(བོད་པ་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་གིས་བོད་ཀྱི་སྐོར་ལ་དྲང་བདེན་མ་ཡིན་པའི་ཆབ་སྲིད་ཀྱི་དྲིལ་བསྒྲགས་དང་། ལྷག་པར་བོད་ཨ་མདོ་རྔ་བ་དང་ཁམས་དཀར་མཛེས་ནང་གི་དྲག་གནོན་ལ་ངོ་རྒོལ།)

གནས་ཚུལ་མཁོ་གཏོང་བ། གཅན་སྣང་བ་ཚེ་རིང་བཀྲ་ཤིས། (ལྡི་ལི་མཐོ་སློབ།)
ངྷ་རམ་ས་ལ། ༢༠༡༡ ལོའི་ཟླ་༧ པའི་ཚེས༡༣ ཉིན།
ཉེ་ལམ་རྒྱ་ནག་གཞུང་གིས་བོད་ནང་དུ་སྤེལ་བཞིན་པའི་ཆབ་སྲིད་ཀྱི་དྲིལ་བསྒྲགས་ཁག་གཉིས་ཏེ། རྒྱ་ནག་དམར་ཤོག་གཞུང་བཙུགས་ནས་མི་ལོ་༩༠འཁོར་བའི་དུས་དྲན་དང་། བོད་ཞི་བས་བཅིངས་འགྲོལ་བཏང་ནས་མི་ལོ་༦༠ འཁོར་བའི་དུས་དྲན་སྲུང་བརྩི་བྱས་པ་ལ་མཐའ་གཅིག་ཏུ་ངོ་རྒོལ་མཚོན་ཆེད། བོད་པ་དང་བོད་དོན་རྒྱབ་སྐྱོར་བ་ཚོས་ཐེག་ཆེན་ཆོས་གླིང་གཙུག་ལག་ཁང་ནས་ངྷ་ས་ཉིན་མོའི་སློབ་གྲྭའི་བར་ཞི་བའི་ཁྲོམ་སྐོར་གྱི་ལས་འགུལ་ཞིག་སྤེལ་ཡོད་ལ། ལོ་ངོ་དྲུག་ཅུའི་རིང་ལ་རྒྱ་ནག་གཞུང་གི་མནར་གཅོད་འོག་འདས་གྲོངས་སུ་ཕྱིན་པའི་བོད་མི་རྣམས་ལ་མྱ་ངན་གུས་འདུད་མཚོན་ཆེད་ལས་འགུལ་ཁྲོད་ཀྱི་འཛུལ་ཞུགས་པ་ཡོངས་ནས་༼བོད་རང་བཙན་༽ཞེས་འཁོད་པའི་གཅིག་གྱུར་གྱི་སྟོད་ཐུང་ནག་པོ་གྱོན་པ་དང་ལག་ལ་དར་ཆ་ནག་པོ་རྐྱང་རྐྱང་བསྣམས་ནས་ཁྲོམ་སྐོར་དེ་དབུ་འཛུགས་ཞུས་སོང་།

དེ་ལས་མང་བ་། “བོད་པ་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་གི་དྲག་གནོན་ལ་ངོ་རྒོལ།” »

