དྲ་གྲོགས་ཚོས་ཤེས་གསལ་རེད། བོད་ཀྱི་དུས་བབ་ནང་བཀོད་པའི་ཚེ་མཆོག་གླིང་གི་བླ་ཕྱག་གི་ཐག་གཅོད་འདི་ང་ཚོ་དམངས་གཙོ་དང་རང་དབང་ལ་ཁ་ཕྱོགས་པའི་མི་རབས་གསར་པ་ཚོར་ལྟོས་ན། ཡ་ང་བ་དང་སེམས་སྐྱོ་དགོས་པའི་གནས་སྟངས་ཤིག་རེད་སྙམས།

ཚེ་མཆོག་གླིང་གི་ཕྱག་མཛོད་ཀྱིས་དགོན་པའི་ནང་བུད་མེད་ཁྲིད་ཡོང་བ་དང་། རྒྱུན་དུ་དགོན་པའི་ནང་ཆང་རག་ལ་ལོངས་སྤྱོད་པ། དེ་བཞིན་དགོན་པའི་མ་དངུལ་རྣམས་སྒེར་གྱི་བདག་ཐོབ་བྱས། དེ་ལ་དགོན་པའི་མཁན་པོ་དང་གྲྭ་དམངས་ཚོས་སྐྱོན་བརྗོད་བྱེད་སྐབས། ཁོང་ཚོ་རྒྱ་གར་གྱི་པུ་ལི་སི་ལ་རྩིས་སྤྲོད་བྱས། དེའི་རྒྱབ་ལ་ད་དུང་ཚེ་མཆོག་གླིང་གི་སྤྲུལ་སྐུ་ཁྲིད། སྤྲུལ་སྐུས་བུད་མེད་དགོན་པར་ཁྲིད་ཡོང་བ་དང་དགོན་པར་ཆང་རག་སྤྱོད་པ་འདི་ཁོ་པའི་འགན་མ་རེད་ཟེར་ནས་དགོན་པའི་མཁན་པོ་དང་། འགན་ཁྱེར་མཁན་ཚང་མ་ཕྱིར་འབུད་བྱས། དེའི་རྗེས་ལ་གྲྭ་དམངས་ཚོས་ལངས་ནས་ཚང་མ་དགོན་པ་ནས་ཕྱིར་ཐོན།

དེ་ལས་མང་བ་། “ཚེ་མཆོག་གླིང་གི་བླ་ཕྱག་གི་ཐག་གཅོད་འདི་དྲང་བདེན་རེད་དམ།” »

༢༠༡༡་ལོའི་ཟླ་༩་པའི་ཚེས་༡༤ རེས་གཟའ་ལྷག་པ།

ལྡི་ལི་རོ་ཧི་ནེ་ས་གནས་གཞོན་ནུའི་་ངོས་ནས་ཕྱི་ལོ་༢༠༠༨་ལོའི་ཞི་བའི་སྒེར་ལངས་ཀྱི་རྗེས་སུ་རིམ་བཞིན་བོད་ནང་དུ་ཤུགས་ཆེར་དར་ཁྱབ་ཏུ་ཕྱིན་པའི་འཚེ་མེད་ཞི་བའི་མི་བསྟུན་པའི་ལས་འགུལ་གྱི་གལ་ཆེའི་རང་བཞིན་ངོས་འཛིན་དང་ཕྱོགས་གཞན་ཞིག་ནས་བོད་ནང་གི་བོད་ནང་གི་བོད་མི་ཚོའི་ལས་འགུལ་ལ་རྗེས་སུ་ཡི་རངས་དང་གདུང་སེམས་མཉམ་བསྐྱེད་མཚོན་ཆེད་རྒྱ་གར་གྱི་རྒྱལ་ས་ལྡི་ལི་ནང་གི་བོད་མི་འདུས་སྡོད་ཀྱི་ས་ཁུལ་ཁག་དང་ལྷག་པར་མཐོ་སློབ་ཏུ་བསྐྱོད་བཞིན་པའི་བོད་པའི་མཐོ་རིམ་སློབ་མ་ཚོར་“ལྷག་དཀར”གྱི་ལས་འགུལ་ངོ་སྤྲོད་དང་གོ་རྟོགས་སྤེལ་ནས་བོད་མིའི་ངོ་བོ་དང་། སྐད་ཡིག་གཙོའི་རིག་གཞུང་གི་མ་ལག་ཡོད་ཚད་སྲུང་འཛིན་དང་དར་སྤེལ་གཏོང་ལས་གཞི་འགོ་འཛུགས་ཞུས་པ་ཡིན།

