རེས་གཟའ་མིག་དམར་ཉིན། བོད་ནང་གི་རང་ལུས་མེར་བསྲེགས་གཏོང་མཁན་ཚོའི་ཆེད་དུ། བལ་ཡུལ་དུ་བོད་མི་ཚོས་གདུང་སེམས་མཉམ་བསྐྱེད་ཀྱི་ཞལ་འདོན་འཚོགས་ཤིང་། ཞལ་འདོན་རྗེས་སུ་ བོད་མི་བརྒྱ་ལྷག་བལ་ཡུལ་ཉེན་རྟོག་པས་འཛིན་བཟུང་བྱས་འདུག དོན་རྐྱེན་དེའི་རྗེས་སུ། བལ་ཡུལ་དུ་གནས་སྡོད་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་བའི་གནས་ཚུལ་ཐོན་འདུག
དེ་ལས་མང་བ་། “བལ་ཡུལ་གྱི་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་འདུག” »
གྲགས་པ་ནས།
སྤྱི་ཟླ་༡༡ཚེས་༡ཉིན་བོད་ནང་གི་རྒྱལ་གཅེས་དཔའ་བོ་ཕོ་མོ་སྐུ་ལུས་མེ་སྲེག་གཏོང་མཁན་རྣམས་ལ་གདུང་སེམས་མཉམ་བསྐྱེད་ཆེད། ཀ་ཐ་མན་ཀྲུའི་ས་གནས་གཞོན་ནུ་དང་སྤོག་ར་ས་ཁུལ་གྱི་ས་གཞོན་གཉིས་ཀྱིས་གོ་སྒྲིག་བྱས་ཏེ་འཇོ་ལ་ཁེལ་དུ་བལ་ཡུལ་བོིད་མིའི་གཞིས་ཆགས་ཀྱི་ཉེ་ཁྲིས་སུ་རྩེད་ཐང་ཆེན་པོ་ཞིག་ཡོད་སར་བལ་ཡུལ་ནང་གི་ སེར་སྐྱ་མང་ཚོགས་འདུ་འཛོམས་ཀྱིས་མཆོད་འབུལ་གཞི་རྒྱ་ཆེ་ཞིག་གནང་འཆར་ཡོད་ཀྱང་། བལ་ཡུལ་ཉེན་རྟོག་པས་འཇོ་ལ་ཁེལ་གཞིས་ཆགས་སུ་འགྲོ་སའི་སྲང་ལམ་ཡོངས་རྫོགས་ལ་ཉེན་རྟོག་པ་འགྲེམ་འཇོག་བྱས་ཏེ་བཀག་འགོག་ཤུགས་ཆེ་བྱས་པས།
བོད་ནང་དུ་བོད་བསྟན་སྲིད་མི་རིགས་ཀྱི་དོན་དུ་རང་སྲོག་བློས་གཏོང་གནང་བཞིན་པར་ཕྱི་རྒྱལ་རང་དབང་ལུང་པ་ན་ཡོད་པའི་བོད་རིགས་ཡོངས་ཀྱིས་རྒྱབ་སྐྱོར་གང་ཐུབ་ཞུ་དགོས་པ་འོས་འགན་ཡིན་སྟབས་འདི་ག་སྦེལ་ལྗམ་བོད་རིགས་ཚོགས་པ་དང་། རྒྱལ་སྤྱིའི་བོད་དོན་ལས་འགུལ་ཁང་། སྦེལ་ལྗམ་བོད་ཀྱི་གྲོགས་པོ་ཚོགས་པ་། ས་གནས་གཞོན་ནུ་ཚོགས་པ་། ས་གནས་ཆུ་བཞི་སྒང་དྲུག་བཅས་ཚོགས་པ་ཁག་ལྔ་ཐུན་མོང་གིས་༢༠༡༡་ ཕྱི་ཟླ་༡༡ ཚེས་༣་དང་ ༤་༧་༨་༩་སོ་སོར་ཞོགས་པ་ཆུ་ཚོད་དགུ་ནས་དགོང་དྲོའི་ཆུ་ཚོད་དྲུག་པ་བར་དུ་སྦེལ་ལྗལ་གྱི་རྒྱལ་ས་སྦར་སིལ་ནང་ཡུ་རོབ་གྲོས་ཚོགས་ཚོགས་བཞིན་པའི་སྐབས་དང་བསྟུན་ཏེ་ཡུ་རོབ་གྲོས་ཚོགས་ཀྱི་མདུན་དུ་ཟས་བཅད་ངོ་རྒོལ་གནང་གཏན་ཁེལ་ཡོད་པས་ཡུ་རོབ་ཁུལ་གྱི་བོད་མི་གང་མང་མང་ཞིག་མཉམ་ཞུགས་གནང་རོགས་། ཕྱི་ཚེས་༩ ཉིན་གྱི་དགོང་དྲོའི་ཆུ་ཚོད་དྲུག་པ་ནས་བརྒྱད་པ་བར་ངོ་རྒོལ་སྐད་འབོད་ཁྲོམ་སྐོར་ཞིག་ཀྱང་གནང་གཏན་ཁེལ་ཡོད། ས་གནས་དང་འབྲེལ་བ་བྱེད་ཡུལ་ Place du luxemberg (infront…
Untitled from VOT on Vimeo.
