ངག་དབང་བློ་བཟང་།
ཕྱི་ལོ་༢༠༡༡།ཕྱི་ཟླ༦།ཚེས་༡༥།དང་། ས་ག་ཟླ་བའི་ཚེས་བཅོ་ལྔ་སྟེ། སྟོན་པ་ཐུབ་པའི་དབང་པོ་ལྷུམས་སུ་ཞུགས་པ་སོགས་དུས་ཆེེན་སུམ་འཛོམས་ཀྱི་ཉིན་མོར་ཆོས་ལྡན་བོད་མི་རྣམས་རྣམ་དཀར་དགེ་སྦྱོང་ལ་ཤིན་ཏུ་བརྩོན་པའི་དུས་ཚིགས་དེར། མདོ་ཁམས་ཏྲེ་ཧོར་དཀར་མཛེས་ཡུལ་ལུང་དར་རྒྱས་དགོན་གྱི་གྲྭ་རང་ལོ་༣༧་དགེ་སློང་ངག་དབང་བློ་བཟང་ཁོང་སངས་རྒྱས་ཀྱི་བསྟན་པ་དང་། བོད་སྤྱིའི་རང་དབང་གི་ཆེད་དུ་རང་གི་ལུས་སྲོག་ལོངས་སྤྱོད་འཕངས་མེད་དུ་བཏང་སྟེ། དཀར་མཛེས་རྫོང་ཐོག་ས་ག་ཟླ་བའི་ཚེས་བཅོ་ལྔ་ཉིན་མི་དམངས་འདུ་འཛོམས་ཆེ་བའི་སར་བོད་ལ་རང་དབང་དགོས། རྒྱལ་བ་རིན་པོ་སྐུ་ཚེ་ཁྲི་ལོ་བརྟན་པར་ཤོག ཅེས་པའི་ཡིི་གེ་མང་པོ་བཀྲམས་ཏེ།

དེ་ལས་མང་བ་། “བོད་ཤར་ཕྱོགས་མདོ་ཁམས་ཏྲེ་ཧོར་ལུང་ནང་རང་དབང་གི་འབོད་སྒྲ།” »

དུས་བབ་ནས་བླངས།
རྒྱ་གར་ལྷོ་ཕྱོགས་ཀྱི་རྐང་འཁོར་རྐྱང་སྐྱོད་ལས་འགུལ་དེ་གྲོང་འཁྱེར་པུ་ན་རུ་འབྱོར་ཏེ། ཕྱི་ཚེས་ ༡༤ ཉིན་དབུས་བོད་མིའི་སྒྲིག་འཛུགས་ཀྱི་སྐུ་ཚབ་བཀའ་བརྒྱུད་སྤྱི་འཐུས་ཀརྨ་ཆོས་འཕེལ་ལགས་ཆེད་ཕེབས་ཀྱིས་གཏམ་བཤད་གོ་སྒྲིག་ཞུས་ཡོད་ཀྱང་། སྐབས་དེར་ཀརྨ་ཆོས་འཕེལ་ལགས་ར་བཟི་ཡོད་སྟབས་མཛད་སྒོ་དེའི་ཐོག་གཏམ་བཤད་ཆལ་ཆོལ་ཞིག་དང་རྣམ་འགྱུར་སྣ་ཚོགས་ཤིག་བསྟན་ཡོད་སྟབས། ས་གནས་རྒྱ་གར་གནད་ཡོད་མི་སྣ་དང་མང་ཚོགས་དག་གི་མདུན་དུ་རྐང་འཁོར་རྒྱང་སྐྱོད་ཀྱི་ལས་འགུལ་བ་རྣམས་ཧ་ཅང་ངོ་ཚ་བོ་ཞིག་བྱུང་ཡོད་འདུག
ཟླ་འདིའི་ཕྱི་ཚེས་ ༨ ཉིན་ནས་བཟུང་ལྷོ་ཕྱོགས་མོན་གྷོ་ཊིའི་ཁྱབ་ཁོངས་གཞུང་འབྲེལ་མིན་པའི་ཚོགས་པ་ས་གནས་ཚོགས་པ་ཁག་སྟེ། གངས་ལྗོངས་རང་བདེན་དང་དབུ་མའི་ལམ་གྱི་ལས་འགུལ་ཁང་། མང་གཙོ་ཚོགས་པ། གཞོན་ནུ་དང་བུད་མེད་སོགས་ཀྱིས་དགོས་འདུན་གཉིས་དང་རེ་སྐུལ་གཅིག་གི་ཐོག་གྲོང་ཁྱེར་པུ་ན་བར་རྐང་འཁོར་རྐྱང་སྐྱོད་ཀྱི་ལས་འགུལ་ཞིག་སྤེལ་ཡོད་པ་རེད།

