དེ་རིང་རྒྱལ་སྤྱིའི་སྐད་ཡིག་ཉིན་མོར་བོད་ཀྱི་སྐད་ཡིག་རྒྱུན་འཛིན་ཚོགས་པས་གོ་སྒྲིག་འོག་གངས་སྐྱིད་དཔེ་མཛོད་ཁང་གི་ཚོགས་ཁང་དུ་ཉམས་ཞིབ་པ་དང་རྩོམ་པ་པོ། རྩོམ་སྒྲིག་པ་བཅས་ཀྱིས་བོད་ཀྱི་སྐད་ཡིག་སྐོར་ལ་བགྲོ་གླེང་གནང་སྟེ་རྒྱལ་སྤྱིའི་སྐད་ཡིག་ཉིན་མོ་སྲུང་བརྩི་བྱས་སོང་། ཐེངས་འདིའི་བགྲོ་གླེང་གི་ཐོག་མར་བོད་ཀྱི་སྐད་ཡིག་རྒྱུན་འཛིན་ཚོགས་པའི་ཚོགས་གཙོ་འབྲོག་རུ་ཆོས་དར་གྱིས་རྒྱལ་སྤྱིའི་སྐད་ཡིག་གི་གནས་སྟངས་དང་འབྲེལ་ཚོགས་པས་ངོས་ནས་ལོ་ལྟར་ཉིན་མོ་འདིར་བོད་རིགས་མཁས་པ་དང་ཉམས་ཞིབ་པ། རྩོམ་པ་པོ་སོགས་གདན་ཞུས་ཀྱིས་བོད་ཀྱི་སྐད་ཡིག་སྐོར་ལ་བགྲོ་གླེང་དང་། ཟ་ཁང་དང་ཚོང་ཁང་སོགས་ཀྱི་སྒོ་བྱང་གི་ཡིག་ནོར་ཐེར་འདོན་བྱེད་པ་བཅས་ཀྱི་བྱ་འགུལ་འདྲ་མིན་གྱིས་རྒྱལ་སྤྱིའི་སྐད་ཡིག་ཉིན་མོ་སྲུང་བརྩི་བྱེད་ཀྱིན་སྐོར་དང་། ད་དུང་ང་ཚོ་ཚང་མས་ཕྱོགས་འདི་དག་ལ་ཤུགས་སྣོན་རྒྱག་དགོས་པའི་འབོད་སྐུལ་ཡང་ཞུས་སོང་།

དེ་ལས་མང་བ་། “བོད་ཀྱི་སྐད་ཡིག་གླེང་བ།” »

༢༡/༠༢/༢༠༡༢་ རེས་གཟའ་མིག་དམར།
གནས་ཚུལ་མཁོ་གཏོང་བ། གཅན་སྣང་བ་ཚེ་རིང་བཀྲ་ཤིས།་(ལྡི་ལི་མཐོ་སློབ།)

ལྡི་ལི་གཙུག་ལག་སློབ་གྲྭ་ཆེན་མོའི་ནང་སློབ་གཉེར་བྱེད་བཞིན་པའི་རྒྱ་གར་གཞོན་སྐྱེས་ཚོ་དང་བོད་པའི་སློབ་ཕྲུག་ཚོས་བོད་ནང་གི་ད་ལྟའི་ཛ་དྲག་གི་གནས་སྟངས་དེ་རྒྱ་གར་གཙོའི་འཛམ་གླིང་གི་རྒྱལ་ཁག་ཁག་གི་ནང་གསལ་སྟོན་དང་རྒྱ་ནག་གཞུང་གིས་བོད་ནང་དུ་འགྲོ་བ་མིའི་ཐོབ་ཐང་རྡོག་རོལ་བཏང་དང་གཏོང་བཞིན་པའི་ཚུལ་མིན་གྱི་བྱེད་ལས་ཁག་གང་མགྱོགས་མཚམས་འཇོག་ཡོང་ཕྱིར་ལྡི་ལི་གཙུག་ལག་སློབ་གྲྭ་ཆེན་མོའི་རྭ་བའི་ནང་གཞི་རྒྱ་ཆེ་བའི་ངོ་རྒོལ་སྐད་འབོད་དང་ཞི་བའི་གོམ་བགྲོད་ཅིག་བྱས་ཡོད། དེ་ཡང་མདོ་སྨད་རྔ་པ་ཁུལ་འཛམ་ཐང་བར་མ་ཡུལ་ཚོ་ཆོས་རྗེ་ཚོ་བའི་སྡེ་མི་རང་ལོ་ ༡༨ཡིན་པའི་སྣང་གྲོལ་ལགས་ཀྱིས།ཟླ་འདིའི་ཚེས་༡༩་ཉིན་རང་ལུས་མེར་བསྲེགས་བཏང་སྟེ། རྒྱ་ནག་གཞུང་གི་དྲག་གནོན་གྱི་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་ལ། ཕྱི་ལོ་༢༠༠༩་ལོའི་ཟླ་༢་པའི་ཚེས་༢༧་ནས་བརྩིས་ན་ད་བར་བོད་མི་༢༣་ལྷག་གིས་བོད་པའི་རྩ་དོན་གྱི་ཆེད་དུ་རང་ལུས་མཆོད་མེ་སྤར་ཡོད།