དེ་ལས་མང་བ་། “ལྡི་ལི་བོད་ཀྱི་མཐོ་རིམ་སློབ་མའི་ལྷག་དཀར་སྲུང་བརྩིའི་ལས་འགུལ།” »

བསྟན་འཛིན་ཤེས་རབ།

དེ་རིང་སྟེ་ ༢༠༠༡ ལོའི་ཟླ་ ༩ ཚེས་ ༡༣ ཉིན་གྱི་སྔ་དྲོའི་ཆུ་ཚོད་དགུ་བའི་སྟེང་། འོད་དཀར་དྲ་ཚིགས་ཀྱིས་བསྡུས་པའི་སྙན་ངག་སྒྲོགས་སྦྱང་འགྲན་ཚོགས་རིམ་པ་གཉིས་པའི་ཐོག་མ་དེ། མོན་གྷོ་གཞིས་ཆགས་དང་སྦེལ་ཀོབ་གཞིས་ཆགས་གཉིས་མཉམ་དུ་སྦེལ་ཀོབ་གཞིས་གྲོང་དང་བོའི་མཉམ་འབྲེལ་ཚོགས་ཁང་ནང་ཚོགས། སྙན་ངག་གི་འདུ་ཚོགས་འདིའི་སྟེང་སྦེལ་ཀོབ་གཞིས་ཆགས་གསར་རྙིང་གཉིས་ཀྱི་གཞིས་མགོ་རྣམ་པ་གཉིས་དང་། ས་གནས་གཞོན་ནུའི་ཚོགས་གཙོ། ས་གནས་བུད་མེད་ཚོགས་པ། ས་གནས་བོད་རང་བདེན་ཚོགས་པའི་ཚོགས་གཙོ། ས་གནས་ཁག་གི་གསར་འགོད་པ། སྦེལ་ཀོབ་སློབ་གྲྭའི་དགེ་རྒན་དང་དགའ་ལྡན་བྱང་རྩེ་སློབ་གྲྭའི་སློབ་སྤྱི། སེ་ར་དགོན་པའི་དགེ་འདུན་པ་དང་སྦེལ་ཀོབ་སློབ་གྲྭའི་སློབ་ཕྲུག་བཅས་མི་སྣ་བརྒྱ་ལ་ཉེ་བ་ཞིག་ཚོགས་ཞུགས་གནང་།

དེ་ལས་མང་བ་། “འོད་དཀར་དྲ་ཚིགས་ཀྱི་རིམ་པ་གཉིས་པའི་ཐོག་མའི་སྙན་ངག་གྱེར་འདོན་འགྲན་ཚོགས་ལྷོ་ཕྱོགས་སུ་འཚོགས།” »

ཀླུ་སྨྱོན་རྩོམ་རིག་བྱ་དགའི་འགྲན་རྩོམ།
བོད་ཤ་ཁྲག་རུས་གསུམ།

སྟོབས་ཀྱིས་བཀྱགས་པའི་མི་རིགས་ཤིག་གི་དེད་དཔོན་ཚོ།།
བཞུད་ནས་ལོ་ཟླ་བརྒྱ་ཕྲག་སོང་བའི་སྔ་གཞུག་དེར།།
ཤི་མིན་གསོན་མིན་ལུས་པའི་རིགས་ཀྱི་ང་ཚོ་སྟེ།།
ལོ་དང་ཟླ་མཐུད་ངུས་པའི་སྒྲ་ནི་ཟླུམ་པོར་ཁྱབ།།