༄༅། །རྒྱལ་ཞེན་ལྷག་བསམ་དང་སྙིང་སྟོབས་གྱིས་ཕྱུག་པའི་རྩོམ་པ་པོ་རྣམས་ཀྱི་སྙན་དབང་དམ་པར།
གུས་འདུད་གྲངས་མེད་དང་བཅས་ཞུ་གསོལ། བོད་དུ་རྒྱ་ནག་དམར་པོའི་གཞུང་གིས་ཕྱི་ལོ་ ༡༩༤༩ ལོར་བཙན་འཛུལ་བྱས་པ་ནས་ད་བར་བོད་ཡུལ་ཟ་སེམས་དང་། བོད་མི་རྩ་མེད་དུ་གཏོང་རྒྱུའི་ངན་བྱུས་ཁོ་ནའི་འོག་བོད་མི་ཚོར་མི་སྤྱོད་ལས་འདས་པའི་སྡུག་སྦྱོང་མནར་གཅོད་གྲངས་མེད་ཅིག་བཏང་ཞིང་། དུས་ཡུན་དེའི་ནང་རྒྱུན་ཆད་མེད་པར་བོད་ཀྱི་དཔའ་བོ་དང་དཔའ་མོ་ཚོས་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་གཏོང་གིས་རྒྱ་ནག་གཞུང་ལ་ངོ་རྒོལ་བྱས་ཤིང་། ཕྱི་ལོ་ ༡༩༤༩ ནས་ ༢༠༡༡ ལོའི་བར་རྒྱལ་གཅེས་དཔའ་རྒོད་ཁོང་རྣམས་ཀྱིས་བོད་དོན་ཐད་རེ་བའི་དམིགས་ཡུལ་གང་འདྲ་ཞིག་གླེང་བཞིན་རེ་རེ་བཞིན་ཕྱི་མའི་ཡུལ་དུ་གཤེགས་སོང་བ་རེད
༄༅།།བོད་ཀྱི་སྐད་ཡིག་ལ་ཤ་ཞེན་ཆེ་ཞིང་རྩོམ་རིག་ལ་དུང་བ་ཟབ་པའི་རྒྱལ་ཁབ་ཕྱི་ནང་གི་བོད་རིགས་སྙུག་འཛིན་པ་ཚོ་ལ་ཆེད་ཞུ།
ངེད་ཅག་གི་ཅང་ཤེས་རྨིག་སྒྲ་དུས་དེབ་ནི་ད་སྔ་ཡན་འདོན་ཐེངས་བརྒྱད་བོད་ཀྱི་སྤྱི་ཚོགས་སུ་བཀྲམ་ཟིན་ལ།
འོན་ཀྱང་། ཕྱི་ནང་གི་རྐྱེན་དུ་མའི་དབང་གིས་ལོ་གཅིག་ལ་དཔར་བསྐྲུན་བྱེད་མ་ཐུབ་པར་ལྷག་པ་རེད། དེ་རིང་བསྐྱར་དུ་མི་རིགས་ཀྱི་བདེ་སྡུག་དང་སྐད་ཡིག་གི་རིན་ཐང་བསམ་སྟེ་སྔར་བཞིན་ལམ་ལ་ཆས་ཡོད་པས། བོད་ཕྱི་ནང་གི་རྩོམ་པ་པོ་དག་གིས་དེ་ལུགས་རྩོམ་ཡིག་གནང་རྒྱུ་མཁྱེན།
༄༅།།བོད་ཀྱི་སྐད་ཡིག་ལ་ཤ་ཞེན་ཆེ་ཞིང་རྩོམ་རིག་ལ་དུང་བ་ཟབ་པའི་རྒྱལ་ཁབ་ཕྱི་ནང་གི་བོད་རིགས་སྙུག་འཛིན་པ་ཚོ་ལ་ཆེད་ཞུ།
ངེད་ཅག་གི་ཅང་ཤེས་རྨིག་སྒྲ་དུས་དེབ་ནི་ད་སྔ་ཡན་འདོན་ཐེངས་བརྒྱད་བོད་ཀྱི་སྤྱི་ཚོགས་སུ་བཀྲམ་ཟིན་ལ།
འོན་ཀྱང་། ཕྱི་ནང་གི་རྐྱེན་དུ་མའི་དབང་གིས་ལོ་གཅིག་ལ་དཔར་བསྐྲུན་བྱེད་མ་ཐུབ་པར་ལྷག་པ་རེད། དེ་རིང་བསྐྱར་དུ་མི་རིགས་ཀྱི་བདེ་སྡུག་དང་སྐད་ཡིག་གི་རིན་ཐང་བསམ་སྟེ་སྔར་བཞིན་ལམ་ལ་ཆས་ཡོད་པས། བོད་ཕྱི་ནང་གི་རྩོམ་པ་པོ་དག་གིས་དེ་ལུགས་རྩོམ་ཡིག་གནང་རྒྱུ་མཁྱེན།
