གནས་ཚུལ་ཞིབ་ཕྲ་འོག་གི་སྦེ་སྦེ་སི་གསར་ལམ་ནས་ཤེས་པར་འགྱུར།
http://www.bbc.co.uk/news/world-asia-pacific-14520438

དེ་ལས་མང་བ་། “རྒྱ་ནག་རྡ་ལན་གྲོང་ཁྱེར་དུ་གཞུང་ལ་ངོ་རྒོལ་རྒྱ་ཆེན་ཞིག་བྱས་པའི་དཔར་འགའ་ཞིག” »

རྫ་ཚེ་རིང་བཀྲ་ཤིས།

འདི་ ལོའི་གངས་ལྗོངས་མཁས་པའི་ལྷན་ཚོགས་ཐེངས་བརྒྱད་པ་དེ་རྫ་དྲེལ་དཀར་དགོན་གྱི་ སྤྲུལ་སྐུ་ཚེ་རིང་ནས་གཙོ་བོའི་སྦྱིན་བདག་དང་། དྲེལ་དཀར་སྡེ་དགོན་སྤྱི་དང་ཁྱད་པར་དྲེལ་དཀར་བཤད་གྲྭའི་མཁན་སློབ་ཐུན་མོང་ནས་གྲ་ སྒྲིག་གི་འགན་འཁུར་གནང་ཐོག་གངས་ལྗོངས་མཁས་པའི་ལྷན་ཚོགས་ཀྱི་སྤྱི་ཁྱབ་ཚོགས་ པས་གཙོ་བོའི་གཟིགས་སྐྱོང་བཅས་ཀྱི་འོག ཟབ་རྒྱས་ངང་རྫ་ཆུ་ཁའི་རྫ་དྲེལ་དཀར་དགོན་དུ་འཚོགས། དེ་ ཡང་སྤྱི་ལོ་༢༠༡༡སྤྱི་ཟླ་༨པའི་ཚེས་༢ཉིན་ནས་ཉིན་ལྔའི་རིང་འཚོགས་བཞིན་ཡོད་པ་ དང་། ཚོགས་འདུ་དེར་གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་མཁན་པོ་ཚུལ་ ཁྲིམས་བློ་གྲོས། རྫ་སེལ་ཤུལ་དགོན་གྱི་ཁྲི་པ་སྙན་གྲགས་ཆེ་བའི་དགེ་བཤེས་ལྷ་རམས་པ་ཆེན་པོ་འཇམ་ དཔལ་བློ་ཤེར། རྫོགས་ཆེན་ཤྲི་སེང་ཧའི་མཁན་ཆེན་ཁྲི་འཛིན་མཁན་པོ་ཨ་ཆོས། ར་རྒྱ་ཤེས་རིག་ནོར་གླིང་གི་གླིང་གཙོ་འཇིགས་མེད་རྒྱལ་མཚན་མཆོག རྫོགས་ཆེན་སྤྲུལ་སྐུ་དབང་ཆེན་དར་རྒྱས་དང་གླིང་བླ་རིན་པོ་ཆེ། རྒྱལ་རོང་ནམ་སྤྲུལ་རིན་པོ་ཆེ། མཁར་ནང་སོ་དགོན་པའི་དགེ་བཤེས་ལྷ་རམས་པ་བསོད་ནམས་བཟང་པོ

དེ་ལས་མང་བ་། “རྫ་དྲེལ་དགོན་དུ་འཚོགས་པའི་འདི་ལོའི་གངས་ལྗོངས་མཁས་པའི་ལྷན་ཚོགས་སྐབས་བརྒྱད་པའི་ཐོག་མཐའི་གནས་ཚུལ་ཆ་ཚང་།” »

