ཕྱི་ལོ་ ༢༠༡༡ ཟླ་ ༡༠ ཚེས་ ༡༩ ཉིན་གནས་ཚུལ་འབྱོར་བར་རྔ་པ་རྫོང་མཁར་དང་ཐག་ཉེ་བའི་བོད་མི་མང་པོས་བོད་ཆས་གྱོན་ནས་རྔ་པའི་ཁྲོམ་གཞུང་རྒྱུན་ལྡན་ལས་མི་ཚོགས་མང་པ་འདུ་འཛོམས་བྱུང་ཡོད་པ་དང་། མི་མང་གིས་ཁྲོམ་སོགས་ནས་མ་ཎི་བཏོན་ཅིང་ཟས་བཅད་བྱས་ཏེ་གདུང་སེམས་མཉམ་བསྐྱེད་ཀྱི་རྣམ་འགྱུར་ཤུགས་ཆེ་ཙམ་བསྟན་ཡོད་པ་དང་། ཐེངས་གཉིས་ཙམ་ལ་མི་མང་གིས་ཡར་ལངས་བྱེད་གྲབ་བྱས་ཀྱང་སྡེབ་གཅིག་ལ་ལངས་མ་ཐུབ་པས་ན་ཉེན་རྟོག་པ་དང་དམག་མི་སོགས་ཀྱིས་མེ་མདའ་ཚད་ནས་མི་མང་གི་འདུ་འཛོམས་གཏོར་ཐབས་བྱས་ཡོད་འདུག ཡང་རྫོང་མཁར་དང་ཐག་ཉེ་བའི་བོད་མི་རྣམས་ཀྱིས་བོད་ཆས་གཙང་མ་གྱོན་ནས་གྲོང་སྡེ་སོ་སོའི་ནང་དུ་མ་ཎི་འཚོགས་ཤིང་ཟས་བཅད་སྙུངས་གནས་གནང་ཡོད་འདུག

དེ་ལས་མང་བ་། “མདོ་སྨད་རྔ་པ་ཁུལ་གྱི་ད་ལྟའི་དམ་དྲག་གནས་ཚུལ།” »

བོད། ལྷ་ཀླུ་གཉན་གསུམ།

དེ་རིང་ང་རང་བསྡོད་སའི་རྒྱལ་ཁབ་འདིའི་ནང་དུ་གསར་འགྱུར་ཆེས་ཚ་བོ་ཞིག་ཡོད། དེ་ནི་མི་ལོ་ཧྲིལ་བོ་ལྔ་ལྷག་གི་རིང་དུ་ཨ་རྫའི་དྲག་སྤྱོད་རུ་ཁག་ཞིག་ནས་བཙན་ཁྲིད་བྱས་པའི་མི་ཞིག་རེད། མིང་ལ་རྒས་ལ་ཤ་ལས་ཟེར་བ་དང་ད་ལོ་ལོ་ཉེར་ལྔ་རེད། ཁོ་རང་ལོ་བཅོ་བརྒྱད་སྐབས་སུ། ལོ་ཚད་ལྟར་དམག་དུ་ཞུགས་ནས་ཡུན་རིང་མ་སོང་བའི་སྐབས་ཤིག་ལ་དྲག་སྤྱོད་རུ་ཁག་ཞིག་ནས་བཙན་ཁྲིད་བྱས་པ་ཡིན།

དེ་ལས་མང་བ་། “གསར་འགྱུར་ཚ་ཤོས་ཤིག་འདི་རེད།” »