དེ་ལས་མང་བ་། “གནའ་བོའི་ཡབ་མེས་དག་གི་ཞབས་རྗེས་ན།” »

རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་བར་མ་ཚང་གི་དཔལ་འབྱོར། རང་ལོ་ ༣༨ ཡིན་པ་ཁོང་ཕྱི་ཟླ་ ༣ ཚེས་ ༢༠ ཡས་མས་སུ་འཛིན་བཟུང་གིས་བཀག་ཉར་བྱས་ཡོད་ལ། ཁོང་གསུམ་པའི་བཅུ་དྲུག་གི་མི་མང་ཡར་ལངས་སྐབས་མཉམ་ཞུགས་བྱས་པའི་ཉེས་མིང་གཡོགས་ནས་འཛིན་བཟུང་བྱས་པ་ཡིན་ཞིང༌། རྗེས་སུ་ཤེས་རྟོགས་བྱུང་བར་ཁོང་ལ་ལོ་ ༣ གྱི་བཙོན་འཇུག་ཁྲིམས་ཐག་བཅད་དེ་སི་ཁྲན་གྱི་མེན་ཡངས་ཞེས་པའི་ས་གནས་ཀྱི་བཙོན་ཁང་ཞིག་ཏུ་བཙོན་འཇུག་བྱེད་བཞིན་ཡོད་འདུག
ཁོང་གི་ཕ་མིང་ལ་རྒྱ་མཚོ་ཞུ་བ་སྔ་མོ་ནས་འདས་ཟིན། མ་མིང་ལ་སྒྲོན་མཚོ་ཞུ་བ་སྙིང་གི་ན་ཚ་ཡོད་སྟབས་ཁོང་འཛིན་བཟུང་བྱས་པ་ནས་ཟླ་བ་གསུམ་ལྷག་རིང་ཁོང་འཛིན་བཟུང་བྱས་པའི་སྐོར་གསང་བ་བྱས་ཏེ་ཤེས་སུ་བཅུག་མེད་འདུག ཁོང་གི་ཁྱིམ་དུ་འཚོ་བའི་ཡོང་ཁུངས་གང་ཡང་མེད་པའི་གཟའ་ཟླ་དང་ཕྲུ་གུ་གཉིས་བཅས་ནང་མི་གསུམ་ཡོད།

དེ་ལས་མང་བ་། “བོད་མི་དཔལ་འབྱོར་ཞུ་བ་ཞིག་ལ་ལོ་གསུམ་བཙོན་འཇུག་ཁྲིམས་ཆད།” »

གནས་ཚུལ་མཁོ་གཏོང་པ་ས་གཞོན་དྲིལ་བསྒྲགས་འགན་འཛིན་ཨ་ཚོགས་དབང་གྲགས་འབུམ།

སྤྱི་ཟླ་དགུ་པའི་ཚེས་ལྔ་ཉིན་དགའ་ལྡན་བྱང་རྩེའི་དགེ་འདུན་པ་བཅུ་གཅིག་གིས་རྒྱ་ནག་ལ་དགོས་དོན་དོན་ཚན་བཞི་ཅན་ཞིག་བཏོན་ནས་རྒྱ་གར་གྱི་གྲོང་ཁྱེར་ཆེ་ཁག་མང་པོ་ཞིག་ལ་བསྐོར་སྐྱོད་ཀྱིས་ཟས་བཅད་ངོ་རྒོལ་བྱ་བའི་ལས་འགུལ་སྤེལ་ནས་འགྲོ་བཞིན་འདུག་ལ། ཟླ་དེའི་ཚེས་ལྔ་ཉིན་བྷ་རོ་ཊ་ལ་སླེབས་པ་དང་ས་གནས་བོད་རིགས་མཐོ་སློབ་ཀྱིས་གྲུབ་པའི་གཞོན་ནུ་ཚོགས་པས་མཐུན་སྦྱོར་དང་སློབ་ཕྲུག་ཡོངས་མཉམ་ཞུགས་བྱས་ཏེ་ཉིན་དེའི་མཛད་སྒོ་དབུ་འཛུགས་གནང་སྟེ།