བོད། ལྷ་ཀླུ་གཉན་གསུམ།

དེ་རིང་དཀྱིལ་དབུས་སུ་འབོད་པའམ་ཨེས་སུ་རལ་གྱི་ལྷོ་ཕྱོགས། གྲོང་ཁྱེར་ཀྲེ་ལ་བས་ནས་ལྷོ་ཕྱོགས་ཨེས་ལ་གྲི་ལ་འགྲོ་བའི་རླངས་འཁོར་ཨང་གྲངས་དགུ་གསུམ་གཉིས། ཉིན་གོང་ཆུ་ཚོད་བཅུ་གཉིས་གཡས་མས་སུ་ཨེས་ལ་གྲའི་ཕྱོགས་སུ་ཤར་བསྐྱོད་བྱེད་བཞིན་པའི་སྐབས་སུ། འཇིགས་སྐུལ་བ་ཉི་ཤུའི་གྲུབ་པའི་ཚོ་ཁག་ཆུང་ཆུང་ཞིག གར་ཡོང་འདིར་ཡོང་མ་ཤེས་པར། ཐག་ཉེ་སའི་རི་སྒང་ནས་མེ་མདའ་བརྒྱབས་པ་དང་། རླངས་འཁོར་ནང་གི་མི་བདུན་གསད་འདུག་ལ། སོ་གསུམ་རྨས་འདུག རླངས་འཁོར་གཉིས་པ་ཞིག་ཡོང་བཞིན་པ་དེ་ཡི་ནང་དུ་ཁ་ལོ་བ་མ་གཏོགས་མེད་ན་ཡང་། འཇིགས་སྐུལ་བ་ཞིག་གིས་རང་ཉིད་ཀྱི་ལུས་སུ་བཏགས་པའི་འགད་རྫས་དང་མཉམ་དུ་ཁོ་རང་ཡང་ཤི་འདུག སྒེར་འཁོར་ཞིག་ལ་མེ་མདའ་བརྒྱབས་དེ་ནང་གི་མི་བཞི་གསད་འདུག

དེ་ལས་མང་བ་། “འཇིགས་སྐུལ་བས་རླངས་འཁོར་ལ་མེ་མདའ་བརྒྱབས་ནས་མི་བདུན་གསད་སོ་གསུམ་རྨས།” »

༼ཕྱི་ལོ་ ༢༠༡༡ ཟླ་ ༨ ཚེས་ ༡༨ ཉིན་བོད་ནས་འབྱོར་བའི་གནས་ཚུལ་ཁག་ཅིག༽

དེང་སྐབས་རྔ་པ་ཀིརྟི་དགོན་པའི་ཕྱི་ནང་དུ་ཉེན་རྟོག་པ་དང་དམག་མི་སོགས་ཀྱིས་དམ་བསྒྲགས་སྔར་བཞིན་ཡོད་པའི་འོག་ནས་གྲྭ་མང་ཚོགས་ཆུང་ཁག་བགོས་བྱས་ཏེ་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བ་མུ་མཐུད་སྤེལ་བཞིན་པར་མ་ཟད། ཉིན་ཤས་གོང་གྲྭ་པ་རྣམས་ལ་ཡིག་ཆ་རེ་བཀྲམས་ཡོད་པའི་ནང་ལ། དེ་སྔ་རྒྱ་གར་ལ་སོང་མྱོང་བ་རྣམས་དང༌། ཆབ་སྲིད་ཀྱི་ནག་ཉེས་ཕོག་མྱོང་བ་རྣམས། ད་ལོའི་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བའི་ལས་འགུལ་ནང་མཉམ་ཞུགས་མ་བྱས་པ་རྣམས། དེ་མིན་ད་ལོ་དགོན་པའི་ནང་ནས་གནས་དབྱུང་བཏང་བར་བསྙད་པའི་གྲྭ་པ་བཅས་གཅིག་ཀྱང་དགོན་པའི་ནང་ལ་གཏན་ནས་སྡོད་མི་ཆོག་ཚུལ་ནན་བརྗོད་བྱས་ཡོད་པ་དང༌། གྲྭ་པ་རྣམས་ལ་གྲྭ་པའི་ཐོབ་ཐང་ལག་ཁྱེར་ཟེར་བ་ཞིག་བཟོ་དགོས་ཚུལ་གླེང་བཞིན་ཡོད་ནའང༌། གྲྭ་མང་གིས་དེ་སྔ་ཡོད་པའི་གྲྭ་པ་ཚང་མ་དགོན་པའི་ཡོང་མ་བཅུགས་པ་ཡིན་ན་ལག་འཁྱེར་གཏན་ནས་ལེན་རྒྱུ་མིན་ཚུལ་གྱིས་དེ་ལ་མོས་མཐུན་གནང་གི་མེད་པར་མ་ཟད། དེའི་སྐོར་གླིང་བར་སོགས་ལ་ཡི་གེ་སྦྱར་འགྲེམས་བྱས་པ་སོགས་ཀྱི་གནས་ཚུལ་ཡང་ཡོང་གི་ཡོད་འདུག