ཀླུ་སྨྱོན།
>
ཞོགས་པའི་ཆུ་ཚོད་བརྒྱད་པ་ཙམ་ལ་ཡར་ལངས་ནས་མགྲོན་ཁང་གི་ཁ་གཏད་དུ་ཡོད་པའི་འཚིག་ཇ་འཚོང་ཁང་དེར་སོང་སྟེ་མེ་ཏོག་གི་ཇ་ཞིག་དང་བག་ལེབ་ཅིག་ཉོས་ཏེ་ཐག་ཉེ་ས་རུ་ཡོད་པའི་ཨ་རིའི་གྲོས་ཚོགས་ཁང་ཆེན་གྱི་མདུན་ཐང་དེར་གོང་ས་མཆོག་གིས་འཛམ་གླིང་ཞི་བདེའི་སྐོར་གྱི་བཀའ་སློབ་གནང་ས་དེར་སོང་། ལམ་ཁ་རུ་ཉི་འོད་ཇེ་ཚ་རུ་འགྲོ་བཞིན་པ་དང་མི་ཚོགས་སྐོར་དང་སྐོར་བྱས་ནས་ཐང་ཆེན་དེར་སྐྱོད་བཞིན་འདུག་ལ་དང་བླངས་ཞབས་ཞུ་བ་དག་གིས་ཆུ་གྲང་མོ་དག་རིན་མེད་དུ་སྟེར་བཞིན་འདུག སྡོད་ས་ཞིག་བདམས་ཏེ་ཆུ་ཚོད་གཅིག་ལྷག་ལ་སྒུག་རིང་ཨ་རིའི་མི་ནག་བུད་མེད་སྐད་གྲགས་ཆེན་པོ་ཅན་མིང་མི་དྲན་པ་ཞིག་གིས་གོང་ས་མཆོག་ལ་ཆེ་བསྟོད་དང་འབྲེལ་གཏམ་བཤད་དང་། དེ་རྗེས་གཞས་མ་ཞིག་གིས་བོད་ཀྱི་ཆེད་དུ་བཏང་པའི་གཞས་ང་ཚོ་ཁྱིམ་དུ་ལོག་འགྲོ་ཞེས་པ་ཞིག་ལ་ཉན་བཞིན་པའི་དུས་དེར་རྒྱལ་བ་ཀརྨ་པ་ཡང་དེར་ཕེབས་སོང་

དེ་ལས་མང་བ་། “ཨ་རིའི་རྒྱལ་སའི་ཉིན་ཐོ། བཞི་པ།” »

གནས་ཚུལ་མཁོ་གཏོང་བ་རིག་བཟང་།

བོད་མི་མང་སྤྱི་འཐུས་རྨོག་རུ་བསྟན་པ་དང་། ནོར་གླིང་ཉམས་ཞིབ་པ་བསྟན་འཛིན་རབ་རྒྱས་གཉིས་ཀྱིས་གོ་སྒྲིག་བྱས་པའི་༼ཤེས་རབ་ཀྱི་ནམ་མཁར་ཕྱོགས་པའི་འདུ་འཛོམས་ཐེངས་གསུམ་པ་༽དེ་ཕྱི་ལོ་ ༢༠༡༡།༧།༦ ་སྐུའི་འཁྲུངས་སྐར་ཉིན་གྱི་ཕྱི་དྲོ་ཆུ་ཚོད་ ༢ ་པའི་སྟེང་རྡ་ས་གངས་སྐྱིད་དུ་ཡོད་པའི་བོད་ཀྱི་དཔེ་མཛོད་ཚོགས་ཁང་དུ་བསྐྱངས་ཤིང་། དེར་སྐུ་མགྲོན་རྣམས་དང་། བགྲོ་གླེང་འདུ་འཛོམས་པ་བཀུར་འོས་བོད་མི་མང་སྤྱི་འཐུས་ཁག་དང་། སྤྱི་ཟུར། གསར་འགོད་པ་དང་། ཉམས་ཞིབ་པ། རྩོམ་པ་པོ། སྙན་ངག་པ། སྒྱུ་རྩལ་པ་སོགས་མི་གྲངས་དྲུག་ཅུ་ལྷག་ཅིག་རྒྱས་འཛོམས་གནང་སྟེ་༸གོང་ས་སྐྱབས་མགོན་ཆེན་པོའི་སྐུའི་འཁྲུངས་སྐར་སྲུང་བརྩི་དང་འབྲེལ་ཤེས་རབ་ཀྱི་ནམ་མཁར་ཕྱོགས་ཏེ་ཤིས་ཚིག་སྒྲོན་འབུལ་དང་། ཤེས་རབ་ཀྱི་ནམ་མཁར་ཕྱོགས་ཏེ་སྙན་ངག་གྱེར་བ། ཤེས་རབ་ཀྱི་ནམ་མཁར་ཕྱོགས་ཏེ་གཏམ་བཤད་སྤེལ་བ་སོགས་གནང་བ་དང་། འདུ་འཛོམས་འདི་དང་སྟབས་བསྟུན། དམིགས་བསལ་༸ གོང་ས་མཆོག་གི་མཛད་རྗེས་གླེང་སྟེགས་༼རྨོག་རུ་ཚང་གི་ཕོ་བྲང་༽ཞེས་པའི་དྲ་ཚིགས་གསར་པ་ཞིག་འོས་བསྡུའི་ལས་འཕར་འགན་འཛིན་གཡང་མཁོ་རྒྱལ་ལགས་ཀྱིས་སྒོ་འབྱེད་ཞུས།

