ད་ལྟ་རང་གི་གནས་ཚུལ་ལྟར་ན། ཨ་རིའི་དྲག་དམག་གིས་ཁ་ཆེ་ཨ་ལུ་ཁ་ཏྲ་འཇིིགས་སྐུལ་དྲག་སྤྱོད་པའི་གཏེ་དཔོན་བྷན་ལ་ཏེན་བསད་ཡིན་ཟེར། གནས་ཚུལ་དེའི་ཐད་ད་དུང་ཨ་རིའི་སྲིད་འཛིན་ཨོ་བྷ་མས་སྐར་མ་ཁ་གོང་བརྗོད་དོན། འཛམ་གླིང་མི་དམངས་དང་ལྷག་དོན་ཨ་རིའི་སྤྱི་འབངས་མི་སེར་རྣམ་པ། ང་ཚོའི་མི་སེར་སྟོང་ཕྲག་ཁ་ཤས་དམར་གསོད་གཏོང་མཁན་ཨ་ལུ་ཁ་ཏྲ་འཇིིགས་སྐུལ་དྲག་སྤྱོད་པའི་གཏེ་དཔོན་ཡིན་ཟེར་མཁན་ང་ཚོའི་དགྲ་བོ་གཤེད་མ་བྷན་ལ་ཏེན་ཁོ་ང་ཚོའི་དྲག་དམག་གིས་པཱ་ཀི་སུ་ཐན་མཐའ་ཁུལ་ཞིག་ནས་ཁ་སང་སྤྱི་ཚེས་ ༡ ཉིན་བསད་ཚར་ཡིན་ལ་ཁོང་གི་རོ་ད་དུང་ང་ཚོའི་ལག་པར་ཡོད་པ་སོགས་གསར་ལམ་ཁག་ལ་ཐད་ཀར་བརྗོད་ཡོད།
རྔ་པ་ཀི་རྟི་དགོན་པའི་དགེ་འདུན་པའི་གྱེན་ལངས་ངོ་རྒོལ་ལ་གདུང་སེམས་མཉམ་སྐྱེད།
འདི་ག་ཝི་སི་ཀོན་སིན་བོད་རིགས་སྤྱི་མཐུན་ཚོགས་པ་དང་ས་གནས་གཞོན་ནུ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་ཐུན་མོང་གོ་སྒྲིག་འོག་མལ་ཌི་སིན་གནས་སྡོད་བོད་མི་ཚོས་ཕྱི་ཟླ་ ༤ ཚེས་ ༣༠ རེས་གཟའ་སྤེན་པའི་ཉིན་ཝི་སིན་ཀོན་སིན་མངའ་སྡེའི་གྲོས་ཚོགས་མདུན་དུ་ཉེ་ཆར་མདོ་སྨད་རྔ་པ་ཀི་རྟི་དགོན་པའི་དགེ་འདུན་པའི་གྱེན་ལངས་ངོ་རྒོལ་ལ་གདུང་སེམས་མཉམ་སྐྱེད་ཀྱི་མར་མེ་ཁྲོམ་སྐོར་བྱས་ཤིང་། ཕྱི་ཟླ་ ༥ ཚེས་ ༡ ཉིན་རི་དྭགས་ཚལ་དགོན་པར་བོད་མི་སེར་སྐྱ་རྒན་གཞོན་རྣམས་འཛོམས་ཏེ་ཉེ་ཆར་རྔ་པ་ཁུལ་དུ་རང་སྲོག་གཅེས་འདོར་དང་བསད་རྨས་བྱུང་བ་རྣམས་ཀྱི་ཆེད་བསྔོ་བ་སྨོན་ལམ་དང་མ་ཎི་གསོག་འདོན་བྱས་འདུག
དེ་ལས་མང་བ་། “རྔ་པ་ཀི་རྟི་དགོན་པའི་དགེ་འདུན་པའི་གྱེན་ལངས་ངོ་རྒོལ་ལ་གདུང་སེམས་མཉམ་སྐྱེད།” »
ནང་བསྟན་མྱུར་སྐྱོབས་འབོད་སྒྲ།
འདི་ག་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་གོ་སྒྲིག་འོག