དེ་ལས་མང་བ་། “སྤྱི་འཐུས་ཀརྨ་ཆོས་འཕེལ་ར་བཟི་འདུག” »

རྔ་པ་ཀིརྟི་དགོན་པའི་ནུབ་ཕྱོགས་ཀྱི་གླིང་གི་ཕྱི་རོལ་ཏུ་ཡོད་པའི་སྲུང་མ་ཁང་ ལ་ཉིན་བཅོ་ལྔ་རེའི་མཚམས་སུ་ལྷ་ཚེས་ཤིག་འཚོགས་རྒྱུ་ཡོད་པ་དེ་ཕྱི་ཚེས་ ༡༥ ཉིན་ཁེལ་ཡོད་ཅིང་། ཉིན་ཤས་གོང་གློ་བུར་དུ་ཚེས་ ༡༥ ཉིན་ལྷ་ཚེས་འཚོགས་དགོས་ལུགས་བརྗོད་ཡོད་པར་མ་ཟད། མི་མང་ལ་ཡང་ལྷ་ཚེས་འཚོགས་རྒྱུ་ཡིན་ པས་མཇལ་དུ་ཡོང་ན་ཆོག་ཚུལ་གྱི་གནས་ཚུལ་གློ་བུར་བ་ཞིག་དངོས་ཤུགས་བརྒྱུད་གསུམ་ ནས་སྤེལ་བཅུག་ནས་ཉིན་དེར་མི་མང་ཧ་ཅང་མང་པོ་འདུ་འཛོམས་བྱེད་བཅུག་ཡོད་མོད། ཉིན་དེའི་ཞོགས་ཀ་སྔ་བོ་ནས་སྲུང་མ་ཁང་དུ་ཕེབས་ལམ་ཚང་མར་གློག་བརྙན་ལེན་བྱེད་ ཀྱི་དཔར་ཆས་དང་སྤྱི་བཏང་གི་དཔར་ཆས་མང་པོ་ བཀར་ནས་གྲྭ་པ་རྣམས་ཕེབས་སྒུག་བྱས་པར་བརྟེན་དགུང་ལོ་ ༦༠ ། ༧༠ ཡིན་པའི་གྲྭ་པ་རྒན་པ་བཞི་བཅུ་ཙམ་ལས་ལྷ་ཚེས་སུ་ཕེབས་མེད་འདུག་ལ། རྒྱ་གཞུང་ གི་ལས་བྱེད་པ་སྐོར་ཞིག་གིས་གྲྭ་ཤག་མང་པོར་སོང་ནས་ལྷ་ཚེས་ལ་འགྲོ་དགོས་ལུགས་ བརྗོད་ཡོད་ཀྱང་གྲྭ་པ་རྣམས་ཀྱིས་དེ་རིང་ཚོགས་འཚོགས་བཅུགས་པ་དེ་གཞུང་གིས་ དྲིལ་བསྒྲགས་རྫུན་མའི་རྒྱབ་རྟེན་དུ་ཁྲབ་སྟོན་བྱས་པ་དང་འདྲ་བས་རྩ་བ་ནས་འགྲོ་ མི་ཐུབ་ཚུལ་བརྗོད་དེ་ཕེབས་མེད་འདུག

དེ་ལས་མང་བ་། “ཕྱི་ ལོ་ ༢༠༡༡ ཟླ་ ༦ ཚེས་ ༡༦ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག” »