དེ་ལས་མང་བ་། “ཤེས་རབ་ཀྱི་ནམ་མཁར་ཕྱོགས་པའི་འདུ་འཛོམས་སྐབས་གསུམ་པ་བོད་ཀྱི་དཔེ་མཛོད་ཚོགས་ཁང་དུ་འཚོགས།” »

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་བརྙན་དེབ་༼འཇིག་རྟེན་མིག་འབྱེད༽་ཅེས་བྱ་བ་འདི་ནི། མདོ་སྨད་བཙན་རྒོལ་བདེན་རྒྱབ་མནའ་འབྲེལ་རྩོམ་སྒྲིག་ཚོགས་ཆུང་གིས་མགོན་པོ་མཆོག་མདོ་སྨད་ས་ཡི་ཐིག་ལེར་སྐུའི་མཚན་དཔེ་མངོན་པར་བཞད་དེ་དགུང་གྲངས་ ༧༥ ཕེབས་པའི་གཞུང་འབྲེལ་ལོ་འཁོར་གཅིག་གི་མཛད་འཆར་ཁོངས་སུ་རྩོམ་སྒྲིག་ཞུས་པ་ཞིག་ཡིན་ཞིང་། བརྙན་དེབ་འདི་དཔར་སྐྲུན་ཞུས་པ་བརྒྱུད། སྐལ་ལྡན་ཀློག་པ་པོ་རྣམས་ཀྱིས་༸རྒྱལ་བ་ཐམས་ཅད་མཁྱེན་པའི་མཛད་འཕྲིན་གཞལ་ཡས་ཆུ་གཏེར་ཆེན་པོ་ལས་ཟིལ་རྡུལ་ཙམ་མཇལ་བའི་བྱིན་མཐུས། མགོན་པོ་གང་གི་ཡོན་ཏན་ཚོར་བའི་སྒོ་ནས་བཀའ་དྲིན་རྗེས་དྲན་གྱི་བསོད་ནམས་གསོག་པའི་རྒྱུ་རུ་འགྱུར་ཐུབ་པ་དང་། རྩོམ་སྒྲིག་ཚོགས་ཆུང་ནས་མདོ་སྨད་གཞིས་བྱེས་མི་དམངས་ཀྱི་ཚབ་ཞུས་ཏེ། མགོན་པོ་མཆོག་འགྲོ་བ་མིའི་རིགས་ཀྱི་མགོན་དཔུང་དམ་པར་སྐུ་ཚེ་༸ཞབས་པད་བསྐལ་བརྒྱར་བཞད་པའི་བརྟན་བཞུགས་ཀྱི་ཚུལ་དུ་ཕུལ་བ་ཡིན།

དེ་ལས་མང་བ་། “༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་བརྙན་དེབ་༼འཇིག་རྟེན་མིག་འབྱེད༽དབུ་འབྱེད་བསྐྱངས་པ།” »

གྲགས་པ་ནས།

༄ ༅།།དེ་རིང་གི་ཉིན་མོ་འདི་ནི་རང་ཅག་བོད་མི་ཡོངས་ཀྱི་བླ་ན་མེད་པའི་མགོན་ སྐྱབས་མཚུངས་ཟླ་མ་མཆིས་པ། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༦ལ་ཕེབས་པའི་སྐུའི་ འཁྲུངས་སྐར་དུས་ཆེན་འཛམ་གླིང་ཡུལ་གྲུ་གང་སར་སྲུང་རྩི་བྱེད་ཀྱིན་ཡོད་ཀྱང།