དེ་ལས་མང་བ་། “བྷ་རོ་ཊ་ས་གནས་སུ་དགེ་འདུན་པ་11 དང་ས་གནས་གཞོན་ནུའི་ལས་འགུལ།” »

གངས་ལྗོངས་རྒྱལ་བསྟན་ཡོངས་ཀྱི་ཕྱི་མོ་སྔ་འགྱུར་བསྟན་པའི་དབུ་འཛིན་ཁྲི་རབས་ལྔ་པ་༧སྐྱབས་རྗེ་འཁྲུལ་ཞིག་རིན་པོ་ཆེ་འགྱུར་མེད་ངག་དབང་བློ་གྲོས་རིན་པོ་ཆེ་མཆོག་མཆོག་འདི་ཟླའི་ཚེས་གཉིས་ཉིན་སྐུ་གཤེགས་པའི་ཡིད་སྐྱོའི་གནས་ཚུལ་ཐོན་ཡོད་པ་དང་། ཁོང་ནི་ཕྱི་ལོི་ ༡༩༢༣ ལོར་ཡར་འབྲོག་སྟག་ལུང་དུ་སྐུ་འཁྲུངས་ཤིང་། ད་ལོར་དགུང་གྲངས་༨༨ ལ་ཕེབས་ཡོད།

དེ་ལས་མང་བ་། “སྐྱབས་རྗེ་འཁྲུལ་ཞིག་རིན་པོ་ཆེ་དགོངས་པ་གཞན་དོན་དུ་གཤེགས་པ།” »

གསར་གནས་མཁོ་གཏོང་གནང་མཁན་གངས་འདབས།

༼འགྲེམས་སྟོན།༽ གཉའ་གནོན་དང་། བཅོམ་བརླག་བྱུང་བའི་ཉམས་མྱོང་ནི་ཁོང་ཚོ་གསུམ་གྱི་ཐུན་མོང་གི་ཚོར་སྣང་ཡིན་ངེས།

༼བོད་ཀྱི་དུས་སྟོན་གཟའ་འཁོར་༽རྗར་མེ་ནི་ཡི་གྲོང་རྡལ་རྦམ་ཤེ་རྡ་རྡར་ཟླ་བརྒྱད་པའི་ཚེས་༢༧ཉིན་བོད་ཀྱི་དེང་དུས་སྒྱུ་རྩལ་གྱིས་གཙོ་བོར་བྱས་པའི་རིག་གནས་མཛད་སྒོ་ཞིག་གི་དབུ་ཕྱེས་བྱས་ཡོད་པ་དང་། མཛད་སྒོ་དེའི་དབུ་འབྱེད་ལ་ཡོ་རོབ་ཤར་མ་དང་དབུས་མའི་སྐུ་ཚབ་དོན་གཅོད་ཁང་གི་སྐུ་ཚབ་དང་།༧གོང་ས་མཆོག་གི་དམིགས་བསལ་སྐུ་ཚབ་ཀྱི་ཕྱག་རོགས་སེ་ཝོ་བསྟན་འཛིན་མཆོག་ཆེད་ཕེབས་གནང་ཡོད་པ་དང་། ཁོང་གིས་དབུ་འབྱེད་ཀྱི་གསུངས་བཤད་གནང་སོང་།