མདོ་སྨད་དབུས་རྒྱུན་དང་ཀིརྟི་བྱེས་བ་གྲྭ་ཚང་སོགས་ཀྱི་གོ་སྒྲིག་བྱས་བའི་བཞུགས་སྒར་ནས་ལྡི་ལི་བར་གྱི་སེར་སྦྲེངས་སྙན་སྐུལ་སྨོན་ལམ་གོམ་བགྲོད་ཀྱི་ལས་འགུལ་རྒྱ་ས་ལྡི་ལི་ནས་མཇུག་སྡོམས་ཀྱི་སྐབས་དང་བསྟུན་རྒྱ་གར་རྒྱལ་ཡོངས་ཀྱི་བོད་བརྒྱུད་ནང་བསྟན་ཀྱི་དགོན་པ་ཡོངས་རྫོགས་ཀྱིས་དུས་གཅིག་ཏུ་ནང་བསྟན་མྱུར་སྐྱོབས་འབོད་སྒྲའི་ཞི་བའི་ལས་འགུལ་ཞེས་པ་ཞིག་སླེལ་ཡོད་པ་དང། བྷེལ་ཀོབ་ཀྱི་ལས་འགུལ་གྱི་ཚོགས་མགོན་དུ་སྐྱབས་རྗེ་བྱང་རྩེ་ཆོས་རྗེ་བློ་བཟང་བསྟན་འཛིན་མཆོག་གི་གཙོས་སེ་ར་བྱེས་སྨད་གཉིས་ཀྱི་མཁན་པོ་དང་། རྣམ་གྲོལ་གླིང་གི་སྐུ་ཚབ། བཀྲ་ཤིས་ལྷུན་པོ་མཁན་ཚབ་མཆོག་དང་། བཀའ་བརྒྱུད་དང་ས་སྐྱའི་སྐུ་ཚབ་ཀྱང་སྐུ་མགྲོན་དུ་ཕེབས་ཡོད་པ་དང་།
ཨོ་ས་མ་ བྷིན་ལ་ཌིན་ བསད་པ་རེད་ཟེར།
ད་སོ་མ་ གསར་ལམ་ཁག་ན་གནས་ཚུལ་སྤེལ་བཞིན་པ་ལ་བརྟགས་ན། ཨོ་ས་མ་ བྷིན་ལ་ཌིན་ བསད་པ་ཟེར་བཞིན་འདུག དེ་ཡང་པ་ཀི་སི་ཐན་གྱི་རྒྱལ་ས་ ཨ་སི་ལ་མ་བྷ་ད་ ཞེས་པའི་ཕྱི་རོལ་གྱི་ཁང་པ་ཞིག་ཏུ་བསད་ཡོད་འདུག
ཆོས་དཔོན་གྱི་ཆགས་སྤྱོད་དང་ཆོས་ཚོགས་ཀྱི་བཟོད་གསོལ།
དེ་རིང་ཁན་བྷི་ར་དུས་བབ་ཀྱིས་གནས་ཚུལ་སྤེལ་དོན་ལ། ཨ་སི་ཁྲི་ལི་ཡའི་ནང་གི་བོད་བརྒྱུད་ནང་ཆོས་ཚོགས་པས་ཚོགས་མི་ཞིག་གི་ནོར་འཁྲུལ་ཤོར་བ་ལ་བཟོད་གསོལ་ཞུས་འདུག དེ་ནི་བླ་མ་ཆོས་གྲགས་ལགས་རེད། བླ་མ་ཆོས་གྲགས་ལགས་ལ་ཉེ་སྔོན་ཞིག་ནས་སྐྱོན་བརྗོད་ཀྱི་གླེང་གཞི་མགོ་ཚུགས།
དེ་ལས་མང་བ་། “ཆོས་དཔོན་གྱི་ཆགས་སྤྱོད་དང་ཆོས་ཚོགས་ཀྱི་བཟོད་གསོལ།” »
དཔའ་བོ་ཐུབ་བསྟན་དངོས་གྲུབ་དྲན་གསོའི་ཉིན་མོ།༼གསར་འགྱུར།༽
བསམ་གླིང་ཚེ་རིང་ལྷ་མོ།
དེ་རིང་ཕྱི་ཟླ་བཞི་པའི་ཚེས་༢༩ཉིན་ཞོགས་པའི་ཆུ་ཚོད་༧།༣༠ཐོག ས་གནས་གཞོན་ནུ་ལྷན་ཚོགས་དང། ས་གནས་བུད་མེད་ལྷན་ཚོགས་གཉིས་ནས། དཔའ་བོ་ཐུབ་བསྟན་དངོས་གྲུབ་བོད་རྒྱལ་ཁབ་ཆེན་པོའི་དོན་དུ་རང་ལུས་མེར་སྲེག་བཏང་བའི་དྲན་གསོའི་མཛད་གོ་ཞིག་གོོ་སྒྲིག་གནང་སོང། མཛད་སྒོ་དེ་མ་སུ་རི་བཤད་སྒྲུབ་ཆོས་འཕེལ་གླིང་དགོན་པར་ཚུགས་པ་དང། མཛད་སྒོའི་ཐོག་བཞུགས་སྒྲོམ་སྟེང་དུ་དཔའ་བོ་ཐུབ་བསྟན་དངོས་གྲུབ་ལགས་ཀྱི་སྐུ་པར་ཆེན་པོ་ཞིག་གི་མདུན་དུ་མཆོད་མེ་ཞིག་ཕུལ་འདུག
དེ་ལས་མང་བ་། “དཔའ་བོ་ཐུབ་བསྟན་དངོས་གྲུབ་དྲན་གསོའི་ཉིན་མོ།༼གསར་འགྱུར།༽” »
མདུན་བསྐྱོད་བྱེད་བཞིན་པའི་ང་ཚོ།
ཟིན་ཐོ་འདེབས་པ་པོ་རྨོག་རུ་བསྟན་པ།