དེ་ལས་མང་བ་། “དམ་དྲག་དང་བཀག་འགོག་ཁྲོད་ཀྱི་འཁྲུངས་སྐར་སྲུང་རྩི།” »

མིག་བརྒྱད་པ།

སྐུ་མཆོག་མི་འགྱུར་འགྲོ་བའི་དོན་དུ་བཞུགས། །
གསུང་དབྱངས་མི་འགྱུར་ཟབ་མོའི་གཏམ་གྱིས་མཛེས། །
ཐུགས་ནི་མི་འགྱུར་འོད་གསལ་ཡངས་བའི་མཁའ། །
མཚུངས་མེད་སྐྱབས་མགོན་དད་གསུམ་སྙིམ་པས་མཆོད། །

ཁམས་དང་མོས་བའི་རྗེས་འགྲོ་བ། །
ཐུགས་རྗེའི་རྒྱ་མཚོ་གཡོ་བ་ལས། ། །
མདོ་སྨད་ས་ཡི་ཐིག་ལེ་རུ། ། །
ཁྱོད་སྐུ་ཟླ་བ་གཞོན་ནུ་འཁྲུངས། །

དེ་ལས་མང་བ་། “༧གོང་ས་མཆོག་སྐུ་འཁྲུངས་ནས་དགུང་གྲངས་དོན་དྲུག་འཁོར་བའི་འཁྲུངས་སྐར་ལ་ཕུལ་བ།” »

རྔ་པ་རྫོང་ཆོས་རྗེ་མ་ཞང་གི་ཆོས་རྗེ་མ་སྡེ་བའི་རྒྱ་མཚོ་ (གདོང་ཤོ)། རང་ལོ་ ༦༣ ཙམ་ཡིན་པ་ཁོང་ཟླ་ ༤ ཚེས་ ༢༧ ཡས་མས་སུ་འཛིན་བཟུང་བཀག་ཉར་བྱས་ཡོད་ཅིང་། ད་ལྟ་མུ་མཐུད་བཀག་ཉར་ བྱེད་མུས་ཡིན་འདུག ཁོང་འཛིན་བཟུང་བྱེད་དགོས་པའི་རྒྱུ་རྐྱེན་ནི་འདི་ལོའི་ཕྱི་ཟླ་ ༤ ཚེས་ ༡༢ ནས་ཚེས་ ༢༢ བར་ཉིན་མཚན་གཉིས་ཀར་རྔ་པ་ མི་མང་གིས་རྔ་པ་ཀིརྟི་དགོན་པའི་གྲྭ་པ་རྣམས་འཛིན་བཟུང་བྱེད་མི་ཆོག་པའི་རྣམ་ འགྱུར་བསྟན་ནས་དྲག་དཔུང་གི་གདོང་ལ་ལངས་ཡོད་ལ། ཉིན་དེ་དག་གི་རིང་རྒྱ་གཞུང་གིས་ཞི་དྲག་སྣ་ཚོགས་ ཀྱིས་མི་མང་རྣམས་རང་རང་སར་འགྲོ་དགོས་པའི་སྐུལ་མ་བྱས་ཀྱང་གཏན་ནས་འགྲོ་འཇུག་ ཐུབ་མེད་སྟབས། རྒྱ་མཚོས་རྫོང་སྲིད་གཞུང་ལ་བརྗོད་དོན། གལ་སྲིད་དངོས་གནས་གྲྭ་པ་རྣམས་འཛིན་བཟུང་བྱེད་རྒྱུ་མིན་ན་ཁེགས་ཐེག་ཡི་གེ་ བྲིས་ དང་མི་མང་རྣམས་རང་རང་སར་འགྲོ་འཇུག་རྒྱུའི་འགན་ངས་ལེན་ཐུབ་ཅེས་བཤད་མོད། རྒྱ་གཞུང་ལ་འཆར་གཞི་ཡོད་པས་ཡི་གེ་ག་ལ་འབྲི། ཉིན་ཤས་རྗེས་ནས་རྔ་པ་རྫོང་ཉེན་རྟོག་མི་སྣས་ཁོང་རྨ་ཆུ་རྫོང་ཐོག་ནས་འཛིན་ བཟུང་གིས་བཀག་ཉར་བྱས་ཡོད་ལ། ཁོང་འཛིན་བཟུང་བཀག་ཉར་བྱས་ པ་ནས་ས་གནས་གང་དུ་བཀག་ཉར་བྱས་ཡོད་མེད་ཙམ་གྱི་གནས་ཚུལ་ཡང་གསལ་པོ་འབྲེལ་ཡོད་ ཚོས་ཤེས་རྟོགས་ཐུབ་ཀྱི་མེད་འདུག ཁོང་གི་ཤུལ་དུ་གཟའ་ཟླ་མ་གཏོགས་ནང་མི་གཞན་གང་ཡང་མེད་འདུག