དེ་ལས་མང་བ་། “༼བོད་ཀྱི་དུས་སྟོན་གཟའ་འཁོར་༽ཞེས་པ་རྗར་མེ་ནི་ཡི་གྲོང་རྡལ་རྦམ་ཤེ་རྡ་རྡར་ཚུགས་པ།” »

༄༅། །དེ་རིང་བཙན་བྱོལ་བོད་མིའི་མང་གཙོ་དབུ་བརྙེས་ནས་ལོ་ལྔ་བཅུ་ང་གཅིག་འཁོར་བའི་ སྐལ་བཟང་དུས་སྟོན་འདིར། འཛམ་གླིང་གང་སར་གནས་པའི་བོད་རིགས་ཡོངས་དང་། ཁྱད་པར་བཙན་འོག་ཏུ་གནས་པའི་གཞིས་བཞུགས་བོད་རིགས་སྤུན་ཟླ་རྣམས་ལ་འཚམས་ འདྲིའི་བཀྲ་ཤིས་བདེ་ལེགས་དང་། སྤྱིར་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་ཕྱག་གིས་བཀའ་དྲིན་རྗེས་ དྲན་དང་སྦྲགས། བོད་མིའི་ཆབ་སྲིད་ལམ་ལུགས་ཆོས་ལུགས་རིས་མེད་ཀྱི་མང་གཙོའི་སྤྱི་ཚོགས་ཏུ་ འགྱུར་རྒྱུའི་ཐུགས་བཞེད་བསྒྲུབ་རྒྱུའི་ཆོད་སེམས་བརྟན་པོ་བཟུང་རྒྱུ་ཡིན། བཙན་བྱོལ་བོད་མིའི་མང་གཙོའི་འཕེལ་རིམ་མཐའ་དག་གཙོ་བོ་༸གོང་ས་༸སྐྱབས་མགོན་ ཆེན་པོའི་ཡང་དག་པའི་དབུ་ཁྲིད་ལམ་སྟོན་ལས་བྱུང་ཞིང་། ༸གོང་ས་མཆོག་ནི་མཐའ་གཅིག་ཏུ་མང་གཙོའི་ལམ་ལུགས་ལ་ཐུགས་མོས་གནང་མཁན་དང་། མང་ཚོགས་སྐྱོང་བའི་དབུ་ཁྲིད་བླ་ན་མེད་པ་ཞིག་ཡིན་པ་འཇིག་རྟེན་ཡོངས་གྲགས་མ་ ཟད། སྐུ་གཞོན་ནུའི་དུས་ནས་ཀྱང་དྲང་བདེན་དང་། འདྲ་མཉམ། མང་གཙོའི་ལྟ་གྲུབ་བཅས་ལ་ཐུགས་མོས་ཆེན་པོ་གནང་ཡོད།

དེ་ལས་མང་བ་། “མང་གཙོའི་དུས་ཆེན་ཐེངས་ལྔ་བཅུ་ང་གཅིག་པའི་ཐོག་བཀའ་བློན་ཁྲི་པའི་གསུང་བཤད།” »

དེ་རིང་ང་ཚོས་མང་གཙོའི་དུས་དྲན་ཐེངས་ ༥༡ པའི་མཛད་སྒོ་གཟབ་རྒྱས་ངང་འཚོགས་བཞིན་པ་འདི་ནི། བཙན་བྱོལ་བོད་མིའི་མང་གཙོ་དབུ་བརྙེས་ཏེ་ལོ་ངོ་ ༥༠ ཧྲིལ་པོ་འཁོར་བའི་གཞུང་འབྲེལ་དུས་དྲན་ལོ་འཁོར་མོ་གཅིག་སྲུང་བརྩི་ཞུས་པའི་མཇུག་བསྡོམས་ཀྱི་ཉིན་མོ་འཁེལ་ཡོད་པ་དང་། འཛམ་གླིང་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆབ་སྲིད་དང་འཛིན་སྐྱོང་གི་སྐུ་དབང་ཡོངས་རྫོགས་མང་ཚོགས་ཀྱིས་འོས་འདེམས་བྱས་པའི་འགོ་ཁྲིད་ཚོར་རྩིས་སྤྲོད་མཛད་རྗེས་ཀྱི་མང་གཙོའི་དུས་དྲན་ཐེངས་དང་པོ་དེ་ཡིན་པས། ལོ་རྒྱུས་ཀྱི་དོན་སྙིང་དམིགས་བསལ་ལྡན་པའི་མཛད་སྒོ་ཞིག་ཆགས་ཀྱི་ཡོད།