དེ་ལས་མང་བ་། “རྒྱ་གར་གཞོན་སྐྱེས་ཚོས་བོད་ཀྱི་རྩ་དོན་ལ་སེམས་ཁུར་དང་།བོད་མི་ཚོར་གདུང་སེམས་མཉམ་བསྐྱེད་ཀྱི་ལས་འགུལ་སྤེལ་བ།” »

དབུས་བོད་མིའི་སྒྲིག་འཛུགས་ཀྱི་གངས་སྐྱིད་སྤྱི་ཐབ་ཐོག་ཁང་དུ་སྤྱི་འཐུས་ཚོགས་གཞོན་མཆོག་གིས་བོད་མིའི་ཚེ་སྲོག་གིས་གླེང་བའི་བོད་དོན་སྒྲུབ་ཕྱོགས་ཞེས་པའི་དཔེ་དེབ་དབུ་འབྱེད་དང་འབྲེལ། བོད་པའི་རྩོམ་པ་པོ་ཚོས་རྒྱ་ནག་གི་འཁྱོག་བཤད་ལ་ཐེར་འདོན་བྱས་ཏེ། དངོས་ཡོད་གནས་ཚུལ་ལོ་རྒྱུས་དེབ་ཐེར་ནང་འགོད་གལ་ཆེ་སྐོར་གསུངས་སོང་ དེ་ཡང་ཕྱི་ཚེས་ ༢༡ ཉིན་གྱི་ཞོགས་པའི་ཆུ་ཚོད་ ༩།༣༠ སྟེང་གངས་སྐྱིད་སྤྱི་ཐབ་ཐོག་ཁང་དུ་གསར་འགོད་པ་བཀྲ་ཤིས་བདེ་ལེགས་དང་འཇིགས་བྲལ་བསྟན་འཛིན་གཉིས་ཀྱིས་རྩོམ་སྒྲིག་བྱས་པའི་༼ བོད་མིའི་ཚེ་སྲོག་གིས་གླེང་བའི་བོད་དོན་སྒྲུབ་ཕྱོགས། ༽ཞེས་པའི་དཔེ་དེབ་དབུ་འབྱེད་མཛད་སྒོ་ཞིག་ཚོགས་པའི་ཐོག མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་དང་། སྐུ་མགྲོན་དུ་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག གཞན་གསར་འགོད་པ་བཅས་མཉམ་ཞུགས་གནང་འདུག

དེ་ལས་མང་བ་། “བོད་མིའི་ཚེ་སྲོག་གིས་གླེང་བའི་བོད་དོན་སྒྲུབ་ཕྱོགས་ཀྱི་རྩོམ་དེབ་དབུ་འབྱེད།” »

སྤེལ་དུས། 2012-02-15 17:23:37 རྡེབ་ཚད། 336 ཡོང་ཁུངས། མཚོ་སྔོན་བོད་སྐད་རླུང་འཕྲིན་དྲ་བ།