ཕྱི་ལོ་ ༢༠༡༡ ཟླ་ ༡༠ ཚེས་ ༢༧ རེས་གཟའ་ཕུར་བུའི་ཉིན་ཨི་ཊཱ་ལིའི་གྲོང་ཁྱེར་ཨ་སི་སིའི་(Assisi)ནང་འཛམ་གླིང་ཞི་བདེའི་སྨོན་ལམ་གྱི་ཉིན་མོ་དབུ་བཙུགས་ནས་མི་ལོ་ ༢༥ འཁོར་བའི་དུས་དྲན་ཐོག་༧གོང་ས་མཆོག་གི་སྐུ་ཚབ་ཏུ་བཀའ་ཟུར་ཟམ་གདོང་རིན་པོ་ཆེ་མཆོག་ཆེད་ཕེབས་གནང་ཡོད། མཛད་སྒོའི་ཐོག་མར་འཛམ་གླིང་ཞི་བདེའི་སྨོན་ལམ་གྱི་ཉིན་མོ་དེ་བཞིན་ཕྱི་ལོ་ ༡༩༨༦ ལོར་ཐོག་མར་འཛུགས་སྐབས་ཀྱི་གློག་བརྙན་ཞིག་སྟོན་སྐབས་གོང་ས་མཆོག་དང་ཡི་ ཤུའི་ཆོས་དཔོན་སྐུ་ཞབས་ཌེ་སི་མོན་ཊུ་ཊུ་མཆོག་བཅས་བསྟན་ཡོད། དེ་རྗེས་ཆོས་ལུགས་དབུ་ཁྲིད་ཚོས་གསུང་བཤད་སྙིང་བསྡུས་ཤིག་གནང་ཡོད།
༄༅།།རིགས་ཞེན་གྱི་ཟུངས་ཁྲག་བཞུར་ཅིང་ཤེས་རིག་གི་འདབ་མ་བཞད་ཀྱིན་པའི་གངས་ཅན་བོད་ཀྱི་ན་གཞོན་སློབ་ཕྲུག་ཡོངས་ཀྱི་སྙན་ལམ་དུ།
འུ་ཅག་གི་ཕ་ས་ཕྱུག་མོར་རྒྱ་དམར་གྱི་བཙན་འཛུལ་སླེབས་པ་ནས་མནར་གཅོད་དང་དྲག་གནོན་རྐྱང་རྐྱང་གི་འོག་བདེན་པ་དང་རང་དབང་གི་སྐད་སྒྲ་ཅུང་ཙམ་ཡང་འབོད་དབང་མི་སྟེར་བར་ལོ་ངོ་དྲུག་ཅུ་ལྷག་འགྲོ་བར་ཉེ་བའི་དུས་ཡུན་འདིའི་རིང།
རྒྱལ་ཞེན་གྱི་མེ་ལྕེ་འབར་བའི་འུ་ཚོ་དང་ཤ་རུས་གདུང་རྒྱུད་གཅིག་པའི་སྤུན་ཟླ་མང་པོས་སྙིང་སྟོབས་ཀྱི་དཔའ་ངར་ཞུམ་མེད་ཀྱིས་བསྐྱེད་དེ་ཁྱོད་དང་ང་། ཁོ་མོ་སོགས་བོད་མི་ཚང་མའི་ཐུན་མོང་གི་བདེ་སྐྱིད་དང་འཚོལ་སྙེགས་ཆེད། དེ་ལྟར་རང་སྲོག་དམར་པོ་འབེན་དུ་བཞག་ནས་བདེན་པའི་དཔང་རྟགས་སུ་གངས་རིའི་ལོ་རྒྱུས་ཀྱི་དར་ཆ་རུ་བསྒྲེངས་འོངས་ན།
དེ་ལས་མང་བ་། “དཔའ་བོ་རྗེས་དྲན་གྱི་རི་མོ་དང་རྩོམ་ཡིག་འགྲན་བསྡུར་གྱི་གསལ་བརྡ།” »