དེ་ལས་མང་བ་། “མང་གཙོའི་དུས་དྲན་ཐེངས་ ༥༡ པའི་མཛད་སྒོའི་སྟེང་སྤྱི་འཐུས་ལྷན་ཚོགས་ཀྱི་གསུང་བཤད།” »

བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་སྙུན་གཞིའི་རྐྱེན་གྱིས་ཕྱི་ལོ་ ༢༠༡༡ ཟླ་ ༨ ཚེས་ ༣༡ ཉིན་དགོང་མོར་རྒྱ་གར་རྒྱལ་ས་ལྡི་ལིའི་སྨན་ཁང་ཞིག་ནས་སྐུ་གཤེགས་པའི་ཡིད་སྐྱོའི་གནས་ཚུལ་ཐོན་ཡོད། བཀའ་ཟུར་ཁོང་ནི། མདོ་ཁམས་སྡེ་དགེའི་ཁོངས་རྨེ་ཤོད་སྡེ་དགེ་ཚང་གི་མདུན་འཁོར་འཇུ་ཆེན་ཚང་ཞེས་པའི་ཁྱིམ་དེར་ཕྱི་ལོ་ ༡༩༢༩ ལོར་འཁྲུངས།

དེ་ལས་མང་བ་། “བཀའ་བློན་ཁྲི་ཟུར་འཇུ་ཆེན་ཐུབ་བསྟན་མཆོག་སྐུ་གཤེགས་པའི་ཡིད་སྐྱོའི་གནས་ཚུལ།” »

གཅིག ཆང་ས་དྲ་བའི་བྱུང་རིམ།
བཀུར་འོས་པའི་ཀློག་མཁན་རྣམ་པ། ཚང་མས་ཤེས་གསལ་ལྟར། ད་ལོའི་ཟླ་ ༤ ཚེས་ ༢༠ ཉིན་གཞོན་ནུའི་འགྱུར་ཁུགས་དྲ་བ་ཤར་གཏོང་བྱས་ཤིང་། སྐབས་དེར་ངེད་དྲ་བའི་རྩོམ་སྒྲིག་པས་འདི་ལྟར་བརྗོད་ཡོད་དེ། “གཞོན་ནུའི་འགྱུར་ཁུགས་དྲ་ཚིགས་ནི་སྤྱིར་བཏང་ནས་ཚོད་ལྟ་བྱེད་ཀྱིན་པའི་དྲ་ཚིགས་ཤིག་ཡིན་མོད། ངེད་རྩོམ་སྒྲིག་ཁང་གིས་འབད་འབུངས་དང་ཧུར་ཐག་སྒོས་དྲ་ཚིགས་འདི་སྒེར་གཉེར་དྲ་ཚིགས་ཤིག་ལས་བྱེས་འབྱོར་བོད་མིའི་སྤྱི་ཚོགས་ལ་གལ་ཆེའི་ནུས་པ་འདོན་ཐུབ་པའི་དྲ་ཚིགས་ཤིག་ཏུ་འགྱུར་རྒྱུར་རེ་བ་འཆང་བཞིན་པ་དང་། དེ་ལྟ་བུའི་དྲ་ཚིགས་ཤིག་ཆགས་ཉིན་ད་ལྟའི་དྲ་ངོས་ལས་ཚད་ལྡན་གྱི་དྲ་ངོས་ཤིག་ཏུ་བརྗེ་སྤོར་བྱས་ཀྱང་ཆོག་པས་དེ་ནི་ད་ལྟའི་རྨི་ལམ་ཐན་ཐུན་དང་རེ་བ་རབ་རིབ་ཙམ་ཡིན།” ཞེས་ཟེར་མྱོང་།