དེ་ལས་མང་བ་། “ཕྱི་ ལོ་ ༢༠༡༡ ཟླ་ ༦ ཚེས་ ༢༨ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག” »

ཕྱི་ ལོ་ ༢༠༡༡ ཟླ་ ༦ ཚེས་ ༢༤ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག འདི་ལོའི་ཕྱི་ཟླ་ ༣ ཚེས་ ༡༦ ཉིན་རྔ་པ་ཀིརྟི་དགོན་པའི་གྲྭ་བློ་བཟང་ ཕུན་ཚོགས་མཆོག་གིས་རང་སྲོག་བློས་བཏང་ནས་ད་ལྟའི་བོད་ནང་གི་དངོས་ཡོད་གནས་ཚུལ་ རྒྱལ་སྤྱིའི་ཐོག་གསལ་འདོན་བྱས་ཡོད་ལ། སྐབས་དེར་རྔ་པ་རྫོང་མཁར་དུ་ཡོད་པའི་མི་མང་གིས་ཀྱང་རང་ཉིད་ཀྱི་མངོན་འདོད་གསལ་བརྗོད་བྱས་ཤིང་། ད་ལྟའི་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་ལ་འདོད་པ་ མེད་པའི་ངོ་རྒོལ་སྐད་འབོད་བྱས་ཡོད། རྐྱེན་དེ་ལ་བརྟེན་ནས་ཕྱི་ཟླ་ ༣ ཚེས་ ༢༠ ཡས་མས་སུ་རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་བར་མ་ཚང་གི་དཔལ་ འབྱོར། རང་ལོ་ ༣༨ ཡིན་པ་ཁོང་འཛིན་བཟུང་གིས་བཀག་ཉར་བྱས་ཡོད་ལ། ཁོང་གསུམ་པའི་བཅུ་དྲུག་གི་མི་མང་ཡར་ལངས་སྐབས་མཉམ་ཞུགས་བྱས་པའི་དོགས་གཞིའི་འོག་བཟུང་བ་ཞིག་ཡིན་འདུག ཁོང་གི་ཕ་མིང་ལ་རྒྱ་མཚོ་ཞུ་བ་སྔ་མོ་ནས་འདས་ཟིན། མ་མིང་ལ་སྒྲོན་མཚོ་ཞུ་བ་སྙིང་གི་ན་ཚ་ཡོད་སྟབས་ཁོང་འཛིན་བཟུང་བྱས་ནས་ཟླ་བ་གསུམ་ལྷག་སོང་རིང་ཁོང་འཛིན་བཟུང་བྱས་པའི་སྐོར་གསང་བ་བྱས་ཏེ་ཤེས་སུ་བཅུག་མེད་འདུག ཁོང་གི་ཁྱིམ་དུ་གཟའ་ཟླ་དང་བུ་ཕྲུག་གཉིས་བཅས་ནང་མི་གསུམ་ཡོད།

དེ་ལས་མང་བ་། “དེ་རིང་གི་རྔ་པའི་གནས་སྟངས།” »