ཨ་རིག་འགྱུར་མེད།
དངོས་བྲིས་གསར་འགྱུར། ༢༠༡༡ ལོའི་ཟླ་ ༦ ཚེས་ ༡༥ རེས་གཟའ་མིག་དམར།

ལོ་ལྟར་དཔྱིད་དུས་དང་དབྱར་གཞུང་གང་རུང་ལ་གཞུང་ཞབས་ལས་བྱེད་ནང་ཁུལ་དུ་ལག་རྩལ་སྤོ་ལོའི་འགྲན་བསྡུར་བྱེད་ཀྱིན་པ་ལྟར། ཟླ་འདིའི་ཟླ་མགོ་ནས་བཟུང་གཞུང་ཞབས་བུད་མེད་ནང་ཁུལ་གྱི་སྤོ་ལོའི་འགྲན་བསྡུར་མགོ་འཛུགས་བྱས་ཏེ། ཁ་སང་སྟེ་ཕྱི་ཚེས་ ༡༤ ཉིན་གྱི་ཕྱི་དྲོར་ངྷ་ས་གངས་སྐྱིད་རྩེད་ཐང་དུ། སྒྲོལ་མ་དཀར་པོ་དང་སྒྲོལ་མ་ལྗང་ཁུ་གཞུང་ཞབས་བུད་མེད་རུ་ཁག་གཉིས་ཀྱིས་མཇུག་མཐའི་རྟིང་རྩོད་འགྲན་བསྡུར་བྱས་ཏེ། སྒྲོལ་མ་དཀར་པོ་རུ་ཁག་གིས་སྐར་གྲངས་ ༢༢ དང་སྒྲོལ་མ་ལྗང་ཁུ་རུ་ཁག་གིས་སྐར་གྲངས་ ༢༤ བསགས་ཏེ་ཨང་དང་པོ་བླངས།
སྒྲོལ་མ་ལྗང་ཁུ་རུ་ཁག་ནི་ངྷ་ས་དཔེ་སྟོན་སློབ་གྲྭ་དང་བོད་ཀྱི་དཔེ་མཛོད་ཁང་། དཔལ་འབྱོར་ལས་ཁུངས། མེག་གྷན་ཆོས་ནོར་གསོལ་མགྲོན་ཁང་། བདེ་ལེགས་སྨན་ཁང་སོགས་ཀྱི་རྩེད་འགྲན་པས་གྲུབ་ཡོད་ལ། སྒྲོལ་མ་དཀར་པོ་རུ་ཁག་ཀྱང་ཕྱི་དྲིལ་ལས་ཁུངས་དང་ནང་སྲིད་ལས་ཁུངས། ཤེས་རིག་ལས་ཁུངས་བཅས་ཀྱིས་གྲུབ་པའི་རུ་ཁག་ཅིག་ཡིན། རུ་ཁག་འདི་གཉིས་ལ་དམིགས་བཀར་གྱིས་མིང་གང་ཡང་མེད་སྟབས། གསར་འགོད་པས་སྐབས་བསྟུན་གྱིས་སྒྲོལ་མ་དཀར་ལྗང་གཉིས་ཞེས་མིང་རེ་བཏགས་པ་ཡིན་ལ།

དེ་ལས་མང་བ་། “གངས་སྐྱིད་དུ་གཞུང་ཞབས་བུད་མེད་ལས་བྱེད་ཀྱི་སྤོ་ལོ་འགྲན་བསྡུར།” »