ཕྱི་ལོ་ ༢༠༡༡ ཟླ་ ༡༠ ཚེས་ ༡༧ ཉིན་གྱི་བོད་ནང་གི་ཉིན་གུང་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་བོད་ཨ་མདོ་རྔ་པ་རྫོང་བྱ་སྐོར་མའི་ཉི་ཚེ་ཚང་གི་མ་མའི་བཙུན་དགོན་གྱི་བཙུན་མ་བསྟན་འཛིན་དབང་མོ། རང་ལོ་༢༠ ཡས་མས་ཤིག་དང་། ཕ་མིང་ལ་ཉི་ཚེ་ཡིན་པ་ཁོང་མོས་རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་གྱི་ཞོལ་གྱི་བསུ་མདོའི་ཟམ་ཁ་ནས་༸གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས་ཞེས་སྐད་འབོད་བྱེད་བཞིན་རང་ལུས་མེར་སྲེག་བཏང་ནས་རྒྱ་ནག་གཞུང་ལ་ངོ་རྒོལ་གནང་ཡོད་འདུག་ལ། ཁོང་མོ་དུས་ཡུན་སྐར་མ་བདུན་བརྒྱད་ཅིག་གི་རིང་གོམ་བགྲོད་བྱས་ནས་སོང་ཡོད་པ་དང་། ས་གནས་སུ་ཉེན་རྟོག་པ་སོགས་དུས་ལྟར་འབྱོར་མེད་སྟབས་ཁོང་མོའི་ཕུང་པོ་མ་མའི་བཙུན་དགོན་གྱི་བཙུན་མ་རྣམས་ཀྱིས་ཡར་ཁྱེར་ཡོད་འདུག གནས་ཚུལ་ཡོང་ཁུངས་ནས་བརྗོད་པ་ལྟར་ན། ཁོང་མོ་དུས་ཐོག་དེ་རང་ལ་གྲོངས་ཡོད་ཀྱང་། ཕུང་པོ་རྒྱ་གཞུང་ལ་སྤྲོད་ཀྱི་མིན་ཟེར་ནས་བཙུན་མ་ཚོས་སྲུང་བྱ་བྱས་ཡོད་ཀྱང་རྒྱ་གཞུང་ལ་བརྩིས་སྤྲོད་དགོས་པ་ལས་གལ་སྲིད་མ་སྤྲད་ན། དོ་དགོང་མཚན་རང་ལ་ས་འོག་ཏུ་སྦས་དགོས་ཚུལ་བརྗོད་ཀྱིན་ཡོད་འདུག་པས་རྗེས་ཀྱི་གནས་ཚུལ་ཤེས་རྟོགས་མ་ཐུབ། གནས་ཚུལ་དེ་བྱུང་ནས་ཅུང་མ་འགོར་བར་དམག་མི་དང་ཉེན་རྟོག་པ་སོགས་འབྱོར་ནས་མ་མའི་བཙུན་དགོན་དང་ས་གནས་ཀྱི་གྲོང་སྡེ་ཁག་ཡོངས་རྫོགས་བཀག་སྡོམ་ནན་མོ་བྱས་ཡོད་འདུག

དེ་ལས་མང་བ་། “དེ་རིང་ཨ་མདོ་རྔ་པ་ནས་བཙུན་མ་ཞིག་གིས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་པའི་གནས་ཚུལ།” »

Why You Should Stand Up For Tibet from International Tibet Network on Vimeo.

རྒྱལ་སྤྱིའི་བོད་དོན་འབྲེལ་མཐུད་ལས་ཁུངས་(ITN)ནས། སྤྱི་ཟླ་༡༡གི་ཚེས་༢ཉིན། འཛམ་གླིང་ཁྱོན་ཡོངས་ལ་གནས་བའི་བོད་པ་དང་བོད་དོན་རྒྱབ་སྐྱོར་བ་ཚོས་། ཡུལ་ལུང་སོ་སོའི་རྒྱ་ནག་གཞུང་ཚབ་ཀྱི་མདུན་དུ་གཞི་རྒྱ་ཆེ་བའི་ངོ་རྒོལ་ལས་འགུལ་སྤེལ་བའི་རེ་སྐུལ་ཞུ་བཞིན་ཡོད་། ལྷག་པར་དུ། ད་ལྟའི་བོད་ཤར་ཕྱོགས་རྔ་བ་ཁུལ་གྱི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཡོང་ཐབས་དང་། རྒྱ་ནག་གཞུང་གི་ཆེས་ཡ་ང་བའི་དྲག་གནོན་མཚམས་འཇོག་ཡོང་ཐབས་། རྒྱལ་སྤྱིའི་ཚོགས་སྡེ་ཁག་གི་རྒྱབ་སྐྱོར་དང་འབོད་སྐུལ་ལ་བརྟེན་ནས་རྒྱ་ནག་གཞུང་ལ་གནོན་ཤུགས་སྤྲོད་ཐབས་བཅས་ཀྱི་ཆེད་དུ། སྤྱི་ཟླ་༡༡གི་ཚེས་༢་ཉིན། བོད་མི་དང་བོད་དོན་རྒྱབ་སྐྱོར་བ་ཚོ་འཛམ་གླིང་གང་ས་ནས་ངོ་རྒོལ་ལས་འགུལ་ལ་ཞུགས་རོགས་ཞེས་འབོད་སྐུལ་རྒྱ་ཆེར་ཞུ་གི་ཡོད་།

