ་ཞུ་བའི་འཕྲིན་ཡིག་བསྐུར་པའི་ལན་དུ་སྤྲིངས་པ།
ཚོགས་གཙོ་ལགས་སུ་ཐུགས་རྗེ་ཆེ་ཞུ་བ་དང་ཆབས་ཅིག་རང་གི་བསམ་ཚུལ་འགའ་ཞུ་འདོད་ བྱུང་། སྤྱི་ལོའི་ལོ་གསར་འདི་ནི་མི་གཞི་ཕྱི་རོལ་བའི་སྟོན་པ་ཡེ་ཤུ་མ་ཤི་ཀའི་སྐྱེས་ སྐར་ནས་བཟུང་སྟེ་རྩི་སྲུང་བྱས་པ་ཞིག་ཡིན་ན་ཡང་། དེང་སྐབས་འཛམ་གླིང་སྤྱིའི་ལོ་གསར་ལྟ་བུར་ངོས་འཛིན་བྱེད་བཞིན་འདུག་པས་ང་ཚོ་ ཕྱི་རྒྱལ་དུ་ཡོད་པའི་བོད་རིགས་ཚོས་འདིའི་སྐབས་སུ་ཕན་ཚུན་བཀྲ་ཤིས་བདེ་ལེགས་ ཙམ་ཞུས་ན་འགྲིག་གི་ཡོད་འགྲོ ཡིན་ན་ཡང་ཡེ་ཤུའི་འཁྲུངས་སྐར་(Christmas)རང་ལ་ང་ཚོས་གཅིག་གིས་གཅིག་ལ་རྔན་པ་ སྤྲོད་རེས་དང་ཁྱིམ་ཚང་ནང་དུ་ཡེ་ཤུའི་ཤིང་སྡོང་འཛུག་པ་དང་གློག་སྒྲོན་ཁྲ་ཆིལ་ དགུ་ཆིལ་སོགས་སྤར་བ། ཐུགས་སྤྲོ་མགྲོན་འབོད་སོགས་ཕྱི་རྒྱལ་ཡེ་ཤུའི་ཆོས་དད་པ་ནང་བཞིན་བྱེད་དགོས་ དོན་ཨེ་ཡོད།
དེ་ལས་མང་བ་། “ཡེ་ཤུའི་སྐྱེས་སྐར་གྱི་སྔ་ནུབ་ཏུ་སྤྲིངས་པའི་འཕྲིན་ཡིག” »
པར་འདི་ག་རེ་རེད། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་ཡོད། http://www.ambassadorsforworldpeace.org/
http://www.rfa.org/tibetan/chediklaytsen/amdolaytsen/tsom-rig-kyi-dora/interview-with-tibetan-poet-tering-kyi-12212010153439.html འདྲ་པར་འདི་མཆོད་མེ་དྲ་ངོས་ལས་བཤུས་པ་ཡིན།
༄༅། ཕྲན་བཀྲིས་དབང་འདུད་བཀའ་བློན་ཁྲི་པ་སྐབས་ ༣ འོས་གཞིར་ལང་ཆེད་སྦར་སིལ་༸སྐུ་ཚབ་དོན་གཅོད་ཀྱི་ལས་གནས་ནས་དགོངས་པ་ཞུས་འཁྲེོལ་གྱིས་ལས་མཚམས་དངོས་སུ་ ༢༠༡༠ ཟླ་ ༡༢ ཚེས་ ༡༧ ཉིན་བཞག་ཟིན་པ་དང་། ད་ཆ་དངོས་གཞིའི་འོས་གཞིར་སྡོད་རྒྱུའི་གསལ་བསྒྲགས་སྦུད་ཙམ་ཞུ་རྒྱུར།
ལོ་ཤས་སྔོན་ནས་མི་སྒེར་དང་གཞུང་འབྲེལ་མིན་པའི་སྒྲིག་འཛུགས་ཁག་གི་མི་སྣས་ཕྲན་མ་འོངས་བཀའ་བློན་ཁྲི་པའི་འོས་གཞིར་སྡོད་འཆར་ཡོད་མེད་དྲི་བརྩད་དང་། སྡོད་དགོས་པའི་འབོད་སྐུལ་ཨུ་ནན་གནང་མཁན་རིམ་པ་བྱུང་བར་འོས་གཞིར་སྡོད་བློ་མེད་ལུགས་ཞུས་པ་དང་། འདས་ལོ་གཅིག་ནང་ནོར་ཝེ་དང་ཁེ་ན་ཌ་ནས་སྐབས་གསུམ་པའི་བཀའ་ཁྲི་འོས་མི་མང་ཚོགས་ནས་མིག་འཛུགས་གནང་ཆེད་གློག་འཕྲིན་དྲྭ་བ་ (Website) ཆེད་འཛུགས་གནང་བའི་ནང་ཕྲན་གྱི་མིང་རིམ་ཐོན་སྐབས་ཕྱིར་འཐེན་ཞུས་ཤིང་། དེ་འབྲེལ་གཞུང་འབྲེལ་མིན་པའི་ཚོགས་པ་ཁག་གཅིག་ནས་ཀྱང་འོས་མིར་སྡོད་རྒྱུའི་རེ་སྐུལ་ཕྱག་བྲིས་གནང་བར་འོས་གཞིར་སྡོད་འཆར་མེད་སྐོར་ཡིག་ངག་གཉིས་ཐོག་ནས་འགྲེལ་བཤད་ཞུས་ཡོད།
དེ་ལས་མང་བ་། “གསར་འགོད་གསལ་བསྒྲགས། བཀའ་ཟུར་བཀྲ་ཤིས་དབང་འདུད།” »
བོད་ནས་གནས་ཚུལ་བཏང་འབྱོར་བྱུང་བ་ལྟར་ན། ཟླ་འདིའི་ཕྱི་ཚེས་ ༡༦ ཉིན་ཀན་ལྷོ་ཁུལ་རྨ་ཆུ་རྫོང་ཁོངས་ཀྱི་མུ་རྭ་དགོན་གྱི་དགེ་འདུན་པ་གསུང་རབ་རྒྱ་མཚོ་ལགས་ལ། ཀན་ལྷོ་གཙོས་གྲོང་ཁྱེར་ས་གནས་རྒྱ་ནག་གི་འབྲེལ་ཡོད་ཚན་པས་གསང་སྟབས་གྱིས་་མི་ལོ་ ༣ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག
ལོ་ལོན་ནས། བོད་ཀྱི་ཆེད་དུ་ལངས་མཁན་ཚོགས་པ་དང་གློག་བརྙན་སྒྲིག་སྦྱོར་བ་སྦྲ་ནག་ཚང་གིས་འབད་བརྩོན་འོག་༼བཙན་བྱོལ་བོད་མིའི་སྐྱིད་སྡུག་དང་ངའི་མི་ཚེ།༽ཞེས་པའི་བཀྲས་མཐོང་བསྟན་འཛིན་རྣམ་རྒྱལ་ལགས་སུ་བཅའ་འདྲི་བྱས་པའི་དངོས་ཡོད་གློག་བརྙན་ཞིག་ཐོན་ཡོད་འདུག གློག་བརྙན་དེའི་ནང་དུ་འདས་པའི་བཙན་བྱོལ་བོད་མིའི་གནས་སྟངས་དང་འཕེལ་རིམ་ལ་ནང་།བཀྲས་མཐོང་བསྟན་འཛིན་རྣམ་རྒྱལ་ལགས་ལ་མངའ་བའི་ཆབ་སྲིད་ཐད་ཀྱི་གཟིགས་རྒྱང་དང་འཇོན་ནུས།ཕྱག་ལས་གནང་བའི་ཉམས་མྱོང་སོགས་གསལ་འདོན་བྱས་ཡོད་འདུག ཤེས་གསལ་ལྟར་ན་གློག་བརྙན་དེ་ནི་ཟླ་༡༢་ཚེས་༡༨ཉིན་ཁ་ན་དྲིའི་Parkdale ས་གནས་སུ་སྟོན་འཆར་ཡོད་འདུག འབྲེལ་ཐག་འདི་བརྒྱུད་ནས་གློག་བརྙན་འདིའི་ཚན་པ་གཅིག་གཟིགས་ཐུབ།
http://www.tibet.net/en/index.php?id=2042.&articletype=flash&rmenuid=morenews&s&tab=1#TabbedPanels1
ཀླུ་སྨྱོན།
དྲག་ཆར་དང་རླུང་འཚུབ་འཇགས་མ་ཐག
མི་ཚང་མ་སྨྱོས་པ་ལྟར་ཁྲོམ་སྲང་དུ་བརྒྱུགས་ཏེ་རང་རང་ས་ནས་ཅི་ཞིག་བཙོང་མགོ་བརྩམས་བྱུང་།