ཁ བརྡར་མཁོ་འདོན་པ་འཇམ་དབྱངས་བློ་གྲོས།
ཕྱི་ལོ་༢༠༡༡།༤།༢༦་ཉིན་གྱི་ཞོགས་པར་རྡ་ས་ཀིརྟི་བྱེས་པ་གྲྭ་ཚང་དང་།མདོ་སྨད་དབུས་ རྒྱུན་ལས་ཐུན་མོང་གིས་གོ་སྒྲིག་གནང་བའི་སེར་སྦྲེངས་སྙན་སྐུལ་སྨོན་ལམ་གྱི་གོམ་བགྲོད་དགེ་འདུན་པ་ཚོ་ཐེག་ཆེན་གཙུག་ལག་ཁང་ནས་ལམ་དུ་ཐོན། ༸གོང་ས་སྐྱབས་མགོན་ཆེན་པོ་མཆོག་སྨོན་ལམ་ཆེན་པོ་ཚོགས་མགོན་ནས་ཆིབས་བསྒྱུར་ གནང་གྲུབ་དང་བསྟུན་གོམ་བགྲོད་པ་རྣམས་ཀྱི་གསེར་མདོག་གི་ཆོས་གོས་བསྣམས་ཤིང་ ཇི་ཞིག་ལ་བྲེལ་བའི་ཚུལ་གྱིས་གྲ་སྒྲིག་ཐོན་གསར་ཞུས། བཀའ་ཁྲི་མཆོག་གིས་བཀའ་སློབ་ཉིང་བསྡུས་ཤིག་གནང་རྗེས་སེར་སྦྲེངས་སྨོན་ལམ་སྙན་ སྐུལ་གོམ་བགྲོད་ཀྱི་དབུ་འཛུགས་གནང་།
འབྲས་སྤུངས་དགོན་པས་ཀིརྟི་དགོན་པར་གདུང་སེམས་མཉམ་བསྐྱེད་གནང་ཡོད།
གནས་ཚུལ་མཁོ་གཏོང་བ་བསྟན་འཛིན་ཤེས་རབ།
༢༠༡༡་༤་༢༧ སྟེ་དེ་རིང་དགོང་དྲོའི་ཆུ་ཚོད་དྲུག་དང་ཕྱེད་ཀའི་ཐོག འབྲས་སྤུངས་སྒོ་མང་གྲྭ་ཚང་གི་གོ་སྒྲིག་འོག་འབྲས་སྤུངས་ཀྱི་དགེ་འདུན་པ་རྣམས་ཀྱིས་ཡ་ང་བའི་གདུག་རྩུབ་དང་དྲག་གནོན་མྱོང་བཞིན་པའི་རྔ་བ་ཀིརྟི་དགོན་པ་གཙོ་བྱས་པའི་རྔ་བའི་མི་དམངས་ལ་གདུང་སེམས་མཉམ་བསྐྱེད་དང་། ཁྲིམས་མེད་ལུགས་མེད་ཀྱིས་དམངས་ཚོགས་རྣམས་གསོད་རྡུང་མནར་གཅོད་དང་འཛིན་བཟུང་འཕྲོག་བཅོམ་བྱེད་བཞིན་པའི་རྒྱ་དམར་སྲིད་གཞུང་གི་བྱ་སྤྱོད་དེ་དག་འཕྲལ་མར་མཚམས་འཇོག་ཡོང་སླད་མར་མེ་ཁྲོམ་སྐོར་གཞི་རྒྱ་ཆེ་བ་ཞིག་གནང་ཡོད།
དེ་ལས་མང་བ་། “འབྲས་སྤུངས་དགོན་པས་ཀིརྟི་དགོན་པར་གདུང་སེམས་མཉམ་བསྐྱེད་གནང་ཡོད།” »
མཁྱེན་ཡངས་རྒྱ་ཆེའི་སྙན་ངག་པ་གཙོས་པའི་རྩོམ་པ་པོ་དང་ཤེས་ལྡན་པ་ཡོངས་ཀྱི་སྙན་ལམ་དུ།
བསྟན་འཛིན་ཤེས་རབ།
མི་རིང་བར་རང་རེའི་བོད་ཀྱི་སྤྱི་ཚོགས་ཁྲོད་སྙན་ངག་གྱེར་འདོན་དང་སྙན་ངག་རྩོམ་རིག་བྱ་དགའ། སྙན་ངག་པའི་ཚབ་མཚོན་མི་སྣ་གཟེངས་བསྟོད། ཚབ་མཚོན་དུ་འོས་པའི་སྙན་ངག་གི་དེབ་ཕྲེང་འདོན་སྤེལ། སྙན་ངག་རྩོམ་རིག་གི་ཚོགས་ཆེན་བཅས་སྙན་ངག་གི་ལས་རིམ་ཞིག་སྤེལ་རྩིས་ཡོད་པ་དང་། ལས་རིམ་དེ་རྒྱ་ཆེ་བ་ཞིག་ཡིན་སྟབས། ཚགས་ཚུད་དང་སྤུས་ལེགས་ཤིག་ཡོང་ཕྱིར་རང་རེའི་སྙན་ངག་པ་གཙོས་པའི་རྩོམ་པ་པོ་ཡོངས་ལས་རིམ་འདིར་མཉམ་ཞུགས་གནང་རྒྱུའི་རེ་བ་ཞུ་བཞིན་ཡོད།