དེ་ལས་མང་བ་། “ད་འགྲིག་སོང་། བོད་དོན་ཆེད་རྒྱལ་སྤྱིའི་ལས་འགུལ་སྤེལ་རོགས།” »

ཕྱི་ལོ་ ༢༠༡༡ ཟླ་ ༡༠ ཚེས་ ༡༥ ཉིན་གྱི་བོདང་གི་སྔ་དྲོའི་དུས་ཚོད་ ༡༡།༥༠ ཙམ་ལ་རྔ་པ་རྫོང་ཆོས་རྗེ་ཞང་སོ་རུ་མའི་པདྨ་ཚང་གི་བུ་ནོར་བུ་དགྲ་འདུལ། རང་ལོ་ ༡༩ ཙམ་ཡིན་པ་ཁོང་གིས་རྔ་པའི་ཁྲོམ་གཞུང་དུ་ཐོན་ནས་རང་ལུས་མེར་སྲེག་བཏང་ཞིང་བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་ངོ་རྒོལ་སྐད་འབོད་བྱས་ཡོད་འདུག སྐབས་དེར་རྔ་པའི་ཁྲོམ་གཞུང་དུ་ཡོད་པའི་ཉེན་རྟོག་པ་རྣམས་ཀྱིས་ཆུ་དང་མེ་གསོད་ཡོ་ཆས་ཀྱིས་ཁོང་གི་ལུས་ཀྱི་མེ་བསད་ཅིང་། གཅར་རྡུང་བཏང་ཡོད་ལ། ཉེན་རྟོག་པའི་རླངས་འཁོར་ཆུང་ཆུང་ཞིག་གི་ནང་དུ་བཞག་ནས་ཁྱེར་ཡོད་འདུག་མོད། ས་གནས་ཡུལ་མི་རྣམས་ཀྱིས་གང་དུ་ཁྱེར་ཡོད་མེད་སོགས་ཤེས་རྟོགས་ཐུབ་མེད། གནས་ཚུལ་འགྲེལ་བརྗོད་གནང་མཁན་གྱིས་བཤད་ན་ཁོང་གི་གཟུགས་པོ་མེས་ཚིག་པ་ཚབས་ཆེན་ཡིན་ཡང་སྐབས་དེ་རང་ལ་གྲོངས་མེད་པ་གསལ་པོ་ཡིན་འདུག ཁོང་ཆུང་ཆུང་སྐབས་རྔ་པ་ཀིརྟི་དགོན་པར་ཆོས་ཞུགས་བྱས་ཤིང་། ཕྱི་ལོ་ ༢༠༡༠ ལོའི་ཟླ་ ༦ ཡས་མས་ཤིག་ལ་གྲྭ་པ་ལོགས་ནས་དེང་སྐབས་ཕ་མའི་རྩ་ལ་བསྡད་ཡོད་འདུག

དེ་ལས་མང་བ་། “དེ་རིང་ཨ་མདོ་རྔ་པ་ནས་དཔའ་བོ་ནོར་བུ་དགྲ་འདུལ་གྱིས་རང་ལུས་མེར་སྲེག་བཏང་བའི་གནས་ཚུལ།” »

སྤྱི་ལོ་༢༠༡༡ལོའི་ཟླ༡༠པའི་ཚེས་༡༢ཉིན་གྱི་ཕྱི་དྲོའི་ཆུ་ཚོད་༦པའི་ཐོག་སིད་སུར་གནས་བསྡོད་བློ་གྲོས་ལགས་དང་ཆབ་སྲིད་བཙོན་ཟུར་ཕུན་ཚོགས་དང་དཔལ་ལྡན་གསུམ་གྱིས་བཀོད་སྒྲིག་འོག་༼གོང་ས་མཆོག་བོད་དུ་ཕྱིར་ལོག་ཕེབས་ཆེད་སྙིང་ཞེན་དང་ལ་རྒྱ་ཅན་གྱིས་བོད་རིགས་དཔའ་པོ་མང་པོས་བོད་ནང་དུ་རྒྱ་ནག་གཞུང་གིས་གདུག་རྩུབ་མ་བཟོད་པར་རང་ལུས་མེར་སྲེ ག་གིས་ཡ་ང་བའི་ཞི་རྒོལ་བྱས་རྐྱེན་འདས་གྲོངས་སུ་གྱུར་བ་སྐྲ་པེ་ལགས་དང་། གྲྭ་ཕུན་ཚོགས་ལགས། ཚེ་དབང་ནོར་བུ་ལགས། བློ་བཟང་དཀོན་མཆོག་ལགས། བློ་བཟང་སྐལ་བཟང་ལགས། ཆོས་འཕེལ་ལགས།