གནས་ཚུལ་མཁོ་གཏོང་བ། བོད་རང་བཙན་སློབ་ཕྲུག་ཚོགས་པ།

འདི་ལོའི་རྒྱ་ནག་གི་ལོ་གསར་རྗེས་སུ། བོད་ཁམས་ཁུལ་གྱི་རྫ་སྟོད་དང་རྫ་སྨད་། སྐྱེ་རྒུ་མདོ་བཅས་ནས་བོད་རིགས་ཚོས། རྒྱ་རིགས་ཚོང་ཁང་དག་གི་རིན་གོང་མཐོ་བའི་སྔོ་ཚལ་ལ་ཁ་གཏད་ཀྱི་སླད་དུ། མ་གྲོས་བསམ་པ་གཅིག་མཐུན་གྱི་སྒོ་ནས་བོད་རིགས་ཀྱི་ཚོང་ཁང་ནས་ཅ་དངོས་ཉོ་རྒྱུའི་དམ་བཅའ་བཞག་འདུག་ཟེར། ད་དུང་། གནས་ཚུལ་མཁོ་སྤྲོད་པ་ཞིག་གིས་གསུངས་ན། ས་གནས་ཀྱི་འཚོགས་འདུ་དེའི་རྗེས་སུ། ས་གནས་མི་མང་ཚང་མས་མཉམ་ལས་མི་བྱེད་པའི་ཞི་རྒོལ་ལ་ཞུགས་རྒྱུར་མོས་མཐུན་བྱས་སོང་ཟེར་། དེར་བརྟེན། བོད་རིགས་ཚོང་པ་རྣམས་ཟི་ལིང་དུ་ཕྱིན་ནས། སྔོ་ཚལ་དང་གྲོ་ཕྱེ། སྣུམ་དང་ཇ་སོགས་ཅ་དངོས་རིགས་ཉོས་ཏེ་། ཕྱིར་ས་གནས་སུ་དབོར་ནས་རིན་གོང་ཧ་ཅང་ཚད་དང་ལྡན་པའི་སྒོ་ནས་བཙོང་གི་འདུག་ཟེར། ད་དུང་། ནང་ཆེན་ཁུལ་གྱི་མིང་བརྗོད་འདོད་མེད་པ་ཞིག་གིས་གསུངས་ན། ནང་ཆེན་ཁུལ་གྱི་སྔོ་ཚལ་རིགས་ཀྱི་རིན་གོང་ཧ་ཅང་མཐོ་བོ་འདུག་ཟེར། དཔེར་ན། སྤྱིར་བཏང་ནས་ཀུ་ཤུ་རྒྱ་མ་གང་ལ་རྒྱ་སྒོར་གཉིས་རེད་། ཡིན་ན་ཡང་། རྒྱ་རིགས་ཀྱི་ཚོང་ཁང་ཁག་ཏུ་རྒྱ་སྒོར་བརྒྱད་ལ་བཙོང་གི་འདུག་ཟེར།

དེ་ལས་མང་བ་། “རྒྱ་མི་དང་མཉམ་ལས་མི་བྱེད་པའི་ལས་འགུལ།” »

མགོན་པོ་ཕྱག་གཉིས་པ།

མགོན་པོ་ཕྱག་གཉིས་འ་ཞའི་སྨན་པའི་ཕྱག།
གསེར་གྱི་ཐུར་མ་ལྡན་པ་གཡོ་བ་ཡིས།།
དམུས་ལོང་དཀོན་བཀྲའི་མིག་ཟུང་ཕྱེ་ནས་ཡོད།།
དངོས་དོན་སྟག་མོའི་རི་ཡི་གཉན་ལ་གཟིགས།།