དེ་ལས་མང་བ་། “མཁྱེན་ཡངས་རྒྱ་ཆེའི་སྙན་ངག་པ་གཙོས་པའི་རྩོམ་པ་པོ་དང་ཤེས་ལྡན་པ་ཡོངས་ཀྱི་སྙན་ལམ་དུ།” »
བཀའ་སྤྱིའི་འོས་ཐོབ་གསལ་བསྒྲགས།
རྡ་སའི་དབུས་འོས་བསྡུ་ལས་ཁུངས་ནས་སྐབས་བཅོ་ལྔ་བའི་སྤྱི་འཐུས་དང་སྐབས་གསུམ་པའི་བཀའ་ཁྲིའི་འོས་མི་གསལ་བསྒྲགས་གནང་འདུག སྐབས་གསུམ་པའི་བཀའ་ཁྲི་བློ་བཟང་སེང་གེར་ཐོབ་འདུག བློ་བཟང་སེང་གེ་ལགས་སུ་འོས་ཤོག་ ༢༧༠༥༡ ཐོབ་སྟེ་བརྒྱ་ཆའི་ ༥༥ ཟིན་ཡོད་པ་དང་། བཀའ་ཟུར་བཀྲས་མཐོང་རྣམ་རྒྱལ་ལགས་སུ་འོས་ཤོག་ ༡༨༨༠༥ ཐོབ་སྟེ་བརྒྱ་ཆའི་ ༣༧།༤༢ ཟིན་ཡོད་འདུག དེ་བཞིན། བཀའ་ཟུར་བཀྲ་ཤིས་དབང་འདུས་ལགས་སུ་འོས་ཤོག་ ༣༡༧༣ ཐོབ་སྟེ་བརྒྱ་ཆའི་ ༦།༤༥་བཅས་ཟིན་ཡོད་འདུག
སྐབས་བཅོ་ལྔ་བའི་སྤྱི་འཐུས་ཁག་ནི།
ནེའུ་ཡོག་དང་ནེའུ་ཇར་སེའི་ས་གནས་བོད་རིགས་ཡོངས་ཀྱི་སྙན་ལམ་དུ་ཆེས་ཛ་དྲག་དང་བློ་འཚབ་ཀྱིས་སྙན་སེང་ཞུ་རྒྱུར།
ལྷན་རྒྱས་ཀྱིས་མཁྱེན་གསལ་ལྟར་རྒྱ་གཞུང་གིས་རྔ་བ་གྲོང་སྤྱི་དང་ལྷག་པར་ཀིརྟིའི་དགོན་པ་འདི་ཉིད་བཙོན་ཁང་ལྟ་བུར་བསྒྱུར་ཏེ་གྲྭ་པ་ཉེས་སྟོང་ལྔ་བརྒྱ་ལྷག་གིས་སྡུག་བསྔལ་ཚད་མེད་མྱངས་དང་མྱོང་བཞིན་པ་དང་། ཉེ་ལམ་གནས་སྟངས་སྔར་ལས་དམ་བསྒྲགས་ཆེ་རུ་བཏང་སྟེ་ཕྱི་ཟླ ༤ ཚེས་༢༢ཉིན་གྲྭ་པ་སུམ་ བརྒྱ་བཙན་ཁྲིད་བྱས་བ་དང་ད་དུང་ཡང་ཁྲིད་དང་འཁྲིད་བཞིན་པའི་གནས་ཚུལ་ཁུངས་ལྡན་གོ་བ་ལྟར། བློ་ཕམ་དང་སེམས་འཚབ་ཀྱིས་མ་བཟོད་པར་ཟླ་འདིའི་ ཚེས་ ༡༨ ནས་ ༢༥ བར་འདི་གའི་རྔ་བའི་གཞིས་མི་ཚོས་གཙོས་བོད་རིགས་ཁག་ཅིག་གིས་བདུན་གཅིག་རིང་རྒྱ་མའི་གཞུང་ཚབ་མདུན་དུ་སྐད་འབོད་དང་ཞི་བས་ངོ་རྒོལ་བྱས་ནའང་། རྔ་བའི་ཛ་དྲག་གི་གནས་སྟངས་ལ་འགྱུར་བ་མེད་པས།
འདྲེ་རུ་སྐྱེ་བའི་སྔ་གཞུག་གི་མྱི།
བོད ལྷ་ཀླུ་གཉན་གསུམ།