དེ་ལས་མང་བ་། “ཆང་ས་དྲ་བ་ (གཞོན་ནུའི་འགྱུར་ཁུགས།) གསར་བའི་རྩོམ་སྒྲིག་པའི་གཏམ།” »

ཕྱི་ལོ་ ༢༠༡༡ ཟླ་ ༨ ཚེས་ ༣༠ ཉིན་བོད་ཨ་མདོ་རྔ་པ་རྫོང་གཅའ་ཞང་ཕྱུགས་ལས་འགབ་མའི་བློ་བཀྲ་ཚང་གི་རྔ་པ་ཀིརྟི་དགོན་པའི་གྲྭ་བློ་བཟང་བསྟན་འཛིན། (བསྟན་འཛིན་རྒྱ་མོ་ཁ་)རང་ལོ་ ༢༢ ཕ་མིང་ལ་བསོད་ནམས་དང༌། མ་མིང་ལ་སྒྲོལ་དཀར་ཡིན་པ་ཁོང་ལ་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་རྫོང་མི་མང་ཁྲིམས་ཁང་ཟེར་བས་རྒྱལ་གཅེས་དཔའ་བོ་ཕུན་ཚོགས་ལགས་གསོན་མཁན་ལག་རོགས་གྱི་ཉེས་མིང་གཡོགས་ནས་ལོ་ ༡༣ གྱི་བཙོན་འཇུག་དང༌། ལོ་གསུམ་གྱི་ཆབ་སྲིད་ཁེ་དབང་འཕྲོག་པའི་ཐག་གཅོད་བྱས་ཡོད་ཀྱང༌།

དེ་ལས་མང་བ་། “རྔ་པ་ཀིརྟི་དགོན་པའི་གྲྭ་པ་གཉིས་ལ་ཁྲིམས་ཐག་བཅད་པ།” »

བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༢ པ་དེ་བཞིན་རྒྱ་གར་བྱང་ཤར་རྡོ་རྗེ་གླིང་གི་བཟོ་གྲྭའི་ཚོགས་ཁང་ནང་བོད་རྒྱལ་ལོ་ ༢༡༣༨ ཕྱི་ལོ་ ༢༠༡༡ ཟླ་ ༨ ཚེས་ ༢༢ ནས་ ༢༥ བར་ཉིན་བཞིའི་རིང་ཚོགས་གཏན་འཁེལ་བ་བཞིན་ ༢༠༡༡ ཟླ་ ༨ ཚེས་ ༢ ཉིན་དངོས་སུ་དབུ་གཙུགས་ཞུས་ཡོད་པ་དང་། ཉིན་དང་པོའི་དབུ་འབྱེད་མཛད་སྒོའི་སྐུ་མགྲོན་གཙོ་བོ་༸སྐྱབས་རྗེ་ཤིང་བཟའ་རིན་པོ་ཆེ་སྐུ་འཕྲེང་བཅིུག་པ་བློ་བཟང་བསྟན་འཛིན་ཆོས་ཀྱི་རྒྱལ་མཚན་མཆོག་༸ཞབས་སོར་བཀའ་དྲིན་བསྐྱང་ཡོད་པ་དང་། མཛད་སྒོའི་ཐོག་མར་རྡོ་རྗེ་གླིང་གཏན་སློབ་རོལ་ཆའི་རུ་ཁག་ནས་བོད་རྒྱལ་ཁབ་ཆེན་པོའི་རྒྱལ་གླུ་ཕུལ་བ་དང་།