བོད་མི་རིགས་ཀྱི་ཕུལ་དུ་བྱུང་བའི་གཟུགས་འདས་རིག་གནས་སམ་ངག་བརྒྱུད་རིག་གནས་ཉམས་པ་སོར་ཆུད་དང་མ་ཉམས་གོང་འཕེལ་གཏང་བ་དང་།བོད་ཀྱི་རྡུང་ལེན་སྒྱུ་རྩལ་དར་ཁྱབ་དང་དེའི་རྒྱུད་འཛིན་པ་གསོ་སྐྱོང་བྱེད་ཆེད། རྨ་ལྷོ་བོད་རིགས་རང་སྐྱོང་ཁུལ་ཧི་ནན་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ལྗོངས་རྒྱུ་ལྟ་སྐོར་ཅུའུ་དང་ཧི་ནན་རྫོང་རྩྭ་ཐང་དགེ་སྒྲུབ་ཚོགས་པ་གཉིས་ཀྱིས་མཉམ་དུ་སྒྲུབ་པའི་ཨ་མདོའི་རྡུང་ལེན་འགྲན་ཚོགས་ཆེན་མོ་དེ་ད་ལོའི་ལུགས་གསར་གྱི་ཟླ་གསུམ་པའི་ཚེས་གསུམ་ཉིན་ནམ་ལུགས་རྙིང་གི་ཟླ་གཉིས་པའི་ཚེས་བཅུ་གཅིག་ཉིན་ཧི་ནན་རྫོང་ཐོག་ནས་བསྡུ་རྒྱུ་ཡིན་པས། ས་གནས་སོ་སོའི་རྡུང་ལེན་ལ་དགའ་མོས་ཆེ་བའི་རྡུང་ལེན་པ་རྣམས་དུས་ལྟར་ཞུགས་པར་དགའ་བསུ་ཞུ།
གཅིག འགྲན་ཞུགས་ཆ་རྐྱེན་ནི་ཚིག་དང་དབྱངས་ལ་ཡར་སྐུལ་གྱི་ནང་དོན་ལྡན་ཞིང་།སྒྱུ་རྩལ་དང་བསམ་བློའི་རང་བཞིན་མངོན་པར་དོད་ཅིང་མདོ་སྨད་ཡུལ་གྱི་ཁྱད་ཆོས་གཙོ་བྱས་པའི་བོད་ཀྱི་རྡུང་ལེན་ཡིན་དགོས་ལ། འགྲན་སྡུར་ལ་ཞུགས་མཁན་གྱི་རྡུང་ལེན་པས་ངེས་པར་དུ་རང་ཉིད་ཀྱིས་དཀྲོལ་ལེན་བྱེད་ཤེས་དགོས་པ་དང་། འགྲན་ཞུགས་བརྩམས་ཆོས་ཀྱི་ཚིག་དང་དབྱངས་གསར་བ་ཡིན་པ་དང་མངའ་རིས་སྒྲ་སྙན་བཀོལ་མཁན་ལ་དམིགས་བསལ་གྱི་སྐར་གྲངས་ཁ་སྣོན་བྱ་རྒྱུ་ཡིན།

དེ་ལས་མང་བ་། “ཨ་མདོའི་རྡུང་ལེན་འགྲན་ཚོགས་ཆེན་མོ་བསྡུ་བའི་གསལ་བརྡ།” »

གནས་ཚུལ་འཁོ་སྤྲོད་པ་ཚངས་དབྱངས་རྒྱ་མཚོ། ༩༨༨༢༦༠༣༩༩༡ / ༨༦༧༩༠༤༤༤༠༥
མགོ་ལོག་པདྨ་རྫོང་ནས་ཕྱི་ཟླ་༡ཚེས་༡༦ནས་རིམ་བཞིན་ཞི་རྒོལ་རབས་དང་རིམ་པར་བྱུང་ཡོད་ལ། སྐབས་དེར་ས་གནས་ཉེན་རྟོག་པ་དང་། དམག་མིས་བཙན་གནོན་དང་། གཅར་རྡུང་། འཛིན་བཟུང་སོགས་བྱས་པ་སོགས་ཀྱི་གནས་ཚུལ་ཛ་དྲག་བྱུང་ཡོད་ལ། ལྷག་པར་དུ་ཕྱི་ཚེས་༡༨ནས་བཟུང་ཨ་སྐྱོང་ཇོ་ནང་པའི་ནང་ཆོས་ལུགས་ཀྱི་བྱེད་སྒོ་གཅིག་ཀྱང་སྤེལ་མི་ཆོག་པའི་བཙན་བཀའ་བཏང་ནས་ད་བར་དགོན་པའི་ནང་དུས་མཆོད་སོགས་གཅིག་ཀྱང་འཚོགས་ཐུབ་མི་འདུག ཕྱིར་ཨ་སྐྱོང་ཇོ་ནང་དགོན་པར་མཚོན་ན། ལོ་རྟག་པར་བོད་ཟླ་ ༡༢ ནང་ཉིན་ ༩ རིང་ཕུར་པའམ་དཔལ་ཆེན་རྡོ་གཞོན་ནུའི་སྒོ་ནས་སྒྲུབ་མཆོད་གལ་ཆེན་ཞིག་འཚོགས་སྲོལ་ཡོད་ལ།

དེ་ལས་མང་བ་། “ཨ་སྐྱོང་ཇོ་ནང་དགོན་པའི་ད་ལྟའི་གནས་སྟངས།” »