བྱང་ཨ་རིའི་ས་གནས་སྦོས྄་ཊོན་དུ་རྒྱལ་གཅེས་ལྷག་བསམ་ལྡན་པའི་གཞོན་སྐྱེས་ཁ་ཤས་ཤིག་གིས་ཕྱི་ལོ་ ༢༠༠༨ ཟླ་བ་ ༣ ཚེས་པ་ ༡༠ ནས་བཟུང་ད་བར་༧སྐུའི་བླ་གཟའ་རེ་གཟའ་ལྷག་པ་གང་ཡིན་ལ་ཆར་རླུང་ཚྭ་གྲང་གངས་ཚུབ་གང་ཅིར་འཛེམས་མེད་དང་ཆབ་སྲིད་ཀྱི་ལངས་ཕྱོགས་རིགས་མེད་ཐོག་འདི་ག་ས་གནས་སྦོས྄་ཊོན་དུ་ཧར་ཝཊ་(Harvard Square) འཛོམ་ར་ཆེན་མོར་དགོང་དྲོའེ་ཆུ་ཚོད་ ༦ ནས་ ༨ བར་བོད་ཀྱི་རྩ་དོན་དང་བོད་ནང་གི་གནས་སྟངས་རྒྱ་དམར་གཞུང་ནས་བོད་ཐོག་འཛིན་བཞིན་པའི་སྲིད་བྱུས་སོགས་ཡུལ་བསྐོར་སྤྲོ་འཆམས་པ་རྣམས་དང་ལྷག་པར་དུ་ཧར་ཝཊ་གཙུག་ལག་སློབ་གྲྭའི་སློབ་ཕྲུག་རྣམས་ལ་གོ་རྟོགས་སྤེལ་རྒྱུའི་ཡིག་ཆ་སྒྲེམས་སྤེལ་དང་ཆབས་གཅིག་༧རྒྱལ་བའི་ཞབས་བརྟེན་མཎི་ཡིག་དྲུག་སྒྲོལ་མའི་གཟུང་སྔགས་སོགས་འུར་འདོན་གྱི་ལས་འགུལ་བརྩམ་དང་རྩོམ་བཞིན་པར་ཁེ་སང་རེ་གཟའ་ལྷག་པ་ཕྱི་ཚེས་ ༢༦ ལྷག་དཀར་གྱི་དགོངས་དྲོ་ཆུ་ཚོད་…
དེ་ལས་མང་བ་། “བཀུར་འོས་སྐུ་ཤོ་དཔལ་ལྡན་རྒྱ་མཚོ་མཆོག་ས་གནས་སྦོས྄་ཊོན་དུ་ཕེབས་པ༎” »
༄༅། །མཁྱེན་དཔྱོད་ཡངས་པའི་རྒྱ་ཆེའི་སྨྱུག་ཐོགས་པ་རྣམ་པའི་སྙན་ལམ་དུ་ཆེད་གསོལ།
འདི་གར༼གསེར་གྱི་གཟེངས་རྟགས༽དུས་དེབ་རྩོམ་སྒྲིག་ཁང་ནས། ༸གོང་ས་༸སྐྱབས་མགོན་ཕྱག་ན་པདྨོ་༸རྒྱལ་དབང་ཐམས་ཅད་མཁྱེན་པའི་ཞལ་སྔ་ནས་ཀྱིས། ཉེ་ཆར་བོད་ཀྱི་ཆབ་སྲིད་ཀྱི་དབུ་ཁྲིད་ལས་བགྲེས་ཡོལ་ཕེབས་གནང་མཛད་པ་དང་། དེ་བཞིན་གནམ་བསྐོས་དགའ་བ་བརྒྱ་ལྡན་ཕོ་བྲང་བ་ཆེན་པོའི་མཚན་གནས་ཕྱིར་བསྡུ་དང་། ཆོས་སྡེ་དང་སློབ་གྲྭ་ཁག་སོགས་སུ་རིགས་གཅིག་རྐང་འཛིན་གྱི་ཆེད་ལས་པ་ཐོན་ཐབས། ཚན་ཆོས་ཟུང་འབྲེལ་གྱིས་རྒྱལ་བསྟན་འཛིན་ཐབས། ༸གོང་ས་མཆོག་གི་བྱམས་བརྩེ་དང་། རྒྱ་གཞུང་གིས་འཁྱོག་བཤད། ༸གོང་ས་མཆོག་གིས་ཞི་བདེའི་ལམ་སྟོན་དང་། རྒྱལ་སྤྱིའི་དགོས་མཁོ། ༸གོང་ས་མཆོག་དང་།གཞིས་ལུས་རྒྱ་ཆེའི་མི་མང་དབར་གྱི་དམ་ཚིག་སོགས་སོ་སྐྱེས་བློ་ཡུལ་ལས་འགོངས་པའི་མཛད་བཞེད་ཁག་གཞིར་བཟུང་ནས་དཔྱད་རྩོམ་དང་། བརྗོད་དོན་དེ་མཚུངས་རྒྱལ་ཕྱི་ནང་གི་རྩོམ་ཡིག་གྲགས་ཅན་བསྒྱུར་རྩོམ། བསྟོད་རྩོམ། དེ་བཞིན་༸རྒྱལ་དབང་སྐུ་ཕྲེང་རིམ་བྱོན་དང་འབྲེལ་བའི་ཆེད་རྩོམ་རྒྱལ་བ་དགྱེས་པའི་མཆོད་སྤྲིན་དུ་འགྱུར་ངེས་དག་མྱུར་མགྱོགས་ངང་ཕྱིཟླ་༡༢ པའི་ཚེས་ཤར་ཚུན་འགྱངས་མེད་གནང་སྐྱོང་ཡོང་བའི་སྐྱབས་འཇུག་ཞུ་རྒྱུ་དང་། དེ་ཡང་རྩོམ་ཡིག་དང་འབྲེལ་ནས་རྩོམ་པ་པོ་སོ་སོའི་ལོ་རྒྱུས་ཉུང་ངུ་རེ་དང་། སྐུ་པར། ཁ་པར་གྱི་ཨང་གྲངས་བཅས་བསྐུར་རོགས།
རྩོམ་ཡིག་གི་མ་ཕྱི་རང་གིས་ཉར་ཚགས་གནང་དགོས་པ་ལས་རྩོམ་སྒྲིག་ཁང་ནས་ཕྱིར་འབུལ་རྒྱུ་མིན་པས་ཐུགས་ལ་འཛིན་པར་ཞུ།
ཕྱི་ལོ་ ༢༠༡༡ ཟླ་ ༡༠ ཚེས་ ༢༧ ལ་གནས་ཚུལ་འབྱོར་བར་ཉིན་ཤས་སྔོན་རྔ་པ་རྫོང་རྔ་སྟོད་ཨ་འདུས་གཤོང་བའི་ཝོ་ཁ་ཚང་གི་རྔ་པ་ཀིརྟི་དགོན་པའི་གྲྭ་བློ་གྲོས། རང་ལོ་ ༣༦ ཙམ། ཕ་མིང་གདུགས་ཁོ་ཡིན་པ་ཁོང་འཛིན་བཟུང་བཀག་ཉར་བྱས་ཡོད་ཀྱང་། ད་ཆ་གར་ཡོད་སོགས་ཀྱི་གནས་སྟངས་འབྲེལ་ཡོད་ཚོས་ཤེས་རྟོགས་ཡོང་གི་མེད་པར་མ་ཟད། འཛིན་བཟུང་བྱེད་དགོས་པའི་རྒྱུ་མཚན་ཡང་འདི་ཡིན་གསལ་བཤད་གང་ཡང་བྱས་མེད་འདུག
དེ་བཞིན་འདི་ཟླའི་ཟླ་སྟོད་ཙམ་ལ་རྔ་པ་རྫོང་ཇོ་ལེབས་སྡེ་བའི་སྟག་ཀ་ཚང་གི་ཟླ་བ། རང་ལོ་ ༣༩
དུས་རབས་ཀྱི་ང་ཞེས་པའི་དུས་དེབ་ཀྱི་རྩོམ་སྒྲིག་པ་ཁོང་ལ་རྔ་པ་ཁུལ་གྱི་ལྟེ་གནས་འབར་ཁམས་ནས་ལོ་ ༣ གྱི་དུས་བཀག་བཙོན་འཇུག་གི་ཐག་གཅོད་བྱས་ཡོད་འདུག ཁོང་ཕྱི་ལོ་ ༢༠༡༠ ཟླ་ ༡༠ ཚེས་ ༡ ཉིན་རྔ་པ་ཁུལ་གྱི་བདེ་འཇགས་མི་སྣས་རྒྱ་ནག་གི་གྲོང་ཁྱེར་ཁྲིན་ཏུའུ་ནས་འཛིན་བཟུང་བྱས་པ་ནས་ད་བར་ཐག་གཅོད་གང་ཡང་མ་བྱས་པར་བཞག་ཡོད་འདུག ཁོང་རྔ་པའི་གྲོང་སྡེའི་སློབ་གྲྭ་ཞིག་གི་དགེ་རྒན་ཡིན་ཞིང་། ལས་ཞོར་དུ་དུས་རབས་ཀྱི་ང་རྩོམ་སྒྲིག་གི་ལས་ཀ་གནང་བཞིན་པ་དང་། ཁོང་དང་ལས་རོགས་དག་གིས་རྔ་པའི་ནང་ལ་རིག་གཞུང་བགྲོ་གླེང་མང་པོ་གོ་སྒྲིག་གནང་མྱོང་ཡོད་འདུག ཁོང་འཛིན་བྱེད་དགོས་པའི་རྒྱུ་མཚན་གསལ་པོ་ཤེས་རྟོགས་མ་ཐུབ་མེད། ཉིན་ཤས་གོང་གཟའ་ཟླ་དང་ཕྲུ་གུ་བཅས་ཕན་ཚུན་མཐོང་ཙམ་གྱི་གོ་སྐབས་སྤྲད་ཡོད་ཀྱང་སྐད་བཤད་རྒྱུའི་གོ་སྐབས་མེད་ཅིང་། ཁོང་སྐུ་སྒེར་དྲུང་ཆེ་རྔ་པ་ཚེ་རྒྱམ་གྱི་སྤུན་ཡིན་འདུག