ཉེ་ཆར་སྤྱི་འཐུས་སྐབས་བཅུ་བཞི་བའི་ཚོགས་དུས་མཐའ་མའི་གྲོས་ཚོགས་སུ། བོད་གཞུང་ཞེས་པའི་ཐ་སྙད་དེ་ཁྲིམས་མཐུན་མིན་པའི་རྣམ་རྟོག་ཟོས་ཤིང་། ཐ་སྙད་དེ་ཙམ་ལ་བསྟེན་ནས་འབྱུང་འགྱུར་བོད་གཞུང་སྒོ་རྒྱག་དགོས་ཐུག་སྲིད་པ་སོགས་གཞིར་བཞག་ནས་བོད་གཞུང་ཞེས་པ་དེ་བོད་མིའི་སྒྲིག་འཛུགས་སུ་བསྒྱུར་གནང་བ་ཀུན་ཤེས་རེད། འདི་ལྟར་བལྟས་ཡོང་ན། ཁྲིམས་མཐུན་གྱི་མིང་དང་ཞེད་པ་དང་རྣམ་རྟོག་ཟ་མི་དགོས་པའི་མིང་དེ་ཕལ་ཆེར་སྔོན་མ་ནས་ད་བར་དབྱིན་ཡིག་ཐོག་བྲིས་ཡོང་བའི་ Central Tibetan Administration (CTA) of His Holiness the Dalai Lama ཟེར་བ་འདི་ཡིན་པ་འདྲ། འདིའི་ཐོག་བཙན་བྱོལ་བོད་གཞུང་དེབ་སྐྱེལ་བྱས་ཡོད་པ་འདྲ། དེ་ཡིན་ན། འདི་ནས་མར་དབྱིན་ཚིག་འདི་དག་དང་ཆེས་མཐུན་ཤོས་དང་འཚམས་ཤོས་ཀྱི་བོད་ཚིག་ཅིག་བཙལ་བ་ཡིན་ན། རྙེད་དོན་ནི་སྔར་བཞིན་བོད་གཞུང་ཞེས་པའི་ཚིག་འདིར་རང་འཇགས་འབབ་ཀྱི་འདུག

དེ་ལས་མང་བ་། “གཞུང་ཞེས་པའི་ཐ་སྙད་ལ་དཔྱད་པ་དམུས་ལོང་མིག་སྟེར།” »

བསྟན་འཛིན་ཤེས་རབ་ནས།

འོད་དཀར་དྲ་བའི་གཙོ་སྐྱོང་འོག་ཟླ་འདིའི་ཚེས་ ༡༣ ཉིན་མོན་གྷོ་འདོད་རྒུ་གླིང་དུ་ས་གནས་ཀྱི་སྙན་ངག་གྱེར་འདོན་འགྲན་ཚོགས་སྐབས་དང་བོའི་བོད་ཀྱི་གདངས་སྙན་ངག་གྱེར་འདོན་འགྲན་ཚོགས་ཞེས་པའི་སྙན་ངག་གི་འདུ་ཚོགས་དེ་དངོས་སུ་ཚོགས་ཡོད་པ་རེད། ཐེངས་འདིའི་སྙན་ངག་གྱེར་འདོན་འདུ་ཚོགས་སྟེང་སྙན་ངག་གྱེར་འདོན་པ་ཉེར་གཉིས་དང་། ས་གནས་གྲོས་ཚོགས་ཀྱི་ཚོགས་གཙོ་དང་སློབ་གྲྭ་ཁག་གི་སློབ་སྤྱི། དགའ་འབྲས་བླ་སྤྱི་དང་གྲྭ་ཚང་ཁག་གི་ཕྱག་མཛོད་རྣམ་པ། གཞན་ཡང་སྐུ་མགྲོན་དང་གཟིགས་མོ་བ་སོགས་མི་སུམ་བརྒྱ་ལྷག་འདུ་ཚོགས་འདིར་མཉམ་ཞུགས་གནང་། ལས་རིམ་འགོ་འཛུགས་སྐབས། འོད་དཀར་དྲ་ཚིགས་ཀྱི་དྲ་བདག་ཨ་ལགས་ཤིང་བཟའ་རིན་པོ་ཆེ་མཆོག་གིས་གསུངས་དོན། ང་ཚོས་དམིགས་ཡུལ་ཆེན་པོ་ཞིག་བཟུང་སྟེ་ལས་རིམ་འདི་སྤེལ་བ་ཡིན་ལ།

དེ་ལས་མང་བ་། “མོན་གྷོ་འདོད་རྒུ་གླིང་དུ་ཚོགས་པའི་སྐབས་དང་བོའི་བོད་ཀྱི་གདངས་སྙན་ངག་གྱེར་འདོན་འགྲན་ཚོགས།” »