གནས་ཚུལ་སྤྲོད་མཁན། ཨ་ བཙན་པོ།
སྤྱི་ལོ་ ༢༠༡༢ ལོའི་ཟླ་ ༠༢ ཚེས་ ༡༩ ཉིན་ཚངས་དབྱངས་རྒྱ་མཚོ་ལགས་ཀྱིས་བཀོད་སྒྲིག་འོག་”བོད་མིའི་ཛ་དྲག་གི་འོས་ལངས་དང་བོད་དོན་འཐབ་རྩོད་ཀྱི་སྟོབས་ཤུགས་གླེང་བ”ཞེས་པའི་ཛ་དྲག་གི་བགྲོ་གླེང་སྐབས་བཀུར་འོས་མདོ་སྟོད་སྤྱི་འཐུས་ལི་ཐང་འཇམ་དབྱངས་བཟོད་པ་དང་། མདོ་སྨད་སྤྱི་འཐུས་བསོད་ནམས་རྒྱལ་མཚན། མདོ་སྨད་སྤྱི་འཐུས་རྨོག་རུ་བསྟན་པ། མདོ་སྟོད་སྤྱི་འཐུས་གངས་ལྷ་མོ། དབུས་གཙང་སྤྱི་འཐུས་ཤར་གླིང་ཟླ་སྒྲོན། རྩོམ་པ་པོ་བོན་རྒྱ་བསྟན་འཛིན་རབ་རྒྱས། ལོ་རྒྱུས་ཉམས་ཞིབ་པ་མཁན་པོ་འཇུ་བསྟན་སྐྱོང། ནོར་གླིང་མཐོ་སློབ་ཀྱི་ལོ་རྒྱུས་སློབ་དཔོན་ལྷ་ལུང་རྒྱལ། སཱ་ར་མཐོ་སློབ་ཀྱི་ལོ་རྒྱུས་སློབ་དཔོན་གཙང་ཕྲུག་སྟོབས་ལགས། ལོ་རྒྱུས་ཉམས་ཞིབ་པ་མགོ་ལོག་དམ་ཆོས་དཔལ་བཟང་དང་། དབུས་གཞོན་ནུའི་ཚོགས་གཞོན་དོན་གྲུབ་ལྷ་དར། བོད་རྒྱལ་ཡོངས་མང་གཙོ་ཚོགས་པའི་ཚོགས་གཙོ་འཆི་མེད་གཡུང་དྲུང་། རྡ་སའི་བོད་རང་དབང་སློབ་ཕྲུག་ཚོགས་པའི་ཚོགས་གཙོ་རྡོ་རྗེ་ཚེ་བརྟན། གོ་སྒྲིག་པ་ཚངས་དབྱངས་རྒྱ་མཚོ་བཅས་དང་།

དེ་ལས་མང་བ་། “བོད་མིའི་ཛ་དྲག་གི་འོས་ལངས་དང་བོད་དོན་འཐབ་རྩོད་ཀྱི་སྟོབས་ཤུགས་གླེང་བ” »