དེ་ལས་མང་བ་། “རྔ་པ་ཀིརྟི་དགོན་གྱི་གནས་སྟངས།” »

གནས་ཚུལ་མཁོ་སྤྲོད་པ་རྟའུ་རྒྱལ་མཚན།
དེ་རིང་སྟེ་ཕྱི་ལོ་ ༢༠༡༡ ལོའི་ཟླ་ ༨ ཚེས་ ༡༥ དང་རྒྱ་གར་གྱི་རང་བཙན་ཉིན་མོར་བོད་ནང་གི་ཆུ་ཚོད་ ༡༢ དང་ཕྱེད་ཀའི་སྟེང་ཁམས་རྟའུ་རྫོང་ལོ་རྦ་གྲོང་དུ་ཕ་ཚོགས་གཉིས་དང་མ་མཆོག་ལེགས་གཉིས་ཀྱི་བུ་གྲྭ་ཚེ་དབང་ནོར་བུའམ། མིང་གཞན་ལ་ནོར་ཀོ་འདོད་པ་ཁོང་གིས་རྫོང་དཀྱིལ་གཞུང་ལམ་ཐོག་བོད་མི་མང་ལ་རང་དབང་དགོས། ༸གོང་ས་མཆོག་བོད་དུ་གནད་འདྲེན་ཞུ་དགོས་སོགས་འབོད་ཚིག་སྣ་ཚོགས་བྲིས་པའི་ཡིག་ཆ་མང་བོ་གཏོར་བར་མ་ཟད། རང་གི་ལུས་མེར་སྤར་བཞིན་ང་ཚོའི་བླ་མ་རང་ཡུལ་དུ་གདན་འདྲེན་ཞུ་དགོས། བོད་ལ་རང་དབང་དགོས་ཞེས་སྐད་འབོད་རྒྱག་བཞིན་སྐུ་གྲོངས་ཡོད་འདུག

དེ་ལས་མང་བ་། “རྟའུ་ཡི་གྲྭ་ཚེ་དབང་ནོར་བུས་བོད་དོན་ཆེད་རང་སྲོག་བློས་གཏོང་གནང་འདུག” »

མེ་སོར་གསར་འགོད་པས།
ཟླ་འདིའི་ཚེས་ ༡༢ ཉིན་གྱི་ཞོགས་པར་བསྐབས་བཅོ་ལྔ་པའི་སྤྱི་འཐུས་སྒྲོལ་མ་ཚེ་རིང་ལགས་དང་། སྤྱི་འཐུས་མཁན་ཆོས་གྲགས་རྒྱ་མཚོ་རྣམས་གཉིས་ཀྱིས་རྒྱ་གར་ལྷོ་ཕྱོགས་སྤེལ་ཀོབ་བདེ་སླར་གཞིས་ཆགས་ཀྱི་མང་ཚོགས་ལ་གཟིགས་སྐོར་གཏམ་བཤད་གནང་ཡོད་པ་རེད། དེ་ཡང་ཐོག་མར་སྤྱི་འཐུས་སྒྲོལ་མ་ཚེ་རིང་ལགས་ནས་༸གོང་ས་མཆོག་གི་མཛད་འཕྲིན་དང་འབྲེལ་བའི་གཏམ་བཤད་གནང་རྗེས། སྤྱི་འཐུས་མཁན་ཆོས་གྲགས་རྒྱ་མཚོ་ལགས་ནས་བཅའ་ཁྲིམས་བསྐྱར་བཅོས་དང་། སྐབས་བཅོ་ལྔ་པའི་གྲོས་ཚོགས་ཚོགས་དུས་དང་པོའི་སྐབས་ཀྱི་གཞུང་འབྲེལ་གྲོས་ཆོད། དེ་བཞིན་ས་གནས་འཐུས་ཚོགས་བཅས་ཀྱི་སྐོར་ལ་གཏམ་བཤད་གནང་རྗེས་མང་ཚོགས་དང་དྲི་བ་དྲིས་ལན་བྱས་ཡོད་པ་རེད།