དེ་ལས་མང་བ་། “ང་ཚོ་ནམ་ཡང་ཁྱོད་ཚོའི་རྒྱབ་ན་ཡོད།” »

སངས་རྒྱས་རྒྱ་མཚོ།

འཛམ་གླིང་གི་ཆེས་ལོ་ན་གཞོན་ཞིང་དགུང་ལོ་༣༡་ཡིན་པའི་འབྲུག་གི་རྒྱལ་བོ་འཇིགས་མེད་གེ་སར་རྣམ་རྒྱལ་དབང་ཕྱུག་གིས་དེ་རིང་སྤྱི་ཟླ་བཅུ་བའི་ཚེས་༡༣་ཉིན་ཏེ་གཟའ་ཕུར་བུ་ལ་འབྲུག་གི་ཆུ་བོ་ཕོ་ཆུ་དང་མོ་ཆུ་ཟེར་བ་གཉིས་འཛོམས་སའི་གནས་ཏེ་པུ་ན་ཁ་རྫོང་དུ་མཛེས་སྡུག་གི་ཡོན་ཏན་ཡོངས་སུ་རྫོགས་ཤིང་ལོ་ན་ཉེར་གཅིག་ཡིན་པའི་རྒྱལ་བོའི་བག་མ་རྗེ་བཙུན་པད་མ་མཆོག་འབྲུག་ཡུལ་མི་དམངས་ཀྱིས་ཡིད་ཆེས་ལྡན་པའི་སྲོལ་རྒྱུན་ཆོས་ལུགས་ཀྱི་དགའ་སྟོན་རྟེན་འབྲེལ་གྱི་མཛད་སྒོ་རྒྱ་ཆེན་པོ་ཞིག་དང་མཉམ་དུ་རྒྱལ་བོའི་ཁབ་ཏུ་བཞེས་ཡོད་པ་རེད།

དེ་ལས་མང་བ་། “འབྲུག་རྒྱལ་བོའི་འཁྲུངས་སའི་རྟེན་འབྲེལ།” »

བོད་ཀྱི་ཆོས་ལུགས་རིས་མེད་ཀྱི་བླ་ཆེན་ཡོངས་དང་། གཞིས་བྱེས་སེར་སྐྱ་ཡོངས་ལ།

ཀི་རྟི་ཁུལ་ལ་ངེད་ཚོའི་མི་དམངས་ཀྱིས་མྱོང་བཞིན་པའི་བཙན་གནོན་དང་། འུ་ཐུག་ཐབས་ཟད་ཀྱི་གནས་སྟངས་ལ་སེམས་གཏིང་ནས་སྡུག་མཉམ་ཁྱེར་གྱི་འགན་ཁྲི་ལེན་རྒྱུ་ཡིན་ལ། དེ་བཞིན་ཁོང་ཚོའི་ཞུམ་མེད་ཀྱི་སྙིང་སྟོབས། ཁོང་ཚོའི་བསམ་ཡུལ་ལས་འདས་པའི་ཆོད་སེམས་ལ་ཡི་རངས་ཞུ་རྒྱུ་ཡིན། ཁོང་ཚོར་གདུང་སེམས་མཉམ་སྐྱེད་ཀྱི་འདུན་པ་ཆེ་ཆེར་སྐྱེས་ནས། ད་རེས་ཞུ་བ་འདི་འབུལ་བཞིན་ཡོད།

དེ་ལས་མང་བ་། “རང་ལུས་བཞུ་འབུལ་གྱི་ངོ་རྒོལ་མཚམས་འཇོག་བྱེད་པར་སྐུལ་མ་གནོངས་རོགས།” »