མཁོ་སྤྲོད་པ་སྤྱན་ཆབ།
སྤྱི་ཟླ༡༠ཚེས་༢༧ཉིན་ནོར་བུ་གླིང་གར་གནས་བསྡོད་ཆབ་སྲིད་བཙོན་ཟུར་ཕུན་ཚོགས་ཚེ་རིང་ལགས་གཙོས་རྒན་བློ་གྲོས་རྒྱ་མཚོ་མགོན་པོ་གསུམ་གྱིས་མ་སྐུལ་དང་བླང་གིས་ཚེས་༢༥ཉིན་རང་ལུས་མེར་མཆོད་བཏང་བའི་ཁམས་དཀར་མཛེས་དགོན་ཆེན་གྱི་གྲྭ་ཟླ་བ་ཚེ་རིང་ལགས་གཙོ་བྱས་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམ་པར་དང་གདུང་སེམས་མཉམ་སྐྱེད་དུ་གཞི་རྒྱ་ཆེ་བའི་མར་མེའི་ཁྲོམ་སྐོར་བཀོད་སྒྲིག་བྱས་འདུག
མཁོ་འདོན་པ།སྦྲ་རིགས་ཐོགས་མེད།
(པར་རིས་གསར་འགྱུར།)
ཉེ་ཆར་(༢༤/༡༠/༢༠༡༡)ལྡི་ལི་བོད་ཀྱི་མཐོ་རིམ་སློབ་མ་ཚོས་མཉམ་འབྲེལ་རྒྱལ་ཞཽགས་ཀྱི་ལྡི་ལི་ཡན་ལག་ལས་ཁུངས་མདུན་དུ་དགོས་འདུན་དོན་ཚན་གསུམ་གྱི་འོག་ངོ་རྒོལ་སྐད་འབོད་བྱས་རྗེས། ས་གནས་འབྲེལ་མཐུད་པ་བརྒྱུད་སྙན་ཞུའི་ཡིག་ཆ་ཁག་ཐད་ཀར་རྒྱལ་ཚོགས་ཀྱི་དྲུང་ཆེ་མཆོག་ལ་ཕུལ་ཐུབ་པ་བྱུང་ཡོད། གཤམ་གྱི་འདྲ་པར་ཁག་ནི་ཉིན་དེའི་ངོ་རྒོལ་བྱེད་སྟངས་ཀྱི་རྣམ་པ་ཁག་ཡིན་ལ་ངོ་རྒོལ་བྱེད་ཚུལ་དེ་ལ་དབུགས་གླིང་རྒྱང་འབུད་ཀྱི་ངོ་རྒོལ་(whistle blowing Protest)་ཅེས་སུ་འབོད།
རྩོམ་པ་པོ་བློ་བཟང་ཆོས་འབྱོར་གྱིས།
ཕྲན་ནས་ཉེ་སྔོན་དུས་བབ་དྲ་ངོས་སུ་༼ སེང་གེའི་བཀའ་ཤག་གི་མདུན་ལམ ༽་ཞེས་པའི་རྩོམ་ཡིག་ཅིག་སྤེལ་བ། རང་ངོས་ནས་ལྷག་བསམ་རྣམ་དག་གིས་ཆབ་སྲིད་དཔྱད་གཏམ་དུ་བྲིས་པ་ཉག་ཅིག་ཡིན་ཡང་། ལས་བྱེད་པའི་བླང་དོར་སྒྲིག་གཞི་དང་འགལ་འཛོལ་བྱུང་བའི་བཀའ་ཡིག་འབྱོར་སོང་བས། ཕྲན་རང་ལས་བྱེད་བླང་དོར་སྒྲིག་གཞིའི་ཐད་ཤེས་རྟོགས་གང་ཡང་མེད་པས་དེ་འགལ་རིགས་ལ་སྙིང་ནས་དགོངས་སེལ་ཞུ་རྒྱུ་ཡིན། དེ་བཞིན་རྩོམ་ཡིག་དེར་རང་གི་བློ་མིག་ཉམས་ཆུང་གིས་མ་མཐོང་མ་རྟོགས་པའི་ཆ་ཤིན་ཏུ་མང་བ་ཆོས་ཉིད་དུ་གྲུབ་ཀྱང་། ཀུན་སློང་དང་དམིགས་ཡུལ་གཙང་མ་གཙང་རྐྱང་ཡིན་པའང་དོ་གལ་ཆེན་པོས་ཞུ་བཞིན་ཡོད།