ཁ་རོག་གེར་བསྡོད་པ་དེ་ནི་ཁྱེད་རང་གི་རང་ གཤིས་སུ་གྱུར་ཉིན་ནས། སུ་ལ་ཡང་འདྲིས་ཤིང་མ་གཤིབ་པའི་མི་གཤིས་སྐྱུར་མོའི་དེ་ཡི་ལྟག་རྒྱབ་ན། ཁ་རོག་གེར་སྐོང་ནས་སྟོང་ལབ་ལ་གོམ་པའི་མྱི་ངན་ཁྱེད་རང་། འཇིག་རྟེན་གྱི་གནས་ལུགས་དང་རྒྱུ་མཚན་ལས་བརྒལ་ནས། མྱི་སེམས་མང་བོ་ཞིག་གི་ཕ་རོལ་ན། ཁེར་རྐྱང་གི་རུམ་ཁ་ཞིག་འཚོལ་བའི་དུས་སུ། ཁྱེད་རང་ལ་ཁྱེད་རང་ལས་ལྷག་པའི་འགྲེལ་བཤད་གང་ཡང་མ་མཆིས་མོད། ཡིན་ཡང་། ཁྱེད་རང་ཤེས་མཁན་གྱི་ཁྱེད་རང་དེ་ནི་མྱི་མ་རེད། འདྲེ་རེད། འདྲེ་དེ་ཡང་མི་ཚོགས་ཤིག་གི་ལྟག་རྒྱབ་ན། ཁ་རོག་གེར་ལབ་རྒྱག་པར་གོམ་པའི་མྱི་ཁྱེད་རང་རེད།
བཅའ་ཁྲིམས་བསྐྱར་བཅོས་ཀྱི་རགས་ཟིན་དང་པོའི་བཞི་པ་ནས་ཟུར་བཏོན་དོན་ཚན་ཁག
གཞུང་གི་འགན་འཛིན་དབང་ཆ་བཀའ་བློན་ཁྲི་པ་ལ་ཡོད་ཅིང་། བཅའ་ཁྲིམས་འདིའི་དོན་ཚན་ཁགགཞིར་བཟུང་བཀའ་བློན་ཁྲི་པས་ཐད་ཀར་རམ། བཀའ་བློན་རྣམ་པ་དང་། འགན་འཁུར་ལས་བྱེདབརྒྱུད་དབང་ལུང་ཁྱབ་སྒྱུར་བྱ་རྒྱུ། ཁྱད་པར་བཀའ་བློན་ཁྲི་པས་འཛིན་སྐྱོང་འགན་འཛིན་གྱི་འགནདབང་ཐོག་ནསཿ ༡ སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་ཁྲིམས་ཡིག་དང་། སྒྲིག་གཞི་ཁག་གསལ་བསྒྲགས་དང་ལག་བསྟར། ༢ བྱས་རྗེས་གཟེངས་རྟགས་དང་། གོ་མིང་བདག་རྐྱེན། ༣དགོས་གལ་ནམ་བྱུང་ལ་སྤྱི་འཐུས་ལྷན་ཚོགས་སུ་ལས་དོན་སྙན་ཞུ་དང་། གཏམ་བཤད། གསལ་བཤད་བྱ་རྒྱུ་བཅས། ༼སོགས་འཁོད་པའི་ཡིག་ཆ་བོད་གཞུང་དྲ་རྒྱ་ན་འདུག༽…
དེ་ལས་མང་བ་། “བཅའ་ཁྲིམས་བསྐྱར་བཅོས་ཀྱི་རགས་ཟིན་དང་པོའི་བཞི་པ་ནས་ཟུར་བཏོན་དོན་ཚན་ཁག” »
རྡོར་གླིང་ལྕགས་པོ་རིའི་བོད་ཀྱི་གསོ་རིག་མཐོ་སློབ་ནང་སྨན་སློབ་གསར་པ་བསྡུ་རྒྱུའི་གསལ་བསྒྲགས།
བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ནས་ངོས་བཞེས་ཐོབ་པའི་ལྕགས་པོ་རིའི་དྲན་རྟེན་བོད་ཀྱི་གསོ་རིག་མཐོ་སློབ་ཁང་དུ་ཕྱི་ལོ་ ༢༠༡༡ ནང་སྨན་སློབ་བསྡུ་བཞེས་གནང་རྒྱུ་ཡིན་ན། བོད་ཀྱི་གསོ་བ་རིག་པའི་གཞུང་ལུགས་ལ་སློབ་སྦྱོང་གནང་བློ་ཡོད་པ་རྣམས་ནས་སོ་སོའི་འབྲེལ་བ་ཞུ་ཡུལ་ཁ་བྱང་དང་། གློག་འཕྲིན་ཁ་བྱང་། ཁ་པར་ཨང་གྲངས་གང་ཡོད་གསལ་བཀོད་ཀྱིས་ཟུར་གསལ་ཆ་རྐྱེན་གྱི་ཡིག་ཆའི་འདྲ་བཤུས་བཅས་སྙན་ཤོག་གཤམ་གསལ་ཁ་བྱང་ཐོག་གློག་འཕྲིན་ནམ། སྦྲགས་ཡིག་གང་རུང་བརྒྱུད་གཏོང་གནང་དགོས་རྒྱུ་བཅས་དེ་དོན་དགོངས་འཇགས་ཞུ།