སྤེལ་དུས།  2011-10-09
“ཀྲུང་གོའི་བོད་ལྗོངས་དྲ་བ།”ལས་དྲེན།
རྩོམ་པ་པོ། 　བསོད་ཆུང་། དཔལ་མགོན་སྐྱབས་ཀྱིས་བསྒྱུར།
བློ་བཟང་དཔལ་ལྡན་ནི་བོད་ཀྱི་ཁེ་ལས་པ་གྲགས་ཅན་ཞིག་དང་། དམངས་ཁྲོད་སྐད་བརྡ་སློབ་གསོ་གསར་སྤེལ་མཁན་ཞིག་ཀྱང་ཡིན།
ང་ ཚོ་ཕྱི་དྲོའི་ཆུ་ཚོད༣གྱི་སྟེང་དུ་རྔ་ཆེན་སྲང་ལམ་གྱི་གངས་གཞོན་སྐད་བརྡ་སློབ་ གྲྭ་ནས་ངོ་ཐུག་པའི་དུས་བཅད་བྱས། ཕྱི་དྲོའི་ཆུ་ཚོད་གཉིས་ཅུང་བརྒལ་བའི་དུས་སུ། བློ་བཟང་དཔལ་ལྡན་གྱིས་ཁ་པར་ནང་ནས་ང་རང་ཕལ་ཆེར་ཆུ་ཚོད་༣དང་སྐར་མ ༡༠ ཡི་སྟེང་དུ་སློབ་གྲྭར་འབྱོར་ཐུབ་ཅེས་བཤད། འོན་ཀྱང་ང་རང་གི་སྡོད་གནས་དང་སློབ་གྲྭའི་བར་ལམ་ཐག་ཅུང་རིང་བས། ཁོང་གི་ཁ་པར་འབྱོར་དུས་ང་རང་རླངས་འཁོར་སྟེང་དུ་ཡོད། དེ་བས་སྔོན་གྱི་དུས་ཚོད་གཏན་ཁེལ་ལྟར་གནས་དེར་ཕྱིན་པ་ཡིན། ང་རང་སློབ་གྲྭའི་མགྲོན་ཁང་དུ་ངལ་གསོ་ཅུང་ཙམ་བྱས་རྗེས། དྲ་མའི་ཕྱི་རོལ་དུ་བློ་བཟང་དཔལ་ལྡན་ཆུ་ཚོད༣ཏག་ཏག་གི་སྟེང་དུ་སློབ་གྲྭའི་ནང་ དུ་འཛུལ་འོང་བ་མཐོང་བྱུང་།

དེ་ལས་མང་བ་། “འཛམ་གླིང་ཡང་རྩེའི་ལས་རིགས་གསར་གཏོད་མཁན་བློ་བཟང་དཔལ་ལྡན།” »

ཕྱི་ལོ་ ༢༠༡༡ ཟླ་ ༡༠ ཚེས་ ༨ ཉིན་གྱི་བོད་ནང་གི་ཉིན་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་རང་ལུས་མེར་སྲེག་བཏང་ནས་རྒྱ་ནང་གཞུང་ལ་ངོི་རྒོལ་གནང་མཁན་གྱི་རྒྱལ་གཅེས་དཔའ་བོ་མཁའ་དབྱིངས་ལགས་རྔ་པ་ཁུལ་གྱི་ལྟེ་གནས་འབར་ཁམས་ནས་གཟི་བརྗིད་ལྡན་པའི་ངང་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་ཡོད་ཅིང་། འབྲེལ་ཡོད་མི་མང་གིས་དམ་པ་ཁོང་གི་སྐུ་ཕུང་ནང་མིར་རྩིས་སྤྲོད་བྱེད་དགོས་ཚུལ་གྱི་རེ་འདུན་ཤུགས་ཆེ་བཏོན་ཡང་རྒྱ་གཞུང་གིས་ཉན་འཇོག་རྩ་བ་ནས་མ་བྱས་པར་ཉིན་དེ་རང་ལ་འབར་ཁམས་ནས་ཁོང་གི་སྐུ་ཕུང་མེར་སྲེག་བཏང་ནས་རུས་ཐལ་ཞིག་ནང་མིར་སྤྲད་ཡོད་འདུག
གོང་གསལ་རང་ལུས་མེར་སྲེག་གིས་ངོ་རྒོལ་དོན་རྐྱེན་དེའི་སྐོར་རྒྱ་ནག་གཞུང་འབྲེལ་གྱི་ཤིན་ཧ་དྲ་བའི་ཐོག་ཕྱི་ཚེས་ ༨ ཉིན་གནས་ཚུལ་བཀོད་པར་ཁོང་གཉིས་ཀར་སྲོག་གི་ཉེན་ཁ་མེད་པར་མ་ཟད། རྨས་སྐྱོན་ཕོག་པ་ཚབས་ཆེན་མིན་ཚུལ་ཡང་བཤད་ཡོད་འདུག