( ཁེ་ན་ཊའི་གྲོང་ཁྱེར་ཝན་ཁོ་ཝར་ལ་རྟེན་གཞི་བྱས་ཡོད་པའི་ཁྲ་འགུ་དགོན་དུ༼ཀརྨ་དགུ་བརྒྱའི་དུས་དྲན་༽དང་ ༼༢༠༡༡ བྱང་ཨ་མེ་རི་ཁའི་བཀའ་བརྒྱུད་སྨོན་ལམ༽འཚོགས་ཉེའི་སྐོར། )
ཆུ་སྐྱེས་སྒྲོལ་མ།

༄༅། ཀརྨ་པ་དགུ་བརྒྱའི་དུས་དྲན་ནི། དཔལ་རྒྱལ་བ་ཀརྨ་པ་སྐུ་ཐོག་དང་པོ་དུས་གསུམ་མཁྱེན་པ་སྐུ་འཁྲུངས་ནས་ལོ་འཁོར་དགུ་བརྒྱ་འཁོར་བར་རྗེས་དྲན་ཞུ་བའི་དུས་དྲན་ཅིག་ཡིན་པ་དང༌། དུས་དྲན་འདི་ནི་དཔལ་རྒྱལ་བ་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་དབུ་བཞུགས་ཐོག་གནས་མཆོག་རྡོ་རྗེ་གདན་དུ་ཕྱི་ལོ་ ༢༠༡༠ ཟླ་ ༡༢ པའི་ནང་ཐོག་མར་དབུ་འཛུགས་གནང་བ་དང༌། འདི་ལོའི་ཕྱི་ཟླ་ ༡༢ བར་ལོ་གཅིག་རིང་དུས་དྲན་སྲུང་བརྩི་གནང་གི་ཡོད།

དེ་ལས་མང་བ་། “༼ཀརྨ་དགུ་བརྒྱའི་དུས་དྲན་༽དང་ ༼༢༠༡༡ བྱང་ཨ་མེ་རི་ཁའི་བཀའ་བརྒྱུད་སྨོན་ལམ༽འཚོགས་ཉེའི་སྐོར།” »

རྔ་བ་རྒྱལ་ཁམས་པ།

སྣ་ཚོགས་ཚོན་ལྡན་དར་གྱི་ཤམ་བུ་ལྕི་བསེར་རླུང་གིས་ལྷབ་ལྷུབ་བསྐྱོད།།
གཟབ་འཕྱོར་སྤྲས་པའི་ཕྱོགས་ཕེབས་མགྲོན་དག་གར་གྱི་འདུ་རྭ་ཟླུམ་པོར་བསྐོར།།
མདོ་འཛིན་པ་ཡི་ཟབ་སྙན་གླེང་བསླངས་རྣ་ལམ་དག་ཏུ་འོང་བ་ན།།
དགའ་སྡུག་མས་མིག་མཐའ་བརླན་ཞིང་ལ་རྒྱས་སྙིང་ཁམས་དྲག་ཏུ་ལྡང་།།
གླུ་གར་རྩེད་འགྲན་རྫོགས་ཐེངས་རེ་ལ་རིས་ཆད་ཐལ་སྐད་ལྡབ་ལྡིབ་གྲགས།།
ཆེ་ཆུང་གོ་བཟློག་བསྟོད་ཚིག་དག་གིས་སེའུ་བཅུའི་བློ་ཡི་གཤིས་ཤིག་བསྟན།།
སྒམ་ཚུགས་ཅན་གྱི་བགྲེས་གཞོན་ཁག་ཅིག་དོན་སྙིང་མེད་ཅེས་འཁང་ར་བྱེད།།
ཐ་དད་བློ་ཡི་འཁྱེར་སོ་གཉིས་ལ་གདོང་མར་རྣམས་ཀྱི་ལངས་ཕྱོགས་བགྲངས།།

དེ་ལས་མང་བ་། “༄།། སྡེ་བའི་གླུ་གར་འགྲན་ཚོགས།” »