པད་མ་འབུམ།

ཨ་མདོའི་ཡུལ་གྲུ་མང་པོར། སྟོན་མོའི་སྐབས་སུ་ལེན་པའི་གླུ་རིགས་སུ། རྟོག་སྣང་གི་བློ་རྩལ་འགྲན་པའམ། ཡང་ན་བློ་རྩལ་དེས་འཇིག་རྟེན་གྱི་སྣང་ཚུལ་སྣ་ཚོགས་ལ་འགྲེལ་བཤད་རྒྱག་པའི་ཚུལ་དུ་ལེན་པའི་གླུ་རིགས་ཤིག་ཡོད་། དེ་ཡང་གཙོ་བོ་སྣང་ཚུལ་བྱེ་བྲག་པ་གཅིག་གླུ་རྐྱང་པ་གཅིག་ཏུ་ལེན་པ་དང་། སྣང་ཚུལ་འདྲ་མིན་ཁག་ཅིག་གླུ་ཚོགས་གཅིག་ཏུ་བྱས་ནས་ལེན་པ་རིགས་གཉིས་ཡོད་། དེ་ལས་གླུ་ཚོགས་ཤིག་ཏུ་སྲིད་པ་སྟེ། འཇིག་རྟེན་འདི་གང་ཟག་བྱེ་བྲག་པ་ཞིག་གི་ཚུལ་དུ་བཀོད་ཅིང་། དེ་ལ་བ་ཞིག་ཡོད་པ་བཤའ་བ་སྟེ། ཤའི་དོན་དུ་གསོད་པའི་གནས་སྐབས་དེ་ལ་བའི་ལུས་ཀྱི་ཆ་ཤས་རེ་རེ་ནས་འཇིག་རྟེན་གྱི་སྣང་ཚུལ་རེ་རེ་གྲུབ་ཚུལ་གླུ་རུ་ལེན་པ་དེ་ཨ་མདོའི་ཡུལ་གྲུ་མང་པོར་ཅུང་ཙམ་ཁྱབ་རྒྱ་ཆེ་བས་ན་གླུ་ཚོགས་འདི་ལ་སྲིད་པའི་བ་ཆུང་བཤའ་གླུ་ཞེས་གྲགས་ཆེ། མ་གཞི་གླུ་རིགས་འདིས་སྣོད་བཅུད་ཀྱི་འཇིག་རྟེན་ཏེ། རང་བྱུང་གི་འཇིག་རྟེན་ཁམས་འདི་དང་དེ་ལ་གནས་པའི་མིའི་སྤྱི་ཚོགས་ཀྱི་སྣང་ཚུལ་བཅས་ལ་འགྲེལ་བཤད་རྒྱག་པས་ན་ངག་རྒྱུན་དུ་གླུ་རིགས་འདི་ལ་སྲིད་པ་ཆགས་གླུ་དང་སྲིད་པའི་སྒྲུང་གླུ་ཡང་ཟེར་། སྐབས་འགར་སྲིད་པ་ཟེར་བའི་མིང་རྐྱང་འདིས་ཀྱང་གླུ་རིགས་འདི་སྟོན་པའི་སྐབས་ཡོད་དེ། དཔེར་ན། གླུ་སྲིད་པ་ཁ་མཚར་གླུ་ཤགས་གསུམ། 1 ཞེས་པའི་ཚིག་རྐང་འདིས་གླུ་རིགས་གསུམ་ཡོད་པ་སྟོན་ཅིང་། སྲིད་པ་ཞེས་པ་འདིས་ང་ཚོས་ད་ལྟ་གླེང་བཞིན་པའི་གླུ་རིགས་འདི་སྟོན་ནོ། གླུ་འདི་རིགས་ལེན་སྟངས་ནི་གླུ་པ་གཉིས་སམ། ཕོ་མོ་ཕྱོགས་གཉིས་ནས་ཕན་ཚུན་ལ་དྲི་བ་དྲི་ལན་གྱི་ཚུལ་གྱིས་ལེན་པ་ཡིན། དཔེར་ན། གོང་དུ་བཀོད་པའི་སྲིད་པའི་བ་ཆུང་བཤའ་གླུ་ཟེར་བའི་གླུ་ཚན་ཞིག་ལྟར་ན།

དེ་ལས་མང་བ་། “སྲིད་པ་ཆགས་གླུ་སོགས་ནི་གདོད་མའི་སྙན་ངག་ཡིན་ནམ།” »

དེ་རིང་བོད་དོན་ལས་འགུལ་བ་སྐོར་ཞིག་གིས་ཁེ་ལི་ཧྥོར་ནི་ཡ་མངའ་སྡེའི་སྤྱི་ཁྱབ་བྷི་རོང་དང་ཨ་རིའི་གཞུང་ཞབས་དག་གིས་རྒྱ་ནག་གི་མ་འོངས་པའི་སྲིད་འཛིན་ལ་ཐུག་འཕྲད་བྱེད་སའི་ཨན་ཇི་ལོའི་མེ་རོའོ་ཁྲི་གསོལ་མགྲོན་ཁང་གི་ཕྱི་ལོག་ཏུ་ཚོན་བཞི་བཅུ་ཅན་གྱི་འཕྲད་དར་ཐོག་ཏུ་ཞིན་ཅིན་ཕིན། བོད་ལ་རང་དབང་ཐོབ་ངེས་རེད་ཅེས་བཀོད་པ་ཞིག་གནམ་ལ་སྤུར་བ་དང་། འཕྲད་དར་དེ་ལྒང་ཕུག་ཆེན་པོ་གཉིས་ཀྱིས་གསོལ་མགྲོན་ཁང་གི་ཐོག་བརྩེགས་ལྔ་ནས་ཐུར་དུ་དཔྱངས་ཏེ་རྒྱ་ནག་གི་མ་འོངས་པའི་མགོ་ཁྲིད་ཀྱི་ཉིན་གཉིས་རིང་ལྟ་སྐོར་བྱེད་ཡུལ་དེར་བོད་རང་དབང་གི་ཁ་གཡང་མངོན་གསལ་དུ་བསྒྲགས་ལ། ལས་འགུལ་བ་དག་གིས་དགོང་མོ་དེར་ཞིན་ཅིན་ཕིན་གྱིས་ལེ་ཁིར་སའི་རྩེད་འགྲན་ལ་བལྟ་སའི་རྐང་འཛིན་སྡེ་ཁག་གི་ཕྱི་ལོག་ཏུའང་ལས་འགུལ་གོ་བསྒྲིགས་བྱས་ཡོད།