དེ་ལས་མང་བ་། “དཔལ་ལྡན་བཀའ་བློན་ཁྲི་པ་འབུམ་རམས་པ་སྐུ་ཞབས་བློ་བཟང་སེང་གེ་མཆོག་གི་དྲུང་དུ།” »
༼བོད་ཀྱི་དུས་བབ་དྲ་ངོས་ནས་འདྲེན་བཀོད་ཞུས༽
ཁམས་དཀར་མཛེས་དགོན་གྱི་གྲྭ་ཟླ་བ་ཚེ་རིང་ལགས་ཀྱིས་རང་ལུས་མེར་བསྲེགས་བཏང་རྗེས། དགེ་འདུན་པ་དང་མི་མང་ཚོས་སྨན་ཁང་དུ་ཁྲིད་དེ་སྨན་བཅོས་ཕྲན་བུ་བྱས་ནས་ཕྱིར་དགོན་ནང་དུ་ཕེབས་ཡོད་འདུག
དེ་ལས་མང་བ་། “རྒྱལ་གཅེས་དཔའ་བོ་ཁམས་དཀར་མཛེས་དགོན་པའི་གྲྭ་ཟླ་བ་ཚེ་རིང་ལགས་ཀྱི་གནས་སྟངས།” »
༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽ དེ་རིང་དཀར་མཛེས་དགོན་པའི་དུས་གཏོར་འདུ་ཚོགས་ཐོག དགེ་འདུན་པ་ཞིག་གིས་བོད་དོན་སྐད་འབོད་སྒྲོག་བཞིན་རང་ལུས་མེར་བསྲེགས་བཏང་ཡོད་འདུག ད་ལྟ་རང་གནས་ཚུལ་འབྱོར་བ་ལྟར་ན། དེ་རིང་ཉིན་གུང་བོད་ནང་གི་ཆུ་ཚོད་ ༡༢ ཙམ་ལ། དཀར་མཛེས་དགོན་པའི་འཆར་ཅན་གྱི་དུས་གཏོར་ཚོགས་བཞིན་པའི་སྐབས། གློ་བུར་དུ་དགེ་འདུན་པ་ཞིག་གིས་རང་ལུས་ལ་ས་སྣུམ་བཤོས་ཏེ་མེ་སྦར་ཡོད་འདུག་ལ། སྐབས་དེར་དམར་ལྷབ་ལྷུབ་ཀྱི་མེ་ལྕེའི་ཁྲོད་དུ་ “ རྒྱལ་བ་རིན་པོ་ཆེ་བོད་ལ་གདན་འདྲེན་ཞུ། བོད་ལ་རང་དབང་དགོས། མི་རིགས་འདྲ་མཉམ་དགོས” སོགས་ཀྱི་སྐད་འབོད་བརྒྱབ་ཡོད་ཅིང་།…
སྒྱུ་རྩལ་དབུ་འབྱེད་། “ང་ཚོའི་ས་ཆ་། ང་ཚོའི་མི་མང་།”
མཛད་སྒོའི་སྟེགས་བུ། བོད་ནས་དབོར་བའི་ས་སྤྱི་རྒྱ་ཁྲི་གཉིས་ཀྱིས་བསླངས།
འཚོགས་ཡུལ། རྡ་སྟེང་བོད་ཁྱིམ་ལག་རྩེད་སྤོ་ལོའི་ཐང་།
ཟླ་ཚེས་། སྤྱི་ཟླ་༡༠པའི་ཚེས་༢༦ཉིན།
དུས་ཚོད་། ཞོགས་པའི་དུས་ཚོད་༩པ།
མཛད་རིམ།
དུས་ཚོད་དགུ་བའི་སྟེང་། བཀའ་བློན་ཁྲི་པའི་རྟེན་འབྲེལ་དབུ་འབྱེད་།