གནས་ཚུལ་མཁོ་འདོན་པ་མདའ་མོ་ཚང་རིག་པའི་ཁུ་བྱུག

ཕྱི་ལོ་༢༠༡༡།༦།༨ ནས་ཉིན་གསུམ་རིང་ར་ཤི་ཡའི་མངའ་སྡེ་འུ་ལན་ཨོ་བདེ་ཡི་བསམ་འཕེལ་འགྲེམ་སྟོན་ཁང་དུ་བོད་ཀྱི་པར་རིས་དང་།དཀྱིལ་འཁོར་སོགས་འགྲེམ་སྟོན་གཞི་རྒྱ་ཆེ་བ་ཞིག་གནང་ཡོད་འདུག

དེ་ལས་མང་བ་། “ར་ཤི་ཡར་བོད་ཀྱི་རིག་གཞུང་འགྲེམ་སྟོན་གནང་བ།” »

མཚོ་སྔོན་རྒྱལ་སྤྱིའི་ཐང་ག་སྒྱུ་རྩལ་རིག་གནས་ཤུལ་བཞག་དངོས་མང་བཤམས་སྟོན་ཚོགས་འདུ་དང་རེབ་གོང་ཐང་ག་འཛམ་གླིང་དངོས་མིན་ཤུལ་བཞག་དངོས་མང་བཤམས་སྟོན་ཚོགས་འདུ་སྐབས་གསུམ་པའི་མགོ་རྩོམ་མཛད་སྒོ་དེ་རེབ་གོང་ནས་བསྡུས་པ།

དེ་ལས་མང་བ་། “༼ རེབ་གོང་ཐང་གའི་གཟི་ཉམས༽རེབ་གོང་དུ་ཚོགས་པ།” »

༄༅། །བོད་ནི་འཛམ་གླིང་གི་མཐོ་སར་གནས་པའི་རང་བཙན་གྱི་རྒྱལ་ཁབ་ཅིག་ཡིན་པ་མ་ཟད། སྐད་ཡིག་དང་། གོམས་གཤིས། རིག་གཞུང་། ས་ཁྱོན། མི་འབོར། ལོ་རྒྱུས་གང་ཅིའི་ཐད་ནས་རང་བཙན་གཙང་མར་ཁུངས་སྐྱེལ་ལྡན་པ་ཞིག་ཀྱང་ཡིན། ཕྱི་ལོ་ ༡༩༤༩ ནང་རྒྱ་དམག་བོད་དུ་སླེབས་འགོ་བཙུགས་པ་ནས་བཟུང་བོད་ཀྱི་ཁོར་ཡུག་ལ་གནོད་སྐྱོན་དང་འཕྲོག་བཅོམ། ཚད་མེད་ཀྱི་གཏོར་བཅོམ་བཏང་བ་དང་། བོད་མི་ས་ཡ་གཅིག་དང་འབུམ་གཉིས་ལྷག་གི་ཚེ་སྲོག་ཤོར་བ། དགོན་པ་དྲུག་སྟོང་ཙམ་གཏོར་བཤིག་བཏང་བ་མ་ཟད། ༡༩༥༩ ལོར་བོད་རྒྱལ་ཁབ་ཆེན་པོའི་ས་ཁུངས་ཆ་ཚང་དངོས་སུ་བཙན་བཟུང་བྱས་ཏེ། ༸གོང་ས་མཆོག་གིས་གཙོས་བོད་མི་གཅིག་འབུམ་ལྷག་ཅིག་རྒྱ་གར་གཙོ་བོ་གྱུར་བའི་རྒྱལ་ཁབ་མང་པོའི་ནང་སྐྱབས་བཅོལ་དུ་འགྲོ་དགོས་བྱུང་ཡོད། ༢༠༠༨ ལོའི་ཞི་རྒོལ་ཆེན་མོ་ནས་བཟུང་། ༢༠༡༡ ་བར་དུ་བོད་མི་དམར་གསོད་བཏང་བ་ ༢༨༥ དང་། ཉེས་མེད་བཙོན་དུ་ཚུད་པ་དང་གར་སོང་ཆ་མེད་དུ་གྱུར་བ་ ༢༢༡༩ ཙམ་ཡོད། ད་དུང་བོད་ལ་འགྲོ་བ་མིའི་ཐོབ་ཐང་དང་ཆོས་དད་རང་མོས། སྨྲ་བརྗོད་རང་དབང་། རིག་གཞུང་སྲུང་སྐྱོབ་ཀྱི་ཐོབ་ཐང་སོགས་ཉིན་རེ་ནས་ཉིན་རེར་གནས་སྟངས་ཇེ་སྡུག་དང་ཛ་དྲག་ཆགས་བཞིན་ཡོད།