ཡིན་ན་ཡང་།
ངས་ཁུག་ཀྱོག་ཅིག་ནས་ལྐོག་ལྟ་བྱེད་བཞིན་བསྡད་པ་ཡིན།
མི་རེ་རེའི་སྙིང་ཀའི་ཐད་དེར་ཨུ་ཁུང་རེ་རེ་ཡོད་ཅིང་།
དེའི་ནང་དུ་མར་མེ་ཆུང་ཆུང་རེ་འབར་བཞིན་འདུག
མར་མེ་རེ་རེའི་གཡོ་སྟངས་དང་འབར་སྟངས་མི་མཚུངས་ལ།
མར་མེ་རེ་རེའི་ཆེ་ཆུང་ཡང་མི་འདྲ་བ་དེ་ལས་ལྟད་མོ་ཆེ་བ་ཞིག་མི་འདུག
ཇིན་ སི་མི་ཐི་ ༼༡༩༣༦-༢༠༡༠༽ ཞེས་པའི་བོད་རིག་པའི་མཁས་པ་ཆེན་པོ་དེ་ ཁ་སང་ གྲོངས་ཡོད་འདུག བོད་ཀྱི་ནང་བསྟན་དཔེ་ཚོགས་ལྟེ་གནས་ ཀྱི་དྲ་རྒྱའི་ཐོག་གསལ་བསྒྲགས་སྤེལ་བ་ལྟར་ན། ཁོང་རེས་གཟའ་མིག་དམར་ཉིན་རྒྱ་གར་ནས་ཚུར་ཕེབས་པ་དང་། གཟུགས་ཁམས་མི་བདེ་བར་ཡོད་མུས་ ཁ་སང་ཕྱི་དྲོའི་ཆུ་ཚོད་ ༤ པ་ཙམ་ལ་གྲོངས་ཡོད་པ་དང་། ཨ་ལགས་གཟན་དཀར་རིན་པོ་ཆེ་ཡང་ཁོང་གྲོངས་རྗེས་དེར་ཆུ་ཚོད་འགའ་ཡི་རིང་ལྷན་བཞུགས་གནང་ཡོད་པ་རེད་ཅེས་བྲིས་འདུག
དེ་ལས་མང་བ་། “བོད་རིག་པའི་མཁས་པ་ཆེན་པོ་ཞིག་ ཁ་སང་ གྲོངས་ཡོད་འདུག” »
གནས་ཚུལ་གསུམ་པ་བོད་ཀྱི་གནད་དོན་རེད། གང་ཡིན་ཟེར་ན། ང་བོད་པ་ཡིན། ད་དུང་ངོས་ལ་༧རྒྱལ་བ་རིན་པོ་ཆེའི་མཚན་ཡོད་པ་རེད། བོད་ཕྱི་ནང་གི་བོད་མི་བརྒྱ་ཆ་དགུ་བཅུ་གོ་དགུ་ཡིས་ ངོས་ལ་ཡིད་ཆེས་བྱེད་གི་ཡོད། བྱས་ཙང་ ངོས་ཀྱིས་ཁོང་ཚོར་ཞབས་ཞུ་ཞུ་བའི་འགན་མང་ང་ཡོད་པ་རེད། ད་དུང་འདས་པའི་ལོ་ངོ་བཞི་བརྒྱའི་རིང་ལ། ༧རྒྱལ་བ་རིན་པོ་ཆེའི་སྒྲིག་འཛུགས་འདི་ བོད་ཀྱི་ཆོས་སྲིད་གཉིས་ཆའི་དབུ་འཛིན་རེད། བྱས་ཙང་ འདི་ལ་འགན་ཞིག་ཡོད་རེད་བསམས་ཀྱི་འདུག ང་བྱིས་པ་ཡིན་པའི་དུས་ནས་ ངོས་ཀྱིས་དམངས་གཙོའི་ལམ་སྲོལ་ལ་ཡི་རངས་བྱེད་ཀྱི་ཡོད།…
དེ་ལས་མང་བ་། “༧གོང་ས་མཆོག་གིས་བགྲེས་ཡོལ་གྱི་སྐོར་ལ་བཀའ་སློབ་ཕེབས་པ།” »