དེ་ལས་མང་བ་། “མཚན་རྟགས་ཀྱི་དྲོད་མ་ཡལ་གོང་ནས་འགྱུར་བ་གཏོང་རྒྱུ་ཡ་མཚན་རེད།” »

ཉེ་བའི་ཆར་མདོ་སྨད་སྤྱི་འཐུས་སྒྲོལ་མ་མཚོ་མོས་སྤྱི་འཐུས་ཀྱི་ལས་གནས་ནས་རྩ་དགོངས་ཞུས་ཡོད་འདུག་པ་དང་། དགོངས་ཤོག་ནང་རྒྱུ་མཚན་བལ་ཡུལ་དུ་ཧི་མ་ལ་ཡའི་མི་རིགས་དང་བོད་མི་ཟུང་འབྲེལ་གྱི་བུད་མེད་ཀྱི་ལས་དོན་ཡར་རྒྱས་གཏོང་ཆེད་ཚོགས་པ་གསར་འཛུགས་ཀྱིས་ཁུར་གཙོ་བོ་ལེན་མཁན་ཡིན་པས། ལས་ཀ་མང་པོ་མཉམ་དུ་ལྕོགས་ཀྱི་མི་འདུག་ཅེས་འཁོད་ཡོད་ཚུལ་འདུག

དེ་ལས་མང་བ་། “མདོ་སྨད་སྤྱི་འཐུས་ཤིག་གིས་རྩ་དགོངས་ཞུས་པ།” »

སྐྱོ་བྲག་དགའ་དབང་།
དེང་སྐབས་ང་ཚོའི་སྤྱི་ཚོགས་ཁྲོད་བྱུང་བའི་གནས་ཚུལ་ཛ་དྲག་པའི་གླེང་སློང་ཆེ་ཤོས་ཤིག་ནི། སུ་ཇ་སློབ་གྲྭའི་སློབ་ཕྲུག་གི་རྐྱེན་ཆག་སྐོར་རེད། གནས་ཚུལ་འདི་གསར་འགྱུར་བརྒྱུད་ལམ་ཁག་ཏུ་ཐོན་མ་ཐག །རྒྱ་ཆེའི་མང་ཚོགས་དག་གིས་སེམས་ཚོར་སྐྱེན་པོས་གླེང་སློང་བྱས་ཡོད་ལ་བྱེད་དགོས་པ་ཞིག་ཀྱང་རེད། འོན་ཏེ་ད་དུང་གནས་ཚུལ་ཇི་མ་ཇི་མ་བཞིན་དང་ཆ་ཚང་བ་ཞིག་ང་ཚོས་ཤེས་རྒྱུ་ལྷག་ཡོད་པའི་ཆད་གསབ་ཏུ། ངས་སུ་ཇ་བོད་ཁྱིམ་ཡིག་ཚང་ནས་ ༢༠༡༡ ཕྱི་ཟླ་ ༨ ཚེས་ ༨ ཉིན་སྤེལ་བའི་ཡི་གེ་དེ་བརྒྱུད་སྤྲོད་བྱ་འདོད་བྱུང་། ཡིག་ཆ་འདིས་སྤྱི་ཚོགས་ཐོག་གླེང་སློང་བྱུང་བའི་སྒྲོ་སྐུར་མང་པོ་ཞིག་སེལ་ཐུབ་ཀྱི་རེད།