དེ་ལས་མང་བ་། “རྐང་འཁོར་རྒྱང་བསྐྱོད་ཀྱི་ལས་འགུལ།” »

རིག་འཛིན་གྱིས།

༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ནིའུ་ཛི་ལན་ཌི་ནང་གི་མཛད་འཕྲིན་ཡོངས་སུ་གྲུབ་ཏེ་ཕྱི་ལོ༢༠༡༡ཟླ
་བ༦ཚེས་༡༡ཞོགས་པ་ཆུ་ཚོད་བརྒྱད་དང་ཕྱེད་ཀའི་ཐོག་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ཨོ་སི་ཀྲི་ལེ་ཡའི་གྲོང་ཁྱེར་མལ་སྦོན་གནང་ཐང་དུ་ཞབས་སོར་བདེ་བར་འཁོད་གནང་ཡོད། དེ་ རིང་ཞོགས་པ་ཨོ་སི་ཀྲི་ལེ་ཡའི་གྲོང་ཁྱེར་མལ་སྦོན་གནམ་ཐང་དུ་བོད་པའི་ཆོས་ཚོགས་ཁག་གི་དགེ་བཤེས་དང་དགེ་འདུན་པ་བོད་རིགས་མི་མང་བདུན་བཅུ་ལྷག་ཙམ་དེ་བཞིན་ཕྱི་རྒྱལ་བ་བཅས་དད་ལྡན་མི་མང་རྣམས་ཀྱིས་རང་ལུགས་ཀྱི་བོད་ཆས་གྱོན་ཏེ་ ལག་ཏུ་མཇལ་དར་དང་མེ་ཏོག་དེ་བཞིན་བོད་པའི་སློབ་ཕྲུག་རྣམས་ཀྱིས་ལག་ཏུ་བཀྲ་ཤིས་རྟགས་བརྒྱད་བཟུང་ནས་དགའ་དད་སྤྲོ་གསུམ་གྱི་སྒོ་ནས་༧གོང་ས་མཆོག་ལ་ཕེབས་བསུ་གཟབ་རྒྱས་ཞུས་ཡོད་ལ།ཨོ་སི་ཀྲི་ལེ་ཡའི་ནང་གི་གསར་འགྱུར་བརྒྱུད་ལམ་ཁག་གི་གསར་འགོད་པ་མང་དག་ཞིག་གིས་དོ་སྣང་ཆེན་པོས་ཕེབས་ཡོད་པ་མ་ཟད་བོད་མི་རེ་ཟུང་ལ་༧གོང་ས་མཆོག་འདིར་ཕེབས་པར་སེམས་ཚོར་ཅི་འདྲ་བྱུང་མིན་གྱི་བཀའ་འདྲི་གནང་ཡོད་ལ། དེ་བཞིན་དུ་བོད་པའི་སྐོར་ལ་རྒྱུས་ལོང་གནང་བཞིན་འདུག

དེ་ལས་མང་བ་། “༧ གོང་ས་མཆོག་ཨོ་སི་ཀྲི་ལི་ཡའི་གྲོང་ཁྱེར་མལ་སྦོན་དུ་ཞབས་སོར་བདེ་བར་འཁོད་ཡོད།” »