དེ་ལས་མང་བ་། “ལོ་སི་ཨན་ཇི་ལེ་སུ་(Los Angeles) རུ་ལྒང་ཕུག་གི་འཕྲད་དར་གནམ་ལ་སྤུར་ཏེ་ཞིས་ཅིན་ཕིན་ལ་ངོ་རྒོལ་བྱས་པ།” »

བོད་ཆུ་འབྲུག་ལོའི་ལོ་གསར་ཚེས་ ༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་མཆོག་གིས་དབུས་རྒྱུན་ལས་རྣམ་པ་དང་། རྡ་ས་དང་དེའི་ཉེ་ཁུལ་གྱི་ཕྱོགས་བཞུགས་སྤྱི་འཐུས་རྣམས་ཀྱིས་བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་ཟས་བཅད་ཞི་བའི་ངོ་རྒོལ་སྤེལ་རྒྱུ་ཡིན་འདུག

དང་པོ། སྔ་དྲོ་ཆུ་འབྲུག་ལོའི་གནམ་ལོ་གསར་བཞད་ལ་ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན་ཆེན་པོ་སྤྱི་ནོར་༧གོང་ས་༧སྐྱབས་མགོན་༧རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དབུ་བཞུགས་ཀྱིས་དཔལ་ལྡན་འདོད་ཁམས་དབང་ཕྱུག་མའི་ཚེས་གཏོར་དང་། རྟེན་འབྱུང་མཛད་སྒོ་གྲུབ་འཕྲལ་ཆུ་ཚོད་ ༡༠།༠༠ ནས་ཟས་བཅད་ཞི་བའི་ངོ་རྒོལ་གྱི་ལས་འགུལ་དབུ་འཛུགས་ཞུ་རྒྱུ།

གཉིས་པ། ཐོག་མར་བོད་ཀྱི་ཟློས་གར་ཚོགས་པས་བོད་རྒྱལ་ཁབ་ཆེན་པོའི་རྒྱལ་གླུ་རྔ་རོལ་དང་བཅས་འབུལ་རྒྱུ།

དེ་ལས་མང་བ་། “ཆུ་འབྲུག་ལོ་སར་ཚེས་གཅིག་གི་སྤྱི་ལྷན་གྱི་ཟས་བཅད་ཞི་བའི་ངོ་རྒོལ་གྱི་མཛད་རིམ།” »

འདི་ས་ཁུལ་ཞིག་གི་རྒྱལ་བོ་རེད་དམ་། ཡང་ན་ཕྱི་གླིང་ན་ཡོད་པའི་དེང་རབས་བླ་མ་ཞིག་རེད། པར་འདི་དང་ཡང་ན་མི་འདིར་རྒྱུས་མངའ་ཡོད་མཁན་རེ་ཡོད་ན་འགྲེལ་བཤད་རེ་བྱེད་རོགས།

དེ་ལས་མང་བ་། “འདི་རྒྱལ་བོ་རེད་ཡང་ན་བླ་མ་རེད།” »

ཕ་ཡུལ་བོད་མདོ་སྨད་མགོ་ལོག་དབལ་ཤུལ་གསེར་རྟའི་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་མཆོག་ཕྱི་ལོ་༢༠༡༢་ལོའི་ཟླ་༢་ཚེས་༡༥་ཉིན་གྱི་མཚན་མོའི་བོད་ནང་གི་ཆུ་ཚོད་༡༡་ཐོག་གསེར་རྟ་རྫོང་གི་རང་ཁྱིམ་ནས་རྒྱ་གཞུང་མི་སྣས་བཙན་ཁྲིད་བྱས་འདུག དེ་ཡང་ཁོང་བཙན་ཁྲིད་བྱེད་མཁན་ནི་དཀར་མཛེས་ཁུལ་གྱི་ཉེནརྟོག་མི་སྣ་དང་། གསང་བའི་མི་སྣ། དེ་བཞིན་གསེར་རྟ་རྫོང་གི་ཉེན་རྟོག་མི་སྣ་དང་། གསང་བའི་མི་སྣ་སོགས་ཁྱོན་མི་གྲངས་༢༠་ཙམ་ཡོད་པ་དང་། དེའི་ཁོངས་སུ་གསེར་རྟ་རྫོང་གི་ཉེན་རྟོག་ལས་ཁུངས་ཀྱི་མགོ་གཙོ་དང་། གསང་བའི་ལས་ཁུངས་ཀྱི་མགོ་གཙོ་བཅས་ཡོད་པར་མ་ཟད། གསེར་རྟ་རྫོང་གྲོང་གི་ཆ་ཚང་སློབ་གྲྭ་ཞེས་པའི་སློབ་ཆུང་ཞིག་ཡོད་པ་དེའི་མགོ་གཙོ་ཆོས་དར་ཟེར་བ་དེ་ཡང་དེའི་ཁོངས་སུ་སླེབས་ཡོད་འདུག