དེ་ལས་མང་བ་། “སུ་ཇ་བོད་ཁྱིམ་སློབ་གྲྭར་བྱུང་བའི་གནས་ཚུལ་ངོ་མ།” »

བོད་ཀྱི་དུས་བབ་ལས་དྲངས།

ཉེ་ཆར་བསྟན་འཛིན་སྒང་བོད་མིའི་གཞིས་ཆགས་ནང་བཟའ་ཚང་བར་གྱི་རྙོག་དྲ་ཞིག་བྱུང་སྟེ། མི་སྐོར་ཞིག་གིས་བུ་མོ་རིག་འཛིན་ཟེར་བ་ཞིག་གི་སྐྲ་བྲེགས་ཤིང་སྣ་བཅད་དེ། མི་ཚོགས་འདུ་འཛོམས་བྱེད་སའི་ཁྲོམ་གཞུང་ལ་སྐོར་སྐྱོད་བྱས་ཡོད་འདུག
ཟླ་སྔོན་མའི་ཕྱི་ཚེས་ ༡༦ ཉིན་ཨ་རུ་ན་ཅལ་མངའ་སྡེའི་བསྟན་འཛིན་སྒང་བོད་མིའི་གཞིས་ཆགས་ནང་། རྨོ་མོ་རྒན་འཁོགས་ཤིག་ལས་ནང་མི་གཞན་མེད་པའི་བུད་མེད་རིག་འཛིན་ཞུ་བ། ད་ལྟ་རང་ལོ་ ༣༠ ཡིན་པ་ཞིག་དང་བཟའ་ཟླ་ཡོད་པའི་སྐྱེས་པ་ཞིག་གི་བར་ལུས་འབྲེལ་བྱུང་པའི་གནས་ཚུལ་འོག་སྐྱེས་པ་དེའི་གཉེན་ཉེ་གཞིས་གྲོང་གསུམ་པའི་བསྟན་འཛིན་ཆོས་གྲུབ་དང་། རྡོ་རྗེ་རྒྱལ་མཚན། རྟ་མགྲིན་དབང་མོ། རིག་འཛིན་ཆོས་སྒྲོན། གཞིས་གྲོང་གཉིས་པའི་པ་སངས་དང་རྒྱལ་མཚན། པདྨ་བཅས་མི་ ༧ ཀྱིས་བུ་མོ་རིག་འཛིན་ཉེས་རྡུང་ཚད་མེད་བཏང་ཞིང་། མགོའི་སྐྲ་བཅད་པ་དང་།སྣ་ལ་ཇེམ་ཙེ་བརྒྱབ་པ་སོགས་ཀྱི་མནར་གཅོད་བཏང་ཡོད་པ་མ་ཟད།ལུས་ཧྲིལ་བོ་དམར་ཧྲང་ལ་ཕུད་དེ་གཞིས་གྲོང་གི་མི་ཚོགས་འཛོམས་སའི་ཁྲོམ་སྲང་དུ་བཙན་ཁྲིད་བྱས་ཤིང་།

དེ་ལས་མང་བ་། “བསྟན་འཛིན་སྒང་གཞིས་ཆགས་སུ་བུད་མེད་ཅིག་དམར་ཧྲང་ལ་ཁྲིད་དེ་ཁྲོམ་སྐོར་བྱས་འདུག” »

ཏྲེ་ཐུབ་བསྟན་གྱིས།

ཟླ་འདིའི་ཚེས་༠༥ཉིན་གྱི་དགོང་མོར་སུང་ཇ་བོད་ཁྱིམ་སློབ་གྲྭའི་ཁང་ཚན་རྒན་བདག་གཉིས་ཀྱིས་སློབ་མ་ཞིག་བརྡུང་ཏེ་རྐྱེན་ལམ་དུ་བཏང་ཡོད་པའི་སྐོར་སློབ་གྲྭ་དེ་གར་ཆེད་བཅར་གྱིས་གནས་ཚུལ་རྒྱུས་ལོན་བྱས་པའི་གོ་སྐབས་བྱུང་བས།གཤམ་ནས་དེའི་སྐོར་གྱི་གནས་ཚུལ་རགས་ཙམ་ངོ་སྤྲོད་ཞུས་ན།དེའང་གནས་ཚུལ་དེ་ལྷག་དགོས་པའི་རྒྱུ་མཚན་གཙོ་བོ་ནི་སློབ་གྲྭའི་སྒྲིག་སྲོལ་དང་འགལ་བའི་ཐ་མག་འཐེན་པའི་ཉེས་པ་ལ་བརྟེན་ནས་བྱུང་བ་ཡིན་ཞིང་།