དཔལ་ལྡན་རྒྱལ། བཙན་བྱོལ་བོད་གཞུང་དབུས་འོས་བསྡུ་ལས་ཁུངས་ཀྱིས་བཀའ་བློན་ཁྲི་བའི་སྔོན་འགྲོ་འོས་བསྡུའི་གྲུབ་འབྲས་གསལ་བསྒྲགས་བྱས་ཡོད་པའི་ཁོངས་ནས་འོས་ཤོག་མང་ཤོས་ཐོབ་ཡོད་མཁན། ཨ་རིའི་ཧར་ཝ་རྡུ་སློབ་གྲ་ཆེན་མོའི་ནང་ཉམས་ཞིབ་པའི་ལས་ཀ་བྱེད་མཁན་བློ་བཟང་སེང་གེ་ལགས་དང། ཨ་རིའི་Stanford སློབ་གྲ་ཆེན་མོའི་ནང་དགེ་རྒན་བྱེད་བཞིན་པའི་བཀྲས་མཐོང་བསྟན་འཛིན་རྣམ་རྒྱལ་ལགས་གཉིས་ལ་ཨེ་ཤ་ཡ་རླུང་འཕྲིན་ཁང་གིས་བཅར་འདྲི་བྱས་ཡོད་པར་ཉན་རོགས། བཀའ་བློན་ཁྲི་བའི་འོས་མི་གཉིས་ལ་བཅར་འདྲི།
ཕྱི་ཚེས་བཅུ་ཉིན། རྒྱ་རིགས་ལོའུ་ཞོའོ་པོའོ་ལ་འཛམ་གླིང་ནོར་ལྦེའི་ཞི་བདེའི་གཟེངས་རྟགས་ཐོབ་རྗེས། རྒྱ་ནག་ནང་ཁུལ་གྱི་དྲ་རྒྱ་དང་ཟིན་བྲིས་ཁག་ཏུ། དེའི་སྐོར་ལ་གནས་ཚུལ་སྤེལ་མཁན་གྱི་འཁྲུགས་ཆ་དོད་པོ་བྱུང་འདུག རྒྱ་ནག་ནང་ཁུལ་དུ། ཟིན་བྲིས་དང་དྲ་ངོས་སུ་རྐུབ་སྟེགས་སྟོང་པ་ཟེར་བའི་ཐ་སྙད་དེ་བཀག་འདུག་པ་མ་ཟད། ཚིག་དེ་བེད་སྤྱོད་གཏོང་བཅུག་མི་འདུག དེར་བརྟེན། རྒྱ་ནག་ལྷོ་ཕྱོགས་ཀྱི་(Southern Metropolis Daily)ཟེར་བའི་ཚགས་ཤོག་དེས་སྤྱང་གྲུང་དོད་པོའི་སྒོ་ནས་། རྐུབ་སྟེགས་གསུམ་དང་ཁྲུང་ཁྲུང་སྐེ་ནག་ལྔ་། ལྟ་སྲུང་བ་གཅིག་ཡོད་པའི་རྒྱབ་རིས་ཤིག་ཇུས་བཀོད་བྱས་འདུག རྐུབ་སྟེགས་གསུམ་དེསལོའུ་ཞོའོ་པོ་མཚོན་པ་དང་། ཁྲུང་ཁྲུང་སྐེ་ནག་ལྔ་དེར་མཚོན་དོན་གཉིས་འདུག་ཅིང་།…
ཕྱི་ཚེས་བཅུ་ཉིན། རྒྱ་རིགས་ལོའུ་ཞོའོ་པོའོ་ལ་འཛམ་གླིང་ནོར་ལྦེའི་ཞི་བདེའི་གཟེངས་རྟགས་ཐོབ་རྗེས། རྒྱ་ནག་ནང་ཁུལ་གྱི་དྲ་རྒྱ་དང་ཟིན་བྲིས་ཁག་ཏུ། དེའི་སྐོར་ལ་གནས་ཚུལ་སྤེལ་མཁན་གྱི་འཁྲུགས་ཆ་དོད་པོ་བྱུང་འདུག རྒྱ་ནག་ནང་ཁུལ་དུ། ཟིན་བྲིས་དང་དྲ་ངོས་སུ་རྐུབ་སྟེགས་སྟོང་པ་ཟེར་བའི་ཐ་སྙད་དེ་བཀག་འདུག་པ་མ་ཟད། ཚིག་དེ་བེད་སྤྱོད་གཏོང་བཅུག་མི་འདུག དེར་བརྟེན། རྒྱ་ནག་ལྷོ་ཕྱོགས་ཀྱི་(Southern Metropolis Daily)ཟེར་བའི་ཚགས་ཤོག་དེས་སྤྱང་གྲུང་དོད་པོའི་སྒོ་ནས་། རྐུབ་སྟེགས་གསུམ་དང་ཁྲུང་ཁྲུང་སྐེ་ནག་ལྔ་། ལྟ་སྲུང་བ་གཅིག་ཡོད་པའི་རྒྱབ་རིས་ཤིག་ཇུས་བཀོད་བྱས་འདུག རྐུབ་སྟེགས་གསུམ་དེསལོའུ་ཞོའོ་པོ་མཚོན་པ་དང་། ཁྲུང་ཁྲུང་སྐེ་ནག་ལྔ་དེར་མཚོན་དོན་གཉིས་འདུག་ཅིང་།…