དེ་ལས་མང་བ་། “རྒྱ་གཞུང་གིས་བོད་ཀྱི་རྩོམ་པ་པོ་ཞིག་གསང་བའི་འཛིན་བཟུང་།” »

དེ་ལས་མང་བ་། “རྩམ་པའི་གསར་བརྗེ།” »

དེ་རིང་ཕྱི་ཚེས་ ༡༧ ཉིན་གྱི་བོད་ནང་གི་ཞོགས་པའི་ཆུ་ཚོད་ ༦ ཙམ་ལ། མདོ་སྨད་མཚོ་སྔོན་ཐེམ་ཆེན་རྫོང་སེང་གེ་ཞང་རུ་ཁག་གཉིས་པའི་གྲྭ་དམ་ཆོས་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་པ་དང་། ཁོང་ནི་བོང་སྟག་དགོན་པའི་དགེ་བསྐོས་ཟུར་པ་དང་དགོན་པའི་དཔེ་ཁྲིད་དགེ་རྒན་དང་། དགོན་པ་དེའི་ཆོས་ལུགས་དོ་དམ་ཚོགས་པའི་འཐུས་མི་ཡང་ཡིན་འདུག ད་ལྟ་བོང་སྟག་དགོན་པར་རྒྱ་ནག་ཉེན་རྟོགས་དམག་མིའི་དམ་དྲག་ཤུགས་ཆེན་པོ་བྱས་ཡོད་པ་དང་། ལམ་མདོ་ཁག་ཏུ་དམག་མིས་བཀག་སྡོམ་བྱས་ཏེ་མང་ཚོགས་ཡར་དགོན་པའི་ནང་འགྲོ་བསྐྱོད་བྱེད་འཇུག་གི་མེད་པ་མ་ཟད། ས་ཁུལ་དེའི་ནང་ཁ་པར་སོགས་བརྡ་འཕྲིན་བརྒྱུད་ལམ་ཆ་ཚང་བཀག་སྡོམ་བྱས་ཡོད་འདུག

དེ་ལས་མང་བ་། “དགེ་སློང་དམ་ཆོས་ལགས་ཀྱིས་རང་ལུས་མེར་བསྲེགས་བཏང་བ།” »

གཅན་ཡེ་རྒྱམ།
རྒྱ་ནག་གི་སྲིད་འཛིན་གཞོན་པ་ཞི་ཅིན་ཕིང་ཕྱི་ཟླ་གཉིས་པའི་ཚེས་༡༣ ནས་འདི་ག་ཨ་མེ་རི་ཀར་འཚམས་འདྲིར་སླེབས་པའི་སྐབས་དང་བསྟུན་རྒྱལ་ས་དང་ནེའུ་ཡོག་མངའ་ཁུལ་གྱི་བོད་མིའི་ཚོགས་པ་ཁ་ཤས་ཀྱིས་ཞིས་ཅིན་ཕིང་ལ་ངོ་རྒོལ་སྐད་འབོད་ཤུགས་ཆེན་བྱས་ཡོད་རེད།

དེ་ལས་མང་བ་། “ཨེའོ་ཝ་ས་གནས་སུ་ཞིས་ཅིན་ཕིང་ལ་ངོ་རྒོལ་བྱས།” »