འབྲེལ་བ་ཞུ་ཡུལ་ཁ་བྱང་།
Chagpori Tibetan Medical Institute,
west view 10, Burdwan Road,
P.O. Darjeeling-734101, west Bengal
E_mail: chagpori@sify.com
website;www.chagpori-tibetan-medical-institute.com
ཆ་རྐྱེན་དགོས་མཁོ།
༡ བོད་མི་ཡིན་ཚེ་དཔྱ་དངུལ་འབུལ་བབས་གཙང་ཕུལ་དཔང་རྟགས་དཔྱ་དེབ་ཤོག་ངོས་དང་པོ་དང་། མཐའ་མའི་དཔར་བཤུས།
༢ ཧི་མ་ལ་ཡའི་མི་རིགས་ཡིན་ཚེ་འབྲེལ་ཡོད་རྒྱ་གར་གཞུང་གི་ས་གནས་ལས་ཁུངས་ནས་རྒྱབ་གཉེར་ཕྱག་བྲིས་དགོས་པ་ཡིན།
༣ འཛིན་རིམ་བཅུ་གཉིས་ཐོན་པའི་སློབ་ཐོན་ལག་འཁྱེར་དང་། ཨང་ཐོབ་ངོ་བཤུས་དགོས།
མི་མང་ལ་ཆོས་འབྲེལ་དང་བཀའ་དབང་།
ས་གནས་ནས་ཐུབ་རྒྱལ་གྱིས།
ར་པུར་དཔལ་ས་སྐྱའི་ཆོས་སྒར་རུ་མཁའ་མཉམ་སྐྱེ་འགྲོ་ཀུན་གྱི་མགོན་དཔུང་དམ་པ་སྐྱབས་མཆོག་༸གོང་མ་བདག་ཁྲི་རིན་པོ་ཆེ་མཆོག་གིས་དེར་འདུས་མི་མང་བཞི་སྟོང་ལྷག་ལ་འཆི་མེད་ཚེ་དབང་ཟབ་མོའི་ལྗགས་ དབང་བསྩལ་གནང་སོང་། ཟླ་འདིའི་ཕྱི་ཚེས་༢༣ཉིན་སྔ་དྲོ་ཕྱག་ཚོད་དགུ་པའི་ཐོག་དངོས་སུ་བཀའ་དབང་དབུ་འཛུགས་གནང་བ་དང་སྐབས་དེར་མགོན་པོ་གང་གིས། སྔོན་འགྲོ་ཡན་ལག་བདུན་པ་དང་ནང་ཆོས་ངོ་ སྤྲོད་གནང་བ་མ་ཟད། གཙོ་ཆེ་ཤོས་དེ་ཀུན་སློང་ཀུན་སྤྱོད་ལེགས་པ་གསལ་བཏབ་དགོས་པས་ཚེ་དབང་ཞུ་བར་ཁྲལ་དང་ལྟད་མོ་ལྟ་བུའི་འདུ་ཤེས་འཁྱེར་ནས་དབང་གྲལ་དུ་ཞུགས་པ་ཡིན་ན་དབང་མི་འཐོབ་ཁར་ཉེས་དམིགས་སུ་འགྲོ་རྒྱུ་ལས་དགེ་མཚན་མེད་པ་བཀའ་གནང་སོང་།
རྩོམ་བསྡུའི་གསལ་བརྡ།
༄༅། །རྡོར་གླིང་ལྕགས་པོ་རིའི་དྲན་རྟེན་བོད་སྨན་མཐོ་སློབ་ཁང་འདི་ནས་ཐོན་པའི་མཁྱེན་ཡངས་བཀུར་འོས་ཀྱི་ལྷ་རྗེ་ཡོངས་ལ།
ཆེད་ཞུ། ལྷན་རྒྱས་ཀྱི་དགོངས་པར་མངའ་གསལ་བཞིན་བཻཌཱུརྱའི་རང་མདངས་ཞེས་པའི་དུས་དེབ་འདི་ཐོག་མར་དངོས་གཞིའི་སྨན་སློབ་ཚོའི་སློབ་སྦྱོང་གི་ཤེས་ཚད་སྤྱི་དང་ལྷག་པར་རྩོམ་ཡིག་འབྲི་རྩལ་ཡར་རྒྱས་ཡོང་བར་ཆེད་དམིགས་ཀྱིས་འདོན་སྤེལ་བྱ་གཏན་ཁེལ་བ་བཞིན་དུས་དེབ་འདོན་ཐེངས་དང་པོའི་ནང་སྐབས་དེར་སློབ་སྦྱོང་བྱེད་བཞིན་ཡོད་པའི་སྨན་སློབ་ཁོ་ནའི་རྩོམ་ཡིག་རྣམས་བཀོད་ནས་ དཔར་བསྐྲུན་འགྲེམས་སྤེལ་ཞུས་ཡོད། ཡིན་ཡང་། ཉེ་སྔོན་སྐབས་གསུམ་པའི་སྨན་པ་དཀོན་མཆོག་བུ་ཆུང་ལགས་ཀྱིས་ང་ཚོའི་ལས་དོན་ལ་བསྔགས་བརྗོད་དང་ལྷག་བསམ་རྣམ་དག་གིས་རྒྱབ་སྐྱོར་གནངས་ཏེ་དུས་དེབ་འདོན་ཐེངས་གཉིས་པར་འགོད་རྒྱུར་རྩོམ་ཡིག་ཅིག་གནང་འབྱོར་བྱུང་བ་དེ་ལས་འཕྲོས་ཏེ།
བུད་མེད་ཀྱི་སྟོད་གོས་བཙན་གྱིས་འཕུད་བཅུག་འདུག
ཟླ་འདིའི་ཚེས་༡༨ཉིན་བལ་ཡུལ་ནང་གི་ས་གནས་གཞོན་ནུས་གོ་སྒྲིག་འོག་བོད་མི་སུམ་ཅུ་ཙམ་གྱིས་ཟས་བཅད་ངོ་རྒོལ་གྱི་ལས་འགུལ་ཞིག་སྤེལ་ཡོད་ཅིང་། ལས་འགུལ་དེའི་དམིགས་ཡུལ་ནི་ཨ་མདོ་རྔ་པ་ཀིརྟི་དགོན་པའི་གྲྭ་ཕུན་ཚོགས་ཀྱིས་བོད་མི་རིགས་ཀྱི་ཆེད་དུ་རང་སྲོད་བློས་བཏང་པ་དང་། དེ་འགྲེལ་རྔ་པ་ཀིརྟི་དགོན་པ་དང་རྔ་པའི་མི་མང་ཐོག་རྒྱ་ནག་གི་དྲག་ཆས་ཉེན་རྟོག་པ་དང་དམག་མིས་དམ་དྲག་དང་དྲག་གནོན་ཤུགས་ཆེ་བྱེད་བཞིན་པ་འདི་ཚོ་མཚམས་འཇོག་ཡོང་ཆེད་དང་།
དེ་ལས་མང་བ་། “བུད་མེད་ཀྱི་སྟོད་གོས་བཙན་གྱིས་འཕུད་བཅུག་འདུག” »
ཀིརྟི་དགོན་པའི་གྲྭ་ ༣༠༠ འཛིན་བཟུང་།
གསར་འགྱུར་འདི་དུས་བབ་དྲ་ངོས་སུ་སྤེལ་དུས། ༢༠༡༡/༠༤/༢༢
མདང་དགོང་རྒྱ་གཞུང་དྲག་དམག་གིས་ཀིརྟི་དགོན་པའི་མཐའ་བསྐོར་ཏེ་གྲྭ་པ་༣༠༠ལྷག་འཛིན་བཟུང་བཙན་ཁྲིད་དང་།ལོ་༦༠ལྷག་ཡིན་པའི་རྒན་རྒོན་གཉིས་རྐྱེན་ལམ་དུ་བཏང་འདུག
ཁ་སང་ཕྱི་ཚེས་༢༡ཉིན་གྱི་བོད་ནང་གི་མཚན་མོའི་དུས་ཚོད་༩ཙམ་ནས་རྔ་པ་ཀིརྟི་དགོན་པའི་གྲྭ་ཤག་རེ་རེར་རྒྱ་གཞུང་གིས་དྲག་ཆས་དམག་དཔུང་དང་།ཉེན་རྟོག་པ།ཁྱད་ལས་དྲག་དམག་བཅས་འགྲེམས་འཇོག་བྱས་ཏེ་དགེ་འདུན་པ་༣༠༠ལྷག་འཛིན་བཟུང་གིས་སྤྱི་སྤྱོད་རླངས་འཁོར་ཆེ་བ་བཅུ་གྲངས་ཤིག་གི་ནང་བླུགས་ནས་ས་གནས་གཞན་ཞིག་ཏུ་ཁྱེར་ཡོད་འདུགས་གནས་ཡུལ་མི་ཚོས་གོ་ཐོས་བྱུང་བ་ལྟར་ན་གྲྭ་པ་རྣམས་རྔ་པ་རང་སྐྱོང་ཁུལ་གྱི་བུན་ཁྲོན་རྫོང་དང་།མོའོ་རྫོང་།བཀྲ་ཤིས་གླིང་རྫོང་བཅས་སུ་བཙན་ཁྲིད་བྱས་འདུག
འགྲན་རྩོམ་གསལ་བརྡ།
གངས་ལྗོངས་གེ་སར་ཚང་བྲིས་རྩོམ་འགྲན་བསྡུར་།