དེ་ལས་མང་བ་། “སུ་ཇ་བོད་ཁྱིམ་སློབ་གྲྭའི་དོན་རྐྱེན་སྐོར།” »

ཕྱི་ཟླ་ ༧ ཚེས་ ༢༨ ཉིན་ནས་རྔ་པ་ཀིརྟི་དགོན་པའི་ནང་འགྲོ་བཞིན་པའི་རྒྱལ་གཅེས་ཆོས་གཅེས་ཀྱི་སློབ་ གསོ་ཟེར་བའི་ལས་འགུལ་ཉིན་བཅུའི་རིང་མཚམས་འཇོག་བྱས་ཏེ་དགེ་འདུན་པ་རྣམས་ལ་ གུང་སེང་སྤྲད་འདུག་ཅིང་དེ་རྗེས་མུ་མཐུད་སློབ་གསོ་ཟེར་བའི་ལས་འགུལ་སྤེལ་ དགོས་ལུགས་བརྗོད་ཡོད་འདུག དགེ་འདུན་པ་རྣམས་ཀྱིས་དགོན་པའི་ཕྱི་ནང་གི་དམག་མི་དང་ཉེན་རྟོག་པ། དམིགས་བསལ་ཉེན་རྟོག་པ་བཅས་དང་།

དེ་ལས་མང་བ་། “ཕྱི་ ལོ་ ༢༠༡༡ ཟླ་ ༨ ཚེས་ ༨ ཉིན་བཏང་བའི་ཨ་མདོ་རྔ་པའི་གནས་ཚུལ་ཁག་ཅིག” »

༄༅། །དེ་རིང་འདིར་ཆིབས་སྒྱུར་བསྐྱངས་པའི། ལྷར་བཅས་སྲིད་ཞིའི་གཙུག་རྒྱན། འཇིག་རྟེན་ཞི་བདེའི་དེད་དཔོན། བོད་མིའི་བླ་ན་མེད་པའི་དབུ་ཁྲིད། ྋསྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་དང༌། ཕྱི་ནང་སྐུ་མགྲོན་རྣམ་པ། ཁྲིམས་ཞིབ་པ་ཆེ་བས་དབུས་པའི་ཁྲིམས་ཞིབ་པ་རྣམ་པ། དཔལ་ལྡན་ཚོགས་གཙོ་བགྲེས་གཞོན་གྱིས་དབུས་པའི་བོད་མི་མང་སྤྱི་འཐུས་རྣམ་པ། བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་དབུས་པའི་བཀའ་བློན་རྣམ་པ། རང་དབང་ལྡན་པའི་ལས་ཁུངས་ཁག་གི་འགན་འཛིན་དང༌། དྲུང་ཆེ་ཆུང་གིས་དབུས་པའི་གཞུང་ཞབས་རྣམ་པ། དབུས་སའི་གཞུང་འབྲེལ་མ་ཡིན་པའི་ཚོགས་པ་ཁག་གི་འཐུས་མི་དང༌། མཛའ་བརྩེའི་སློབ་ཕྲུག་དང་མི་མང་རྣམ་པ།
དེ་རིང་བོད་གངས་ཅན་གྱི་ལྗོངས་སུ་དམ་པའི་ལྷ་ཆོས་ཀྱི་སྣང་བ་སྤེལ་མཁན་རྒྱ་གར་གྱི་སློབ་དཔོན་ཆེན་པོ་པདྨ་འབྱུང་གནས་སྐུ་འཁྲུངས་པའི་དུས་ཚིགས་ཁྱད་པར་ཅན་འདིར། ྋགོང་ས་ྋསྐྱབས་མགོན་ཆེན་པོ་མཆོག་ལ་གུས་ཕྱག་དང༌། བཀའ་དྲིན་རྗེས་སུ་དྲན་པའི་སྒོ་ནས། ཕྲན་གྱིས་གུས་པ་ཆེན་པོས་བཀའ་བློན་ཁྲི་པའི་ལས་འཁུར་དང་ལེན་ཞུ་རྒྱུ་ཡིན།