ཕྱི་ ལོ་ ༢༠༡༡ ཟླ་ ༦ ཚེས་ ༨ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་ཨུ་རྒྱན་ཚེ་རིང་ཚང་གི་རྔ་པ་ཀིརྟི་ དགོན་གྱི་གྲྭ་དགེ་འཕེལ། རང་ལོ་ ༢༣ དང་ཕ་མིང་ལ་ཨུ་རྒྱན་ཚེ་རིང་ ཡིན་པ་ཁོང་དང། ཡང་རྨེའུ་རུ་མའི་རུ་ཆེན་དང་པོའི་ཨ་ཀྱཱ་ཀྱཱ་(མི་སྐྱ་)། རང་ལོ་ ༣༠ གཉིས་འཛིན་བཟུང་བཀག་ཉར་བྱས་ཡོད་ཀྱང་ཁོང་གཉིས་ འཛིན་བཟུང་བྱས་པའི་ཟླ་ཚེས་དང་དེང་སྐབས་གང་དུ་བཀག་ཉར་བྱས་ཡོད་མེད་སོགས་གསལ་ པོ་ཤེས་རྟོགས་མ་བྱུང་ཡང་། ཨ་ཀྱཱ་ཀྱཱ་ལ་གསུམ་པའི་ བཅུ་དྲུག་ཉིན་ཕུན་ཚོགས་ཀྱིས་རང་ལུས་མེར་སྲེག་བཏང་རྗེས་མི་མང་གིས་ཡར་ལངས་བྱེད་སྐབས་སྣེ་འཁྲིད་པའི་དོགས་གཞིའི་འོག་བཟུང་བ་ཞིག་ཡིན་འདུག

དེ་ལས་མང་བ་། “ཨ་མདོ་རྔ་པའི་གནས་སྟངས།” »

བོད་གཞུང་དྲ་བས་གནས་ཚུལ་སྤེལ་བ་ལྟར་ན།
འདི་གར་ཕྱི་ལོ་ ༢༠༡༡ ཟླ་ ༦ ཚེས་ ༦ ཉིན་ཁུངས་ལྡན་གནས་ཚུལ་དང་བརྙན་དཔར་ལག་སོན་བྱུང་བ་ལྟར་ན། ཕྱི་ལོ་ ༢༠༡༠ ཟླ་ ༤ ཚེས་ ༨ ཉིན་ཁམས་ཉག་རོང་གུ་རུ་དགོན་པའི་གྲྭ་རང་ལོ་ ༢༢ སོན་པ་ཨ་ཕོ་་བཀྲིས་དང་། རང་ལོ་ ༡༩ སོན་པ་ཚེ་རིང་རྒྱལ་མཚན། རང་ལོ་ ༢༢ སོན་པ་གྲྭ་ཚེ་རིང་དབང་ཕྱུག གཞན་བྱམས་འབྱོར་དགོན་པའི་གྲྭ་རིག་འཛིན་རྡོ་རྗེ་བཅས་དགེ་འདུན་པ་བཞིས་མ་གྲོས་བསམ་པ་གཅིག་མཐུན་གྱིས་ཉག་རོང་རྫོང་ཐོག་ཏུ་སྦྱར་ཡིག་འགྲེམས་གཏོར་དང་འབྲེལ་༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་རང་བཙན་ཡིན། ༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་བརྗོད་པ་་སོགས་ཀྱི་ཞི་བའི་འབོད་ཚིག་སྒྲོགས་ཏེ་བོད་ཀྱི་རྒྱལ་དར་འཕྱར་བཞིན་ཉག་རོང་རྫོང་ཐོག་ཏུ་ཞི་བའི་སྐད་འབོད་་སྐར་མ་ཁ་ཤས་བྱས་རྗེས་སྤྱི་བདེ་ཉེན་རྟོག་པས་འཛིན་བཟུང་བྱེད་པར་ཡོང་སྐབས་མང་ཚོགས་ནས་བཀག་འགོག་དང་སྲུང་སྐྱོབ་འོག་དགེ་འདུན་པ་གསུམ་སྦག་སྦག་བཞོན་ནས་ཉེན་གཡོལ་གྱིས་འཛིན་བཟུང་ཐུབ་མེད་ཀྱང་།

དེ་ལས་མང་བ་། “ཉག་རོང་དུ་དགེ་འདུན་པས་ངོ་རྒོལ།” »