དེ་ལས་མང་བ་། “བོད་ཀྱི་གཞོན་ནུ་ལྷན་ཚོགས་ཀྱི་འགན་ལྷན་ཐེངས་༤༢པ་རྒྱ་གར་བྱང་ཤར་རྡོ་རྗེ་གླིང་དུ་མཇུག་སྒྲིལ་བ།” »

བོད་ཨ་མདོ་རྔ་པ་ཀིརྟི་དགོན་གྱི་གྲྭ་བློ་བཟང་བརྩོན་འགྲུས། རང་ལོ་ ༤༦ ཡིན་པ་ཁོང་ལ་ཕྱི་ལོ་ ༢༠༡༡ ཟླ་ ༨ ཚེས་ ༢༩ ཉིན་རྔ་པ་རང་སྐྱོང་ཁུལ་འབྲིང་རིམ་མི་མང་ཁྲིམས་ཁང་ཟེར་བས་རྒྱལ་གཅེས་དཔའ་བོ་ཕུན་ཚོགས་ལགས་ཀྱིས་རང་ལུས་མེར་སྲེག་བཏང་བའི་དོན་རྐྱེན་བྱུང་འཕྲལ་སྨན་ཁང་དུ་བསྟེན་གཏུགས་བྱེད་རྒྱུ་འགོག་རྒོལ་བྱས་པའི་ཉེས་མིང་གཡོགས་ནས་ལོ་ ༡༡ གི་བཙོན་འཇུག་ཁྲིམས་ཐག་བཅད་ཡོད་འདུག

དེ་ལས་མང་བ་། “རྔ་པ་ཀིརྟི་དགོན་གྱི་གྲྭ་བློ་བཟང་བརྩོན་འགྲུས་ལ་ལོ་ ༡༡ ཁྲིམས་ཐག་བཅད་པ།” »

བོད་ལུགས་ཕྱུ་བ་གོན་པའི་བྱིས་པ་ལོ་ཆུང་རྣམས་ཀྱིས་ཅོག་ཙེ་ཞིག་གི་མཐའ་ནས་བསྐོར་ཞིང་ལག་ཏུ་འགྱིག་ཕོར་རེ་བཟུང་སྟེ་རྩམ་པ་ཟ་བའི་ལས་ལ་བྲེལ་བཞིན་འདུག དེ་ཡང་འདི་ཟླའི་ཚེས་ ༡༩ ཉིན་ཝི་སི་ཀོན་སིན་ས་གནས་བོད་ཀྱི་གཞོན་ནུ་ཚོགས་པས་གོ་སྒྲིག་གིས་ ༼བོད་ལྗོངས་ང་ཚོའི་ཕ་ཡུལ་ཉིན་མོ་༽ ཞེས་བོད་སྐད་བཤད་པ་དང་བོད་ཡིག་འབྲི་བ། སྲོལ་རྒྱུན་གྱོན་གོས་གོན་པ། ཟས་རིགས་བཟའ་བ། གཞས་སྣ་ཞབས་བྲོ་འཁྲབ་ལེན་བྱེད་པའི་སྒོ་ནས་བོད་ཀྱི་རིག་གཞུང་བརྩི་སྲུང་དང་ལེན་བྱས་ཏེ་ རྒྱ་ནག་གུང་ཁྲན་གཞུང་གིས་བོད་ཀྱི་རྩ་ཆེའི་རིག་གཞུང་ཉམས་དམས་གཏོང་མི་ཐུབ་པའི་དུས་སྟོན་ཞིག་འཚུགས་ཡོད།

པར་པ། འཆི་མེད་དབང་འདུས།

དེ་ལས་མང་བ་། “རྩམ་དྲི་ཇེ་ཆེ་དང་དཔའ་བོའི་རྗེས་དྲན།” »