དེ་ལས་མང་བ་། “རང་ལུས་མེར་སྲེག་གིས་ངོ་རྒོལ་བ་རྒྱལ་གཅེས་དཔའ་བོ་མཁའ་དབྱིངས་ལགས་སྐུ་ཚེ་མ་ཟིན་པའི་སྐྱོ་གནས།” »

གནས་ཚུལ་མཁོ་སྤྲོད་པ། སྦྲ་རིགས་ཐོགས་མེད།

དེ་རིང་ཞོགས་པའི(༢༠༡༡, ༡༠, ༠༩)ཆུ་ཚོད་བཅུ་བ་ཡོལ་ཙམ་གྱི་ཐོག་ཏུ་ལྡི་ལི་རོ་ཧི་ནི་ས་གནས་མཐོ་སློབ་བོད་ཀྱི་གཞོན་ནུ་ཚོགས་པའི་གོ་སྒྲིག་དང་སྣེ་ཁྲིད་འོག་ལྡི་ལིའི་མཐོ་སློབ་ཁག་འདྲ་མིན་ནང་སློབ་གཉེར་གནང་བཞིན་པའི་མཐོ་རིམ་སློབ་ཕྲུག་བཅུ་གསུམ་(བུ་མོ་བདུན་དང་བུ་དྲུག)གྱིས་བོད་ཀྱི་རྒྱ་དར་དང་། “རང་ལུས་མེ་རུ་བསྲེག་པ། རང་དབང་གི་འབོད་སྒྲ་ཡིན།” སོགས་འབོད་ཚིག་འདྲ་མིན་ཕྱར་ནས་རྒྱལ་ཁབ་ཕྱི་ནང་གི་གསར་འགོད་པ་ལྔ་བཅུ་ལྷག་གི་མདུན་སར་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་ལ་ཕར་རྒོལ་དྲག་པོ་བྱས་པ་མ་ཟད།དབྱིན་བོད་ཧིན་གསུམ་གྱི་ཐོག་ནས་གསར་འགོད་པའི་དྲི་བར་ལན་འདེབས་དང་རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་མགྱོགས་མྱུར་གནོན་ཤུགས་སྤྲོད་དགོས་པའི་འབོད་སྐུལ་བཅས་གནང་སོང་།

དེ་ལས་མང་བ་། “ལྡི་ལི་མཐོ་རིམ་སློབ་མ་ཚོས་རྒྱ་ནག་གི་གཞུང་ཚབ་ཁང་ལ་ཕར་རྒོལ་བྱས་པ།” »

ད་ལྟའི་བོད་ནང་གི་ཛ་དྲག་གི་གནས་སྟངས་དང་། ལྷག་དོན་བོད་ཁམས་ཁུལ་རྟའུ་དང་། ཨ་མདོ་རྔ་བ་ཀིརྟི་ཕྱོགས་ནས་བོད་མི་ཚོས་གཅིག་རྗེས་གཉིས་མཐུད་དུ་རང་ལུས་མེ་བསྲེག་བཏང་ནས་རྒྱ་ནག་གིས་བོད་ཐོག་འཛིན་པའི་སྲིད་ཇུས་ལ་ངོ་རྒོལ་བྱས་བ་དང་། ༸གོང་ས་མཆོག་བོད་ནང་ཕེབས་ཏུ་འཇུག་དགོས་པ་སོགས་ཛ་དྲག་གནས་སྟངས་ཆེད་བོད་མི་ཁག་གཅིག་གིས་རྒྱ་གར་རྒྱལ་སའི་རྒྱ་ནག་གཞུང་ཚབ་ཁང་གི་མདུན་ཞི་བའི་ལས་འགུལ་སྤེལ་བར་བརྟེན་བོད་མི་ལས་འགུལ་བ་ཕོ་མོ་གྲངས་ ༡༣ ཙམ་འཛིན་བཟུང་བྱས་འདུག།

དེ་ལས་མང་བ་། “བོད་མི་ ༡༣ བཟུང་འདུག།” »