དུས་ཚོད་༩དང་སྐར་མ་༡༠སྟེང་། ཀིརྟི་བྱེས་བ་གྲ་ཚང་གི་དགེ་འདུན་པའི་ཞལ་འདོན།
དུས་ཚོད་༩དང་སྐར་མ་༡༥སྟེང་། སྒྱུ་རྩལ་བ་བསྟན་འཛིན་རིག་གྲོལ་གྱི་གཏམ་བཤད་།
དུས་ཚོད་༡༡ སྟེང་། གསར་འགོད་གསལ་བསྒྲགས།
འབྲེལ་གཏུགས་བྱེད་ཡུལ།
བསྟན་འཛིན་རིག་གྲོལ། 91-9958259678
བསྟན་འཛིན་རྡོ་རྗེ། 91-9736514721
པད་མ་སྒྲོལ་མ། 91.8679694084
སྒྱུ་རྩལ་གྱི་མཛད་སྒོ་འདི་། ཕ་ཡུལ་དྲ་རྒྱས་དྲ་ཐོག་ནས་ཐད་གཏོང་ཡང་བྱེད་གི་ཡོད་།
http://www.phayul.com
དཀའ་སྡུག་དང་ཀྱག་ཀྱོག་གི་ལམ་ཐག་རིང་པོ་དེ་བརྒྱུད་། བོད་ཀྱི་དེང་རབས་སྒྱུ་རྩལ་བ་བསྟན་འཛིན་རིག་གྲོལ་གྱིས། བོད་ནས་ས་སྤྱི་རྒྱ་ཁྲི་གཉིས་རྒྱ་གར་དུ་དབོར་འདྲེན་བྱས་ཏེ། རྡ་ལམ་ས་ལར་བོད་ཀྱི་ས་ཡི་སྟེགས་བུ་ཞིག་བསྐྲུན་ནས་མཛད་སྒོ་སྐོང་གི་ཡོད་། བོད་ཀྱི་ས་ཡི་སྡིངས་ཆ་དེ་བསྐྲུན་པའི་རྗེས་སུ། དེའི་ཐོག་ཏུ་བོད་མི་རྣམས་ཀྱིས་རྐང་རྗེས་བཞག་ཆོག་པ་མ་ཟད་གོམ་པ་ཕར་སྤོ་ཚུར་སྤོ་བྱས་ཆོག ད་དུང་། བོད་མི་རྣམས་སྡིངས་ཆའི་སྟེང་བུད་ནས་རང་གི་ཚོར་བ་རྣམས་གཞན་ལ་བརྗོད་ཆོག སྡིངས་ཆ་འདིའི་བཟོ་དབྱིབས་དེ་བོད་ཀྱི་རྒྱལ་དར་གྱི་ངོ་བོར་བསྐྲུན་ཅིང་དེས་བོད་ཀྱི་ཡ་ང་བའི་ལོ་རྒྱུས་མཚོན་པར་བྱེད་།
དེ་ལས་མང་བ་། ““ང་ཚོའི་ས་ཆ། ང་ཚོའི་མི་མང་།” ལོ་རྒྱུས་རང་བཞིན་གྱི་སྒྱུ་རྩལ་མཛད་སྒོ” »
གསར་འགྱུར་མཁོ་གཏོང་བ་རིག་འཛིན། །
ཁ་སང་སྤྱི་ཚེས་༡༩ཉིན་ཨོ་སི་ཀྲོ་ལེ་ཡའི་གྲོང་ཁྱེར་མལ་སྦོན་གྱི་བོད་རིགས་ཚོགས་པའི་གོ་སྒྲོག་འོག་ས་གནས་བོད་མི་དང་བོད་དོན་རྒྱབ་སྐྱོར་བ། རྒྱ་བོད་མཛའ་འབྲེལ་ཚོགས་པའི་ཚོགས་མི་བཅས་ཁྱོན་མི་གྲངས་ ༢༠ ་ལྷག་གིས་ཞོགས་པ་ཆུ་ཚོད་ ༡༠ ནས་དགོང་ ཆུ་ཚོད་ ༤བར་གྲོང་ཁྱེར་མལ་སྦོན་(Melbourne)གྱི་རྒྱ་ནག་གཞུང་ཚབ་མདུན་དུ་ཟས་བཅད་ངོ་རྒོལ་དང་སྐད་འབོད་ཀྱི་ལས་འགུལ་ཞིག་སྤེལ་སོང་།