འདི་ལོ་ནི་༧གོང་ས་སྐྱབས་མགོན་ཆེན་པོ་སྐུ་ཕྲེང་བཅུ་བཞི་པ་རྒྱལ་བ་དོན་གྱི་བདག་པོ་མཆོག་གིས་ཆབ་སྲིད་ཀྱི་ཐུགས་འགན་མི་མང་ལ་གནང་ཞིང་། གཞུང་ས་དགའ་ལྡན་ཕོ་བྲང་ཆེན་མོ་ཕྱིར་བསྡུ་གནང་བའི་དུས་རིམ་གྱི་འཕོ་འགྱུར་ཧ་ཅང་གནད་འགག་ཅན་ཞིག་དང་། བོད་མི་རིགས་ལ་མཚོན་ན་སྐྱབས་མེད་མགོན་མེད་བྱིས་པ་ཐང་སྟོང་དུ་ལྷུང་པ་ལྟ་བུའི་མྱོང་ཚོར་ཟབ་མོ་འོང་བའི་དུས་ཚོད་གཉན་ཕྲང་ཅན་འདིར་རང་ཅག་གངས་ཅན་པ་རྣམས་ཀྱི་མེ་ཏོག་གང་ལ་ཕོགས་པའི་ལྷ་སྐལ་འཕགས་མཆོག་ཕྱག་ན་པདྨོ་མཆོག་གིས་རང་ཅག་གངས་ཅན་བོད་མིའི་བདེ་སྡུག་ཇི་ལྟར་ཕྱག་དུ་བསྣམས་པ་དང་། ལྷག་པར་དུ་༧གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་གངས་ཅན་པ་རྣམས་ལ་དྲིན་གྱིས་ཇི་ལྟར་བསྐྱངས་ཡོད་མེད་ཤེས་ཤིང་བཀའ་དྲིན་རྗེས་དྲན་དང་མི་རབས་ཕྱི་མ་རྣམས་ལ་རྩིས་སྤྲོད་དགོས་པ་ནི། ང་ཚོའི་མི་ཐིག་གི་ལས་འགན་ལ་སོང་། གངས་ལྗོངས་གེ་སར་ཚང་གིས་བརྗོད་བྱར།༼ གངས་རིའི་མགོན་པོ་དང་གངས་ཅན་པ།༽ཞེས་པའི་འགྲན་རྩོམ་འདི་གོ་སྒྲིག་བྱེད་བཞིན་ཡོད། འདིར་ལོ་ཚད་སོགས་ལ་ཚད་བཀག་གང་ཡང་མེད་པ་མ་ཟད་གཤམ་གསལ་ལྟར་གསོལ་རས་ཀྱང་མི་ཆུང་བ་འབུལ་རྩིས་ཡོད་ན། རྒྱ་ཆེའི་སྨྱུག་ཐོགས་པ་གང་མང་འཛུལ་ཞུགས་ཡོང་བའི་འབོད་སྐུལ་ཞུ།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསལ་བསྒྲགས།
སྔགས་མང་ཞིབ་འཇུག་ཁང་གསར་དུ་འཛུགས་མཁན་དང་དེའི་འགན་འཛིན་པ། སྔགས་མང་གི་དཔེ་རྙིང་པོད་གྲངས་སུམ་ཅུ་འཚོལ་སྡུད་དང་དཔེ་སྐྲུན་གནང་མཁན། སྔགས་པས་ཟླས་ཕྱེ་བའི་སྔགས་མའི་ཚོགས་རྒྱུན་ལ་སློབ་གྲྭ་འཛུགས་མཁན། དུས་དེབ་ད་ལྟ་བའི་རྩོམ་སྒྲིག་པ། མཚོ་སྔོན་ཟི་ལིང་ལ་བོད་ཕྲུག་རྣམས་ལ་བོད་ཀྱི་སྐད་ཡིག་སྦྱོང་སའི་འཛིན་གྲྭ་འཛུགས་པ་སོགས་ཀྱི་ཆོས་དང་འཇིག་རྟེན་གཉིས་ཕྱོགས་ནས་མཛད་རྗེས་ཆེ་བའི་ལྕེ་ནག་ཚང་ཧྰུམ་ཆེན་ལགས་ནས་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་ལ་སྤྱི་ཟླ་ ༤ བའི་ཚེས་ ༣༠ ཉིན་གྱི་ཕྱི་དྲོ་ཆུ་ཚོད་ ༣ པ་ནས་ ༥ བར་ལ་ “ཕུར་ཐོགས་སྟོང་། རེབ་གོང་སྔགས་མང་གི་འདས་པ་དང་ད་ལྟ་བ།”ཞེས་པའི་བརྗོག་གཞིའི་ཐོག་ལ་གསུང་བཤད་གནང་རྒྱུ་རེད།