རྨ་མགུར་སངས་རྒྱམ།

རྒྱ་ནག་གི་འགོ་ཁྲིད་མཐོ་ཤོས་སུ་ཆགས་རྒྱུ་ཡིན་པའི་ཞི་ཅིན་ཕིང་ནི། ཉེ་ཆར་ཨ་རིར་ཉིན་ལྔའི་ལྟ་སྐོར་དུ་བསྐྱོད་ནས་གྲོང་ཁྱེར་ཝ་ཤིན་ཏོན་དང་། མངའ་སྡེ་ཨོ་ཝ། མངའ་སྡེ་ཁ་ལེ་ཧྥོར་ལེ་ཡ་བཅས་སུ། ཨ་རིའི་སྲིད་འཛིན་ཨོ་རྦ་མ་དང་། སྲིད་འཛིན་གཞོན་པ་ཇོལ་རྦ་སྒྲེན་དང་། གནད་ཡོད་མི་སྣ་སོགས་ལ་ཐུག་འཕྲད་གནང་ནས་རྒྱལ་ཁབ་གཉིས་བར་གྱི་མཛའ་བརྩེའི་འབྲེལ་བ་གཏིང་ཟབ་ཏུ་གཏོང་བ་དང་། དངོས་ཡོད་ཀྱི་ཚོང་འབྲེལ་མཉམ་ལས་ལ་དབྱེ་ཞིབ་བྱེད་པ། ཕན་ཚུན་གཉིས་ཀྱི་ཡིད་ཆེས་ཀྱི་འཐབ་ཇུས་གསར་བ་འཛུགས་སྐྲུན་བྱེད་པའི་ཐོག་ལ་གྲོས་མོལ་བྱེད་པའི་བསམ་ཚུལ་བརྗེ་རེས་བྱས་ཡོད་པ་དང་། སྐབས་དེར་ཕོ་བྲང་དཀར་བོའི་མཐའ་སྐོར་དུ་མངའ་སྡེ་ཁ་ཤས་ནས་ཕེབས་པའི་བོད་རིགས་༥༠༠་ལྷག་གིས་གཙོ་བོར་གྱུར་བའི་རྒྱ་གཞུང་གི་སྲིད་ཇུས་ལ་ངོ་རྒོལ་བྱེད་པའི་ཡུ་གུར་མི་རིགས་དང་། རྩ་རླུང་ཆོས་འཁོར་སྒོམ་སྒྲུབ་ཀྱི་མི་སྣ་དང་། ཡུ་ཤི་ཆོས་ལུགས་རྒྱབ་སྐྱོར་བ་སོགས་ཀྱིས་སྐད་འབོད་ཁྲོམ་སྐོར་གཟབ་རྒྱས་ཤིག་གནང་སྟེ། རྒྱ་གཞུང་གིས་མི་རིགས་ཁག་གི་རང་དབང་དང་ཆོས་ལུགས་དང་གཏམ་བརྗོད་ཀྱི་རང་དབང་སོགས་རྩ་མེད་དུ་གཏོང་བཞིན་པའི་སྲིད་ཇུས་དང་། ཉེ་ཆར་གྱི་བོད་ནང་གི་ཛ་དྲག་གནས་བབ་བཅས་ལ་ངོ་རྒོལ་ཤུགས་ཆེན་བྱས་ཡོད།

དེ་ལས་མང་བ་། “ཞི་ཅིན་ཕིང་གི་ཨ་རིའི་ལྟ་སྐོར་དང་བོད་ཀྱི་ངོ་རྒོལ།” »

ཨ་རིའི་གྲོས་ཚོགས་ཀྱི་ཚོགས་ཆུང་ཞིག་ནས་བོད་ནང་དོན་དངོས་ཀྱི་ཞི་བདེ་ལྷིང་འཇགས་ཡོང་ཐུབ་ཆེད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལས་ལྷག་པ་སུ་ཞིག་མེད་སྟབས། རྒྱ་ནག་གཞུང་ནས་༧གོང་ས་མཆོག་ལ་སྐྱོན་བརྗོད་ཁོ་ནར་བྱས་དང་བྱེད་མུས་ཡིན་པ་དེའི་ཚབ་ཏུ་དངོས་ཡོད་གནས་ཚུལ་ངོས་འཛིན་གྱིས་བོད་མིའི་ཐོབ་སྟངས་ལྟར་བོད་ལ་མིང་དོན་མཚུངས་པའི་རང་སྲིད་རང་སྐྱོང་སྤྲོད་དགོས་པའི་རེ་འདུན་བཏོན་འདུག

དེ་ཡང་གསར་འགྱུར་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། ཨ་རིའི་གྲོས་ཚོགས་ཀྱི་སྟངས་འཛིན་འོག་ཡོད་པའི་གྲོས་ཚོགས་ཀྱི་འཐུས་མི་ལས་གྲུབ་པའི་རྒྱ་ནག་ལས་དོན་ཚོགས་ཆུང་གིས་རྒྱ་ནག་གི་སྲིད་འཛིན་གཞོན་པ་ཞི་ཅིན་ཕིང་ཨ་རིར་ལྟ་སྐོར་དུ་སླེབས་པ་དང་སྟབས་བསྟུན་ཚོགས་ཆུང་དེའི་ཚོགས་གཙོ་ཁ་སི་ཊོམ་ཁ་རི་དང་ཤཱ་རི་བྷོ་རོན་རྣམས་གཉིས་ནས་ཕྱི་ལོ་ ༢༠༡༢ ཟླ་ ༢ ཚེས་ ༡༤ ཉིན་ཡོངས་ཁྱབ་གསལ་བསྒྲགས་ཤིག་སྤེལ་ཡོད་པའི་ནང་འཁོད་དོན།

དེ་ལས་མང་བ་། “བོད་ལ་མིང་དོན་མཚུངས་བའི་རང་སྐྱོང་སྤྲོད་དགོས།” »