དེ་ལས་མང་བ་། “མང་ཚོགས་ཀྱིས་འོས་འདེམས་བྱས་པའི་བཀའ་ཁྲི་སྐབས་གསུམ་པའི་ལས་ཁུར་འགོ་འཛུགས་ཀྱི་དམ་འབུལ་གཏམ་བཤད།” »

༄ ༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་འདི་ལོ་ཕྱི་ཟླ་ ༥ ཚེས་ ༢༩ ཉིན་བཅའ་ཁྲིམས་བསྐྱར་བཅོས་ལ་ཆོག་མཆན་སྩལ་བ་ནས་བཟུང་བོད་ཀྱི་ཆབ་སྲིད་ཀྱི་སྐུ་དབང་འོས་འདེམས་བྱས་པའི་འགོ་ཁྲིད་ལ་རྩིས་སྤྲོད་མཛད་གྲུབ་འཕྲལ་བཙན་བྱོལ་བོད་མིའི་དྭང་བླང་དཔྱ་དངུལ་ཕྱག་དེབ་བཞེས་གནང་མཛད་རྒྱུའི་དགོངས་བཞེས་བྱུང་བ་ ལྟར། དེ་རིང་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་མཆོག་དང་དཔལ་འབྱོར་བཀའ་བློན་རྣམ་གཉིས་༸རྒྱལ་བའི་ཕོ་བྲང་དུ་ཆེད་བཅར་གྱིས་དྭང་བླང་དཔྱ་དངུལ་ཕྱག་དེབ་ དངོས་སུ་འབུལ་ལམ་ཞུས་ཡོད།

དེ་ལས་མང་བ་། “༸གོང་ས་༸སྐྱབས་མགོན་ཆེན་པོ་མཆོག་གིས་དྭང་བླང་དཔྱ་དངུལ་ཕྱག་དེབ་དགྱེས་བཞེས་མཛད་པ།” »

གནས་ཚུལ་མཁོ་སྤྲོད་པ་རྫ་ཚེ་རིང་བཀྲ་ཤིས།

འདི་ ལོའི་གངས་ལྗོངས་མཁས་པའི་ལྷན་ཚོགས་ཐེངས་བརྒྱད་པ་དེ་རྫ་དྲེལ་དཀར་དགོན་གྱི་ སྤྲུལ་སྐུ་ཚེ་རིང་ནས་གཙོ་བོའི་སྦྱིན་བདག་དང་། དྲེལ་དཀར་སྡེ་དགོན་སྤྱི་དང་ཁྱད་དྲེལ་དཀར་བཤད་གྲྭའི་མཁན་སློབ་ཐུན་མོང་ནས་གྲ་ སྒྲིག་གི་འགན་འཁུར་གནང་ཐོག་གངས་ལྗོངས་མཁས་པའི་ལྷན་ཚོགས་ཀྱི་སྤྱི་ཁྱབ་ཚོགས་ པས་གཙོ་བོའི་གཟིགས་སྐྱོང་བཅས་ཀྱི་འོག ཟབ་རྒྱས་ངང་རྫ་ཆུ་ཁའི་རྫ་དྲེལ་དཀར་དགོན་དུ་འཚོགས།

དེ་ལས་མང་བ་། “གངས་ལྗོངས་མཁས་པའི་ལྷན་ཚོགས་ཐེངས་བརྒྱད་པ་རྫ་ཆུ་ཁའི་རྫ་དྲེལ་དཀར་དགོན་དུ་ཟབ་རྒྱས་ངང་འཚོགས་བཞིན་པ།” »